رواية عهد الشامي للكاتبة شيماء فرح

الحلقه الثامنه/
عايده وقت ماشافت جسور وهو خارج من غرفة ميسون وغلها وغيظها ولع فى قلبها نـ،ـار وكل إللى فكرت فيه انها تعمل فضيحه مافكرتش ان وجود جسور فى غرفة ميسون عادى ولا فكرت فى إللى ممكن يحصلها بعد إللى حتعمله
عايده بصوت عالى :ايه ده يا جسور ازاى تدخل غرفة ميسون وهى لوحدها
جسور:هو ايه ده إللى ازاى وبعدين بتعلى صوتك كده ليه
عايده بصوت اعلى:انا أعلى صوتى وأنادى كل إللى فى البيت كمان يشوفوا إللى انا شفته
خرجت ميسون من غرفتها وطلعت للدور إللى فيه غرف النوم مشيره وسميه والشغالين كانوا واقفين تحت لأول مره يسمعوا كلام زى ده فى القصر وصوت واحده من سيدات العيله يكون عالى كده
مشيره:فى ايه ياعايده حصل ايه
عايده:اسألى ابنك يقولك ياست مشيره انا شوفته خارج منين وشكله كان ازاى
جسور وميسون واقفين ساكتين من الصدمه مش خوف منها
وصلت سيلين بعد للقصر بعد.ماكانت فى حديقة القصر
اتفاجئت بالاجتماع ده وبصوت امها شافت الشغالين وهما بيتفرجوا على عيلتها صرخت فيهم :انتوا واقفين كده ليه اتفضلوا على جوه شوفوا شغلكم
وراحت تنادى جدها من غرفة مكتبه لانها شافته وهو قاعد فى بلكونة غرفة المكتب وده إللى خلاه ماسمعش الصوت
اما عند عايده وجسور
كانت مشيره وسميه بيحاولوا يفهموا منهم فى ايه
سميه:قوليلى انتى يابنتي فى ايه
عايده:وهى ليها عين تتكلم بعد إللى انا شوفته
مشيره:طيب ماتقولى ياعايده شوفتي ايه
عايده:شوفت جسور خارج من غرفة ميسون وهو بيعدل فى هدومه وتقدرى انتى بقى تفهمى الباقى وايه الل كان بيحصل جوه
سميه بغضب:ميسون الكلام ده حصل
عايده مقاطعه:وهى يعنى حتقولك حصل بقولك شوفته بعيونى
سميه:ميسون ازاى تعملى كده ورفعت ايديها ولسه حتضـ،ـرب ميسون جسور انتبه انه ساكت كل ده ومسك ايدها وحمى ميسون ورا ظهره
جسور بغضب:بس لحد كده بقى وكفاية مافيش مخلوق من حقه يمد ايده على مراتى ولا يتهمها بالباطل ياعايده هانم ولو عاوزه تقولى كمان انك شوفتينى باحـ،ـضن مراتى وبمـ،ـارس معاها حـ،ـقوقى الزو،جيه قوليها ولا انتى نسيتى انها مراتى قبل ماتفكرى تعملى التمثيلية الخايبه دى
الجد مقاطعا:عاااااايده هى حصلت تتهمى حفيدتى بالباطل انتى عديتى كل حدودك
عايده بخوف:ياعمى انا شفته خارج من غرفتها ومنظر ه كان صعب جدا
جسور:انتى كدابه
عايده:انت ازاى تكلمنى كده
الجد:علشان انتى إللى قللتى من نفسك لما حقدك عماكى وفكرتى ان جسور مهتم بميسون وبنتك لأ
عايده:ياعمى
الجد:بلا عمى بلا قلة أدب قولى لأمك ياسيلين جسور كان مع مين قبل ميسون وليه
سيلين:ولو ان ده مش من حقك يامامى لكن انا حقول علشان كله يعرف ان حضرتك ظلمتى ميسون وجسور لانه قبل مايطلع لميسون هو كان معايا ولو حدنا برده علشان جايبلى هديه وطلع لميسون يديها هديتها ولأن مش المفروض يجيب محرم وهو داخل عند مراته اتصرف عادى
عايده:ولو المفروض مايدخلش غرفتها غير بعد الفرح
جسور شد ميسون من ايديها وحـ،ـضنها جامد وهو بيبص فى عيون عايده:وانا من دلوقتي حاعيش مع مراتى ومن غير فرح ولو حد يقدر يمنعنى يتفضل
الجد:خد مراتك وادخل هديها وانتوا كلكم انزلوا عندى وانتى ياسيلين اطلعى مع جوزك ومن النهارده لحد يوم الفرح جسور حيكون فى أى غرفه هو حيرتاح ينام فيها
طلعت سيلين واخدها جسور هى وميسون ودخلوا غرفة ميسون حاولوا يهدوها وسيلين بخفة دمها قدرت تخرجها من حزنها
سيلين:طبعا انت يا جسور اكتر واحد كسبان من إللى حصل
جسور:اشمعنا يعنى
سيلين:جدك حكم بأنك تنام فى غرفنا عادى وانت بقى حتزهقنا وتنفذ الحكم
جسور بهزار:تصدقى ياجزمه انا بقى مش حنام غير عندك علشان انيمك على الأرض
سيلين:عيب عليك ده انا عامله حسابي للطوارئ وعندى كنبه مريحه
ميسون كانت قاعده بتضحك لكن وشها قلب أول ماسمعت انه ممكن يبات فى غرفة سيلين وده فهمته سيلين بسرعه وحاولت توصلها ان ده لازم يحصل
سيلين:ألحق بقى شوف عروستك وشها انقلب ازاى ايه ياحبيبتى انتى ناسيه انى مراته انا كمان
ميسون:لا مش ناسيه وبعدين انا عادى اهو وشي ماتقلبش ولا حاجه
جسور:ايه القمر ده دى مراتى غيرانه عليا بصحيح
سيلين:ههههههه انت فرحان ده احنا حنشوف ايام سوده من عايده هانم ياحبيبتى ماهو لازم ينام عندى لكن ماتقلقيش حنيمه على الكنبه
جسور:امشى يابت انتى إللى حتنامى عليها
ميسون:لكن انتى بتنامى براحتك ولبسك يعنى بيبقى مكشوف
سيلين :اطمنى ياستى لما ينام عندى حبقى البس بدلة صاعقه
ضحكوا كلهم لكن جسور كان فرحان على غيرة ميسون عليه وحمد ربنا على تفهم سيلين للموقف وإلا كان زمانه واقع فى مشاكل كتير بعد ماقعدوا كتير مع ميسون خرج كل واحد وراح على غرفته
اما عند الجد وعايده بعد مااخدت كفايتها من إهانات من عمها على عملتها طلعت لغرفتها وهى الشر بينط من عينيها ونوت على رد بيوجـ،ـع علشان يعرفوا ان مش هى إللى ممكن تسكت على الاهانه مسكت تليفونه واتصلت برقم
عايده:عوزاك تسمعنى كويس
المجهول:اؤمرى ياهانم
عايده:نفذ إللى اتفقنا عليه
المجهول :بكره الصبح حتسمعى الخبر
قفلت عايده التليفون ابتسامه شيطانية مرسومه على وشها
…………………….
وفى نهار يوم جديد خرج كل واحد لشغله بعد مااتجمعوا على الفطار كالعاده ولكن لأول مره الكل يقعد يفطر من غير كلام
جسور قبل مايخرج نادى على سيلين وطلب منها تنتبه على ميسون من عايده وسيلين طمنته انها حتكون معاها طول الوقت لكن ميسون ماكنتش تعرف ايه الحوار الداير بينهم وده كان مضايقها وماارتاحتش غير لما جسور نادا عليها لكنه المره دى ماكانش فرحان من غيرتها عليه اد مازعل من عدم ثقتها فيه وخصوصا بعد ماعرفت اتفاقه مع سيلين
جسور بغضب:فى ايه ياميسون وشك اتغير ليه وانتى شيفانى بكلم سيلين
ميسون:عادى مافيش حاجه انا كويسه
جسور:ميسون لو سمحتي عاوز ثقتك فيا تكون اكتر من كده لانى ابتديت اتضايق وعموما اما ارجع لينا كلام تانى واعرف انى خارج وزعلان منك بجد
قال كلامه وخرج وسابها حتمـ،ـوت من خوفها على زعله طلعت تجرى على غرفتها وفضلت تبكى وحاسه ان قلبها مقبوض دخلت عندها سيلين لقيتها على حالها ده حاولت تهديها وتخرجها من إللى هى فيه وفهمتها انه كان بيوصيها عليها وده ضايقها اكتر لكن قبضة قلبها بتزيد
ميسون:سيلين انا حاسه انى متضايقه اوى
سيلين :خلاص يابنتي هما كلمتين حلوين وحيروق
ميسون:لا ياسيلين مش علشان كده انا حاسه بقبـ،ـضه فى قلبى
سيلين :ربنا يستر ياحبيبتى انتى بس علشان حبيب القلب زعلان منك ماتخافيش سيبيه على ربنا
ميسون:ونعمه بالله
سيلين:انا حخرج اشوف مامى فين
ميسون:ماشى
خرجت سيلين وراحت على غرفة عايده وقبل ما تخبط على باب غرفتها سمعت عايده وهى بتتكلم فى التليفون
عايده:ها نفذت
المجهول:تمام ياهانم
عايده:أوعى يمـ،ـوت
المجهول: اطمنى ياهانم انا عارف بعمل ايه
عايده:وفلوسك حتوصلك زى ما اتفقنا
سيلين بعد ماسمعت كلامها خافت وجريت على غرفتها تكلم جسور وتقوله لكن فضلت تتصل بيه وهو كان فى اجتماع ماسمعش التليفون
نزلت تقول لجدها لكن وهى فى طريقها لغرفة المكتب رن التليفون ردت سيلين وبعدها صرخت بأعلى صوتها
&&&&&&ياترىايه الخبر إللى سمعته سيلين وعايده اذت مين وايه إلى حيحصل تابعونى&&&&&
الحلقه التاسعه/
سيلين وقت ماردت على التليفون وصرخت بصوت عالى سمعتها ميسون والجد
خرج الجد من غرفة مكتبه ومسك التليفون
الجد:ايوه مين معايا
المتصل:لو سمحت صاحب التليفون عامل حادثه وفاقد الوعى
الجد:هو فين دلوقتي
المتصل:هو فى العربيه واتصلت بالاسعاف
الجد:معلش لو سمحت خليك معاه وخلى تليفونه معاك علشان اعرف اوصله وانا اعملك كل إللى انت عاوزه
ميسون بقلق:مين ياجدو إللى عمل حادثه
الجد:جسور يابنتي الرقم رقمه اهو
ميسون:لا لالالا انتوا بتضحكوا عليا هو عامل فيا كده علشان مخاصمنى صح ياجدو
سيلين ببكاء:لا ياميسون جسور عمل حادثه
الجد:انتوا تفضلوا تتكلموا اتصلى بعمك وخليه يروح لابنه وانتى ياسيلين خلى السواق يجهز العربيه ولا حلبس بسرعه
ميسون :وانا حاجى معاك ياجدو
الجد:طيب يلا بسرعه
وخرج الجد وميسون وسيلين بعد مابلغوا سميه ومشيره إللى انهارت بعد ماعرفت الخبر واغمى عليها ونقلتها سميه وابتسام لغرفتها
وصل الجد والبنات للمستشفى إللى وصلته الإسعاف ليها وشكر موسي الشامي الشاب إللى بلغهم بالحادثه واخد منه تليفون جسور بعد ماكانوا وصلوله لمكان جسور عن طريق اتصالهم بالشاب عرض عليه الجد.فلوس كمكافأه لكنه رفض
سألت ميسون وسيلين فى الاستقبال على مكان جسور وعرفوا انه دخل عمليات أول ماوصل المستشفى
حالة من الانهيار سيطرت عليهم لكن صاحبة الهم الأكبر كانت سيلين لانها كانت عارفه مين إللى دبر الحادثه واحتارت تبلغ جدها والباقيين ولا تسكت
خرج الدكتور من غرفة العمليات بعد وقت طويل وجرى عليه ميسون وسيلين وحياتك والد جسور وحازم والد ميسون لكن الجد ماكانش قادر يقف على رجله من الصدمه والخوف
ميسون :طمنى يادكتور
الدكتور:هو كويس ياجماعه ربنا سترها هو بس كان عنده كسر مضاعف فى الكتف وردود فى الكتف التاني وكان لازم يتخدر وتترد لكن هو بخير وحيخرج على غرفه عاديه بعد متفوق من البنج
الجميع:الحمد لله
راح حاتم عند ابوه وطمنه لكن موسي بعد مااطمن على حفيده بدأ يفوق لنفسه ويفكر اشمعنا الحادثه حصلت بعد مشكلة عايده والشك اتسرب لقلبه طلب كن حاتم ابنه يجيب فنى يكون خبير فى السيارات ويكشف على السياره ويخلى الموضوع ده فى سريه كامله
ونفذ حاتم طلب ابوه وتقرير الخبير كان بيقول ان الفرامل اتسيبت بفعل فاعل وان إللى عمل كده كان عارف اخر الحادثه وانها ماتمـ،ـوتش وإلا كان قطعها خالص واتأكدت شكوك الجد وقرى المواجهه
أول ماخرج جسور من غرفة الافاقه كانت لسه الرؤيا مش واضحه قدامه دخلوه على غرفته
ميسون جريت عليه وفضلت تبـ،ـوس فى ايده وتطلب منه يسامحها وسيلين كانت منهاره من العياط وده علشان اكتشفت حقيقة امها وانها شخصيه مد،مرة وبعد تفكير طويل قررت تكشفها وتقول قدام الكل لكن بعد خروج جسور بالسلامه
فاق جسور ولقاهم كلهم حواليه وشاف ايد ميسون ماسكه ايده وكأنها بتترجاه بفضل معاها ولقى عيونها مليانه دموع حاول يحرك ذراعه لكن الألم كان شديد جدا وبدأ يظهر عليه
ميسون:حبيبى فى حاجه وجـ،ـعاك انادى الدكتور
جسور:لا انا كويس بس كنت عاوز احـ،ـضنك مش عارف
سيلين:هههه ده وقته يعنى خلاص باستى احـ،ـضنيه انتى وخلصينا
ضحك الجميع على كلامها وعلى كسوف ميسون
الجد:والله يابنت ياسيلين انتى دره جميله جدا
سيلين:لا مش اوى ياجدو هو علشان تعبان بس لكن غير كده لا لالالا
الجميع:ههههههههههههه
طبعا الكل بيحاول يخفف عن جسور لكن نظرات عايده إللى كانت لازم تيجى تزوره زى باقى العيله كانت كلها كره وحقد وشماته وانتصار ان خططها نجحت ونيمته مكسر فى السـ،ـرير لكن ياترى فرحتها حتدوم ولا حتلاقي إللى يكسر نفسها
…………..
عدت ايام وجسور فى المستشفى ميسون وسيلين مش بيسيبوه والجد بيحاول يعرف مين إللى عمل كده لحد ماالدكتور إذن لجسور بالخروج ورجعوا على البيت ولسوء حظ عايده انها تكون موجوده أثناء رجوعهم وغباءها يخليها تبدأ فى نظرات الشماته وكلامها البايخ
سيلين بفرحه :ياأهل الدار احنا وصلنا والباشا الصغير رجع بالسلامه
عايده:سلامه وهى فين السلامه دى ماهو لسه متجبس اهو
جسور فضل يسكت ومايردش عليها ولا يدخل معاها فى حوارات لكن قطته مااقدرتش تسكت
ميسون:السلامه انه يرجع بيته على رجله وفيه نفس حيا يرزق هى دى السلامه واهو رجع بالسلامه ياطنط عايده ونور القصر تانى
الجد:طبعا ياحبيبتى نور قصره وعلشان رجوعه بالسلامه انا كتبت القصر بأسمه بيع وشراء
عايده انصدمت ووقفت متنحه لكن ماكنتش تعرف ان إللى جاى أقوى عليها ولازم تجمع كل قوتها علشان تستحمل
وصلت مشيره وبعدها سميه علشان يرحبوا بجسور ولأن الكل كان عارف ميعاد خروجه وصل كمان رجالة العيله حاتم وماجد وحازم وبعد ماالكل سلم عليه واتمنى الشفا لجسور سيلين طلبت منه مايطلعش غرفته ويقعد معاهم تحت وعرفته امها عوزاهم فى موضوع مهم
سيلين:بعد اذنك ياجدو كنت عاوزه اتكلم فى حضوركم كلكم
عايده:ايه يابنت انتى بطلى تهريج ده مش وقته
سيلين:ومين قال لحضرتك انى حهرج انت بس حابه اعرف الكل مين إللى عمل كده فى جسور
الكل:مين ياسيلين انتى تعرفى منين
عايده بارتباك:جرى ايه يابنت انتى اشتغلتى مع المباحث
الجد بصرامه:سيلينا ياعايده تتكلم ومش عاوز اسمع صوت غير صوتها دلوقتى
سيلين:ياجدو انا سمعت عايده هانم وهى بتتكلم فى التليفون انا مش عارفه مع مين لكن انا سمعتها بتقوله انا مش عوزاه يمـ،ـوت وفلوسك حتوصلك جريت على غرفتى اكلم جسور واحكيله ماردش عليا وانا كنت عارفه انه فى اجتماع نزلت ابلغك ياجدو ولقيت التليفون بيرن وعرفنا الخبر
جسور:فعلا انا خلصت الاجتماع ونزلت على العربيه من غير مااشوف تليفونى خالص
عايده بانفعال:انتى كدابه كدابه ورفعت ايديها وضـ،ـربت سيلين بالقلم
سيلين:انا مش كدابه وانتى عارفه كده كويس انتى ازاى تقدرى تأذـى بالشكل ده
عايده بصراخ:اخرسي بقولك اخرسي صحيح انك بنت حرام
الكل اتصدم من كلام عايده وموسى الشامي حس أن اوان المواجهة
سيلين بصدمه ودموع:انا بنت حرام ليه غلطى مع مين ياهانم
عايده بعد ماانتبهت لنفسها:اخرسى ياحيوانه
سيلين:عرفينى مين أبويا
ماجد كان قاعد حيتجنن من أفعال عايده وفى الاخر كمان حيضيع بنته إللى استحمل كل حاجه علشان تفضل معاه وقرر يخرج من صمته
ماجد:انتى بنتى انا ياسيلين
عايده:لا مش بنتك ومادام هى طلعت واطيه اوى كده وأصلها الواطى ظهر عليها لازم كلكم تعرفوا الحكايه
ماجد:انتى إللى ماتعرفيش حاجه سيلين بنتى ومن د،،مى
عايده:بس بقى بلاش تخريف انا اشتريتها علشان انا مش بخلف
ماجد قام وضـ،ـرب عايده قلم خرج بيه كل عذابه معاها وكل غله منها ومن شرها ومن استهانتها بيه
الجد:خلاص كله يقعد وانا إللى حتكلم
سكت الجميع وانتظروا حديث موسى الشامي وابتسام كانت مستنيه هى كمان تعرف حيحصل ايه لكن استخبت عن عيونهم كلهم لكن عينيها وقلبها مابعدوش عن بنتها
الجد:سيلين بنت ماجد لكن امها مش عايده وده إللى عايده ماتعرفهوش
عايده:ازاى بنته انا إللى اشتريتها من امها وجبتها تربيها ابتسام ياابتسام
ظهرت ابتسام وظهرت المفاجأة على الكل ماعدا موسى وماجد
عايده وهى مسكاها من كتفها وبتهزها :انطقى مش انا اشتريت منك بنتك وهى فى بطنك
ابتسام بدموع:ايوه لكن إللى انتى ماتعرفيهوش انى كنت مرات ماجد وسيلين بنت حلال مش بنت حرام
عايده:انتى كدابه انتوا بتمثلوا عليا كلكم علشان تعاقبونى
الجد:انا إللى بعت ابتسام فى طريقك وكنت عارف ان تفكيرك الشيطانى يخليكى تضحكى علينا وتجبيلنا طفل مش من دمنا تعيشيه معانا
عايده بدموع :تفكيرى انا الشيطانى اومال إللى انت عملته فيا ده ايه الشيطان نفسه مايعرفش ينفذه بالدقه دى تعيشنى انا ودرتى فى بيت واحد واربى بنتها كمان وبمزاجى لا وايه انا إللى جبتها البيت
الجد:ابتسام مش مرات ماجد ده طلـ،ـقها قبل التدخل القصر
ماجد:ابتسام مراتى لحد دلوقتى انا طلـ،ـقتها قدامك لكن رديتها بعد كده
الجد بصدمه:ايه انت ازاى تعمل كده من غير علمى
ماجد بقهر:كفايه بقى كل حاجه بعلمك وبتخطيطك كفايه ظلمتنا وجوزتنا من بنات عمامنا علشان الورث والعهد العهد الظالم إللى خلى عايده تتجوزنى وهى بتحب اخويا وانا فضلت احبها وكنت بتقطع وانا عارف انها بتتمنى غيرى واول ماقبلت ابتسام هونت عليا خياتى احترمتنى عوضت اهانات عايده ليا وهونفسه السبب اللى ظلمت بيه جسوروخليته يتجوز بنتى وبنت عمه كفايه ظلم بقى
سيلين بانهيار:وبجملة الصدمات بقى ياباشا انا عمرى ماكنت حكما مع جسور لانه بيحب ميسون وميسون بتعشقه يعنى حتى حفيدتك إللى انت بتحبها ظلمتها
الجميع كان مصدوم من إللى بيدور حواليه وجسور صعبت عليه سيلين جدا اما ميسون كانت دموعها مش بتقف ومش مصدقه ان دى عيلتها إللى بتفتخر بانتماءها ليها
موسي الشامي بعد كل الصدمات دي ماكانش قادر يقف على رجله
عايده حصلها انهيار عصبى ونقلوها للمستشفى
ماجد اخد بنته ومراته ابتسام فى حـ،ـضنه لكن سيلين رفضته ورفضت امها إللى تبعتها زمان ورفضت مبرراتها
عدى على الجميع يوم من اصعب ايام حياتهم وفضلت عايده فى المستشفى ايام وسيلين قافله على نفسها غرفتها رافضه تكلم أى شخص ورافضه الاكل
ماجد فرض ابتسام على ابوه واخدها تعيش معاه فى غرفته بعد ما عرف ابوه انه عـ،ـلاقته بيها كزوجه ماانتهتش وأنه كان يقابلها فى شـ،ـقتها ايام اجازتها
موسي الشامي قرر يصلح الأوضـ،ـاع ويشوف كل واحد عاوز يبدأ حياته ازاى وبلغهم انه عاوز يجتمع بيهم
&&&ياترى كل واحد فى عيلة الشامي حيغير حياته ازاى وياترى جسور حيتمسك بسيلين ولا لأ تابعونى واستنوا الحلقات إللى جايه ومفاجات جديده&&&&&




