رواية عهد الشامي للكاتبة شيماء فرح

الحلقه العشرون/
بعد ماوصل مالك وجسور البنات للبيت راحوا هما على بيت مالك اما سيلين معرفتش تخلص من زن ميسون عليها ان تحكيلها كل حاجه عن مالك
سيلين:يعنى انتى ناويه على سهره ومنعرفش نقوم الصبح نروح لماما مريم
ميسون:بقولك ايه تيجى نعمل فشار ونسهر شويه اصل انسى انى اسيبك قبل مااعرف كل حاجه
سيلين:طيب تعالى معايا احكيلك وانا بعمله
دخل البنات للمطبخ بعد ماغيروا لبسهم بملابس مريحه وعملت سيلين الفشار
ميسون:ها يلا بقى احكى
سيلين:شوفى يا ستى انا قابلت مالك أول ماوصلت فى الأول ماكنتش طيقاه وابتدت عـ،ـلاقتنا بمشاكل بعدها سمعت عنه من زميلى فريد ومن وقتها حسيت انى بفكر فيه كتير لقيته هو كمان مهتم بيا جدا ويغير عليا من كل إللى حواليا حسيت انى بتشد له ومابينتش خوفت يعرف عن امى وابويا وعن جوازى بجسور خصوصا بعد ماعرفت انه صاحب عمره ينزلنى من نظره ودى كانت حتبقى الضـ،ـربه القاضيه ليا لكن الحمد لله لقيته انسان متفهم وحنين حسسنى بالأمان إللى عمرى ماعرفته فى حياتى حتى اهله ناس كده تحية معاهم بألفه غريبه كأنك تعرفيهم من يوم ولادتك
ميسون:ياااه ياسيلى ده انتى حبتيه اوى كده
سيلين:لقيت معاه إللى مالقتهوش مع أهلى هو صحيح غيور جدا وتحسى كده انه ليه أصول صعيدية وأنه لااتعلم ولاعاش فى باريس خالص لكن حتى ده حبيته فيه
ميسون:سيدى ياسيدى
سيلين:المهم طمنينى انتى عملت ايه مع زوجك العزيز
ميسون وهى بترميها بالمخده:انتى بتتريقى طبعا زوجى العزيز الحبيب الغالى وكل حاجه فى دنيتى كمان
سيلين:ياولاااااا ده انتى بقيتى شاعره
ميسون:بحبه ياسيلين بحبه أوى وقت ماحسيت ان ممكن ننفصل عن بعض حسيت ان عمرى انتهى
سيلين:بعد الشر عنك ياقلبى ربنا يخليكم لبعض ويالا بقي ننام أحسن نتأخر على الناس بكره
ميسون:يلا تصبحى على خير
سيلين:وانتى من أهل الخير
دخلت كل بنت لغرفتها تنام لكن مين يجيلوه نوم فى ليله حلوه اجتمع فيها كل قلبين لبعض
كان ده نفس الحال عند جسور ومالك إللى برده قعدوا يفضفضوا مع بعض لحد وقت متأخر وفى الاخر وصل سلطان النوم لعيونهم
ومع اشراقة شمس يوم جديد كل واحد من ابطالنا كان بيستعد علشان يبدأ يومه
جسور راح على شركته وقبلها كلم ميسون اطمن عليها
مالك راح على الجامعه واستنى سيلين تروحله مكتبه
سيلين قررت مانروحش الجامعه علشان تستعد لعظمة الغدا وحتنسى تكلم مالك تقوله
ميسون كانت صاحيه فى منتهى الحيويه والنشاط وخصوصا بعد مكالمة جسور
مالك كان قاعد مشغول جدا من تأخير سيلين كمان دخل المحاضره لقاها مش موجوده. خلص المحاضره وربنا اعلم بحاله لكن اتوعد جواه لسيلين على استهتارها بيه وقرر مايتصلش بيها لحد ماهر تتصل او تيجى عندهم البيت
جهزت البنات واتأكدت انهم فى قمة شياكتهم وجمالهم وميسون كلمت جسور علشان يعدى ياخدهم فى طريقه وصل جسور واخد البنات وفى طريقهم
ميسون:حبيبى احنا حنرجع امتى
جسور:مش عارف سيلين انتى حتخلصى امتى علشان نرجع مع بعض
سيلين:تقريبا قدامى اسبوعين واخد اجازه
ميسون:خلاص مش كتير نرجع مع بعض
جسور:وحشتينى اوى على فكره
ميسون بخجل:وانت كمان
سيلين:احممم نحن هنا
جسور:هو مالك حيسبقنا على هناك
سيلين وهى بتضـ،ـرب جبهتها:ياخبر ده انا نسيت أكلمه خالص انهارده
جسور:ههههه وقعتك سوده ياحبيبتى مالك مابيرحمش
سيلين بخوف:ده ازاى يعنى وانت حتسيبه
جسور:وانا مالى انتوا احرار مع بعض
ميسون:ازاى تنسى والله له حق
جسور:ياولد انت ياعاقل
ميسون بفخر:ههههه علشان تعرف
وصلوا عند بيت اهل مالك وكانت سيلين مرعوبه من زعل مالك منها
دخل جسور ومعاه البنات واستقبلتهم مريم بكل الحب
مريم:حبايب قلبى تعالوا اتفضلوا
جسور:مريومه حبيبتى دى ميسون مراتى
مريم وهى بتحـ،ـضن ميسون:يااهلا يااهلا بمرات ابنى التانى
ميسون:اهلا بحضرتك ياطنط
مريم:ايه طنط دى انا مش بحب كده ياتقوليلى ماما زى سيلين يا اما تقوليلى مريومه زى الواد ده وصاحبه
كامل مقاطعا :وزيى انا كمان ولا انتى نسيتينى يامريومه هانم
مريم:وانا اقدر برده ياحبيبى ده انت الخير والبركة
جسور:ايه ده قدامنا كده حتحببوا فى بعض
كامل:نحب ايه ياواد انت دى بتقولك بركه انا بقيت بركه ده انا فى عز شبابى ياست مريم ولا ايه ياسيلين
سيلين:طبعا يااونكل
مريم:بتيعينى ياسيلين ماشى بتبيعى امك حبيبتك
سيلين:مااقدرش ياماما والله بس مش حنكر كمان انه زى القمر
كامل:شوفتى الناس إللى بتقدر
مريم:طيب تعالوا نقعد ولا حتفضلوا واقفين كده
دخل الجميع لليفينج رووم وكانت قاعده من بدايتها مرحه ولذيذة لكن عيون سيلين كانت بتدور على مالك
مريم:مالك لسه ماجاش
سيلين:هه بتقولى حاجه ياماما
مريم:لقيت عيونك بتدور عليه قولت اطمنك انه لسه ماوصلش انتوا ماتكلمتوش قبل ماتيجى
سيلين بارتباك:بصراحه انشغلت جدا وحتى مابلغتهوش انى مش رايحه الجامعه
مريم وهى بترفع ايديها على فمها:هاااا ياخبر ربنا يستر
سيلين بخوف:فى ايه ياماما هو حيعملى حاجه
مريم:تعالى معايا نشوف اللحوم اتبلت ولا لسه
قامت سيلين مع مريم لانها فهمت انها عاوزه تتكلم معاها
مريم:سيلين ياحبيبتى انا عارفه انك مش قصدك تزعلى مالك لكن عوزاكى تعرفى طبعه لان ابنى على اد حنيته وطيبة قلبه على اد ماهو عصبي جدا ويحب إللى يقدروا ويحترم كلامه هو دلوقتى لما حييجى حيكون متعصب وغضبان انتى بقى انتى الغضب ده بهدوءك أوعى تتعصبى انتى كمان الراجل ياقلبى عامل زى البيبى الصغير بكلمه حلوه ممكن ينسى كل زعله
سيلين:حاضر ياماما فهمت قصدك
مريم:ربنا يهدى بالكم ياحبيبتى وكمان فى موضوع تانى عوزاكى فيه
سيلين:خير ياماما
مريم:احنا لما ننزل مصر حتفضلى مخاصمه مامتك برده
سيلين:هو مين إللى قال لحضرتك هى
مريم:لا ياحبيبتى انا لسه ماتعرفتش عليها لكن جسور حكالى كل حاجه انا اسفه لو تدخلى ضايقك لكن ربنا اعلم انا بعتبرك بنتى واعتبرت ان من حقك عليا اهديكى مت ناحيتها
سيلين ببكاء:وجـ،ـعتنى اوى ياماما عاشت معايا وماجتش فى يوم قالتلى حتى بينى وبينها كانت بتشوف معاملة عايده هانم ليا وازاى كانت حتد،مر حياتى وكانت سيباها
مريم:ياحبيبتى هى خافت عليكى خافت قبل ماتشوفك لجدك يمـ،ـوتك فى بطنها وماتشوفيش الدنيا وحتى لو غلطت تسامحى ياحبيبتى ده ربنا بيسامح تيجى احنا ايه فى عظمة المولى عز وجل علشان مانسامح بعضنا
سيلين:سيبيها على الله ياماما لما ننزل مصر ان شاء الله
مريم:اوعدينى انك تفكرى بقلبك لأنى واثقه انه تصفى واطيب قلب فى الدنيا
سيلين:اوعدك يااحلى مريومه
مريم:يلا بينا بقى نخرج احسن ميسون تضايق من قعدتها لوحدها
خرجت سيلين ومريم وأثناء خروجهم من المطبخ كان داخل مالك من باب الفيلا وكان باين عليه الغضب
مريم:حمد الله على سلامتك ياحبيبى دى سيلين كانت حتتجنن عليك
مالك بضيق:والله اه
سيلين:حمد الله على السلامه
مالك بعصبيه:الله يسلمك
دخل مالك سلم عليهم ورحب بميسون وجسور وبعدها بس لسيلين
مالك:سيلين لو سمحت عاوزك فى الجنينه شويه
قامت سيلين وهى لا بتبص لمريم إللى مسكت ايديها وضغطت عليها وهى بتغمز لها بعينها بمعنى معلش استحملى
مالك :أول ماخرج هو سيلين :ممكن تفهمينى ماحضرتيش محاضراتك انهارده ليه
سيلين:ماكنش ينفع اسيب ميسون لوحدها وعلشان جاهز نفسى الغدا
مالك:ومابلغتنيش انك مش جايه فى التليفون ليه كمان علشان ميسون ولا علشان انا ولا حاجه بالنسبه ليكى
سيلين :أسفه حقيقى انشغلت جدا والوقت عدى وجيت علطول
مالك:انتى شايفه انى استاهل منك عدم التقدير ده
سيلين والدموع فى عنيها:لأ طبعا انت تستاهل كل حاجه جميله انا غلطانه
مالك وبدأ يهدى:طيب ايه الدموع دى
سيلين:علشان زعلان منى
مالك:انا مقدرش ازعل منك انا خوفت عليكى وفضل عقلى مشغول طول الوقت
سيلين:خلاص اخر مره
مالك بهزار:ليه هو انتى تقدرى تعمليها تانى
سيلين:تؤتؤتؤتؤ
مالك:خلاص سماح المره دى تعرفى كنت جاى وناويلك نيه مهببه بس ماعرفش ايه إللى سكتنى عنك
سيلين:ده علشان انا حبيبتك بس
مالك:طبعا حبيبتى وقلبى وروحى لكن ياترى انا بقى حبيبك
سيلين بخجل:أيوه
مالك :أيوه ايه
سياين:حبيبى
مالك بفرحه:وااااو ايوه بقى ده انتى عمرى وروحى وحياتى بقولك ايه انا حاخد اجازه استثنائي وننزل مصر بكره نتجوز ونرجع
سيلين:لا طبعا لسه مااشتريتش حاجه انا وماما مريم
مالك:على سيرة مريومه احنا مش حنتغدى ولا ايه وتعالى بقى نظبط معاها علشان تخلصنا بسرعه انا مش حستنى اكتر من كده
دخل سيلين ومالك الليفنج رووم
مريم بابتسامه:تعالوا ياحبايبى يلا بقى علشان نتغدى زمان المشاوى استوت على الاخر
قعدوا كلهم على السفره وأثناء الغدا
مالك:مريومه عاوزك من بكره ان شاء الله تنزلى مع سيلين تشتروا الفستان وكل إللى ناقصها خلونا تنجز
جسور:مستعجل انت اوى مش يمكن انا ماوافقش
مالك:والنبى اسكت انتى انت مين علشان توافق اصلا
جسور:كده طيب ايه رأيك بقى مافيش جواز
مريومه:واهون عليك انا ماافرحش بأحفاد ى من البنوته الحلوه دى
جسور:علشان خاطرك انتى بس
كامل:بس ياحبيبى منك ليه انا خلاص اتفقت مع جدك على كل حاجه
مالك:بقولك ايه يا جسور مش انتوا كمان المفروض حتتجوزوا ماتيجى نعمل فرحنا فى يوم واحد
مريم:والله فكره وانا حجي للبنتين الفساتين ايه رايكم يابنات
سبلين:ياريت والنبى يا جسور توافق
جسور:انا لو عليا موافق لكن انتى ياسونى ايه الأخبار
ميسون:موافقه طبعا ده حيبقى فرح اسطورى
كامل:على خيرة الله كلم جدك ووالدك ووالد ميسون بلغهم وانا حجهز الفندق ومريم حتشترى مع البنات كل حاجه نقصاهم
خلص الغدا والكل كانوا فرحانين بالاتفاق جدا وبدأ الجميع فى التجهيز
جسور كلم جده ورحب بالفكرة جدا
وميسون كلمت مامتها وفرحت اوى ان اخيرا بنتها استقرت على رأى
مالك عطى لوالدته الكريدت كارد بتاعه تشترى لسيلين كل إللى نفسها فيه
جسور كمان عطى لكل بنت منهم كريديت كارد تشترى لوازمها بناءا على تعليمات جده
كل يوم كانت مريم بتاخد البنات وينزلوا يعملوا شوبنج أسبوعين متواصلين يشتروا لحد ماجابوا كل إللى نفسهم فيه وبدأت الامتحانات وسيلين كانت خايفه لانها انشغلت فى التجهيز لفرحها ماكنتش بتذاكر لكن مالك ماسبهاش وكان يوميا يقعد معاها يشرحلها شويه
انتهت الامتحانات وسيلين كانت راضيه عن نفسها جدا وميسون وجسور العـ،ـلاقه بينهم كانت بتطور يوم عن يوم وحجزوا الطيران وجه معاد نزولهم مصر علشان الفرح اجتمعوا كلهم فى المطار وابتدوا الرحله من باريس القاهره
&&&&&&ايه إللى حيحصل فى القاهره والفرح حيكون ازاى وسيلين حتعمل ايه مع ابتسام وعايده حيكون مصيرها ايه استنونى فى الحلقه الاخيره من عهد الشامى&&&&&&
الحلقه الواحده وعشرون/الاخيره الجزء الاول
وصلت الطائره الاراضى المصريه ورجعت الاوجاع فى قلب سيلين ياترى حتقدر تواجه الموقف بعد مـ،ـارست ان ليها سند فى الدنيا ولا حتسمع كلام مريم وتسامح كان ده كل إللى شاغل تفكير سيلين
اما مريم وكامل كانوا فرحانين برجوعهم مصر حتى لو لفتره صغيره مريم كان جواها حنين لبلدها لولا ظروف شغل جوزها كانت فضلت عايشه فى مصر
لكن مالك كان الموضوع معاه مختلف كانت كل فرحته انه يجتمع بالانسانه إللى حبها وياخدها ويسافر صحيح هو حس بتغيير فى سيلين بمجرد وصولهم لكن كان متأكد انه طول ماهو جنبها حيقدر يطمنها ويعدى معاها أى صعب
كان فى استقبالهم فى المطار الجد موسى الشامى ومشيره وسميه واول ماشافوهم الجد فتح ذراعه يستقبل أحفاده إللى جروا كلهم عليه
الجد:حبايب جدكم وحشتونى
جسور:وحضرتك كمان ياجدى بس انت متعود على سفرى
الجد:لكن المره دى اختلفت معايا ياابنى
ميسون:يعنى هو بس إللى وحشك ياجدو
الجد:كلكم ياحبيبتى وحشتونى كنت خايف امـ،ـوت وأنتم مش جنبى
الجميع:بعد الشر عنك
سيلين والدموع فى عينيها :ايه الكلام ده ياجدو ليه بتقول كده
الجد:أنتى بالذات كنت خايف امـ،ـوت وانتى زعلانه منى
سيلين:اما عمرى ماأزعل منك ياقلبى
مريم:ايه ياجماعه انتوا مش حتسلموا علينا
كامل:شكلهم كده خدوا ولادهم مننا واحنا المفروض نرجع تانى
الجد:ههههه لا ازاى ده انتوا الخير والبركة
سيلين :كده ياماما مريم وعاوزه تسيبينى
مريم:انا اقدر ياحبيبتى حاخدك معايا طبعا
ضحك الجميع وكملوا سلام على بعضهم واتعرفت مريم وكامل على سميه لانهم كانوا يعرفوا مشيره من قبل كده بحكم صداقة مالك وجسور
وابتسم الجد ابتسامة رضا على عـ،ـلاقه سيلين بمريم وكأنه بيطمن نفسه انها تعوضها عن امها لكن ياترى هو فى حد مهما كانت حنيته واهتمامه ممكن يكون بديل للأم قطع تفكيره صوت كامل وهو بيتكلم
كامل:طيب ياجماعه احنا حنستأذن ونتقابل بالليل ان شاء الله
الجد:لا والله مايحصل انا جهزت الغرف فى القصر عندنا انتوا حتكونوا فى ضيافتى ليوم السفر
مريم:لا والله انا لازم اروح أشوف البيت عندنا
الجد:لا يامريم هانم تقدرى فى أى وقت تروحى تطمنى على بيتك لكن الاقامه معانا
سيلين:خلاص بقى يامريومه علشان خاطرى انتى مش وعدتينى تكونى معايا
مالك :خلاص ياماما مش حنزعل جدو وانا وجسور حنروح نقعد فى البيت عندنا
الجد:وليه ياابنى انتوا كمان تقعدوا معانا ده هو كلها يومين والفرح يتم
مالك:معلش ياجدو خلينا احنا براحتنا علشان جايلنا اصحابنا والبنات يكونوا براحتهم
الجد:خلاص ماشى ياابنى براحتكم
كامل:تمام يلا بينا ولا انتوا حتبيتونا فى المطار
ضحك الجميع وخرجوا ركبوا السيارات وتوجهوا على قصر الشامى
كان فى القصر قلوب موجوعه وخايفه زى قلب ابتسام وماجد إللى وجـ،ـعهم فراق بنتهم وعدم مسامحتها ليهم وخوفهم الأكبر بعد مااتفاجاو بدخول عايده للقصر بعد خروج الجد لاستقبال أحفاده وعيلة كامل من المطار وده خوفهم اكتر من المواجهة ومن احساس سيلين قدام اهل خطيبها لكن مافيش حد منهم عارف ان مريم وكامل وصلوا لقلب بنتهم اكتر منهم هما شخصيا
عايده كانت ملتزمة الصمت ورفضت تتكلم مع حد منهم بعد ماعرفت ان موسى الشامى مش موجود
وصلت السيارات للقصر ووصلت معاهم الفرحه إللى كانت ماليه قلوب العرسان والعرايس لكن ياترى حتدوم الفرحه بوجود عايده
اول إللى دخلوا للقصر وكان جسور لكن تمالك نفسه بعد ماشاف عايده قاعده بشموخ ولا كأنها كانت مريضه او فى مستشفى وبنظره واحده ليها عرف انها جايه تصفى حسابتها وده كمان كان نفس إللى فهمه الجد بعد دخوله ورا جسور لكن الصدمه الكبرى كانت من نصيب سيلين إللى وقفت مكانها وحست ان الدم اتجمد فى عروقها لكن مريم حست بيها ووقفت جنبها وهى ضماها ليها وكأنها بتقولها واجهى انا جنبك
الجد حب يقطع أفكار الجميع ورهبة سيلين إللى كانت واضحه للجميع
الجد:حمد الله على السلامه ياعايده مابلغتيناش ميعاد خروجك يعنى كنا جينا اخدناكى
عايده بقوه:وهو كان حد سأل عليا ياعمى علشان تعرفوا انا حخرج امتى
الجد:مش وقته ياعايده حنتكلم بعدين الجماعه جايين من السفر تعبانين ولازم يرتاحوا
ووجه كلامه لكامل ومريم يلا ياجماعه انتوا واقفين ليه اتفضلوا
مريم وهى بتبطب على ايد سيلين:يلا حبيبتى سلمى على ماما
سيلين بدموع:لا ياماما مريم مش قادره
عايده بقهر:ايه ياسيلين مش حتسلمى عليا
سيلين:ازيك ياعايده هانم
عايده بدموع :خلاص ياسيلين مش حتقوليلى ماما
سيلين بدأ جسمها يتنفض وتحس برعشه فيه والدموع خانتها ونزلت زى السيول من عيونها
الجد:مش قولت مش وقته ياعايده
كامل حس بالاحراج من الموقف قام وقف :بعد اذنكم ياجماعه احنا حنروح نشوف البيت عندنا انا ومريم ومالك ونرجع تانى
الجد:لا ياكامل انتوا مش غرب ومافيش حاجه ولا احراج من وجودكم
فى الوقت ده طبعا كانت ابتسام وماجد مش قادرين ينطقوا علشان الامور ماتكبرش عن كده لكن مهما عملوا مش حيمنعوا المكتوب واللى كان لازم يجى وقت ويحصل وتحصل المواجهة صحيح ده مش وقتها فى نظر الجميع لكن النصيب كده
ميسون:يلا يا سيلين ناخد طنط مريم ونوريها غرفتها يلا ياماما
سميه:اه طبعا اتفضلى يامدام مريم
ابتسام :اهلا بيكى يامريم هانم اتفضلى انا حطلع معاكى
مربم:ميرسي يامدام ابتسام يلا بينا انا كمان عاوزه أتعرف عليكى
عايده مقاطعه:ههههههه مدام ابتسام وابتسام هانم كمان خلاص ياابتسام اخدتى كل حاجه منى اخدتى جوزى وبنتى ومكانى
ابتسام:انا ماأخدتش حاجه سيلين بنتى أنا انا امها وماجد جوزى ومكانك انا مأخدتوش انتى بطمعك إللى ضيعتيه
سيلين منفجره بالبكاء:بببببس انتوا ايه جايين تتحاسبوا انهارده بتقسمونى على بعض انا مش لعبه فى ايديكوا حتى فرحتى جايين تكسروها انتوا ايه مافيش فى قلوبكم رحمه مش عاوزه واحده منكم تقول عليا بنتها انتوا عارفين مين أمى امي الست دى وهى بتشاور على مريم
صحيح ابتسام هانم ولدتنى وعايده هانم ربتنى لكن ولا واحده منكم فكرت فى احساسي فى يوم الوحيده إللى حبتنى من قلبها هى ماما مريم الوحيده إللى فى اسبوعين من وقت معرفتى بيها عوضتنى الحنان والحب إللى عمرى ماكنت اعرفه عارف ياماجد باشا اونكل كامل فرحنى اد ايه لما وثق فيا وطلب منى أشيل عنه الشغل مش حقولك علشان دى حاجه انت عمرك مااعرف اد ايه بتفرح انك تلاقى حد بيأمنك على ماله وعلى شغله إللى تعب فيه سنين لمجرد أنه حبنى زى بنته الناس دى عطونى فى اسبوعين إللى الحنان إللى أهلى ماعرفوش يديهولى
ابتسام بقهر وبكاء:كفايه يابنتي حتفضلى لحد امتى تظلمينى وانا اقول حتنسي وتسامح وانتى لا بتنسى ولا بتسامحى انا اتظلمت زيك بالظبط انا عشت خدامه علشان أكون جنبك انا ظلمت ولادى إللى هما اخواتك علشان أعوضك عن حـ،ـضنى
عايده:أنتى اتظلمتى ياابتسام اومال انا إللى كنت مفكره انى بخدع الكل وفى الاخر طلعت انا المغفله الوحيده وطلع عمى راميكى فى طريقى وجوزى بيضحك عليا وهو عايش معاكى وانتى بتهاودينى فى كل طلباتى وعامله خدامتى الامينه
الجد:أنتى حصدتى شرك ياعايده
عايده:وانت ياعمى حتحصد شرك وتخطيطك أمتى
الجد:أنتى اتجننتى ازاى تتكلمى معايا كده
عايده ببكاء:وانت ازاى توجـ،ـعنى وتظلمنى كده ده انا بنت أخوك فى الأول حرمتنى من حاتم إللى حبيته وجوزته مشيره وبعدها عرفت علتى ونقطة ضعفى واستغلتها
الجد:انا نفذت العهد فى جوازك من ماجد ومشيره من حاتم وسميه من حازم وكلهم رضوا بنصيبهم الا انتى طول عمرك بتحبى إللى فى ايد غيرك طول عمرك عاوزه تاخدى كل حاجه
عايده:وانا دلوقتى عاوزه حقى من ورث أبويا واعتبرونى انتهيت من حياتكم وماجد يطلـ،ـقنى انا خلاص مش عاوزه حاجه منكم اكتفيت ياعمى اكتفيت
الجد:ورث العيله مابيتقسمش لكن عاوزه تعيشى لوحدك فى حياه كريمه حوفرهالك
عايده بصراخ:لا مش حفضل مستنيه منك صدقه كل شهر انا عاوزه حقى ومش عاوزه اكتر منه
سيلين ببكاء وضحك: هى دي عايده هانم أهم حاجه نفسها مش مهم هى جت د،مرت لحظه حلوه مش مهم كسرت فرحتى
ابتسام:هى ملهاش دعوه بيكى انا امك ومش حخلى حاجه تكسر فرحتك
سيلين بصراخ:بس بقى كفايه امك امك انا امى ماتت يوم مااتخلت عنى انا يتيمه انا يتيمه فهمتى أوعى تقولى أمك انا حمشى مع جوزى ده لو لسه فضل متمسك بيا بعد إللى شافه انهارده ومش حرجع تانى زى ماكنت ناويه ولولا ماما مريم ماكنتش حرجع اتجوز من هنا
مالك حس انه لازم يتدخل ويدعم سيلين وده كمان كان نفس احساس مريم
مالك قرب من سيلين ومسك ايدها:حبيبتى انا عمرى مااسيبك مهما حصل ومهما شوفت انا اختارتك انتى من قبل مااعرف انتى مين او بنت مين انتى بالنسبه ليا حبيبتى وبس
مريم قربت واخدتها فى حـ،ـضنها وهى بتبكى على وجـ،ـعها :حبيبتى انتى بنتى وعمرنا ما نبعد عنك ولا نسيبك لأى سبب لكن انتى أقوى من كده ياسيلين ولازم تسامحى كل واحد كان عنده أسباب للى عمله صحيح كنتى انتى الضحيه لكن كل واحد فيهم اتوجـ،ـع وبعدين بقى انتى بنت محظوظه جدا كل بنت عندها ام واحده انتى عندك ثلاثة أمهات بيتنافسوا على حبك المفروض تستغلى حبهم وتجمعيهم حواليكى انتى شاطره وذكيه يلا حبيبتى اغفرى وسامحى ماما عايده بتحبك وربتك وماحرمتكيش من حاجه زى ما انتى حكتيلى وماما ابتسام حافظت عليكى واستحملت الشقا والإهانة علشان تفضل جانبك ضميهم وجمعة ماتفرقيش هى دى سيلين إللى عرفتها وحبيتها وفخوره انها بنتى ومرات ابنى
وأشارت مريم بايدها لابتسام وعايده علشان يحـ،ـضنوها ويحسسوها بالأمان
وفعلا نسيت عايده الخلاف والوجـ،ـع وحـ،ـضنت سيلين هى برده ربتها وحست احساس الامومه إللى افتقدته معاها وابتسام لقيتها فرصه تقرب من بنتها وتعرف طعم حـ،ـضنها واللى ادهشهم ان كلام مريم زى مايكون قام بمفعول السحر على سيلين وكانت هاديه وقبلت باحـ،ـتضانهم ليها والقت بجسـ،ـمها فى احـ،ـضانهم و بكل جـ،ـوارحها حست بالدفئ إللى افتقدته لسنين طويله وده كان مفرح مريم ومالك والجد ان اخيرا العيله ممكن تتجمع علشان تفرح سيلين
مريم حبت تغير الحزن إللى موجود فقررت تجمعهم معاها فى التجهيز
مريم:كفايه بقى حزن عندنا فرح ولازم نجهز انا عموما جهزت حاجة البنات لكن عاوزين نجهز البيت علشان نفرحهم
مشيره وسميه :يلا ياحبيبتى شوفى عاوزه ايه واحنا معاكى
ابتسام بدموع:وانا طبعا تحت امرك
مريم بابتسامه:ده احنا إللى تحت امرك يا أم العروسه
عايده:وانا كمان امها
مريم:ههههه طبعا واحنا نقدر نتكلم طيب يلا بقى ولا انتوا مش ناويين تغدونا بس يعنى ياباشا تعالوا على القصر واحنا جعانين وجايين من سفر لا انا حروح بيتى اتغدى وارجع تانى
الجد:لا والله ده اجمل سفره حتكون جاهزه حالا علشان خاطرك يلا ياجماعه انت ا حتكسفونا ولا ايه
كامل:هههههه هى مريم كده متعرفش حد وقت ما تكون حعانه
مريم:ماشى ياكامل انا كده برده
كامل ومريم غيروا جو البيت ودخلوا البسمه والفرحه للعيله كلها وقدرت مريم بكل الحب إللى فى قلبها تحتوى كميه الكره وتحولها لدفا وحنان ومشاركه
الجد كانت ساعدته ماتتوصفش ان ربنا عوض سيلين بكامل ومراته وكان مستوعب كل هزار مريم وضحكها وانها قاصده تجمعهم وتفرح البنات وخصوصا سيلين
جهزت السفره وبدأ الجميع فى الطعام وبعد ماخلصوا طلعوا يرتاحوا شويه علشان التجهيزات تبدأ من بعدها
دخل الجد مع جسور المكتب قبل مايمشى هو ومالك
الجد:انا ماكنتش متخيل ان اليوم يعدى بالسهولة دى خصوصا بعد ماشوفت عايده
جسور:البركه فى مريومه كان عليها عامل كبير
ااجد:اكيد حقيقى الست دى مافيش منها كان عندك حق لما كلمتنى وقولتلى اوافق على الرغم انها مش من عيلتنا لكن هى دى إللى حتجمع العيله
جسور:وحتعمل ايه فى طلب طنط عايده بالتقسيم
الجد:مافيش تقسيم ورث وده عهدنا من يوم مااتنشات العيله
جسور:طيب حتسيبها كده
الجد :لا طبعا حديها إللى يكفيها وحعملها مشروع ولو مصممه على الطـ،ـلاق دى حريتها الشخصيه
جسور:تمام شوف عاوزنى اعمل ايه وانا معاك حروح اشوف مالك ونمشى علشان لسه ورانا حاجات كتير للفرح
الجد:ماشى ياحبيبى مع السلامه
خرج جسور يدور على مالك إللى كان وقتها فى حديقة القصر مع سيلين
مالك :حبيبتى مش عاوز امشى وانتى زعلانه
سيلين:لا والله ياحبيبى انا بجد بقيت احسن ربنا يخليلى ماما مريم
مالك:يعنى يخلى ماما مريم بس وانا لأ
سيلين:وانت طبعا ياحبيبى
مالك:هو انا مضطر اسكت علشان حبيبى دى بس
سيلين وانتبهت انها قالتها كانت مكسوفه وشها احمر
مالك:ايه ده احنا حنتكسف من دلوقتى لا ياماما ده كلها يومين وتبقى مراتى
سيلين:ان شاء الله بس انا كنت عاوزه اشكرك
مالك:تشكرينى على ايه
سيلين:على دعمك ليا ووقفتك جنبى
مالك:بس ياماما انتى حبيبتى ومراتى وبنتى وصاحبتى وانا نفسى اكون كل حاجه فى حياتك نفسى تقدرى تتحملى غيرتى زعصبيتى وتعرفى انها من حبى ليكى أوعى فى يوم تزعلى منى او تضايقى اما بحبك لدرجه انى مش عارف اوصف مشاعرى
سيلين:انا عمرى مااقدر ازعل منك وبعدين لازم تعرف انك كل حاجه ليا انت فعلا عوضتنى عن كل الناس ربنا مايحرمني منك
مالك:ولا منك ياعمرى
قطع عليهم اللحظات الحلوه صوت جسور
جسور:ايه ياسيدى انا بدور عليك وانت قاعد تحب هنا وانتى ايه إللى موقفك كده ده لسه ماخطبكيش حتى
مالك:انت ياابنى ازاى تكلمها كده مش كفايه انك هادم اللذات ومفرق الجماعات
جسور:يانهارك مش معدى لذات ايه انت كنت بتعمل ايه بالظبط
مالك وهو بيرفع ايده باستسلام:والله ماعملت حاجه لسه برئ ياباشا
سيلين كانت واقفه بتضحك على منظرهم وكلامهم
مالك:يلا بينا يا عم ماانت وقعت من نصيبى
جسور:يلا ياخويا وانتى اطلعى ارتاحى يلا
مالك:انت مالك بيها ترتاح ولا ما ترتاحش خليك فى مراتك
جسور:ياخبر تصدق كنت حمشى قبل مااشوفها وبعدين ايه انا مالى دى انت حتغير منى على اختى
سيلين:خلاص خلاص حطلع انا اناديلك ميسون بدل ماتقلبها دراما واليوم انهارده كان مليان
مالك:حبيبى لو أول ماتصحى كلمينى ولو خرجتوا تكلمينى برده
سيلين:حاضر
وطلعت سيلين وبلغت ميسون ان جسور مستنيها تحت
نزلت تجرى وهى فرحانه لانها كانت فكرته مشى من غير مايشوفها
جسور:ايه ياحبيبى كنتى نمتى وصحيتك
ميسون:لا طبعا كنت بعيط فكرتك مشيت ونسيتنى
جسور:انا اقدر برده أنسى روحى وبعدين كده تعيطى وتتعبى نفسك ازعل انا دلوقتى
ميسون:لا ياحبيبى خلاص انا اسفه
جسور:ولا يهمك ياقلبى انا خايف عليكى بس
ميسون:هو انت حتيجى بالليل
جسور:اه ياحبيبتى حنجهز نفسنا ونطمن على ترتيبات الفرح ونرجع علطول
ميسون:حتوحشنى اوى خلاص اتعودت انك تكون معايا علطول
جسور وهو بيغمز بعينه:كان فى ناس عاوزه تسيبينى وتسافر اسكندريه
ميسون:خلاص بقى مايبقاش قلبك اسود
جسور: ماشى علشان خاطرك بس يلا بقى سلام احسن مالك حييجى يخطفنى من قدامك
ميسون:مع السلامه ياحبيبى
خرج جسور ومشى هو ومالك راحوا على بيت اهل مالك وبعدها خرجوا يطمنوا على تجهيزات الاوتيل واتفقوا مع بيوتى سنتر الرجالى علشان يعملوا الساونه والجاكوزى ويظبطوا شعرهم عرسان بقى
اما فى قصر الشامى كان الكل بيعمل على قدم وساق والكل بيشتغل وبيجهز البيت ونفسه لان مريم قررت تفرح البنات واتفقت مع منظمين الأفراح تعملهم ليله حنه على الطريقه البدويه وجهزت كل حاجه
وقبل الفرح بيوم اتفاجئ الكل بحاجات غريبه داخله القصر وبدأوا ينصبوا الخيام ويجهزوا المشاعل وراكية النـ،ـار فى الوسط وكان فى فرقة فنون شعبيه من البنات البدو وفى الليل بدأت الحفله ولبست ميسون وسيلين الملابس البدويه ونزلوا البيشه على وجوههم
والكل كان فرحان وبيرقص وعايده بما انها كانت تعرف اصحاب سيلين عزمتهم اشتركوا معاهم فى الرقص اليوم كان مفرح للبنات ولامهاتهم والجد والعيله كلها
ابتسام طلبت من مريم تتكلم معاها شويه وطبعا مريم رحبت ودخلت معاها جوه القصر
ابتسام:انا مش عارفه اشكرك ازاى انتى عوضتى بنتى عن كل حاجه حقيقى سيلين كانت على حق وقت ماقالت انك الام الحقيقيه ايها
مريم:لا ياحبيبتى انا مهما عملت انتى امها انا حبيت سيلين وحسيت بوحعها بس لكن انتى الام إللى تعبت واتحملت تعب حملها فى بطنها ده غير إللى شوفتيه وهى كان لازم تعرف ده وانا متأكده انها خلاص نسيت كل حاجه
ابتسام بدموع:خلى بالك عليها ومتخليهاش تنسانى وماترجعش تانى هاتيها وتعالوا اشوفها بس
مريم:ماتقلقيش حتيجى وانتى كمان لازم تيجى وتحسسيها انك مش حتقدرى تبعدى عنها وخلى بالك من عايده عارفه ان ده صعب عليكى لكن عايده ماعندهاش إللى يهتم بيها انتى عندك سيلين
ابتسام وهى بتتنهد :معاكى حق احنا كلنا غلطنا وماجد معصوم من الغلط
مريم:يلا بقى احنا عاوزين نفرح وانا ماليش تقل على الدموع بصراحه
ابتسام:ههههه ماشى يلا بينا
خرجوا تانى الحديقه واستمتعوا جدا بالليله وبعدها الكل طلع ينام ويستعد للفرح
اشرقت شمس يوم جديد يوم مش عادى يوم فرح وهنا وسرور مافيش مكان للحزن ولا الحقد ولا الكره صحيت مريم أول واحده وبروحها الحلوه وامها الخفيف قامت عملت حاله جميله وبدأت تخبط على غرف البنات وسيدات القصر كلهم قومت الكل من نومه واخدتهم ونزلت يحضروا الفطار الكل كان يستجيب لمريم حتى عايده حست انها قريبه منها
جهزت الفطار أثناء تجهيز الفطار كانت كلمت مالك وجسور ييجوا يفطروا معاهم
وصل العرسان وفطر الجميع فى جو مليان بهجه وسرور بفضل مريم
مريم:يلا انتوا مش اكلتوا اتفضلوا امشوا اجهزوا وانت ياكامل روح اطمن على كل حاجه بنفسك واحنا زمان البنات بتوع البيوت سنتر حيوصلوا حالا الساعه ٧ بالظبط تكونوا قدامى
الجد:وانا مش عوزانى اساعد بحاجه
مريم:حضرتك على راسنا ياباشا احنا كلنا نخدم حضرتك
الجد:مدام مريم انا مش لاقى كلام اعبر بيه عن شكرى ليكى انتى انسانه عظيمه ويابخت عيلتى بوجودك فيها
مريم:الشرف ليا انى اكون من عيله زى عيلة الشامى ربنا يبارك فى حضرتك
الجد:ربنا يخليكى ياهانم ويخليلك مالك وكامل
كامل:ربنا يديك الصحه ويخليك لينا كلنا وبعدين خلوا بالكم مريومه مش بتحب الكلام ده احسن حتعيط وتقلبها نكد ومافيش وقت النكد انهارده
قامت ميسون وسيلين يحـ،ـضنوا مريم ويشكروها على كل حاجه عملتها علشان تفرحهم
مريم والدموع فى عيونها:يلا بقى احسن حعيط والله ورانا حاجات كتير
عدى الوقت ودقت الساعه السابعه مساءا وصل العرسان واول ماشافوا العرايس اتبهروا من جمالهم كانت سيلين لابسه الفستان الابيض المصنوع من التل والكبير المطرز على شكل قلب من عند الصـ،ـدر وبأكمام من الفيليه بنفس لون الجسم ومطرز من الصـ،ـدر للوسط وفى تطريزات على التل من الذيل وسايبه شعرها على جنب واحد كله اما ميسون كان فستانها بحمالتين ومطرز من الصـ،ـدر ومن الوسط الذيل عباره عن طبقات من الاوراجانزا والتل البنات كانوا ملكات جمال بفساتينهم الهاديه ومكياجهم البسيط
والعرسان كانوا لابسين البدل السوداء تحتها القـ،ـمصان البيضاء والكرافات
مشى الجميع من القصر متجهين للقاعه المجهزه للفرح وكان أضواء الاوتيل كلها مضاءه وكان سائد عليها الأضواء الزرقاء والبيضاء لتضفى سحر جذاب للمكان يزداد سحره بطلة عرايسنا وعرسانهم دخلوا على الموسيقى الهاديه وبعدها قاموا بالرقصه السلو
سيلين وميسون راحوا أخدوا المايك من الدى جى
سيلين:اولا انا برحب بكل الناس إللى حضرت الفرح لكن بعد اذنكم انا وميسون حابين نعمل حاجه خاصه
الكل كان قاعد مصدوم وعاوز يعرف فيه ايه
ميسون:طنط مريم لو سمحتى تعالى
مريم راحت على الاستيدج جنب البنات
سيلين:إحنا حابين نشكرك قدام الناس دى كلها انتى تعبتى معانا وجهزتى كل حاجه فى وقت قصير وفرحتينا من قلبنا
ميسون:ماما مريم انتى احلى حاجه حصلت فى حياتنا
مريم :انا مش عارفه اقول ايه طبعا على الكلام الكبير ده لكن بجد إللى يستاهل الشكر هما أمهاتكم إللى جابوكم ليا علشان تعوضونى ان ربنا مارزقنيش ببنت
طلع على الاستيدج عايده وابتسام وسميه ومشيره ونزل جسور ومالك والكل رقص وكانت عايده وابتسام يحـ،ـضنوا سيلين وسميه بتحـ،ـضن فى ميسون وفى الاخر استلم الجد ايدين البنات وسلمهم لعرسانهم
انتهى الفرح وكان كامل حاجز جناحين فى الاوتيل طلع عليهم العرسان اما باقى العيله رجعوا على القصر ومعاهم كامل ومريم
الحلقه الاخيره ..الجزء الثانى
بعد ماطلع العرسان كل واحد لجناحه
مالك:حبيبى ايه الجمال والحلاوه دى بقى
سيلين بخجل:بجد عجبتك
مالك:أنتى عندك شك انتى عجبانى من زمان يلا حبيبتى ادخلى غيرى لبسك وتعالى علشان نصلى
دخلت سيلين تغير لبسها لكن وقفت ماكنتش عارفه حتصلى ازاى وهى معهاش لبس الصلاه لكن لقت مريم محضرالها اسدال ابيض مكتوب عليه حروف عربيه لبست قميص نومها وعليه الاسدال
مالك أول ماشافها :لا ده انا حخليكى تتحجبى ده انتى شبه الملايكه بالأبيض ده
سيلين:…………
مالك:ايه بقى تعالى نصلى علشان كده مش هينفع
صلوا الاتنين ومالك طبعا كان أمام
وبعدها سكتت شهرزاد عن الكلام المباح
اما عند جسور وميسون أول مادخلوا الجناح جسور حـ،ـضنها ورفعها من الأرض وبقى عمال يدور بيها فى مكانه
ميسون:حبيبى انا فرحانه اوى اخيرا بقيت جوزى
جسور:يابت انقلب شويه
ميسون وهى بتضـ،ـربه فى كتفه :كده برده تكسفنى
جسور:بمـ،ـوت فيكى وانتى مكسوفه طيب ايه
مبسون:ايه ايه
جسور:حتنامى بالفستان
ميسون:لأ حغيره طبعا
جسور :ادخلى بسرعه طيب
غيرت ميسون لبسها وخرجت كان جسور فى انتظارها وطبعا حتسكت شهرزاد عن الكلام المباح
..
اما فى القصر الكل رجعوا فرحانين جدا وبيشكروا مريم على تعبها لكن الجد حب يقوى العـ،ـلاقه وطلب من كامل الشراكه
الجد:احنا دلوقتى ياكامل بقينا عيله واحده وانا عارف انك عاوز ميسون تشتغل معاك لكن انا حابب اعوضها وبترجاك تدخلها شريكه معاك بنصيبها من ورثها
كامل:موسى باشا حضرتك عارف انى الحمد لله مش محتاج شراكه ده غير ان سيلين خلاص بقت مرات مالك ابنى الوحيد ووريثى وتقريبا ده كله مالها هى وجوزها
الجد:كلامك ده بيطمنى اكتر عليها وان ربنا عوضها من عنده بعيله تحبها وتديها إللى انا حرمتها منه طول عمرها لكن ريحنى زى ماامنت مستقبل ميسون عاوز اامن مستقبل سيلين
كامل:زى ماتحب حنفذلك رغبتك لكن بطريقتى
الجد:طريقتك ازاى
كامل:حضرتك حتشوف نصيب سيلين كام وانا حخلى المحامى يكتب عقد شراكه بالنسبه إللى حضرتك حتحددها لكن مش حاخد الفلوس الفلوس حتوضعها فى أى بنك بأسم سيلين واعتبر ده مهرها من مالك
الجد:ايه ده إللى انت بتقوله حتكتب جزء من مشاريعك باسمها من غير مقابل
كامل:المقابل أكبر من الفلوس بكتير كفايه ان هى بنتنا ومرات ابننا وان شاء الله ام احفادنا
الجد:انا مش مصدق ان لسه فى ناس زيك انا ومدام مريم حقيقى انتوا بتخلونى احس انى صغير جدا
لما خوفت على الثروه لكن كان خوفى ان العيله تنقسم
مريم:متزعلش منى ياباشا الفلوس عمرها ماتجمع الفلوس تفرق وحضرتك مش غلطان لوحدك الكل غلط لكن ان الأوان كل واحد يصلح غلطه وده كله قدر ربنا كاتبه وكان لازم يحصل
الجميع :ونعمه بالله
عايده:بعد اذنك ياعمى بما انك حتدى سيلين حقها فأنا عوزاك تشوف نصيبى وتضيفه لسيلين كفايه انى ماكنتش الام الصح ليها
الجد:لو دى رغبتك اما معنديش مانع لكن انتى حتعيشى ازاى انا عندى إللى يكفينى
اتفق الجميع واطمن الجد على سيلين وكلم عادل المحامى يجهز الأوراق قبل سفر سيلين ومالك
لكن مفاجأت مريم مابتنتهيش حجزت للعرسان شهر العسل فى جزر المالديف وطبعا علشان شغل مالك وجسور ودراسة البنات كان اسبوع بس
سافر العرسان على الجزيره الخاصه وعاشوا اجمل اسبوع عسل فى حياتهم كان كله مرح وشقاوه من سيلين وميسون عدى الاسبوع ورجع مالك وسيلين على باريس وقابلهم مريم وكامل هناك
اما ميسون وجسور رجعوا على مصر واستقبلهم مشيره وسميه
سيلين مـ،ـارست شغلها مع كامل وكان ممسكها كل الشغل وكمان كانت بتدرس لكن بعد شهرين من الجواز حست سيلين بتعب وارهاق وهى فى المنتجع
كامل:سيلين فيكى ايه ياحبيبتى مالك شكلك تعبان
سيلين:مش عارفه يابابا حاسه انى دايخه شويه وبردانه
كامل:استنى حكلم مريم تيجى ترجعك البيت
سيلين لسه حتتكلم اغمى عليها
كامل بخوف:سيلين سيلين
مسك تليفونه وكلم مريم وكلم دكتور المنتجع وصل الدكتور ومريم وصلت بعديه بدقائق
بعد ماكشف الدكتور على سيلين وماكنش فى حاجه ظاهره طلب اختبار حمل لان الأعراض كلها كانت بتظهر كده وبعد الاختبار طلع النتيجه ايجابيه وسيلين كانت حامل طبعا الدكتور طلب منهم انها تتابع مع طبيب متخصص للنساء والتوليد
مريم:مبروك ياحبيبتى الف مبروك اسمعى انتى من انهارده اجازه من الشغل كامل يمسك هو الشغل انتى حتقعدى فى البيت وانا حخدمك
سيلين:حبيبتى يامريومه ربنا يخليكى ليا
كامل:انا حكلم مالك ييجى على هنا
مريم:لا خليه يروح على البيت وانا حاخد سيلين ونرجع أوعى تقوله ياكامل خليها مفاجأه
رجعت مريم وسيلين على البيت مالك رجع بعدهم بساعتين
مالك:السلام عليكم ايه ده سيلين موجوده فى البيت هو كامل استغنى عنك ولا ايه
مريم:هو يقدر يستغنى عنها هى بس تعبت شويه وانا جيبتها
مالك بخوف:حبيبتى مالك قومى نروح لدكتور ولا لأ خليكى انا حجيبه
سيلين:خلاص حبيبى شوية ارهاق بس
مالك بعصبيه:قولتلك انتى بتتعبى نفسك مافيش شغل انا مش مستغنى عنك
مريم:حبيبى اهدى مالك ياابنى الموضوع مش صعب اوى كده
مالك:مش صعب ايه ياماما انتى مش شايفه وشها اصفر ازاى انا قولت مافيش شغل خلاص خلصنا
مريم:هى مش حتشتغل تانى غير بعد تسع شهور
مالك:اشمعنا تسع شهور خلاص مافيش شغل خالص
مريم:ويقولولى عليك دكتور فى الجامعه ياابنى افهم
بقولك تسع شهور افهم
مالك بذهول وابتسامه:يعنى سيلين حامل
سيلين:أيوه شوفت بقى زعقتلى على طول بس
مالك:بجد ياحبيبى يعنى انا حبقى بابى
مريم بفرحه:وانا حبقى تيتا ياواد
مالك وهو بيبـ،ـوس ايد سيلين :مبروك ياقلبى ربنا يقومك بالسلامه
سيلين:مبروك لينا كلنا ياحبيبى ربنا يخليك ليا
مالك:انا حكلم جدك ومامتك وجسور حكلمهم كلهم
مريم:يلا حبيبى كلمهم
اتصل مالك بقصر الشامى وكلمهم وبلغهم كلهم وكلموا سيلين وفرحوا جدا وخصوصا الجد لكن كانت عيونه مع ميسون إللى طبعا برغم فرحتها لسيلين لكن اكيد نفسها هى كمان
الجد استأذن منهم ودخل مكتبه كلم جسور وطلب منه ياخد ميسون ويروحوا للدكتور علشان يطمنها
تانى يوم اخد جسور وراح للدكتور ولرحمة ربنا بيهم ان بعد ماعملت التحاليل
الدكتور:مدام ميسون حضرتك حامل
ميسون:ايه انا حامل بجد
جسور:حضرتك متأكد
الدكتور :التحاليل بتقول كده مش انا
جسور بفرحه:مبروك ياحبيبى
ميسون:الحمد لله يارب الله يبارك فيك ياحبيبى
الدكتور :بس حضرتك مريضة قلب وده حيكون محتاج رعايه خاصه
ميسون بحزن:يعنى فى خطورة على البيبى
الدكتور:ان شاء الله لأ لكن محتاجه راحه
ميسون:بس انا طالبه فى كليه طب وحضرتك عارف الدراسه
الدكتور :حاولى ماتعمليش مجهود
ميسون:حاضر
خرجت ميسون وجسور من عند الدكتور وهما فرحانين لكن الخوف كان مسيطر عليهم
عدت تمانية شهور وجه معاد ولادة سيلين والحمد لله ربنا كرمها وكانت الولاده سهله جدا وخرجت من العمليات كان فى انتظارها مريم ومالك وكامل وابتسام وعايده واول مااستلموا البيبى جداته التلاته كانوا بيتخانقوا عليه
مريم :حبيب تيتا ماشاء الله
عايده:هانى يامريم حتفضلى وخداه فى حـ،ـضنك كده
ابتسام:انا كمان عاوزه اشبع منه قبل مارجع مصر
كامل كان واقف يضحك على منظرهم وفرحان بحفيده طاير من الفرحه اما مالك كان فرحان بابنه لكن خايف على سيلين إللى لسه مافقتش من البنج واول ما خرجت جرى عليها
مالك:حبيبتى حمد الله على السلامه
سيلين:عاوزه اشوف البيبى
مالك:امتى مش حتعرفى تمسكيه ده امى وامهاتك بيتخانقوا عليه بره
كامل:انتى يابنتي كنتى المفروض تجيبى تلات ولاد علشان الخناقه إللى بره دى
سيلين كانت مش قادره تضحك لكن أول ماشافت ابنها حـ،ـضنته
بعدها نزلت عايده وابتسام على مصر علشان يحضروا ولادة ميسون لكن الأمر مع ميسون ماكانش بنفس سهولة سيلين بسبب تعب قلبها
فى الشهور الاخيره كانت ميسون تعبانه جدا وماكنتش بتقدر تروح كليتها وفى غرفة العمليات عاشت اصعب اوقات حياتها والعيله كلها وخصوصا جسور بعد ماشاف حركه غريبه دكاتره بيجروا وممرضات مرعوبه
جسور لإحدى الممرضات:فى ايه ايه اللي بيحصل
الممرضه:المريضه قلبها وقف أثناء العمليه
جسور بعصبيه:ايه انتى بتقولى ايه
الجد:استهدى بالله ياابنى دلوقتى نطمن
عدى ساعه والكل على أعصابه وجسور حيمـ،ـوت من الخوف وبعد الرعب سمعوا صوت صـ،ـريخ البيبى لكن أصبح الخوف على ميسون لحد ماخرج الدكتور
جسور للدكتور:ميسون كويسه يادكتور
الدكتور:الحمد لله اطمن هى بقت كويسه لكن حاولوا بلاش حمل تانى المدام نجت بمعجزة من ربنا
جسور:المهم هى كويسه
الدكتور :الحمد لله حتخرج دلوقتى لكن على العنايه مش غرفتها لحد بس مانطمن على القلب
الجد:صارحنا يادكتور هى كويسه
الدكتور :والله ياجماعه بخير احنا بنأمنها بس
خرجت ميسون وبعد يومين خرجت من المستشفى خالص وصمم الجد يعمل الذبائح لوجه الله تعالى
وبعت جاب سيلين ومالك وكامل ومريم والبيبى
وعمل اجمل سبوع الكل كانوا فرحانين وخصوصا الجد إللى شاف اولاد أحفاده إللى حبهم من قلبه سيلين ومالك سموا ابنهم اياد اما ميسون وجسور سموا ابنهم موسى وده فرح الجد جدا وبدأ عهد جديد فى عيلة الشامى مبنى على الحب والخير مش على الفلوس والحقد والكره
……………تمت بحمد الله يارب تكون عجبتكم……………


