بقلم اماني الياسمين الجزء الثالث من دائى ودوائى فداويني بتريقاك

عندما شعر أن حديثهم سيقودهم لحوار كل مره فقال مغيراً الموضوع : مش داليا أتصلت عزمتنى على خطوبتها
(داليا أختى ؟!)
( أها ..)
( وتعزمك بصفتك أيه )
فوضع أصبعه أمام فمه متظاهراً بالتفكير وقال : يعنى ممكن نقول مبدئياً خطيب أختها
فأعادت كلماته ببلاهه : خطيب أختها
فقال مؤكداً : ولو أنى بفضل لقب جوز أختها أكتر
فقالت من بين أسنانها : حساااااام
فنظر لها وهو يلاعب حاجبيه بعبث لا يظهر ألا معها : قريب أوى هيبقى من حقى أقول كل إلى أنا عايزه من غير ما تسكتينى ……………………………………………………………………………………………………………………………..
شعرت ليلى بشئ لذيذ يدغدغ بشرتها وهى نائمه فحاولت أن تفتح عينيها ولكن أحساسها بالأستمتاع جعلها تأبى أن تفتحهم وتستسلم بهذا الشعور الرائع ولكن لحظه ..عطره ..نعم هى رائحته التى تستطيع أن تميزها من ضمن آلاف الروائح ..فتحت عينيها بهدوء فوجدت وجهه فارس قريب منها فأبتسم لها قائلاً : صباح الخير أميره ليلى
فردت له أبتسامته قائله : أنت جيت أمتى
أجابها وهو يطالعها بنظرات لا تخفى شوقه وقال وهو يعدل من حمالة قمـ,,ــيص نومـ,,ــها الرفيعه التى سقطت عن كتفيها وقال : حالاً
(حمد لله على السلامه )
فنظر لها ثم غمز بأحدى عينيه: حاف كده
فرفعت ذراعيها حول عنقه ثم قبلته قبله خجوله على أحدى وجنتيه و كان ستبتعد لولا أنه أمسك بذراعيها : وقال : هو ده مفهومك عن البوس ..لا أنا كده مقصر كتييير ..ولازم أعوض التأثير

بعد لحظات قصيره أبتعد عنها وهو يلهث ونظر لها ثم أبتعد عنها وهو يسحب ملابسه بعنف من على الأرض وتوجهه إلى الحمام ولكن قبل أن يدخل إلى الحمام نظر لها وقال : على فكره أنا قررت أتجوز
ودخل إلى الحمام قبل ان يسمع شهقتها المتألمه ……………………………………………………………………………………………………………….

فصل طويل مليئ بالأحداث وجزء خاص بحمزه مصالحه منى للغياب الكتير …. أظن كده أنا عملت إلى عليه ..حابه أنى أنوه على حاجتين أولهم تخصنى والتانيه تخص الروايه
الأولى : أن الناس الى تعرفنى على الصعيد الشخصى تعرف أنى دلوقتى بئه عندى شغل مش زى الأول متفرغه فبكده زاد الضغط عليه ..بيت وولاد وزوج وشغل وطبعاً ده مش مخلى وقتى سامح زى الأول فعشان كده بضطر أعتذر غصب عنى مع أن دى اكتر حاجه بحبها فى الدنيا ونفسلى أفضل أكتب طول الوقت بس للأسف مفيش وقت وده غلى بيخلينى اعتذر كتير فياريت ماتزعلوش منى
الثانيه : ده عن الروايه من الجزء الى جاى هيكون فى تناول للمواضيع لجريئه الى كنت نوهت عنها ف الأول فياريت زى ما نبهت إلى مش بتحب المواضيع الجريئه أو إلى دون ال14 يتوقفوا عن الروايه
أتمنى لكم قراءه ممتعه ولا تنسوا التعليقات وإلى هتقول قصيره ربنا يوعدها بجلبيه تكون بتحبها تدخل الغساله تكش وتقصر وتبقى بلوزه
#أمانى_الياسمين

( الفصل السابع )
وصل يوسف إلى أسفل البنايه التى تقطن بها مريم وأوقف السياره دون أن يتحدث بأى كلمه ..هى أيضاً أحترمت صمته ولم تفتح معه حديث ولكن مع أستمرار صمته وجدت نفسها تناديه بتوجس : يوسف
نظر لها فهالهه ما رأته فى نظرة عيونه من ضياع وتشتت …….. فيوسف قادر على التحول من رجل عابث من الدرجه الأولى إلى طفل ضائع ينفطر قلبك من أجله وخصوصاً قلبها لا يحتمل هذه النظره منه
شعرت أنها يجب أن تقول له شيئاً فقالت : أنت غيرت رأيك فى موضوع السفر صح ؟
فهز رأسه نافياً وقال : لأ ما غيرتش رأيى … أنا وعدك أنى هسافر معاكى وكمان وعدت روجيدا فما ينفعش أنى أرجع فى كلامى ..ثم أكمل بتهكم : أنا رغم كل أخطائى ألا أنى بحافظ على وعودى
سكتت قليلاً وعلمت أنه يقصدها هى بمن يخلفون وعودهم فقالت : أنا عمرى ما خلفت وعدى معاك يا يوسف
فهز كتفيه وقال : ( هو حد جاب سيرتك دلوقتى .. )
فقالت من بين أسنانها : يوووسسسف …من فضلك لو عايز تقول حاجه قولها مباشرة من غير لف ولا دوران
نظر أليها قليلاً وقال : مش عايز أقول حاجه يامريم …. أنا هظبط مواعيدى وهحجز نسافر آخر الأسبوع مصر وبعدها …….
وترك جملته معلقه فسألته تستحثه على الحديث : وبعدين ايه ؟
فهز كتفيه وقال : وبعدين كل واحد يشوف حياته يامريم
( أنتى ليه رسمت أنى خلاص أستقرت فى مصر وأن علاقتنا أنتهت ببعض أنا لسه بدرس العروض وهختار مين أحسن بالنسبه لى )
أبتسم بسخريه وقال : مش هتفرق يامريم
فقالت بصوت غاضب : أنا ممكن ما أسيبش هنا
فنظر لها وقال : وممكن تسيبى … وممكن تنقلى حياتك كلها هناك لو أوفر الشغل عجبك صح ؟
وقبل أن تجيبه أدار وجهه وقال : مش مهم يامريم …أن بتمنالك أنك تتوقفى سواء هنا أو هناك
ضمت قبضتها ولكمته فى كتفه بشده وقالت بقهر : كتر معاشرتك للأمريكان بقيت بارد زيهم بالظبط
ثم خرجت من السياره وصفقت بابها بعنف اودعت فيه كل غضبها ……………………………..
نظر لها يوسف وهى تتحرك بأتجاه بنايتها بعصبيه وقال بصوت خفيض : good bye marim
………………………………………………………………………………………………………

عندما خرج فارس من الحمام وجد ليلى مازالت على حالها ممده على السـ,,ــرير رأسها على الوساده ومغطاه بغطاء خفبف يخفى جسدها
نظر أليها فوجدها وجهها شاحب فشعر بالذنب فهو لم يكن ينتوى أن يخبرها بأنه من فتره وهو يفكر بأن يتزوج بأخرى ولكنه تعب ..تعب ..هو بالنهايه رجل ويريد أن يشعر بأمرأته والحل أمامه أما بالزواج أو باللجوء إلى الحرام كما فعل
يشعر أن ما حدث خطأ كبير ولكن ماذا يفعل لذلك لابد أن يتزوج ليحصن نفسه
أقترب منها زربت على كفها المستريح بجانبها وقال برفق : ليلى
لوهله شعر أنها لم تسمعه ولكن حركة عيونها أعلمته أنها سمعته فكرر ندائه مره أخرى ,فأدارت وجهها أليه وقالت بصوت خفيض : أمشى ؟!
أن كان سؤال أو تقرير فكلاهما جرحه بشده فوجد نفسه يقفز وبحركه واحده سحبها إلى حضنه وقال : لا عشت ولا كنت لو خرجتك من بيتك
أرادت أن تصرخ أو تبكى ولكن حتى رفاهية البكاء هى لا تملكها ..من الجائز أنها فقدتها مع كل ما فقدته فى عمرها فحياتها سلسله من الفقد بدأت بأب وأم تذكر ملامحهم بالكاد مروراً بجيران وأطفال أصدقاء طفولتها تفقدهم لأنتقالها للعيش مع أحد أخوالها ليقرر بعد أستقرارها أنها فى سن لا يسمح لها أن تمكث معه وله من الشباب أربع أبناء وينتهى بها الحال إلى الجده المسنه والتى رغم كبر سنها الأ أنها شديدة الطباع فتتقولب ليلى فى قالب الفتاه الجامده … لا تبكى بسهوله أو لا تبكى أبداً فلو زرفنا الدمع على كل غالى فقدناه فلن تجف عيوننا أبداً لذا حرم الدمع على عيونها
رفعت رأسها تنظر لفارس زوجها وحبيبها وكل ماتبقى لها من الدنيا ومن الواضح أنه سيكون آخر خسارتها وقالت بصوت رغم تماسكها خرج متألم : مش هستحمل واحده تانيه تشاركنى فيك يافارس
سكت ونظر لها وود لو يوعدها أنه لن يكون هناك آخرى ولكن معنى ذلك أن يظل يعاشر نساء بالحرام وهو لا يريد ذلك فلا يعلم بما يرد عليها فكررت هى كلامها : مش هستحمل ..همـ,,ــوت يافارس
فأبتلع غصه فى حلقه وقال : ماهو أنتى ………..
فوضعت كفه على شفتيه وقالت : أنا بحبك ……. بحبك لدرجة أنى بعترف أنى بغير من مامتك عليك ومش هستحمل أعيش معاك وتقاسمنى فيك حد تانى ….مش هستحمل أبقى عارفه أن فى غير خدت مكانى فى حضنك
وبدون أن يجيبها أراحت رأسها على صدره وقالت وهى تتنهد : أنا تعباانه …سبنى أنام فى حضنك ولو لآخر مره
فربت على رأسها وقال : نامى يا ليلى …بس دى مش آخر مره تنامى فيها فى مكانك
وفهمت أن يقصد بمكانها هى بين ذراعيه ولكنها أقسمت بداخلها ان شاركتها أخرى فيه فلن تمكث معه لدقيقه واحده ففارس لها بأكمله وأن لم كن لها وحدها فلن يكون لها أبداً …………………………………………………………………………………………………….

فتحت خلود باب شقتهم ووضعت يديها على ظهر بنان برفق وهى تقول : أتفضلى أدخلى
نظرت لها بنان بعينيها الزرقاء التى حاوطتها الهالات السوداء فظهر سوادهم بشده وقالت بتوتر : أنا ….
فقالت خلود : أنا عارف أن البيت مش قد المقام بس…
فقااطعتها بنان قائله : أزاى تقولى كده ..أنا بس مكسوفه أهلك هيقولوا أيه
وكأنها أستدعتهم فخرجت فتاه فى سن المراهقه شعرها متناثر حولها وقالت بشبه صريخ : تعالى شوفى لك حل مع ليلى يا أبله خلود
وخرجت من خلفها طفله صغيره تكاد تكون فى الخامسه وهى تقول : أبله خلود هى إلى غلطانه
ثم تناقروا كالديوك وكل واحده منهم تتحدث بصريخ ولم يتوقفوا إلا عندما وضعت خلود أصبعيها فى فمها وأصدرت صفيراً جعلهم يصمتوا ..ثم دفعت بنان وأغلقت الباب خلفها وألتفت لها وقالت : شفتى بأه أهلى غلى أنتى خايفه تزعجيهم ..يزعجوا بلد بحالها
أبتسمت بنان بوهن وقالت : بس والله دول لطاف أوى
( دول لطاف دول ..طب أصبرى ونشوف هتبقى على كلامك ده بعد ساعه ولا هتغيرى كلامك )
نظرت خلود إلى سمر وليلى أخواتها الذين من الواضح أنهم تصافوا وبدأوا ينظروا لبنان بنظرات مستفهمه وخصوصاً بمنظر الدماء على فستانها
تنحنحت خلود وقالت وهى تنهرهم بنظراتها حتى يمتنعوا عن تفحصهم المبالغ فيه فى بنان : أنسه بنان تبقى قريبة دكتور أسامه
فنظرت ليلى وقالت ببراءه : وهو إلى عورها كده
فنظرت إلى ملابس بنان وقالت وهى تحاول صرف نظرهم عن ملابسها : فين ماما وداليا
فردت الفتاه الكبرى والتى تدعى سمر : ماما فى أو..ضتها والست داليا فى البلكونه بتحب فى التليفون
عندما قالت سمر ذلك سحبت خلود بنان من يديها وأدخلتها غرفتها وأغلقت الباب ثم سحبت أحدى بيجامتها وقدمتها لبنان وقالت : خدى غيرى هدومك عشان ألحق أغسلك هدومك بدل ما كل إلى يشوف الدم هيسأل أيد ده ..ثم تذكرت شيئاً وقالت : وآه خليكى فاكره أنتى قريبة دكتور أسامه وجيتى ولقيتى والدته مسافره فمينفعش أنك تنامى هناك وأنتى جايه من بعيدفأنا عرضت عليكى أنك تباتى عندى
قالت ذلك وأتجهت إلى الباب لتترك لها الحريه لتبديل ملابسها ولكن بنان نادته فألتفتت لها خلود قائله : البيجاما قديمه صحيح بس نضيفه
نظرت بنان إلى البيجاما التى راح لونها من كثرة الغسيل وقالت : هتصدقى لو قلت لك أن دى ممكن تكون أنضف حاجه أحطها على جـ,,ــسمى
فقطبت خلود جبينها وقالت: مش فاهمه

( مش مهم تفهمى دى ..إلى عايزه أقوله ليكى قبل ما أنام فى بيتك والبس هدومك النضيفه أنى أنا إلى هوسخ الهدوم مش هى الى هتوسخنى )
فأزدادت تقطيبة جبينها فقالت بنان دون مواربه : أنا مدمنه ياخلود …..تقبلى تستقبلى مدمنه فى بيتك ؟!

عارفه أن الفصل قصير بس برغم ذلك هو تعبنى لأن فصل فى تقلبات مشاعر كتيره بس هيكون فى فصل يوم الثلاثاء القادم أن شاء الله وده هيكون آخر فصل قبل العيد وهنستكمل الحلقات يوم الاتنين إلى بعد العيد وهتكون الحلقات بعد كده أتنين وجمعه وأن شاء الله هنتظم ومش هيكون فى أعتذرات وأدعولى أن ربنا يسهلى ألامور …كل سنه وأنتوا طيبين وعيد سعيد أنتظروا فصل الثلاثاء وأوعوا تغمضوا عينكوا مع فصل مليئ بالأحداث المفاجئه

(الفصل الثامن )
( أنا مدمنه ياخلود …تقبلى تدخلى مدمنه بيتك )
نظرت لها خلود قليلاً ثم أقتربت منها وقالت : على فكره أنا دكتوره صيدلانيه يعنى أعرف كويس أعراض الأدمان ..ما أكدبش عليكى أنا كنت الأول شاكه بس كنت بكدب نفسى وبقول أن أستحاله تكون بنت زيك مدمنه ….
اطرقت بنان رأسها لأسفل وقالت بخجل : اشمعنا يعنى
( عشان بنت زيك من الواضح أنها بنت ناس وعيله كبيره أيه إلى يخليها تروح لسكة زى دى )
فأجابتها بخفوت : عندى ظروفى
( ظروف …. ظروف أيه ..صدقينى مهما كانت ظروفك أنك تغيبى عقلك مش هو ده الحل )
( ساعة لما الظروف بتكون أقوى منك مابيكنش قدامك غير الحل ده )
( أسمحيلى ..مفيش أى عذر ف الدنيا مهما المشاكل الى واجهتيها ممكن تخليكى تروحى لسكة الأدمان )
فردت بنان بصوت غاضب ومرتفع بعض الشئ: نتى مش عارفه حاجه
فتقدمت منها خلود خطوه أخرى حتى أصبحت أمامها وقالت : أتسجنتى سنين من عمرك ظلم وأنتى ماعملتيش حاجه
نظرت لها بنان بصدمه وقبل أن ترد أكملت خلود : خرجتى من ظلم ألسجن لظلم الناس الى مش بتحرم ولقيتى نفسك من دكتوره صيدلانيه بقيتى حتة خدامه فى البيوت
شهقت بنان بصدمه وقالت : ده أنتى …
أكملت خلود قائله : حبيتى أنسان ممكن كان قبل سجنك وخدمتك ف البيوت كانت هتبقى مامته مفتخره بأنك تبقى مراته وتتمنى كمان أنك تقبليه وهو أرمل وعنده بنت وأنتى ما سبقلكيش الجواز بس دلوقتى تقولك فى وشك أبعدى عن أبنى أنتى مش من مقامه …… سحبت نفساً ثم قالت : شفتى بأه ان فى ظروف ممكن تخلى الحجر يتكلم ومع ذلك مرت وأدينى عايشه ومستحمله
ألتفتت بنان إلى أقرب كرسى لتجلس وقالت بخفوت : جايز أنتى أقوى منى
فردت خلود بصوت مملوء بالسخريه : مين قال أنى قويه ..أنا ضعيفه وضعيفه جداً كمان .. بس إلى برا دول كلهم فى رقبتى ..خرجت من السجن لقيتهم متعلقين فى رقبتى .أضعف وأبكى على حالى ..أمـ,,ــوت وهما يمـ,,ــوتوا ..ولا أحاول أعمل فيها جامده وأفضل أفكر نفسى أنى جامده لحد ما أتعودت
“( طب ما يمكن أنتى عندك حافز بس أنا … معنديش )
( وده سبب يخليكى توصلى لهنا )…قالت ذلك وهى تشير للفراغ من حولها
أطرقت بنان برأسها : بحبه بس أضطريت أنى أتنازل عن الحب ده … ورفعت رأسها وأكملت : بس غصب عنى والله
جلست خلود بجانبها وقالت : دكتور أسامه ؟!
فهزت رأسها موافقه وقالت : أسامه كان زميل منال أختى فى الكليه أتعرفت عليه لما خدتنى معاه الكليه وزى ما بيقوله … كان حب من أول نظره
رفعت قدميها من ع الأرض وضمتهم على صدرها وأكملت : أسامه كان حلم كل بنت تقريباً من زمايله ..زى مابيقولوا الراجل