بقلم دينا عماد

الحلقة 5

توفيق وحياة قاعدين مع فؤاد ومامته
توفيق”هتعمل ايه معاها يا فؤاد”
فؤاد بانكسار”هعمل ايه…العمل عمل ربنا”
توفيق”يعنى ايه… يعنى هتسكت لها”
فؤاد”هعمل ايه اكتر من اللى حصل”
توفيق”انت راضى يعنى انها تحط راسك ف الطين”
فؤاد بضيق” اللى حصل حصل خلاص… لما تخف هبقى افهم منها ايه اللى حصل بالظبط”
توفيق”اخص على كده…عيشتك بره خلتك بارد”
فؤاد”راعى كلامك يا توفيق… انت عازينى امـ،ـوت بنتى الوحيدة”
توفيق”ده انت تمـ،ـوتها وترمى جتتها للكلاب”
فؤاد بنرفزة”انت عايز ايه بالظبط… ملكش حاجة عندى…بنتى وانا حر فيها…فارس طلـ،ـقها وخلاص انتهينا…كفاية انى اتسرعت واتعاملت معاها بنفس طريقة ابنك الهمجية…مش كفاية المنظر اللى لقيناها فيه…عاجبك الضـ،ـرب اللى كان ضـ،ـاربهولها ده…والله لو ما كان ابن اختى ماكنت سيبته الا وانا حابسه”
الام بتحاول تهدى فؤاد
“اهدا يافؤاد خلاص”
توفيق قام يزعق هو كمان
“انت ليك عين تتكلم بعد اللى بنتك عملته… ده انت المفروض مترفعش عينك فينا بعد اللى حصل”
فؤاد”اسكت يا توفيق احسن لك انا اللى فيا مكفينى”
حياة”خلاص يا توفيق…خلاص يا فؤاد…يالا ياتوفيق”
توفيق”يالا ايه… حق ابنى عند مين؟”
فؤاد”حق ايه”
توفيق”فرحته اللى اتكـ،ـسرت…المصاريف اللى صرفها على الجهاز والبيت والفرح”
فؤاد”يعنى مشكلتك ف الفلوس…ياخد اللى صرفه”
توفيق”ده انت غريب…دى لو كانت بنتى والله كنت دبحتها وانا رافع راسى”
فؤاد”الحمدلله انها مش بنتك… ومن هنا ورايح لا انت ولا ابنك ليكم دعوة بيها… وانا هظبط امورى واخدها تعيش معايا هناك”
توفيق”خدها…علشان تبقى على كيفها اكتر”
فؤاد”اخرس بقى ده انت معندكش دم”
حياة”عيب كده يافؤاد… محصلتش انك تشتمه”
فؤاد”كلمة زيادة وهضـ،ـربه… سيبونا ف حالنا بقى”

قام فؤاد وسابهم ودخل اوضته
وقام توفيق وهو بيشتم ويزعق
وحياة طلعت وراه والام شايفة كل اللى بيحصل ومش عارفة تقول ايه ولا تعمل ايه…بعد ما طلعوا دخلت لفؤاد
*******************