رواية زواج لرد جميل بقلم سماح سامح

فاروق بفرحه: الف الف مبروك يا مجدي يا خوي ده أحلي خبر سمعته أني لازمن أدبح عچل وأوزعه للغلابه حلاوة نجاح چين وعقبال ما نفرح بيها وهي عروسة
مجدي: الله يبارك فيك يا حبيبي أحنا مش هندبح عجل واحد أن شاءالله ندبح تلاته خلي الغلابه تاكل
رجع مجدي وفاروق الي المنزل وجد علية وچين تشاهدان أحد الافلام العربيه القديمه ذات التراث من زمن الفن الجميل
مجدي مهللا: عندي ليكي أحلي خبر في الدنيا يا چين
چين بدهشه: في أيه يا بابي في حاجه حصلت
مجدي فاتح ذراعه لها: النتيجه ظهرت وانتي نجحتي وجبتي ٧٠٪
چين بصراخ وهي ترتمي بحـ،ـضن والدها: بجد يا بابي بجد
مجدي: أيوه بجد يا حبيبة بابي
چين بفرح: الحمدلله يا بابي غمه وانزاحت الثانوية العامة دي تأديب وتهذيب وأصلاح دي كانت عمله زي التقل علي قلبي الحمدلله كتير قوي
فاروق: مبروك يا حبيبت عمك عقبال الكلية
چين وهي تحتضن عمها: الله يبارك فيك يا حبيبي يا أحلي عموه
علية وهي تحتضن لوچين: مبروك يا حبيبتي الف بركه عقبال ما نبارك ليكي علي العريس
لوچين وهي تحتضنها: الله يبارك فيكي يا طنط إنما العريس ده لسه بدري
توالت التهنئة علي لوچين من أبناء عمها وزوجاتهم وفي مجدي وفاروق بوعده وقاما بذبح العجول وتفريق لحمهم علي الفقراء وحان وقت العودة إلي القاهرة ومع الكثير من الدموع والاحضان وألم الوداع غادر مجدي ولوچين أسيوط عائدين مرة أخري إلي القاهرة ظنت چين أنها لن ترجع إلي القاهرة مجددا لطول الفترة التي قضوها في الصعيد والتي لم تكن سوي شهر وبضعة ايام أسقبلتهم منيرة بترحاب شديد احتضنت چين بشده فا هي أشتاقت لها جدا أحست أنها قضت بعيد عنها عاما وليس شهرا جاء أحمد الي منزل مجدي مرحبا بعودتهم مرة أخري أستقبله مجدي بشوق كبير فهو حقا افتقده بشده
مجدي: أتفضل يا أحمد أخبارك وأخبار الست الوالده أيه
أحمد: الحمدلله يا عمي ماما كويسه الحمدلله ويتسلم علي حضرتك وبتبارك لحضرتك علي نجاح چين
فاروق: الله يسلمها وربنا يشفيها لك ويخليهالك يا أحمد
أحمد: ربنا يخليك يا عمي
أحمد بحرج: أحم ممكن يا عمي تقبل مني الهديه بمناسبة نجاح چين
مجدي بفرح: ايه ده ليا أنا بس مش أنا اللي نجحت
أحمد مقهقا: لأ دي لچين هدية حضرتك لما تيجي معايا البحر الاحمر وتشوف الشغل ماشي ازاي في بني قرية الفيروز السياحيه
مجدي: أنتم بدأتم فيها فعلا
أحمد: أحنا بقالنا أكثر من ثلاث اسابيع شغالين وعملين ورديتين في الشغل احنا تقريبا خلصنا من الاساسات
مجدي بفرح: بجد كل يوم بتثبتلي أنك قد الثقه اللي حطتها فيك
أحمد: ده كله بفضل توجيهات سعادتك
مجدي مناديا علي منيرة: منيرة يا منيرة
منيرة: أفندم يا مجدي بيه
مجدي: نادي علي چين عوزها بسرعه
ذهبت منيرة ملبية مطلبه جاءت لوچين وهي ترتدي فستان روز وعقدت علي شعرها المسدل علي ظهرها أنشوطه من نفس لون الفستان مما أعطاها جمال ملائكي سلب لب أحمد وهاما بها عشقا عجز عن تمالك نفسه أمام جمالها ودا لو فقط يأخذها في أحضانه يبثها حبه ويخفيها عن العالم كله بين حنايا قلبه مدت لوچين يدها تصافحه فا أتسعت أبتسامته الساحرة وهو يتلقي يدها الرقيقه في كفه القوي ثم رفعها الي فمه ملثما أيها بقبله ساحرة خجلت لوچين وشعرت بقشعريرة وكأنها لمست تيارا كهربائيا ابتسم مجدي وتأكد من حب أحمد للوچين وفي نفسه تمني أن يطلب منه يدها وهو مستعد علي إقامة عرسهم في نفس الاسبوع لو فقط ينطقها جلست لوچين بجانب والدها علي أريكة الصالون وأحمد مقابلهم علي المقعد
مجدي معطيا لوچين هدية أحمد: أتفضلي يا چين دي هدية أحمد ليكي بمناسبة نجاحك
لوچين بحرج: مفيش داعي كنت تتعب نفسك يا باشمهندس أحمد
أحمد بثقه وهو يرمقها بنظراته الساحرة: ده اقل حاجه اقدمهالك يا أنسه چين أنتي غاليه جدا عندي اااا قصدي عندنا
لوچين بخجل: ميرسي لذوقك ربنا يخليك
مجدي: ممكن توريني الهديه يا چين ولا أنت مش موافق يا أحمد
أحمد بأبتسامه: لا طبعا يا عمي اتفضلي افتحيها يا أنسه چين
أخرجت چين الهديه من حقيبة الهدايا الورقيه فكانت عباره عن ثلاث صناديق مغلفه فتحت اول واحد وكان عبارة عن ثلاث علب من الشيكولاتة ( جواهر_جالاكسي_ مارس) أحبت چين هذه الهديه جدا ونظرت لأحمد
أحمد متنحنحا: أنا معرفشي بتحبي أي نوع فجبت التلاته عشان عارف ان البنات بتحب الشيكولاته
لوچين بأبتسامه عذبه: الصراحه بحب التلاته شكرا ليك جدا
أحمد بحب: مفيش داعي الشكر وبالهنا والشفا مقدما
فتحت لوچين المغلف الثاني وجدت دفتر يوميات طبعت صورة لها علي غلاف الدفتر من الخارج ومعه أيضا قلم يحمل نفس الصوره لها ومج نسكافيه يحمل نفس الصورة ايضا
لوچين بسعادة: الله دول شكلهم حلو قوي
أحمد: دول بقي طقم عملتهم ليكي عشان لما تيجي تشربي النسكافيه وأنتي بتكتبي يبقي كل حاجه عليها صورتك
لوچين: فعلا فكرة حلوة جداً جداً
أحمد: الحمدلله أنها عجبتك
مجدي متنحنحا: أفتحي أخر حاجه يا چين
چين ناظره لوالدها: حاضر يا بابي
فتحت چين المغلف الأخير وهو عبارة عن علبه خاصه بالمشغولات الذهبيه طويله وجدت فيها سلسلة من الذهب الابيض بها قلب ماسي كتب عليه لوچين بالانجليزيه
وضعت لوچين يدها علي فمها من شدة جمال تلك السلسلة فهي كانت غاية في الروعة أحبتها چين بشده
چين بفرح: بصراحه يا باشمهندس مش عارفه اقولك أيه بس فعلا التلات هدايا أحلي من بعض بجد فرحانه بيهم جدا
أحمد ناظرا لها بنظراته الساحرة: متقوليش حاجه يكفي عندي السعادة اللي شافها في عيونك دلوقتي
لوچين بخجل من كلامه فهو يحمل بين طياته الكثير والكثير من المعاني أحست نفسها لم تعد تستطيع الجلوس أكثر من ذلك فأستأذنت منهما وحملت هدايها وصعدت الي غرفتها بعد أن شكرت أحمد ثانيا
سرح أحمد بطيفها وهي تختفي من أمامه ودا لو يخطفها لابعد مكان بالعالم هو وهي فقط لكي يبثها حب كما يجب عليه
ظل مجدي ينظر لأحمد الذي ينظر في أثر أبنته وقرر لابد من الإسراع في أتخاذ قرار بشأنهما فاحمد عيونه تفصح عما بداخله من حب كبير لابنته .
.
الحلقة 10
.
.
صعدت لوچين الي غرفتها وهي سعيده جدا بهدية أحمد التي لمست احساسها لكنها سرعان ما نفضت الفكرة عن بالها فهي أقنعت نفسها بحبها لشهاب ولكي يتم التأكيد رن هاتفها برقم شهاب ابتسمت وهي تجيب عليه
لوچين: شيبو وحشتني قوي
شهاب: وانتي أكتر يا روح قلبي عاوز أشوفك بأي طريقه واسرع ما يمكن
چين: هحاول مع دادي يسمحلي أروح النادي ونتقابل هناك
شهاب : أمتي انا مشتاقلك قوي
چين: مش عارفه يمكن بكرة
شهاب: أه أنا لسه هستني لبكرة مش هقدر أنا هجيلك دلوقتي نفسي أشوفك
چين بأضطراب: أرجوك يا شيبو بلاش داداي هنا ولو شافك ممكن يعملي مشكلة
شهاب: وبعدين نفسي أشوفك قوي أقولك أبعتيلي صورة ليكي تصبرني
لوچين: سوري يا شهاب مقدرش أبعتلك صورة مش هسمح صوري تبقي مع حد غير جوزي بس ده مبدأ
شهاب بغضب حاول يداريه: كدا يا چين أنتي مش واثقه فيا بجد انا حزين
چين بثبات: مش مسألة ثقه أفرض أحنا مش لينا نصيب في بعض يبقي مينفعش أديك صوري غير وانت جوزي
شهاب: لو مش لينا نصيب في بعض همسح الصور صدقيني
چين: طب وليه نصبر أحسن لما نكون لبعض
شهاب بمكر: برحتك يا چين مش هضغط عليكي بس عاوزك تعرفي أني بحبك وعمري ما هأذيكي بس الظاهر أنك مش عندك ثقه فيا چين: قولتلك مش مسألة ثقه ده مبدأ متزعلش مني
شهاب: أوكيه عاوزه حاجه انا هقفل
لوچين: أحنا لسه أتكلمنا مستعجل ليه
شهاب: مش فاضي دلوقتي لما أفضي هكلمك مع السلامه واغلق الإتصال
چين وهي تنفخ: هو يا اديك صوري يا تزعل برحتك مش هدي صوري لحد ولا هسمح لصوري تبقي علي تليفون حد غير جوزي هو انا مش شايفه المصايب اللي بتحصل للبنات اللي بتدي صورهم للشباب علي تليفوناتهم أستحاله صوري تطلع من تليفوني.
في الاسفل عند مجدي وأحمد يكملان حديثهما
مجدي: شكراً يا أحمد علي هديتك لچين بجد فرحتها
أحمد: حضرتك متشكرنيش ده اقل حاجه ممكن أقدمها لحضرتك ولچين أنتم أعز الناس علي قلبي وربنا يديم المحبه بينا
مجدي بسعادة: اللهم امين ربنا يخليك ليا يا أحمد أنت ريحتني بكلامك قوي
أحمد بأبتسامة : ممكن نتكلم عن الشغل لأن في حاجات لازم حضرتك تشوفها وتراجع عليها كنت مأجلها لما حضرتك ترجع من الصعيد
مجدي بأبتسامة: ماشي يا احمد تعالي ندخل المكتب وأشوف الورق اللي محتاج مراجعه.
عند شهاب ظل يسب ويلعـ،ـن في لوچين وفي غبائها ورفضها أرسال صورها له كاد يحطم غرفته لولا أنه تدارك نفسه قبل أن يسمعه والده ويأتي يلقي عليه كلاماته اللاذعه
شهاب لنفسه: بقي أنتي يا حتة حشرة يا حساله يا مدمنه ترفضي تبعتيلي صورك طب أصبري عليا أن ما خليتك زي الكلب لاجرب تتزليلي علي مزاجك مبقاش أنا شهاب بس لازم أخليكي الاول تشمي البودره عشان أعرف أتحكم فيكي وأذلك زي ما أنا عايز
مر أسبوع علي رجوع مجدي ولوچين من الصعيد ورغم محاولات لوچين المستميتة لمجدي لكي يتركها تخرج الي النادي قابل مجدي محاولاتها بالرفض التام حتي يأست لوچين من موافقة أبيها وباتت تتحجج الي شهاب وكارلا وريما كلما اتصلوا بها للخروج بعدم موافقة أبيها جن شهاب علي الاخير فا لوچين هكذا سوف تقلع عن تعاطي المخـ،ـدرات أن لم تكن أقلعت فعلا تجرأ وذهب لها عند منزلها حتي يعطيها المخـ،ـدرات لم تستطع چين مقابلته بسبب جلوس إبيها بالمنزل فرجع شهاب خائب الوفاق بعد فتره تطلب العمل من مجدي السفر إلي البحر الأحمر لقدوم أبو فهد لمتابعة سير العمل في بناء قرية الفيروز وقف مجدي بفخر أمام أبو فهد فالبناء في القريه يجري علي قدم وساق وأنجز أكثر ٥٠٪ من البناء في ربع المدة المقررة للبناء أشاد أبو فهد كثيرا بأنجازاتهم في البناء وأثني علي أحمد كثيرا ووصفه بشعلة العمل والذكاء وعرض عليه العمل معه بالراتب الذي يحدده هو إلا أن تدخل مجدي رافضا بالنيابة عن أحمد فهو لن يستطيع الاستغناء عنه مهما كلفة الامر
في ذلك الوقت في القاهرة كانت لوچين تتسحب من منزلهم للخروج من وراء منيرة فهي لديها الاذن من مجدي بمنعها من الخروج نجحت لوچين من الفرار من وراء منيرة وذهبت إلي النادي بعدما اتفقت مع شهاب علي لقائه هناك وصلت إلي النادي وجدت شهاب بأنتظارها وهو علي احر من الجمر
شهاب بلهفه: أخيرا شوفتك يا روح قلبي انا كنت خلاص فقدت الامل في أني أشوفك
لوچين: أعمل أيه يا شهاب بابي مقفل عليا خالص مش بيخليني اخرج خالص
شهاب: وانتي خرجتي ازاي النهارده
لوچين: بابي سافر أمبارح المغرب البحر الأحمر يشوف القرية السياحية اللي شركته بتبنيها هناك وانا استغليت فرصة انشغال داده منيرة وخرجت من وراها
شهاب: وهي الدادة بتتحكم في خروجك
لوچين: بابي هو اللي أمرها بكدا
شهاب منهيا النقاش في ذلك الموضوع: خلاص مش مشكلة ثم أخرج من حقيبته لفه ووضعها أمام لوچين
لوچين: أيه دي يا شهاب
شهاب غامزا بأحدي عينيه: ده المزاج كله شوية سجائر لف وطوابع أنما أيه أخر مزاج كنت مجهزهم ليكي قبل ما تروحي الصعيد بس أنت سافرتي فجأة ملحقتش أديهملك
لوچين: شكرا يا شيبو بس خلاص أنا مش محتاجاهم تاني الحمدلله قدرت وانا في الصعيد أني أبطل شرب ومش ناويه ارجع ليها تاني كفايا كدا أنا أتعذبت قوي عشان اتعود علي عدم شربها وعقبالكم زيي
شهاب بصدمه: أيه بطلتي دي هو انتي كنتي مدمنه ده مزاج مش اكتر اشربي أشربي يا شيخه محدش واخد منها حاجه
لوچين بأصرار: لأ يا شهاب مش هشرب وده مش مزاج ده ادمان المزاج اللي اشربه وقت منا عاوزة وأسيبه وقت منا عاوزة لكن ده لو شربته بمزاجج متقدرش تسيبه غير غصب عنك وانا مش حابه ارجع الي كنت فيه تاني
حاول شهاب أن يداري غضبه حتي لا يكشف أمره أمام لوچين أستأذن منها بحجة ذاهبه الي المرحاض ودخل الي غرفة اعداد الطعام والمشروبات وبدأ يبحث عن من يريد حتي وجده أشار إليه لكي يأتي له جاء له شاب يدعي عبدالحليم وضع شهاب يده علي كتفه ساحبا إياه في جنب بعيد عن مسمع المتواجدين
شهاب: حلم أنت تيجي بعد شويه عند ترابيزتي أنا والبنت اللي قاعده معايا وتشوفنا عاوزين ايه ماشي
عبدالحليم: ماشي يا برنس وايه كمان
شهاب: تاخد كيس البودرة ده وتحط اللي فيه في الطلب اللي البنت تطلبه ودوبه حلو أمين
عبدالحليم : أمين بس ده أيه اوعي يكون سم
شهاب بنفاذ صبر لأ مش زفت وماكس دعوة وخد الخمسين جنية دول وتعمل اللي قولتلك عليه من غير كلام كتير مفهوم
عبدالحليم وهو يقبل المال: أمين يا برنس اللي تؤمرني بيه انا تحت أمرك يا كبير
انصرف شهاب عائداً الي لوچين وهو يتوعد لها أشد عقاب ويجعل منها مدمنه كليا
في البحر الأحمر بعد أن رجع مجدي وأحمد الي الفندق المقيمين فيه بعد أنتهاء مرورهم علي مواقع البناء وتوديعهم ابو فهد في المطار عائد الي بلده مرة أخري
مجدي مستدعيا أحمد لغرفته بالتليفون: أحمد تعال ليا الاوضة بتاعتي عاوز اتكلم معاك شويه
أحمد: حاضر يا عمي جاي لحضرتك حالا
ذهب احمد طارقا باب غرفة مجدي ثم فتح الباب ودخل مغلقا إياه خلفه
أحمد بعد أن جلس علي المقعد مقابل مجدي: خير يا عمي فيه حاجه حصلت
مجدي بتأنيب ضمير: أنا كنت عاوز أعتذرلك عن أنانيتي في أني أرفض عرض ابو فهد ليك وصدقني حسيت بذنب كبير لما أنت سكت ومكسرتش كلامي بس في نفس الوقت حسيت فعلا أني غالي عندك قوي والاحساس ده أسعدني فوق ما تتصور وعشان أثبتلك حسن نيتي أنا هسيبك أنت اللي تحدد مرتبك الشهري او السنوي لو تحب ولو عاوزني اعملك نسبه من الأرباح معنديش مانع
أحمد متفاجأ: ايه اللي حضرتك بتقوله ده حضرتك لو مرفضتش عرض أبو فهد كنت هرفضه أنا أولا أنا مقدرش أسافر عشان ظروف ماما وثانيا حضرتك كمان معتمد عليا في كل شغل الشركة تقريبا وانا مقدرش أسيب حضرتك الا لو حضرتك عاوزني أسيب الشغل صدقني يا فندم عرض أبو فهد ميعنيش ليا حاجه
مجدي: الحمدلله ريحتني من تأنيب الضمير بس أنا فعلا مقدرش أستغني عنك بالنسبه الشركه وحاجات تانيه هتعرفها بعدين بس أنا لسه عند كلامي بالنسبة للمرتب ونسبة الارباح
أحمد بنفي: لو حضرتك أتكلمت في الموضوع ده تاني هحس انك بتعتبرني غريب عنك أحنا العـ،ـلاقة بنا مش فلوس يا فندم العـ،ـلاقه عـ،ـلاقة أب وأبنه لو ميزعلش حضرتك
مجدي مبتسما: كل يوم بتكبر في نظري عن اليوم اللي قبله ربنا يحميك ويحفظك وان شاء الله أفضل العـ،ـلاقه ما بينا عـ،ـلاقة أب وأبنه ديما
أحمد بأبتسامه وهو يربت علي يد مجدي: أن شاءالله يا عمي ربنا يخليك لينا
في النادي
جاء عبدالحليم بطلب لوچين وشهاب وضعه أمامهما وغادر
شهاب : أشربي العصير يا حبيبتي
لوچين وهي تبعث بهاتفها : حاضر يا شيبو ولكنها ظلت تبدعبث في هاتفها
شهاب بغضب يتصاعد: سيبي التليفون من أيدك. أشربي العصير يا چين وبعدين الساعة اللي هتيجي تقابليني فيها هتفضلي تلعبي في تليفونك
چين وهي تنظر له: في أيه يا شهاب انا بكلم كارلا وريما علي واتساب هما قريبين من هنا وزمانهم جايين عشان أسلم عليهم
شهاب بغضب: كمان كلمتيهم يجوا يقطعوا علينا قعدتنا مش كفايا مشوفتكيش بقالي شهر ونص أمتي وحشاني قوي وكنت عاوز أخدك دلوقتي ونروح نقعد في جو هادئ
لوچين بملل: وقت تاني يا شيبو أصل كارلا وريما وحشيني بجد هقعد معاهم شويه
أمسك شهاب بكوب العصير مجبرا لوچين علي شربه أمسكت لوچين العصير وهي تضعه علي فمها جائها أتصال من منيرة وضعت چين العصير علي الطاولة أمامها ووقفت بعيدا تجيب علي الهاتف
چين: الوه
منيرة بحده: أنتي فين بقالي أكثر من نص ساعه برن عليكي تليفونك غير متاح
چين بتأفف: أنا في النادي يا داده هقعد شويه مع صحابي وأجي
منيرة: أنتي ازاي تخرجي من غير ما تقوليلي انتي أبوكي نبه عليكي مفيش خروج لوحدك أيه خرجك من غير أذن أبوكي
لوچين: داده أنا زهقت أنا مبعملش حاجه غلط مفيهاش حاجه لما أطلع أقابل صحابي وأفك شويه عن نفسي مع السلامه
أنهت لوچين الاتصال قبل أن تتمكن منيرة من تكملة تأنيبها فهي ملت ذلك التأنيب
رجعت الي الطاولة مرة أخري وهي تظفر غضبا أستنهز شهاب الفرصه ممدا يده لها بالعصير
شهاب: أشربي يا حبيبتي وروقي بالك هما الأهل كدا حاجه خنيقه
لوچين: عندك حق أنا خلاص أتخنقت ومش طايقه نفسي خلاص
شهاب: أهدي وروقي خلاص واشربي العصير يروق دمك
رفعت لوچين الكوب علي فمها فوجئت لوچين وشهاب با كارلا وريما تأتيان مسرعتان من وراء لوچين من دون قصد أصطدما بها فوقع معظم كوب العصير علي بنطال لوچين ومن حسن حظها أنه أسود لم يظهر به لون العصير أغتاظ شهاب وكاد ينفـ،ـجر غيظا من فعلتهم الرعناء
شهاب بحده: مش تاخدوا بالكوا يا بنات قلبتوا العصير علي چين
كارلا : اوه سوري يا قلبي معرفش أنك ماسكه عصير في أيدك
ريما: وأنا كمان معرفشي سوري بيبي
لوچين: عادي خلاص مفيش مشكله أنا هروح الحمام أنضف هـ،ـدومي وأجي
كارلا وريما وهما يحتضنان لوچين: بسرعة مستنينك هنا عشان أنتي وحشتينا قوي
لوچين: حاااااااضر بس سبوني أنصف هـ،ـدومي الاول
ذهبت لوچين لتنضيف ملابسها وجلست كارلا وريما مع شهاب علي الطاوله
كارلا: ايه يا شيبو فين الطلبات بتاعتنا
اخرج شهاب لفتين وأعطاهم لكارلا وريما اخذتهما منه بسرعة مخفيتان اياهما في حقائبهم
شهاب: أيديكم علي خمس الاف جنيه ده مزاج أسبوع بحاله
أخرجت كارلا وريما المبلغ وأعطاتهما أياه قبل أن يلاحظ أحد ذلك.
.
.
الحلقة 11
.
.
رجعت لوچين من المرحاض وجدت كارلا وريما فقط يجلسان علي الطاولة
لوچين: أيه ده شيبو راح فين
كارلا: في حد أتصل عليه فأستأذن وقال لينا رايح مشوار مهم
لوچين لنفسها : يعني مش عارف يستني شويه هو ده اللي وحشتيني وحشتيني وفي الاخر يدوب خمس دقايق ويسبني ويمشي ماشي يا شهاب أن قابلتك تاني يبقي أنا معنديش كرامه
ريما وهي تربت على يد لوچين: سرحانه في ايه يا قمر اللي واخد عقلك يتهنابه
لوچين بأبتسامة: مفيش حاجه يا حبيبتي المهم قولولي عملتوا ايه هتقدموا كليات ايه
كارلا: أنا وريما جيبين ٥٠٪ بالعافيه فا أتفقنا هنقدم في حاسبات ومعلومات خاصه وهنريح دماغنا من المذاكرة والقرف بتاعها
لوچين: هههههههه علي أساس أنكم كنتم مقطعين الكتب مذاكرة دا لولا أنكل رشاد وأنكل فهيم واللي عملوه ليكم في الامتحانات مكنتوش نجحتم
ريما: انتي عشان نجحتي بمجهودك هتعملي لينا فيها أينشتاين دا انتي يدوب ٧٠٪ مش حاجه يعني
لوچين: يا بنتي انا يدوب ذاكرت بس شهرين انا لو ذاكرت من اول السنه كنت جبت طب
كارل: ههههههههه خلي الطب والمذاكرة للي محتاجين أنما أحنا عندنا كتير نتعب نفسنا ليه
لوچين: معاكي حق أنا بردو بفكر ادخل كليه خاصه عشان وجع الدماغ اللي بابي عملهولي ذاكري وأحضري محضراتك
ريما: بقول ليكم أيه أنا مش قادرة عاوزه أشرب سجارة دلوقتي حاسه دماغي هنجت تعالوا نروح عند أي واحده فينا نعمل دماغ
كارلا: قشطه يلا أنا كمان دماغي بدأت تونون عاوزه اعمل دماغ يلا يا چين أنتي وريما نروح عندي ونظبط دماغنا والمزاج طازه لسه شيبو مدهولنا حالا
لوچين: لأ أنا خلاص بطلت ومش هرجع للحكاية دي تاني
نظرت كارلا وريما الي لوچين بأندهاش
ريما : أه ده بطلتي ليه دا المزاج ده اللي بيصبر الواحد علي بلاوي الحياه
كارلا: وبعدين أيه بطلتي دي هو أدمان دا حاجه بكيفنا نشربها نبطلها مش مشكلة يعني
لوچين: بالتهيئلكم أنه مش أدمن وممكن تبطلوه في أي وقت الحقيقة الوحيدة أن أتعذبت قوي لغاية ما بطلت وياريت أنتم كمان تقدروا تبطلوا ده بيأثر علي كل حاجه في جسمنا وأنا معنديش أستعداد أبقي لسه صغيرة وأمرض بسبب القرف ده
ريما: يا بنتي فكك ده كلام الكبار بيضحكوا بيه علينا عشان نبطل بس هما مش عارفين أننا بنشرب الزفت ده عشان منشوفش بلاويهم دا الواحد لو فاق هينتحـ،ـر من اللي بيشوفه
أحست لوچين بالمرارة في كلام ريما شعرت بالحزن عليها فيبدو أنها تعاني ويلات من أبيها وزوجته فا والدتها مطلقه ومتزوجه بأخر
لوچين: ايه يا ريما مالك وايه اللي شوفتيه وصلك للمراره اللي بتتكلمي بيها
كارلا: هههههههه مرارة أيه يا چين دي بتبرر شربها بأي كلام وخلاص
ريما: هههههههه تصدقي عندك حق يا كوكي
نظرت لوچين لهما وشعرت بهما يقفان علي حافة الهاوية هاوية الضياع وأن لم يسرع أحد بأنتشالهما سيقعان فيها بكل تأكيد حمدت لوچين ربها أن والدها لحق بها في الوقت المناسب وإلا كانت ستبقي مثلهما.
رجع أحمد ومجدي الي القاهرة ثانيا اوصل أحمد مجدي الي قصره وغادر الي منزله دخل مجدي القصر وجد لوچين تتصفح أحدي المجلات التي تخص الموضة
مجدي: السلام عليكم ورحمه الله وبركاته
لوچين بفرحه: وعليكم السلام حمدالله على السلامه يا بابي وحشتني قوي
مجدي مقبلا جبين لوچين بعد أن أرتمت بحـ،ـضنه:وأنتي أكتر يا روح بابي عامله ايه
لوچين وهي تجلس بجانب والدها علي الأريكة: كان نفسي اروح معاك الغردقه قوي يا بابي
مجدي: أن شاءالله المرة الجايه لأن المرة دي أحنا كنا رايحين لشغل وبعدين أحنا مقعدناش يدوب أنا وأبو فهد مرينا علي المواقع وشوفنا المباني ماشيه أزاي وأحمد أدي تعليماته للمشرفين علي القريه وجينا علي طول احنا مكملناش ٤٨ ساعة من ضمنها الطريق بالطيارة رايح جاي
لوچين: أنا شايفه حضرتك مدي أحمد صلاحيات كتير وتقريبا سايب ليه كل الشغل ده مش غلط يا بابي
مجدي ظفرا بهدوء:عارفه يا لوچين أحمد ده لو عارف أنه يوافق كنت كتبت له الشركات بأسمه لأنه فعلا راجل وراجل قوي أمين ومحترم خلوق وده فعلا اللي أقدر أئمنه علي فلوسي وبيتي وأنتي كمان وده أهم حاجه أهم حاجه عندي أنتي وبس
لوچين بأبتسامه: ربنا يخليك ليا يا أحلي وأغلي اب في الدنيا
مجدي : ربنا يخليكي ليا وميحرمنيش منك ابدا قوليلي منيرة عامله لينا أيه علي الغدا أنا واقع من الجوع
لوچين : هي تقريبا كدا عامله ورق عنب
مجدي: بجد طيب اطلع أغير هـ،ـدومي وأستعد للمحشي أنتي عرفاني في المحشي معرفش أبويا
لوچين: ههههههههه طبعا عارفه عشقك للمحشي هستناك متتأخرش عليا عشان نتغدي سوي
مجدي: حالا يا قمر
رجع أحمد الي منزله وجد سنية تجلس بجانب والدته ويبدو عليها القلق الشديد
أحمد: مالك يا سنية في حاجه
سنية: الست حبيبة تعبت مني بالليل قوي ومعرفتش اعمل أيه روحت لجرانكم وهما جابوا الدكتور وطلب تروح المستشفى بس والدتة حضرتك مش راضية تروح المستشفى
أحمد بفزع جلس بجانب والدته بعد أن تنحت سنية جانبا وأخذ يربت علي يدها ويقبل رأسها حتي أستفاقت والدته وشعرت به وارتسمت علي وجهه أبتسامتها العذبه دائما
أحمد مقبلا يد والدته: مالك يا ست الكل حسه بأيه وليه مروحتيش المستشفي
حبيبة بتعب ظاهرا علي قسمات وجهها: متقلقش يا احمد أنا بخير يا حبيبي
أحمد وعينيه تلمع بالدموع: أنتي شكلك تعبان قوي يا ماما لازم تروحي المستشفى دلوقتي زي الدكتور ما قال
حبيبة: أنا كويسه مش هروح المستشفي أنا عاوزة امـ،ـوت علي فرشتي
أحمد ببكاء: حرام عليكي يا ماما متقوليش كدا أنا مليش غيرك بعد ربنا عاوزه تسبيني لوحدي
حبيبة وهي تربت علي وجهه: أنت بقيت راجل كبير دلوقتي يعتمد عليه ومجدي بيه عرف كدا ومأمنك علي حاله وماله وانا فرحانه اني عرفت اربيك كويس أبوك هيفرح قوي لما اروحله ويعرف أني ربيتك احسن تربيه وحافظت عليك
أحس أحمد بخوف شديد يجتاحه من فكرة فقدانه لوالدته حملها سريعا ورغم أعتراض والدته لكنه لم يستمع لها ووضعها بسيارته وذهب بها الي المشفي استقبله الطبيب المتابع لحالة والدته بعد أن هاتفه أحمد يعلمه أنه سيذهب بوالدته الي المشفي اخذ الطبيب والدته مع طاقم تمريض لعمل التحاليل الطبيه والأشعة اللازمه لتحديد سبب مرضها مؤخرا وكيفية علاجه جلس أمام غرفة المعاينة بأنتظار خروج الطبيب لكي يطمئنه علي حالة والدته أغمض عينيه بألم وهو يدعو الله ان يشفيها وأن يكون الأمر مثل مرات أنتكاستها السابقه وتعود بخير بعد ذلك بقي بعض الوقت حتي خرج له الطبيب بعد وقت طويل في فحص وتحاليل وأشعة وقف أحمد فور أن شاهد الطبيب يخرج اسرع احمد إليه وهو يسأل عن والدته
أحمد: خير يا دكتور مش هي كدا زي كل مرة يومين في المستشفي وتطلع بالسلامه
هز الدكتور رأسه بيأس: مش عارف اقولك أيه يا باشمهندس أحمد بس حالة والدتك المرادي مطمنش خصوصا أن حالة الكلي سأت جدا
أغمض أحمد عينيه ورفع رأسه لأعلي يجاهد الا يبكي امام الطبيب حاول التحدث فخرج صوته مخنوق بالدموع: قولي حالتها بصراحه وهي محتاجه أيه وانا اعمله لو عاوزه لبن العصفور صدقني هجيبه بس أمي تبقي كويسة أن شاءالله
الطبيب باسف: أنا أسف يا باشمهندس بس والدتة حضرتك جالها فشل كلوي
أحمد شاهقا وهو يضع يده على فمه: أنت بتقول ايه وايه اللي وصلها لكدا أنا عمري ما قصرت متابعتها معاك ولا في ادويه أو تحاليل فجأة كدا يجلها فشل كلوي
الطبيب: لا مجلهاش فجأة ولا حاجه والدتك عندها السكر من زمان قوي وكمان جالها الضغط وفي أجسام لما السكر بيطول فيها بيأثر علي الكلي زي ما حصل مع والدتك وزاد عليه الضغط وقبل كدا كان حالها جلطة مرة
أحمد وهو يسمح علي وجهه بحزن شديد: والحل ايه يا دكتور اعمل أي حاجه مش عايزها تتعب ولا تتألم
الطبيب: مش قدمنا حل غير الغسيل لان حالة والدتك الصحية مش هتستحمل زرع كلي
أحمد: أيه غسيل طب وهي هتستحمل
الطبيب: مش قدمنا حل تاني
أحمد: أنا ممكن أسافرها بره تعمل زرع كلي لو الإمكانيات هنا متسمحش
الطبيب:الحكاية مش حكاية أمكانيات الحكايه أن والدتك صحيا مش تستحمل جسمها ضعيف والمناعة منعدمه صدقني لو شايف أن السفر هينفع في حالتها مكنتش أتأخرت وأنا اللي هعمل ليها ورقها واللازم
أحمد: أعمل الصح يا دكتور بس أرجوك متخليهاش تتألم كفايا عليها اللي شافته
الطبيب: حاضر هعمل ليها كل الصالح أن شاءالله وربنا يعفو عنها ولو انت عاوز تاخد فحوصتها وتعرضهم علي دكتور تاني تتأكد بنفسك أنا معنديش مانع
أحمد مربتا علي ذراع الطبيب: أنا واثق فيك يا دكتور وعارف ان ضميرك المهني مش هيخليك تهمل في صحة والدتي
الطبيب: بعد أذنك اروح عشان نجهز الحاجه للغسيل
بعد ذهاب الطبيب تمالك احمد نفسه ودخل لوالدته وجدها ترقد علي الفراش مسلمه أمرها لله ويشع وجهها بنور عجيب بكي أحمد وجلس علي ركبتيه بجانبها أرضا يمسك يدها يقبلها وهو يبكي احست به والدته فشدة علي يده الممسكه بيدها رفع أحمد عسليتيه ينظر لها
ضحكت والدته: عارف أن لون عيونك زي لون عيون بباك وأنت كلك شبه قوي
أغمض أحمد عينيه لتنفرج دمعتين من عينيه
حبيبة: كدا هزعل منك قوي يا أحمد خليني اروح لحبيبي وأنا مطمنه عليك
أحمد ببكاء: بعد الشر عنك متسبنيش لوحدي مش هقدر علي بعادك
حبيبة: أنت راجل متخليش أي حاجه تأثر عليك عوزاك تعيش حياتك مع اللي بتحبها وتبني أسرة كبيرة وجيب ولاد كتير يبقوا عزوه وسند ليك
أحمد: عاوز اعمل كل ده وأنتي معايا
حبيبة: هكون معاك بروحي أوعدني يا احمد أنك تعيش وتفرح وتخلف وتكون أحسن واحد في الدنيا عشان امـ،ـوت وانا مرتاحه
أحمد وهو يقبل رأس والدته: حاضر أوعدك أني مهما طال بيا العمر هكون الإبن البار اللي بيدعو ليكم انتي وبابا وهكون ليكم صدقه جاريه يوصلكم دعائي والخير اللي هعمله عشانكم وأني أتجوز اللي بحبها وأخلف وأن شاءالله هسمي اول بنت ليا حبيبة وأول ولد عادل علي أسم بابا عشان تفضلوا معايا علي طول أن شاءالله
أمسكت والدته يده تقبلها بحب جاء الطبيب لكي يأخذ والدته لاعدادها للغسيل الكلوي
بقي أحمد جالس في المشفي في الرواق أمام غرفة العمليات رن هاتف أحمد برقم مجدي سحب احمد علي شاشة الهاتف مجيبا علي مجدي
مجدي: السلام عليكم ورحمه الله وبركاته
أحمد بصوت متحشرج من اثر البكاء: وعليكم السلام ورحمه الله وبركاته
مجدي بشك: مالك يا أحمد أنا صحيتك من النـ،ـوم صوتك متغير
أحمد بحزن: لا ابدا يا فندم أنا زوري وجعني شويه
مجدي: الف سلامه عليك يا أحمد لو تعبان خد بكرة اجازه اهم حاجه صحتك
أحمد: أنا هاخد بكرة اجازه بعد اذن حضرتك
مجدي: لدرجادي تعبان أنا هبعتلك الدكتور بتاعي يكشف عليك
احمد: لأ مش أنا اللي تعبان دي ماما جيت لقيت حالتها خطيرة ونقلتها المستشفي
مجدي متأثرا: مالها يا أحمد الف سلامه عليها
أحمد ببكاء: عندها فشل كلوي والدكتور دخلها عمليات بيعمل ليها عملية تركيب الكالونة اللي هتغسل منها
مجدي بحزن: لا حول ولا قوة الا بالله العلي العظيم طب بدل الغسيل نعمل ليها زرع وانا مستعد اوديها أحسن مستشفي في العالم
أحمد: حالة والدتي الصحية متسمحش عمليات زرع الدكتور لسه قايلي دلوقتي بعد ما سألته ملهاش غير الغسيل بس
مجدي بحزن: ممكن تديني عنوان المستشفي يا أحمد
أحمد: لأ يا عمي أنت لسه جاي من سفر من كام ساعة وصحتك متستحملش بهدله
مجدي: أحمد العنوان لو سمحت أنا كويس جدا لو مدتنيش العنوان دلوقتي صدقني هزعل قوي ومش هكلمك تاني
أحمد : حاضر يا عمي العنوان هو __________
مجدي مدونا العنوان: ماشي يا احمد مش محتاج حاجه أجبهالك معايا
أحمد: شكرا يا عمي طيب خليك لبكره وأبقي تعالي
مجدي منهيا الحديث: مع السلامه يا أحمد
جلس أحمد علي المقعد أمام غرفة العمليات
عند مجدي مناديا علي لوچين
مجدي: چين يا چيييين
منيرة: چين طلعت فوق يا مجدي بيه
مجدي: ناديهالي يا منيرة عوزها بسرعه
منيرة: حاضر يا مجدي بيه
ذهبت منيرة مسرعة تنادي چين لوالدها أتت
چين مسرعه لوالدها
چين: خير يا بابي في حاجه داده بتقول حضرتك عاوزني
مجدي: أه يا حبيبتي البـ،ـسي بسرعة لبـ،ـس خروج عشان نروح المستشفى
لوچين بخوف: مالك يا بابي أنت تعبان فيك حاجه
مجدي: مش أنا يا چين دي والدتة أحمد حالتها خطيرة ولازم نروح نزورها حالا
لوچين بتأثر: ايه مالها ربنا يشفيها عشان خاطر باشمهندس أحمد هو أنسان طيب ومحترم جدا
مجدي: فعلا ربنا يشفيها عشانه مسكين بيحبها قوي وحالته صعبه خصوصا بعد ما عرف ان عندها فشل كلوي بسرعه أجهزي يا چين عشان نروحله نقف جنبه في الظروف دي
لوچين: ربنا يشفيهاله حاضر يا بابي أديني خمس دقايق وأكون جاهزة
أحمد: ماشي أكون أنا كمان لبـ،ـست بسرعه يلا
بعد أن تجهزا مجدي ولوچين أستدعي مجدي السائق الخاص به وذهبا إلي المشفي للوقوف بجانب أحمد في هذه الظروف الصعبه
.
الحلقة 12
.
.
في ساحل سليم
أحست نسمة بتغيير زين من ناحيتها وكأن عقله بات مشغولا بأمر ما منذو سفر مجدي ولوچين وهو يعيش حالة جمود حتي حقوقها الشرعية نسيها وهو بالسابق لم يمر عليه يوم ألا وهي في أحضانه يتنعمان بقرب بعضهما بكت نسمة حالها فهي تحبه حد الجنون ولن تقبل أن تشاركها غيرها فيه وأن قرر فعلا الزواج بأخرى أيان كانت فعليه أن يطلقها أولا
في الجهه الأخري أحس فاروق بتغير زين للأسوء فهو أهمل كل شئ ولم يعد يهتم بأرضهم ومزارعهم بعد أن كان مولع بهم ودائم العنايه بهم طوال الوقت وأدخال كل جديد وتحديثات طوال الوقت تأكد فاروق أن زين مازال يشغل باله موضوع لوچين لكن هذا الموضوع من المستحيل أن يتم اولا هو متزوج ولديه بنتان ثانيا فارق السن كبيرا ثالثا لوچين مدللت ابيها لا يمكنها الموافقه ولا يمكنها العيش هنا في بيئتهم القاسية بالنسبة لها أخيرا والأهم هو تأكده من رفض مجدي للموضوع قلبا وقالباً ففاروق يعرف نيته من ناحية زواج لوچين بأحمد قرر فاروق محادثة زين ووضع حد لهذا الهراء .
في المشفى في القاهرة
توجه مجدي ولوچين تتبعه الي حيث يجلس أحمد وعندما وصلا إليه وقف أحمد لهم احتراما وصافحهما
مجدي: الف لا بأس علي الست الوالده ربنا يشفيها ويعافيها ليك يا أحمد
أحمد بحزن: يارب يا عمي أنا مليش غيرها بعد ربنا
مجدي: أن شاءالله ربنا يشفيها لك أنت طيب وربنا مش هيحرمك منها
أحمد: أن شاءالله أن شاءالله
لوچين بخجل ممزوج بحزن: الف سلامه علي طنط ربنا يشفيها لك ويخليهالك
أحمد : ربنا يخليكي يا أنسه لوچين ويخليلك عمي وميحرمكيش منه
لوچين: أمين أدعي ليها ربنا يشفيها ويعفيها ويصفح عنها وأنا كمان هدعي ليها وأن شاءالله تقوم بالسلامه
نظر احمد لها ورسم علي وجهه أبتسامة لم تصل حتي لعينيه فهو باله مشغول بمن في غرفة العمليات بعد فتره خرج الطبيب أسرع أحمد إليه أولا ثم مجدي ولوچين
أحمد بلهفة: ماما عامله ايه يا دكتور طمني عليها
الطبيب: أحنا زرعنا ليها الكالونه بتاعة الغسيل وأن شاءالله ندخلها غسيل بكره
مجدي: لو في علاج ليها بره أحنا مستعدين وميهمكش اي فلوس المهم هي تقوم بالسلامه
الطبيب: صدقني يا عمي حالة المريضة متسمحش لا بالسفر ولا بالعملية وأنا لسه قايل للباشمهندس كدا
أحمد: ممكن أدخل ليها أشوفها لو سمحت
الطبيب: لما تفوق من البنج الاول هدخلك تشوفها
مجدي:شكرا لتعبك يا دكتور وياريت لو جد حاجه في موضوع والدة الباشمهندس تعرفني بسرعه
الطبيب: حاضر أن شاءالله لو جد حاجه هعرف حضرتك علي طول
أنصرف الطبيب ورجعوا لجلستهم ثانيا أمام غرفة العمليات حتي اخرج التمريض حبيبة وهي مخدره علي الترولي أمسك أحمد احدي يديها ومشي معها الي غرفتها وورائه جاءت لوچين ومجدي بدأت حبيبة تفيق من تخديرها بقيت هكذا فتره ما بين الوعي واللاوعي حتي فاقت تماما وجدت أحمد واشخاص لا تعرفهم شخصيا لاحظ أحمد حيرتها لعدم معرفتها بمجدي ولوچين
أحمد: ماما ده عمي مجدي الأسيوطي ودي الانسه لوچين بنته
أبتسمت حبيبة بوهن وهي ترحب بهم
حبيبة: أهلا وسهلا بيكم أزيك يا مجدي بيه
مجدي بأبتسامة: أزيك أنتي يا أم أحمد والف سلامه عليكي وربنا يشفيكي يارب
حبيبة: ربنا يخليك يا مجدي بيه جميلك مع أحمد وأحتوائك ليه ووقوفك جنبه علي راسي من فوق أنت بالنسباله أب واب غالي وعظيم
مجدي: أحمد بالنسبالي أبني فعلا وكون أني وقفت جنبه فا الفضل في ده يرجعلك لأنك ربيتي راجل امين محترم يعتمد عليه فعلا ونعم التربيه أنتي نجحتي لوحدك في اللي فشل فيه ابهات وأمهات مع ولادهم خلتيه راجل بجد ودي حاجه بقت نادرة
حبيبة: ربنا يكرم أصلك ويخليك وشهادتك في حق أحمد دي وسام شرف بالنسبالي
نظرت حبيبة للوچين فا أبتسمت فهي حقا جميله عذرت أحمد لوقوعه في حبها
حبيبة: أزيك يا چين تعالي عاوزه أبـ،ـوسك
أقتربت چين بابتسامة هادئه وأنحنت تقـ،ـبل چبين حبيبة ثم أمسكت يدها تقبلها رفعت حبيبة يدها تربت علي شعر لوچين ثم قربتها لها تقـ،ـبل خدها
حبيبة: بسم الله ماشاء الله تبارك الله يحقله أحمد ميبطلش كلام عليكي
أحمد بحرج: ماما ارتاحي يا حبيبتي دلوقتي
حبيبة بابتسامة: ماشي يا احمد ممكن تاخد چين وتسبني مع مجدي بيه شويه
أحمد بحرج: خير يا ماما لو عاوزه حاجه انا هعملهالك
مجدي: سبني مع والدتك يا أحمد أنا كمان عوزها في موضوع مهم
أستغرب أحمد كثيرا لكنه في النهاية رضخ لطلبهما وأخذ لوچين وغادرا الغرفة
في ساحل سليم
يجلس زين علي جرف القناه الصغيرة التي تروي أرضه بالماء يمسك عودا من الحطب يخط به علي الارض وهو شارداً عمنا حوله جاء والده من خلفه وهو يهز رأسه علي حال والده الذي ضل طريقه وأصبح من كمن يسلك طريق الخطأ برضاه ولا يريد الرجوع منه
جلس فاروق خلفه علي أريكه خشبية بجانب الجرف
فاروق: وبعدهالك يا واد فاروق وأخرى سكاتك ده ايه مالك ايه اللي جرالك يا زينة الشباب
زين ناظرا الي والده: ايه يا بوي خبر أيه أني عملت أيه
فاروق: متعرفشي عملت ايه هملت أرضك ومرتك وعيالك وبقيت ماشي شارد علي طول ايه في أيه حصولك أيه
زين ناهضامن مكانه: مفيش يا بوي وأرضي أني مراعيها مهملتهاش ومرتي وعيالي اني واخد بالي منيهم ولا نسمة اشتكتلك أياك
فاروق ظفرا بغضب:مشتكتليش حالك باين من غير ما حدا يقول أنت مواعيش لحالك كل ده بسبب عيله صغيرة تشقلب حالك أكده دا أنت من كبارات البلد عيب علي حالك لمن تبقي كبير أكده وتمشي هيمان علي نفسك الناس الغريبه تقول أيه أتچن ولا أنچذب
زين خافضا وجهه أرضا: وهو مش من حق الكبير أنه يحب مش من حقه يعشق ولاهو حچر ما بيحسش أياك
فاروق: مش ده لمن يكون حب حقيقي مش اوهام
زين:أوهام كل اللي أني فيه ده وتقول أوهام
فاروق: ايوه أوهام الحب الحقيقي بيقوي مبيضعفش الحب الحقيقي حافز للنجاح مش سبب للضياع والدمار اللي انت فيه ده مش أكتر من حب شهوه وصدقني ده أكتر حاجه ممكن تدمر أعتي الرچال قوة يا ولدي لأن ساعتها بتبقي عبد لشهوتك وتنساق وري واحده تركبك ودلدل رچاليها تبقي هي الراچل وأنت الست وأني مربتكش ضعيف ربيتك قوي قلبك في يدك فوق قبل فوات الاوان وتلاقي كل حاچه ضاعت من يدك مرتك وعيالك وصدقني دول أغلي ما تملك هما سندك الحقيقي وعزوتك ومالك
زين بألم: مقدرش يا بوي مبتروحش من قدام عينيا في بالي وخيالي معرفشي أتخلص منيها مش عارف اعمل ايه
فاروق: أني هحكيلك علي تچربه مريت بيها زمان لو أنسقت وراها كنت ضيعتك أنت وخوك وأمك من يدي وعشت أتحسر عمري كلياته عليكم بس الحمدلله أمك كانت سبب في رجوع عقلي ليا تاني
زين ناظرا لوالده:كيف ده يا بوي
فاروق: هحكيلك من لاول من قبل ما أتچوز أمك عشان تبقي الحكايه واضحه قدامك
زمان كنت راكب الفرسه بتاعتي وبرمح بيها في الارض بتاعتنا وأني كنت شباب عفي وقوي كيفك أكده كان أبوي الله يرحمه بفتخر بيا قدام العشاير كلياتها من قوتي كنت بزرع ارض أبوي دي وحدي ومشيلتش بوي هم حاچه واصل كنت دراعه اليمين في كل شي
زين : وعمي مچدي كان زيك يا بوي
فاروق: عمك مچدي يمكن كان أحلي مني في الشكل بس القوة كنت أني الاقوى عمك مچدي مشي في طريق العلم وبعد ما خلص الهندسة كمل لغاية ما بقي ضكتور في الچامعه قد الدنيا وكان چدك بيفتخر فيه بردك أني بقيت من كبارات البلد مع بوي وأني يدوب كنت لسه مكمل عشرين كنت أني وعمك فخر لأي عيلة وأي أب والحمدلله
زين: ولساتكم فخر لأي عيلة يا بوي
فاروق: وعشان أكده بحكيلك عشان عاوزك تبقي أنت وأخوك زيي انا وعمكم أني أصريت عليكم تكملوا علام لغاية ما خدتوا الكليه أنت وخوك وبعد أكده سبتكم تراعوا مالكم وحالكم بس وأنتم متعلمين عشان العلامة بيفتح الدماغ مش بيقفلها زي ما دماغك مقفله دلوقتي
زين: أباي يا بوي وأني دماغي قفلت في أيه عاد
فاروق: أسمع مني ومتقطعنيش ماشي
زين : ماشي يا بوي كمل
فاروق: في يوم وأني راكب الفرصه لمحت بنت چميلة قوي قوي تقول للقمر قوم وأني اقعد مكانك وهي راچعه من مدرستها لابسه عبايا طويله وواسعه ومتحچبه بس كانت قمر والغفير بتاع العمدة ماشي وراها يحرصها أني وقفت قصادها ومقدرتش أشيل عيني من عليها لغاية لما أختفت من قدامي حسيت كأنها خطفت قلبي معاها المهم سألت عليها ولاقتها تبقي بت العمدة چريت علي بوي وقولتله عاوز أتچوز يا بوي وقولتله العروسة تبقي مين وفرح قوي لما عرف مين العروسة عشان ابوها العمدة كان أعز صاحب لچدك وفي خلال شهرين كنت متچوز القمر اللي خطفت قلبي أمك علية
زين: طيب ما هو أنت أهوة خدت اللي حبيتها عشان أكده مش حاسس بيا يا بوي
فاروق وهو يهز رأسه: دايما متسرع أكده اصبر لمن أكملك بقيت الحكاية
زين : كمل كمل يا بوي
فاروق: الحمدلله معدتش أول سنه الا وكنت أنت مشرف چدك فرح فيك قوي وأني وأمك كمان فرحنا خصوصا لما أمك حبتني قوي بعد ما تچوزنا وبقيت كل دنيتها وسميتك زين الدين علي أسم چدك وبعد تلات سنين أيجي خوك عمار بقت فرحتنا فرحتين وعدت الايام وبعد يا جي ست سنين كنت في يوم في ارضنا بشوف الأوجريه اللي بيزرعوا في الارض مريت عليهم وشوفت شغلهم وأني بمر لمحت واحده بينتهم بس كانت فتنة في حد ذاتها جمال أيه وچسم أيه حاچه كدا تخليك تطلع من شعورك تخلي القديس يخطئ زي ما بيقولوا وهي لمحت أعجابي بيها فزادت في الغنچ والدلع خليتني خلاص مش شايف غيرها وعملت زي ما أنت بتعمل أكده وقررت أني أتچوازها علي أمك أبوي في الوقت ده مسكتش وكان قاعد يحارب فيني عشان أرجع عن اللي في ادماغي لأنه هو وأمي حبوا أمك يمكن أكتر مني أني عشانها طيبه وحنينه بس أني عندت لدرجة أني سبت البيت وروحا قعدت في المضيفة بس لقيت أمك في يوم چايه ليا وچيبالي الوكل أستغربت منها ساعتها وحده غيرها تكون عاوزة تقـ،ـتلني مش توكلني لدرجة أني شكيت تكون حطه سم في الوكل بس لقيتها قعدت وبتوكلني بيدها وتاكل قبل مني وتقولي طول ما أنته من غير وكل وأني كمان جعانه محطيتش في بقي لقمه قاطع بصراحه أني أتكسفت من نفسي قوي وحسيت روحي صغير
زين ظافرا: أمي دي مفيش حد زييها
فاروق : عندك حق المهم بعد ما كالنا لقتها چت قعدت معايا ومسكت يدي وقالتلي
رجع فاروق بذاكرته الي ثلاثين عام مضت
فلاش باك
علية وهي تمسك يد فاروق: أني عارفه أنك عاوز تتچوز سميه أني مش هقولك لأ عارف ليه عشان مش عاوزة أفرض عليك رأيي وترچع تلومني تاني وأني بحبك وعاوز راحتك ولو أنت شايف راحتك أمعها روح وأتچوزها لو شايف أنها هتسعدك السعاده اللي مقدرتش أحققهالك روح بس عوزاك توعدني بحاچه الأول قبل ما تتچوز
فاروق ناظرا لعيون علية: وعد أيه ده
علية وعيونها تلمع بالدموع: تطلقني قبل ما تتچوزها لأني مش هستحمل أشوفك وأنت أمعاها مش هقدر أعرف أنك بتقول ليها كلام الحب اللي سمعتهولي قبل منيها مش هقدر أعرف أنك هتكون معها في فرشه واحده زي ما كنت معايا ثم بكت طلقني لأني مش هستحمل واحده تشاركني فيك أني عارفه أني أنانيه بس غصب عني لأني بحبك قوي أكثر من حالي وأطمن أني مش هتچوز حد غيرك وهقعد اربي عيالي ده كفايا عليا
فاروق محتضنا علية بقوة: بس أني بحبك ومقدرش أطلقك مقدرش أعيش من غيرك يوم واحد
علية وهي تبتعد عنه وتمسح دموعها: عمرك ما حبتني ولو حبتني صح كيف ما بتقول كنت أكتفيت بيا عن حريم الدنيا كلها
فاروق: لاه أني حبيتك ومقدرش علي بعادك
علية بقوة: هتقدر علي بعادها هي ولا بعادي أني أختار يا فاروق ويوم ما تختارني أنت عارف مكاني ولو أختارتها ورقتي توصلني قبل چوازك منيها بس عوزاك تعرف يوم ما هطلقني لو وقفت تچيب النچوم بيدك عشان أرچعلك مش هرچع تاني ليك واصل وده أخر كلام عندي
عودة الوقت الحالي
زين: به به به أمي دي كانت قوية أكده ليه وچابت القوه دي منين
فاروق بأبتسامة: أني اللي أدتها القوة دي من حبي ليها خليتها تدافع عني بكل قوتها
زين: وياتري أخترت مين يا بوي
فاروق ضاحكا: أنت غبي قوي معرفشي أخترت مين
زين ضاحكا: عارف بس عاوزك أنت تقولها
فاروق بحالميه: أخترت حب حياتي الحقيقي أختارت الدفه والحنان أخترت ولادي وحياتي ودنيتي أخترت أمك وأختارتكم
زين : وندمت علي أختيارك
فاروق: عمري ما ندمت بالعكس أني في كل وقت وكل أدان بسجد وقول الحمدلله أني مضيعتكمش من يدي
زين: أيوة بس لا نسمة زي أمي ولا چين زي سمية
فاروق: يمكن نسمة متحركتش بس صدقني يوم ما تحس أنك ممكن تكون لوحده تانيه غيرها هتعمل أكتر ما امك عملت لأنها بتحبك قوي فوق ما تتصور مرتك يا ولدي خست النص ووشها بقي كيف اللقمه من يوم ما عينك شافت غيرها وبعدين چين متنفعكش دي دلوعة ابوها متستحملكش أنت شديد عليها هي عاوزة واحد أبن بندر زييها ارچع لعقلك يا حبيبي وراعي مرتك اللي دبلة وراعي بناتك ومش هتندم أسمع كلام مچرب وبعدين واحده ولا أتنين مفيش فرق كتير صدقني المهم تكون بتحبك وتحبها وبعدين أنت وأخد نسمة عيله وكنت هتمـ،ـوت عليها فاكر ولا لأ نسمة هي الحب الحقيقي كيف ما أمك كانت ليا فوق قبل فوات الاوان
زين بابتسامة: حاضر يا بوي أوعدك أني ارچع لعقلك تاني وأفوق لعيلتي والحالي
فاروق بفخر: هو ده ولدي اللي ربيته وأعرفه ربنا يهديك ويصلح حالك يا ولدي.
.
.
.
الجزء الثالث عشر
في القاهرة وبالتحديد في المشفي
خرج أحمد ولوچين الي الرواق أمام الغرفة أستغرب أحمد كثيرا فا ما الذي تريده والدته من مجدي وكذلك مجدي ماذا يريد من والدته بدي عليه القلق الشديد وتخوف من أن تكون والدته سوف تتحدث مع مجدي بشأن لوچين فهو غير مستعد لذلك حاليا لاحظت لوچين توتر أحمد فحاولت تهدأته
لوچين: متقلقش يا باشمهندس أن شاء الله بابي هيشوف طنط عاوزة ايه وهيعملهولها
أحمد نظرا اليها بحب متناسيا أمر والدته ومجدي هائما في صاحبة العيون البنية مثل نقطة قهوة وقعت في كوبا من الكريمة البيضاء لم يسمع أحمد كلمة مما قالت وهو شاردا في صفحة وجهها البيضاء تمني لحظتها لو فقط يحتضنها ويضمها إليه لكي تسمع ضـ،ـربات قلبه المجنون بحبها فاق من شروده علي لوچين وهي تنادي عليه بصوت مرتفع قليلا
لوچين: باشمهندس أحمد
أحمد: أسف سرحت وأنتي بتكلميني
لوچين: أنت الظاهر عليك متعلق بمامتك جدا
أحمد ظافرا بقوة: جدا أنا معرفش غيرها في حياتي والدي مات وأنا عندي سنتين وهي اللي ربتني ورفضت أنها تتجوز تاني وعاشت حياتها ليا أنا وبس عوضتني عن كل حاجه فقدتها في حياتي حب اهتمام رعايه عمري ما حسيت أني يتيم كان حبها مكفيني وفايض كمان ربنا ما يحرمني منها
لوچين بأبتسامة: ربنا يشفيها لك و يخليهالك انا كمان بابي عوضني جدا حب ورعايه واهتمام بعد مـ،ـوت مامي واخواتي خصوصا ليان لأننا توأم متشابه حسيت أني روحي ماتت معاهم وجالي أنهيار عصبي وبرغم أن بابي كمان أنهار عصبيا بس تمالك نفسه عشاني وجابلي أفضل دكاتره في مصر لغاية لما قدرت أتخطي صدمة مـ،ـوتهم
أنفرجت عين لوچين عن دموع حبيسه أشفق عليها أحمد فمد يده يمسح تلك الدموع التي نزلت من عين محبوبته
أحمد: متعيطيش دموعك دي غاليه جدا عاليه لوچين بخجل: ميريسي يا باشمهندس
أحمد مازحا: تفتكري باباكي ومامتي بيتفقوا علي أيه مممممم يمكن بيتفقوا وبيخططوا يهربوا سوي بعد ما رفضنا ارتباطهم في السن ده
لوچين وهي تمسح دموعها: هههههههه أنت دمك خفيف قوي بس تفتكر انهم يعملوا ده من ورانا وخصوصا أنهم في سن حرج
أحمد: ههههههههه مين عارف
لوچين: هههههههه ربنا يستر
خرج مجدي من الغرفة وجدهم يضحكون فرح جدا من قربهم سويا
مجدي بأبتسامة: بتضحكوا علي أيه ضحكوني معاكم
نظر أحمد ولوچين لبعضهما ثم أنفجـ،ـرا في الضحك مجددا
أحمد متماسكا: دا أنا قولت للوچين نكته بس طلعت حلوه ضحكتنا
مجدي: طب قولها ليا ضحكوني معاكم
لوچين وهي تضحك: بلاش يا بابي اصل ممكن تضـ،ـربني أنا وأحمد
مجدي: ممممم الظاهر أن أنتم كنتم بتنموا عليا صح
أحمد: صدقني بكل خير جبنا سيرتك بكل خير
مجدي: ماشي وأنا مسامح ومش عاوز أعرف
أحمد: أحم هي ماما كانت عاوزة حضرتك في أيه
مجدي: كانت بتوصيني عليك في مانع
أحمد: لأ طبعا دا شئ يسعدني
مجدي: الممرضة دلوقتي أدت والدتك حقنة عشان تنام وقعدتك هنا ملهاش لازمه تعالي روح معانا وهنيجي ليها الصبح كلنا
أحمد: لأ طبعا أنا هنام معها هنا مش هسبها غير لما ترجع معايا البيت تاني
مجدي: بس كدا هتتعب قوي وهي في حالتها دي عوزاك في أشد قوتك
أحمد: متخفش عليا يا فندم أنا واخد علي كدا من زمان راحتي في وجودي جنبها
مجدي : طيب أنا هستأذن أنا ولوچين وبأذن هجيلك الصبح
أحمد: أتفضل حضرتك يا عمي وانا متشكر جدا أنك تعبت نفسك وجيت وخصوصا انك جاي من سفر طويل
مجدي: متقولش كدا يا أحمد أنت ابني والست والدتك أخت ليا ربنا يشفيها ويعافيها
أحمد: ربنا يخليك يا عمي
غادر مجدي ولوچين ودخل أحمد الي والدته وجدها تغط في ثباتا عميق دخل الي حمام الغرفة وابدا ملابسه بأخري مريحه وتمدد علي الفراش المجاور لها كما اعتاد منذو مرضها أغمض عينيه وراح في ثبات عميق من إرهاق العمل طوال اليوم
في ساحل سليم
دخل زين غرفته وجد نسمة تجلس علي فراشها تبكي وما أنت رأت زين حتي مسحت وجهها من أثر البكاء وتمددت علي فراشها معطيه له ظهرها أشفق عليها كثيرا خلع جلبابه ثم تمدد بجوارها و احتضانها من ظهرها دافنا وجهه في عنقها
زين: وحشتني قوي يا حبيبتي ومشتاق ليكي قوي قوي
نسمة ببكاء:ومين منعك من القرب ما هو أنت اللي باعد نفسك
زين: متزعليش مني يا روح قلبي كانت غمه وأنزاحت متزعليش مني
نسمة: طيب خلاص سبني انام عشان تعبانه
زين بحده: نعم ياختي ايه تعبانه دي واني اللي چاي بدري وعمال أستعدلك هكلك من أي ناحيه لاول يا بطة تقومي تقوليلي تعبانه دا أني عليا وعلي أعدائي الليـ،ـلة
نسمة بعتب: اه ترميني وقت منتا عاوز وتاخدني وقت منتا عاوز أكني حاچه ملهاش قيمه بس لاه يا زين أني بقي معوزاكشي هه
زين وهو يديرها له ثم يلتهم شفتيها بحب كبير قاومت نسمة بداية الأمر لكن سرعان ما أستسلمت له تحت لمسات أصابعه السحريه علي جسـ،ـدها ولمـ،ـسات شفايفه علي وجهها وعنقها قضت نسمة بين ذراعي زوجها لـ،ـيله رائعة الجمال والرومانسيه أعتذر زين لها بالكلمات والافعال جعلها تنسي تجاهله لها
في الصباح ذهب مجدي ومعه لوچين الي المشفي للأطمئنان علي حبيبة قبل ذهابه إلى الشركة وجد أحمد يجلس بأنتظار خروج والدته من وحدة غسيل الكلى وهو حزين علي ما وصلت اليه بكي حزنا عليها وعلي صبرها فكم تحملت وصمتت حتي لا يتألم من اجلها والمرض يألم جسدها بدون رحمه
مجدي متنحنحا: أحم صباح الخير يا أحمد
أحمد منتبها له ثم وقف: صباح الخير يا عمي حضرتك تعبت روحك ليه كان كفايه تسأل بالتليفون
مجدي: تعبك راحه يا أحمد وبعدين لو أنا اللي تعبان كنت سألت عليا بالتليفون بس ينفع
أحمد: لأ طبعا يا عمي بس انا بقول كدا عشان حضرتك صحيا مش قادر للمرواح والمجي كل شويه
مجدي: متخفش عليا أنا الحمدلله بقيت أحسن وبعدين تعبك راحه علي قلبي يا سيدي دا أنا لما بتعب أنت بتشلني شيل
أحمد: ده فرض عليا أعمل أكتر من كدا لحضرتك دا أنا حاسس أني مقصر مع حضرتك جدا
مجدي مربتا علي كتف أحمد:متقولش كدا أنت كلك واجب قولي بقي أخبار الحاجة أيه
أحمد: معرفشي لسه جم خدوها من شويه لوحدة الغسيل وممنوع حد يروح هناك غير العاملين فيها بس
لوچين: أن شاءالله هتبقي بخير وتطلع بالسلامه أن شاء الله
أحمد: يارب يا أنسة لوچين يارب
طيب يا أحمد أنا هسيب لوچين معاك عشان لو والدتك احتاجت حاجه وهروح الشركة عشان أجتماعنا مع شركة الأسمنت وأول ما أخلص هرجع ليكم تاني
أحمد : مفيش داعي حضرتك تتعب نفسك تاني ممكن تبقي تبعت السواق ياخد أنسة لوچين وخلاص
مجدي: أحمد ممكن متتكلمش كتير أنا جاي عشان أطمن علي صحة الست والدتك ماشي
أحمد: زي ما تحب يا عمي
غادر مجدي الي شركته جلس أحمد بجوار لوچين علي المقعد
أحمد : تعبتك معايا يا أنسة لوچين
لوچين بأبتسامة: تعبك راحه يا أحمد أسمحلي أنا أقولك أحمد وأنت تقولي چين من غير باشمهندس وأنسة أصل بصراحه الرسميات دي بتخنقني
أحمد مبتسما: ماشي يا چين أنا كمان مبحبش الرسميات خلينا كدا بطبيعتنا أحسن
لوچين: ممكن أطلب منك طلب
أحمد بأهتمام: طبعا أتفضلي أطلبي اللي أنتي عوزاه
لوچين مخرجه ورقة المونيوم ملفوفه من حقيبتها: أنا عارفه أنك مكلتش حاجه من أمبارح فعشان كدا عملتلك سندوتشات بليز متكسفنيش وتاكلهم
أحمد محتضنا وجهه بكفيه: مش قادر أكل حاجه لما بتوتر شهيتي بتتقفل مش قادر غصب عني
لوچين وهي تضيق عينيها: ولو قولتلك عشان خاطري بليز متكسفنيش طنط لسه قدامها أكتر من ٣ ساعات لغاية ما تخرج وبعدين انا مفطرتش وجبت سندوتشات عشان نأكل سوي ولو مكلتش مش هاكل أهون عليك تسبني جعانه
أحمد بيأس: حاضر هاكل عشانك أنتي بس
تناول أحمد سندوتشاً وأعطي لوچين أخر ثم بدأو في تناول الطعام
ذهب مجدي الي الشركة ودخل مكتبه استغربت هبه لمجئ مجدي وحده دون أحمد
هبة: حمدالله على السلامه يا مجدي بيه
مجدي: الله يسلمك يا هبة
هبة باشمهندس أحمد مجاش النهارده ليه يا فندم
مجدي مستغربا: ليه في حاجه مهمه تستدعي حضوره
هبة بحرج: لأ يا فندم البركه في حضرتك
مجدي بجديه: جهزتي للأجتماع بتاع شركة الأسمنت
هبة: أيوة يا فندم كله جاهز في أنتظار وصول مندوبين الشركة
مجدي: طيب هاتي البوسطه وأي ورق عايز مراجعه
هبة: تمام يا فندم بعد أذن حضرتك
مجدي: أتفضلي
في ساحل سليم
رجع زين يمارس حياته بشكل طبيعي مثل الاول وأفضل وبدأ في الأهتمام بأرضه الذي أهملها ومزارعهم يوجد تطعيمات للأبقار والجاموس ضد مرض حمي الوادي المتصدع فهي منتشرة بكثرة و تصيب كثيرا من الابقار والجاموس والعجول ولابد من تطعيمهم لأن أصابتهم تعني هلاكهم جاء الطبيب البيطري من أجل تطعيمهم واعلنت حالة الطوارئ في المزرعه أرتدي زين أفرول من الچينز هو وعمار مخصص لأيام العمل بالمزرعة وبدأوا بسحب الأبقار زين وعمار والعاملين بالمزرعة من أجل حقنها قضوا فتره كبيره حتي ارهقوا كثيرا وبعد الانتهاء رجعا زين وعمار منهكين القوي أستقبلهم فاروق وسعدا كثيرا عندما وجدا زين رجعا من جديد كما كان ذلك القوي الذي لا يشغل باله سوي عمله ومراعاة أهل بيته فعندما رأي نسمة صباحا ووجهها يشع سعادة وأشراقا علم علي الفور أن زين رجعا ارجع لها حبيبها الذي أفتقدته فحمدا ربه سرا
في الشركة
عقد مجدي الاجتماع مع مندوبي شركة الأسمنت بحضور المستشار القانوني للشركة وأتفق علي توريد شركة الاسمنت لهم واتفق علي السعر الخاص المميز التي منحته لهم شركة الأسمنت ومضوا العقود بعد أن اتفقوا علي جميع بنود العقد انتهي الاجتماع وأنصرف مندوبين الشركة وأخذ المستشار القانوني العقود من أجل توثيقها دخل مجدي حجرة مكتبه وجلس يستريح علي مقعده دخلت عليه هبة تخبرة أن مدير شئون العاملين يريد مقابلته
هبة: الأستاذ أشرف مدير شئون العاملين طالب يقابلك يا فندم
مجدي وهو يرخي ربطة عنقه قليلا: خليه يدخل واعمليلي ينسون دافي أو نعناع
هبة : حاضر يا فندم
غادرت هبةودعت أشرف للدخول
أشرف: السلام عليكم ورحمه الله وبركاته يا مجدي بيه
مجدي: وعليكم السلام ورحمه الله وبركاته أتفضل يا أستاذ أشرف
أشرف: شكرا يا مجدي بيه
مجدي: خير يا أستاذ أشرف في حاجه
أشرف: أنا كنت قدمت طلب بتاع مطالب الموظفين للأستاذ أحمد عشان يعتمده ووديه الشئون الماليه بس هو قالي سيبه وأنا هشوف الطلبات بنفسي ولسه لغاية دلوقتى مردش عليا
مجدي: مقدمه من أمتي
أشرف: من عشرين يوم تقريبا
مجدي بأنزعاح: عشرين يوم ده من زمان قوي طب أفرض حد محتاج أنتم أتأخرتم قوي عليهم
مجدي وهو يمسك بهاتفه: الوه السلام عليكم ورحمه الله وبركاته
أحمد: وعليكم السلام ورحمه الله وبركاته
مجدي: أيوه يا أحمد عملت ايه في كشف طلبات الموظفين اللي الاستاذ أشرف كان مقدمهولك من عشرين يوم تقريبا
أحمد: أنا صرفت طلبات الموظفين بنفسي يا فندم بعدها بيومين لما تحققت من صدق الطلبات بنفسي
مجدي ظافرا براحه: طيب الحمدلله ريحتني يا أحمد ربنا يكرمك يا بني
أحمد: ربنا يخليك يا عمي
مجدي: أخبار والدتك ايه
أحمد: طلعوها من ربع ساعة لأنها تعبت وهي علي الجهاز دخلوها العنايه المركزه
مجدي بقلق: خير أن شاءالله متقلقش يا احمد أن شاءالله هتبقي كويسه وحلوة كمان
أحمد: يارب يا عمي يارب يشفيها
أنهي مجدي الاتصال مع أحمد ثم توجه بالحديث الي أشرف
مجدي:خلاص يا أستاذ أشرف باشمهندس أحمد صرف الطلبات كلها بعد ما أديته الكشف بيومين
أشرف بغيظ حاول أن يداريه: طيب الحمدلله أنا كنت قلقان بس كان المفروض عرفني
مجدي: يمكن نسي متزعلش وطالما الطلبات انصرفت ده اهم حاجه
أشرف بكره نجح في أخفائه: صح عندك حق يا مجدي بيه حضرتك تأمرني بحاجه يا فندم
مجدي وهو يرتدي نظارته الطبيه: لأ شكرا يا أستاذ أشرف تقدر تروح على مكتبك
انصرف أشرف وبقي مجدي لفترة بسيطه راجع فيها علي الاوراق اللازمة ثم أنصرف مغادر الي المشفي مرة أخرى
بقي أحمد ولوچين في أستقبال العناية المركزة للأطمئنان علي والدته حتي وجدا الممرضة التي تتابع حالة والدته تهرول بأتجاه غرفة الطبيب دب القلق في قلب أحمد جاء الطبيب مسرعا حاول احمد التحدث معه لكن الطبيب نحاه جانبا ودخل الي الغرفة بقي أحمد متوترا لا يعرف ما الذي يدور بالداخل حاولت لوچين تهدأته لكنه لم يهدأ خرج الطبيب بعد فترة قصيرة ويبدو علي ملامحه الأسف أسرع أحمد إليه يسأله علي والدته
أحمد بقلق: خير يا دكتور طمني ماما مالها
الطبيب وهو ينظر أرضا: البقاء لله يا باشمهندس
أحمد جاحظا عينيه: أنت بتقول ايه أنت كداب ماما ممتتش
لوچين وهي تتعلق بذراعه أحمد حتي يترك الطبيب: أهدي يا أحمد أهدي الدكتور ملوش ذنب
أحمد ببكاء: ماما ماتت يا لوچين ماتت
لوچين ببكاء: البقاء لله يا أحمد وربنا يصبرك علي فراقها أدعي ليها بالرحمة.
.
الحلقة 14
.
الجزء الرابع عشر
وصل مجدي للمشفي وأتصل باأحمد علي هاتفه وجد لوچين هي من قامت بالرد عليه
مجدي: السلام عليكم أنت فين يا أحمد
لوچين ببكاء: وعليكم السلام يا بابي
مجدي بريبه: مالك يا چين وفين أحمد مبيردش علي تليفونه ليه
چين : طنط حبيبة تعيش أنت دلوقتي واحنا في العناية المركزة فوق في الخامس وأحمد منهار جدا
مجدي: لا حول ولا قوة إلا بالله أن لله وأن إليه راجعون أنا طالع ليكم دلوقتي
صعد مجدي بالمصعد الي العناية المركزة ودخل وجد الطبيب والتمريض يسحبون جـ،ـثمان حبيبة لأنزالها للثلاجة لحين الانتهاء من استخراج التصريح بالدفـ،ـن دمعت عيني مجدي أتجه مجدي الي أحمد وأحـ،ـتضنه دفـ،ـن احمد وجهه في كتف مجدي يداري ضعفه وحزنه وهو يبكي أمه بشده ربت مجدي علي كتفه بحنو أبوي يبث فيه القوة للتجلد علي ألم فقدان والدته وما أصعبه من ألم
مجدي : شد حيلك يا أحمد والدتك أرتاحت من ألم المرض اللي كان بينهش فيها هيا مكنتش بتظهر قدامك ربع احساسها بالألم عشان متزودش خوفك وألمك عليها صدقني لما قعدت مع والدتك ليقتها مؤمنه جدا وراضيه بقضاء ربنا يمكن هي كانت حاسه أنها هتمـ،ـوت عشان كدا وصتني عليك وقالت لي أقولك متزعلش عليها هي أرتاحت جدا وراحت لمكان احسن من هنا وبعدين والدك وحشها ونفسها تروحله بس عوزاك تبقي قوي عشان تبقي هي مرتاحه في قبرها
أحمد متمالك نفسه: الله يرحمها فراقها صعب عليا قوي مكنش ليا غيرها محدش سأل علينا من أهل والدي ولا حتي من أهل ماما عشنا عمرنا كله يدوب كنا بنشوفهم في العيد بس
مجدي مصبرا لأحمد: معظم الناس كدا محدش بقي يسأل علي حد وبعدين انا جنبك ومعاك صدقني انا محتاجك جنبي يا احمد مش انت اللي محتاجني أهوه نكمل بعض روق كدا وادعلها بالرحمه
أحمد وهو يمسح عينيه: الله يرحمها
مجدي: تعالي معايا يلا عشان نخلص الإجراءات أكرام المـ،ـيت دفـ،ـنه
مجدي موجها كلامه للوچين التي كانت تقف بعيد بعض الشئ وهي تبكي
مجدي: لوچين حبيبتي تعالي معانا خلينا ننهي الإجراءات ونروح عندنا
في النادي
اجتمع شهاب وإبراهيم وكارلا وريما معا في النادي
شهاب وهو ينفخ: اف مش معقول كل ده
كارلا بأستغراب: في ايه مالك يا شيبو
شهاب: چين مبتردش علي تليفونها
ريما: يمكن نايمه وعملاه سايلنت أو مش جنب التليفون
شهاب: مش عارف ليه حاسس انها هي اللي مش عايزه ترد
أبراهيم: وهي هتكون مش عاوزه ترد ليه يا شهاب هو أنت زعلتها
شهاب : ولا زعلتها ولا حاجه هي اللي من يوم ما جت من الصعيد وهي متغيره
كارلا: فعلا دا أحنا بنقول ليها تعالي نروح عند واحده فينا عشان نعمل دماغ لياقتها بتقولي لأ دماغ ايه وانا بطلت وأنا توبت وعقبالكم وخلو بالكم أن الشرب ده هيدمركوا وقعدت مواعظ وحكم أكننا بنشرب خمرة وبنشم بودره حسستني أننا مدمنين
شهاب بغيظ: دا باباها المتخلف هو اللي ذرع الأفكار دي في دماغها صعيدي رجعي متخلف
أبراهيم: فكك يا عم من الهرتله دي بقولك جبت لينا المزاج اصلي منمتش من أمبارح وراسي خلاص مش قادر
ريما بغيظ: ومنمتش ليه يا هيبو
أبراهيم: كنت في سهره حمره مع مزه جامده أوي هلكتني بنت اللذيذة
ريما بغضب: تصدق أنك سـ،ـافل ورمرام وقليل الأدب
