نوفيلا ملاذي الاخير بقلم نور زيزو

تجلس “نور” صباحاً بتعب شديد من العمل وهى تتذمر على “حسن” وتقول :-
– ياحسن خلينا نمشي أنا هموت وأنام
قال “حسن” وهو يمثل أنه يكتب شيء فى الورق وعيناه على غرفة “عائشة” يريد أن يودعها وهى ترحل ولا يعلم متى سيلتقي بها :-
– ثوانى يانور هخلص اللى فى أيدى
قالت بتهكم وهى تسند رأسها على يديها بأرهاق :-
– أنا غلطانة أنى مسمعتش الكلام وأشتريت عربية ، علشان اتذل لسيادتك
خرجت “تالا” من غرفة أمها ومعاها والديها والممرضة ، كانت تحمل شنطة أمها وتمشي خلف والدها ، ترك “حسن” القلم وهو يقول :-
– يلا يانور
وقفت معه ورأت “تالا” وأسرتها ذاهبون قالت : حمدالله على السلامة
رفعت “تالا” نظرها ووجدته يقف بجوار “نور” ويبتسم بأشراق لها ويبدو عليه التعب ، بادلته الأبتسامة الحالمة وأحمرت وجنتها
رد والد “تالا” قائلاً :-
– الله يسلمك يادكتورة
قال وهو يختلس النظر لها ، يسرق ما ليس له :-
– متنسيش العلاج فى مواعيده
قالت عائشة وهى تمسك فى ذراع زوجها :-
– حاضر
ذهب هما اما هى خلفه مع والديها ، قالت “نور” بضجر وضيق منه :-
– ياحسن تعال من الباب ده
أجابها وهو ينظر لها ويمسك يديها بلطف ، وهو يشعر بأن جسدها قد يسقط منه من شدة أرهقه :-
– ياسفنورتى أنا راكن العربية عند الباب ده
أجابته بتذمر طفولى وبراءة تفيض من العينين ملوحة بخصال من الطفولة :-
– أنت النهاردة فيك حاجة غريبة ياحسن
رأته من الخلف وهو يمسك يد “نور” ويثنى ذراعه ويضع يدها فى ذراعه ، شعرت بحزن شديد أعتقدت بأن هناك علاقة وثيقة تربطه بـ “نور” وليس بصداقة فقط ..
فتح باب سيارته من أجل “نور” وركبت أغلقه وأتلف حول السيارة وركبت مكان السائق بجوارها وألقي نظرته الأخيرة على “تالا” وهى تركب التاكسي مع أسرتها وقاد بــ “نور”
*.*.*.*.*.*.*.*.*
قال “حسن” وهو يضع الفنجان على الترابيزة مبتسماً لها :-
– ودى كانت أخر مرة أشوفها فيها
سألته وهى تترك مجها :-
– طب مكلمتش باباها ليه مادام معجب بها من أول لحظة .. وليه مقولتليش أصلاً على الأقل كنت قولتلك أنى أعرف مكانها وأنى بكلمها كل يوم
رد عليها وهو يخرج الأموال من جيبه لكى يدفع الحساب :-
– مكنتش متأكد أنى بحبها ، كنت فاكره مجرد أعجاب زى لما شوفتك وأعجبت بيكي ، مكتشفتش أنه فعلاً حب من النظرة الأولى غير لما غابت عنى يوم وأتنين .. قولت خلاص أنا غبي عشان ضيعتها من أيدي .. فضلت على أمل أن لو لينا نصيب فى بعض هنتقابل ، فى جملة بتقول
The people who are meant to be in your life will always gravitate back towords you .no matter how far they wander
سألته وهى تقف معه :-
– يعنى أنت شايف أن مقدر ليكم تكونوا مع بعض
أجابها وهو يفتح لها باب الكافي الزجاجى لتخرج :-
– وإلا مكناش أتقابلنا .. المهم قوليلى عمر عايز يتكلم معاكي
هتفت وهى تقف أمامه بصرامة قائلة :-
– وأنا مش عايزة أتكلم
قال بأصرار وهو ينظر لها :-
– لازم تسمعيه يانور
أبتسمت وهى تتجاهل سؤاله وهمهمت قائلة :-
– good bye ياحسن
وأستقلت سيارتها وذهبت وضع “حسن” يديه خلف رأسه وهو يفكر فى كيف يجعلها تسمع “عمر”
•••••••••••••••••••••••••••••••••
وصلت “نور” للمستشفي وغيرت ملابسها وأرتدت الزى الرسمي لها عبارة عن بنطلون أخضر فاتح وتيشرت بنص كم نفس اللون وعليه البلطو الأبيض، وأتجهت أولا إلى قسم القلب والصدر لكى تجري بعض الفحوصات الطبية لقلبها هى أولاً ، وأنتهت وذهبت إلى مكتبها ، دخلت ووجدته بالداخل
قالت وهى تجلس على كرسيها بضيق:-
– أنت
رفع “عمر” رأسه لها ، ودهشت حين رأيت وجهه شاحب اللون وعيناه حمراء من قلة النوم فقال وهو ينظر لها :-
– عايز أتكلم معاكي
ردت عليه وهى تفتح ملف أمامها :-
– أنا مش فاضية ومش عايزة أتكلم
ضرب المكتب بقبضته بقوة وهو يقف مُحدثها :-
– أنا عايز أتكلم وأنتى هتسمعنى
فزعت من غضبه عليها ووقفت بتحدي تصرخ بوجهه :-
– أطلع برا ياعمر … وياريت متجيش هنا تانى ويكون أفضل لو بعدت عن حياتى كلها زى ما أنت طول العمر بعيد
كاد أن يرد عليها ولكنه توقف عن الحديث حين دخلت الممرضة المكتب ، نظرت نور لها سألت بأستياء :-
– فى حاجة
قالت الممرضة وهى تمد يدها لـ “نور” بظرف :-
– قسم القلب بعت الملف ده لحضرتك
نظر “عمر” بهلع على الظرف ووجد أسم حبيبته عليه ، قالت وهى تأخذ الظرف منها :-
– شكراً .. روحي أنتى
خرجت الممرضة وجلست “نور ” على كرسيها مرة أخرى وهى تتجاهله وتفتح الملف ، قال “عمر” وهو يجلس على الكرسي المقابل لها :-
– هتعملى العملية أمتي ؟؟
ردت عليه وهى تقرأ الورق بحزن قائلة :-
– ومين قالك أنى هعملها مفيش حاجة تخلينى أعملها
رد عليها بهدوء تام قائلاً :-
– في يانور .. أنا .. أعمليها عشان تعيشي معايا … نحقق أحلامنا اللى حلمناها سوا .. أعمليها عشانى
أبعدت نظرها عن الورق ورفعته له بهدوء وسخرية تقتل قلبه وقالت بتهكم :-
– أنت .. أنت أخر حاجة ممكن أفكر أنى أعمل العملية عشانها .. الأحلام اللى بتتكلم عليها دى ماتت
رمقها بنظرة حزينة وقال بأمل :-
– لا ممتتش يانور
أغلقت الملف وقالت بلهجة واهنة :-
– يمكن بالنسبة لك لسه موجودة بس بالنسبة لي ماتت
( اختلفت بنا السبل، أما عن الأحلام.. فبعضنا ماتت أحلامه وأبقي هو جسد بدون روح ، وبعضنا ما زال متمسكاً بأحلامه ويعافر من أجلها .)
خرج عمر من مكتبها وأتجه إلى مكتب حسن ، دخل ووجده يقف يرتدي البلطو الأبيض
سأله بدهشة من وجوده :-
– عمر .. ايه اللى جابك هنا
جلس “عمر” على الكرسي بينما يقول :-
– نور تعبانة
سأله “حسن” بدهشة وخوف عليها :-
– هى اللى قالتلك
أجابه “عمر” وهو يلعب بالقلم بغضب مكتوم :-
– لا بس هى كشفت ده معناه أن قلبها بيوجعها
هتف بسخرية وهو يخرج من مكتبه :-
– بيوجعها بسببك
••••••••••••••••••••••••••••••••••••••••
أنهت “نور” يومها الروتيني فى المستشفي وعادت إلى بيتها .. دخلت وقبل أن تغلق الباب ، منعها “عمر” وهو يمسك الباب بيديه ويضع قدمه أمام الباب ، قالت بغضب وهى تنظر له :-
– أنت بتعمل ايه ياعمر
دخل بالقوة رغم عنها وهو يقول :-
– أنا مش همشي من هنا غير لما تسمعينى الأول
أجابته بتوتر وغضب وهى تفتح له الباب مرة أخري :-
– أمشي ياعمر تالا عند خالتها وأنا لوحدي
قال بأصرار وهو يتجه للصالون :-
– هتسمعنى الأول وبعدين همشي
زفرت بضيق .. وجلست على الكرسي المقابل له بضيق وهى تنظر له بحادة وتقول :-
– أتفضل قول خلينى أخلص
سألها وهو ينظر لعيناها :-
– أنتى شايفنى ازاى يانور
صرخت به وكأنه أعطاها التصريح لكى تخرج ما بداخلها وتحبسه داخل سجن ضلوعها قائلة :-
– أنت عامل كل ده عشان تقولى شايفك أزاى … شايفك حد زبالة أووى ياعمر .. هنت المرأة وكيانها شوفتها جسد مش روح .. واحد خاين للوعد .. مبيهمكش غير شهوتك الحيوانية وبس ومش مهم عندك الروح اللى بتكسرها
نظر لها بحزن وهو يسمع وصفها له وكانت كلماتها تقتل قلبه وتجرح كرامته ورجولته ولكنه تماسك من أجلها … من أجل أن يزيل هذا الحزن من على عاتقها ، ويمحو ذلك الغبار الذي أستحوذ على روحها البريئة وأذا أستمر يحاربها سيقتل براءتها ويحولها إلى حجر قاسي
أكملت حديثها وهى تصرخ به بغضب :-
– بقيت أنانى ياعمر مفكرتش في أى حاجة غير شهوتك الحيوانية وبس ، مفكرتش فى اى حد غير نفسك أنانى ياعمر ، مفتكرتش وعدك ليا وأنت بتعمل كدة ، دى خيانة ليا خنت وعودك ليا عشان رغبتك ، خليتى عايزه أكرهك وقرفانة أبصلك وبرضو قلبي لسه غبي وبيحبك وعايزك ، اللى عملته ده مش جرح كرامة ملك بس ده كسرنى أنا كمان كسرتنى بأيدك ياعمر
أجهشت فى البكاء بكثرة وهى تقف ، تركها تصرخ على أمل أن يرتاح قلبها بعد ما يخرج ذلك البركان الموجود به ، وقف بهدوء وأقترب منها وهو ينظر لعيناها الباكيتين ، مسك يديها بحنان وهو يردف بلهجة دافئة تلمس قلبها المجروح قائلاً :-
– ولو قولتلك يانور أنى معملتش كدة .. لو قولتلك أنى ملمتسش ملك خالص لا قبل الجواز ولا بعده … هتصدقنى
أخفضت رأسها للأسفل بعجز عن مجدالته . .. وهى أكثر من تدرى بأن قلبها لن يصدق سواه هو فقط وقد يكذب الجميع ويصدقه هو … وبدأ قلبها ينحنى له أمام حبه بضعف .. وضع سبابته أسفل ذقنها ويرفع رأسها له لتتقابل عيناهم معاً وهو يسألها مرة أخرى :-
– هتصدقينى يانور
ردت عليه بصوت مبحوح ملوحاً بخصال من الطفولة والعشق قائلة :-
– طول عمرى بكدب الناس كلها وبصدقك ياعمر
أبتسم لها بأرتياح وهو يأخذها من يديها كأنه والدها ويجلس على الأريكة وهى بجواره مُحدثها بترجي :-
– يبقي تقعدى وتسمعنى وتعرفي أنا مرت بأية من يوم ما سيبتك لحد ما أقابلتك بعد ١٢ سنة وأتجوزت ملك أزاى وليه
صمتت بهدوء وهي تجذب يديها من يديه بحزن عميق وتمنع عيناها من النظر له ، نظر ليديها وهى تجذبها من يديه فأبتسم بلطف قال :-
– بس توعدينى يانور لو سامحتينى تعملى العملية
رفعت حاجبها له بغرور مصطنع وهى تنظر له :-
– مش ده لو سامحتك
أبتسم بهدوء و قال :-
– لما سافرت وسيبتك هنا .. سبت روحى معاكي .. بقيت عايش جسد من غير روح زى الميت ، ميت بس محكوم عليه بالسجن فى الدنيا ، سنتين بحاول أعيش من غيرك مش قادر رأحت نور وراحت معاها الثانوية العامة وراحت كلية الأثار راحت الأحلام كلها ..
قطعت حديثه وهو تسأل بفضول :-
– مدخلتش كلية الأثار
ضحك ساخراً وقال :-
– لا دخلت كلية الحقوق .. من كلية أثار لكلية الحقوق
فسألته بفضول عن سبب تنازله عن حلمه :-
– ليه
– من غيرك مبقتش عارف أعمل حاجة .. مبقتش قادر أذكر دخلت أمتحانات من غير مذاكرة وجبت ٦٠٪ مبقاش ليا غير كلية حقوق
– بسببى
– عشان مكنتيش معايا .. المهم مكانش ليا غير البحر أقعد عليهأحكيله همومى وعن حبيبتى اللى مش عارف أرجعلها وملك كانت هناك زى ما شوفتى بيت عم منصور كدة وأتعرفت عليها وبقينا صحاب
قالت نور بهدوء والفضول يقتلها اكثر : أومال أتجوزتها ليه ..
أجابها بهدوء قائلاً :-
– ملك كانت أول حد يقف جنبي في أسكندرية .. بقينا صحاب ودخلنا جامعة الإسكندرية سوا أنا كلية حقوق وهى كلية أداب وأتخرجنا وأحنا صحاب وهى مُصرة تفضل جنبي لحد ما أرجعلك ونحقق أحلامنا .. لحد ما في يوم جتلى تعيط بطريقة هستيرية وفهمتنى أنهي كانت بتحب واحد معاها فى الكلية ووهمها بالجواز بعد الكلية وصدقته وغلطت معاه وبعد ما أخد اللى هو عايزه منها أختفي
قالت نور بزفر وضيق أكثر وهى ترمقه بنظرها بقسوة شديدة :-
– وطبعاً سيادتك أتجوزتها
أكمل حديثه بهدوء شديد مُتجاهل غيرتها :-
– طلبت منى أتجوزها حتى لو شهر واحد المهم متفضحش هى عشان والدتها مريضة وممكن تموت لو عرفت حاجة زى دى ، وافقت أتجوزها وأحنا على أتفق أن الطلاق بعد شهر ، وبعد يومين جواز عرفنا أنها حامل فى شهر ، وعاشت معايا زى الأخوات كل واحد فاوضته لا لمستها ولا حتى مسكت أيدها ، وفي يوم دخلت أوضتي وشافت صورك فكل مكان غارت منك لأول مرة بعد ١٢ سنة صداقة ، وبدأت تحبنى ويوم ما قالتلى أنها حبتنى من حبى ليكي… تانى يوم نزلت القاهرة أدور عليكى … اليوم اللى بعده على طول خبطيها .. دى كل حكايتى مع ملك
سألت بطفولية وهى تنظر له بعينين تفيض منهم البراءة وبدأت سعادتها ترسم على ملامحها وتعود روحها لها :-
– يعنى أنت معملتش حاجة كدة ولا كدة
أبتسم لها وهو يمسك يديها الدافئة بين كفيه وقال :-
– بكرة أخدك شقتى هوريكي حاجة مهمة وتجيبي معاكى حسن وتالا عشان منروحش لوحدنا
– ماشي
أجابته مُبتسمة نظر لأبتسامتها ودلالتها وبراءتها تفيض من عيناها ولامعتها ، وعادت لطفولتها وأمتلاك قلبها مرة أخري وأسقطها من جديد فى شباك حبه وغرامه ، وقف بهدوء وهو يقول :- أنا همشي .. تصبحي على خير ياقلبي
وقفت معه وهى تبتسم بسعادة وتسأل :-
– هتعدي عليا أمتى
– لما تخلصي شغلك سلام
– ماشي خلى بالك من نفسك
قالتها وكادت أن تغلق الباب أستدار لها وهو يقف على باب الشقة ويقول :-
– حاضر وآسف أنى دخلت ومحدش فى البيت بس أنتى أهم عندى من الكل
أبتسمت له وهى تمسك باب الشقة وأردفت قائلة :-
– حصل خير أنا واثقة فيك
ذهب كادت أن تغلق الباب منعها وهو يضع قدمه أمام الباب ،نظرت له بتساؤل ، أخرج من جيبه شيكولاتة وأعطاها لها كما أعتاد منذ أول لقاء لهم وهو يعطيها الشيكولاتة ، أبتسمت بسعادة طفولية بريئة وأخذتها منه وهى تقول :-
– شكراً
– تصبحي على كل الخير والسعادة يانور عيني
قالها فأبتسمت على لقبها منه وهى تقول :-
– وأنت من أهله
ذهب وأغلقت الباب خلفه وبدأت تقفز فى كل أرجاء الشقة بسعادة وجنون ، عادت روحها بعد غياب طال لعمر بأكمله ، سنوات ضاعت منها وروحها مهاجرة جسدها والنبض تارك قلبها ، فهو النبض وهى القلب ، أخذت دوشها وأمسكت هاتفها وأشغلت أغنية ” أتحبني .. بعد الذى كان / للقيصر كاظم الساهر ) أعلت الصوت ودخلت المطبخ بسعادة لأول مرة
كانت تستمع إلى كلمات الأغنية بعناية وقلبها ينبض بجنون من أجله ، تشعر وكأنه أزل جبل من فوق قلبها وبه أختفي مرضها وعادت لنشاطها وحيويتها ، وقفت تحضر العشاء من أجلها ، عشاء بسيط جداً وقفت تطهى الأندومي أعتادت على أكله مادامت تعيش وحدها وتعود من عملها متأخرة ..
جلست تأكل على السفرة وحدها ورغم وحدتها إلا أنها كانت تشعر بعطره يملي المكان .. وروحه تعانقها بقوة وتتشبث بها .. وقلبه يحتضن قلبها بين ضلوعها
…
رن هاتفها معلن عن أستلام رسالة .. وجدتها منه وفتحتها وجدت ( رابط أغنية قلب واحد / مدحت صالح ) أبتسمت عليه فرغم كل تلك السنوات لم يتغير طبعه ..
يتـــــبـــع ………
مَلاذي_الآخير
•• الفصــــل التـــاســع “الجــــزء الثــانى ..” ( 9 ) ••
•• بعنـــــوان ” أعشقــــك وحـــدك “••
أستيقظت “تالا” صباحاً فى منزل خالتها ، تجهزت ونزلت قبل أن يستيقظ أحد وركبت أول مكروباص مر بجوارها .. رن هاتفها بأسم “نور” فأجابتها قائلة :-
– صباح الخير
أتاها صوت “نور” عبر الهاتف بحزم تقول :-
– صباح النور … مرجعتيش ليه أمبارح ؟؟
تنهدت بأقتضاب ثم قالت بهدوء :-
– خالته أصرت أبات عندها ، بس متقلقيش هجي النهاردة لأن مش عارفة أخد راحتى خالص بسبب ولادها الصبيان
هتفت بلهجة جدية قائلة :-
– ماشي الساعة ٧ تعدي عليا فى المستشفى
سألتها بأستغراب بينما عقدت حجابيها :-
– أشمعنا ؟؟
تبسمت بخجل ثم قالت بلهجة ناعمة دافئة :-
– هنروح مشوار مع عمر ومينفعش أروح لوحدى
أتسعت عيناها بذهول فى حين قالت بدهشة :-
– أستنى أنتى قولتى عمر .. هو أنتوا أتصالحتوا ؟؟
عضت شفتيها برفق من سعادتها ثم قالت بهيام ولهجة عاشقة :-
– اه
تذمرت “تالا” عليها تشاكسها مُتمتمة :-
– هو أنا غايبة بقالى كتير أووى كدة ولا ايه .. أغيب يوم يحصل كدة من ورايا
زفرت “نور” من مشاكستها وقال بضجر :-
– بطلى رغي بقا المهم تعدي عليا
لم تستطيع كبت فضولها عن ما حدث فسألتها بفضول :-
– هنروح فين يانور هانم ؟؟
– البيت عند عمر
قالتها بلا مبالاة ،، شهقت “تالا” بذهول قائلة :-
– أنتى لحقتى كمان البيت
ضحكت عليها ثم قالت قاصدة إثارة رغبتها فى الحضور :-
– بطلى تفكيرك ده ، حسن كمان هيكون معانا ياجميل
أبتسمت بسعادة لوجوده وستراه فقالت بقلب يحب :-
– لا تمام هكون عندك من الساعة ٦ مش ٧
– هههه طيب ياختى سلام عشان عندى شغل
قهقهت ضاحكة عليها وقالت هذا ثم أغلقت “تالا” معاها ووصلت للمدرسة التى تعمل بها ..
••••••••••••••••••••••••••••••••••••••
نزلت “نور” من بيتها ووجد “حسن” ينتظرها بسيارته ، أبتسمت له وذهبت نحوه وهى مبتسمة وتقول :-
– صباح الخير
قال يمازحها كعادته :-
– صباحك فل ياسنفورتى
تذمرت عليه بسبب ذلك اللقب وسألته. :-
– أية اللى جابك هنا ؟؟
تصنع الغرور ثم قال وهو يتهندم لياقة قميصه :-
– قولت أعطف عليكي وأتنازل وأوصلك النهاردة
– كتر خيرك ياسيدي
قالتها ضاحكة ثم فتح لها باب السيارة وركبت بجواره وركب هو الآخر وقاد بها ، رن هاتفها بأسم حبيبها “عمر” فأجابته بحياء من وجود “حسن” :-
– الو
أتاها صوته بنبرة ناعمة يدللها قائلاً :-
– صباح الخير يا نور عيني
– صباح النور ياعمر
نظرت لـ “حسن” بإرتباك ثم قالتها فنظر لها بدهشة وهو يقود ، أردفت وهى تنظر من النافذة بدلال :-
– لا راحة المستشفى … ده حسن اللى بيسوق
رد عليها بغضب ونيران الغيرة تشتعل فى صدره قائلاً :-
– اااه حسن نور أنتى عارفة أنى بغير ..
أجابته بتذمر طفولى قائلة :-
– بس ده حسن
تنهد بهدوء يسيطر على غيرته ثم قال :-
– ماشي يانور أنا واثق فيكى وده الأهم
أبتسمت بسعادة ملوحة بخصال الحنان والبراءة وقالت :-
– ميرسي
هتف مُتمتمًا :-
– هعدي عليكى بعد ما أتخلصي شغل ومتنسيش تقولى لحسن
سألته بتردد قائلة :-
– هو ضرورى أووى أنى أجي
– عشان عايز أوريكي حاجة مش هعرف أجبهالك برا
قالها بترجي فأجابته مُستسلمة لرغبته قائلة :-
– ماشي
تبسم بقلب عاد للحياة وقال بحنان :-
– يلا ياحبيبتى روح شغلك وهكلمك تانى عشان عندى شغل .. لا إله إلا اللَّه
– محمداً رسول اللَّه
قالتها وأغلقت معه الخط ، سأل “حسن” وهو يقود :-
– أنا فاتنى كتير بقا ؟؟
أجابته وهى تستدير له وتسند ظهرها على باب السيارة :-
– أصل عمر حكي لي كل حاجة
– اه ما أنا عارف
أجابها بغرور فسألته بفضول وأستغراب :-
– أنت كنت عارف
هتف بسرعة قبل أن تغضب عليه :-
– لا حكي لى من يومين عشان كده قولتلك أسمعيه .
تنهدت بإرتياح من غضبها المستمر ،، أردفت قائلة :-
– اه وأدينى سمعته وسامحته كمان
غمز لها بغزل وقال :-
– طب الحمد لله يعنى الدنيا بقيت بديع وربيع
قهقت من شدة الضحك عليه وقالت :-
– اه صح عمر بيقولك تيجي معايا بليل
سألها بأستغراب لم يختلف عن “تالا” :-
– على فين ؟؟
نظرت للأمام بخجل منه وقالت بنبرة طفولية :-
– فى بيته عايز يورينى حاجة ومينفعش أروح لوحدى
رفع حاجبه الأيسر لها وقال بكبرياء سافر :-
– ااااه محرم يعنى .. هتدفعوا كمان
– أيه التسول ده .. خلاص كفاية تالا عليا
عقدت ذراعيها أمام صدرها وقالتها بتذمر بينما أعتدلت فى جلست بتذمر ، أردف بسعادة وهو يقول :-
– تالا .. ميبقاش خلقك ضيق يانونو .. أكيد هجي
رفعت حاجبها لها ترد له فعلته قائلة :-
– عشان حبيبة القلب مش عشانى … ااااه منها دى اللى هتكون ضرتى وتشاركنى فيك يأبو على
قهقه ضاحكاً عليها ثم قال غامزاً لها :-
– زى عمر ما سرقك منى مش شاركنى بس
وصلوا إلى المستشفي معاً وأتجه كلا منهما إلى عمله ..ذهبت إلى الأستقبال وفحصت جدولها وجدت بأنها ستبدأ يوم بجراحة لأحد المرضي ثم ذهبت لتغير ملابسها وبعدها إلى غرفة المريض بعد أن فصحت أشعته وهى ترتدى زى العمليات بنطلون أخضر فاتح وتيشرت أخضر فاتح بنص ، وتتحدث مع الممرض ، وتقف امام سرير المريض
قال أحد الأطباء فى الفريق الذي سيجري الجراحة معاها :-
– المؤشرات الحيويه طبيعى وضغط الدم قليل شويه ونبض القلب مستمر بالاجهزة
أجابته وهى تنظر على الأجهزة موجهة حديثها للممرضين :-
– تمام خدوه
اخذوه بالسرير (ترول) و”نور” تمشى خلفهم… لتشعر بيد صغيرة جداً تمسك يديها تنظر وتجد طفلة صغيرة تبلغ من العمر سبع سنوات فسألتها بنبرة هادئة :-
– نعم
قالت الطفلة وهى تبكي وتمسك فى يد “نور” بترجي :-
– ممكن ترجعيلى بابا
جثيت على ركبتها لتكون بمستوى الطفلة وقالت وهى تمسح دموع الطفلة بأناملها الناعمة مبتسمة لها :-
– حاضر.. متقلقيش بابا كويس أحنا هنديله حقنة بس وهنرجعه تانى
ابتسمت لها اردت أن تزيل الخوف من قلبها هذه الطفلة الصغيرة التى لا تعرف شي ببراءتها ، ثم نظرت لزوجته وأتجهت لغرفة العملية …. فتحت صنبور المياة وتعقم يديها وتغسلها بالصابون والمطهر ناظرة على فريقها من خلف الزجاج ثم أغلقت صنبور المياه وجففت يديها و دلفت للغرفة العمليات وهى تربط الكمامة الطبية على فمها وأنفها
ساعدتها الممرضة وهى ترتدي الروب الأزرق وتلف لها وتعطيها ظهرها لتربطه لها من الخلف ثم ساعدتها فى أرتدى الجوندى الابيض … وذهبت وتقف مكانها
أعطاها دكتور التخدير الأشارة لتبدأ الجراحة بشق الصدر … تفتح “نور” الصدر ويظهر لها ذلك القلب الضعيف ،، تذكرت قلبها لتشعر بالتوتر وتسير القشعريرة فى أطراف جسدها ،، بدأت تشعر بدوران فى رأسها ولكنها هزت رأسها بأرتباك وهى تتجاهل ذلك الصداع النصفي الذي أحتل على رأسها ..
قالت بهدوء شديد وهى تحاول أن تسيطر على رعشة يديها :-
– منشار
أعطته لها الممرضة ومسكته وزادت يديها فى الأرتعاش ليلاحظ ذلك الجراح المساعد …. بدأت بوضعه فى القلب بتركيز ليرى الجميع الدماء غرقت الصدر بملابس “نور” لتترك المنشار بفزع وهلع ويسقط على الارض ،، نظر الجميع ووجدوا يدها تنزف بقوة ، فهى جرحت يدها بالمنشار بدلاً من القلب ، أقترب الجراح المساعد وقص لها الجوندى بحذر ويجد كفها مفتوح وينزف بغزارة فيحاول كتم الدماء والسيطرة عليها وخيط يديها أردفت بهدوء قائلة :-
– أطلبوا دكتور قلب بسرعة
لف يديها بالشاش وأتى دكتور أخر فأعتذرت منه وخرجت تقابل “حسن” وهو يأتي ركضاً بعد أن سمع بما حدث .
سأل بخوف عليها قائلاً :-
– حصل ايه
أبتسمت له بعفوية وهى تخفي عنه ألم قلبها الذي بدأ فى الموت ببطئ شديد وترفع يديها له بسذاجة :-
– زى ما أنت شايف
سألها بفضول فهى لم تخطيء هذا الخطأ من قبل :-
– أزاى كدة ؟؟
– اللى حصل قدر ربنا ياحسن
قالها ثم تركته ورحلت وهو لا يصدق بأنها أخطأت فى مسك المنشار الطبي فهى أصغر دكتورة سناً ولكنها ماهرة فى الطب أكثر من دكتور لديه خبرة عشرون عام …. ذهب “حسن” إلى عمله ويقابل دكتور قلب أكبرها سناً وخبرة ويخبره بأنها أجراءات فحوصات طبية للقلب وقلبها أصبح جزء منه تألف وقد تحتاج إلى عملية زرع قلب لو تأخرت أكثر فظل طوال اليوم يفكر كيف يقنعها ويفتح الموضوع معاها .. أنتظر حتى يذهبوا لـ “عمر” مادامت غفرت له فسيكون هو القادر على أقناعها .. أنتهى من العمل وذهب إلى مكتبه فوجدتها تجلس مع “تالا” فى أنتظاره ..
أردفت “تالا” بغضب مصطنع وهى تنظر له قائلة :-
– كدة أديك نور أمانة تعمل فيها كدة
صاح بوجهها مازحاً يخفي خلف مزحه قلقه عليها :-
– مش أنا ياماما .. أنتوا هتجبولى مصيبة وأنا قاعد
قهقهت ضاحكة عليه وقالت مُتذمرة :-
– لالالا هو ياتالا شايف المفترى عمل فيا ايه
رفعت حاجبها له وقالت بأستياء :-
– لا أخس عليك يادكتور .. دلوقتى نروح لعمر وهو بقا يجبلها حقها منك
قال وهو يخلع البلطو الأبيض ويعدل ملابسه ونظره علي “نور” .. تلك الطفلة التى تجعل من حولها يعانى لأجلها وكيف تريد أن تتركهم وتستسلم للموت بدل من أن تحاربه :-
– اه هنروح لعمر ويارب يعرف يعمل حاجة
لم تعلم بأنه يقصد على الجراحة وليس على مزاحهم .. خروجوا معاً من المستشفى ووجدوا “عمر” يقف يسند ظهره على سيارتها ويضع يديه فى جيبه يرتدى تيشرت رجالى أسود اللون وبنطلون جينز ، رأهم قادمين ذهب إليهم صافح “حسن” أولاً ثم “تالا” ثم وقف بجوارها ونظره ثابت عليها مشتاق إليها وهمس لها قائلاً :-
– واحشتينى كل ده تأخير
أبتسمت له بسعادة وحياء من حديثه بينما وجنتيها توردت وقالت :-
– حسن اللى أخرنا
قرب يده من يدها ليشابكهم معاً ورأي جرحها ، سأل بهلع وخوف وهو يرفع نظره إليها من جديد :-
– ايه ده
– حاجة بسيطة ياعمر
قالتها بعفوية فقال “حسن” بسخرية وهو ينظر للجهه الآخرى بغضب مكتوم من تصرفاتها :-
– حاجة بسيطة جداً أربع غرز بس
نظر “عمر” له بأستغراب من لهجته وطريقته وقال :-
-طيب يلا بينا .. أنا هركب مع حسن وأمشوا ورانا .. هتعرفي تسوقي
أومأت له برأسها فأبتسم لها ورحل معه ركب معه السيارة بينما هى و “تالا” فى سيارتها
أخبره “حسن” بحديث الدكتور وأعلمه بأنها أذا أجرت جراحة زرع القلب سيكون الخطر أكبر ونسبة بقاءها حية أقل وأصعب .. صمت بهدوء ولم يعقب على حديثه وهو يفكر طوال الطريق كيف يفتح معاها الموضوع ويقنعها دون غضب منه أو عصبيتها الزائدة ….
وصلوا إلى العمارة وصعدوا معاً إلى شقته فأحضر لهم العصير وجلس بترحيب معهم فى الصالون ..
قالت “تالا” وهى تمسك كأس العصير تكسر هذا الصمت السائد :-
– شقتك حلو ياعمر
أجابها بهدوء شديد :-
– لسه واخدها جديد
قهقه ضاحكاً مُصطنع السعادة وقال :-
– حلو بس رجولية شوية ..
– شقة عازب بقا .. تعالى يانور أوريكى حاجة
قالها وهو يقف من مكانه فقال “حسن” وهو يرتشف العصير وينظر لـ “تالا” :-
– نحن هنا ها ياواد أنا بحذرك
تذمر غاضباً منه ويقول :-
– ههه لا متخافش ياخويا على نور طول ما هي معايا .. أشرب العصير
أخذها ودخل إلى الداخل وقف أمام باب غرفته وقال لها :-
– أدخلى أتفرجي على الأوضة دى وقوليلى رأيك .. أنا هقعد مع حسن وتالا لحد ما تخلصي براحتك
– ماشي
قالتها بهدوء فذهب وتركها .. فتحت الباب ودخلت وأول ما رأته صورة كبيرة لها بحجم الحائط معلقة عليه ،، أقتربت بهدوء شديد وهى تتأمل صورتها وقلبها يدق بأقصى ما لديه لذلك العاشق .. نظرت حولها ووجدت صورة أخرى على المكتب وبجوارها أجندة سوداء اللون أقتربت من المكتب أكثر ووجدت غلاف الأجندة أسود اللون خالى من الرسومات ليس عليه غير لقبها الذي أعطاه لها ( نور عيني ) باللون الأحمر
فتحتها وبدأت تقرأ ما بداخلها وقفت عند قصيدة الشاعر نزار قباني ”
إنْ كانَ عندي ما أقولُ .. فإنَّني
سأقولُهُ للواحدِ القهَّارِ…
عَيْنَاكِ وَحْدَهُما هُمَا شَرْعيَّتي
مراكبي ، وصديقَتَا أسْفَاري
إنْ كانَ لي وَطَنٌ .. فوجهُكِ موطني
أو كانَ لي دارٌ .. فحبُّكِ داري
مَنْ ذا يُحاسبني عليكِ .. وأنتِ لي
هِبَةُ السماء .. ونِعْمةُ الأقدارِ؟
مَنْ ذا يُحاسبني على ما في دمي
مِنْ لُؤلُؤٍ .. وزُمُرُّدٍ .. ومَحَارِ؟
أَيُناقِشُونَ الديكَ في ألوانِهِ ؟
وشقائقَ النُعْمانِ في نَوَّارِ؟
يا أنتِ .. يا سُلْطَانتي ، ومليكتي
يا كوكبي البحريَّ .. يا عَشْتَاري
إني أُحبُّكِ .. دونَ أيِّ تحفُّظٍ
وأعيشُ فيكِ ولادتي .. ودماري
إنّي اقْتَرَفْتُكِ .. عامداً مُتَعمِّداً
إنْ كنتِ عاراً .. يا لروعةِ عاري
ماذا أخافُ ؟ ومَنْ أخافُ ؟ أنا الذي
نامَ الزمانُ على صدى أوتاري
وأنا مفاتيحُ القصيدةِ في يدي
من قبل بَشَّارٍ .. ومن مِهْيَارِ
وأنا جعلتُ الشِعْرَ خُبزاً ساخناً
وجعلتُهُ ثَمَراً على الأشجارِ
سافرتُ في بَحْرِ النساءِ .. ولم أزَلْ
_ من يومِهَا _ مقطوعةً أخباري..
وكتب أسفل القصيدة جملة أخري ” شعرت به يتحدث عن حبيبتى فأهديت تلك القصيدة لطفلتى.. نور ”
أبتسمت بسعادة جنونية تغمر قلبها وكيانها ، وكأن روحها صعد إلى القمر معه وحدهما .. لا يفرقهما أحد ولا يحقد عليهما أحد ،، قلبت الصفحة ووجدت رسالة صغيرة لها بتاريخ يدل على أنه كتبها بعد أن ألتقاءه بها من جديد وكانت رسالته ( أبتسمي .. رمِمَى الثِقة بداخلك .. إصعدي درجات الثَِقة .. لكن لا تحطميها بالتكبر .. كُوني أنتِ بأيمانك .. بأخلاقك .. بعفويتك .. بدلالك ، كونى بثبات قوتكِ.. ذكاء عقلكِ مع توكُلك على الله .. ونرجس تزرعينه .. يغدو بك سعادة .. ثقي بأيمانك وربك ..ثقي بأن قلبي لن يدخلوه غيرك ولن تسكن أحدهن بيتك بين أذراعى .. أنتى الهواء الذي دخل رئتى لأتنفسك وأعيش بك …)
دخل “عمر” عليها وجدها تجلس على مكتبه وتمسك تلك الأجندة بيديها .. أسرع لها وأخذها منها وأخفاها خلف ظهره ..
قالت بحزن و تذمر طفولى وهى تقف :-
– هات ياعمر لسه مخلصتش
تذمر عليها بينما يرفع ذراعيه للأعلى بها :-
– دى هدية جوازنا يادكتورة عايزة تخديها قبل الجواز أزاى
قالتها بترجي وهى تقف أمامه :-
– بلييييز ياعمر عايزة أكمل
تغيرت تعابير وجهه إلى الجدية وقال بحزم :-
– لما نجوز كمليها براحتك .. تعالى عشان عايزك فى موضوع
سألته بفضول بعد أن تلاشت بسمتها :-
– خير ؟؟
أخذها وخرج من الغرفة .. رأهما “حسن” وهم يدخلوا البلكونة
قالت “تالا” وهى تجلس بجواره :-
– تفتكر هيعرف يقنعها ..
تنهد بأستياء وقال :-
– المفروض أنه هو اللى يقدر
– يارب
رفعت يدها للسماء وقالتها ،، نظر “حسن” لها وهو يقول بهيام :-
– هو الحاج الوالد مش فى القاهرة ولا ايه
نظرت بأستغراب له وقالت :-
– بابا ليه
غمز لها بغزل وقال :-
– عايزين نزوروا ونطمن عليه
أشاحت نظرها عنه بأستعباط وقالت :-
– هو كويس
فأجابها بأصرار شديد :-
– أيوة يارب دايما بس لازم أشوفه
رمقته بظرها وقالت :-
– ليه
زفر بضيق من تجاهلها لما يلمح به :-
– الحاجة أم حسن عايز تشوفه
– مين الحاجة أم حسن دى
سألته بأستعباط فصاح بها قائلاً :-
– ااااااه أنتى بتستعبطي بقا ؟؟
تذمرت عليه بطفولية وقالت :-
– ايه بتستعبطي دى .. خلاص هو مش موجود
نكزها فى ذراعها وقال بهدوء :-
– خلاص ياستى متتقمصيش .. أنا والست الوالدة ونور عايزين نشرب الشاي معه
أكملت تذمرها تشاكسه :-
– أحنا معندناش شاي
زفر بوجهها بأغتياظ من ردودها :-
– اه ده أنتى رخمة بقى
ضحكت له بسعادة وأردفت قائلة :-
– لا بجد معندناش شاي يمشي معاك عصير
أبتسم لها بلهفة وقال :-
– ياستى أى حاجة أنا جاي أخطب ولا أشرب
قالت بدهشة مصطنعة لتغيظه أكثر :-
– تخطب .. بس بابا معندوش بنات للجواز
– وسيادتك أيه ؟؟
سألها بتذمر فنظرت بخجل له ونظرت للأسفل ، أبتسم عليها هو بفرحة هامساً فى أذنيه :-
-أحبك وأنتى قوطة كدة
لم تتمالك نفسها من الضحك عليه وعلى غزله بها وقالت بقصد أغضبه :-
– بس أنا مش عايزة أتجوزك
– مش مهم أنتى المهم أنا
قهقهت ضاحكة بسخرية وقالت :-
– ههه هتجوزنى غصب عني
– وغصب عن أبوك كمان .. أنتى تطولى يابايرة أنتى أنك تتجوزى دكتور زي
رمقته نظرة حادة وقالت :-
– بايرة .. طب مفيش جواز بقا ورينى مين دى اللى هتتعمي فى عيناها وتتجوزك
قرص وجنتها وقال لعفوية :-
– أنتى
زفرت بضيق بقوة وقالت معترضة :-
– أيه ياأخواتى ده جواز بالعافية
– اه
تبسمت بخفة وقالت :-



