رواية بقلم ايمان عبد الحفيظ

*********************************
ألى اين يأخذنا القدر .. الى أين سترسى بنا سفينة الحياة .. التى تبحر بنا وسط امواج البحر العاتية .. ألى اين سيظل القدر يلعب بنا كالدمى ؟؟.. سؤال سخيف حقا .. القدر يتلاعب بنا حتى الممـ،ـات ..
خطتت اصابع يده تلك الكلمات اسفل اللوحه التى قام برسمها .. التى تحمل فى طياتها تقلبات القدر .. لوحة هادئة .. ثم ابتسم بهدوء .. ما الخطوة القادمة .. هل سيخبرها بأعجابة بها .. هل يخبرها برغبتة فى الزواج منها .. لكن .. الجانب الشرقى منه يرفض الزواج بها .. رجل اخر امتلكها قبـ،ـلة .. رجل اخر انتهك حرمتها .. الرجل الشرقى دوما يا يرفض الاقتران او الاقتراب بما هو مستعمل قبل ذلك .. فلماذا نشترى حافلة اذا كان بامكاننا ان نشترى تذكرة .. تفكير سخيف .. يلجأ له بعض الذكور ليقنع نفسه انه رجل .. لكن شتان بين الذكر و الرجل .. حتى و لو اصبحت امرأه رجل اخر .. فسيعرض طلبة .. بالتأكيد هى لن تظل من غير رجل يحميها و يحبها .. و لن تجد رجل اخر يحبها مثلة هو .. اذن يجب ان يخبرها رغبتة فى الزواج بأسرع وقت ..
قرر ان يتناسى ما يفكر به الان مؤقتا .. يجب انهاء ما بيديه من اعمال حتى يتفرغ لأداره هذا الامر .. توجه للجلوس على مكتبة البنى اللامع .. ليمسكت بالقلم و يحركه بيده ببطء .. و هو يستحضر صورتها الملائكيه حتى ياتيه الالهام ليقوم برسم ما لا يخطر على بال شخص ..
هكذا هم العشاق .. نستحضر صورة المعشوق .. لنترك عقولنا فى عالم خيالى .. نخرج منه بأبدع الافكار .. عيونها الرمادية جاءتة بأبدع التصاميم للملابس .. قرر ان يجاذف و يقوم بما جاء فى خيالة .. قيامة بذلك ربما ان يؤدى الى انهيار مستقبلة المهنى .. لكنة سيفعلها لأجل تلك العيون الرماديه .. شغف ..
يزن بابتسامة هادئة : هعملها يا شغف علشانك …
*******************************
اخرجت مفتاح شقة الزوجية الخاصه بها .. وضعته و هى تكتم دموعها بصعوبة .. كان يجب ان تجمع اغراضها بأسرع وقت من هناك .. لتعطيهم مفتاح الشقة التى هى ملك لسيف زوجها الراحل ..
جزت على اسنانها بقوه .. حين رأت الصورة المعلقة على الحائط .. صورة تذكارية لهم تم التقاطها يوم خطوبتهم ..كانت ترتدى فستان ازرق اللون .. و حجاب من اللون الرمادى هادى .. ابرز جمال عيونها الرماديه .. الابتسامة التى كانت على شفاههم استحضرت الدموع مره اخرى حزنا على فقيد قلبها ..
رتبت والدتها بحزن على كتف ابنتها الوحيده ..
أمنة : الله يرحمة يا شغف ..
اؤمأت شغف برأسها بحزن وهى تمسح دموعها بتعب و حزن .. ثم توجهت الى غرفتها .. لتخرج حقيبة السفر التى كانت تفرغ وقت سمعت خبر وفاته .. جاءت لتجمعها مره اخرى ..
كان زائد عليها للغايه و هى ترى حقيبة سيف التى اخذها و هو يغادر للمنزل يوم الحـ،ـادثة .. وجدت عليها اثار د،ماء كثيرة .. اغمضت عيونها بألم .. د،ماءه تلك التى نثرت على الحقيبة لاحظت خروج شيئ مثل الورقة من جيب فى اول الحقيبة .. تقدمت بخطوات تشبة التمثال الالى تاركه حقيبتها التى تملاءها .. أخرجتها بأصابع مرتعشة .. لتجدها صورة جمعته بها .. صورة بوضعيه اخرى لهم يوم الخطبة .. تساقطت قطرات الدموع من عيونها ..
كان يحمل تلك الصورة معه دائما .. ذات مرة وجدتها بالمصادفة فى محفظتة .. فسألتة عنها ..
flash back
شغف بابتسامة : بتعمل اييه دى بقى فى محفظتك ..
سيف بهدوء : و لا حاجه ..
شغف بخبث : يا راجل .. قولى بتعمل ايه معاك دى على طول ..
خطف سيف الصورة من يده .. و وضعها فى محفظه يده ..
امسك يدها بابتسامة ..
سيف بابتسامة : طول ما هى معايا بتحسنى بالامان .. بحس بيكى معايا .. بحس بالراحه .. علشان كده لازم الصوره دى تكون معايا ..
شغف بابتسامة : بحــــــبك ..
انحنى برقبته و هو يقبل يدها ..
سيف بحب : و انا بعشقك ..
back
اجهشت ببكاء حار .. حزينة على حبيبها الذى دائما كان يعشقها و يحبها دواما .. فليرحمه الله ..
لكن هل ستظل كما هى .. تبكى عليه طوال العمر و هى ما زالت فقط فى عمر الثالث و عشرون عاما .. ماذا ستفعل ؟؟..
**************************
كانت جالسة امام شاشة التلفاز بأعين شارده .. لا ترى اى مما يعرض على الشاشه .. لكن عقلها شارد بما يحدث من حولها .. هل تخبر يزن بما عرفته ؟؟.. لتجعله يتزوج بمن يحبها ؟.. لكن هذا سر صديقتها و هى لن تقوم بخيانتها بهذه الطريقة الرخيصة .. بالتأكيد لن تقحم اخيها بالحياة الخاصه بصديقتها .. لكن ما العمل ؟؟.. يزن ليس بصغير اذا كان يرغب بها .. فسيفعل المستحيل ليحصل عليها لتصبح زوجتة .. لتترك له حرية التصرف دون اى تدخل منها .. لكن اذا قرر يزن عرض الزواج على شغف .. ماذا سيكون رد فعل والدتها .. التى رفضت شغف و هى أنسه .. هل ستقبل بها أرملة ..
نادية بغيظ : بت يا اروى .. ساعه بنادى عليكى !! .. سرحانة فى ايييه ؟؟..
اروى بهدوء : لا ولا حاجه يا ماما .. بس تعبانة شوية ..
نادية بابتسامة : طب قومى ارتاحى شويه يا بنتى ..
اروى بابتسامة : حاضر يا ست الكل ..
اروى بتوتر : ماما .. بقولك ايييه ؟..
نادية بترقب : قولى ..
اروى بهدوء : انا قريت اللى هقوله ده على الفيس بوك .. فى واحد بيحب واحده .. بس هى اتجوزت .. و اتطلقت .. و هو عايز يتجوزها .. و امه مش موافقه .. يعمل ايييه ؟؟..
نادية بهدوء : ممكن تكون امه عندها حق .. و البنت مش كويسة ..
اروى بترقب : لو كانت امه غلط .. و البت كويسة .. و نصيبها كده ..
نظرات الاستغراب التى انطلقت من عيون نادية الى اروى التى تدافع عن ذلك باستغراب ..
نادية بهدوء : لازم يقعد و يسمع من امه .. و يشوف وجهه نظرها هى .. و يتناقش معها .. الطرف اللى هيكون الاصح . يتنفذ اللى عاوزة .. يعنى لو الولد صح و البنت كويسة يبقى يتجوزها .. مش هيعيبها انها كانت متجوزه قبل كده .. لو كانت الام صح و البنت مش كويسة .. يبقى لازم يسمع كلام امه و يبعد عنها حتى لو بيحبها علشان ربنا يكرمه فى حياتة ..
أؤمأت اروى برأسها مع ابتسامه خفيفة .. لكن هل سيكون هذا نفس رد فعل والدتها حين تعرف ان الشاب هى يزن اذا قرر الزواج بشغف .. و الفتاة هى شغف .. لكن فلتترك كل هذا للقدر ..
********************************
بعد مرور شهر ..
قررت شغف متبعة دراستها .. لن تظل واقفة تبكى على الاطلال كثيرا .. الحياة لا تقف .. لا تنتظر احد .. لا يجب عليها انتظار عودة ما لا يرجع .. يجب عليها ان تتقدم .. تمارس حياتها بشكل طبيعى .. بالتأكيد سيف لم و لن يود ان تستمر حياتها بهذا الشكل .. قررت مهاتفة صديقتها الوحيده لتذهب معها مجددا الى الجامعه مثلما تعودا كلتاهما على ذلك الامر ..
شغف بهدوء : صباح الخير يا اروى ..
اروى بابتسامة : صباح الفل و العسل يا شغف يا عسل .. عاملة ايه النهاردة ..
شغف بابتسامه خافتة : تمام يا حبيبتى .. بقولك يا اروى هينفع تعدى عليا نروح سوا الكلية النهاردة ..
اروى بزهول : انتى بتتكلمى بجد يا بت ..
شغف بهدوء : ايووه بجد .. مش هفضل قاعدة فى البيت كده .. هرجع الكلية .. لازم اخلص دراستى و امارس حياتى بشكل طبيعى .. علشان اعرف اعيش وسط الدنيا دى انا و امى ..
اروى بابتسامة : ربنا يقويكى يا شغف .. حاضر .. هعدى عليكى بعد لما خلص فطار .. يمكن اخلى يزن يوصلنا بعربيتة زى زمان ..
شغف بابتسامة : طيب يا حبيبتى .. فى انتظارك ..
أغلقت الهاتف و تبتسم بهدوء .. لا تعرف لما جاءها فى حلما البارحه .. كان حلما هادئا .. كانت تمشى بجانب البحر .. ترتدى ملابس بيضاء رائعه .. لا احد على الشاطئ غيرها هى فقط و هو .. كان كلاهما ممسكين بأيدى بعضهم .. ثم اقترب منها ليطبع قبـ،ـلة رقيقه على شفتيها ..
ثم همس بجانب اذنها ” بحبك يا شغفى ” .. وقتها انتفضت من نومها .. لاول مره منذ وفاة سيف و وجنتيها تتورد و تشعر بالخجل .. و الابتسامة اللاراديه ترتسم على شفتيها ..
هزت رأسها بعنف لتلقى بتلك الافكار بعيدا عن رأسها .. نحن لسنا مسؤلين عما نراه بأحلامنا .. بل احيانا يكون ما نراه فى الاحلام هو ما نتمناه فى هذه الدنيا ..
لكن هل هى تتمنى يزن ؟؟..هل هى تتمنى ان تحب و تتزوج مره اخرى .. بالطبع لا .. فهناك مثل قديم
” اللى اتلسع من الشربة ينفخ فى الذبادى ” ..
ابتسمت هى بسخريه على ذلك المثل الذى يطبق حالتها .. حتى و اذا حدث و تقدم لها .. لن تقبل بها .. لن تكرر التجربة مره اخرى .. ثم هل يزن النجدى سيقبل بأرملة لتصبح زوجتة .. كفى خرافات يا فتاة .. كفى غباء يا شغف .. و عيشى ما كتبة لكى القدر الذى سيتلاعب بكى مدى الحياة ..
امسكت تلك المذكرة السوداء التى ترقد فوق مكتبها .. لتفتحها و تخط بها
” لنرى الى اين ستأخذنا ايها القدر .. بألاعيبك ” …
***********************
أغلقت الهاتف و هى تدندن بسعاده بالغه .. لان صديقتها الوحيده قررت الخروج للحياة مره اخرى .. قررت الابتعاد عن بوتقة الحزن .. و بؤرة العذاب التى اعتكفت بها .. و اخير ستعود شغف للجامعه .. خرجت من غرفتها وهى تتبختر فى سيرها بسعاده ملحوظة
اروى بابتسامة : الدنيا ربيع .. و الجو بديع .. قفلى على كل المواضيع .. قفل .. قفل .. قفـــــــل .. مفيهاش كانى .. و مفيها…..
تشششششششششششششششش…
صوت ارتطام المياة المثلجة بوجهه اروى .. مما اثار غيظها
حسام بسخرية : قولت اوريكى الربيع .. و البديع ..
اروى بغيظ : يا حيوان .. حد يعمل كده فى عز الشتاء ..
حسام بضحك : ما انتى اللى بتغنى الدينا ربيع .. و الجو بديع …
زفرت اروى بغضب ثم صرخت به بغيظ و هى تستعد لتركض خلفة
اروى بغضب : تعالى هنا يا حيـــــــوان ..
ركض حسام من امامها مسرعا .. لكى يهرب من عقابة من اخته الكبرى .. ركض و هو يضحك بقوه .. فهو يعتبر خفة ظل المنزل .. من يرسم البسمة على الجميع فى هذا المنزل .. اقتحم غرفة يزن الذى وجده يغلق ازرار قمـ،ـيصة ..
نظر له يزن بترقب .. ليجد اخيه الصغيره .. يختبئ وراء ظهره ..
يزن بضحك : عملت ايه على الصبح .. خليت الساحرة الشريرة .. تجرى وراك زى التور ..
حسام بضحك : صاحيه الصبح .. بتغنى الدنيا ربيع .. و بديع .. فحبيت اوريها البديع و الربيع ..
يزن بضحك : حد يعمل كده فى عز الشتا .
اقتحمت اروى بملابسها المبتلة .. صرخت بقوه بهم ..
اروى بغضب : هو فين .. هو فيــــــــــن .. اللى عامل نفسه شاطر و بيرشنى بالميا الحيوان .. انت يا زفت يا حسام ..
يزن بضحك : بس كده و انتى شبة محى الشرقاوى ..
اروى بغيظ : لا انا عاوزة حقى من الواد الاوزعة ده ..
يزن بهمس : طب استنى ..
امسك زجاجة المياة من يد اروى برفق .. ثم سكبها بوجه حسام ..
يزن بضحك : حقك اهو .. خلاص بقى ..
حسام بضحك : و الله لولا ان الجو حر بسبب المجهود اللى عملتة .. لكنت عملت معاكى السليمة ..
اروى بفرحة : جابلى حقى منك يا معفن …
حسام بسخرية : كسر حقك يا اروتى ..
اروى بغيظ : اخرس يا حسام الكلب …
يزن بعصبية : بـــــــــــس .. بررررة انتوا الاتنين ..
اروى بطفولية : انت مش شايف عمايلة السودة …
حسام باستهزاء : بس يا بتاعة الدنيا ربيع …
زفر يزن بضيق .. ثم توجه ليمسكهما من ملابسهم .. و يزج به خارج غرفتة .. و يغلق باب غرفتة خلفهم بغيظ ..
التفت للباب حين رأى اروى تدخل راسها من فتحه الباب مره اخرى
يزن بغيظ : هاااا.. عايزة ايييه تانى ؟؟..
اروى بابتسامة : بص يا حلو يا عسل انت .. ليا عندك طلب يا يزن ..
يزن بضحك : اخلصى يا اروى.. عاوزة فلوس ؟؟
اروى بابتسامة : اكيد مش هقولك لا يعنى .. بس انا حاليا عاوزه حاجه تانى ..
توجه يزن الى سترة بدلتة .. ليخرج منها بضع ورقات ماليه .. ليعيطها لأختة الصغرى ..
يزن بابتسامة : 500 جنيه اهى .. لو عايزة حاجه تانى قولى .. بس قولى كنتى عاوزه ايه حاليا ؟؟..
قبلتة اروى بحنان على وجنته ..
اروى بابتسامة : ربنا يخليك ليا يا يزن .. بس اللى انا عاوزه حاجه مختلفة شويه .. الله اعلم هتوافق عليها و لا لا ؟.
يزن بترقب : قولى بصراحه يا اروى .. انا عمرى ما رفضت ليكى طلب ..
اروى بترقب : عاوزك توصلنى انا و شغف الجامعه ..
يزن بزهول : شغـــــف !! .. هى هتنزل الجامعة ؟؟؟.
اروى بابتسامة : اه و اخيرا .. هتنزل ..
يزن بابتسامة : طيب يا اختى .. روحى اجهزى و انا هوصلك انتى و هى ..
اروى بفرح : يعيــــــــش يزن .. يعيش .. يعيش ..
ركضت خارج غرفتة و هى سعيده لانه يحاول تجاهل ما حدث .. يحاول الضغط و كتمان مشاعره تجاه صديقتها .. لكن هل سنجح يزن فى هذا ؟؟..
وقف هو يفكر بتفكير .. هل ستعود مجددا الى الحياة ؟؟.. هل ستقبل على الحياة مره اخرى كأى فتاة فى عمرها .. هل ستقبل ان تتزوج مره اخرى .. هل ستقبل ان تحب و تعشق مره اخرى .. هل ستقبل ان تتزوج به .. لا يوجد اى داعى لتأخير طلبة مره اخرى .. سيطلب يدها للزواج اليوم .. ها هى الفرصه قد جاءت .. فليفعلها و يترك الباقى على القدر …
***********************
يتبع
نوفيلا : ألاعيب القدر
للكاتبة : ايمان عبد الحفيظ
الفصل السادس
******************************
شعور الروح تكاد تخرج من جسدنا .. كأنها انشقت لنصفين .. و هو يرى عيونها الرماديه اللامعه سابقا من الفرح .. حاليا اصبحت داكنة .. غامضة .. كانت فتاة يافعة كورقة الشجر الخضراء .. الان اصبحت ذابلة تحتاج للعنايه من جديد و الا ستمـ،ـوت .. رأى دموعها التى تجاهد لتخفيها خلف تلك النظرات الشمسية السوداء .. بينما اثار حزنة و غضبة .. حين رأى ملابسها السوداء .. قمـ،ـيص طويل يصل لركبتها باللون الاسود .. و حجاب اسود اللون .. و بنطال واسع اسود اللون .. كانت حزينة لدرجه جعلت قلبة يتحطم لمئة قطعه كالزجاج تهشم .. كان مؤلم للغايه رؤيتها شاردة حزينة .. هى ألقت عليه تحية عابرة .. كأنها لم تعد تراه مطلقا .. كأنها فى عالم اخر ..
كانت ثرثرة اروى كالعاده لا تصمت .. كأنها تحاول اخراجها من الحزن الذى يسيطر عليها .. تحاول ان تزيل الشحنات السلبية التى يزداد انتشارها فى الهواء حين تلتقى نظرات يزن و شغف فى مراّه السيارة .. النظرات التى تشعر بها تبعدها عن عالم الحزن الذى تعيش به .. النظرات التى تذكرها بالحلم الذى حلمت به قبل ايام .. و استيقظت على صوت اذان الفجر .. هذا يعنى انها رؤية .. ترى هل ستتحقق ؟…
اروى بابتسامة : صحيح يا شغف .. دكتور مروان كان سأل عليكى اكتر من مره ..
شغف بترقب : مروان مين ؟؟.. قصدك مروان اخ سيف الله يرحمة ..
التقطت اذن يزن الحديثث منذ سماعه لأسم رجل يذكر فى الحديث .. بل و ازداد تركيزة على الحديث حين عرف ان هذا الرجل اخ زوجها الراحل ..
اروى بهدوء : ايوووه هو .. معرفش كان عاوز ايه .. بس قالى لازم اول لما اشوفك ضرورى تكلمية ..
شغف بحزم : مفيش كلام بينى و بينة يا اروى .. بعد الفضيحه اللى امه عملتها فى العزا بتاع سيف فى بيتنا ..
اروى بحزن : يا شغف .. اعذريها .. دى ام برضوه ..حسى بيها شويه ..
يزن بغيظ مكتوم : هى كانت حسيت بيها لما فضحتها و طلعت عينها فى العزا قدام الناس كلها ..
التفت كلتا الفتاتان الى يزن باستغراب .. من انه يتابع الحديث من زمن ..طال الصمت بينما اروى تزج على اسنانها حتى تكتم الابتسامه من الخروج ..
شغف بجدية : اهو قالك .. كلامة صح ..
اروى بابتسامة : خلاص يا عم انت و هى .. انا غلطانة .. المهم ابقى شوفيه عاوز اييه ؟؟..
شغف بتهكم : نشوف يا اروى .. لا هو و لا حد من عيلة سيف الله يرحمه ليا بى صلة .. لو هشوف عاوز ايه يبقى هتيجى معايا ..
ثم التفت الى يزن الذى يتصنع التركيز فى القياده ..
شغف بجدية : ده بعد اذن حضرتك طبعا ..
يزن بزهول : اذن ايييه ؟؟.. انت بتكلمينى انا ؟..
اروى بخفوت : اعمل نفسك مش سامع ..
شغف باستغراب : بتقولى ايييه يا اروى ؟؟.
اروى بابتسامة : لا و لا حاجه خالص ..
يزن بجدية : خلاص مفيش مشاكل اروى هتروح معاكى .. بس اروى و انتوا مروحين تكلمينى علشان اوصلكم ..
اروى بفرح : تسلملى يا يزن يا عسل ..
ابتسم يزن بحنان اخوى لها .. ثم حاول قدر المستطاع ان يبعد نظرة عن شغف .. التى تبادلت الادوار معه .. اصبحت هى من تنظر له من اسفل نظارتها الشمسية .. تترقب كل حركة صغير تصدر منه .. كل حركة توتر ترفع حاجبة .. حين ذكر ماضيها .. لا تعلم هل هذة صدفة ام لا .. لكن ستعلم قريبا .
بينما يزن الذى عزم فى نفسه على معرفة ماذا يريد ذلك مروان من شغف ؟؟…
**********************************
كانت تسير فى الشارع الرئيسى ثم قررت ان تختار شارع بسيط يؤدى الى منزلهم الهادئ .. مرت بجامع الخاص بمنطقتهم .. كانت تسير بأرجل متعبة مرهقه .. شعرت بيد تخطف من يدها الاكياس التى تحملها التى تحتوى بداخلها بعض الخضروات و الفاكهه .. لتجد شيخ الجامع .. ذلك الذى عمره فى العقد الرابع من عمره ..
الشيخ حامد : عنك يا حجه امنة ..
امنة بابتسامة : مفيش داعى يا شيخنا ..
الشيخ حامد بهدوء : ده واجب عليا يا حجه .. المهم كنت عاوزك فى موضوع ..
امنة بترقب : اتفضل يا شيخ حامد ..
حامد بخبث : انا طالب الحلال يا حجة امنة ..
امنة بدهشه : فى مين معلش ؟؟..
حامد بابتسامة : طالب ايد بنتك .. ست الكل شغف ..
اتسعت حدقتى عيون امنة بزهول ..
امنة بعصبيه : انت ازاى تتجرأ و تطلب منى ايد البنت .. دى من دور عيالك .. و بعدين انت مش عندك 3 فى بيتك يا رجل انت ..
حامد بهدوء : طالما حلال ربنا اييه اللى يمنع يا حجه امنة .. ثم انها دلوقتى مش بنت بنوت دى ارملة يا حجة امنة ..
امنة بعصبيه : بص يا شيخ حامد . ارمى بنتى بره دماغك احسنلك .. و انا معنديش بنات للجواز .. و هات دول .. و من غير سلام ..
اخذت حقائبها و اسرعت لتحتمى بمنزلها .. او بالاساس تحتمى بعشها الصغير الذى بنته مع زوجها الراحل ..
توجهت مسرعه الى غرفتها .. لتخرج الصندوق القديم .. البنى اللون الذى يحتوى على ذكرياتها منذ بدأت حياتها مع زوجها ..
زكريات زواجهم لحظه بلحظه ..
زكرى مولد شغف ..
زكرى دخولها للمدرسة ..
زكرى نجاحها ..
كل الذكريات تجمعت فى ذلك الصندوق الصغير الذى يحتوى على الالاف الصور التى تجمع العائله الصغرى …
****************************
تنفست الصعداء بعد انتهاء تلك المحاضره التى كان يلقيها مروان على مسامعها هى و على الطلاب جميعا .. كانت تشعر بأن جبل ملقى على عاتقها بسبب نظراته الغريبة لها ..
كانت تسرع فى خطواتها حتى لا يمسك بها او حتى لا يلحظ خروجها ..
مروان بهدوء : انسه شغف .. ثانية واحده ..
زفرت بضيق .. ثم التفت ببطء ..
شغف بهدوء : افندم يا دكتور مروان ..
مروان بترقب : ينفع اتكلم معاكى شويه يا شغف ..
شغف بتنهيده : مفيش حاجه نتكلم فيها يا مروان .. اللى كان بينى و بين عيلتكم هو سيف اللى يرحمه .. و خلاص راح ..
مروان بحزن : الله يرحمه يا شغف .. بس لو سمحتى انا مش هاخد من وقتك 5 دقايق بس ..
نظرت له تحاول تبين معرفة ما يريد منها ؟؟.. او فيما سيتحدث ..
شغف بهدوء : اتفضل بره .. قدام مخرج الكليه لانى هروح مع اروى ..
اشار لها لتتقدمة فى السير .. وقف كلاهما امام مدخل الكلية ..
مروان بحزن : بصى يا شغف .. من غير اى مقدمات كده .. انا عايز اتجوزك ..
صعقة .. كأنها احدهم وضع على بشرتها سلك عارى .. كأنها سكب عليها دلو ماء مثلج ..
شغف بزهول : بتقول اييييه يا مروان ؟؟.. انت اتجننت ..
مروان بهدوء : بصى يا شغف .. لو فرضنا انك حامل .. المفروض ان ابن اخويا يتربى فى عيلتنا .. و لو انتى مش حامل .. مش هسيب مرات اخويا كده من غير ظهر ..
شغف بغيظ : اسمع يا مروان .. انا واحده بمية راجل .. و مش هاممنى الناس كلها ده اولا .. ثانيا بقى .. عرضك مرفوض يا مروان .. ثالثا بقى انا مستحيل ادخل بيتكم ده تانى ..
مروان بهدوء : فكرى كويس يا شغف قبل ما تتسرعى .. صدقنى ده الصح ليكى .. محدش هيقدر قيمتك .. كله هيفتكر انك وش وحش .. او محدش كويس هيتقدم لأرملة ..
شغف بغضب : بص يا مروان .. انا كل ده عاملة حساب لسيف الله يرحمه .. امشى من وشى يا ابن فاطمة ..
قالتها و هى تنسحب من المواجهه تلك التى اضعفت قوتها .. الى اهانتها .. كم تشققت الانثى بداخلها .. ان ترى الانثى انها اصبحت ناقصة من وجهه نظر المجتمع .. هى حاليا اصبحت ناقصة فى وجهه نظر الجميع .. لكنها فى الحقيقه كاملة لكنها لا تستطيع الدفاع عن نفسها و الا سيكشف السر .. ركضت لتخرج من الكلية .. بدات تركض فى الشارع .. لا تعرف الى اين تتوجه .. بل الى اين تذهب .. لا تعرف .. فقط تركض .. تهرب من شبح المجتمع .. وحش النظرات الرخيصه التى تنهش جسدها ..
لم تشعر بنفسها الا و شخص ما يجذبها من ذراعها ..
شغف بصراخ : ابعد عنى .. سبونى فى حالى .. كلكم شايفينى ناقصة .. شايفينى مش حلوة .. كلكم حيوانات .. اوعى ..
لم تكن ترى وجهه مطلقا .. لكن تسرب صوته الدافئ الى اذانها
يزن بحنان : اهدى يا شغف ..
تسربت الدموع على وجنتيها .. لا تعرف لما شعرت انها فى امان قليلا حين سمعت صوته .. او ربما هذا ارسل رجفة قشعريرة على طول ظهرها .. تسرب شعور الهدوء و الراحه الى قلبها قليلا ..
يزن بابتسامة : تعالى معايا ..
جذبها من يدها بهدوء .. ليضعها فى سيارتة .. تبعته هى كالمخدره .. او المنومة مغناطيسيا .. تتبع اوامره فقط .. لا تعرف لماذا ؟؟..
بعد ساعه تقريبا ..
سمعت صوتة الهادئ
يزن بهدوء : انزلى ..
هبطت من السيارة .. لترى امامها البحر .. شاطئ بحر الاسكندريه الساحر .. تلك المدينىة التى تعيش بها من زمن لكنها لم ترى البحر مطلقا .. والدتها كانت تمنعها من خوفها عليها ..
شغف بحزن : انت جبتنى هنا ليه ؟؟.
يزن بابتسامة : صرخى .. و طلعى اللى جواكى .. هترتاحى صدقينى .. انا عملت نفس الحكاية لما بابا مـ،ـات .. طلعى اللى جواكى .. و انا فى العربية .. تأكدى انى مش هسمع حاجه من اللى هتقولها .. هقفل كل الشابيك .. و هسيبك براحتك ..
قال جملتة ثم تركها واقفه امام البحر .. و توجه لسيارتة و فعل مثلما قال .. و ظل ينظر لها بحزن شديد من زجاج سيارتة ..
لم يستطيع ان يحتويها بين ذراعيه .. اذن فليجعلها تخفف على نفسها بطريقة اخرى .. ليساندها لكن بطريقته ..
منظرها و هى تصرخ و تبكى بقوه .. كاد يجعله ان يخرج من السيارة ليعانقها و يخبرها انه بجانبها .. لكنة وعدها انه لن يخرج قبل ان تنتهى هى .. لكن ما يؤلمة هو بكاءها على زوجها .. الذى يغار منة لانة امتلكها قبـ،ـلة .. لا يهم ذلك الان .. المهم قلبة الذى يتحطم الى اجزاء حين رؤيتها هكذا ..
شعرت بأنها رخيصة .. ليس لها قيمة .. الشعور كأنها انثى قليلة .. او انثى مستعملة .. انثى فقدت ما يميزيها فى هذا المجتمع الشرقى .. يا لسخرية القدر الذى يتلاعب بها كدمية .. هى اصبحت مستعملة فى وجهه نظر الجميع لكن هذا كذب .. لكنها لا تستطيع النطق بهذا .. لكنها ستجد من تحبه يوما ما .. ستجد من يقبل بها كأنثى كاملة .. ستجد من يحبها بحالتها حتى يدرك انها كذب ..
شعور بداخلها اخبرها ان ينظر اليها .. ادارت وجهه للخلف.. لتجده ينظر اليها بحزن .. لا تعرف لما لم تشعر بالنفور .. هى تشعر بالنفور من من يشعر بالشفقه تجاهها .. لكنه ليس هكذا .. شيئ ما بداخلها يخبرها انه ليس مثلهم .. نظراته لها صباح اليوم .. نظراته لها الان .. شيئ غريب يحدث .. او ربما حدث ..
********************************
طرق خفيف على الباب .. فتحت الباب على اعتقاد انها اروى الذى اصبحت تسليتها المعتادة .. لتتفاجأ به هو ..
لينا بدهشه : بتعمل ايه هنا يا حسام ؟؟..
حسام بغيظ : رحبى بيا طيب ..
لينا بغيظ : اخلص يالا .. انجز عايز ايييه يا حسام ..
حسام بغيظ : لا لا لا لا .. و كمان مره لا .. انت خدتى عليا .. و مش هينفع كده ..
لينا بضحك : طب يلا من غير مطرود يا حسام يلا ..
حسام بضحك : شوف وانا اللى كنت جايبلك هدية
لينا بترقب : هديه ايه يا سيدى ؟
اخرج من خلف ظهره .. هديه مغلفة باللون الوردى الهادئ .. و وضع عليها ورقة باللون الابيض .. ” تسلية بدل ما تتجنى من كتر المذاكرة ” .. ابتسمت له بهدوء .. و بدأ هو يصفر فى الفراغ .. و ينظر للحائط من حوله .. كأنه يتصنع عدم الاهتمام .. فتحت الهديه .. لتجدها روايه ” انت لى للكاتبة منى مرشود ” .. ابتسمت بحنان اخوى له .. او ربما تصنعت ذلك .. رفعت له نظراته لتجده على تلك الحاله .. ضـ،ـربته على معدتة بضحك ..
حسام بتألم : ايييى .. بالراحه يا حجه لينا ..
لينا بضحك : تستاهل علشان عامل نفسك من بنها ..
حسام بضحك : طيب يا اختى .. عجبتك
لينا بابتسامة : اووى .. شكرا خالص يا حسام ..
حسام بغرور : عدى الجمايل بقى يا صغيرة ..
لينا بضحك : ماشى هعدهم .. يلا من هنا بقى ..
حسام بضحك : لا ما انا قاعد ..
لينا بغيظ : يا ابنى انت مش وراك مذاكره ..
حسام بخبث : خايفه عليا ..
لينا بسخريه و ضحك : اه يا اخويا .. و يلا بقى علشان شفطت كل الاوكسجين ..
حسام بضحك : ماشى يا لينا .. يا خساره الخبر الحلو اللى كنت جايبهولك ..
لينا بلهفه : لا قول .. قول .. ده انا لينا حبيبتك يا حس ..
لا يعرف لما شعر بنبضات قلبه تزداد .. ” حبيبتك ” .. كلمة بسيطة خرجت منها بطريقه عفويه .. لكنها حركت قلبة ..
حسام بهدوء مصتنع : اتفضلى ..
قالها و هو يخرج من جيب بنطاله ورقة مطوية ..
امسكت لينا الورقة باستغراب ..
لينا باستغراب : اييه ده ؟..
حسام بابتسامه مصتنعه : افتحيها ..
فتحت الورقة .. ثم ما ان قفزت بفرح .. و هى تقرأ انه تم قبولها فى صف دورة تدربية خاصة بالرسم ..
لينا بفرح : هيييييييييييه .. قبلت فى الدورة .. هيييييييه ..
ثم اخذت تدور حول نفسها بسعاده و فرح .. ليسبب ذلك ارتفاع نسبى فى فستانها البيتى الفيروزى اللون .. الذى يبين جمال عيونها البنية ..
لينا بفرح : انا بحبك اووى يا حسام ..
قالتها و هى تقفز من الفرح .. قالتها بمعنى اخوى .. او ربما اقنعت نفسها هكذا .. بينما هو تسمر مكانة .. شعر بان دلو ماء مثلج يسكب على جسده .. و ما زاد المصائب .. رؤية والدتها تقف خلفه .. و علامات الغضب و العصبيه تبدو على وجهها ..
يبدو ان الكارثة وقعت .. فليتحمل اذن العاصفة التى ستبدأ الان .. حين تنفجر والدته به و ب لينا .. و ب يزن الذى وعدها بان حسام لن يقترب من لينا .. رغم معرفة يزن بكل خطوه فعلها .. الا ان والدته ستعتقد ان لينا تلعب عليه ..
***********************
يتبع


