بقلم سولييه نصار “خيانة زوجي”
بعد شوية فتحت باب شقتي ولقيت انور قدامي كان نايم علي الكنبة وحاضن صورتي…كان شكله فعلا تعبا*ن بس أنا مقدرتش اتو*جع عشان لان الو*جع اللي في قلبي كان اقوي بكتير …
-انور
قولتها بصوت عالي عشان يقوم …فتح هو عينه وصحي أول ما شافني اتنفض ومسك دراعي وقال:
-حبيبتي انتي هنا …هنا بالله عليكي سامحيني أنا .
قاطعته وقولت:
-عايزني اسامحك؟!
هز رأسه وقال:
-ايوة طبعا …ده أنا همو*ت من امبارح عشانك..
ابتسمت وقولت:
-تمام عايزني اسامحك يبقي تتجوز رانيا!!!
يتبع
الجزء التالت♥️بقلم سولييه نصار♥️
-انتي بتهزري صح؟!
قالها بصدمة فرديت ببرود:
-انت شايف اني بهزر يعني؟!رجوعي ليك بشرط تتجوز البنت دي !
-انا اتجوز دي؟!!
زعق بعنف فرديت بهدوء:
-لما هي انت ايه ؟!!مش انتوا الاتنين غلطوا ولا ايه؟!!
احمر وشه وقال:
-انا راجل …
هزيت كتفي وقولتله ببرود:
-ابقي قول لربنا كده أنك زن*يت عشان راجل …يا دكتور يا محترم الز*نا عقابه واحد عند ربنا …والبنت حامل في ابنك انت يبقي ملزم تتجوزها او اسيبك…
بصلي بصدمة وقال:
-انتي بتساوميني عشان اتجوز عليكي يا هنا ؟!
اتنهدت وقولت:
-لا مش مجنونة انت او هي متهمونيش بس فيه طفل في النص … وانا مش هسمح انها تجه*ضه واقف اتفرج …لان ده حرام عشان كده تتجوزها وانت اللي تشيل مسؤولية ابنك يا أنور …هي مش هتشيل المسؤولية لوحدها …ده غل*طكم انتوا الاتنين ولازم تتحملوا النتيجة مهما كانت …
بصلي انور وقال :
-لما عرفت أنك مبتخلفيش مرضيتش اتخلي عنك رغم ان ده حقي وكان حقي اتجوز عليكي كمان بس مقدرتش اك*سرك …انتي دلوقتي مش راضية تسامحيني علي غ*لطي وانا اللي رضيت بعي*وبك …
كان بيجر*حني بكلامه بس رغم كده تماسكت ورفضت ابين اني اتجر*حت وقولت ببرود:
-لا يا انور دور الض*حية مش لايق عليك أنا مظ*لمتكش لما عرفنا اني مبخلفش أنا بنفسي قولتلك اتجوز وقولت أي قرار هتاخده هيبقي من حقك مش عشان أنا عندي عيب لان عقمي مش عيب دي ارادة ربنا اللي.بحمد ربنا عليها عشان مخلفتش من واحد زيك بس عشان عارفة غريزة الاب وعارفة ان من حقك تتجوز او تطلقني حتي …فلا متلعبش دور الض*حية خالص هنا …انت مش ضح*ية انت اللي جان*ي وعملت ذن*ب عظيم …ها قولت ايه تتجوز البنت ولا نطلع أنا وانت علي المأذون ونطلق وساعتها هعرف عيلتي كلها وهما أكيد هيقفوا في صفي …
عيونه دمعت ومسك ايدي وقال:
-متخر*بيش بيتنا انتي والله اغلي حد في حياتي أنا بحبك ..
قاطعته وانا بقول بصوت مخنوق:
-اللي بيحب مش بيخون يا انور …وقولتلك مش هسيبك …بس البنت دي لازم تتستر البيبي يتولد وسط ابوه وامه…هو ملهوش ذنب انتوا الاتنين ..
بعد وقال بتعب:
-اللي انتي عايزاه هيحصل .
ابتسمت وقولت:
-هنروح دلوقتي نقابل رانيا وهناخد رقم تليفون اخوها الكبير وانا هروح معاك ونتقدم
-صدقيني يا هنا هي متستاهلش التض*حية اللي انتي بتعمليها …هي كانت عارفة اني متجوز ورغم كده …
قاطعته ودموعي نزلت وقولت:
-وانت كنت عارف أنك متجوز ورغم كده …الغلط مشترك…
سكت وهو شايفني مصرة اتنهدت بو*جع علي حالي بس شكرت ربنا علي كل حال …أنا عارفة انه هيعوض صبري خير …
…..
اخدنا رقم اخوها واتفقنا نتقدم بعد اسبوع …طبعا كل الوقت ده عايشة مع جوزي بس رافضة تماما انه يقرب منه …طلبت منه يديني وقت وهو وافق …
قبل ما نروح نتقدم بيوم جالي انور وقال:
-هنا فيه حاجة اتفقنا عليها انا ورانيا وبكده كل الاطراف هتكسب …
بصيتله بحيرة فقالي:
-ايه رأيك اجوز رانيا لواحد صاحبي …طبعا هديله قرشين حلوين وبعدين لما تولد الطفل احنا ناخده ونديلها قرشين كمان وتبقي انتي امه..وبكده أنا مش هتجوز واحدة زيها ومش هتبقي ام لابني!!!!
يتبع
الجزء الرابع♥️بقلم سولييه نصار♥️
-انت مجن*ون صح ؟!
قولتها وانا مصدومة وقومت وانا بهز راسي وبقول:
-لا مش انت بس ده هي كمان مجن*ونة …أنا والله صعبان عليه الطفل اللي هتكونوا انتوا اهله هيجي واهله اتنين مر*ضي نفسيين لازم يتعالجوا كويس …روح اتعالج يا انور لان حالتك بقت خطي*رة ..
-يا حبيبتي اسمعيني بس ..
حاول يتكلم وهو ماسك ايدي فزعقت فيه وقولت:
-متقولش حبيبتي وابعد عني …ازاي عايز تعمل كده وازاي واثق اني هوافق علي ده انت بجد مش طبيعي …لا والف لا مستحيل أقبل بكده وانت هتتجوز رانيا او هتطلقني واختار دلوقتي …
قولتها بقوة فتنهد هو وقال بغيط:
-طيب خلاص موافق. …
