رواية زواج لرد جميل بقلم سماح سامح

رواية / زواج لرد الجميل

الحلقة الأولى

فتحت باب منزلهم وهي تتسلل للدخول في وقت متأخر فلم يبقي سوي أقل من الساعة ويأذن للفجر تسحبت علي أطراف أصابع قدمها وما أن أقتربت من الدرج الداخلي للڤيلا إلا وفتح نور البهو تخشبت في مكانها وأستدارت تواجه والدها الذي كان في أنتظارها منذو وقت كبير وقد نال منه القلق بشده وأخذ يصور له الشيطان الكثير والكثير من الظنون السيئة التي وقعت بها أبنته فا تارة يصور له وقوعها فريسه لأحد الشباب يفعل بها ما يشاء ومرة يصور له أرتكابها لحادث ومرة اختطافها أحد منافسية ليساومه علي صفقة ما وشرد في كل تلك التخيلات السيئه لم يفق منها إلا عندما سمع صوت المفتاح يدور في قفل الباب وعندما وجدها تدخل تتلصص حمدالله كثيرا ولكنه لابد من أن يعقابها علي فعلتها تلك أشد عقاب فهي زادت كثيرا مؤخرا في السهر لوقت متأخر
لوچين بتوتر: ببب با بابا أنا كككك أن
مجدي : كنتي فين لغاية دلوقتى يا لوچين
لوچين وهي تحدث نفسها : طالما قالي يا لوچين يبقي متعصب مش هعرف أضحك عليه بكلمتين بس هتصرف أزاي وهقوله أتأخرت ليه فاقت من شرودها علي صوت والدها الصارخ بها
مجدي بعصبية: أنطقي ساكته ليه كنتي فين لغاية دلوقتى ردي بدل ما أخليكي تردي غصب عنك
لوچين وهي تتمسكن: بابي انت عارف اني كنت مع صحابي في عيد ميلاد كارلا أنتمتي
مجدي: وعيد الميلاد يفضل لوش الفجر يا هانم
لوچين: كارلا كانت عملاه في النايت كليب والوقت سرقنا محسناش بيه خالص
مجدي: واللي يشوفك راجعه دلوقتي يقول أيه عليكي هيقول مستهترة أبوها مربهاش
لوچين بملل: دادي وانت من أمتي بتعمل حساب لكلام الناس دول اخر حساباتك
مجدي: كنت مبعملش حساب للناس بس بعد تصرفاتك المستهترة دي هبدأ أعمل حسابي بعد كدا مفيش خروج من البيت بعد المغرب وتقعدي تشوفي مذاكرتك يا هانم أنتي السنادي لتاني مرة بتعيدي ثانوية عامة ولازم تنجحي فاهمه
لوچين بأعتراض: أيه اللي أنت بتقوله ده يا بابي انا مش واخده علي الحبسه في البيت
مجدي بحزم: لأ ما أنتي هتاخدي عليها بعد كدا ومتخلنيش أندم أني خفت عليكي من بعد الحادثه ودلعتك ومرفضتش ليكي طلب وأديتك الحريه الكامله وانتي استغلتيها غلط كلمتي مش هتتكرر مفهوم
لوچين وهي تضـ،ـرب الأرض بقدميها بغضب:أنا معملتش حاجه غلط كل صحابي بيسهروا زيي وأكتر محدش فيهم أبوه بيعمل معاه زيك كدا
مجدي: وأنا مليش دعوة بحد أنتي بنتي ومسئولة مني ويوم ما الالقيكي ماشيه في طريق غلط لازم أوقفك واخد بأيدك للطريق الصح وهتسمعي الكلام غصب عنك أطلعي نامي والصباح رباح يلي
صعدت لوچين الدرج وهي تدب بقدميها وتحدث نفسها بكلام غير مفهوم جلس مجدي في مكانه يكاد عقله يطير منه من أفعال أبنته الوحيدة راح يسترجع ذكرياته مع زوجته وأولاده من خمس سنوات فهو لديه ثلاث أبناء توأم بنتان وولد هم لوچين وليان وإياد سافروا الي شرم الشيخ لقضاء عطلتهم الصيفية وفي طريق العودة أصتدمت سيارتهم بسيارة كبيرة محملة بأخشاب أدت إلي أنقلاب سيارتهم توفي في الحادث زوجته الهام وليان وإياد ونجا هو و لوچين فرت دمعه من عينيه علي أثر تذكر زوجته وأولاده وراح يتذكر فرحته هو وزوجته يوم ميلادهم وتذكر مراحل نموهم وسط فرحته بهم وكيف كان أول يوم لهم بالروضة والمدرسة وبكائهم في أول يوم تذكر زوجته وهي توجههم الي تعلم العادات الصحيحه وتعلمهم أمور دينهم وكيف كانوا ملتزمين وخلوقين ويضـ،ـرب بهم المثل في السلوك القويم هو يعترف أنه أخطأ عندما تمادي في تدليل لوچين ولكنه كان يخشي عليها بشدة ويري في ذلك التدليل أنه يعوضها عن حنان والدتها التي فقدته وأشقائها التوأم خاصتاً ليان فهما توأم متماثل وروحهم واحده لكنه أخطأ وعليه أصلاح ذلك الخطأ قبل أن يفقد أخر أمل له في الحياة وهي لوچين وحيدته.

قرب الظهيرة تململت لوچين في فراشها وفتحت عينيها علي صوت مربيتها وهي تهزها برفق لكي تستفيق من نـ،ـومها العميق
لوچين بتأفف: في أيه يا داده بتصحيني ليه
منيرة الداده: قومي يا حبيبتي باباكي علي التليفون وعاوز يكلمك
لوچين بنعاس: قوليله نايمه وعندي صداع مش قادره أفتح عينيا

مجدي بغضب بعد أن أستمع الي حديثها: صحيها يا منيرة غصب عنها تقوم تشوف مذكرتها دي ثانوية عامه ودي تاني سنة ليها في تالتة لو منجحتش السنادي هقعدها من المدرسة عرفيها كدا
منيرة بحزن علي حال لوچين: حاضر يا مجدي بيه هقول لها بس متزعلش نفسك أنت ضغطك عالي ليجرالك حاجه وهي ملهاش غيرك
أنهت منيرة المكالمة مع مجدي وأستدارت للوچين تحاول افاقتها وبعد عدة محاولات أخذت الكثير من الوقت جلست علي فراشها ترتشف مشروب النسكافيه الصباحي خاصتها وجلست بجانبها منيرة تمسد علي شعرها وهي تقرأ عليها الروقية الشرعيه وبعض آيات القرآن الكريم وبعد أنتهائها تحدثت معها بعتب
منيرة: أنا زعلانه منك قوي يا چين أنتي أهملتي دروسك وبقيتي تسهري برة لوقت متأخر ومتصاحبه علي شوية عيال بايظه
لوچين بتأفف: أنتي هتكلميني زي بابي يا داده ومالهم صحابي دول ولاد ناس هاي زينا
منيرة: يا بنتي دول صحاب سوء دلوكي علي الفساد مش كفايه أنك بتعيدي الثانوية لتاني سنه واهملتي صلاتك ومبقتيش ملتزمه بمذكرتك وأهملتي نفسك كل ده عشان أيه
لوچين:دادة أنا دماغي وجعاني ارحميني شويه مش هيبقي دادي بالليل وانتي دلوقتي
منيرة: علي راحتك بس انا هوصلك رسالة أبوكي قالي لو ما قامتش وشافت مذكرتها والتزمت ونجحت السنادي هيقعدك من المدرسة ومش هتكملي علامك
لوچين بملل : أوكيه يا داده سبيني بقي عشان اخلص فطاري وأقوم أذاكر
نزلت منيرة إلي الأسفل وتركت لوچين بعد أن أنهت افطارها أخذت شور سريع وجلست علي مكتبها وبدأت تفتح كتابها وحاولت المذاكرة فرن هاتفها برقم أحدي صديقاتها
لوچين وهي تجيب علي الهاتف: الوه أهلا يا ريما
ريما: أهلا يا چين أتأخرتي ليه دي الشله هنا كلها في النادي ومستنينك عشان نروح عند هيبو محضر لينا شوية طوابع وسجاير لف أنما أيه دماغ عالي قوي
لوچين: لأ فكك مني بابا قافش عليا مش هعرف أخرج مع أني همـ،ـوت وأعمل دماغ
ريما: أوه بيبي زعلت عشانك كتير بصي بعد ما نيجي من عند هيبو هجبلك مزاجك وأجي ليكي هوا ماشي يا قمر
لوچين: تبقي أنتي كدا سوه كيوت وماي لڤ وكل حاجه حلوه ميرسيه يا حبيبتي
ريما : تسلميلي يا حبيبتي مع السلامه بقي أمواه
لوچين: جود باي أمواه يا بيبي
لوچين لنفسها بعد أن أمسكت بالكتاب : أيه اللوغريتمات دي أنا مش فاهمه حاجه

في منزل بحي الدقي بالقاهرة وهو منزل المهندس أحمد المنصوري ترقد والدته علي فراشها فهي مريضه منذو فتره كبيرة ولا تقوي علي الحراك كثيرا إلا لذهابها الي دورة المياة والوضوء بمساعدة أبنها أحمد فهو كل ما لديها بعدما توفي زوجها وأحمد لا يزال طفلا بعمر العامين أغلقت علي نفسها وربت أحمد وجعلت منه رجلا يعتمد عليه ناجحا في حياته العمليه وايضا في بيته فهو من يخدم والدته في مرضها يطعمها ويحممها ويبدل لها ملابسها يهتم بأعطائها دوائها ويذهب بها الي الطبيب في معاد متابعتها .
يدخل غرفتها صباحا وهو يحمل صنية بها طعام الإفطار بعد أن وضائها وتركها تصلي
احمد: يلي يا ست الكل عشان تاكلي وأديكي الدوا قبل ما اروح شغلي
حبيبة والدة احمد: تسلملي ويسلم عمرك يا قلب أمك تعباك معايا غصب عني يا عمري
أحمد ملتقطا يد والدته يقبلها: لو قولتي الكلام ده تاني هزعل قوي أنا كلي ليكي ولو عملت أكتر من كدا مش هوفيكي حقك عليا
ربنا يخليكي ليا وميحرمنيش منك ابدا
حبيبة: ويخليلك ليا يا نور عيوني
جلس احمد وحبيبة يتناولان طعامهما سويا وأحمد يطعم والدته في فمها لعدم تحكمها في أمساك الطعام وبعد انتهائهما من تناول الطعام امسك احمد منشفة قطنية صغيرة مبلل طرف منها بالماء ومسح لولدته فمها ويدها ثم أعطاها دوائها وذهب ليرتدي ملابسة للذهاب لعمله رجع إلى والدته قبل مغادرته لكي يطمئن عليها
أحمد: ماما طنط حورية اللي بتيجي تنضف جايه النهاردة أنا جمعت لها الهدـ،ـوم اللي عاوزة تتغسل في سبت الغسيل في المطبخ وجايب لها امبارح الخضار والفراخ واللحمه اللي هتطبخهم لينا للأسبوع في التلاجة ودولاب المطبخ ودي الفلوس بتاعتها عشان لو أتأخرت في الرجوع أديها أنتي ماشي
حبيبة: حاضر يا حبيبي لما تيجي هعرفها متقلقش أنت وتوكل على الله روح شغلك انت عشان متتأخرش
أحمد: ماشي يا حبيبتي انا ماشي عاوزة حاجه قبل ما أمشي
حبيبة: عاوزة سلامتك لا اله الا الله
أحمد: تسلمي يا حبيبتي محمد رسول الله

ذهب احمد الي عمله في شركات مجدي الأسيوطي للمقاولات والبناء والتعمير
دخل علي مجدي بعد أن أستدعاه مجدي لمراجعة اوراق أحدي المشروعات المشرف عليها احمد طرق الباب وأنتظر الرد
أحمد بعد أن أذن له مجدي: السلام عليكم ورحمه الله وبركاته
مجدي بأبتسامه حانيه: وعليكم السلام ورحمه الله وبركاته
أحمد بحرج: أنا أسف يا فندم أنا عارف أني أتأخرت نص ساعه عن معاد الشغل
مجدي بأبتسامة حانيه: أنا مقدر ظروفك عشان خاطر الست والدتك وفعلا بدعي من ربنا يقويك أنت مثال للشباب الناجح البار بوالديه
أحمد: ربنا يخليك يا فندم
مجدي بأستفسار: فين الأوراق بتاعت مشروع العمرانيه عشان نراجعها سوي
أحمد: الاوراق اهه يا فندم جبتها معايا كنت براجعها في البيت أمبارح
وبعد مراجعة الاوراق
مجدي بفخر: طول عمرك متفوق وناجح ونظرتي فيك مخيبتش من أيام الكلية وأنا بدرسلك فعلا تستاهل تبقي الموظف المثالي زي ما كنت طول عمرك الطالب المثالي
أحمد: ربنا يخليك ليا يا فندم ولولا دعم حضرتك ليا مكنتش وصلت للي وصلتله بعد ما حضرتك أدتني فرصة أشتغل في مجموعتك دي فرصه أي شاب يحلم بيها
مجدي: وانت تستاهل اكتر من كدا
أحمد : بعد أذن حضرتك عندي مرور علي كام موقع يدوب اروح عشان أقدر اخلص جميع طلبيات العمال قبل معاد المرواح
مجدي: ماشي روح أنت عشان متتأخرش عشان والدتك.
غادر احمد الشركة لأنهاء عمله والذهاب سريعا الي والدته

في المنزل عند لوچين جاءت لها ريما وكارلا وهما يحملان لها تلك السموم المسماه بالمزاج جلست لوچين علي فراشها تدخن تلك اللفائف المحشوه بنبات البانجو المخدر وقامت الفتيات يفتحنا الموسيقي ويرفعا من صوتها وأخذوا يتمايلوا وهم في حالة يرثي لها من فرط ترنحهم وسكرهم
هزت منيرة رأسها بيأس علي حال تلك الفتيات وليس هم فقط أنها مشكلة جيل بل هي مأساة بكل المقاييس وعادات سيئه تد.مر شبابنا وتجعلهم مغيبين لا يعتمد عليهم في شئ غضبت منيرة كثيرا ثم دخلت الي الغرفة وهي تضـ،ـرب يد علي يد ثم أطفأت مشغل الموسيقي وأخذت لوچين من يدها وهي تعـ،ـنفها
منيرة : أيه اللي بتعمليه في نفسك وفينا ده هتفضلي لامتي في الاستهتار ده
لوچين وهي تترنح: بس بقي ياداد هتفوقيني وانا ما صدقت عملت دماغ
منيرة بعد أن ألقتها علي الفراش وتوجهت الي صديقتها : بره اطلعوا بره لو أعرف أنكم هتعملوا فيها كدا مكنتش خليتكم تقابلوها.

الحلقة الثانية

رجع مجدي الي منزله وجد منيرة تطرد كارلا وريما من المنزل وهي تنهرهما ووجد كلا الفتاتان تستهزء بمنيرة ووصل بهم الأمر الي سبها ونعتها بالخادمة القذرة غضب مجدي كثيرا من عدم تهذب الفتاتان مع سيدة بعمر والدتهم وخرج عن شعوره
مجدي بغضب: أنتم ازاي بتشتموا واحده في سن والدتكم أنتم قلالة الادب متربتوش
كارلا ببكاء مصطنع: هي اللي طردتنا الاول وشتمتنا يا أونكل واحنا معملناش فيها حاجه
مجدي : الكلام ده حصل يا منيرة
منيرة بحزن: ولو طولت اوديهم في داهيه مش هتردد انت متعرفش عملوا أيه يا مجدي بيه
مجدي: عملوا ايه يا منيرة أتكلمي
منيرة: لوچين كانت قاعده بتذاكر في أمان الله ودول جولها معرفش شربوها أيه خلتها أتسطلت ومش دريانه بنفسها ونزلوا رقص ومسخرة وانا دمي غلي وطردتهم
مجدي بغضب وهو يمسك بكارلا وريما من ذراعيها: أنتم عملتوا فيها ايه ادتوها أيه أتكلموا مش هسبكم وهتصل بأهليكم يجوا يشوفوا مصيبتهم فيكم أتكلموا
كارلا : هي اللي اتصلت وقالت عاوزة تعمل مزاج فجبنا ليها السجاير والطوابع
أستشاط مجدي بغضب وقام بمهاتفت والدا الفتاتان لكنه صدم لعدم مجيئهم وتعللهم بأنشغالهم فأخبرهم مجدي أن ابنتهما يتعطيان المخـ،ـدرات لكي يهتما بالمجئ لكي يتناقشا بأمر مستقبل أبنائهم الذي قاب قوسين أو أدنى من الضياع ولكنه وجد نفس الرد ونفس اللا مبالاة من أهلهما غضب كثيرا ولكنه ما بيده حيله فتركا الفتاتان بعد أن نبه  عليهما بالابتعاد عن ابنته وحذرهما من الاقتراب منها مرة أخري والا سيسجنهما
صعدا مجدي الي غرفة أبنته وجدها مازالت تحت تأثير المخدر فتركها بعد أن دثرها جيدا حتي تفيق فيبدأ معها الحساب التي تستحق

دخل مجدي الي غرفة مكتبه وهو يدور حول نفسه ويأنب روحه كثيرا فمتي غفل إلي أن وصل الحد بأبنته الي تعاطي المـ،ـخدرات جلس علي المقعد واضعا رأسه بين يدية أحس بنغزات تغزوا صدره في نفس الوقت دخلت عليه منيرة وجدته يمسك جانب صدره الشمال وهو يتنفس بصعوبة جرت عليه منيرة وأخرجت حبة الدواء علاج القلب الذي يتعطاه وقت مجيئ الأزمة له أخذها منها ووضعها تحت لسانه واسترخي وهو مغمض العينين ظل هكذا فترة ليست بقصيرة حتي أنه غفي عندما بدأ مفعول الحبه يسري بجسده ويخفف من حدة الألم تركته منيرة بعد أن أطمئنت عليه وخرجت وأغلقت الباب خلفها صعدت غرفة لوچين وجدتها بدأت تستفيق من أثر ما شربت أغتاظت منها منيرة كثيرا وتوجهت لها وهي تعنـ،ـفها
منيرة وهي تجذبها من ذراعها بقوه : أنتي عاوزة أيه بتعملي في نفسك وابوكي كدا ليه حرام عليكي أبوك جتله الأزمة كان هيمـ،ـوت فيها لولا لحقته بحباية الدوا فوقي بقي قبل ما تضيعي نفسك وتضيعي أبوكي بعمايلك السوده دي
لوچين وهي تفرك عينيها بأرهاق: في ايه يا داده أنا عملت ايه منا قعدت في البيت ومخرجتش زي بابا ما هو عاوز
منيرة بعصبية: فوقي بقي انتي مش داريه بنفسك من أمتي وأنتي بتشربي بانجو وتلزقيلي طوابع علي جلدك خلاص لدرجادي فقدتي ومحدش هامك أهو ابوكي جه وشافك وانتي بالمنظر ده وهو اللي شال الطوابع من علي دراعك وشافك وأنتي مسطوله وطرد صحابك الفشله اللي جابولك الفساد وحلف لو شافهم هنا او معاكي برة هيسجنهم ويوديهم في داهيه
فزعت لوچين بخوف وقامت من فراشها وهي تترنح من اثر الدوار المسيطر علي رأسها دخلت الي حمام غرفتها ونزلت تحت الماء بملابسها حتي تفيق وتستطيع مواجهة والدها جلبت لها منيرة ملابس نظيفة أرتدت ملابسها وخرجت تجفف شعرها وتعقده بربطة الشعر ثم تناولت حبتان مسكن للألم نزلت للاسفل وهي ترتعد من لقاء والدها طرقت باب غرفة المكتب ثم فتحته ودخلت وجدت والدها مسترخيا علي الأريكة مغمض العينين بهدوء دخلت بهدوء احس بها والدها نهض من استرخائه تقدمت منه ببطئ وهي تبحث عن كلمات تنطق بها لكي تخرجها من تلك المصيبه فهي لم تتوقع رجوع والدها مبكرا عن ميعاده اليومي
لوچين: بب بابي أااااا
مجدي بارهاق يبدو عليه: أنتي أيه هتقولي ايه أنا شوفتك بعنيه محدش قالي انتي بتتعـ،ـاطي مخـ،ـدرات يا لوچين
لوچين: دي مش مخـ،ـدرات يا بابي دي حاجات زي المهدئات ومسكن الألم لما الواحد بيجيلوا صداع ودي تالت مرة اخدهم بس
فز مجدي من مكانه بغضب وهو يمسك ذراعها : أنتي فكراني عيل صغير هتضحكي عليه من أمتي البانـ،ـجو والطوابع مهدئات ومسكن الم  مين خدعك وقالك كدا مين أنطقي
لوچين: صحابي كلهم بخدوه لما بيجلهم صداع وهما قالولي كدا
مجدي بغضب بعد أن صفعها علي وجهها: وأنتي مخك فين تسمعي كلام فشله زي دول ليه هي دي الأخلاق اللي ربيتك عليها دي الأخلاق اللي والدتك الله يرحمها ربتك عليها هو أنا عشان سيبتك برحتك تختاري اللي تحبيه يبقي خلاص تروحي تفشلي وضيعي نفسك
لوچين ببكاء: أنت بتضـ،ـربني يا بابي دي أول مره تمد أيدك عليا دي حتي مامي معملتهاش
مجدي بحده: وأكسر رقبتك لما الالقيكي ماشيه في طريق مفيش فيه راجعه
لوچين ببكاء: أنا عملت ايه ما كل صحابي بيعملوا كدا وأبهاتهم مبيعملوش فيهم حاجه
مجدي: دي ناس بايعه عيالها ميفرقوش معاهم في حاجه إنما أنا لا أنتي كل أملي في الحياه النور اللي بينورلي حياتي الطريق اللي بمشي عليه الهوا اللي بتنفسه مش هستني لما تضيعي نفسك أنتي فاهمه
أحس مجدي بثقل في صدرة وضع يده علي قلبه وتعرق بشده وبدأ يتنفس بصعوبه أضطربت لوچين وأسندت والدها وأجلسته علي الأريكة فكت ازرار قميصه وبدأت تدلك له موضع الالم وهي تبكي بحده وترتجف
لوچين : بابي مالك فيك أيه رد عليا حاسس بأيه بابي يا داده الحقيني يا داده بابي أغمي عليه
هرعت منيرة إليها وجدت مجدي يتسطح علي الاريكه ويتصبب عرقا ووجه شاحب حاولت أفاقته دون فائده قامت مسرعه تهاتف طبيب العائلة حتي يستطيعون أنقاذه

رجع أحمد الي البيت وجد حورية أنتهت من التنظيف والطهي وغسل الملابس وهي علي وشك الانصراف
أحمد وهو ينظر أرضا: حضرتك خلصتي يا طنط حورية
حورية سيده أربعينية: أيوة يا باشمهندس أحمد نضفت البيت وغسلت الهـ،ـدوم وعملت أكل الاسبوع كله أنا سيباه بره يبرد أبقي دخله الفريز اوعي تنسي عشان الاكل ميفسدش
أحمد: شكرا يا طنط تعبينك معانا ماما أدت لحضرتك الفلوس
حورية: أيوة يا بني أدتهم ليا أنا ماشيه بقي عاوز حاجه
أحمد: لا شكرا ربنا يخليكي يا طنط
غادرت حورية المنزل دخل احمد الي والدته يطمئن عليها وجدها تصلي العصر وهي جالسه علي فراشها انتظرها حتي انتهت قبل يدها ورأسها
أحمد: حرما يا ست الكل
حبيبة: جمعا أن شاءالله يا حبيبي
أحمد: أتغديتي ولا مستنياني
حبيبة: وأنا أقدر أكل من غيرك يا حبيبي
احمد: خمس دقايق أغير هـ،ـدومي وأجيب الأكل طنط حورية عامل شوية أكل أنما أيه ريحتهم مفحفحه
حبيبة: هههههههه شكلك جعان بس أكل حورية لا يعلي عليه بجد
أحمد مقبلا رأس والدته: مفيش أحسن من أكلك أنتي يا ست الكل
حبيبة: تسلم يا حبيبي ربنا يخليك ليا
بعد انتهاء احمد ووالدته من تناول طعامهم لبي احمد احتياجات والدته ثم أستأذن منها ودخل الي غرفته أنكب علي عمله لكي ينتهي منه فهو كثيرا ما يأتي بأوراق عمله ينهيها في المنزل لكي يكون بجوار والدته أكبر قدر ممكن لعدم تمكنها من الحركة بمفردها حتي أن احتاجت إليه تجده بجوارها

في منزل مجدي الأسيوطي
جاء الطبيب يعاين مجدي وجده يعاني من ازمه قلبيه كتب له علي بعض الادويه وارسلت منيرة في طلبها وقام الطبيب بأدخال بأبرة في وريد مجدي ثم أوصل بها محاليل طبيه مضاف لها الدواء وانتظر بجواره إلي أن أطمئن عليه ثم سحب الإبرة بعد أنتهاء المحاليل تركه الطبيب بعد أن أطمئن عليه وخرج الي خارج الغرفة ومعه منيرة ولوچين وهي ما زالت تبكي اسرعت منيرة تسأل الطبيب عن حالة مجدي
منيرة: خير يا دكتور مجدي بيه عامل أيه
الطبيب : انا نبهت عليكم أنه ميتعرضش لاي انفعال لأن القلب عنده تعبان واي انفعال غلط عليه زي ما حصل دلوقتي كويس أنه واخد علاجه والا كان هيبقي في مضاعفات خطيرة
منيرة بحزن: الحمدلله انا ساعةما لقيته تعبان أديته حباية القلب بسرعه وان شاء الله مش هنخليه يتعرض لاي انفعال تاني أن شاء الله
لوچين ببكاء: هو بابي عنده القلب من أمتي وانا معرفش محدش قالي ليه
منيرة: باباكي مرديش يقولك عشان متزعليش عشانه
الطبيب بحزم: اهم حاجه دلوقتي ميتعرضش لانفعال تاني او زعل عشان المضاعفات.
أنصرف الطبيب مغادرا القصر ارتمت لوچين بحـ،ـضن منيرة تبكي بشده علي والدها
لوچين: أنا أسفه يا دادة مكنتش أعرف مش هعمل حاجه تزعله تاني أسفه
ربتت منيرة علي ظهر لوچين وهي تصبرها
منيرة: بس يا لوچين متعيطيش يا حبيبتي أن شاء الله باباكي هيكون كويس أدعيله أنتي بس يقوم بالسلامه
لوچين: يارب قولي بابي بالسلامه عشان خاطري يارب أنا مليش غيره
جلست لوچين بجانب والدها علي الفراش وأمسكت بيده تقبلها وهي تبكي وظلت تمسد علي رأس والدها وتقبله واغمضت عينيها بألم وانبت نفسها فهي السبب فيما مر به والدها بقيت هكذا إلي أن ذهبت في ثبات عميق بجانب والدها

بعد انتهاء أحمد من عمله دخل الي والدته وجدها ممسكه بمسبحتها تسبح عليها وهي جالسه على فراشها جلس أحمد بجوارها
أحمد: تقبل الله منك يا ست الكل
حبيبة: يارب يا حبيبي خلصت شغلك
أحمد: أه يا حبيبتي خلصته كله في شغل مهم لازم يتسلم لمجدي بيه بكرة في مناقصة جديده دخلها وكان مديني الدراسة بتاعتها أخلصها والحمدلله خلصتها علي التسليم
حبيبة: ربنا يصلح ما بين أيديك يا حبيبي انا ملاحظه أن مجدي بيه بيعتمد عليك في شغل المناقصات بالذات
أحمد: أه يا ماما أي مناقصة ندخلها لازم أعمل الدراسه بتاعتها كلها لأني محبش غير الشغل المظبوط مليش في اللف والدوران بحب أمشي عدل
حبيبة: ربنا يباركلي فيك يا حبيبي وتفضل ديما مستقيم وأمين طول العمر زي والدك الله يرحمه
أحمد:  الله يرحمه ويخليكي ليا يا ست الكل يلي عشان أنـ،ـومك عاوزة حاجه أعملهالك قبل ما تنامي
حبيبة: أه يا حبيبي عاوزة أدخل الحمام عاوزة أتوضي وأنام علي وضوئي
أحمد: حاضر يلا بينا هاتي أيدك
أدخل أحمد والدته الحمام ووضائها ثم أمسك يدها يسندها الي فراشها ثم اراحها علي الفراش ودثرها جيدا وناما في الفراش المقابل لها فهو منذو أن مرضت والدته ينام معها بنفس الغرفه خوفا من أن تحتاجه ليلا وهو ينام بغرفته لا يسمعها  نام أحمد علي فراشه شاردا في تلك الملاك التي سلب قلبه وعقله يوم أن رأها لأول مره بشركة والدها منذو ست أشهر ومن يومها وعيونها البنيه لا تفارق خياله ذات الشعر الاسمر بسمار الليل والعيون بنيه مثل فنجان من القهوة ذاب فيها من أول رشفه ارتشفها من عطر جمالها الأخاذ للحظه تخيل أن من تقف أمامه ليست بشر مثلنا وأنما ملاك بكل ما تحمله الكلمة من معنى ظفرا نفسا حارا طويلا يدل علي نـ،ـار حبها المتقده في قلبه ردد اسمها بين نفسه لوچين حبيبتي المدلله تلك الشقيه التي غزت قلبه أطبق جفنيه يمني نفسه برؤيتها في أحلامه.

الحلقة الثالثة

في بلدة ساحل سليم بأسيوط
وبالتحديد في منزل الحاج فاروق الأسيوطي شقيق مجدي الأسيوطي
يجلس علي مائدة الإفطار فاروق ووالديه الاثنان زين وعمار يتناولون طعامهم بنهم كبير بدأ الحاج فاروق الحديث
فاروق: أعملت أيه في أرض أولاد حچاچ يا زين
زين وهو يتناول قطعه من الفطير: أني خلصت أمعاهم يا بوي علي الأمضة بس
فاروق: يعني أتفقت علي سعر الفدان كام
زين: أيوة يا بوي خلصته علي ٨٠٠٠٠٠ الف چنية
فاروق بسعادة: براوة عليك يا زين أكده تمن الخمس فدادين كام
عامر وهو يلوك طعامه: أكده أربعة مليون چنيه يا بوي
فاروق: حلو قوي وهتمضوا العقود ميتي
زين : بعد الفطور هنروح أني وعمار البنك في أسيوط نسحب الفلوس وناچي يكونوا هما چم أهنه أني متفق معاهم ياچوا بعد الضهر نكون چهزنا كل حاچه
فاروق: علي خيرة الله ربنا يچعلها فتحة خير علينا كليتنا
عامر: أبقي خلي أمي وحريمنا أمعاها يچهزوا وكل ياما عشان الناس اللي چايه يتغدوا عندينا
زين: أيوة يا بوي خليهم يزودوا أكتير كويس أن عمار فكرني قبل ما أمشي
فاروق: ودي حاچه تفوتني أني قايل لأمكم من عشيه تعمل حسابها عشان لو چم في أي وقت
زين وهو يقف من علي السفرة: يلا بينا يا عمار معوزينش نتأخروا علي الناس
عمار وهو ينفض يديه: أني خلصت يلا بينا عاوز حاچه يا بوي
فاروق: لا خدوا الحرس أمعاكم الفلوس اللي هتچبوها كتير وهتكون مطمع
زين: ماشي يا بوي محتاچ منينا حاچه
فاروق: لاه أني هقوم أكلم عمكم مچدي أشوفه عامل ايه
زين وهو يتوجه ناحية باب الخروج هو وعمار: ماشي يا بوي سلملي عليه سلامو عليكو
فاروق: وعليكم السلام خلوا بالكم من
نفسيكم
فاروق مناديا علي زوجته الحاجة عليه: ياحاچه علية يا أم زين وينك يا حاچه
الحاجه عليه وهي أتيه: أهه چيت أهو يا أبو زين عاوز مني حاچه أني مفضياش
فاروق: تعالي عاوزك هبابه
عليه بعد أن جلست بجانبه: نعم يا أبو زين خير يا خوي عوزني في أيه
فاروق: أعملتي حسابك في وكل أكتير عشان الناس اللي چايه
عليه: أيوة أمال أيه أني سايبه نسمة وقمر بيعملوا فيه والبنات الشغالين بيسعدوهم
فاروق : عملتي وكل أيه
عليه: أني عملت أيه يا سيدي بعد ما قمت الفچرية خليت الواد  محروس الكلاف دبحلي خروف مليح كدا وشفاه من العضم ووضبهولي خدت منيه كميه فرمتها وعملتها كفته ضاني من اللي قلبك يحبها والباقي سلقته في مرقه عشان نعمل فته بالسمن البلدي من اللي أنتي بتحبها ده غير المحاشي وقمر ونسمة عملين مكرونه بالشامله ورقاق باللحمه
فاروق: ومعملتيش طيور يا حاچة
عليه: وده يفوتني برديك يا حاچ فاروق دا أني دبحت خمس دكورة بط بلدي وفراخ عتاقي وحمام محشي بالفريك وكمان عملتلك طاچن الباميه باللحمه الضاني اللي أنتي بتحبه
فاروق: تسلميلي يا غاليه ديما مشرفاني ورافعه راسي
علية: أني مليش بركة اللا أنت يا حاچ وضيوفك علي راسنا من فوق
فاروق: ايوه يا حاچه أكرام الضيف صدقه وصانا عليها الرسول الكريم صلى الله عليه وسلم
علية: صلي الله عليه وسلم
أحدي الفتيات تنادي علي عليه من الداخل: أماي يا أمي عليه تعالي شوفي المرقة كدا مظبوطه ولا لاه
علية: بعد أذنك يا حاچ فاروق هقوم أشوفهم أنت عارف أنهم مينفعوش من غيري
فاروق وهو يخرج هاتفه من جيب جلبابه: روحي بس متتأخريش وتعالي أقعدي أمعاي بعد ما تخلصوا
عليه: عنيا حاضر يا سيدي وتاچ راسي
فاروق بحب: تسلميلي يا غاليه
فاروق وهو يتصل بمجدي أخيه لكن هاتفه مغلق منذو أمس مما زاد قلق فاروق علي أخية فحدث نفسه
فاروق: يا تري في أيه يا مچدي يا خوي مش بعادة تقفل تلفونك الا إذا كان فيه حاچه حوصلت لا قدر الله لو فضل تلفونك مقفول أكده أني بس أخلص من موضوع الارض واروحلك مصر أطمن عليك ربنا يچيب العواقب سليمة ألا أني قلبي متواغوش.

في القاهرة في منزل أحمد المنصوري
بعد أنتهاء أحمد من تلبية حاجات والدته ذهب يرتدي ملابسه للذهاب الي عمله وأخذ أوراقه وأستأذن من والدته وذهب إلى عمله خرج وأغلق الباب خلفه ثم توجه إلى الشـ،ـقه المقابله لشـ،ـقتهم وطرق باباها فتحت الباب سيده تبدو في أواخر العقد الرابع من عمرها تدعي عائشة
أحمد متنحنحا: صباح الخير يا طنط عائشة
عائشة بأبتسامه حانيه: صباح النور يا أحمد يا بني تعالي أفطر معانا أحنا لسه بنفطر أنا وعمك عاشور
أحمد بأبتسامه: بالهنا والشفا ليكم يا طنط أنا بس كنت عاوز من حضرتك بعد أذنك تبقي تشوفي ماما أصل أنا هتأخر شويه وانتي عارفه ظروفها
عائشة: حاضر يا حبيبي متشلش هم أنا مش ورايا حاجه هروح أبص عليها كل شوية وأقعد معاها روح أنت شغلك ومتشغلش بالك
أحمد وهو يعطي المفتاح لعائشه: المفتاح أهوة يا طنط وأنا هحاول متأخرش
عائشة: ماشي يا بني روح أنت عشان متتأخرش
أنصرف أحمد الي عمله وصل الي الشركة لكنه وجد مجدي لم يصل إلي الأن وموعد المناقصة لم يتبقي عليه سوي نصف ساعة
توتر أحمد كثيرا فا لابد من الإسراع للذهاب الي المناقصة لتقديم مظروف العطاء
أحمد للسكرتيرة: مجدي بيه مجاش ليه أيه اللي أخره المناقصه بتاعت شركة الوادي مفضلش عليها غير نص ساعة والطريق لروحه يا خد ساعه الأ ربع
السكرتيرة: معرفش مجاش ليه وبتصل علي تليفونة مغلق وتليفون البيت محدش بيرد
أحمد بتفكير: الملف بتاع المناقصة معاكي مش كدا
السكرتيرة: أه معايا ليه
أحمد: هاتيه ثم أخرج ورق من معه وجمع الاوراق سويا وجهز مظروف التقديم في المناقصة
أحمد: السواق الأحتياطي بتاع الطوارئ فين
السكرتيرة: أكيد تحت في جراج الشركة
أحمد : تمام بصي أديني رقم تليفون أقدر أكلمك عليه عشان أشوف مجدي بيه جه الشركة ولا لأ
السكرتيرة: أوكيه يا باشمهندس أحمد
أخذ احمد منها رقم الهاتف ثم انصرف الي الجراج وجد السائق في السيارة يدخن السجائر
أحمد: هات مفاتيح العربيه يا حسن
حسن بعد أن خرج من السيارة: في حاجه يا باشمهندس أنا أوصلك
أحمد: لأ انا مستعجل هات المفاتيح وخليك أنت
أخذ أحمد المفاتيح منه ثم قاد السيارة بسرعة كبيرة متوجها إلي مكان المناقصة وصل أحمد متأخر خمس دقائق نزل مسرعا معطيا مفاتيح السيارة الي سائس المكان وصعد إلي مكان العطاءات وهو يلهس سلم المظروف قبل أنتهاء الوقت بلحظات وانتهي من جميع الإجراءات ثم غادر المكان هاتف السكرتيرة يستعلم منها عن وصول مجدي الشركة لكن السكرتيرة أخبرته عن عدم حضوره للأن طلب منها عنوان قصر مجدي الأسيوطي أخذه منها متوجها إلي الحي الذي يسكن به مجدي
وصل أحمد الي القصر وجد حرس البوابه الخارجية يقفان نزل من السيارة وتوجه إليهم أحمد لاحدهم: السلام عليكم ورحمه الله وبركاته
الحارس: وعليكم السلام ورحمه الله وبركاته خير يا فندم
أحمد: أنا المهندس أحمد المنصوري مهندس في شركة مجدي بيه وكنت عاوز أقابله
الحارس: دقيقة واحدة يا باشمهندس
الحارس وأمسك الهاتف الداخلي للقصر : أبراهيم بلغ مدام منيرة أن باشمهندس أحمد المنصوري عاوز يقابل مجدي بيه
الحارس لاحمد: ثواني حضرتك وتدخل
أحمد : هو مجدي بيه مرحش الشركة ليه
الحارس: مجدي بيه تعبان والدكتور كان عنده أمبارح
أحمد بحزن: أيه تعبان ماله عنده أيه
الحارس: معرفش عنده أيه اللي أعرفه أنه تعب والدكتور كان عنده بس
جاء الاذن لأحمد بالدخول أفسح له الحارس المجال فاتحا البوابه فدخل أحمد بالسيارة

في داخل القصر يجلس مجدي علي فراشه وبجواره تجلس لوچين تطعمه شوربة خضار
لوچين: الف سلامه عليك يا حبيبي متزعلش مني عشان كنت السبب في أنك تتعب
مجدي: ولا يهمك يا حبيبتي انا كنت تعبان من زمان بس كنت بعافر
لوچين: انا زعلانه أنك مقولتليش علي تعبك من زمان هو أنا مش بنتك بردو يا بابي
مجدي: محبتش أشيلك همي يا حبيبتي
لوچين وهي تطعم والدها: ولو انا مشلتش همك مين بس يشيله وبعدين حضرتك شايل همي وأنا عماله أعذب فيك
مجدي: أنا أشيل همك علي قلبي زي العسل أنتي بنتي وكل دنيتي ربنا يخليكي ليا
لوچين وهي تقبل يد والدها: ويخليلك ليا يا حبيبي وميحرمنيش منك طول العمر
جاءت الخادمه تخبر مجدي عن وجود أحد موظفي الشركة يرغب في مقابلته اذن لها مجدي بأدخاله ثم أخذت أطباق الطعام بعد أن فرغت لوچين من أطعام والدها أخرجت لوچين الدواء لاعطاءه لمجدي طرق الباب فأذن مجدي الطارق دخلت منيرة ومن بعدها دخل أحمد
أحمد وهو ينظر أرضا: السلام عليكم ورحمه الله وبركاته
مجدي: وعليكم السلام ورحمه الله وبركاته تعالي يا أحمد كويس أنك جيت كنت لسه هطلبك علي تليفونك وأقولك تعالي
أحمد: أنا لما لقيت حضرتك مجيتش جيت أطمئن علي حضرتك أسف أني جيت من غير ميعاد بس تليفون حضرتك مقفول وتليفون البيت محدش بيرد عليه وفي حاجات لازم حضرتك تعرفها
مجدي بعتاب: أنت تيجي في أي وقت يا أحمد من غير أستأذان أنت عارف أني بعتبرك زي أبني
مجدي لمنيرة: شوفي أحمد يشرب أيه يا منيرة
منيرة لاحمد: تشرب ايه يا أبني
أحمد بخجل: شكرا يا طنط مش عاوز حاجه
مجدي : منيرة هاتيله عصير برتقال فريش
منيرة: حاضر يا مجدي بيه
أحمد: شكرا يا فندم بجد مش عاوز حاجه
مجدي: لازم هتشرب وتتغدي معانا كمان من حق أسف نسيت أعرفكم علي بعض دي لوچين بنتي وده باشمهندس أحمد المنصوري لوچين: أهلا وسهلا
أحمد: أهلا بيكي يا أنسة لوچين
لوچين: بابي أنا هروح أوضتي وأسبكم تشوفوا شغلكم بس بليز يا باشمهندس أحمد متكترش علي بابي الشغل لأنه لسه حالته متسمحش بشغل دلوقتي خالص
أحمد وهو ينظر أرضا: متخافيش يا أنسه لوچين أنا صحة مجدي بيه تهمني وأخاف عليه
مجدي: تسلميلي يا أحمد
لوچين: أنا ماشيه لو عايز حاجه نادي عليا يا بابي
مجدي : ماشي يا حبيبتي
مجدي لاحمد بعد أن غادرت لوچين: ها يا أحمد روحت قدمت ورق المناقصة
أحمد بأندهاش: حضرتك عرفت منين كلمت المكتب
مجدي: لا بس عارف أني سايب ورايا أبن يعتمد عليه وعارف أنك هتسد في غيابي
أحمد بأبتسامة: ربنا يخليك يا فندم ثقتك ليا حاجة تشرفني وأفتخر بيها وأنا بعتبرك في مقام والدي لو ده ميزعلش حضرتك
مجدي: يزعلني أيه دا أتمني أن يكون ليا أبن زيك قولي بقي قدمت العطا بتاع المناقصة
أحمد: أتفضل يا فندم ده صور من ورق المناقصة صورته وجبته لحضرتك تشوفه
أخذ منه مجدي الاوراق وبدأ في فحصها ورقه ورقه وبعد أنتهائه من رؤيتها نظر لا احمد معجبا به فهو شاب لم يكمل السادسه والعشرون ولكن عقليته جبارة عقليت رجل أعمال محنك وكأنه ولد رجل أعمال
مجدي: براڤو عليك يا أحمد الاسعار اللي أنت مقدمها هايله جدا مظنش حد هيقدم أقل من كدا أنا متأكد أنها هتريسي علينا
أحمد: أنت عارفني يا فندم وعارف مبادئ مبحبش الطمع والإتقان في شغلي هما أهم حاجه عندي
مجدي: فعلا وده سبب أختياري ليك تمسك الشركة لغاية لما أشد حيلي
أحمد متفاجأ :بس يا فندم دي مسئوليه كبيرة أنا خايف مكنش قدها
مجدي: متخفش انا هتابعك بالتليفون وبعدين مقدرش أئتمن حد غيرك ومفيش مجال للرفض ده رجاء شخصي مني
أحمد: يا خبر يا فندم من غير رجاء أنا تحت أمر حضرتك
طرق الباب ودخلت منيرة وهي تحمل العصير وقدمته لاحمد وتناول أحمد الكوب ماسكا إياه بيده وهو ينظر لمنيرة: تسلم ايدك يا طنط
منيرة بأبتسامة: تسلم من كل شر يا بني
مجدي: أشرب العصير يا أحمد عشان أقولك تعمل أيه في غيابي.

الحلقة الرابعة

في ساحل سليم في منزل فاروق الأسيوطي
بعد انتهائهم من عملية الشراء وأمضاء العقود وأستلام أولاد حجاج نقودهم قاموا الي تناول الطعام وتلك الوليمه التي أعدتها الحاجه علية بمساعدة زوجات أبنائها جعلت الحاج فاروق عنقه في السماء فهم أبدعوا في تنويع الاصناف مما جعلها وليمه ملوكي كما يقولون وبعد انتهائهم من تناول الطعام وأستأذان الضيوف بالانصراف جلس فاروق مع والديه زين وعمار وهم سعداء فهم سعوا كثيرا لشراء هذه الأرض لأنها تجاور أرضهم فكان ضمهم لها شئ يشبه الحلم الذي تحقق
فاروق: الحمدلله على كل شيء أني شري الارض دي بالنسبالي حلم وتحقق
زين بغطرسه: مفيش حد كان يجرئ يدخل عليها وولاد حجاج كانوا عارفين أكده عشان أول ما كلمتهم وافقوا علي طول
عمار: الحمدلله دي چايه في وسط أرضنا لو حد غيرنا خدها كان هيقرفنا في الرايحه والجايه
زين: مقولتلك محدش يقدر أيهوب عليها هو كتر حديت أياك
فاروق: المهم أنها بقت بتاعتنا الحمدلله أحنا لازمن ندبحوا عچل ونوزعوه لله حلاوة شرانا الارض دية وبقت ارضنا حته واحده
زين: الصبح يا بوي هخلي محروس الكلاف يدبح العچل ويوزعه لله
فاروق وهو يمسك هاتفه يهاتف أخيه مجدي: الوه ايوه يا مچدي يا خوي فينك من أمبارح عمال أدق عليك والحرمه اللي في التلفون بتقول رقم التليفون مقفول
مجدي مقهقها: الله يحظك يا فاروق يا خويا حرمة أيه بس دي أنصر ماشين
فاروق ببلاهه: أيه الصرماشيه دي
مجدي بضحك: يعني صوت مسجل وبيتعاد علي اللي بيتصل
فاروق وهو يهز رأسه: أه قولي أكده المهم أنت عامل ايه وتليفونك مقفول ليه
مجدي: كنت تعبان شويه يا فاروق وتليفوني فصل شحن ونسيت أشحنه
فاروق بأنزعاج: تعبان كيف يا خوي مالك حاسس با أيه
مجدي: الحمدلله علي كل شئ أزمة قلبية بسيطه وعدت علي خير
فاروق: من النچمة هتلاقيني عنديك أچي أوديك لأكبر ضكتور في بر مصر كلياته
مجدي: متتعبيش نفسك يا حبيبي انا بقيت بخير الحمدلله
فاروق بغضب: كيف ده عاوزني أعرف أنك تعبان ومچيش أطمن عليك ولا أنت معوزشي تشوفني أياك
مجدي: أبدا يا حبيبي واللهي أنا مش عاوز أتعبك معايا وانت عارف أني بتمني تزورني وبيتي مفتوحلك ديما
فاروق: أني چاي وبعدين أني نفسي أشوف البيت چين بتك الا أتوحشتها قوي هي عامله أيه
مجدي: الحمدلله كويسه وهستناك يا حبيبي متتأخرش عليا
فاروق: أن شاءالله المهم تاخد بالك من صحتك منيح
مجدي: حاضر قولي أم زين وولادك وحريمهم عاملين ايه
فاروق: الحمدلله كلياتهم زينين وبيسلموا عليك كتير وزين وعمار اهم هيسلموا عليك
أخذ زين الهاتف اولا وأطمئن علي عمه ثم عمار أيضا وأنهوا المكالمه مع عمهم
زين: أني معرفشي عمي لساته أصغير والتعب ركبه بدري ليه
فاروق: من يوم حادثة مرته وولاده وهو قلبه تعب وأقل مچهود وزعل بيأثروا عليه
عمار: وعمي مشاء الله رچل أعمال ناجح وسيطه مسمع وتلاقي الشغل عليه ياما وده اللي تعبه
زين: ما هو لو مبعش أرضه أهنه كان أيچي وقعد معانا هو بته وأحنا كنا زرعناله الارض وريح نفسيه من التعب ده
فاروق: ياما أتحيلت عليه وهو بيبع ليا الارض وقوله الارض عرض وخليلك أهنة حاچه تبقي مقر ليك يرد يقولي ما هي الارض مش راحه بعيد وانا وأنت واحد
عمار: بس مننكرش أن عمي عمل قد الارض أضعاف مضاعفة وبقي راس ماله بالمليارات
دا كل واحد من البلد أهنة لما بيعوز يشتغل بيروح لعمي يشغله في شركه من شركاته
زين: أيوه كلامك صح يا عمار عمي مخلي رقبتنا في السما من اللي بيعمل مع شباب بلدنا ربنا يشفيه ويديه الصحه
فاروق: اللهم أمين ويباركله في بته ويخليهاله
………………………………………
في القاهرة بمنزل مجدي الأسيوطي
يجلس مجدي مع أخيه فاروق ووالديه زين وعمار علي طاولة الطعام يتناولون غذائهم بعد أن ذهب فاروق للاطمئنان على صحة أخيه
فاروق وهو يلوك طعامه: وين چين بتك موعيش ليها دي لسه مچاتش تسلم علينا
مجدي: چين بتاخد درس بره في الجنينة اول ما هتخلص هتيجي علي طول
زين بحده: أنت سايبها لحالها مع لمدرس يا عمي
مجدى: لأ يا حبيبي الداده قاعده معاها
زين بنبرة ارتياح: أن كان أكده ماشي
عمار: متنساش يا زين عمك صعيدي ودمه حامي كمان
مجدي مقهقها: قوله يا عمار مفكر أن هو لوحده اللي دمه حامي
زين: حاشا لله يا عمي أني كنت بطمن بس
فاروق: أطمن يا زين يا ولدي اني عارف أنك بتخاف علي چين زي أختك
زين: چين مش زي أختي دي أختي فعلا ولو حد اتعرض ليها أقتـ،ـله بيدي
مجدي: ربنا يخليك يا زين ده عشمي فيك بردو.

في الجنينة وبعد أنتهاء لوچين من الدرس
منيرة: يلي يا چين عمك وولاد عمك هنا تعالي عشان تسلمي عليهم
لوچين بتأفف: هو زين جه مع عمو فاروق
منيرة: أه يا حبيبتي هو وعمار
لوچين: أنتي عرفاني أني مبحبش زين ده من يوم ما كان عاوز يضـ،ـربني عندهم في البلد واحنا بنزورهم في الإجازة
منيرة: أنتي لسه فاكرة يا چين الكلام ده من يجي تلات سنين كنتي لسه صغيره
لوچين: أه لسه فاكره دا لولا عموه فاروق ومراته بسمة كان ضـ،ـربني فعلا
منيرة: وهو كان عاوز يضـ،ـربك ليه
لوچين: أنتي نسيتي يا داده منا قولتلك قبل كدا
منيرة بتذكر: مش فاكره يا چين هو أنا مخي دفتر
لوچين بملل: عشان طلعت الجنينة من غير حجاب وهو كان منبه عليا مطلعش من غيره
منيرة: علي فكره بقي أنتي غلطانه طالما قالك متطلعيش من غيره مسمعتيش الكلام ليه
لوچين: داده أنا كان عندي ساعتها ١٥ سنة بس كنت لسه صغيرة
منيرة: لأ مش صغيرة علي الاقل بالنسبلهم دا اللي في سنك كدا هناك متجوزة ومخلفه
لوچين بأستنكار: أيه متجوزة ومخلفه ليه دي لسه بيبي يجوزوها وهي صغيرة كدا أزاي
منيرة: أغلب الصعيد بيجوزوا بناتهم صغيرين كدا ده عرف عندهم ويلا بقي أبوكي قالي بعد الدرس خلي چين تيجي تسلم علي عمها وولاد عمها
لوچين بتأفف: أوكيه يلا يا دادة عشان بابا ميتكلمش ويزعل مني وهو لسه تعبان
منيرة: يلا يا حبيبتي تعالي

في الداخل في صالون الڤيلا
جلسوا يحتسون القهوة بعد تناولهم الطعام
زين: مين واخد باله من شغلك يا عمي وانت تعبان
مجدي: مهندس أمين جدا وشاطر جدا مسكته الشغل لغاية ما اقدر اقف علي رجلي تاني
عمار: ربنا يشفيك يا عمي ويديك الصحة
مجدي: تسلم يا عمار ربنا يخليك يا أبني
زين: ويا تري ده أمين لدرجادي ليكون بيمثل عليك الامانه والالتزام يا عمي
مجدي: متخافش يا زين انا راجل ابن سوق وأعرف كويس أن كان اللي قدامي بيمثل ولا علي طبيعته أن خدت من الشغل أكتر ما أديت
زين: ربنا يخليك يا عمي ويشفيك وتشوف شغلك بنفسك
مجدي: كان نفسي واحد منكم يجي يشتغل معايا في الشركة بس اعمل ايه بقي
فاروق: ياريت كان عندي ولد تالت مكنتش خليتك تشيل هم وخليته يشتغل أمعاك بس أنت شايف الارض مشاء الله واسعه ويدوب واحد مسكها وواحد ماسك مزارع البهايم والفراخ ومصنع الالبان دول مبقعدوش ولا حتي حريمهم بيشفوهم غير ساعة النـ،ـوم
مجدي بتفهم: انا عارف ربنا يزيدك من فضله ويكرمك في ولادك يا خويا
فاروق: تسلم يا حبيبي
جاءت لوچين وهي متردده وتضع وجهها أرضا ألقت السلام عليهم ثم بدأت بمصافحت عمها والقت بنفسها في حضـ،ـنه فهي تحبه
لوچين: أزيك يا عمو وحشتني قوي
فاروق محاوط لها: كيفك انتي يا قلب عمك أتوحشتك قوي قوي
لوچين: وحضرتك وحشتني قوي وطنط علية وقمر وبسمة كلكم وحشتوني
فاروق: وهما كمان أتوحشوكي قوي بس أني زعلان عشان مبقتيش تاچي حدانا زي لاول
لوچين: متزعلش مني يا عمو وأنا هبقي أجي مع بابا في الإجازة
مجدي : سلمي على زين وعمار ولاد عمك يا لوچين
وقفت لوچين ومدت يدها صافحت عمار ثم مدت يدها لمصافحة زين الذي كان محدقا بها منذو أن دخلت عليهم فيبدو أن لوچين أستحوذت علي أعحابه فهو لم يراها من ما يقرب من الثلاث سنوات فهي الاول كانت في نظره مجرد طفله أما اليوم صارت فتاة بالغه بمعني الكلمة فهي جميله رقيقه جذابه لفتت أنظار زين ذلك الرجل الذي يهابه الجميع وغير ذلك فهو متزوج ولديه فتاتان الكبري تبلغ أربع سنوات والصغري عام وهو في الخامسة والثلاثين أي ضعف عمرها مرتان ورغم ذلك شرد في جمالها الهادئ فاق من شروده علي صوت عمه
مجدي: سرحان في أيه يا زين سلم علي لوچين
زين وهو يحاوط يد لوچين بيديه الاثنان بعد أن وقف أمامها بطوله الفارع ينظر في عيونها البنيه نظرة هائمة انسته نفسه وهو يتمسك بيدها وهي تحاول جذبها منه
زين: كيفك يا چين أخبارك أيه يا بت عمي
لوچين بحرج: الحمدلله يا أبيه زين
زين وقد تنغصت ملامحه: الله يسلمك يا چين  وفي نفسه ياقمر أنتي كيف القشطة والحلويات
جلست لوچين بجوار عمها بعد أن سحبت يدها من يد زين بصعوبه
فاروق: أعملي حسابك هتقضي الإجازة كليتها عندينا
مجدي: أن شاءالله يا فاروق هجبها وأجي نقعد شوية وبعدين اسبها هي تكمل الإجازة وأنا ارجع أشوف شغلي
فاروق: ماشي يا خوي
زين مسلطا نظره علي لوچين: أنتي في سنه كام يا لوچين
لوچين: في تالته ثانوي
عمار: ونفسك تدخلي كلية أيه أن شاء الله
لوچين: أي كلية حسب مجموعي المهم يبقي معايا كلية وبس
زين: وليه تتعبي نفسيكي خلصي الثانوية وأتچوزي هما اللي أخدوا كليات عملوا بيها أيه وبعدين أنتي مش لازمك شغل
مجدي: لأ يا زين انا مش معاك في الحته دي لازم لوچين تخلص كليتها وبعدين نشوف موضوع الجواز العرسان مش هيطيروا
لوچين مؤيده حديث والدها:بابي عنده حق اخلص كليتي الاول وبعدين يعني اللي أتجوزوا خدوا أيه لسه بدري عليا قوي يا أبيه زين
زين بحده: أيه أبيه دي قولي زين وخلاص
مجدي: ميصحش يا زين أنت أخوها الكبيرة وفرض عليها أحترامك
لوچين بعد أن أنكمشت خوفا في حـ،ـضن فاروق: أنا أسفة مش قصدي أزعلك
فاروق مقهقها وهو يحاوط لوچين بيده: متخافيش يا حبيبتي هو بيهزر أمعاكي
عمار: أبه وفيها أيه يا زين لمن اتقولك أبية ما هي بتقولي أبية كمان ومزعلتش
زين منهيا الحوار: خلاص مكنتش كلمة قولتها اني مش زعلان أني مش عاوزه تعمل تكليف بيني وبينها مش أكتر
مجدي: مفيش تكليف ولا حاجه أنت أخوها الكبير وهي بتحترمك وبتقدرك
بعد فترة قضوها مع بعضهم في الأحاديث مع بعضهم البعض وزين عينه من لوچين طوال الوقت وشعرت لوچين بذلك ولولا خوفها أن يغضب عمها لتركت المكان وصعدت غرفتها ولكنها تجلدت وهي تحتمي بأبيها من نظراته التي تأكلها أكلا بعد أطمئنان فاروق علي أخيه أستأذن بالرحيل هو وأبنائه عائدون مرة أخري إلي أسيوط

لوچين بعد مغادرته عمها أستأذنت من والدها وصعدت غرفتها وهي تكاد تجن من من الصداع الذي يفتك برأسها فهي لم تتناول سجائر محشوة أو طوابع مخدرة  منذو أن مرض والدها وتتناول المسكنات لكي تزيل ذلك الصداع الذي كاد يفتك بها ارتمت علي فراشها بعد أن تناولت حبتان من المسكن وحاولت النـ،ـوم الذي جافها فتره ثم ما لبثت أن غطت في نـ،ـوم عميق .

الحلقة 5

في منزل أحمد المنصوري: يجلس منهمكاً علي طاولة الرسم الهندسي يرسم مخططات هندسية لابنيه حديثة سمع صوت والدته تناديه ترك ما بيده وذهب إليها سريعا
أحمد: خير يا ماما عاوزه حاجه
حبيبة: أيه يا حبيبي مش هتاكل أنت متغدتش وده غلط عليك و علي صحتك
أحمد وهو يفرك جبهته: انا من كتر الشغل نسيت حكاية الاكل دي خالص
حبيبة: يا حبيبي الشغل مبيخلصشي لازم تاكل الاول عشان تقدر تقاوم وتكمل في شغلك
أحمد: اعمل ايه يا ماما مجدي بيه تعبان وانا شايل الشركة معنديش وقت التفت ورايا ولولا طنط عائشة بتاخد بالها منك مكنتش عارف هعمل ايه
حبيبة: الف سلامه عليه ماله انت مقولتليش قبل كدا ربنا يشفيه ويعافيه الراجل ده افضاله كبيره علينا دا كفايا وقفته جنبك بعد ما خلصت كليتك
أحمد : ما هو عشان كدا أنا شايل شغل الشركات لوحدي لغاية ما يرجع بالسلامه انا تقريبا مبنمش
حبيبة: ربنا يعينك ويوفقك ويقويك يارب يا حبيبي انت قدها وقدود
أحمد وهو يقبل يد والدته: ربنا يشفيكي ويعافيكي يا ست الكل
حبيبة: تسلم يا حبيبي يلا قوم كلك لقمة وادخل كما شغلك
أحمد: حاضر هجيب الاكل ونتعشي سوي
حبيبة: مليش نفس يا حبيبي كل انت انا هنام عشان منعوسه
أحمد : لا يا ماما لازم تاكلي عشان الدوا اللي بتاخديه بعد العشا مهم جدا
حبيبة: انا باخد الدوا من زمان جدا عملي ايه ما انا زي ما انا الحمدلله على كل شيء
أحمد: ربنا يشفيكي يا حبيبتي احنا بناخد بالاسباب وربنا هو الشافي
حبيبة: فعلا يا يا أحمد ربنا هو الشافي وربنا يشفي كل مريض
أحمد : أمين يلا تعالي لما ادخلك أتوضي وتصلي العشا علي أما اكون جهزتلنا الاكل
بعد انتهاء احمد من توضئت والدته وإعداد الطعام جلس يتناول الطعام مع والدته ولكنه شرد بعيداً وتوقف عن تناول الطعام ربتت والدته علي يده بحنو
حبيبة: مالك يا أحمد بقالك يومين بتسرح جامد مش بعادتك يعني في حاجه شغلاك
أحمد: لأ مفيش حاجه شغلاني الشغل  بس هو اللي شاغلني
حبيبة: عينيك بتقول غير كدا يا أحمد لمعة عينك وانت سرحان بتقول أن فيه واحده شاغله بالك جدا قولي بقي ولا هتخبي علي امك
أحمد مقهقها: ايه يا ماما هتعمليلي زي المفتش كورمبو وتحاولي تحلي الغازي
حبيبة بضحك: اه هعمل زي كورومبو عندك مانع
أحمد رافعا يديه بأستسلام: ولا أي مانع كل الحكاية حلم في خيالي
حبيبة: ومين هي الحلم ده
أحمد بشرود: چين
حبيبة: ومين چين دي حد أعرفه
أحمد بأنتباه: چين ايه مين قال چين
حبيبة بقهقه: أنت وأنت سرحان قول واعترف
أحمد بيأس: دي بنت مجدي بيه صاحب الشركة اللي شغال فيها
حبيبة بأحباط: بس انت فين وهي فين ووالدها هيوافق متتعلقش بحبال الهوا الدايبه عشان متتصدمش بالواقع يا حبيبي
أحمد: عارف يا ماما وعمري في حياتي ما هتقدم ليها الا اذا كنت ند ليها واقدر اعيشها في نفس مستواها انا بحبها فعلا ومش عاوزها تتبهدل معايا وان مقدرتش اعيشها في نفس مستواها يبقي احتفظ بحبها في قلبي ولنفسي
حبيبة وهي حزينه من أجل ابنها: بتحبها من زمان
أحمد: من أول مرة شوفتها فيها من ست شهور في الشركة كانت جايه لبابها
حبيبة: معقول من ست شهور وانا معرفش ماشي يا احمد
أحمد وهو يقبل جبين والدته: محبتش أزعجك معايا وانا عارف أنه حب مستحيل فقلت اوفر عليكي وعليا البهدله والزعل
حبيبة: ربنا يعينك ويقويك ويقدرك وتبقي أغني من باباها وربنا يجعلها من حظك ونصيبك يا أحمد يا أبني يارب
أحمد: تسلميلي يا احلي واجمل أم في الدنيا كلها كفايا دعواتك ليا يا حبيبتي بالدنيا كلها
حبيبة: تسلم من كل رضي يا حبيبي
حبيبة: انت شوفتها قريب
أحمد: أه من يومين وانا كنت بشوف مجدي بيه وهو تعبان
حبيبة: وهي بتحبك ولا متعرفش
أحمد: لا طبعا معرفش ولا عمري كلمتها غير في الحدود الرسمية وبعدين انا مشوفتهاش غير مرتين بس
حبيبة: سيب أمورك علي ربنا واللي فيه الخير ربنا يقدمه أن شاءالله
أحمد: ونعمة بالله
حبيبة: طيب يلا روح شوف شغلك وسيبنى انام
أحمد مقبلا رأس والدته وبعدها دثرها جيدا : تصبحي علي خير
حبيبة: وأنت من أهل الخير يا حبيبي
تركها احمد تنام ثم حمل صنية الطعام ورجع غرفته يكمل باقي عمله

مرت الأيام سريعا وتعافي مجدي كليا بعد أن أستمع الي تنبيهات الطبيب رجع الي عمله وجد أحمد يدير العمل علي أكمل ما يكون أفضل منه شخصيا زاد اعجاب مجدي لاحمد جدا وقرر مكافأته مكافأة كبيره نظرا لتفانيه وأخلاصه في عمله أصبح بعد ذلك ذراعه اليمنى في العمل واوكل إليه جميع الصفقات التي تحتاج إلي السفر خارج البلاد مما أضطر أحمد لجلب خادمة مقيمه مع والدته ليطمئن عليها وهو مسافرا خارج مصر ارتاح مجدي كثيرا بعد أن ساعده وحمل عنه حمل الشركة ومسئوليتها
ظلت چين تظهر أمام والدها الالتزام لكنها لم تلتزم كليا هي نعم التزمت في مذاكرتها لكنها ظلت تدخن تلك اللفائف المحشوه بنبات البانجو وتضع الطوابع المخدرة سرا من وراء والدها ومنيرة لم تكترث لاي شئ سوي نفسها جاء موعد الاختبارات وبعد أدائها الأختبارت أخذها والدها وذهب الي البلده عند أخيه فاروق كما وعده سابقا ذهبت چين وهي تقدم قدم وتؤخر قدم فهي مجبره علي الذهاب مع والدها الي بلدتهم استقبلهم فاروق بحفاوه بالغه ووجد زوجته الحاجة عليه تعد لهم بمساعدة زوجات أبنائها أصناف عديدة وليمه فاخره وجلسوا يتناولون الطعام مجدي: مشاء الله ايه ده كله يا أم زين مين هياكل الاكل ده كله
علية: هو أني عملت حاچه دا أني يدوب دبحت خروف دا الود ودي كنت دبحت عچل دا أنت جيتك عندينا غاليه قوي قوي يا أبو أياد
مجدي بحزن بعد أن نادته بأسم ابنه: ربنا يخليكي يا أم زين أنتي كريمه من بيت كريم
علية : أنت زعلت لمن قولتلك أبو أياد متزعلش يا خوي تعيش وتفتكر بس أني هفضل أناديك يا أبو أياد لغاية لمن أمـ،ـوت وربنا يرحمهم ويچعلهم ليك في الچنة
مجدي: انا مزعلتش بس فراقهم اللي صعب عليا قوي ربنا يرحمهم برحمته الواسعة
فاروق: ربنا يرحمهم ويصبرك يا مچدي يا خوي علي فراقهم اني بقي عاوزك تنسي وسيبك دلوقتي من أي حاچه ولازمن الوكل ده كله يخلص وأنتي يا چين مالك روقي أكده وكلي عايزك تخلصي علي الوكل ده كلياته ولا هخلي مرت عمك تزغطك كيف ما بتزغط الحمام والبط
چين بأبتسامه: لأ مفيش داعي يا عموه انا باكل أهوه
في هذا الوقت جاء زين وعمار عندما عرفا بوصول عمهما وابنته لتناول طعام الغذاء معهم علي غير عادتهم لانشغالهم بأعمالهم طوال اليوم
أنشرح قلب زين كثيرا عند رؤيته لچين فهو يتمني رؤيتها منذو اخر لقاء لهم في القاهرة
زين مرحبا: يا ميت اهلا وسهلا بيكم يا عمي أنت وبنت عمي واني اقول ساحل سليم نورت ليه اتريها منوره بيكم
مجدي مقهقا: ربنا يحفظك يا زين يا بني البلد منورة بأهلها
عمار: شرفتينا ونورتنا يا عمي أنت وچين
مجدي: ربنا يخليك يا عمار
صافح زين وعمار مجدي ولوچين لم يستطع زين رفع عينيه من علي چين طوال جلوسهم معا مما اغظ زوجته نسمة كثيرا لكنها لم تظهر ذلك حتي تنفرد به وحديهما بعد تناول الطعام أحست چين بأمتلاء  معدتها علي اخرها من كمية الطعام التي أطعمتها أياها زوجة عمها ونسمة وقمر طلبت من عمها الخروج للمشي
لوچين: بعد أذنك يا بابا أنت وعموه عاوزه أخرج أتمشي أنا حاسه أني مش قادره أتنفس كلت كتير جدا
علية: وأنتي كلتي أيه دا أنتي أكلتك عدم
چين وهي تكاد ترجع ما في جوفها: حرام عليكي يا طنط دا أنتي ونسمة وقمر كنتم بتزغطوني أنا بطني وجعاني عاوزه أمشي شويه
زين: تعالي أمعاي وأني أمشكي يا چين
أرتجفت چين خوفا منه وكادت ترفض لولا تدخل نسمة وقمر
نسمة:أرتاح أنت يا أبو ليان وأني وقمر هنروح مع چين نتمشي سوي بعد أذنك أنتي وأبوي فاروق وعمي مجدي وأبو فاروق
زين بغيظ: روحوا أتمشوا بس متتأخروش بره كتير
ذهبت الفتيات سويا يتمشين في حديقة منزلهم الواسعة والأرض المجاورة لهم وأخذنا يتسامرون ويتبادلون أطراف الحديث سويا
نسمة: ايه اللي غيبك عنينا ده كله يا چين
چين: جوزك يا حبيبتي هو اللي خلاني اخاف أجي تاني
نسمة بشك: هو عملك حاچه ضايقتك
لوچين بضحك: أنتي جالك زهايمر يا بنتي مش كان هيضـ،ـربني قدامك أخر مرة كنت هنا فيها
نسمة بضحك: ياه أنتي لسه فاكره دا كدا كان بيزعق فيكي بس أنما الضـ،ـرب ربنا ما يوريكي
لوچين: كمان ليه أن شاء الله آمال لو ضـ،ـرب كان عمل أيه
نسمة: يوه ربنا يبعدك عنه ساعة الشر ده ببقي كيف الأسد الهايچ محدش يقدر يقف قصاده دا حتي عمي فاروق بتچنبه في غضبه
قمر بقهقه: فعلا عندك حق يا نسمة ببقي حاچه صعبه قوي
لوچين: ربنا يبعدني عنه خالص أنا بترعب منه من غير حاجه
لوچين لقمر ونسمة: أمال فين ولادكم مش شوفتهم لغاية دلوقتى
قمر: فاروق أبني نائم يدوب أكلته قبل ما تيچوا بشويه واني طالعه وصيت أمي علية عليه تاخد بالها منه
نسمة: انا بقي بناتي ليان ولوچين عند بيت خوالهم هيچم بعد العصر أبوي كل يوم يبعت ياخدهم ويچبوهم العصر أصل لسه معندهمش أحفاد غيرهم عشان أكده متعلقين بيهم قوي
لوچين: احسن حاجه أنكم سميتم أسم ليان مبسوطه قوي أن أسم ليان هيفضل موجود حي بينا
نسمة بألم وهي تربت على يد لوچين: الله يرحمها أني مشوفتهاش غير مرة واحده  بس كانت كيف النسمه زيك أكده وأبوي فاروق هو اللي صمم أن يسمي ليان ولوچين
لوچين: عمي ده حتى سكره وعسل وبمـ،ـوت فيه جدا
قمر: وهو بيحبك قوي قوي هو وأمي علية بيعتبروكي بنتهم اللي مخلفوهاش
لوچين: وانا بحبهم قوي خصوصاً طنط علية بحس أنها بتعوضني بحنانها عن ماما الله يرحمها
قمر ونسمة معا: الله يرحمهم جميعا تعيشي وتفتكري يا حبيبتي
بعد قضاء بعض الوقت سويا رجعوا مره أخري إلي المنزل وجدت لوچين أطفال زين وعمار يلعبون سويا أمام نظر جدتهم في شرفة المنزل الواسعة جرت لوچين إليهم واحتضنتهم وهي تقبلهم أستغرب الاطفال في البداية من لوچين لكان سرعان ما أندمجوا سويا وبدأوا في اللعب مع لوچين وصل صياحهم وضحكهم سويا الي مجدي وفاروق فخرجا يشاهدون ما يحدث قهقه مجدي وفاروق عليهم بشده لأن من ينظر إلي چين وهي تلاعب الاطفال يقسم أنها طفله مثلهم بقوا هكذا حتي مجئ زين وعمار مرة أخرى من عملهم بعد ذهابهم له عقب أنتهاء تناولهم طعام الغذاء وقف زين ينظر إلي چين التي سلبت عقله أفاقت چين من لعبها مع الاطفال علي صوت زوجة عمها وهي تحدث عمار وزين لاحظت چين نظرات زين لها فخجلت منه كثيرا أضطرت جين الي الأستأذن منهم وصعدت الي غرفتها أخذت شور ولبـ،ـست منامتها الليـ،ـلية وغطت في نـ،ـوماً عميق
لاحظت نسمة مره اخرى نظرات زين للوچين أستشاطت غيظا من منه فهي لم تكف أو تتواني عن تدليله وأعطائه حقوقه كامله فلما النظر لأحد غيرها كادت تبكي منه لكنها تماسكت حتي تحين لحظت المواجهه ولولا ثقتها أن چين لن تنظر له يوما سوي كا أخ أكبر لأشعلت النيران بهما من شدة غيرتها عليه فهي عشقها له تخطي الحدود وعلي قدر الحب تأتي الغيرة.

الحلقة 6

استيقظت چين صباحا علي رائحة طهي رائعه دغدغت أنفها جعلتها تفيق من عمق نـ،ـومها فركت عينها ونهضت من فراشها أخذت منشفتها ودخلت الي حمام غرفتها لكي تأخذ شورها الصباحي وبعد أن انتهت من شورها صففت شعرها ثم ارتدت ملابس محتشمه فهي لا تريد أن تثير غضب ذلك العملاق الملقب بأبن عمها ثم وضعت علي شعرها حجاب ابتاعته خصيصاً لكي ترتديه عند مجيئها الي البلده فهي بالأساس غير محجبه زادت رائحة طهي الطعام في الهواء مما جعلها تتجه إلى باب شرفتها وتفتحه وجدت قمر مع احدي العاملين لديهم يصنعون الفطير المشلتت الصعيدي الذي يسيل له اللعاب في فرن مصنوع من الطين في مكان بالحديقة خلف المنزل حيث تطل غرفتها عليه وقفت تشاهدهم وهم يضعون كميه كبيره من السمن البلدي والزبده علي العجينه ثم يقومون بفرد العجين باصابعهم حتي تتسع كثيرا فيقومون بطيها عدة طيات وتكويرها ثم يقومون بفردها بأحدي الاواعي ثم يقومون بفردها مره أخري كما فعلوا بالمره الأولي حتي يمتلئ بها الوعاء ويقومون بتسوية وجه العجين وبعد ذلك يدخلونه الي الفرن لتسويته أعجبها ما رأت كثيراً حتي لمحتها قمر تقف فأشارت لها بالنزول نزلت لوچين سريعا الي أسفل لتذهب لهم تشاهدهم وهم يصنعون الفطير من أجلهم نزلت الدرج سريعا كادت تصتدم بزين لولا أنها أمسكت نفسها بأخر لحظه وقفت خجله انزلت وجهها أرضا وهي تحيه
چين:صباح الخير يا أبيه زين
زين نافخا بفمه: ما قولنا بلاش أبيه دي معوزاشي تسمعي الكلام ليه
لوچين بخوف: أااااا أنا معرفش أقول لحضرتك أسمك كدا من غير القاب
جاءت نسمة من ورائها: شاطرة يا چين طول عمرك متربية وتحترمي الأكبر منيكي ولا أيه رأيك يا أبو ليان
زين بغضب: هما بيطلعوا منين علي الصبح أكده وبعدين أني بكلم بت عمي أيه اللي دخلك أنتي
نسمة: اصلا أني ملقيتهاش غلطت في حاچه دي بتحترمك تقوم تقولها بلاش تحترميني
زين بغضب ووجهه متجهم: أنتي أتچنيتي أياك دي مين اللي متحترمنيش أني هعرفك تقولي الكلام ده أزاي ثم سحبها من يدها الي غرفتها في الطابق العلوي

رفعت لوچين كتفيها يتعجب من ذلك الذي يتشاجر مع ذباب وجهه لم تبالي لوچين  كثيرا واسرعت الي خلف المنزل حيث توجد قمر جلست معهم أرضا وهي سعيده وأرادة المشاركه في صنع الفطير لكنها فشلت فشل ذريع لم تنجح سوي في التهام الفطير بنهم ضحكت عليها قمر بشدة وعلي أفعالها الطفوليه وهي تلعب بالعحين مثل الصغار

في غرفة زين ونسمة
زين صافعا نسمة: أنتي أتچنيتي يا مرة أنتي كيف تقوليلي أكده قدام بت عمي الظاهر انك عاوزه ربايه من الاول وچديد
نسمة وهي تبكي : أنت بتضـ،ـربني يا زين أني كنت قولت ايه حرام عليك تضـ،ـربني أكده اني  حسه أن خدي انشل ايدك تقيله قوي يا خوي
أغمض زين عينيه يحاول السيطرة علي نفسه اقتربت منه نسمة وهي تضع يديها علي صدره بميوعه محببه له حتي تثيرة لكي يهدأ فهي تعشقه حد المستحيل وتغار عليه حد الالم حاوطت خصره بيديها وهي تضع رأسها علي صدرة
نسمة: أني بعشقك يا زين ومبستحملش أني أشوفك تطلع في واحده تانيه غيرى واني وعيت لنظراتك لچين عامله كيف