بقلم اماني الياسمين الجزء الثالث من دائى ودوائى فداويني بتريقاك

أنطلق حسام بالسياره ملتزماً بالصمت كما طلبت منه خلود ولكن بعد قليل ضرب بكفه على المقود وقال بنزق : ماهو الصراحه أنا مش قادر أسكت

أبتسمت خلود وألتفت بوجهه إلى الجهه الأخرى حتى لا يرى أبتسامته وأصتنعت الجد وقالت : يبقى تنزلنى هنا

فقال محذراً : خلووووود

ألتفتت بغضب : أييه ؟

فأجابها برجاء : أسمعينى ياخلود واعتبريها آخر مره

( أعتقد أن المره الى فاتت هى إلى كانت آخر مره )

( خلود أنا عارف أنى جرحتك بس والله أنا مكنتش أقصد أنى أقلل منك ياخلود …. خلود أنتى عندى حاجه كبيره أوى )

فردت بحزن : عشان كده كنت عايز تتجوزنى فى السر زيه زى أى بنت …..

(ماتكمليش ياخلود لو كان وصلك أنى أقتراحى ده أنى بقلل منك أو أنى شايفك أقل من أى حد تبقى غلطانه ..أقتراحى كان مؤقت لحد بس ما أقدر أقنع والدتى ومش عشان أى حاجه تاانيه )

( والدتك مش هتقتنع على فكره وأنا عذراها ..هى أم وعايزه لأبنها أحسن بنت ف الدنيا فما تلومهاش )

نظر لها وقال : طب وأن كان أبنها شايفك أحسن حد ف الدنيا … ومكتفى بيكى ومش عايز غيرك يبقى أيه الحل )

سكتت ولم ترد فمد يده وأمسك بيدها ووضعها على المقود أمامه وعندما حاولت أن تسحبها شد عليه وقال وهو ينظر للطريق أمامه : أسمعينى ياخلود أنا جربت قبل كده أتجوز جواز جواز عقل مش هقولك كنت مبسوط بس كنت راضى …زى ما بيقولوا عايش … بس لأ طلعت غلطان أنك تكون مع حد بتحبه حاجه تانيه خالص ..حاجه مختلفه ..دى فرصتى ومن حقى أتمسك بيها … مستكتره عليه أعيش وأنا فرحان

عندما لم ترد وكل همها كان أن تسحب يدها من يده ولكنه شد عليها بقوه لدرجة أنها ألمتها وقال : هتمسك بالفرصه ياخلود … يمكن أنا غلط لما أندفعت بعرضى الى فات بس عذرى أنى خايف لضيعى منى … بس خلاص أنا مش مستعجل هستنى وأحارب لحد ما أقنع أمى وأنا واثق أنها فى الآخر لما تعرف أنى سعادتى معاكى أنتى بس هتوافق

ترك يديها وقالت : يبقى هتستنى كتير \

فأبتسم قائلاً : وماله …. مش هتعب ..لأنى فى الآخر واثق أنى إلى هنوله يستحق الأنتظار

أبتسمت بألم وقالت وهى تفتح باب السياره بعدما أوقفها أمام الصيدليه : ياريت يكون عندى ربع ثقتك دى ……………………………………………………………………………………………………….

وقف فارس على البحر شارداً يفكر فيما قاله لليلى …يعلم أن كلماته كانت قاسيه ولكن غصباً عنه فهو تعب من هذا الوضع طوال الوقت الناس تنظر له على أنه فارس الشاب المرح الذى يغازل الفتيات ويسقطهم فى هواه بكلامه الرقيق وغزله المرح ولا يعلم الجميع أن ذلك ستار يخفى به آلام قلبه فليس سهلاً عليه أن يعيش حياه مثل التى يعيشها ..فكر أن يتزوج عليها …ضحك بسخريه فخلود واجهته بحقيقته عندما سألته لما يحتفظ بزوجته طالما أنه يكرهها ويفكر بالزواج بأخلرى حتى أنها علقت أنه لم يذكرها بأى سوء …..نعم هو بالفعل رغم كل مايحدث بينهم لم يفكر أن يطلقها فهو لن يستطيع الأستغناء عنها فهى حب حياته وبرغم ذلك هو تعب … تعب منها ومن هروبها الدائم منه وعندما تكون معه يشعر أنها ليست معه ….. تنهد تنهيده طويله فتفاجئ بمن يقول : كل دى تنهيده ياعم ..ليه كل ده ؟!

التفت ليجد هانى أحد أصدقائه الذين سافروا معه فنظر له قائلاً : عايز أيه ياهانى … سبت الناس وجتلى ليه ؟

( ما أنت إلى قمت وكأن القعده ماعجبتكش )

(طبعاً ما عجبتنيش ..أنتوا مافهمتنيش أن هيكون فيه بنات معانا )

( أيه يافارس ماتمثلش عليه دور الواعظ ..دا أنت خرابها )

( أيوه خاربها ..بس كبيرى أوى كلمتين ..معاكسه .خروجه ..لكن ماتوصلش أنى أخد بنات وأطلع أسافر بيهم وأبيتهم معايه فى شقتى )

( وأيه المشكله طالما هما راضيين ….أناما ضربتش حد على أيده كله برضاهم )

فضرب فارس كف على كف وقال : ماهو المصيبه أنه برضاهم أنا معرفش فين أهلهم دول ولا أزاى سمحوا لهم

( ياعم فكك هما ألى زى دول ليهم أهل أصلاً …. المهم أنت سيبك أنت فى حاجه مضايقك غير موضوع البنات أنت جاى أصلاً مستوى من بيتكم ..فهمنى فى أيه ؟)

تنهد وقال : مفيش

( على أخوك ..قولى يمكن تلاقى عندى الحل )

( ما أعتقدش أنى مشكلتى ليها حل معاك )

( للدرجه دى ..قلقتنى عليك ياصاحبى )

وضع فارس يديه على كتفه وقال : ماتقلقش …كله هيبقى كويس

( خلاص مدام كده يبقى تنسى همومك وسيبلى نفسك ..أمل جوا هتمـ,,ــوت عليك سيبلها أنت نفسك وهى تنسيك أسمك مش بس همومك )

( لأ طبعاً أنت بتتكلم فى أيه .كله ألا كده )

فأقترب هانى منه وقال : أسمع منى لما تكون مراتك منكده عليك لازم تجدد طاقتك , ولما تجدد طاقتك ساعتها بس هتحس أنك فريش وقادر ترجع تكمل نكد تانى )

سكت فارس قليلاً وقال : تفتكر

( طبعاااا …. أن مكنتش تعمل كده مش هتقدر تستمر . قال ذلك وأقترب منه وأكمل : أسمع منى الحاجات دى هى إلى بتخلى الواحد يستحمل البيت وقرفه ولولا كده كان الواحد أنفجر ..ثم أشار برأسه لبعيد قائلاً : وأهى جت على السيره شد نفسك كده وماتكسفناش لحسن تطلع عليك سمعه بطاله أنك ملكش فى الصنف الحلو ويفسروا ضيقتك دى بحاجه تانيه )

نظر فارس إلى مكان ما أشار هانى ورأى أمل وهى آتيه تتبختر فى خطواتها بملابسها التى تفضح أكثر ماتستر وكلام صديقه يمر فى رأسه ..والشيطان يردد ” ولما لا ..هى بالنهايه تجربه ولن يخسر شيئاً لو قام بها ”

وصلت أمل قائله بصوت مغناج : أيه واقفين هنا ليه

وهنا هز هانى فارس من كتفه وقال : لأ مفيش ..بس أصل فارس كان بيقترح أنكم تروحوا الشاليه التانى عشان تكونوا براحتكم أكتر

فأتربت أمل ووضعت يديها على صدر فارس دون خجل وقالت : صحيح يافارس

سكت فارس قليلاً ثم قال بصوت واثق : صحيح يا أمل

قفزت أمل وقالت وهى تصيح : أنا هجيب شنطتى وشنطتك ونروح فوراً

وأنطلقت قبل أن يعترض فشعر فارس أنه تسرع ولكن هانى لم يمهله فرصه ووضع يديه على كتفه وقال /: أوعى تقصر رقبتنا ..أنت معاك فرسه يتلجمها …. وغمز بخبث ..يتلجمك

وبكلمات بسيطه وضعها أمام نفسه فرجولته فى كفه ومبادئه وتدينه وأخلاقه فى كفه والأنتصار كان بالطبع للرجوله التى لو يعلموا أنهم أبعد كل البعد عنها …………………………………………………………………………………………………

أنتهى حمزه من أجتماعه المرهق لأعصابه ووقف يحيى رجل الأعمال نادر الجمال وسكرتيرته النى تدعى جنه وهى فى الحقيقه أسم أبعد ما يكون عن الحقيقه فهى بالأسم جنه وبالفعل كل مافيها تدعوك إلى النار أبتداءاً من ملابسها التى لا تستر شيئاً إلى نظراتها ألتى ترسل دعوات وزأدتها بنبرة صوتها المبحوحه وهى تقدم نفسها إلى حمزه قائله : جنه وأكملت بهمس مغوى وثق أن معايه الجنه

خطر ..خطر ياحمزه عليك وعلى أعصابك … تنفس الصعداء بأنتهاء الأجتماع وهو لا يعى نصف ما قيل زكل تركيزه كان أن ينتهى هذا الأجتماع وهو يقسم بداخله أنه سيحول العمل ألى سيف فهو يستطيع أكثر منه التعامل مع ÷ذه الجنه أما هو فسينهار ويضرب بكل وعوده لرنا عرض الحائط

أبتسم لها عندما صافحته فتفاجئ بها تضغط على يده قائله : ممكن موبيلك لأنى أنا إلى هتابع معاك الديل

وهذا ما كان سينقصه أصمد ياحمزه …أصمد وفجأه صدح صوت فى الغرفه كان لسكرتيرته التى تخبره بوجود زوجته بالخارج وكأنه نادها فسحب يده من يديها وقال بنبره عاليه : ممكن تتوصلى مع السكرتاريه بتاعتى يامدام جنه … وقبل أن تكمل قال : عن أذنك المدام بره وأنا لازم أكون فى أستقابلها ……………………………………………………………………………………………………………..

سار يوسف بسيارته صامتاً ومريم كل فتره تسترق النظر إلى وجهه من وقت ما أعرب لها عن خوفه ورغم أنه لم يذكر أسباب هذا الخوف ألا أنه ألتزم الصمت ولم يتحدث معها ……..

قالت مريم بعد قليل بهدوء : يوسف

لم يرد عليها فكررت النداء فرد بوجوم : نعم يا مريم

( مالك ؟!)

(مفيش )

( يوسف قولى أنت حاسس بأيه …. أيه إلى مخوفك أوى كده من السفر لمصر )

فرد بقوه : مش خايف يامريم .. مش عايز

( ليه ؟! )