رواية حدود القدر الجزء الثاني
بقلم شيماء عبد الحميد

#الفصل_السادس_الجزأ_التاني
#شيماء_عبدالحميد
كانت بتكلمها ريناد وبتنقلها كل اخبار حسام ،عرفت منها انه وافق علي الشغل بين الشركتين ، حست بالفرحه انها هتقدر تتعامل معاه وتوضحله الحقيقة
-معاد اجتماعي مع حسام الدميري امتي ياعلي؟
كان قاعد مهموم وحزين ،كأن الحياة وقفت ، حست بيه وحست ان كل ده بسبب كلام ملك.
-مالك ياعلي؟
-هاااااا
-مالك حزين ومهموم ليه؟
-لا مفيش
-الوجع مش بيتقسم للأسف ، بس لما بيتحكي بيخف ، أنا حاسه بيك وعارفه انك بدأت تحب ملك وعارفه قد اي انت بتحاول تسعدها
-طيب انا غلطت في اي ياود؟ حتي لو اتخدعت في آدم كان المفروض تترمي في حضني أنا ،كان المفروض تبقى عارفه ان مفيش حد هيحس بوجعها قدي ، ليه حكمت عليا بالبعد وأنا مليش ذنب ،ليه اتهمتني بالخيانه وشبهتني بآدم ،ليه كل ده ياود ؟
-لانه غصب عنها ياعلي ، الشخص لما بيتخدع في أقرب حد ليه وأكتر شخص كان بيثق فيه بيتصدم ، بيفقد الثقة فكل اللي حواليه ، غصب عنه بيعمل كل ده.
-بس مكنش ينفع تعمل فيا كدا ياود ،انا بقيت عايش بس عشان احاول اسعدها ، مكنش ينفع تعمل كدا
-ملك محتاجه تبعد عن الكل ، محتاجه تاخد وقت تفكر فيه كويس وتراجع حسابتها وانا متأكده أنها هترجع أحسن
-تقصدي اي ؟
-ملك مسافره لأهلها
قبل ماتكمل الجمله سابها وجري علي البيت ، فكرة انها تبعد عنه مستحيله ، عقله رافض تماما انه يسمحلها بكدا ، كان بيسوق عربيته بسرعه كبيرة ، كل اللي بيتمناه انه يقدر يمنعها ، مش هيقدر يتحمل بعدها من تاني لاني المرة دي الامر محسوم ولو مشيت مش هترجع.
وصل البيت وقبل مايفتح كانت فتحت الباب ووقفت قدامه وفي ايدها شنطة هدومها
-رايحه فين ياملك؟
-مليش مكان هنا
-والبيت ده اي؟
-مش مكاني
-مش مكان حد غيرك اصلا ولا هيكون
-سبني امشي من فضلك ياعلي
-وبعدين؟
-هستنى تبعتلي ورقة طلاقي
-بس انا مش هطلق
-يعني اي؟
-يعني تاخدي شنطتك وتطلعي علي أوضتك دلوقت بدل ما اعمل تصرف مش هيعجبك
-انت بتتكلم جد؟
-طول الفتره اللي فاتت بحاول اعمل اللي اقدر عليه عشان تحسي بيا بس شكلي كنت غلطان ومن دلوقت مش هتعامل غير بالطريقة اللي تنفع معاكي
-يعني اي ، يعني انا اتخدعت فيك انت كمان؟
-افهمي اللي تفهميه ،بس طلاق مش هطلق ولا هسمحلك تخرجي من البيت ده ، ولو حصل هتعامل معاكي بالطريقة اللي عمرك ماتخيلتيها ياملك ،اطلعي فوق????
سابت الشنطه وجريت لفوق وهي بتبكي ، نزلت دموعه علي الوجع اللي سببهولها بس مكنش فيه قدامه طريقة تانيه غير دي عشان يحافظ عليها ومتبعدش عنه ، عاهد نفسه انه يخرجها من كل اللي هي فيه ويرجعلها ثقتها فيه من تاني وصمم انه يرجع الضحكه لعيونها من تاني ودي الطريقة الوحيده لكل ده ،انها بس تكون معاه.
**
#شيماء_عبدالحميد
**
كانت متضايقه من اللي عملته وانها سمحت للشك يدخل لقلبها وتفكر فيه بالطريقة دي ، هي حبت عمر من قلبها ، وفكرة انها توجعه بالشكل ده مضيقاها ، حاولت تصالحه بطرق كتير بس مفيش فايدة لسه بيكابر وبيمثل الزعل منها ولسه بيعاقبها عن شكها فيه بعدم الكلام معاها
-عمر
-……..
-ياعمر رد عليا عشان خاطري????
-…………
اكتر شيء بيوتر العلاقه بين شخصين الشك ، كان مصدوم من فكرة انها بس تشك فيه ، هي عارفة قد اي بيحبها وعارفه اخلاقه كان بيسأل نفسه ازاي قدرت تشوفني فصورة شخص خاين ، ورغم كل ده مقدرش يتحمل يشوف دموعها
-بتعيطي ليه دلوقت؟
-عشان انت مش بترد عليا
-اللي عملتيه مش سهل ياحور ،وفكرة بس انك تتهميني بالخيانه دي اهانه فحقي ومن حقي ازعل لكل اللي حصل ده
-أسفه
-سهل تعتذري بس صعب اسامح ولو سامحت صعب انسى
-أنا أسفه ياعمر ، عشان خاطري سامحني????
-طيب متبكيش
-هتسامحني؟
-مش هتبكي؟
-لو سامحتني
-خلاص مسامحك????
**
وصلت الشركه وطلبت تقابل حسام ،فطلبت منها السكرتيرة تستنى لان عنده شخص ، قعدت علي الكرسي واتصلت بريناد
-وحشتيني
-وانتي كمان ياريناد
-انتي فين؟
-في شركة حسام
-اي????
-متوتره اوووي وخايفه من مقابلته
-متخافيش ،طالما وافق علي الشغل يبقا هيقابلك كويس ، انا خايفه من حاجه تاني
-اي هي؟
-خطته
-اي خطه؟
-حسام مش بيتلوى دراعه ياود ولا بيقبل ده بسهوله حتي لو هيخسر كل فلوسه ومعني انه يوافق علي الشغل بين الشركتين ده بيأكد انه بيخطط لشيء معين
-تفتكري بيخطط لأيه ياريناد؟
-خايفه يكون بيخطط يأذيكي ياود
-للدرجه دي؟
-وأكتر ،انا قولتلك هو بيكرهكم ازاي وشايف انكم السبب فموت ماما
-طيب هعمل اي دلوقت؟
-اتعاملي معاه عادي ومتبينيش انك خايفه ، اتعاملي كأنك قوية جدا ياود ،وانا هنزل الشركه من بكره عشان اتابع كل تحركاته وافهم بيخطط لأيه
نادت عليها السكرتيره عشان تدخل
-طيب هقفل دلوقت ياريناد وبعد ما اخرج هكلمك
-طيب سلام
“شيماء_عبدالحميد”
دخلت مكتبه فوقف واستقبلها ومرسوم علي وشه ابتسامه كبيرة ، كانت مستغربه من رد فعله ومتوقعتش يقابلها بالطريقه دي
-تشربي اي يامدام ود؟
-ود ياحسام ، ود اختك
-هنبدأ الشغل من انهاردة ، الاجتماعات هتكون فشركتي ،بالنسبه للجزأ اللي يخص شركتي هيتنفذ علي اكمل وجه وبالنسبه لجزأ الترجمه والحسابات فده شغلكم واتمني ينتهي بنفس الطريقة ، مش هتحصل اي غلطه فالشغل الخاص بيا اما الغلطه اللي هتحصل من طرفكم هتتحملوا النتايج وحدكم زي مامكتوب فالعقد
-مفيش غلط هيتم من طرفنا ياحسام
-انتي المسؤله قدامي عن اي شيء يحصل وانتي اللي هتتحملي النتايج
-بس ده….
-الاجتماع انتهى ،اتفضلي اخرجي عشان عندي شغل
-ماشي
**
مفيش بأيده اي شيء يعمله ،هي مصممه تجمع عيلتها من تاني وهو مش قابل معاملة حسام ليها ،بيحاول يساعدها بس مش بيتحمل يشوف ضعفها ودموعها ،بينهك نفسه فشغل المول عشان ينسى فبيلاقي نفسه بيفتكر أكتر
– وبعدين يا أحمد؟
-هو الفرح مش مكتوبلي ليه ياعمر ، كنت فاكر ان الحياة بدأت تبتسم وان خلاص بعد ما اتجوزت الانسانه اللي كنت بتمناها هتبقي حياتنا كلها سعاده ،فجأه وقعنا في دوامة حزن مش عارفين نخرج منها
-الحياة لازم تدوقنا من كل لون شويه ، لازم تدوق طعم الحزن عشان تحس بطعم السعاده ولازم تدوق القلق عشان تعرف الراحه
-انا خايف علي ود ومش عارف اعمل اي؟
-سيبها تحاول تصلح اللي عمله ابوها يا أحمد
-بس ده مش غلطها ولا ذنبها تتحمل غضب حسام وذله ليها
-انا حاسس انها هتقدر تغيره يا أحمد
-حسام عنيد اووووي ياعمر
-بس طيب ، مشكلته مبيعرفش يسيطر علي عصبيته بس من جواه نضيف وطيب
-بس انا مش متطمن ياعمر
-هتعدى علي خير ، اطمن
**
#شيماء_عبدالحميد
**
-انتي لابسه ورايحه فين؟
-معاك
-معايا فين؟
-شركتك
-مين اللي قال كدا؟
-أنا
-مفيش خروج ولا شغل يارؤيه
-انت خليتني سبت شغلي ياحسام ووافقت علي اساس اكون معاك في شركتك لكن لو هترجع فكلامك وربنا لأرجع شغلي تاني
-يعني اي بقا
-يعنى انا رايحه الشركه
خرجت ريناد من اوضتها ومسكت ايد رؤيه
-ايوووون وانا كمان نازله معاها الشركه
-نازله تعملي اي انتي كمان؟
-اشتغل طبعا
-امشي انتي وهي من قدامي مفيش شغل
ردوا في صوت واحد
-احنا خدنا قرارنا خلاص واللي عندك اعمله
-طيب خليني اشوف هتخرجوا ازاي؟
خرج وقفل باب الفيلا من بره ومشي
-هنعمل اي دلوقت ياست رؤيه ،كان لازم تقوليله يعني مقدما
-اومال اعمل اي يعني؟
-كنتي استنيتي نطب عليه فجأه فالشركه ونحطه قدام الامر الواقع يابنتي
-طب هنعمل اي دلوقت
-امممممم ،جاتلي فكره ، هاتي سكين بسرعه
دخلت ريناد المطبخ وجابت سكين واديتهولها
فضلت تحاول رؤيه تفتح الباب بيها بس معرفتش ، فكسرت قزاز شباك المطبخ وخرجوا منه
وصلوا الشركه
-احنا ندخل علي مكتب حسام علي طول ونصدمه
-لأ احنا ندخل علي مكتب بابا الله يرحمه ونرتبه ويبقا مكتبنا الاساسي يارؤيه
دخلوا المكتب ورتبوا كل حاجه وشالوا اليافطه وعلقوا يافطه تاني مكتوب عليها ‘مكتب الاستاذة ريناد والاستاذة رؤيه”
كان بيمر فالشركه وقف قدام المكتب مصدوم من اليافطه ،دخل ومكنش فيه حد فالمكتب
كان خارج ،فأيد رؤيه خبطت الكرسي فوقع وشافهم
-وكمان مستخبيين تحت الطربيزة طب اطلعوا
-………
-انتوا مش سامعين ولا اي بقولكم اطلعوا
بصوا لبعض واتكلمت رؤيه
-انتي سامعه صوت ياريناد؟
-زي صوت حسام كدا بس لا دي تهيؤات
-يعني انتي متأكده انك مسمعتيش صوت ياريناد؟
-لو صوت حسام اللي سمعته دلوقت يبقى لا مسمعتش
-بس انا حاسه انك سمعتي صوت ياريناد
-مش يمكن دي تهيؤات
-يعني اللي سمعناه دلوقت ده ومتأكدين انه صح طلع تهيؤات طب الحمدلله
كان واقف بيبصلهم ومتعصب علي الاخر من استفزازهم ميل وقعد قدامهم
-هتطلعوا بالذووق ولا اطلعكم بطريقتي
-طيب واللي شيفاه قدامك ده تهيؤات ياريناد؟
-دي اكتر حاجه انا متأكده انها تهيؤات
-يعني اللي قاعد قدامنا ده وشويه وهيجيب مسدسه ويقتلنا مش حسام ده تهيؤات؟
-اه والنبي تهيؤات
-طب ياارب ميكونش حسام عشان انا جسمي مفيهوش حته سليمه اتضرب فيها المرادي ويكون تهيؤات
-لا متقلقيش ده تهيؤات
رمى فونه علي قزاز المكتب من عصبيته وصرخ فيهم
-بقولكم اطلعوا????
طلعت ريناد فجريت وقدرت تهرب لكن رؤيه ملحقتش وكان ماسكها من فستانها ،بصت لريناد اللي واقفه مصدومه قدام باب المكتب
-ابوس ايدك قولي ان المسكه دي تهيؤات ، انا مش حمل اني اتعلق كمان انهاردة ياريناد????
-للأسف دي بقا مش تهيؤات????
-يعني دي حقيقه مش تهيؤات؟
-ايوة يارؤيه ،قلبي معاكي ياحبيبتي
جريت ريناد وسابتها لوحدها ، بصت لحسام
-طبعا لو حلفتلك اني كنت جايه اشوفك عشان وحشتني مش هتصدقني ،صح؟
-ولما جايه تشوفيني عشان وحشتك ،اي اللي جابك المكتب ده؟
-لقيته مش مترتب قولت ارتبه
-لا والله
-اه وحياة ريناد
-واليافطه اللي بره دي بقا هي كمان
جايه تشوفني
-لا دي جايه مع ريناد مش معايا
-هو انا مش قفلت عليكم بابا الفيلا ،خرجتوا ازاي؟
-البت ريناد كسرت شباك المطبخ وخرجت
-لا والله ،ريناد عملت كدا؟
-اومال انا الغلبانه هعمل كدا يعني؟
-لا برضو ده كلام ، وانتي خرجتي ازاي بقا؟
-ماهي هددتني ياحسام ،ورفعت عليا سكينه المطبخ وقالتلي لازم تخرجي قبلي وانا غلبانه ياعيني عليا خوفت علي ابني اللي مش عارفه هيجي امتي ده وخوفت انك تعيش وحيد من بعدي ياعيني وحزين وانا مش بتحمل اشوفك حزين فطاوعتها????
-ياسلام
-ايوة طبعا ،اختك طلعت مجرمه ياحسام دي كانت هتقتلني
-ريناد????؟
-ايوة ريناد ،انت مش مصدقني صح؟
-لا ازاي ،طبعا مصدقك
-لا شكلك مش مصدقني لا ،اضرب اضرب انا جاهزة????
.
.
رواية / حدود القدر – ج2
بقلم / شيماء عبدالحميد
الحلقة 7
.
.
كانت بتجري عشان تخرج من الشركه فخبطت فيه
-مش تفتحي
-انا ،انا ، انا أسفه
شافها مرعوبه قدامه لدرجة غريبه ، بترجع لورا وكأنها خايفه منه ،حس انها مش طبيعيه
-أنا اللي اسف مقصدش
-لا انا اللي اسفه ، مش هعمل كدا تاني والله بس متأذنيش
-مالك يا أنسه؟
-انا انا مفيش ،انا اسفه
سابته وجريت وكان مستغرب ومش فاهم دي بتعمل كدا ليه ، مصطفى كان معروف في شركة حسام ،الكل كان بيعرفه لان علي كان بيبعته كتير ينوب عنه فالاجتماع بين الشركتين ، وتقريبا يعرف كل موظفين الشركه لكن شكل ريناد كان غير مألوف بالنسباله ،قرب من واحد من الأمن وسأله
-مين البنت دي يامحمد؟
-دي تبقا الانسه ريناد يا استاذ مصطفى
-موظفه جديده هنا يعني؟
-لا دي تبقا أخت الاستاذ حسام
-اهاااا ،شكرا يامحمد
فهم سبب تصرفها وكلامها بالشكل ده ، الكل كان عارف الحادثه اللي حصلت معاها والكل كان عارف انها حالتها النفسيه اتغيرت ،فتوقع ان ده نتيجة للي حصلها وخوفها من الناس وخاصة الشباب شيء متوقع انه يحصل .
دخل الشركه وكان بيزور حسام ، مر من قدام مكتب فشافه بالصدفه واقف جواه ومعاه رؤيه ، جري من قدام المكتب قبل مارؤيه تشوفه وتبدأ تدور وراه وتعرف اي سبب وجوده في شركة حسام ، استنى وقت كبير ولما اتأخروا فكلامهم سوا قرر يمشي ، خرج من الشركه فشاف ريناد لسه واقفه
-اقدر اساعدك في شيء؟
-لا ،شكرا
خرجت رؤيه وهما واقفين بيتكلموا ، اتصدمت لما شافت مصطفى ،قربت من ريناد ومسكت ايدها
-ريناد انتي تعرفي الشخص ده منين؟
-انا معرفهوش
اتكلم مصطفى
-مالك يارؤيه؟
-انت بتعمل اي هنا يامصطفى؟
-انتي متعصبه كدا ليه؟
-لأنك شخص رخيص واكيد بترسم علي شيء تاني بعد ماخسرت شركتك وفلوسك
-انتي فاهمه غلط يارؤيه
-ومش عايزة افهم الصح يامصطفى
مسكت ايد ريناد ومشيوا فوقف تاكس ومشي
-مين الشخص دي يارؤيه وليه اتعصبتي لما شوفتيه؟
-ده كان متجوز ود قبل أحمد
-ود اختي؟
-ايوة ياريناد ،وطلع شخص مش كويس ،كل اللي بيهمه الفلوس وبس
-طيب وكان بيعمل اي في شركة حسام
-ده اللي مش قادرة افهمه ، اي سبب وجوده في شركة حسام
-احنا لازم نعرف
-هنعرف بس بكره مش دلوقت عشان لو رجعنا الشركه تاني حسام هيعلقنا وانا صدقت ان جاله اتصال مهم وقدرت اهرب فالوقت المناسب
**
#شيماء_عبدالحميد
**
طول الوقت فأوضتها مش بتخرج منها ،حست انها اتخدعت فيه هو كمان ، وجعها زاد الضعف ، جواها شيء بيطمنها بس الوجع بيمحيه
-ملك ،افتحي
-لا
-لو مفتحتيش هكسر الباب
-اكسره
كانت متوقعه انه هيحترم رغبتها فالوحده بس اللي عمله صدمها ، كسر الباب ودخل
-انت بتعمل كدا ليه؟
-عشانك
-عشاني ازاي؟
-عشان تفوقي من دوامة الحزن دي ياملك ، عشان مش عايزك تعيشي نفسك فالوجع من تاني ، عشان عايزك تكوني معايا مش تبعدي ، ياملك انا بحبك
-قالها آدم قبلك وطلع خاين
-بس انا لأ
-كلكم واحد
-لأ ياملك مش كلنا واحد ولا كلنا زي بعض ، آدم خلاص مات ومش راجع تاني ،انتي اللي عايشه ولازم تفكري في مستقبلك وبس ، وانتي دلوقت مراتي ،فاهمه يعني اي مراتي يعني مش مسمحولك تفكري في حد تاني ياملك فاهمه
سابها وخرج ، حست ان كلامه صحيح وانها لازم تنسى الماضي وتبدأ تفكر فمستقبلها وأن آدم خلاص مات ومش راجع تاني بس مش معني كدا انها ترجع تثق في حد تاني ، فقررت ترجع تبدأ حياة جديدة بس خاليه من الثقه
**
كان عارف انه ماشي غلط وان كل اللي بيعمله ممكن يضره بس مبقاش عنده شيء يخاف عليه ، خسر الكل ومش قدامه حل غير انه يوافق علي اللي طلبه حسام وبكدا يقدر يرجع شركته ،دق جرس الباب فتح وكانت مدام اميرة
-امي ،اتفضلي
-قولت انك هتعتذر من علي يامصطفي ،مجتش ليه؟
-انا خسرت كل فلوسي يا امي ، ومش قادر اعتذر من غير ما اردله فلوسه
-هو مش عايز الفلوس
-بس هيطلبهم
-لا يامصطفى ،تبقى متعرفش علي كويس
-معلش يا امي سبيني احاول اجمع الفلوس وقتها هقدر اروح اعتذر
-ماشي يامصطفي ،بس دي فرصتك الاخيره عندي
**
وصلت البيت وهي بتبكي دقت الجرس ففتحت ود ، اتفاجأت لما شافتها قدامها بالشكل ده
-انتوا كنتوا بتدوروا علي اي فاوضة آدم ياود؟
-في اي ياماما؟
-بسألك ،انتوا كنتوا بتدوروا علي اي فأوضة آدم ياود؟
-بندور علي ورق..
رفعت ورقة الجواز العرفي قدام بنتها وسألتها
-كنتوا بتدوروا علي دي ،صح؟
نزلت ملك علي صوت مرات عمها وهي بتكلم ود . وأول ماشافتها قربت منها ورفعت الورقه قدامها ، اتصدمت ملك لما شافتها وافتكرت انها وقعت منها وهي خارجه بتجري من أوضة آدم
-كنتي بتدوري علي دي ياملك؟
-دي …..
كانت خايفه تتكلم وترد عليها ،خافت انها تتصدم من حقيقة خداع ابنها بس الصدمة كانت من نصيب ملك وود
-انتي فاكرة ابني خاين ياملك؟
-مش فاهمه
ياطنط ،تقصدي اي؟
-أنا اللي بسألك ، شكيتي فأبني ازاي وشايفاه ازاي دلوقت؟
اتكلمت ود بصدمه
-كلامك معناه انك كنتي عارفه ياماما؟
-يعني اللي توقعته صح ياود ، انتي كمان شايفه اخوكي خاين وكأنكم مكنتوش عايشين معاه وعارفين آدم كويس ، آدم اللي الدنيا كلها مفيهاش واحد في أخلاقه دلوقت شايفينه خاين
قربت منها ملك ومسكت الورقه من ايدها واتكلمت ودموعها علي خدها
-تفسري بأي دي ياطنط؟ ،تفسري بأيه اني ألاقي ورقة جواز عرفي للشخص اللي كان خطيبي بعد مامات ،تفسري بأيه ده؟
-انك تكذبي كل ظنونك ياملك ،انتي اكتر واحده عارفه آدم وأكتر واحده كانت قريبه منه ،يعني عارفه كل اخلاقه وافكاره
صرخت فيها ود وهي مصدومه
-انتي بتقولي اي ، انتي مدركه انتي بتقولي اي ، انا حاولت اسامحك انك خبيتي عني كل اللي حصل مقدرتش ، حاولت اسامحك لانك خبيتي اني عندي اخوات ومقولتليش ، جايه دلوقت بتعترفي انك كمان كنتي عارفه الجريمه اللي ارتكبها ابنك في حق خطيبته بكل سهولة كدا ، طب انتي فاكرة اني هسامحك علي دي كمان ،ولو انا سامحتك ، ملك هتقدر تسامحك ، يااااااه انتي ازاي كدا ، ازاي كدا مش قادرة أصدق .
-لا صدقي ياود ، صدقي لأنك لما تعرفي الحقيقة هتسامحيه
-مفيش حاجه فالدنيا تخليني اسامح واحد علي خيانته ولا فيه حاجه في الدنيا تبرد نار قلب بنت لما تعرف ان الانسان الوحيد اللي حبته ضحك عليها وخانها وكان بيخدعها .
قربت من ملك
-اسمعيني انتي ياملك
-اسمع اي بس ياطنط ، الحب اللي كان جوايا ليكي خلاص انتهي والاحترام اللي كنت بقدمه ليكي برضو انتهي ، انا لو اتخدعت في آدم فخداعي فيكي كان أكبر
مسكت ود ايد ملك وشدتها وخرجوا وسابوها لوحدها
-وبعدين بقا يارب أنا تعبت ،انت عارف كل شيء وعارف ان آدم مغلطش وعمل كدا بس عشان بيحبك ، انت عارف كل ده يااااااارب وعارف اي سبب اللي عمله وأنا متأكده أنك مسامحه بتجازيه خير عن عمله ده ،يااااارب خليهم كمان يسامحوه عشان ميتعذبش بوجعهم وظنهم السوء فيه يااااااارب
خرجوا الاتنين وهما مصدومين من اللي سمعوه ،كانوا بيتمشوا فحديقة الفيلا وكل واحده شاردة فمليون شيء
-دي الست اللي عايزني اسامحها ياملك؟ دي كانت عارفه كل شيء ، عارفه كمان بجواز ابنها العرفي واكيد عارفه بموضوع القرض ده كمان ، عارفه كل ده ومخبيه ، كانت شايفه ابنها بيخدع بنت عمه ومتجوز عليها وهي عادي ولا علي بالها انك هتتوجعي ولا علي بالها اني هتصدم فيه ،هي ازاي كدا ياملك ،بجد انا عايزة افهم ،انا بقيت خايفه انها تطلع مخبيه مصيبه جديدة كمان ، يالهوووووي مش بعيد المره الجايه تجيب معاها طفلين وتقولي دول ولاد آدم وتطلب مني اتقبلهم كمان ، ولا تيجي تقولي انها مش امي ولاقياني علي باب جامع ، انا بقيت طول الوقت بفكر هي مخبيه اي جديد.
-انا صدمتي فيها اكبر من آدم ياود ،انا كنت خايفه انها تعرف فتتصدم انها اتخدعت في ابنها ، مجاش فبالي ان ممكن تكون هي كمان عارفه وبتخدعني معاه ، ياااااااااه دا انا حبيتها أكتر من امي ياود????
-للأسف ياملك ،اتخدعنا فيها كمان
**
#شيماء_عبدالحميد
**
فات اسبوع ورؤيه وريناد بيدوروا ورا مصطفي وبيراقبوه كل مايجي الشركه بس مقدروش يوصلوا لاي حاجه ولا يفهموا سبب زيارته المتكرره لحسام ، وصل الشركه فجريت ريناد تبلغ رؤيه
-رؤيه مصطفي وصل
-حسام فين طيب؟
-في مكتبه
-طيب هما اكيد هيدخلوا قاعة الاجتماعات كعادتهم ،هحاول استخبي في اي مكان هناك عشان اسمع هيقولوا اي
-اوك
جريت دخلت قاعة الاجتماعات ،دورت علي اي مكان تتخبي فيه فسمعت صوت الباب بيتفتح فجريت اتخبت تحت طربيزة الاجتماع
دخل حسام ومصطفى وقعدوا علي الطربيزة وبدأوا كلامهم وهي بتسمعهم
-الصفقة اللي جاية دي تعتبر اهم مشروع لشركة علي وأحمد ولو خسروها هتبقى الضربه القاضيه ليهم وخاصة لو كانت بسبب ود
-وده هيتم ازاي يا استاذ حسام
-انت شغلتك الحسابات يامصطفى وده اللي هتعمله ،هبعتلك الورق قبل ماود تمضي عليه وشغلتك تلعب فالورق وتزود الميزانيه
-بس كدا ود هتروح في داهيه وممكن تتحبس لأن هي هتأكد ان الفلوس اللي اخدتها من البنك تبعا لتنفيذ المشروع أقل بكتير من اللي مكتوب فالورق وده يعتبر تزوير ونصب
-وده المطلوب
-انت عايزها تروح فداهيه ياحسام
-في ستين داهيه لو ينفع
شهقت من الصدمه بعد كل اللي سمعته فسمعوا صوتها ، ميل حسام وشافها تحت الطربيزة عرفت ان دي نهايتها علي يد حسام فغمت عيونها وعملت نفسها نايمه
-بتعملي اي هنا يارؤيه؟
فتحت عيونها وكأنها اتفاجأت
-اي ده انت كمان هنا ياحسام
-بتعملي اي عندك؟
-نايمه
-بسألك بتعملي اي تحت الطربيزة يارؤيه مش سرير هو.
-اصلي هنا طراوة
-لا والله
-ملقتش حته فالشركه انام فيها ،الله
-تقومي تيجي تنامي تحت الطربيزة ،فالوقت اللي عندي اجتماع فيه
-ما انتوا اللي معندكمش ذوق ، مش المفروض انكم تخبطوا علي الطربيزة وتستأذنوا اللي
نايم تحتها الاول
-يعني طلعت أنا اللي غلطان دلوقت
-اومال انا يعني؟
-لا طبعا وده كلام ،اطلعي ياعسل ،اطلعي
-حاضر بس بالله عليك لو فيها ضرب بلاش قدام الناس انا زي مراتك برضو
-بس كدا عيوني ياللي زي مراتي برضو
الحلقة 8 – قبل الاخيرة



