بقلم سولييه نصار “يحيا الحب”

زعقت مروة بس انا شاورت لمروة تسكت وانا بتوصل لحاجة …اتنهدت ام مروة وقالت:

-هي مقالتش لحد علي مشاعرها بس انا حسيت بيها …شوفتها بتبكي ليلة فرحكم عشان كده …عشان كده …

قعدت تبكي وتقول :

-عشان كده عملتلك سح*ر بالمر*ض والمو*ت وان جوزك يكر*هك ودفن*ته في قب*ر واحدة ..

-ايه … عملتي ايه

صرخت مروة وهي بتلطم ..قعدت علي الكرسي بتعب …قربت مروة من امها وهي بتصرخ :

-حرام عليكي …حرام عليكي ده كف*ر …هي ذنبها ايه …

قعدت ام مروة تبكي …قربت أنا منهم وقولت:

-الق*بر فين …لازم نفك الس*حر ده والا همو*ت …

-الق*بر في….

وقبل ما تكمل ام مروة كلمتها غمضت عينيها وما*تت ومقدرتش اعرف مكان الق*بر!!!

يتبع

الجزء الاخير♥️شكرا علي تفاعلكم السكر ♥️بقلم سولييه نصار♥️

-ماما

صرخت مروة وهي بتبكي ….قعدت علي الكرسي وانا بعيط وم*نهارة…أنا هم*وت خلاص …حياتي هتنتهي …مش مصدقة أن الست اللي كنت بعتبرها امي تعمل فيا كده تأذ*يني بالشكل ده …ده احنا اكلنا مع بعض …دي كانت بتقولي انتي زي مروة …ازاي تعمل كده ….راسي لفت ومسكتها …مقدرتش حتي اواسي مروة اللي بتصرخ علي امها قدامي …

……..

مر تلات ايام عقبال ما مروة فاقت …جابت ساعتها جوزي وحكتله علي اللي عملته امها …أنا عرضت عليها انها تستر عليها ومتتكلمش لكن مروة أصرت تحكي كل حاجة …كانت مصممة أنها تفوق معتز …تقوله أن شعوره ناحيتي طبيعي لانه مس*حور هو كمان ….

بعدها قررت تروح لشيخ الجامع وتحكيله علي كل حاجة …واخدتني أنا وجوزي معاها …