رواية حدود القدر الجزء الاول
بقلم شيماء عبد الحميد

-يعني اي اختفي؟
-مش عارفه ،الورق كان في شنطتي والله العظيم وبعدها اختفي وانا مش هعرف اعرض المشروع من غيره
-طيب ممكن تهدي ومتعيطيش
-اهدى ازاي الشركة كدا هتتدمر
-لا اهدى وروحي اقعدي مكاني ،انا هحاول اعرض المشروع
-بس انت مشوفتش المشروع غير مره واحده
-متخافيش انا فاكر الخطوط العريضه كويس وهظبط الدنيا ،روحي اقعدي مكاني
اتحركت فعلا وقعدت علي الكرسي بتاعه ، الاستاذ علي كان بيبصلي ومتوتر ، اتكلم احمد وقطع التوتر ده
-معلش ياجماعه ،انسه ود تعبانه شوية وانا هعرض المشروع مكانها وبرضو هتستمعوا بالعرض متقلقوش ????
شاولي وابتسم
-انسه ود ، ممكن لو مش هتعبك تترجمي ورايا بالاسبان اللي هقوله للعملاء
-أوك يافندم
بدأ يعرض المشروع وأنا كنت بترجم كل حرف وراه للعملاء
بعد ساعه وربع انتهي الاجتماع والغريبة انه رغم انه شاف المشروع مرة واحده بس إلا انه عرضه افضل من اللي كنت هعرضه والعملاء وافقوا علي المشروع ومضوا الصفقة، الكل بيباركلي علي المشروع وبيشكرني ،للحظة حسيت اني مش انا اللي استحق الشكر ده ،ايوة انا اللي عملت المشروع واشتغلت عليه بس تعبي اختفي فلحظه ولو المشروع متعرضش مكنش الصفقة هتم ، حسيت اني لازم اشكره بصيت حواليا عشان اشكره بس ملقيتهوش ،حسيت انه ممكن يكون في المكتب وقررت اشكره بجد
**
كنت شايف الكل بيباركولها ويهنوها علي المشروع ،شفتها مبسوطة حسيت اني حابب اشاركها فرحتها وأباركلها وقبل ما أقرب كان سابقني ، كانوا واقفين بيضحكوا وبيهزروا سوا ، قبل ما اتعصب واعمل موقف يضايق الكل فاليوم ده قررت انسحب بهدوء واخرج ، دخلت مكتبي ،مكنتش حاسس بنفسي وانا بكسر اي حاجه بشوفها قدامي غير لما دخلت هي
-استاذ أحمد مالك؟
حاولت امسك اعصابي قدامها
-هاااا مفيش
-اي اللي كسر اللاب كدا؟
-وقع من ايدي
-اممممم ، انا كنت حابه اشكر حضرتك
-علي اي؟
-انت انقذتني انهاردة ، لو المشروع متعرضش كانت الشركة هتنتهي وانا هتهان قدام الكل
-أيوه بس انا معملتش كدا عشان انقذ حضرتك من الاهانه ،انا عملت كدا عشان أنقذ شركتي اللي حضرتك كنت هتضيعيها فلحظه بسبب اهمالك
_اهمالي؟
_ايوه اهمالك ،تقدري تقوليلي ازاي تنسي ملف مهم زي كدا؟
-انا منسيتهوش يافندم ،والله العظيم كان في شنطتي الصبح ،معرفش ازاي اختفي؟
-يعني اي الملف اتسرق؟
-تقريبا ده اللي حصل
-معني كدا ان فيه حد بيحاول يدمر الشركة واكيد هيحاول يعملكدا فالمشاريع اللي جايه كمان ، حاولي تفتكري كويس انتي سبتي شنطتك امتي وفين؟
-أنا سبتها في مكتبي الصبح بس وخرجت
-معني كدا انه حد من الشركة ، حاولي تفتكري اي حاجه طيب ، حد كلمك او دخل المكتب وشوفتيه مثلا او اي حاجه توصلنا ليه.
-حاضر هحاول
الحلقة 5
.
حدود_القدر
الفصل_الخامس
-معني كدا انه حد من الشركة ، حاولي تفتكري اي حاجه طيب ، حد كلمك او دخل المكتب وشوفتيه مثلا او اي حاجه توصلنا ليه.
-حاضر هحاول.
افتكرت معاد الغدا وان حور مستنياني فستأذنت منه ومشيت
**
-معقولة اللي بتحكيه ده ياود؟
-ايوة ياحور ده اللي حصل
-طب هيكون مين اللي عمل كدا ،واي مصلحته من كل ده؟
-أكيد قصده يدمر الشركة
-أو يدمرك انتي مثلا
-تقصدي اي؟
-أقصد ان الورق كان معاكي انتي وانتي المسؤلة عن المشروع وعن العرض ،يعني انتي اللي هتبقي الواجهه قدام الكل والمسؤلة عن سرقة الورق
-معقولة؟
-مين اللي بيكرهك اووي كدا ياود وكان عايزك تتهاني بالشكل البشع ده؟
-أنا مليش اي أعداء فالشركة ياحور ،هيكون مين طيب؟
-مش محتاجه تفكير ياود ،اكيد ميار مفيش غيرها
-ميار ! بس ميار هتستفيد اي؟
-يابنتي مش عايزة ترفدك من الشركة وزعلت جدا لما رجعتي
-ايوة بس ميار خطيبة علي ،يعني كدا هتبقى بتسبب خسارة كبيرة لخطيبها واكيد بتحبه ومش بتتمناله شر يعني وانه يخسر شركته .
-يعني ميار مسرقتش الورق؟
-ميار بقالها يومين مبتجيش الشركة ،حرام نظلمها وأحمد بيأكد ان اللي سرق الورق حد من موظفين الشركة نفسها وموثوق فيه جدا .
-موثوق فيه جدا ،يبقا أكيد أحمد .
-اي الغباء اللي نزل عليكي فجأه ده ما انتي كنتي بتفكري حلو معايا
-بهزر ياستي وبعدين ما أحمد مش طايقك اصلا وعايز يخلص منك
-مش علي حساب شركته ياذكيه
-طيب علي فكرة اللي سرق الورق حد قريب منك جدا لأنه عارف كويس انك مش هتعرفي تعرضي المشروع من غير الورق وانك بتنسي بسرعه.
-أنا كدا هفقد ثقتي في كل موظفين الشركة
-لا مش كدا بس حاولي متثقيش في حد اوووي يعني
-أوك
رجعت البيت بعد يوم متعب جدا بس مقدرتش أنام ، لسه بيتردد في عقلي كل تفاصيل اليوم وكلام أحمد معرفش ليه اتعصب جامد لما روحت اشكره وقالي انه عمل كدا بس عشان ينقذ الشركه وانه مكنش مهتم بأهانتي رغم انه لما قام قدام الكل عشان بس يهديني حسيت بحاجه غريبه اوووي ،شوفت فعيونه نظرة قلق وخوف عليا وشوفت رجاء منه اني معيطش واهدا ، واكبر دليل انه بعد الاجتماع محاولش يشتمني او يهيني او حتي يرفدني لأني كنت هغرق الشركه بالعكس حسيت انه واثق اني مليش ذنب في كل اللي حصل ،صحيح ان احساسي كدب عليا كتير اوووي بس لأول مرة اتمني اني اصدق الاحساس ده ويطلع صح
-ود
قطع تفكيري صوت ماما وهي بتنادي ، يااااااه وحشني اسمي اووي منها بقالنا ايام مبنتكلمش ،يأما برجع بتكون نايمه او في أوضته ،خرجت وأنا فرحانه انها اخيرا افتكرتني وافتكرت ان فيه انسانه عايشه معاها من حقها تشوفها وتكلمها
-نعم ياماما
-أنا رايحه أزور آدم بكرة هتيجي معايا؟
ابتسامتي اختفت وقلبي رجع يوجعني ، حتي لما رجعت افتكرتني افتكرتني عشانه ، عشان بس أزوره
-لأ ياماما
-يابنتي انتي عمرك مازورتيه ابدا واكيد انتي وحشاه اوووي وعايز يشوفك
-مش هقدر ياماما ،مش هقدر
-ليه؟
-جوايا مش صافي ليه ياماما ،واكيد هيحس باللي جوايا من ناحيته فبلاش يتعذب بسببي
-انتي أنانيه اوووي ، هتفضلي عمرك كله بتكرهيه حتي بعد مامشي
-كره
دخلت أوضته وقفلت الباب
انا مش بكرهه ، والله عمري ماكرهته ،ده اخويه الوحيد ازاي اكرهه ،أنا بس كنت بكره انه ولد ،كنت بكره انه سارق حضنها مني وسارق حقي فيها ، كنت بتضايق وغصب عني بحس بالغيرة لما اشوفه طول الوقت فحضنها وغصب عني كنت بتعصب عليه ، هي كانت بتفسر غيرتي منه كره لكن والله انا كنت بحبه وبحبه اوووي كمان ، أنا مبحبش ازوره عشان زعلانه منه بس وهو هيحس بزعلي ويتضايق ، انا زعلانه عشان حتي بعد مامات سرق فرحتها وابتسامتها معاه ، من يوم ما مشي مشوفتش ابتسامتها ،اتحرمت منها ، انا زعلانه منه ولو زورته هلومه علي كل ده ، هقوله ازاي يا آدم تاخد معاك فرحة ماما ،ازاي تاخد معاك ابتسامتها ،طب حتي كنت سبتلي لمعة عيونها بنجاحي ، لكن انا مش بكرهه ، نمت وأنا بعيط علي زعلها مني.
**
كنت مبسوطة بشغلي الجديد ومرتاحه فيه جدا ، غير ان استاذ عمر بيسهل عليا حجات كتير وبيحاول يساعدني علي قد مايقدر ، شغلي كان عبارة عن فاكسات ببعتها لشركات اجنبيه وبرد عليها وده مكنش بياخد مني وقت ، اغلب الوقت كنت بقضيه مع عمر فالمول بنختار ألوان كل مكان فيه وبنحاول نساعد العمال عشان المول يجهز في وقت اسرع ، ولأول مرة أحب شغل انا بعمله
-مين حضرتك؟
لقيت قدامي شاب وسيم جدا قريب من سن عمر ، لابس بدلة شيك جدا فعرفت انه مش من طقم الفنيين اللي جايين عشان يصلحوا حجات فالمول ، وقفت
-حور
-حور ده اسمك؟
-أكيد مش وظيفتي يعني
-اهااا ،أسف
-مين حضرتك؟
قبل مايرد دخل عمر وحضنه جامد وبدأو يتكلموا
-اي يا أحمد اتأخرت كدا ليه؟
-معلش كان فيه شغل كتير فالشركة
-اوك الأنسة حور كانت عيزاك.
بصلي عمر وكلمني
-حور ده احمد صاحب المول .
وهو اللي هيختار معاكي الشركات اللي هنتعامل معاها
بص لأحمد وكلمه
-دي الانسه حور المترجمه
بصيت لأحمد بأبتسامه ورحبت بيه
-اسيبكم انا بقا واروح اكمل شغلي
خرج عمر وسابنا لوحدنا ،بدأ يختار الشركات اللي هنتعامل معاها وبدأت اشرحله العروض اللي بتقدمها كل شركه منهم لحد ما استقر علي مجموعه منهم وطلب مني اتواصل معاهم وبعدها استأذن بكل ذوق ومشي. محستش بنفسي غير وانا ماسكه فوني وبتصل بود
-ياحوووووووووور
-بتزعقي ليه
-بقالك عشر دقايق متصله وأنا مستنيه اسمعك وانتي ساكته
-لقيته ياود ،لقيته
-هو اي ده؟
-فارس احلامي
-نعم
-نفس المواصفات اللي حلمت بيها وكأنه خرج من احلامي لأرض الواقع عشان يقابلني
-انتي شاربه حاجه اصفره ،صح؟
-لأ
-تبقى حاجه اخضره ،صح
-والله ماشاربه حاجه
-اومال مالك يابنتي بتقولي كلام مش مفهوم وانا عندي شغل كتير حرام عليكي
-خلاص ياود اقفلي
-اوك اما نتقابل ابقى افهم اي موضوع الفارس والحصان بتاعك ده
-سلام
**
استاذ علي عرف بأمر سرقة الورق وأمر بفتح تحقيق مع كل موظفين الشركة عن سـ..ـرقة الورق والجو كان مكهرب جدا ، الكل بيتحقق معاه والكل بيتسأل نفس الاسئله ،كان فين اليوم ده ودخل مكتبي ولا لا واسأله كتير مكرره
-هو التحقيق ده هيخلص امتي يامدام اميرة؟
-لما نعرف مين اللي سرق الورق ياود
-انا مش فاهمه ليه كل ده؟
-انتي واخده الموضوع بلامبالاه عادي كدا
-ايوه لان خلاص المشروع اتعرض ومضينا الصفقة
-اهااا ،لا انتي طلعتي مش فاهمه حاجه
-ازاي؟
-يعني ممكن يكون اللي سرق الورق سرقه عشان يبعته لشركه منافسه لينا ولو الورق وقع في ايد اي شركة من دول هتعرض المشروع علي اي عملاء من اي دوله تانيه وكدا المشروع ممكن يتنفذ بأسم الشركة التانيه قبلنا واسم شركتنا يتضرب تماما
-يانهار ابيض ،يعني لازم نعرف مين اللي اخد الورق
-ومش بس كدا لازم الورق يرجع كمان
عدي اسبوعين واحنا علي نفس الحال والتحقيق شغال بدون فايده والجو متوتر واحساس بالذنب بيزيد
**
-بقولك انا عايز اتقدملها ياماما
-وانا بقولك مش هيحصل يامصطفى
-بس انا بحب ود
-وهي مبتحبكش
-مين قالك كدا؟
-ود مفيش في دمغاها غير شغلها وبس
-عرفتي منين بس؟
-بص يامصطفى ، انا ملاحظه انك اكتر واحد كنت بتدخل مكتب ود الفترة اللي فاتت
-تقصدي اي؟
-اقصد انك لو طلعت انت اللي اخدت الورق وجاي تفتح معايا موضوع الخطوبة ده عشان تغطي علي عملتك ،أنا مش هرحمك
-انتي بتقولي اي ياماما
-بقول ان لو اللي في دماغي طلع صح ،انا اللي هقولهم الحقيقة بنفسي
-للدرجة دي مش واثقه فيا ياماما
-للدرجة دي مش واثقه في تصرفاتك يامصطفى ، انا مكبرة دماغي عن اللي بتعمله فالشركه وطريقة هزارك الغير لائقه مع الموظفين بس مش هسمحلك بأكتر من كدا تجاوز
-ماشي ياماما.
**
طول الاسبوعين اللي فاتوا مشوفتش ود ،كنا بنتكلم قليل وبصراحه تفكيري فأحمد سرقني منها ، أحمد كان بيجي كل يوم المول كنا بنقعد نتكلم فالشغل وفجأه من غير مانحس نلاقي روحنا بنتكلم عن نفسنا وعمر معانا ،بقينا صحاب ففترة صغيرة وكنت مبسوطة جدا بده
-احم احم القمر سرحان في اي؟
-هو أحمد مش جاي انهاردة؟
-مش عارف ، بتسألي ليه؟
-فيه شغل لازم يشوفه
-ممكن انا اشوفه واساعدك ياحور
-لأ أحمد اللي لازم يشوفه
-اوك نكلمه يجي
-اوك كلمه
رن فوني وانا بكلم عمر وكانت ود
-وحشتيني
-وانتي كمان
-طب ماتيجي نتقابل
نادي عليا عمر وقالي انه احمد خلاص جاي
-امممم طب ماتيجيلي المول ياود وكمان عشان تشوفيه ،هو جاي دلوقت
-امممم اوك ،هاجي اشوف اللي سرقك مني ده واهزقه
-مستنياكي
-قولي عنوان المول
قالتلها اسم الشارع اللي فيه المول
-اما توصلي الشارع كلميني وأوصفلك المول
-أوك سلام
**
اخدت شنطتي وكنت خارجه فنادي عليا
-ود
-نعم يافندم
-انتي ماشيه
-ايوة
-طيب يلا نتكلم احنا وخارجين
مشيت جمبه وبدأ يسألني
-لسه مفتكرتيش حاجه؟
-لأ للأسف
-طيب مفيش مشكله ،أكيد هنعرفه
-أنا أسفه
-ود ،انتي اللي خبيتي الورق
وقفت مش عارفة ارد ،اتصدمت من سؤاله ،هو ازاي يفكر كدا
-ماتردي عليا ،انتي اللي خبيتي الورق
-لا والله
-يبقا خلاص مش عايز اسمع منك كلمة اسفه دي تاني فاهمه
-اوك
كان فيه ميه علي السلم وبدون ماتاخد بالها رجلها جات عليها فتزحلقت ووقعت
-اااااااه
-انتي كويسه ، حصلك حاجه ، يابنتي اتكلمي حصلك حاجه؟
-انا كويسه ،كويسه
شوفت فعيونه نظرة خوف عليا ودي أول مره احس ان حد بيخاف عليا بالشكل ده ، مستحيل احساسي يكدب عليا المره دي ، ايوه بيخاف عليا وأيوه انا جوايا مشاعر كتير ناحيته ، يمكن لسه مش عارفه افسرها بس ايوه جوايا مشاعر ناحيته وحاسه انه هو كمان نفس الشئ
-هاتي ايدك
مسك ايدي وساعدني اني اقوم وفضل ماسكها لحد ماخرجنا من الشركه
-تحبي اوصلك البيت
-لأ انا مش مروحه ،-انا رايحه لواحده صاحبتي وهاخد تاكس
-طيب ما انا ممكن اوصلك
-لأ شكرا بلاش اتعبك
-لسه رجلك بتوجعك
-انا اتسألت السؤال ده عشر مرات لحد ماخرجنا من الشركه
-اسف بس الوقعه صاعبه صح
-لا انا كويسه والله
وقفلي تاكس وفضل واقف لحد ماركبت والتاكس مشي
طول السكه بفكر ،هو ممكن يكون عنده مشاعر حقيقيه ناحيتي ،يعني اعجاب مثلا ،طيب لو معجب بيا ،ليه اغلب الوقت بيعاملني وحش وليه رفدني قبل كدا بسبب ميار ، رن الفون وكانت حور
-هااا وصلتي
-اه انا قدام الشارع ، اي اسم المول
-مول آدم
-أوك جايه
قفلت معاها وطلبت من السواق
-مول آدم لو سمحت
يانهار اسود ،ده نفس مول أحمد ، معقول يكون هو بجد
وقف التاكس قدام نفس المول فشهقت
-معقول تكون حور تقصد حد من اللي بيشتغلوا فالمول
نزلت من التاكس ودخلت المول وسألت عنها
-أنسه حور لو سمحت
-فالمكتب اللي قصادك ده يافندم
شاورلي عليه فدخلت ،اول ماشافتني قامت بسرعه وحضنتني جامد وكانت مبسوطه
-وحشتيني اووي ياود
-وانتي كمان بس ملقيتيش غير المول ده تشتغلي فيه
-ليه ماله؟
دخل شاب وسيم جدا وكان علي وشه ابتسامه هادية فبدأ يتكلم معاها ، حسيت من كلامه انه انسان كويس جدا وذوق وشكلي هبدأ أحسد حور فعلا ،دي ابتسامته بس تسـ..ـرق القلب
-ود
-هااا
-أعرفك ،ده الاستاذ عمر هو المسؤل عن ادارة المول
بصت لعمر وكملت
-الانسه ود صديقتي
رحبنا ببعض وبعدين استأذن وقبل مايخرج كلمها
-حور علي فكره احمد وصل بره
بصتلي بأبتسامه وسألتني
-شكلي حلو ياود
-قمر ياحبيبي وكمان عمر طلع حلو اوووي ويستاهل يتحب
-مش عمر يابنتي
-اومال مين؟
-تعالي هعرفك علي صاحب المول الأول
-عارفاه ياحبيبتي ، احنا علي معرفة سابقه
-يعني انتي تعرفي احمد
-ما ده نفس المول اللي اشتريت منه الفستان
-بجد????
-ايون واحمد يبقا صاحب الشركه اللي بحكيلك عنه
-اي الصدفة الغريبه دي ، بس اللي انتي بتحكيلي عنه دمه تقيل ورخم وبيكرهك لكن أحمد صاحب المول إنسان ذوق وجنتل ومبيعرفش يكره
-نعم
-اه والله
-انتي بتتكلمي عنه كدا ليه؟
-ماهو نفس الشخص اللي….
دخل أحمد فجأه وقطع كلامها
-اي ده انتي هنا ، طيب كنتي قولتي انك جايه المول طالما طريقنا واحد
ابتسمت
-مكنتش اعرف ان طريقنا واحد
-هيبقى واحد إن شاء الله
-نعم
-هااااا ،بقول انتي وحور تعرفوا بعض
اتكلمت حور بلهفه
-اكتر من اخوات يا استاذ احمد
ضحك
-الطيور علي اشكالها تقع????
-مش فاهمه
-أقصد ان حور إنسانه جميله جدا
ابتسمت حور بخجل وكملت
-وود كمان زيي
-عشان كدا قولت الطيور علي اشكالها تقع
اخدت حور ومشيت وطول الطريق بنتكلم عنه وبس انا بحكيلها عن اللي بيعمله معايا فالشركه وهي عن شغلها معاه فالمول وبعدها اتغدينا ومشينا
تاني يوم عرفت اللي اخد الورق ،مكنتش مصدقه ولا عارفة السبب اللي يخليه يعمل كدا ، كنت ماشيه مصدومه مش مركزة قدامي لحد مافوقت علي خبطتي فأحمد
-مالك ياود مش مركزه ليه؟
-اللي سرق الورق
-ماله؟
-رؤيه
.
الحلقة 6
.
حدود_القدر
# الفصل_السادس
-اللي سرق الورق
-ماله؟
-رؤيه
-انتي متأكدة؟
-ايوة
-عرفت أزاي ؟
-هي اللي قالتلي بنفسها
-نعم????
-كلمتني الصبح قبل ما أجي وقالتلي ان هي اللي عملت كدا وقفلت ، مفهمتش ليه عملت كدا
-طيب تعالي ورايا علي المكتب
-أوك
دخلنا المكتب وكلم مدام أميرة
-نعم يافندم
-رؤيه وصلت؟
-لسه واصله يافندم
-ابعتيها علي مكتبي حالا
وصلت رؤيه وكانت خايفه ، لسه هبدأ اتكلم فأحمد شاورلي اسكت واتكلم هو
-ليه عملتي كدا؟
كرر سؤاله اربع مرات وهي باصه للأرض وساكته فعلي صوته وزعق فيها
-لو مردتيش انا هحبسك فاهمه هحبسك
اتنهدت بخوف ودموعها نزلت وبدأت تتكلم
-عشانه ، عشان أخدته مني ، بقالي سنتين هنا بحاول ألف نظره واخليه يحبني ومقدرتش وهي من أول شهر خدته مني ، كان لازم ابعدها عنه ،كان لازم اعمل حاجه تخلي الكل يكرهها وأولهم هو
كنا واقفين أنا وأحمد بنبص لبعض بعدم استيعاب ،مش فاهمين هي بتتكلم عن اي او عن مين وايه عـ..ـلاقه كلامها بسؤال أحمد
-وضحي كلامك يا أنسه ،انتي بتتكلمي عن مين
-عنه ، الانسان الوحيد اللي حبيته ومستعده أعمل عشانه كتير اووووي.
سكتت للحظه وبعدها شاورت عليا وكملت
-وعنها هي ، أنا مش هنكر اني حبيتك من أول ماشوفتك وحبيت نكون صحاب لكن لقيته بيقرب منك وانتي مش بتصديه ،عرفت انه بيحبك فكرهتك.
-انتي تقصدي مين يارؤيه
-مصطفي ياود ، مصطفي
-مصطفي! ، مصطفي بيحبني انا؟
-ايوه بيحبك ياود وانتي مش فاهمه او بتمثلي انك مش فاهمه
صرخ فيها احمد فجأه
-ألزمي حدودك واتكلمي معاها بأدب
كان بيبصلي بنظره غريبه حسيته من جواه بيقولي مش قولتلك انتي مش فاهمه حاجه ياود ،عرفتي دلوقت ان كان عندي حق.
-طب وانا يارؤيه ،انا ذنبي اي تعملي فيا كدا ، والشركة ذنبها اي تدميريها .
-انا مكنش قصدي كدا ، هي فهمتني ان بالطريقه دي هبعد ود عن مصطفى ويكرهها
-هي مين؟
-الاستاذة ميار
-واي علاقة ميار بكل ده؟
-أخر يوم جات فيه الاستاذة ميار الشركة واتخانقت مع استاذ علي انه رجع ود الشغل تاني ،جاتلي مكتبي وكنت وقتها ببكي هدتني وبعدها سألتني بعيط ليه قولتلها الحقيقة لاني كنت محتاجه افضفض مع اي حد ،قولتلها ان مصطفي قالي انه بيحب ود وهيطلبها للزواج ، بعدها سألتني عن شغل ود وقولتلها انها ماسكه اهم مشروع فالشركه وهتعرضه كمان أسبوع ،بعدها طلبت مني أقرب أكتر من ود واعرف نقطة ضعفها ومقابل كدا هتساعدني ان ابعد ود عن مصطفى ، قربت من ود وعرفت انها بتنسى كتير وبلغتها بكدا ،بعدها طلبت مني اسـ..ـرق ورق المشروع قبل الاجتماع بنص ساعه وبكدا ود هتترفد من الشركة وتبعد عن مصطفي. بس والله ماكنت اعرف اني بكدا بضر الشركة واما عرفت ده قررت اكلم ود واعترفلها بكل حاجه عشان تلحقوا الورق.
-ليه هو الورق فين دلوقت؟
-مع الاستاذة ميار.
-حسابك عسير معايا ياميار
اتحرك خطوتين ناحية الباب وبعدها بص لرؤيه
-اسهل عقاب ليكي اني اقولك انتي مرفودة بس ده مش هيكفيني ،انا هسيبك فالشركه عشان تتعذبي اكتر من نظرات الكل ليكي.
بعدها خرج وقفل الباب
بصتلي بخجل وخرجت
فضلت طول اليوم أسأل نفسي انا عملت اي لكل ده ، ذنبي الوحيد اني اتحبيت ، طيب مش بيقولوا اللي بيحب مبيعرفش يكره ،ازاي كرهتني اوووي لدرجه تعمل فيا كدا ،ازاي ممكن قلب بني آدم يجمع الحب والكره سوا ، من صغرنا اتعلمنا ان المكان اللي فيه الحب مبيبقاش فيه مكان للكره ، ازاي قلب قدر يجمع بين حاجتين ملهومش اي عـ..ـلاقه ببعض ،رجعت البيت والتفكير هيفجر دماغي ، مجرد مافتحت الباب حسيت بروح فالمكان ، حسيت بريحة انا عارفاها كويس اوووي وحفظاها بس غايبه عني بقالها كتير ، حسيت بنور فالبيت كان مختفي بقاله زمن ،للحظه لقيتني فحـ..ـضنها وبنعيط سوا
-يااااااااه وحشتيني اوووووي ياود.
-وانتي ياملك وحشتيني أكتر ، أخيرا قررتي ترجعي
-مكنتش قادرة ياود ،مكنتش قادرة اجي وهو مش هنا ، لسه عقلي رافض يستوعب وقلبي رافض يصدق انه مات.
-ابني ماماتش ياملك ، ابني اتقـ..ـتل
اتفاجأنا بوجود ماما واقفه ورانا واتصدمنا من ردها
-ابني اتقتل فاهمه
-فاهمه ياطنط فاهمه
“ملك بنت عمي عندها ٢٢ سنه من نفس عمري طولها متوسط وجسمها نحيف بشرتها بيضا بعيون عسلي ومحجبه ،عاشت معانا سنتين جامعه وكانت خطيبة آدم وبتحبه جدا وبعد موته قررت ترجع البلد لاهلها لانها مقدرتش تستني فالبيت وآدم مبقاش موجود فيه وسابت كليتها ومكملتش دراسه”
سابتنا ماما ودخلت أوضة آدم
-هي مرات عمي علي طول كدا؟
-من وقت ممات آدم وهي علي كدا ،حتي انا نادر لما بشوفها او تكلمني ، تعالي احكيلي ازاي اتغلبتي علي مشاعرك وقررتي تيجي
-آدم
-نعم
-آدم زارني فالحلم ياود وكان زعلان مني ،قالي لازم ترجعي وتكملي دراستك عشاني فصحيت لقيتني بوضب شنطتي وبقولهم اني راجعه اكمل دراستي واخلص السنتين اللي فاضلين
-غريبة
-هي اي اللي غريبه؟
-آدم مزرنيش ابدآ ياملك ،تفتكري زعلان مني.
-لأ ياود ،انا حسيت انه عايزني ارجع عشانك كمان ،مش عارفه ليه بس حسيت كدا ،حسيت انك محتجاني
-اوووي اوووي ياملك ،انا بجد محتاجه لحد يهون عليا جو البيت هنا
-وانا جيت اهو ياستي واعملي حسابك هتيجي معايا الصبح الجامعه عشان اقدم طلب لأستكمال دراستي
-بس كدا ،دا انت تؤمر ياعم القمر أنت
-وحشني هزارك جدا ياود
**
خرج من الشركة علي بيت ميار ،مكنش قادر يتحكم في اعصابه وان ممكن خطيبة ابن عمه تأذيه بالشكل ده وهي اكتر واحده عارفه مدي الضرر اللي هتقع فيه الشركه بسبب اللي عملته ده ، قالها عن كل اللي حكيته رؤية وحاولت تجادل كتير وتكدبه بس تحت ضغطه اعترفت بكل حاجه وانها فعلا حرضت رؤية علي ده
-اخلصي ياميار هاتي الورق
-اي المقابل؟
-يعني اي اللي بتقوليه ده؟
-هو انا كلامي مش واضح ،انا بسألك اي المقابل قصاد انك تاخد الورق
-انتي بتساوميني علي حاجه هي في الاصل بتاعتي!
-بس دلوقت بقت معايا انا واللي عايزها لازم يديني قصادها مقابل
اتعصب اكتر وبدأ يفقد اعصابه فوقف وضرب ايده فالحيط عشان ميرتكبش فيها جنايه
-وايه المقابل اللي انتي عيزاه؟
-ود
-مالها؟
-تتطرد من الشركه
-نعم????
-ومش بس كدا تعتذرلي قدام كل الموظفين واطردها بنفسي
-نجوم السما اقربلك من اني اخليكي تشوفي نظرة حزن او كسره فعيونها
-ياااااااه دا انتي طلعت بتحبها بقا
-شئ ميخصكيش
-هو المريض النفسي بيعرف يحب؟
-احترمي نفسك????
-هو انا قولت حاجه غلط ، مش انت بتتعالج من الجنان برضو
-كنت ياميار لكن دلوقت انتي اللي محتاجه تتعالجي
-يبقا مفيش ورق يا أحمد وهبعته لأكبر الشركات المنافسه ليكم
-انتي مش خايفه ان علي يعرف ويفسخ الخطوبة
-كرامتي اهم ومش هسيب بنت حقيره زيها تفوز علي ميار
-يعني عنادك اهم من خطيبك
-ايوة ،فكر بسرعه الورق لسه معايا
-اشبعي بيه
-يعني اي؟
-زي ماسمعتي ،اشبعي بيه مش عايزه
سابها وخرج ،فضلت تصرخ وتكسر في كل اللي قدامها ، كانت فاكرة ان احمد بيتلوى دراعه وهيخاف علي شركته فيقبل بشروطها ،متعرفش انه بيحب واللي بيحب قادر يحرق العالم كله عشان يشوف ضحكة إنسانه بيحبها فازاي قدرت تتصور انه هيسمحلها تهينها او تكسرها .
تاني يوم فالشركه طلب ود واما وصلت قعدت قصاده وبدأو يتكلموا
-ميار رفضت تديني الورق
-طب والحل؟
-طول الليل بفكر وملقيتش غير حل واحد بس
-اي هو؟
-اننا نعمل مشروع تاني واحسن من الأول ونقدمه كمشروع بديل للشركه اللي مضينا معاها وبكدا هنعدي الازمه دي
-بس ده هياخد وقت
-هنشتغل سوا وهنحاول نخلصه فأسرع وقت ممكن
-أوك
-هنبدأ من دلوقت
-يلا
أحمد حكي لعلي كل حاجه حصلت فقرر ينهي علاقته بميار وبعتلها دبلتها
**
ملك رجعت الكليه واشترت كل الكتب وقررت تتصل بحور عشان تسلم عليها لانهم اتصاحبوا جدا ايام ماكانت ملك موجودة في بيت ود ، كلمتها وقرروا يتقابلوا
-وحشتيني اوووي يابنتي????
-وانتي كمان ياحور
-اخيرا شوفتك ،بقالك سنتين مختفيه
-اديني رجعت عشان اسمع حواديتك انتي وست ود
-امممم بمناسبة الحواديت هحكيلك علي اجمل حدوته فحياتي
-اي احكي
-انا بحب????
-بجد???? مين؟
-احمد صاحب المول اللي بشتغل فيه وكمان يبقا صاحب الشركة اللي بتشتغل فيها ود
-طيب وهو بيحبك؟
-ايوه ،انا بحس بكدا من كلامه وهزاره معايا
-ياجمالوو اخيرا هفرح بواحدة منكم
-افرحي ياستي افرحي
-ايوة يعني اقوم ازغرت دلوقت ولا اي؟
-هههههه لا اهدي هااا اهدي ،عقبال ما افرح بيكي يااارب
-مش عايزة اسمع الجملة دي تاني ياحور ،انا فرحت مع آدم ومستحيل حد يدخل حياتي بعده
-خلاص ياملك انا اسفه


