رواية بقلم ايمان عبد الحفيظ

نوفيلا : ألاعيب القدر
للكاتبة : ايمان عبد الحفيظ
الفصل العاشر
******************************
كان الجميع يجلس على طاولة الطعام .. و المرح يطفو على الجو فى الغرفة .. بسبب تلك الضيفه خفيفة الظل .. لكن هى وحدها كانت بعالم .. تفكر بما يحدث حولها .. هل هى حقا ستتزوج منه بعد شهر و نصف .. هل تخبرة بالحقيقة انها ما زالت عذراء .. لا لا ليس الوقت المناسب .. ستظل صامتة حتى يطالب هو بمعرفة الحقيقة بعد زواجهم اذا حدث .. لكن حتى ذلك الوقت هل هناك شيئ سيحدث بينهم ..
خرجت من دهليز افكاره على صوت طرقعة اصابع امام وجهها .. نظرت بشرود لتجد يد لينا ..
لينا بابتسامة : سرحانة فى اية ؟؟.
شغف بابتسامة : و لا حاجه يا ليو ..
اّمنة بابتسامة : يلا يا شغف .. هتتأخرى على كليتك …
شغف بتفكير : مش عارفة هروح الكلية و لا لا .. اروى مش بترد عليا … و يز…
صمتت عسى والدته لا تعرف بما فعله صباح اليوم .. او بما اخبره له اثناء اتصال الصباح ..
امنة بابتسامة : و يزن مش هيجيلك من غير اروى ..
شغف بزهول : انتى عارفة منين ؟؟..
امنة بضحك : فكرك هو هيبعتلك بوكية ورد .. و يكلمك فى التليفون من غير اذنى مثلا .. طيب هيجب رقمك منين يا زكية …
شغف بحرج : صح معاكى حق .. بس هو اتأخر و اروى مش بترد عليا يا ماما …
امنة بابتسامة : يبقى هتستنى لغايه ما حد يتصل بيكى ..
دوى صوت رنين هاتف شغف .. نظرت للشاشه باستغراب ..لتجد اسمه ..
شغف بتوتر : ده هو …
امنة بابتسامة :ردى ..
شغف بتوتر : السلام عليكم ..
يزن بهدوء : و عليكم السلام يا شغف .. معلش انا اسف جد على التأخير .. بس خصلت مشكلة و …
شغف بفزع : مشكلة ايه .. حصلك حاجه ؟؟..
يزن بابتسامة : لا انا كويس .. دى اروى ..
شغف بخوف : اروى جرالها حاجه ..
يزن بثبات : اروى .. لقيناها واقعة فى البلكونة و رجلها متعورة و بتنزف ..
شغف بفزع : انا لازم اشوفها .. حبيبتى لا انت تيجى تأخدى حالا ..
يزن بحزم : مفيش داعى يا شغف …
شغف بدموع : لا مش هسيب اختى و اعز اصدقائى لوحدها فى المستشفى .. انت سامع .. تيجى تأخدنى و لا انا هاجى بمعرفتى …
يزن بابتسامة : خلاص .. خلاص هاجى اخدك .. بس هأخد معاكى لينا علشان طنط مش تعترض .. و علشان منبقاش لوحدنا …
شغف بدموع : طيب .. تعالى بسرعة ماشى ..
يزن بهدوء : حاضر .. مسافة السكة بس .. سلام ..
أغلقت الهاتف و ملامحها حزينة للغايه .. توحى بأنها سمعت خبر محزن للغايه ..
لينا باستغراب : مالك يا شغف ؟؟.. و مين اللى فى المستشفى ..
شغف بخوف : دى اروى .. و لازم اروحلها و يزن جاى ياخدنى دلوقتى انا و انتى … طبعا يا ماما حضرتك معندكيش مانع …
امنة بحزن : لا يا بنتى .. طالما معاكم حد تالت مفيش مشكلة .. المهم طمنينى عليها ..
شغف بحزم : روحى البسى بسرعة يا لينا .. يزن فى الطريق .. هنروح لأروى المستشفى …
اسرعت لينا الى الحجرة لتغير ملابسها .. بينما جلست هى تعبث بهاتفها و القلق يغزو ملامحها .. اروى ليست مجرد صديقة بالنسبة لها .. هى اكثر من اخت .. بل هى تؤامها التى لم تنجبها والدتها .. ستذهب لتجلس معها .. هذا ضرورى …
**************************
كان يجلس على مكتبة .. يذاكر دروسة حتى ينتهى من هذة السنة المزعجة .. التى هى كابوسة حتى ينتهى منها و يلتحق بكلية الهندسة .. لقد تجاوز الثلاث ساعات يجلس على الكتاب .. يجب ان يأخد راحة 10 دقائق .. أمسك هاتفه الذى دواما يجعله على وضع الصامت .. وجد رسالة نصية من اخيه الاكبر يزن .. اثار ذلك استغرابه لما يرسل له يزن رسالة .. فتحها باستغراب .. شيئا فشيئا تبدلت ملامحه من الاستغراب الى الصدمة و الرعب .. قفز من مقعده متجها الى الخزانة الخاصه به .. ليغير ملابسة على اقصى سرعة ..
حسام بصراخ : ماما …يا مـــــــــــاما ..
اقتحمت نادية الغرفة بغيظ .. و هى ترى ابنها يرتدى ملابسه ..
ناديه بغيظ : ايه عاوز ايه ؟؟.. و بتلبس ليه رايح فين ..
حسام بغيظ لا مش رايح .. رايحين .. بنتك اتعورت فى البلكونة و هى حاليا فى المستشفى و حضرتك مش حاسة ..
نادية بخوف : اروى .. حصلها ايه ؟؟..
حسام بحزم : يلا يا ماما .. بسرعة بس …
اسرعت نادية الى غرفتها لترتدى ملابسها على عجلة .. لتذهب الى رؤية ابنتها التى جرحت لسبب تجلهه .. بل و تجهل مكان جرحها .. تجهل كل شيئ .. لكن لا يهم .. المهم ان تسرع للتوجه الى ابنتها الوحيده .. بالتأكيد هى جرحت نفسها لانها ارادت الخروج .. هى عنيدة للغايه مثلها مثل يزن و والده ..
لكن يجب ان تؤهل نفسها للقاء تلك التى تسحر لأبنها البكرى .. و لأبنتها ايضا .. تلك الساحرة ذات العيون الرمادية التى وقع ابنها بعشقها منذ زمن .. لكنها ستفعل كل ما يتوجب فعلة لتبعدها عنهم .. ربما تتضطر لفعل اى شيئ .. حتى اذا اضطرت لطردها بمجرد رؤيتها …
حسام بغيظ : ماما .. يلا هتفضلى واقفة قدام المراية كده كتير … يلا ..
نادية بهدوء : لا .. خلاص جهزت .. يلا نمشى …
توجهت مسرعة مع ابنها .. لكى تتوجه الى ابنتها .. و تحاول استعادة اولادها الذين يتساقطون من تحتها بهدوء تام .. دون ان تشعر كما تظن …
****************************
كانت ترقد على الفراش .. تهزئ بكلمات غير مفهومة بسبب المخدر الذى أصرت على أخذ حتى تتحمل تخييط الجرح .. و الطبيبة المشرفة عليها تستعيذ من الشيطان و تزفر بضيق حتى لا تفقد عقلها ..
الطبيبة بغيظ : يا أنسة أهدى شوية .. مش عارفة اعمل حاجه منك .. أهدى ..
اروى يتألم : مش قادرة .. مش قادرة .. البتاعة دى بتمـ،ـوتنى ..
الطبيبة بغيظ : بتاعة اية .. هو انتى حاسة بحاجه اصلا .. ده انتى واخده مخدر ..
اروى يتألم و صراخ : عليا الطـ،ـلاق بتوجـ،ـع .. انا حاسة بيها و بعدين الدم اهو .. اهو ..
الطبيبة بعصبية : صبرنى يا رب ..
تركتها الطبيبة بانفعال لتخرج من الغرفة لتنادى على أحد معارفها ليعاونها فى هذة الحالة ..
الطبيبة بغيظ : حد يعرف الآنسة اللى جوه دى …
تردد هو فى الإجابة .. لكنه حسم أمره على الاقتراب .. يزن غير موجود .. لا يوجد غيرة حاليا ليتحمل مسؤوليتها ..
تيم بتردد : انا ..
الطبيبة بغيظ : طيب اتفضل معايا .. لازم حد يشغلها بالكلام علشان اعرف اخيط الجرح … و هى حركتها كتير ..
تيم بتردد : طيب اتفضلى. ..
زفر تيم بضيق .. لا يوجد أمامة حل اخر .. فليعتبرها حالة مرضيه .. أو يعتبرها موقف و وقع به .. و وجب التعامل معه. ..
بمجرد أن وقع بصرها عليه حتى صرخت بعصبية ..
اروى بصراخ : انت جيت تانى .. جيت ليييييه ها .. شمتان فيا …
تيم بغيظ : شمتان اييه و زفت اييية .. ده انا جاى علشانك .
اروى بخوف : جاى تعمل معايا الجلاشة صح .. اخ يا واطى … منك لله .. هتروح من ربنا فين …
كاد أن يسب و يلعن اللحظه التى عرفها بها .. لكن الطبيبة أشارت له بعيونها أن يكمل حديث معها .. لان هذا يجعل عملها اسهل .. بل و يجعل شعورها بالالم اقل لانها منشغلة بالحديث …
تيم بغيظ : جلاشة ايييه الله يخربيتك .. هتودينى فى داهية … و بعدين هو انا جيت جمبك ..
اروى بغيظ : لا و انا لسه هستنى لما تيجي جمبى .. هستناك انا لغايه ما تتحمرش بيا …
تيم بزهول : اتحمرش بيكى .. ده ايييه اللغه دى .. يخربيت اللى علمك الكلام …
اروى بغيظ : بقولك اييية .. انت تسكت ساكت ماشى …
تيم بضحك : اسكت ساكت .. انتى بتجيبى الكلام ده منين …
اروى بسخرية ؛ من سوق العبور ..
تيم بغيظ : يا خفة ..
اروى بسكر : بقولك اييية .. خد هنا …
اقترب منها تيم بترقب …
تيم باستغراب : عايزة ايييه ؟؟ ..
اروى بترقب : انت قلت ل يزن …
تيم بابتسامة : لا .. صعبتى عليا الصراحه …
اروى بابتسامة عريضة : رجولة .. و الله طلعت مز .. اييية ده لا لا و عيونك خضرا كمان …
تيم بدهشة : انتى يا بنت انتى مجنونة .. و لا بتشربى خمرة .. و لا ايه حكايتك ؟؟..
الطبيبة بابتسامة : لا هى واخده مخدر .. علشان كده هى بتتكلم فى كذا اتجاة .. و بتقولى اى كلام …
صرخت اروى بقوه من كثرة الالم الوهمى الذى تتصنع الشعور به ..
اروى بصراخ : اااااااااااااااااااااه .. بتوجع يا بنت …..
تيم بغيظ : اييييه .. بتولدى..
اروى بتألم : اكتر من الولاده .. يا ابو عنين خضرا انت …
تيم بضحك : طيب اهدى و خدى نفس ..
اروى بابتسامة سكر : طيب .. بس اوعى تقول ل يزن .. ماشى ..
تيم بابتسامة : ماشى …
لم يلحظ تيم .. أبرة المخدر التى غرزتها الطبيبة فى ذراع اروى .. لتسقط نائمة …
تيم بابتسامة : ده مخدر …
الطبيبة بارهاق : لا المره دى منوم .. علشان ترتاح …
تيم بامتنان : شكرا خالص .. تعبتك معاها ..
الطبيبة بابتسامة : العفو .. ده شغلى . عن اذنكم …
خرجت الطبيبة تحت نظرات تيم التى تحدق بالنائمة على الفراش .. لاحظ تيم خروج بعض خصلات شعرها الاسود من الحجاب الغير منتظم على وجهها الدائرى .. تنهد بعمق و هو يخرج من الغرفة .. و سؤال واحد يستحوذ على تفكيره .. لماذا لم يخبر يزن بالحقيقة ؟؟…
************************
ركضت على السلم الخاص بالبناية الخاصة بهم .. كانت تسير بأسرع ما يمكنها .. القلق و الخوف يسيطر عليها ان تفقد اعز صديقة لديها .. وجدته يجلس بسيارتة فى انتظارهم و ينظر اليهم من مدخل البناية .. هبط يزن من السيارة لكى يستقبلها .. هرعت اليه بكل الخوف التى تحملة بقلبها على صديقة عمرها ..
شغف بخوف : اروى كويسة ؟؟.. ايه اللى حصل معاها .. قلى بلاش تخوفنى عليها .. ما تنطق يا يزن ..
يزن بضحك : و اخيرا كلمة عدله فى اخر كل الكلام ده .. نطقتى اسمى …
شغف بضيق : انا مش بهزر .. اروى ايه اللى حصل معها ..
يزن بتفكير : انا نفسى مش عارف ايه اللى حصل .. هى تقريبا لبسها مسك فى سور البلكونة او وقعت .. و رجلها اتفتحت .. و حاليا بتأخد حوالى عشرة غرز فى المستشفى.
شغف بخوف : يا حبيبتى .. زمانها بتعيط من كتر الالم …
يزن بابتسامة : لا ده اكيد .. المهم يلا .. و فين لينا ..
لينا بابتسامة : انا هنا اهو .. واقفه من حوالى نص ساعة ..
يزن بغيظ : بتتريقى حضرتك .. اركبى يا اختى ..
لينا بضحك : يا ابيه يزن .. انا بس بخفف حده الجو ليس اكثر من ذلك و لا اقل ..
يزن بضحك : لا مثقفة يا بت …
شغف بغيظ : يا برودكم انتوا الاتنين … قاعدة مع عيال صغيرة …
يزن بحرج مصتنع : ايه قصف الجبهه ده يا لينا ..
لينا بضحك : مش عارفه و الله .. بس احنا بيتحط علينا فعليا يا ابية ..
شغف بعصبية : بس بقى .. انا قلقانة على واحده من اكتر الناس المهمة فى حياتى .. و انتوا قاعدين بتهزروا مع بعض .. عارفة انكم عاوزينى اضحك .. بس لازم تعرفوا ان اروى دى اختى و مش هعرف مقلقش عليها .. زيك انت مثلا يا يزن لو كنت مكانها اكيد كنت هقلق .. انت و انتى و ماما و اروى اهم حاجه فى حياتى ..
اخفضت لينا بصرها بحرج .. يبدو ان الوضع لا يحتمل اى مزاح .. بينما يزن ظل يحدق بها .. هى بالفعل خائفة على اخته .. هى بالفعل تعتبرها اختها كما اخبرته على الهاتف .. لكن ما جذب انتباة هو اخر جملة قالتها ” انت و انتى و ماما و اروى اهم حاجه فى حياتى ” .. يبدو انه فعلا بدأ ينجح فى التسلل الى قلبها .. قلبها ذلك الذى يفزع من مفارقة اى شخص غالى .. فهى بالتأكيد لا تحب تجربة ما عاشتة مع زوجها السابق ..
****************************
نوفيلا : ألاعيب القدر
للكاتبة : ايمان عبد الحفيظ
الفصل الحادى عشر
******************************
اقتحمت الغرفة و القلق يظهر باديا على ملامحها الملائكية .. وجدت صديقتها المقربة تغط فى نوم عميق بفعل المخدر الذى يسير في شراينها .. معظم الفتيات في المصائب تتخيل ابشع المواقف لما هو على وشك الحدوث .. لقد تخيلت ابشع الاشياء التي ممكن أن تحدث لرفيقتها و تؤام روحها ..
شغف بدموع : يا حبيبتى يا اروى .. قومى يا بت هنا و ردى عليا .. اوعى تسيبنى يا اروى .. ده انتى اللى ليا بس انتى و ماما و… ي .. يزن ..
قالتها بخفوت .. صوت يصل إلى الهمس تقريبا .. لم يستمع له أحد غيرها هى و اروى النائمة .. اما هو كان يقف خلفها .. يتأمل ملامحها الخائفة على اختة الصغرى .. يتأمل خوفها الحقيقى من ان تفقد شخص غالى .. خوفها من تجربة شعور ضـ،ـربها فى مقـ،ـتل ..
يزن بهدوء : مش هتسيبك يا شغف .. هتقوم بعد كام ساعة .. ده من المخدر بس …
شغف بدموع : خايفة تضيع منى .. دى اختى …
يزن بابتسامة : محدش بيمـ،ـوت ناقص عمر يا شغف .. و دى زى القردة لسه بدرى عليها …
ابتسمت شغف بهدوء .. تعرف انه يقول ذلك حتى يخفف من قلقها و خوفها .. لا تعرف لما تقيدة هو بخوفها على الجميع .. هل هى حقا تعتبرة واحد من اهم الشخصيات فى حياتها .. حين اخبرها بحـ،ـادثة اروى .. لا تعرف لما قلقت عليه ايضا .. ارتعبت من فكرة ان تفقده .. او يحدث له شيئ .. لا تعرف لما السبب …
أخرجها من دهليز افكارها صوت والدته .. السيدة نادية ..
نادية بعصبية : انتى بتعملى ايه هنا ؟؟…
انتفض جسد شغف برعب .. يبدو ان مأساتها ستحقق مره اخرى .. والدة زوجها الاول كانت تحبها .لكن بعد وفـ،ـاة سيف زوجها .. انقلب الوضع و اصبحت تكرهها .. هل تكرر الالم الذى عاشتة مع يزن مره اخرى …
شغف بهدوء : بزور صحبتى الوحيدة ..
نادية بغيظ : الزيارة وصلت .. اتفضلى ..
يزن بحزم : مــــــــــــاما ..
لم يكن نداء لأنهاء الحديث .. بقدر ما كان أمر لتوقف الحديث بوقاحة .. لم يرغب ان تسمع شغف لأى كلمات .. تذكرها بما عانته مع والدة زوجها السابق ..
نادية بغيظ : بتقولى اسكتى يا يزن .. بتأمرنى انا علشان دى ..
يزن بثبات : ماما .. اذا سمحتى .. اولا دى ليها اسم .. ثانيا انا مش بأمر .. انا بقولك لحضرتك بطريقة غير مباشرة ان مش من اخلاق عيلة النجدى اننا نتعامل بقلة ذوق مع المحترم يا ماما …
صمتت نادية على مضض .. بينما هى نظرت ليزن بطرف عيونها .. كم هو رائع الان .. دافع عنها بغير اى لفظ خارج .. و لم يخطئ بوالدته حتى .. بل وضع حدا بين الاثنين ..
نظرات والدتة تجاة شغف .. أثارت حنقة للغايه .. جعلتة يرغب بشده فى جذبها من ذراعها و الهروب بها فى مكان .. يحميها به من اى نظرات قد تضايقها او تثير حنقها و خوفها .. بينما نظراتها المنكسرة المتألمة من نظرات والدبته .. جعلتها ترغب بالبكاء .. بل و ارادت الصراخ بأنها بالفعل تحب ابنتها كأتؤام روحها .. لكن ليس الجميع يتفهم العـ،ـلاقة .. او ربما السيدة نادية تكرها بسبب حب ابنها لها ..
تأفف نادية اثار غيظ يزن الذى لا يستطيع الحديث او التطاول على والدته لان هذا قد يزيد الوضع غباءا ..
نادية بغيظ : يا بخت من زار و خفف ..
وصل غضب و حنق يزن الى اخره .. فجذب يد شغف بحزم لكنة لم يؤلمها .. خرج بها من الغرفة .. ليصل بها الى السيارة الخاصة به .. لاحظ انها لم تتحدث او تعترض على امساكة يدها .. دقق النظر الى وجهها وجدها تبكى .. تبكى جروحها .. تبكى الالم الذى تتحمله بسبب نظرات المجتمع لها .. هى الزوجة المشؤمة ..
رفعت يدها لتجفف دموعها بظهر كف يدها كالاطفال الصغار ..
شغف بدموع : سيب ايدى يا يزن ..
يزن باسف : انا اسف يا شغف .. انتى بتعيطى بسببى ..
شغف ببكاء : بالعكس انت دافعت عنى .. انا مش بعيط علشان كلام والدتك .. انا بعيط علشان الكل مفكر انى الزوجة اللى حظها وحش .. اللى كانت السبب فى قتـ،ـل زوجها بعد يوم واحد من الجواز .. و محدش منهم يعرف الحقيقة ..
يزن باستغراب : حقيقة ايه ؟؟..
شغف بحزن : حقيقة انى ….
صمتت .. لقد عاهدت نفسها انها لن تخبرة الحقيقة قبل عقد قرانهم .. لن تخبره مطلقا انها ما زالت عذراء سوى بعد ان يجمعهم سقف منزل واحد …
شغف بحزن : هتعرف بعدين .. المهم ينفع تروحنى ده لو هيضايقك يعنى ..
يزن بابتسامة : لا تعليق على كلمة هيضايقك دى .. اتفضلى يا ستى .. و انا ثانية و هروح اجيب لينا و اجى …
تركها تجلس فى سيارتة .. و هى تنظر فى الفراغ بحزن تام .. لاحظت وجود سلسلة تتدلى من مرأه السيارة الامامية داخل السيارة .. على شكل دائرة .. نظرت لها باستغراب .. لاحظت انها تفتح .. اثار بداخلها فضول لتعرف ما بداخلها .. مدت اطراف اصابعها التى ترتجف بفعل الحزن و البكاء .. فتحتها لتجد ما لم تتوقعة .. وجدت نقش جميل لحروف اسمها .. “shagf ”
ابتسمت بحب .. هو فعلا يحبها .. هذه السلسلة كانت موجوده منذ زمن .. لكنها ابدا لم تعرف انها تفتح .. توقعت انها فقط للزينة .. لكن اتضح انها تحمل بداخلها نقش لاسمها .. الذى يبدو انه عزيز على قلبة …..
***********************
وقف هو خارج المستشفى .. لكى يبتاع زجاجة مياة .. قبل ان يدخل لزيارة اختة .. شكر ربة ان والدته دخلت قبلة .. فهو يكاد ينفجر غيظا منها فى بعض الاحيان .. توجه الى غرفة اختة التى ارسل له رقمها اخيه يزن ..
كاد ان يفتح باب الغرفة .. لكنة وجد ظل فتاة تجلس تدفـ،ـن وجهها بين كفى يدها .. ترتدى بنطال واسع نسبيا باللون الاسود .. و قمـ،ـيص باللون الاحمر .. و تعقد شعرها للخلف بأهمال .. خصلات شعرها البنى تذكره بلينا .. اقترب منها قليلا بترقب .. تشبة لينا للغايه ..
حسام بترقب : يا انسة …
صوتة .. هو هنا بالفعل .. ماذا يفعل هنا ؟؟.. يا للغباء داخل تلك الغرفة تركض اخته مريضة .. بالتأكيد سيكون موجود .. ما العمل ؟؟ .. هل تجعلة يعرف من هى ؟؟.. لا مفر من معرفتة .. لا هروب من مواجهته .. و مطالبتة بالابتعاد .. ما تشعر به و هو امامة .. غريب .. ليس له معنى .. هى ما زالت صغيرة على كم المشاعر التى توقع نفسها فيها .. ليست كبيرة كفاية لتتحمل ألم الحب فوق ألم الفراق و اليتم الذى يلازمها منذ سنوات ..
لينا بهدوء : افندم ..
حسام بزهول : انتى بتعملى ايه ؟؟؟..
لينا بضيق : مش بعمل حاجه .. كنت بزور اروى مع شغف …
حسام بدهشة : انت بتكلمينى كده ليه يا لينا ؟؟..
لينا بعصبية : بكلمك ازاى ؟؟.. انا بكلمك عادى اهو ..
حسام بغيظ : يا شيخة .. هو ده عادى .. لو كنتى مش طايقانى كان بقى ازاى ؟؟..
لينا بغيظ : بص يا حسام .. ابعد عنى .. انا مش ناقصة و اللى فيا مكفينى ..
حسام بغيظ ممزوج بالدهشة : يا بنتى انتى اتجننتى .. و بعدين هو انا جيت جمبك …
لينا بحزن : حسام .. انا مش قد اللى بحس بيه و انا جمبك .. امبارح لما جيت تحت البيت .. كل حاجه كانت غريبة بعدها .. انا مش قد اللى انت عاوزة يا ابن الحلال .. سيبنى لحالى .. و روح لحالك ..
اقترب حسام منها بهدوء .. ليلقى بجسده على المقعد المجاور لها .. و نظر امامة فى فراغ .. ثم نظر لها بشرود ..
حسام بهدوء : انا فاهم انتى بتعملى كده ليه يا لينا .. عارف انك خايفة .. و كلنا بنخاف حقك انك تخافى من اللى جاى .. بس برضوه لازم تعرفى ان المستقبل زى ما جواه حزن زى ما فى فرح .. الماضى مش هيفضل عايش جواكى كتير .. لما تلاقى السعادة و الفرح هتنسى الماضى كلة …
نظر لها بطرف عيونها .. التفت لها بأعين تحمل الكثير من الوعود .. اعين تعدها بأن الحزن لهذا الحد فى حياتها و انتهى ..
حسام بهدوء : لازم تعرفى انى مش عايز منك اى حاجه .. غير حاجه واحده بس ..
نظرت له بترقب . بأعين طفلة صغيرة .. تترقب ماذا يطلب منها هذا الوسيم ؟..
حسام بترقب : عايزك تستنى .. تصبرى لغايه ما تبقى قادرة انك تتحملى حبى ليكى .. تصبرى لما يحق لينا نتكلم من غير اى اعتراض من اى حد .. بس اوعدينى يا لينا .. اوعدينى انك تكونى بتاعتى فى الحلال ….
نظرت له بصدمة .. كأنها للتو تعرضت لصدمة كهربائية .. ليس للمطالبة بالصبر .. بل لاعترافة بحبها .. هل هو حقا يحبها .. بل و يطلب منها وعدا بأن تصبح ملكة .. من دون اى وعى وجدت نفسها تؤمأ برأسها كالمغيبة .. كالمسلوبة الرأى .. هذا هو الحب …
لم يلحظ كلاهما يزن الذى كان يراقبهم بابتسامة رضا .. فى كل مره يرى فيها حسام يتأكد انة لم يخطئ فى تربيتة .. يزن يعتبر هو الاب الثانى لحسام اخية الصغير الذى كبر و هو يقلد اخيه الاكبر فى كل تصرفاتة .. لكن ما يفعله حسام الان .. يثبت انه رجل .. كفيل بتحمل مسؤولية فتاة رقيقة .. كــ لينا …
يزن بهدوء : يلا يا لينا .. علشان هروحك انتى و شغف ….
لم ترد فى البداية .. ما زالت فى حالة اللاوعى .. لم تسمع يزن اصلا .. كانت تحدق فى عيون حسام البينة اللامعة .. التى تحمل الامان و الاحتواء بداخلها …
وقفت لتمشى بجانب يزن .. الذى غمز حسام بابتسامة .
يزن بهمس : لا تأثيرك جامد يا ابنى و الله …
ابتسم حسام بهدوء .. بينما سارت لينا بجانب يزن و الابتسامة البريئة ترتسم على شفتيها الناعمة .. هى سعيدة بقدر الدنيا الان .. حسام كان محق .. الماضى لن يظل مسيطر علينا .. سيرحل فى يوم .. و نجد الفرحة …
******************************
ألقى بجسدة على فراشة .. و الابتسامة الهادئة لا تفارق وجهه .. لقد كان اليوم مغامرة بكل المقاييس .. يستيقظ صباحا على صوت فى شرفة غرفتة .. ليرى فتاة تقتحم بيته .. تريد الهروب من بيتها .. و حين تشاجر معها .. عادت لتقفز مره اخرى الى غرفتها .. لتنجرح قدمها .. قلقة عليها .. خوف .. ارتعاش قلبة بين ضلوعة حين رأى منظر الدم يتدفق من جراحها .. شجارة معها و هى فى حالة اللاوعى .. و هنا اتستعت ابتسامة العريضة .. و هو يذكر حين غازلتة .. و وصفتة ب ” رجولة .. و الله طلعت مز .. اييية ده لا لا و عيونك خضرا كمان ” .. صحيح انها كان يسرى فى د،،ماءها مخدر .. لكن أصدق الكلام الذى نتفوه به هو وقت السكر و حالة اللاوعى …
تيم بضحك : و الله البت دى مجنونة .. و هتجننى معاها .. بس..
صمت مره اخرى .. لمجرد تفكيرة فى خوفة و قلقة عليها .. لأول مرة يقلق او يخاف على شخص غير والديه .. لاول مره يرى فتاة بهذا الجمال … صحيح انها ليست جميلة الملامح .. لكنها جميلة بروحها المرحة ..
سمع صوت طرق خفيف على باب غرفتة ..
تيم بابتسامة : ادخل ..
امانى بابتسامة : صاحى يا حبيبى ..
اعتدل تيم فى جلستة .. و جذب والدته لتجلس بجانبة .. ثم امسك يدها ليطبع قـ،ـبلة رقيقة عليها .. الوالدة حب كل الرجال الاول .. لكن هى عشقة و حبة الابدى ..
تيم بابتسامة : صاحى يا ست الكل .. عاوزة حاجه ..
امانى وهى تداعب خصلات شعرة : وحشتنى يا تيم .. نفسى اقعد اتأمل فى ملامحك على طول يا ابنى .. بتوحشنى اووى ..
عانقها تيم بقوة .. و الشعور بالذنب يملأ داخلة .. هو يقصر بشده تجاة والديه .. لقد ظل مسافر لعدة سنوات .. دون اى زيارة .. لكنة احتاج ذلك حتى يصنع اسما .. و هو يصبح اشهر مهندس معمارى ..
تيم بحزن : حقك عليا يا ست الكل .. انا اسف بس كنت مضطر .. و كنت على طول بشتغل و مكنش فى وقت للأجازات .. بس هعوضها ليكى ان شاء الله .. اطلبى اى طلب و انا هنفذة على طول من غير نقاش ..
امانى بترقب : هتقعد معايا على طول ..
تيم بابتسامة : علم و ينفذ .. مش هسافر تانى خالص .. غيرة يا منون يا حلو انت ..
امانى بضحك : بس يا بكاش .. لو ابوك سمعك ..
تيم بضحك : هو ابويا لسة بيغير برضوه .. و الله الحج يس ده راحت عليه .. تعالى عيشى معايا و سيبك منه ..
ياسين بغيظ : بس يا ولد .. ده كده روح سافر احسن ..
انفجر الجميع فى الضحك .. لقد مرت فترة لم يسمع احدهم الاخر يضحك هكذا .. هو حقا يشتاق لهم للغايه .. يفتقد الجلوس معهم دائما ..
امانى بترقب : بقولك يا تيم ..
تيم بترقب : مش مرتاح .. قلبى مقبوض للطلب اللى هيجى ده ..
امانى بابتسامة : لا مفيش حاجه يا حبيبى .. انا بس كنت هقولك .. مش ناوى تريح قلبى .. و تتجوز و …
تيم بضحك مقاطعا : شفتى .. اريح قلبك و اجيبلك العيال تتنطط حواليكى صح ..
ياسين بهدوء : امك معاها حق يا تيم .. انت كبرت كفايه علشان تتحمل مسؤلية بيت و اسرة .. و بعدين ايه اعتراضك ..
تيم بهدوء: مفيش عروسة ..
امانى بلهفة : انا عندى العروسة ..
ياسين بدهشه : مين يا امانى ؟؟..
امانى بابتسامة : اروى ..
اتسعت حدقتى عيونة .. الصدمة كانت كبيرة للغايه عليه .. الفتاة التى ارادت الهروب من بيت اهلها صباحا .. والدته تريد تزويجه به .. لكن حقا هو يود تجربة هذا .. هى مجنونة و هو يرغب بمزيد من الاثارة فى حياتة .. و هى جميلة .. اذن فليقبل .. و يتقدم لخطبتها .. فراحة بالة لها كبيرة الى حد ما .. اذن فليتبع الخطوات التقليديه التى تثمر بالحب فى اوقات كثيرة ….
********************
يتبع
نوفيلا : ألاعيب القدر
للكاتبة : ايمان عبد الحفيظ
الفصل الثانى عشر
******************************
بعد مرور شهر و نصف ..
“يوم عقد القران” …
استيقظت من النوم بابتسامة مشرقة .. لقد قررت أن تغلق كل الملفات القديمة .. تبدأ حياة جديدة معه .. لقد انتهت أشهر عدتها المزيفة منذ اسبوع .. ستبدأ اليوم بداية جديدة معه .. ستلقى بكل الالم و الحزن الذى عانتة من زيجتها الاولى .. لقد احتسبها الجميع “فتاة نحس ” .. حظ سيئ للغاية لمن تعرفة .. البداية كانت مـ،ـوت سيف زوجها الاول .. جرح اروى الذى لا عـ،ـلاقة لها به .. حـ،ـادثة يزن ..
flash back
منذ 3 اسابيع ..
كانت تجلس على المكتب فى غرفتها تذاكر دروسها .. كانت الساعة 11 ليلا .. كان لديها اختبار فى الجامعة .. سمعت صوت رسالة نصية .. امسكت الهاتف بابتسامة .. فهو فقط من يرسل فى هذا الوقت .. ” نمتى و لا لسه ” .. عبثت قليلا بالهاتف .. لترسل له رسالة تجيبة بها بانها ما زالت مستيقظه .. لم يمر سوى دقيقتين حتى سمعت صوت رنين هاتفها ..
شغف بابتسامة : السلام عليكم ..
يزن بابتسامة : و عليكم السلام .. وحشتينى …
شغف بحزم مصتنع : يـــــــــــزن ..
يزن بضحك : خلاص كنت بهزر معاكى .. المهم صاحية ليه لحد دلوقتى يا هانم ..
شغف بابتسامة : عندى امتحان بكره .. بذاكر الله … اسقط يعنى علشان اعجب سعادتك ..
يزن بضحك : لا انتى عاجبانى حتى لو سقطتى عادى يعنى ..
شغف بضيق مصتنع : احترم نفسك يا يزن .. المهم انت فين ؟؟..
يزن بابتسامة : انا يا ستى فى الشغل لسه ..
شغف بضيق : ليه بقى ان شاء الله .. مش اتفقنا تنام و ترتاح مش حلو المجهود ده عليك .. غير ان الوقت اتأخر ..
يزن بهدوء : لما اكون وعدت نفسى وعد .. لازم انفذة للأخر .. الشغل اللى فى ايدى ده مهم جدا و لازن يخلص قبل اسبوعين ..
شغف باستغراب : اشمعنا يعنى ؟؟..
يزن بابتسامة : هتعرفى بعدين .. المهم هقفل معاكى ثانيه .. و هطلبك يدوب بس ألم ادواتى .. و انزل اروح و اكلمك فى الطريق ماشى ..
شغف بابتسامة : ماشى يا زيزو .. سلام ..
أغلقت الهاتف مسرعة . حتى لا تسمعه يغازلها .. فهى اعتادت انها تنادية ” زيزو ” .. و هو يغازلها دائما .. هو حقا تيقنت انها تحبة .. فهى لم يحدث يوما ان تغزلت ب سيف .. لا يهم .. المهم ان يزن تسرب الى اعماق روحها ..
خرجت من دهليز افكارها على صوت رنين الهاتف .. لتجده يزن ..
يزن بابتسامة : اتأخرت عليكى يا عيون زيزو ..
شغف بضحك : لا .. هو انت لحقت اصلا …
ظل كلاهما يحدثا بعضهم على تفاصيل يومهم .. و يتبادلا الاراء حول مواقف وقع بها كلاهما .. حتى سمعت هى صوت مكابح السيارة ..
شغف بفزع : يــــــــــزن .. انت كويس .. يزن .. يزن ..
يزن بهدوء : متخافيش انا كويس.. بل شفت حاجه قدام العربية .. خليكى معايا ثانية هنزل اشوف ايه ده ..
شغف بخوف : لالالالالا .. بلاش تنزل يا يزن .. كمل سواقة و اوعى تنزل ..
يزن بابتسامة : افرض كان حد محتاج مساعدة .. استنى بس يا شغف .. خليكى معايا على الخط .. انا كده اصلا مركب السماعات .. يعنى هتسمعينى عادى ..
ظلت تعبث بأصابع يدها بتوتر .. و هى تسمع صوت اغلاق باب السيارة .. ثم سمعت صوت يزن و هو يهتف لأحدهم ان يستيقظ .. اثار ذلك فزعها بقوة .. ثم سمعت صوت ارتطام شيئ ما قوى بالارض .. ثم سمعت صوت شخص يقول بغل : شكرى بيه بيسلم عليك يا باشا .. و بيقولك ودع الموسم ده بتصاميمك دى .. سلام ..
ثم سمعت صوت الصفارة المزعج الخاص بأنهاء المكالمة ..
صرخت بفزع : يــــــــــــــــــــــــزن ..
كان ذلك اكثر مشاهد حياتها رعبا .. لقد شعرت بقلبها يخرج من ضلوعها .. شعرت بقلق عليه .. ظلت تجوب الغرفة ذهابا وأيابا .. و الدموع تتساقط من عيونها تلقائيا .. حتى سمعت صوت رنين هاتفها .. برقم غريب ..
شغف بقلق : الو ..
الشخص : لو سمحت انا لقيت الرقم ده متسجل على خط 01……..
شغف بدموع : ايوووه .. ده رقم خطيبى .. هو فين ؟؟.
الشخص : احنا مستشفى .. هو موجود هنا ..
اغلقت الخط و أسرعت لخزانة ملابسها .. لترتدى ما استطاعت يدها لتصل له .. ارتدت بنطال واسع للغايه بلون الاخضر الغامق ” الزيتى “.. و قميـ،ـص من اللون الكريمى قصير بالكاد يصل الى خصرها .. و لفت حجابها باللون الزتيى ممزوج برنقوش كريمية ناعمة .. و خرجت من غرفتها مسرعة .. وجدت لينا تجلس بجانب والدتها .. يتابعون التلفاز ..
امنة بشهقة : انتى رايحة فين يا شغف الساعة دى ؟؟؟..
شغف ببكاء : يزن يا ماما .. يزن فى حد ضـ،ـربة .. كان بيكلمنى و سمعت حد ضـ،ـربة و قاله كلام غريب .. و فى حد اتصل بيا و قالى انة فى المستشفى .. و انا لازم اروح ..
امنة بحزم : تعالى هنا .. مفيش نزول لوحدك الساعة دى ..
شغف ببكاء : علشان خاطرى يا ماما .. مش هعرف اقعد هنا و هو هناك ..
اطرقت امنة رأسها لتفكر قليلا .. هل تترك ابنتها الوحيده تخرج الان فى هذا الوقت .. هى تعرف تماما ان شغف لن تستمع لحديثها و ستخرج عنادا .. ربما من الافضل ان تخرج معها الان ..
امنة بحزم : طب استنى .. جاية معاكى ..
بعد مرور ساعة ….
كانت تقف امام غرفتة التى يفحصه بها الطبيب .. لتراه يخرج من الغرفة ..
شغف بتوتر : لو سمحت يا دكتور ..
الطبيب بهدوء : ايووه ..
شغف بقلق : هو حالتة ايه ؟؟.. كويس ؟..
الطبيب بهدوء : حضرتك مراتة ..
شغف بحرج : لا انا خطيبتة …
الطبيب بعملية : لا هو تمام .. بس هو جرح فى دراعه و هيأخد اسبوع و يبقى كويس خالص ..
شغف بقلق : طيب ينفع اشوفة ..
الطبيب بابتسامة : اه ينفع .. بس شخص واحد اللى يدخل علشان راحتة بس..
اؤمأت برأسها بهدوء .. ثم تابعت خطوات الطبيب و الشرود يغطى ملامحها .. نظرت لوالدته بترجى .. اؤمأت والدته بابتسامة خافتة ..
امنة بابتسامة : ادخلى .. عارفاكى هتمـ،ـوتى و تدخلى ..
وقفت امامة و هو يسند رأسه على الفراش .. و يمسك بين حاجبيه بألم ..
شغف بدموع : يــــزن ..
فتح عيونة بصدمة .. ثم نظر اتجاه .. لتتسع حدقتى عيونة .. هى هنا امامة ..
يزن بصدمة : انتى هنا ازاى ؟؟..
شغف ببكاء : خفت عليك .. انت كويس صح . .
يزن بابتسامة : انا كويس .. بس انتى بتعملى ايه هنا ؟؟..
شغف ببكاء : علشان اشوفك يا يزن .. المفروض انى هسمع كل اللى حصل و هسكت .. ده انا حسيت انى بمـ،ـوت لما سمعت صوت الراجل ..
يزن بابتسامة : يا بنتى اهدى .. محصلش حاجه لكل ده .. انا كويس .. و اللى عمل كده انا عارف شغلى معاة .. هو منافس ضعيف فى السوق .. بس عايز يكبر بمجهود غيره .. بس المهم انة معرفش برضوه ..
شغف باستغراب : ازاى يعنى ؟؟.. هو مش سرق التصاميم منك ..
يزن بخبث : مش يزن النجدى اللى يتسرق منه حاجه .. اللى سرقة ده تصميم انا حافظة صم .. و هرسمه فى اقل من يوم ..
شغف بابتسامة : ذكى يا حبيبى .. المهم ..
يزن بابتسامة : مفيش اى مهم .. المهم حبيبى دى ..
شغف بخجل : احترم نفسك .. انا همشى علشان ماما بره ..
حاول ان يحرك جسده ليلقى التحية على والدة زوجتة المستقبلية .. لكن أصدر انين خافت بألم ..
شغف بفزع : انت كويس ..
يزن بألم : كويس .. بس تعبت شويه لما حاولت احرك دراعى ..
شغف بغيظ : اوعى تتحرك .. الدكتور قال مفيش حركة قبل اسبوع …
يزن بخفوت : ابتدينا المرار الطافح بقى ..
شغف بدهشه : بتقول ايه يا يزن ..
يزن بابتسامة عريضة : لا و لا حاجه يا حبيبتى .. نادى ماما خلينى اسلم عليها قبل ما تمشوا .. و استنى لحظه ..
امسك هاتفه الذى كان بجانبة .. و بعت قليلا بالهاتف .. لاحظت هى انه يرسل رسالة نصية ..
شغف بترقب : بتعبت لمين ؟؟ ..
يزن بضحك : يا غيورة .. ببعت لسواق لأمن الشركة يبعت عربية توصلك انتى و ماما …
شغف بتوتر : مفيش داعى يا يزن .. مش مهم ..
يزن بحزم : بس يا بابا .. و روحى نادى ماما…
نادية بعصبية : لا هى جت لوحدها ..
يزن بدهشه : ماما .. انتى هنا من امتى ؟؟؟
نادية بغيظ : من وقت لما بدأت حضرتك تاخد منها الاوامر ..
اخفضت شغف رأسها بحرج .. التعامل مع هذة المرأه بالتأكيد سيسبب لها المعاناة ..
يزن بهدوء : منورة يا حبيبتى .. انتى عرفتى ازاى ؟؟..
نادية بتهكم : موظف من المستشفى طلبنى .. ايه مش عاوزانى اعرف و لا ايه ؟؟..
يزن بابتسامة : لا يا حبيبتى .. مش دى النقطه بس ملوش لازمة تعبك .. ليه بقى ..
وقف عن فراشه .. و توجه لجاكيت بدلتة الملقى على الكرسى بأهمال … ليرتديه .. و
قال بابتسامة : علشان انا هروح دلوقتى ..
شغف بزهول : لا يا يزن .. انت لسه تعبان ..
يزن بهمس : القعدة هنا مش كويسة .. لا ليكى و لا ليا و لا لماما .. فبلاش منها ..
نادية بغيظ : انت بتقول ايه يا يزن ؟؟…
يزن بابتسامة : و لا حاجه يا حبيبتى .. يلا يا ماما .. يلا …
نادية بغيظ : و لا حاجه ازاى .. اشك انها هى السبب فى اللى انت فيه ده .. معرفة نحس ..
يزن بهدوء : ماما .. معتقدتش ان ده له عـ،ـلاقة .. اتفضلى ..
فتحت نادية شفتيها لتقذف ردا أخر فى اذن شغف .. لكن نظرات يزن لها ذكرتها بأنة على وشك الانفجار اذا زادت كلامتها جرحا لها .. لتلك الساحرة التى تخطف ابنها منها .. فى وجهه نظرها …
back …
ابتسمت بهدوء.. رغم حنقها و ضيقها من السيدة نادية .. الا انها تشكر الله لان يزن دوما موجود .. دوما يساندها .. دائما يوقف القتال من جهه والدته بحذر و خفة .. يحـ،ـادثها يزن بعقلانية و هدوء و يحاول امـ،ـتصاص غضبها و حنقها .. تكفى ابتسامتة التى تأثر القلب .. التى يعطيها له فى كل مره تصمت امام حديث والدتة الفارغ .. هى فقد صبورة لأجلة .. لانها ترى به الامان .. الاحتواء .. السعادة …
سمعت صوت اهتزاز هاتفها معلنا عن قدوم رسالة نصية .. نظرت للهاتف بابتسامة هادئة .. كما توقعت رسالة من يزن ..
” صباح الورد يا مراتى الحلوة ” ..
ارتسمت الابتسامة تلقائيا على وجهها مره اخرى .. لو اخبرها شخص ما انها ستصبح زوجة ل يزن النجدى يوما ما .. لأتهمته بالجنون .. لو عرفت انها ستصبح معه يوما ما .. لما اعترضت على كل الذى حدث لها .. القدر موجة .. يتلاعب بالسفن الذى تبحر بها .. أمسكت هاتفها لتكتب بأصابعها .. و الابتسامة اللامعة ترتسم على ملامحها الملائكية ..
” لسه مش مراتك لحد دلوقتي ” ..
لتتسع ابتسامتها حين رأتة يتصل بها ..
يزن بغيظ : و الله .. .
شغف بضحك : اه و الله .. شفت بقى .. و بعدين طب صبح عليا .. قولى ازيك .. اى حاجه ..
يزن بغيظ : صباح الخير يا غالية ..
شغف بابتسامة :صباح النور .. بتعمل ايه ؟؟..
يزن بخبث : بتسألى لييه .. انتى مش مراتى بتسألى لييه ؟؟..
شغف بضحك : بتلعب معايا .. طيب .. خلاص مش عاوزة اعرف ..
يزن بضحك : اشفاقٱ على الفضول اللى عندك .. هقولك .. انا حالياً هنزل اجيب البدلة بتاعتى ..
شغف بابتسامة : طيب .. هتيجوا الساعة كام ؟؟..
يزن بهدوء : اروى هتجيلك دلوقتى.. و انا هاجى بالليل انا و ماما و حسام الساعة ٨ ..
شغف بابتسامة : طيب .. سلام بقى ..
أغلقت الهاتف .. لتسرع الى حمام منزلهم لتنعش جسدها قليلا . حتى تحضر نفسها لحفل عقد قرأنها … على يزن النجدى .. اليوم ستصبح زوجة السيد يزن .. و غدا ستصبح ستذهب معه الى بيتة …
**************************
أخرج مفاتيح سيارتة من جيبة .. ليفتح باب السيارة ليتوجة الى متجر تنظيف الملابس لاحضار حلتة السوداء التى سيرتديها الليلة .. سمع صوت يناديه خلفة ..
تيم بابتسامة : يزن …
يزن بضحك : ايييه تانى .. مين وقع المره دى ..
تيم بضحك : لا محدش .. انا بس كنت عاوزك ..
يزن بابتسامة : يا سلام .. عيونى .. اقولك تعالى نتمشى سوا .. اجيب البدلة و ارجع ..
تيم بابتسامة : يلا ..
سار كلاهما بجانب بعض على الطريق .. كانت المرح يسوج فى الاجواء .. الصداقة الطفولية تكن جيده فى كثير من الاحيان ..
تيم بمرح : بس قولى بقى .. ايه سر النضافة الزيادة دى ؟؟ ..
يزن بضحك : يلا يا واطى .. بس استنى صح .. انت متعرفش ؟؟
تيم باستغراب : معرفش ايه ؟؟..
يزن بضحك : انا هتجوز النهاردة .. كتب كتابى النهاردة ..
تيم بدهشه : قول و الله .. لا لا يزن هيتجوز .. لا بقى ده انت تحكيلى كل حاجه ..
يزن بابتسامة : هحكيلك يا سيدى .. بس قولى كنت عاوزانى فى ايه ؟؟
تيم بتوتر : ضرورى اقولك دلوقتى ..
يزن بغيظ : ما تنطق ياض ..
تيم بتوتر : متزعلش منى طيب .. اعرف ان ده مش هيأثر على عـ،ـلاقتى بيك ماشى ..
يزن بابتسامة : ليه محسسنى اننا متجوزين و عاوز تطلقنى .. خلص ..
تيم بسرعة : انا طالب ايد اختك اروى ..
اتسعت حدقتى عيونة بصدمة .. زهول .. أعز اصدقائة يود خطبة اختة الوحيدة ..
يزن بدهشه : مين ؟؟.. لحظة .. مين يتجوز مين ؟..
تيم بهدوء : انا عايز اتجوز اختك ..
صمت يزن قليلا .. ليتأكد مما سمعه .. مما وصل الى مسامعه .. تيم شخص جيد .. لكن ما يشغل باله .. طلب تيم للزواج من اروى تحديدا .. تيم دوما ما كان يقول انه لن يتزوج الا التى تجعل قلبة يدق .. لن يتزوج الا التى سيفكر بها طوال يومة .. هل اروى جعلت من تيم عاشق لها حتى يطلب يدها ..
يزن بترقب : اشمعنا ؟؟.. قصدى يعنى ليه اروى بالذات ؟.. يعنى انت هنا من شهر و نص تقريبا .. اكيد مش حبيتها .. ليييه اروى بقى ؟؟..
تيم بهدوء : مش هكذب عليك .. انا هكلمك زى صاحبى يا صاحبى ماشى ..
اومأ يزن برأسه بهدوء ..
تيم بشرود : انا مش عارف مالى .. على طول هى فى بالى .. بفكر فيها على طول .. حاجه لذيذة بتحصلى لما بسمع اسمها .. بحس انى بالابتسامة بتترسم على وشى من غير اى تفكير .. مش عارف ده حب او اعجاب .. لكن بحس براحة كبيرة لما بشوفها .. فاهمنى يا يزن ..
لاحظ تيم ان يزن يخفض بصرة فى الارض .. و لاحظ ان ابتسامة خفيفة مرتسمة على وجهه ..
تيم بترقب : بتضحك على ايه ؟؟..
يزن بابتسامة : لا .. مفيش هتعرف بعدين لوحدك .. المهم انا مش هقدر اقولك اه او لا .. انا محتاج وقت افكر . غير ان رأيها هى الاهم ..
اؤما تيم برأسه فى هدوء .. بينما ملامح القلق تتسرب الى داخله .. ربما ترفض بسبب اهانته لها الغير مقصودة .. لكن هو حقا كان خائف عليها .. كان يعتبرها مثل اختة الصغرى لانه اخت صديقه العزيز .. لم يقصد ان يحزنها .. هو فعل ذلك بدافع القلق .. و … الخوف
******************************
نوفيلا : ألاعيب القدر
للكاتبة : ايمان عبد الحفيظ
الفصل الثالث عشر
******************************
تركت القلم بجانب دفتر المأذون .. بعد أن رسمت عليه توقيعها اللامع .. بجانب توقيعه .. ليحلق قلبها فى الاحلام الورديه مع جملة المأذون الشهيرة ” بارك الله لكما وبارك عليكما وجمع بينكما في خير ” ..
ابتسمت فى خجل واضح و تخطف منة نظرات خجولة .. دقات قلبها تقفز فى داخل حصون صدرها .. جسدها الذى يطالب بالإفراج من سجن الحزن .. اخيرا شعرت به و قد أُطلقَ سراحه .. لم تشعر بهذا يوم عقد القران مع زوجها الراحل سيف .. ربما لان زواجها منه كان زواج تقليدي .. لا شيء به مثير أو محرك للمشاعر .. ربما هى احبته أو أًعُجبت به قليلا .. لكن ما تشعره الان متخلف كليا عما كانت تشعر به من قبل .. خرجت من أفكارها و هى تراه يقترب منها .. زادت نبضات قلبها .. بل أفلت من يدها لجام التوتر و الخجل .. فأصبحت تشبه الأميرات .. كانت وجنتيها الورديتين تغريانه بشده .. لكى يقترب منها و يطبع قبلاته عليهما.. لكنه احترام تواجد الناس من حولهم .. لم يقاوم رغبتة فى عناق صغير منها .. عانقها بقوة .. اعتصر جسدها الغص بين ذراعية .. كانت هى تنتفض خجلا .. لكن الابتسامة لم تفارق وجهها الناعم .. و هو ايضا ابتسامتة لم تختفى .. الشعور بمن نحب بجانبنا هو تحليق القلب فى السماء الوردية .. سماء العشق الحلال .. اقترب من اذنها ..
يزن بهمس : بحبك يا شغفى ..
اغمضت عيونها بقوة .. ازدادت حمرة وجنتيها .. ارتعاش خفيف سرى على عمودها الفقرى .. كأن كهرباء صعقتها .. لكن كان شعور لذيذ .. و هى تسقط فى احضانه .. و هو تشعر بأنفاسه على جبهتها ..
يزن بابتسامة : بلاش الكسوف ده .. علشان مش فى صالحك ..
شغف بخجل : احترم نفسك يا يزن ..
يزن بابتسامة : ممنوع ..
شغف باستغراب : هو ايه ده ؟؟..
يزن بابتسامة : ممنوع تنادينى يزن الا فى حالة الطوارئ فقط..
شغف بضحك : يا سلام .. اناديك اقولك ايه يعنى ؟؟.
يزن بابتسامة : زيزو .. حبيبى .. جوزى .. دلعينى يعنى ..
شغف بغيظ : مش بحب المحن ده .. او الرومانسية الزيادة ..
يزن بغيظ : طفرة فى البنات .. مش مهم برضوه هتقولى اللى انا عاوزه .. و الا …
شغف بترقب ممزوج بالسخرية : هتعمل ايه يعنى ؟…
يزن بخبث : هعمل حاجه مش هتعجبك خالص ..
قال جملته و هو يخف بصره الى شفتيها .. مما جعل الصدمة ترتسم على وجهها ..
شغف بزهول : بتهزر ..
يزن بابتسامة لعوب : و فى اكتر من كده .. و محدش له عندى حاجه ..
شغف بخجل : لا لا لا لا يا يزن .. مستحيل ..
قالتها و هى تركض من امامة لتجلس بجانب والدته .. و ملامح الخجل و التوتر تظهر باديه على ملامحها .. لكن أثار استغرابة خجلها المفرط .. كأن زوجها الاول لما يكن يحدثها هكذا .. لا لا يريد ذكر ذلك الموضوع الان .. لن يفسد سعادتة بسبب سبب تافهه كهذا .. فليترك هذا للغد .. فغدا .. ستصبح معه فى بيتة .. ستصبح .. صك ملكيته …
************************



