بقلم سولييه نصار “مونيا”
-يا سخي*فة ..اقصد من فين جبتي العربية وانتي بتعرفي تسوقي اصلا
-لا …والعربية سر*قتها من بابا …المشكلة اني دورت علي الرخص في العربية ملقيتهاش شكلي لما سر*قت المفتاح نسيت ما اخدها من محفظة بابا…الحقني يا عبد الرحمن بابا لو عرف هيطر*دني من البيـ،ـت طر*دة الكلاب الجربانة
-والله ليه حق … دي جر*يمة متكاملة الأركان خب*ط ضا*بط بعربية مفيهاش رخص لواحدة معندهاش شهادة سواقة …تاخدي فيها اع*دام دي …ده كتر خيره انه مستحمل حد بالعقلية دي كان الله في عونه
-ايه يا بودي بس …بقولك تعالي انقذني …وحياتي عندك
المشكلة انها فهماني كويس …اتنهدت وقولت :
-طيب أنا هاجي …قدرتي تثبتيني يا بت ….
-بس متقولش لبابا حاجة وحيات عيالك
-ده لو بقا عندنا عيال بكم المصا*يب اللي بتجبيهالي كل يوم أنا قط*عت الخلف بسببك
قفلت معها بسرعة وانا بلف حوالين نفسي وبفكر ازاي هخرجها …ازاي …الدا*هية دي عمرها ما تعدي يوم من غير مشاكل هتجيبلي الجلطة في يوم …ربنا يستر عليا يارب …يارب أنا اه*بل وعب*يط مش قدها ….
اتصلت بصديق ليا محامي وطلبت يحصلني علي القسم. . .
وروحت لزميلي وقولت يغطي مكاني
-ايه يا عبد الرحمن رايح تقابل الجو ولا ايه
قالها صاحبي بسماجة فرديت وقولت :
-خف سماجة يا احمد مش فايقلك …
مشيت وانا بتريق في سري. ..قال جو قال …أنا بحب واحدة تق*صف العمر …مش هترتاح الا لما تمو*تني ….ركبت عربيتي وروحت علي القسم …رن عليا المحامي ورديت عليه
-ايوة يا ياسر
-بقولك ايه يا عبد الرحمن احتمال اتاخر عليك
-ازاي بس يا ياسر البت هتت*حبس كده ابـ،ـوس ايديك هتجوز رد سج*ون بالشكل ده ..
ضحك ياسر وقال:
-يعني هو ده اللي همك
-يالا يا ياسر أنا مش ناقص متتاخرش اكتر من نص ساعة الهي تنستر هي بلوة وانا اتبليت بيها انا عارف
-ماشي يا سيدي جاي …
قفل معايا وسوقت
بعد عشر دقائق كنت وصلت المركز …
دخلت ولقيت مونيا بتعيط وهي واقفة قدام الضابط …
-مونيا
قولتها بخوف …بصتلي وبصت للضابط وقالت:
-اهو جالك اللي هيقط*عك
قربت منها وقولت :
-يخربيـ،ـتك ده الضابط
-ايوة يا اخويا هو ده الضابط اللي خب*طته شوف قاعد زي القرد ازاي ومصر يس*جنني …بس متقدرش اهو شايف ده يبقي خطيبي قرة عيني واللي يجي ناحيتي هيق*طعه …
بصتلي وانا حاسس اني هتشل وقالت:
-اضر*بوا يا بودي
كنت هلطم حرفيا …يخربيـ،ـتها هتحب*سنا
-دي خطيبتك؟!!
زعق الضابط ..
هزيت راسي وقولت:
-ولا اعرفها يا فندم …
بصلي بأسف وقال:
-الله يكون في عونك يا بني …
بص للشرطي وقال:
-خدهم يا ابني علي الحب*س ..
-ح*بس…وانا مالي يا لمبي هي اللي خب*طتك مش انا…
مسكنا الشرطي فبصيت للضابط وقولت:
