اماني الياسمين انت دائي ودوائي الجزء الاول ج٢

 

رنا من اعداد الطعام ووضعته على السفره ونادت على حمزه وبدأوا فى الطعام والصمت كان ثالثهم
التفت حمزه الى رنا التى كانت واضعه رأسها فى طبقها وقال: مالك
رنا: مفيش
حمزه وقد ترك طعامه : رنا عشان نكون متفاهميسن ومانتعبش مع بعض انا مبحبش اتحايل على حد ،هقولك مالك تردى علطول،مش هترد مش هسأل تانى
رنا بهدوء : انت عارف ياحمزه انا ساعات كتير بخاف منك ،مش بفهمك
حمزه وقد أستدرك انه أغضبها: معقول تخافى منى يا دره ،وتخافى ليه اصلاً
رنا: معرفش ياحمزه ،احنا بنكون بنتكلم عادى فجأه الاقيكى قلبت وبخاف منك اوى
حاوحمزه تصنع الهدوء وقال: رنا حبيبتى ،انا مش بخوفك بس لازم تعرفى انى لما بقول على حاجه ما بحبش حد يناقشنى
رنا بحزن: حاضر
وضع حمزه يديه على يديها وقال: رنا ،انتى زعلانه
هزت رنا رأسها نافيه
قام حمزه من على كرسيه وسحبها لتقف امامه ووضع يديه على وجنتيها وقال: رنا ،اوعى تخافى منى انا أمانك ،انتى قلتى كده
رنا: حاضر ياحمزه
حمزه: لسه زعلانه
رنا: انا عمرى ما أزعل منك ياحمزه
آبتسم حمزه وأقترب منها وقبلها قبله طويله على شفتيها تركتها منقطعة النفس وبعدها قالت بصوت أجش: لولا ان فى ناس جايه كنا أكلنا الحلو
أبتسمت رنا وقالت: طب سبنى عشان اشيل الاكل ونلحق نجهز
حمزه: روحى ياحبيبى ، روحى بدل ما أغير رأيى
أبتسمت ورنا وبدأت فى رفع الأطباق من على السفره ودخل حمزه الى الشرفه ليدخن سيجاره
رتبت رنا المطبخ ثم ذهبت الى غرفتها وبدلت ملابسها بعبائه من اللون النبيذى وارتدت عليه حجاباً رقيقاً من اللون النبيذى والسكرى وقفت تعدل حجابها عندما دخل حمزه الغرفه مبتسماً
أبتسم حمزه وقال: قمر ،والله قمر انا متجوزه قمر
أبتسمت رنا وقالت: كداب أوى
حمزه مقترباً منها ومحاوطه بذراعيه وقال: اممم ،كداب لولا الناس الى جايين كنت حاسبتك حلو اوى ع الكلمه
فكت رنا ذراعيها من حولها وقالت: روح ياحمزه غير الناس على وصول
حمزه: هغير بس فين هدومى
رنا ببراءه: ف الدولاب
حمزه: ياصلاة النبى الختم ف الدرج …. مانا عارف انهم فى الدولاب بس المفروض انك تحضريهم وتحطى لى غيار ف الحمام ولازم تبقى عارفه ايه الى بلبسه الصبح والى بلبسه لو خارج خروجه مش رسمى
رنا: بتتكلم بجد
حمزه: امال انا بهزر ، لازم تتعلمى ممكن تسألى دنيا هى عارفه وممكن تعرفك
وضعت رنا يديها على خصرها وقالت : وهى رنا كانت بتحضرلك غيارك الداخلى
حمزه: ايوه ،وياله عشان منتأخرش
دخل حمزه الى احمام تاركاً رنا تضر.ب بقدمها ف الأرض كالأطفال من الغيظ
فتحت رنا دولاب حمزه وسحبت غياراً لحمزه ثم جهزت له بنطلون وتى شيرت شعرت انهم مناسبين للمناسبه
طرقت رنا الباب على حمزه فقال لها من الداخل: أدخل
دخلت رنا وهى فى قمة خجلها وعلقت ملابسه بسرعه وخرجت وهو يضحك مقهقهاً على خجلها

………………………….

جاء دنيا وعماد الى منزل حمزه ورنا ، استقبلهم حمزه وبعدها خرجت رنا ،كانت هذه اول مره تقابل فيها رنا عماد فصحيح انه كان متواجد بالفرح ولكن لم بتسنى لها التعرف عليه ،كان عماد النقيض لدنيا فهو طيب دمث الأخلاق ذو وجه طفولى وأستعجبت كيف يكون هذا الزوج الطيب زوج المتوحشه دنيا والاهم انها لاحظت انه يحبها بل يعشقها وذلك واضح فى كل ملامحه ،فكانت عندما تتحدث او تضحك كان يتطلع الى وجهها وكأنه سيختبروا ف ملامحها

دنيا : عرفت ياحمزه ان سيف الجيار هيفتح فرع تانى لشركته وعامل افتتاح وبعتلك دعوه
حمزه: والله طب كويس ،هيكون امتى
دنيا: يوم ١٤
حمزه: طب كويس نكون رجعنا
دنيا: ليه رايحين فين
وضع حمزه يديه على كتف رنا الجالسه جمبه وقال: هنكمل شهر عسلنا وهنروح شرم
دنيا: يعنى تسيبوا المالديف وتيجوا تروحوا شرم
وهنا تدخل عماد وقال بصوت هادئ: ايه يا دنيا هما حرين ،يمكن هما عايزين يروحوا شرم
قالت دنيا بأرتباك: ايوه…. مهو … أصل مقليش احجزله
حمزه: لأ مانا كلمت احمد شريف وحزلى ف قريته
دنيا بغضب لم تستطييع ان تخفيه: دانت كنت ناوى بجد ماتقولش انك جيتوعشان كده حجزت من غير ما ترجعلى
حمزه وهو يجز على أسنانه: دنيا…. انا تعبتك كتير معايه فى ترتيبات الفرح وكنت حابب اريحك مش قصدى الغيكى
دنيا بغضب: واضح

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى