بقلم دينا عماد

الحلقة 10
فؤاد نازل من تاكسى ف منطقة شعبية
بيبص حواليه…شاف قهوة
راح قعد عليها
القهوجى بيبص على فؤاد
راح وشوش صاحب القهوة بشك
شاور له صاحب القهوة انه يروح له
راح لفؤاد
“اؤمر يا باشا”
“شاى لو سمحت”
“تحت امر سعادتك”
“بقولك ايه”
“اؤمرنى”
“هو الشيخ خضر فى انهى بيت هنا؟؟”
وطلع فؤاد 50 جنيه من جيبه ناولهم للقهوجى
اخدهم القهوجى ف جيبه بسرعة وهو بيستغرب
“الشيخ خضر !!!”
“ايوه…الشيخ خضر… مالك مستغرب ليه”
“هو سعادتك جاى له ليه؟”
“عندى مشكلة كده وعايزُه فيها وناس دلونى عليه”
“بس اكيد الناس دول مجوش من زمان”
“من سنتين تقريبا”
“الشيخ اتقـ،ـتل السنة اللى فاتت”
“اتقتـ،ـل؟!”…مين اللى قـ،ـتله”
“واحد وسلم نفسه ومحدش يعرف ليه”
“والقـ،ـاتل ده مقالش قتـ،ـله ليه”
“اللى بسمعه من الناس انه مقالش سبب”
ونادى واحد من الموجودين على القهوجى
“تؤمرنى لحاجة تانية سعادتك”
“شكرا”
******************



