اماني الياسمين انت دائي ودوائي الجزء الاول ج٢

نظر لها حمزه بابتسامه: اه اتنين عشان تعرفى بس ان حمزه الانصارى مش زى اى حد الطلعه عنده باتنين
أبتسمت رنا بخجل فقال لها: هو فى حامل تتكسف ،احنا أتفضحنا يارنا ،امى فضحتنا أهمد ياحمزه أهمد ياحمزه لما شكلى مش هتقوم لى قومه ،الحمد لله انهم تؤام عشان شكل مفيش غيرهم
لم تتمالك نفسها رنا فقهقهت ضاحكه بشده بصوت عالى وشاركها حمزه ولم يقاطعهم الا صوت طرقات غاضبه على الباب وزينب تنادى بغضب: حمزه
رفع حمزه حاجبيه وقال: شفتى ،اهى دلوقتى تقولى اهمد
كتمت رنا ضحكتها بيديها وقالت: روح افتح بسرعه
حمزه: حاضر هفتح واسمع الكلمتين
………………….
مرت الايام ومر الشهر التالت وزارت رنا الطبيبه التى طمأنتها جزئياً ان حالتها مستقره حتى الآن ، هذا الشهر مر صعب جداً على كل البيت فرنا لم يفارقها الغثيان رغم الادويه وصاحبها مزاج غريب اصبحت تكره فيه أشياء كانت فى السابق تحبها بشده وتحب اشياء كانت تكرهها بشده وهذا كان نصيب حمزه من التعب فتاره تطلب منه الشئ وبعدما يلبى طلبها تصرخ به ان يخرجه من الغرفه لانها لاتحتمل رائحته وعندما يخبرها انها هى من طلبته تبكى بشده ولا تعرف السبب لدموعها وتلعن الهرمونات اللعينه التى تقلب مزاجها وبعدها حصلت الطامه الكبرى عندما استيقظت من النوم ووجدت حمزه يعدل رابطة عنقه امام المرآه فقالت قبل صباح الخير : حمزه ،ايه الريحه دى
التفت حمزه لرنا متعجباً وقال: الناس تصحى تقول صباح الخير
رنا: حمزه ريحة ايه دى
حمزه: فى ايه يا رنا ،ريحة البرفيوم بتاعتى
رنا: ايف دى ريحتها وحشه اوى ،من فضلك ماتحطهاش تانى بتقلب لى بطنى
حمزه: نعم ياختى انتى عارفه دى ايه (……) عارفه دى بكام ، دى برفيوم مش اى حد يحطها
رنا: ملييش دعوه ،ريحتها قلبت بطنى
زفر حمزه وسحب سترته وقال بغضب: حاضر يا رنا ،حاضر مش هحطها تانى ،حاجه تانيه تحبى اروح ابات فى الاو.ضه التانيه مهو انا كان عندى احساس ان الحمل ده مش هيجى غير على دماغى … سلام
وخرج صافقاً الباب خلفه لتدخل بعدها السيده زينب بصينيه الفطار كمل يوم فهى اصرت على رنا ان تاكل وجباتها الثلاث فى السـ,,ـرير ولا تتحرك من مكانها ابداً الا لدخول الحمام ، قامت زينب بكل اعمال المنزل لا تكل ولا تمل بل بالعكس كانت سعيده وتصر على رنانترتاح حتى يكمل حملها بخير
اليوم اول الشهر الخامس لرنا وموعد الزياره الشهريه للطبيبه واليوم ستكون موعد معرفة جـ,,ـنس المولد او المولدين ، كانت زينب متأكده من جـ,ـنس المولد لرنا فدائماً تخبرها ان حجم وشكل تكويرت بطنها تدل على وجود الصبيه ،حتى ولو لم يكن كلاهما صبى فعلى الاقل سيكون احدهما ولكن الأكيد ان هناك صبى فى الطريق
كشفت الطبيبه على رنا وبعدما رات تحاليلها الشهريه ،طلبت منها ان تذهب لغرفة الاشعه التلفزيونيه وهنا كانت المفاجأه ،أخبرتهم الطبيبه ان جنـ,,ـسى المولدين الاتنين بنات …………..
#أنت دائى ودوائى


