رواية عهد الشامي للكاتبة شيماء فرح

الحلقه الثانية عشر /
وصل جسور وميسون للبيت وقضوا اليوم كل واحد فى غرفته جسور بيفكر ان لو اتنازل عن قراره حيكون ده ضعف منه وميسون خايفه ليكون قراره بالبعد عنها وده ممكن يقتـ،ـلها لكن استحالة تتنازل عن طموحها وقع الاتنين فى حيرة عنادهم وكل واحد فيهم بيتمنى التانى يتنازل علشانه ويثبتله حبه
مر يومين وميسون مستنيه قرار جسور
………………………..
أما سيلين بعد ماوصلت بلد الفن والجمال كان فى انتظارها احد المسؤلين عن العـ،ـلاقات العامه بفرع شركات الشامى فى باريس ووصلها لحد مكان الفيلا وسلمها السياره المخصصه ليها وده طبعا بأوامر من جدها دخلت الفيلا واتعرفت على الاتنين الموجودين فيها وهما مدام روز مديرة المنزل عمرها حوالى ٤٥ عام من أصول عربيه وامها فرنسية الجـ،ـنسيه بتتكلم عربى كويس جدا وديمترى المسؤول عن حراسة الفيلا ومراعاة الحديقه لان هوايته الوحيده الزراعه وهو تقريبا من سن روز واتعلم اللغه العربيه مخصوص علشان خاطر روز اللى حبها من أول مادخل الفيلا سيلين ارتاحت جدا من أول معرفتها بروز وحست ان فى الفه بينهم ارتاحت أول يوم من السفر وبدأت من تانى يوم ليها حياه جديده صحيت من نومها فى الساعه السابعه صباحا عملت تمارين رياضيه فى حديقة الفيلا وبعدها كانت روز حضرتلها فطار صحى فطرت واخدت اللاب توب بتاعها ودخلت على غرفة المكتب أكدت ميعاد المقابله بتاعتها فى أكبر جامعات باريس للدراسات الحره وهى جامعه تابعه للسربون وكان لازم سيلين تراجع معلوماتها لان اثناء حيكون فيه اختبار ليها اختارت اصعب الجامعات فى التعامل جامعه متخرج منها أكبر الوزراء سيلين كان عندها هدف وقررت تختار اصعب الاختيارات وتتحدى نفسها وبعد وقت جه معاد الغدا لكن طلبت من روز تتغدى معاها
سيلين:مدام روز علشان خاطرى تعالى اتغدى معايا انا متعوده نكون متجمعين انا وعيلتى واول مره اكون لوحدى
روز:سيلين حبيبتى ده ممنوع هنا انا بشتغل هنا ليا مكان الغدا بتاعى
سيلين:غيرى النظام ارجوكى
روز:حاضر علشان خاطرك انا حكسر كل القوانين
سيلين :ميرسى مدام روز
روز:عفوا سيلين هانم
سيلين :ممكن بلاش هانم كمان
روز بأبتسامه:كده يبقى انتى كمان وقوليلى روز بس
سيلين:حقول انطى روز
روز:وانا موافقه
اتغدوا مع بعض وعرفت سيلين ان روز بتجرى كل يوم فى نفس الشارع إللى عايشين فيه يوميا وقررت أن من بكره حتجرى معاها وطبعا كل ده كان عكس طبيعة سيلين إللى ماكانتش بتصحى غير بعد العصر وتروح النادى وسهر طول الليل غيرت حياتها واتمنت تقدر تنسي الماضى
وفى يوم جديد سيلين بدأته زى ماخططت هى وروز وبعدها رجعت أخدت شاور وطلبت من السواق إللى بعتته الشركه لان طبعا سيلين متعرفش الطرق يوصلها الجامعه فى الحى اللاتينى
وصلت جامعتها فى المعاد المحدد للمقابله كانت متوتره جدا ومش عاوزه تفشل فى اول خطوه ليها وأثناء دخولها اصتدمت فى شخص وبسبب اصتدامها وقعتله كل الأوراق اللى فى ايده
الشخص:يييييييه
سيلين:بردون
الشخص:انتى عربيه
سيلين:أيوه مصريه
السخص:بعد كده ياريت تنتبهى انتى هما مش فى مصر انا ممكن اقاضيكى
سيلين:يا سلام ليه كل ده ده حتى عيب ده انا بنت بلدك
الشخص:الكلام ده فى مصر مش هنا
سيلين:خلاص انا اعتذرت اعملك ايه تانى
الشخص:ماتعمليش حاجه اتفضلى
مشت سيلين وسابته وهى حتمـ،ـوت من الغيظ ازاى حد يكلمها كده لكن كمان خافت تتصرف أى تصرف يتحسب عليها ويرفضوا قبولها بالجامعة قابلت المسؤوله عن تنظيم المقابلات وعرفتها ان إللى حيقوم بالمقابله معاها هو السير .مالك العدوى
سيلين بينها وبين نفسها :هو انا جايه ادرس فى جامعه القاهره ولا ايه كلهم هنا مصريين
وصلت للقاعه إللى بلغتها بيها المسؤوله وشافت سير.مالك العدوى
مالك:انتى
سيلين:ايوه انا هو حضرتك سير .مالك العدوى
مالك
مالك:ياريت تنسى انى مصرى وتتكلمى فرنساوي
وبدأت سيلين المقابله والاختبارات وتعمدت ماتنطق ولا كلمه عربى لكن من جواها كان نفسها تولـ،ـع فيه اما السير مالك انبهر بمقاومتها وثباتها وأنه مااقدرش يهز ثقتها بنفسها خلصت المقابله وخرجت سيلين من عنده وهى شاغله كل تفكيره رجعت على الفيلا وحكت لروز على يومها واتغدت ونامت
……………………………..
اما فى مصر كانت الأجواء متوتره جدا بين ميسون وجسور هى ورافضه اصحى بمستقبلها وهو رافض يتنازل عن قراره وقرر يبلغها بكده راح جسور لميسون غرفتها ودخل بعد مااذنت له بالدخول
جسور:ميسون انا محتاج اتكلم معاكى
ميسون:بيتهيألي احنا اتكلمت والمفروض تبلغنى قرارك
جسور:انا مش قادر اصدق انك ميسون الهاديه الرقيقه التى العند ده كله منين
ميسون:هو انا لما احافظ على مستقبلى ابقى بعاندك
جسور:انا رافض انك تدخلى طب وتضيعى سنين كتير من عمرك فى الدراسه
ميسون:وانا ماتعتبش وذاكرت علشان فى الاخر تلغى طموحى
جسور:حتى لو حتخسرينى
ميسون بعناد :حتى لو خسرت حياتى كلها
جسور:يبقى انتى إللى اختارتى انك تبعدى
ميسون:انا سيبتلك حرية الاختيار لكن ازاى جسور باشا الشامي يتنازل عن قراره حتى لو كان علشان مستقبلى
جسور:انتى شايفه كده مش شايفه انك انتى إللى اختارتى طموحك ومستقبلك عن قلبك وحبك ليا وعن جوازك منى
ميسون:والله ده قرارى واعمل إللى يريحك
جسور:خلاص يبقى حنفضل ولاد عم وبس
ميسون:تمام شوف الإجراءات ايه وبلغ بيها العيله
خرج جسور من عند ميسون وهو حزين ومصدوم ان رغم ضغطه عليها بانفصاله عنها الا انها اختارت مستقبلها إللى هو شايف انه مالوش لازمه
اما ميسون فبعد خروجه انهارت ودخلت فى نوبة بكاء هيستيرى على حبها إللى مش عارفه هى ضيعته ولا هو إللى ضيعها
نزل جسور يدور على جده علشان يبلغه بقرارهم ولقاه فى مكتبه كالعاده
الجد:تعالى يا جسور انا كنت لسه حبعتلك
جسور:خير ياجدو
الجد:عاوز اعرف ناويين تعملوا الفرح امتى
جسور بحزن:لا خلاص مافيش فرح
الجد بصدمه:ايه مافيش فرح ازاى انتوا اتجننتوا
جسور:اختارت كليتها ومستقبلها وماختارتش تكمل معايا
الجد:قصدك إختارتكم انتم الاتنين لكن انا عاوز تكون لوحدك
جسور بغضب:انا مش قابل ده واعتقد انى راجل وده من حقى
الجد:انا لما اختارتك علشان تكون مسؤول عن مصالح العيله علشان عارف انك حتبدي المصلحه العامه عن مصالح الشخصيه
جسور باستغراب :وايه المصلحه العامه فى جوازى من ميسون
الجد:انت ناسى انكم اخر نسل للعيله من نفس الدم
جسور:وده يخلينى اقبل بان مراتى تمشى كلامها عليا من أول مشكله تحصل بينا
الجد:انا مش بقولك إللى شخصيتك لكن كمان ماتلغيش شخصيتها
جسور بغضب:دى مصممه رغم انى ضغط عليها وعرفته انى حسيبها
الجدبمكر:وانت حتسيبها
جسور:لا طبعا ده انا اقـ،ـتلها يوم ماتفكر تسيبنى
الجد :خلاص يبقى توافق وبعد الجواز هى حتتعب ومش حتقدر تكمل
جسور بتنهيده:هيييييه مش واضح حفيدتك ورثت عند العيله
الجد:لكن انت قدها وقدود
جسور:حاضر ياجدو حوافق وربنا يحلها من عنده
خرج جسور من عند جده لكن حب يسيب ميسون ومابلغهاش بموافقته لحد ماتيجى فرصه مايعرفش ان ميسون على وشك المـ،ـوت بسبب قراره
&&&&&ياترى جسور حيعمل ايه فى ميسون وايه إللى حيتم بين سيلين ومالك تابعونى فى الحلقات الجايه&&&&&
اسفه على التأخير
الحلقه الثالثة عشر/
جسور خرج من القصر وهو سايب وراه قلب قطته مجروح صحيح هو مستنى فرصه ويقولها انه موافق لكن هى ماكنتش تعرف غير انه مشى من عندها علشان ينهى إجراءات الانفصال عنها وده بالنسبه ليها زى المـ،ـوت بكت ميسون بدموع عيونها وحست بنغز فى قلبها وكل دقيقه بتمر عليها كان الألم بيزيد عليها سمعتها مشيره وهى بتصرخ بأعلى صوتها
ميسون:ااااااااااه
مشيره وهى بتخبط على باب غرفتها:ميسون ياميسون فيكى حاجه ياحبيبتى
مشيره مش سامعه رد من ميسون فتحت الباب ودخلت لقتها واقعه فى الارض وماسكه قلبها بأيديها ومش قادره ترد وشها مختفى منه الدم بشرتها زايد بياضها بطريقه مفجعه نزلت على ركبتها وحاولت ترفعها من الأرض لكن ماكنتش قادره جسم ميسون كان تقيل على عكس طبيعته خافت وخرجت من الغرفه تجرى
مشيره:سميييييه ياابتسام ياعمى حد يلحقنى
وصلت ابتسام وبعدها سميه إللى انها صلاتها بعد ماسمعت صوت مشيره
ابتسام :خير بتصحى كده ليه
مشيره:الحقينى ميسون مش عارفه فيها ايه
سميه:بنتى فيها ايه مالها وجريت على بنتها
ابتسام :ورينى ضغطها
وبعد مامسكت ابتسام معصم ايد ميسون علشان تشوف نبضها وبخبرتها القديمه كممرضه وقفت بسرعه تطلب إسعاف
سميه ببكاء:فيها ايه ياابتسام بنتى جرالها ايه وفضلت تهز فى ابتسام إللى دموعها كانت سابقه كلامها
مشيره:طمنينا بتطلبى الإسعاف ليه
ابتسام ببكاء:نبضها ضعيف جدا وممكن يأثر على قلبها
وصلت الإسعاف ونقلوا ميسون لأقرب مستشفى للقصر وكانت معاها امها وابتسام فى عربية الاسعاف
اما الجد ركب مع سواقه هو ومشيره وهو فى طريقه اتصل بجسور وكان الخبر صدمه وجـ،ـعت قلبه وخوفه كان حيقـ،ـتله خرج من مكتبه ووصل بعدهم دقايق للمستشفى
جسور:ايه إللى حصل بلغوكوا أي حاجه
الجد:لا ياابنى لسه الدكتور ماخرجش
جسور دخل لغرفة الطوارئ كان الدكتور بيكشف عليها وطلب نقلها للعنايه المركزة
جسور:فى ايه عنايه مركزه ليه
الدكتور:اشتباه فى جلطه بالقلب
جسور:جلطه دى سنها صغير
الدكتور :الجلطه مش محدد ليها سن واضح انها اتعرفت لانفعال شديد عليها وعضلة قلبها كفاءتها ضعيفه وده إللى وصحته إشاعة الايكو إللى عملتها أول ماوصلت
جسور:حضرتك شايف انها تفضل هنا انا ممكن اسفرها أى مكان
الدكتور:ماانصحش انها تتحرك واحنا هنا عندنا كفاءات وان شاء الله نسيطر على الحاله
جسور:مت فضلك عاوز ادخلها
الدكتور:حضرتك اخوها
جسور:انا جوزها
الدكتور :هو ممنوع لكن انا حاسس ان وجود حضرتك ممكن يفيدها حتلبس ملابس معقمه وتدخلها
خرج جسور مع الممرضه ولبس ملابس معقمه ودخل لغرفة العنايه لقاها نايمه لا حول لها ولا قوه والاسلاك ماوصلت بيها من كل اتجاه وماسك التنفس مغطى وشها الجميل الصغير مااقدرش يوقف دموعه مسك ايديها
جسور:حبيبتى سامحيني معقول عندى وكرامتى هما إللى وصلوكى الحاله دى والله انا وافقت انك تكملة دراستك كنت حرجع اغلس عليكى وافرحك بعدها قطتى انتى فكرتى ان ممكن اطلـ،ـقك انا مقدرش ابعد عنك قومى ياميسون مش بعد ماحبيتك تعملى فيا كده جسور كان بيتكلم وهو منهار ولأول مره مايتحكمش فى دموعه
فضلت ميسون تحت تأثير الأدوية المهدئه يومين كاملين لحد مااقدروا يسيطروا على حالة القلب وفعلا لحقوها قبل تجلط الدم بحقن الهيبارين إللى دوبتها فى ساعتها بعدها فاقت وشافت عيلتها كلها فى انتظارها وحبيبها ماسك ايديها
ميسون:انا فين هنا
جسور:انتى فى المستشفى خضتينى عليكى ياعمرى
ميسون:خلاص خلصت الإجراءات
جسور:يعنى انا بقولك ياعمرى وانتى تقوليلى خلصت
انتى حبيبتى ومراتى ومش حتنازل عنك أبدأ
ميسون:وانا مش حتنازل عن حلمى ومستقبلى
جسور:وانا عمرى ماحمنعك عن تحقيق نجاحك انا ممكن اتنازل عن أى حاجه غير انى اتنازل عنك
ميسون بفرحه:بجد ياحبيبى
جسور:طبعا بس أوعى تاخدى على كده
ميسون ببراءه:لا مش حاخد والله
………. … …………………… . … فى باريس
اما سيلين إللى شغلت فكر السير مالك بعد ماقضت يومها الأول فتحت اللاب توب بتاعها تشوف نتيجة المقابله وفجأة بقت تتنطط وتصرخ سمعتها مدام روز
روز:سيلين حبيبتى انتى بخير
سيلين وهى بتحـ،ـضنها :نجحت نجحت انا فرحانه أول خطوه فى تغيير حياتى نجحححححححت
روز بفرحهة:مبروك حبيبتى
سيلين :ميرسى
خرجت روز وسيلين استعدت ليوم جديد وكلها طاقه وحيوية نامت وهى كلها امل فى تحقيق حلمها
وفى الصباح صحيت سيلين على صوت المنبه نزلت علشان تمـ،ـارس الرياضه مع روز زى ما اتفقوا وكانت روز مستنياها وهى باللبس الرياضى خرجوا مـ،ـارسوا رياضة الجرى وبعدها تمارين الايروبكس وطلعت سيلين لغرفتها أخدت شاور ولبست بدله كلاسيك من اللون الرمادى وتحتها بلوزه من اللون الروز رفعت شعرها على شكل ذيل حصان نظرت لنفسها لاخر مره قبل ماتنزل وكانت راضيه عن نفسها نزلت بسرعه لانها ممكن تتأخر عن معاد أول محاضره ليها أخدت واحدة توست وجريت ركبت مع السواق إللى وصلها فى وقت قياسى لاحساسه انها متأخره من كتر مابتبص فى ساعتها
وصلت سيلين الجامعه ودخلت لقاعة المحاضرات ولتانى مره حظها السئ يوقعها فى السير مالك إللى بعد.مالقاها داخله مع زميل ليها اتغيرت ملامحه وقرر يضايقها
مالك:من فضلك ممنوع الدخول للقاعه بعد حضورى انسه سيلين
سيلين:يعنى اخرج
مالك:اتفضلى ادخلى واخر مره
سيلين دخلت وهى كل يوم بيزيد غيظها منه ومش عارفه هو بيعاملها كده ليه
مالك كمان ماكانش عارف هو ليه اتضايق اوى كده انها بتكلم راجل تانى لكن بسرعه فسر غضبه لانها من بلده وخايف عليها
سيلين خلصت المحاضره وقامت علشان تخرج لكن زميلها تالى كان داخل معاها وقفها
الزميل:انستى لم أتعرف عليكى بعد مرحبا انا آرثر
سيلين:مرحبا بك وانا سيلين
آرثر:هل يمكننى تناول القهوه معكى
سيلين: اعتذر لارتباطى بموعد
آرثر:حسنا سأتركك الآن ولكن فلتعدينى بقبول دعوتى
سيلين:اعدك ولكن لاحقا
خرج آرثر بعد أن ودع سيلين لكن مااخدتش بالها ان فى عيون بتراقب حوارها ولسه حتخرج لقت مالك بينادى عليها
مالك:انسه سيلين
سيلين بضيق:نعم سير مالك
مالك:واضح ان حضرتك بتعرفي تكونى صداقات بسرعه
سيلين باستغراب:افندم فين الصداقات دى
مالك :آرثر زميلك إللى كنتى جايه معاه الصبح وواضح انه كان سبب تأخيرك
سيلين بغضب:انا أول مره اشوفه وبعدين انا قابلته هنا عند الباب وهو مش سبب تأخير ى ده غير ان مافيش حاجه ترد حضرتك الحق انك تحجر على تصرفاتى
مالك بغضب واحراج:صحيح معنديش حق قانونى لكن انا مصرى غيور على بنت بلدى
سيلين :عموما ياريت حضرتك ماتقلقش على بنت بلدك إللى واضح انك بتعترف بيها فى حاجات وحاجات
عن إذن حضرتك
مالك :اتفضلى
خرجت سيلين ومالك حاسس انه عاوز يمسكها يضـ،ـربها لانه خايف عليها وهى مستهزأه بمخاوفه عليها
سيلين لنفسها:كان ناقصنى سى مالك ده كمان أنا وماصدقت ارتحت من جسور
وصلت لفرع الشركه فى باريس ومستقبلها هشام المسؤول عن العـ،ـلاقات العامه واللى استقبلها فى المطار وتقريبا هو والمدير بس عارفين انها من أصحاب الشركه
اما هشام فمن أول ماشاف سيلين فى المطار وهو حيتجنن عليها
&&&&&ايه إللى حيحصل بين سيلين ومالك وحنكون ايه عـ،ـلاقتها بهشام وترتيبات فرح ميسون وجسور تابعونى علشان تعرفوا كل التفاصيل الحلقات القادمة &&&&&
