بقلم نور زيزو

مَلاذي_الآخير
•• الفصـــل الســـابــع ( 7 ) بعنـــــوان “خطــــأ لــن يغـتفـــر ” ••

“” الرحمة أقوى من الحب فالرحمة مزيج من الحب والعطف والتسامح والود ،كلنا قادرين نحب كلنا بنعرف نحب لكن القليل مننا اللى يقدر يسامح ويغفر مش كلنا عندنا الرحمة في قلبنا “”

رأها “عمر” وهى تسقط على الأرض فاقدة للوعي ، ركض لها بسرعة جنونية وجثي على ركبته وهو يرفع رأسها على ذراعه وينادى عليها :-
– نور . نور ردى عليا

لم تجيب عليه فذهبت إلى عالم آخر فأتصل بـ “حسن” وأخذوها للمستشفي ومنها إلى غرفة الطوارئ للفحص الطبي ، وقف فى الخارج مع “حسن ”
قال “حسن” بأستياء ونبرة حزينة :-
– كنت عارف أن هيحصلها حاجة ، كنت عارف أن قلبها أضعف من اللى باين ، وهى بتضحك عليا ومبتقولش لما بيوجعها كنت عارف

رد “عمر” عليه وقلبه يدق بقوة من الخوف قائلاً :-
– خير بأذن الله ، هتقوم وهتروح معانا

ضحك عليه بتهكم ثم أردف ساخراً من تهاونه بمرضها وهو يجلس على المقعد الحديدي :-
– أنت شايف الموضوع سهل ولا حالتها بسيطة أنت ….

بتر حديثه خروج الطبيب من غرفتها فأسرعا له

سأل “حسن” بهلع قائلاً :-
– طمنى يادكتور

رد عليه وهو ينظر لهما بحزن قائلاً :-
– أنتوا أزاى ساكتين على حالتها دى

أجابه “حسن” بحزن عميق وبنرة مجروحة تدل على عجزه عن أقناع تلك الطفلة المتمردة والعنيدة قائلاً :-
– هى رافضة العملية

تذمر الطبيب عليه غاضباً من سوء حالتها فقال :-
– يعنى عشان هى رافضة العملية تسبوها لما تموت ، الحالة كل لحظة بتمر عليها بتسوء أكثر ، لحد دلوقتى فى أيديكم أنها تعيش وتعمل العملية ، محدش عارف لو الحالة أتاخرت هتعيش ولا لا وهينفع لها عملية ولا هتكون خطر

أأردف “عمر” بسرعة وأصرار على هدفه وأجراء الجراحة لها :-
– هتعملها يادكتور أن شاء الله

– ماشي تقدروا تطمنوا عليها ، بس بلاش تعب وضغط عليها
قالها بهدوء ورحل ، دخلا لها معاً ووجدوها تجلس على السرير بهدوء مُبتسمة وشعرها مسدول على الجانبين يحيط وجهها تماماً كالقمر وهو يحيط سماءه وكأنها لم تصارع الموت
أبتسمت أكثر حين دخل “حسن” مُنادية عليه :-
– حسن

تبسم أبتسامة مُزيفة يخفي خلفها حزنه وقلقه فقال بعفوية :-
– أيه ياسنفورة مورناش غيرك ولا أيه ، ضيعتى عليا حلقة التمثيلية التركي

قهقهت من الضحك عليه وعندما وصل أمامها ، جلست على ركبتها فوق السرير وعانقته بسعادة وهى تهمس فى أذنه بطفولية :-
– عمه سامحنى ياحسن

ضحك بصوت عالى عليها وعلى سعادتها كالطفل الذي أجتاز أول أختبار له فى المدرسة ، أربت على ظهرها بحنان
كا يقف بجوار الباب وهو يشعر بغيرة شديدة من قرب “حسن” منها ونيران الغيرة تنهك فى صدره ، يكتمها فى قلبه حتى يفوز هو الأخر بقلبها مرة أخرى وتغفر له ما حدث وما فعله

قال “حسن” وهو يبتعد عنها بأبتسامة وأشراق :-
– طب مش تفرحنى أنا كمان وتوافقى

جلست على السرير بهدوء وتغيرت ملامحها من السعادة إلى الضيق وهتفت مُردفة :-
– بردو .. كل ما أتكلم معاك معندكش غير العملية ، مش هعملها ياحسن وأقفل الموضوع ده بقا

سمعت صوته الرجولة وهو يقول بلهجة محذراً لها :-
– هتعمليها يانور

رمقته بنظرة غضب وأدارت رأسها له وهى تتجاهل حديثه وكأنه ليس موجود ، فأحياناً يكون العتاب فنظرة طويلة صامتة ، أو تصرف بتجاهل
قالت بضيق وهى تكز على أسنانها بقوة :-
– حسن عايزك فى كلمة لوحدينا

نظر “حسن” له وأشار له بأن يخرج ، خرج “عمر” وتركهم على أمل أن يقنعها “حسن” بأجراء جراحتها

جلس “حسن” على السرير أمامها وهو يسأل بفضول :-
– خير يانور

قالت له وهى ترفع نظرها له بحزن :-
– أيه اللى جابه ياحسن؟؟ ، أنا مليش علاقة بيه ، ليه كل ما روح حتة يطلعلى فيها ، أنا مش عايزة أشوفه ولا أعرفه

سألها “حسن” وهو يضع سبابته أسفل ذقنها ويثبت نظرها له :-
– أنتى ندمانة يانور أنك حبيته

نظرت له بضعف ودمعة زارت عيناها وأضعافها زاروا قلبها وقالت بلهجة واهنة :-
– أنا مش ندمانة أنى حبيته ولو الزمن رجع بيا هحبه وهختاره ، أنا ندمانة على العمر اللى فات فى إنتظار حاجة مش موجودة ، ندمانة على التضحيات

تبسم “حسن” لها وهو ينكزها فى ذراعها ويقول بدفء :-
– المهم أنك لسه بتحبيه وكل ده مجرد غضب منه مش كره

أبتسمت له بسخرية وهى تهتف قائلة :-
– الغضب و الألم هم أكثر المشاعر المختلطة يعنى غالباً تكون معتقد أن اللى قدامك غضبان منك ، لكن الحقيقة أنه بيكون موجوع منك بس مفيش فى أيده غير السكوت

نظر لها بحزن وصمت ثم أربت على يدها بحنان

••••••••••••••••••••••••••••••••••••

كان يجلس على المقعد فى الأستراحة ، يفكر فى قلب حبيبته وكيف يقنعها بأجراء جراحتها فجاء له “حسن” وهو يقول :-
– يللا بينا

وقف وهو ينظر خلف “حسن” وقال :-
– هى مش هتروح معانا

أجابه بجدية وحزم :-
– لا هتخرج بكرة

– طب أنا هقعد معاها يمكن تحتاج حاجة
قالها وهو يتجه نحو غرفتها فمسك “حسن” ذراعه وهو يقول بصرام :-
– مينفعش أنت بالذات ، يللا بينا

أخذه وذهبا من المستشفي ، تاركها خلفه مريضة بقلبها

••••••••••••••••••••••••••••••••••••••••

أشرقت الشمس الذهبية صباحاً وتغلغلت إلى غرفتها من خلال زجاج الغرفة ، دخلت عليها الممرضة لكى تعطيها العلاج ، وجدتها شاردة فى عالم أخر من أفكارها ولا تشعر بما يدور حولها ولا بدخول الممرضة وحديثها ، مرض التفكير ليس له علاج ، حتى لو أستطعت أن تنام ، ستحلم بما تفكر به ولا يتركك التفكير حتى فى منامك ..
أخذت علاجها من الممرضة وتبسمت لها الممرضة وهى تقول :-
– ألف هنا بالشفاء أن شاء الله

خرجت قابلها على باب الغرفة “منصور” وهو يدخل عليها مبتسماً ، بادلته الأبتسامة بعفوية وبراءة وعادت لنشاطها مُتجاهلة مرضها

قال وهو يجلس على الكرسي بجوار السرير :-
-أول ما عرفت أنك هنا ، قولت لازم أجي أشوفك

أبتسمت له وهى تقول :-
– تعبت نفسك أنا كويسة الحمد لله

سألها وهو يسند بيديه على عكازه :-
– الدكتور قالك العملية أمتي

تبسمت له وهى تتجاهل سؤاله :-
– هتأكلنى أيه النهاردة قبل ما أرجع القاهرة

قهقه من الضحك على تجاهلها لسؤاله وقال :-
– هأكلك سمك هو ده أكلنا بس نوع مختلف عن أمبارح .. بتحبي الجمبري والكابوريا

ضحكت ثم قالت بعفوية :-
– بحب الجمبري أنما الكابوريا مجربتهاش قبل كدة

– يبقي تجربيها عندنا
قالها بحنان فأبتسمت له فى دلال وهى توافقه الرأي :-
– موافقة بس ينفع أجيب معايا زميل

قال برحب وهو مبتسماً :- فى واحدة تستأذن تجيب زميلها بيت أبوها ولا لا

شعرت بالسعادة فى قلبها وقالت بسعادة مشرقة وبراءة تفيض من العينين ملوحة بخصال من الحنان والدفء، وابتسامة تسلب القلب :-
– ماشي ، هنيجي على الغداء ونقضي اليوم عند حضرتك

دخل “حسن” عليهم ووجدها جالسة معه ومبتسمة بأشراق ، قال وهو يدخل :-
– أيه السعادة دى طب ما تضحكينى معاكي

قهقهت من الضحك عليه وقالت مُتمتمة :-
– لسه كنت فى سيرتك

أقترب نحوهم يشاكسها مُردفاً :-
– يارب تكون بالخير إلا أنا عارفك .. أزيك ياحاج

رد عليه “منصور ” وهو يقف لكى يرحل :-
– بخير ، عن أذنكم ، هستناكي

ذهب وأختفت معه أبتسامتها وعادت لصمتها فرغم أناقة الصمت وأدبه رغم قسوته وعنفه الذي يشعل نيران قلبك ، رغم ألمه المسجونة بنيران صدرك إلا أنه أحن بكثير من قلوب البعض ، فهى أختارت الصمت عن الكلام

سأل “حسن” وهو ينظر لها :-
-مالك شكلك تعبانة

ردت عليه وهى تفكر فى المستقبل وماذا يجب أن تفعل ؟ :-
– تعبانة دى مقصودة بيها القلب ولا أنا

فأجابها قائلاً :-
– القلب وأنتى واحد يانور روح واحدة وجسد واحد ، مالك بقا احكيلي…؟

رمقته بنظرها وصمتت لوهلة من الحزن ثم قالت :-
– عارف أنا جوايا حاجات كدة مش عارفة أحكيها ولا أقولها ،، حاجات مستخبية فى مكان ضلمة جوايا ،، بخاف أقعد لوحدى عشان نفسى متأخدنيش للمكان الضلمة ده ،، والاقى نفسي فمتاهة لا عارفة أعمل إيه ولا أمشي وأسيبها ،، خايفة أطلع لقدام وأخسر أكتر من اللى خسرته وخايفة أرجع لوراء وأندم على عمر بيفوت بيا وأنا فى مكان لوحدى ،، عايزة أفرح وأعيش بس جوايا حاجة بتقولى أنتى هتعيشي ليه ،، عايزة حد يكون جنبي وسندى ومش لاقية الحد ده ،، أهو أنا كدا ياحسن ، عايزة حد يستحملني ويهديني وياخدني واحدة واحدة ويطلعني من اللى أنا فيه انا مبقتش مستحملة اي خيبة في حد تاني ، أنا مش عارفة عايزة ايه أصلا ،، حاسس بيا ياحسن

قال لها وهو يمسك كفها بين يديه بحنان مبتسماً لها :-
– مفيش حد فى الدنيا دى كلها بيفهمك قدى يانور ولا يحس بيكى زي ، وعارف سبب اللى أنتى فيه ، بس أطمنى يانور أنا معاكي ومكمل بيكى ومش هسيبك

أبتسمت له بدلال وعفوية ، وضع يديه فوق رأسها وهو يمسح على شعرها بحنان وعطف

•••••••••••••••••••••••••••••••

غيرت ملابسها وخرجت من الحمام صباحاً ،، وجدت “حسن” يرتب لها شنطتها
سألها وهو يغلق سحاب الشنطة :-
– هنرجع القاهرة

أبتسمت وهى تتذكر منصور وقالت :-
– لا هنروح نقعد على البحر شوية

فتح باب الغرفة ودلف للداخل “عمر” وهو يحمل بوكيه ورد مبتسماً ، تذكرت حين أعطاها وردة لأول مرة ، ألم أنهكت قلبها من أشتياقها له ووجع أكبر من خيانته لها ، تحاول أن تبقي قوية تصارع حيرة قلبها وعقلها ، تريده بشدة وتحتاج إليه بجانبها فهذا الوقت وهى تخشي الموت ولكنها تتجه له ، بنفس اللحظة التى تريد أن تكرهه بها على ما فعله بقلبها ووعده الذى لم يوفي به ، دائما ً وهى على يقين بأن ليس هناك ظروف تقدر تخلي الواحد يخلف وعده ،، غير إن الوعد ده كان من البداية كدب..!

قال مبتسما ًوهو يقترب منها ويمد لها يديه بالورد :-
– حمدالله على سلامتك

نظرت للورد بحزن عميق ثم له وقالت بتجاهل :-
– يللا بينا ياحسن

مرت من جانبه بتجاهل وبرود يسيطر عليها بالكامل ، تخفي بركان الألم ونيران الوجع الذي تحرق صدرها وتحول قلبها إلى رماد ، أرادت أن تخفيهم عنه ..
نظر لها وهو يستدير بحزن شديد ثم توجه بنظره لـ “حسن” ، أبتسم “حسن” بحزن مؤاسياً له وخرج خلفها وهو يحمل شنطتها

قال “حسن” وهو يمشي بجانبها بهدوء :-
– ليه كدة يانور

سألته بنبرة جافة من المشاعر ، باردة القلب قائلة :-
– هو أيه اللى ليه كدة ،، مين اللىى عمل كدة أنا ولا هو ؟؟

قال وهو ينظر خلفه على “عمر” وهو يمشي خلفهم بحزن ويمسك بباقة الورد بيديه ويبدو عليه الوجع مثلها :-
– عمر .. أنتى لسه بتحبيه .. ليه سبتيه ومشيتى ؟؟

قالت وهى تنظر للأمام بقوة مزيفة وبرود مصطنع :-
– عشان لما تقرر تمشي متبصش تاني وراك عشان أنت ياما ماشي بإرادتك ، أو ياما مشيت بسبب حد مقدركش.ولا قدر حبك له وداس على قلبك ، ف الحالتين أوعى ترجع تاني أو تبص وراك وأنت ماشي عشان رجوعك هيكسرك ويذلك ، فاهم ياحسن

نظر لها وكأنها تخبره بأن لا يتطلع للخلف عليه ، خرجا من المستشفى وقاد “حسن” بها سيارته إلى “منصور”
سألها وهو يقود سيارته وينظر للأمام :-
– مجاوبتنيش يانور .. لما أنتى بتحبيه كل الحب ده ليه مش قادرة تسامحيه وتغفري

أجابته وهى تنظر من النافذة تدارى دموعها عنه :-
– عشان لما متقدرش تغفر ده مش معناه أن قلبك قاسي أو بيكره ، لكن معناه أن الوجع قعد ينهش فيك لحد مابقتش عارف تسامح حتى نفسك

شفق على قلبها ثم هتف بتردد :-
– بس عمر شكله بيقول لسه بيحبك تصرفاته كلها بتوحي بكدة

رمقته بنظرها وهى تمسح دموعها بأناملها وصمتت لوهلة من التفكير
وصلوا إلى البحر تحديداً لمنزل “منصور” ، دقت على الباب برفق ووجدته مفتوح ،دخلت ووجدته يصلي أبتسمت وجلست على السرير وبجانبها “حسن” منتظرينه ، أنهي صلاته ونظر إليها وهو يقول :-
-كدة أتاخرتى الأكل برد

قالت وهى تجثو على ركبتها وتجلس بجانبه على الأرض :-
– أسفة .. حرماً

– جمعاً بإذن الله
قالها بينما هى تسانده وهو يقف وقال :-
– يللا عشان تقطعى السلطة ، وأنا والواد الحلو ده هنشوى السمك

قهقهت من الضحك وهى تقول :-
– بس كدة حاضر

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى