اماني الياسمين انت دائي ودوائي الجزء الاول ج٢

رد حمزه بهدوء وقال: يبقى تستاهلى الى يجرالك ،وتستاهلى تسمعى أكتر من كده
التفت حمزه ليغادر الى غرفته ولكن صوت رنا من خلفه أستوقفه وهى تقول : حمزه …. هو انت فعلاً كنت عايز تتجوز أحلام
التف حمزه الى رنا وأرتبكت ملامحه لثوانى قليله تداركها سريعاً ولكن عين رنا التقتتهم وخبرتها بالحقيقه حتى ان لم يخبرها بها
حمزه: مين الى قال كده …….
#أنت دائى ودوائى
#أمانى الياسمين
( الحلقه الخامسة عشر )
حمزه : مين قالك كده
رنا: هى
حمزه: وانت صدقتيها
رنا: حمزه انا بسألك عشان عايزه أعرف ،ممكن تقولى وبلاش التحقيق ده
حمزه: هقولك يا رنا ،بس ياترى هتصدقينى
رنا: عمرى ماكدبتك ياحمزه
أخذ حمزه نفساً عميقاً وقال: اه ولأ
رنا: يعنى ايه
حمزه:انا مش هكدب عليكى يا رنا كان فيه حاجه بينى وبين أحلام ويمكن فكرت لوقت قليل اوى فيها بجديه بس الفكره ماخرجتش بره دماغى ولا عمرى قلت لها ولا طلبتواحده غيرك تكون مراتى
جلست رنا على ركبتيها على الأرض وقالت بضعف : مش فاهمه
زفر حمزه وقال: هفهمك يا رنا بس مش وانتى ف الحاله دى ، تهدى الأول وانا هفهمك ماشى
رنا بهمس: انا هاديه
حمزه : تعالى يا رنا
مد حمزه يده لرنا فوضعت رنا كفها الصغير فى يديه ، ساعدها لتقف على رجليها وسحبها الى غرفتهم
حمزه: ياله روحى خدى دش وغيرى هدومك وتعالى نتكلم
أومأت رنا برأسها لانها تعلم ان حمزه لن يقبل الجدال لذلك أذعنت لطلبه أو بمعنى أدق لأوامره
سحبت أول ما طالته يديها ودخلت الى الحمام ،أستحـ,,ـمت وبدلت ملابسها وخرجت لتجده أيضاً أستحـ,,ـم فى الحمام الآخر ومنتظرها على السـ,,ـرير
خرجت رنا وكان شعرها مبلل فذهبت الى تسريحتها لتسرح شعرها الأسود الطويل ، تفاجئت رنا بحمزه يقف خلفها ويسحب منها الفرشاه ويبدأ فى تمشيط شعرها وسط نظراتها المذهوله
قال حمزه وهو مستمر فى تمشيط شعر رنا بهدوء: تعرفى انى بحب شعرك اوى
رنا:…………
حمزه: الصراحه انا بحب كل حاجه فيكى
رنا: شكراً
حمزه: رنا ، انا عمر ماحبت ولا هحب واحده غيرك وده الى انا عايزك تحطيه فى دماغك قبل ما أحكيلك أى حاجه
رنا:………..
حمزه وهو مستمر فى تمشيط شعر رنا وقال: أحلام كانت سكرتاريه لرجل أعمال كبير أسمه عمار السيوفى
رنا: زى دنيا كده
حمزه : لأ يمكن أكتر من دنيا ،عمار وأحلام كانوا بيعملوا صفقات من الباطن لصالح شركه لحسابهم ،عمار مكنش المالك الوحيد للشركه كان معاه ناس تانيه فى مجلس الاداره فكان ساعات بياخد مناقصات لصلح شركته الى عملها مع أحلام فى الباطن …. المهم ده كلام انتى مش هتفهمى ، المهم عمار كان متجوز واحده بنت راجل مهم فى البلد ومهم جداً كمان وف نفس الوقت طبعاً كان ليه علاقه طبعاً مع أحلام تعدت الشغل ،يعنى سكرتاريه وشريكه ف الشغل وبليل … انتى فاهمه طبعاً
همست رنا ببراءه : كان متجوزها على مراته
ترك حمزه الفرشاه وأمسكها من كتفيها ولفها لتنظر له وقال: ساعات بحس انك بيور اوى لدرجة انى مش عايز أكمل عشان ما أخدش براءتك ،وارجع تانى واقول لازم أعرفك عشان تنشفى شويه وتبطلى تشوفى الناس بعينيكى البريئه دى
أكمل حمزه قائلاً: مكنتش مراته يا رنا ،كانت معاه فى الحرام …. يعنى عشيقته
شهقت رنا ووضعت يديها على فمها وقالت: مش ممكن
حمزه: هى دى الحقيقه ، المهم ف يوم من الأيام هجم عليهم بوليس الآداب بس لأسباب غير معروفه أخدوها هى بس وعمار أختفى ….. خدوها القسم وهناك اتصلت عليه كتير ما ردش فأضطرت تلجأ لى وتتصل بيه
رنا: وانت كنت تعرفها
حمزه: كنت أعرفها ، أحتكيت بيها كام مره ف الشغل وما نكرش انها جميله ودماغها جامده جداً ف الشغل وليها علاقات كتير ،كنت من وقت للتانى بحتاج حاجه او وسطه عشان أخلص الشغل وكانت بتساعدنى عشان كده كلمتنى عشان أساعدها
رنا: ساعدتها
حمزه: اه طبعاً ،أخدت محامى ورحتلها … رحت لقيتها منهاره ومصممين ينزلوها الحجز طلبت من المتر يتصرف وقالى ان الحل الوحيد انها تكون متجوزه
تكلمت رنا بصوت مصدوم وقالت : أتجوزتها
حمزه: لأ ،لأ ماتجوزتهاش انا جبت عمار وضر.بته …… خليته يتجوزها وخرجت من القضيه خصوصاً انها ما أثبتوش انها كان معها حد بس كان ممكن بكل سهوله يلفقوا لها قضيه لان طبعاً الى حصل ده كله مراته الى كانت عملاه وكانت عايزه تضر بيه أحلام بس ف نفس الوقت ماتضرش عمار
رنا: طب هى …. هى ليه قالت انك كنت هتتجوزها
حمزه: يمكن فكرت ف لحظه انى أنقذها وأتجوزها ،صعبت عليه وانا عارف انها كانت هتتحبس وتتبهدل …. بس دى فكره ما أخدتش أكتر من دقايق ورجعت فيها تانى وقلت مش هى دى الى أديها أسمى حتى لو كان حبر على ورق
وقفت رنا أمامه ونظرت فى عيونه وقالت : بس كده ياحمزه مافيش حاجه تانيه مخبيها عليه
مسح حمزه بكفه على وجهه وقال: لأ مابسش
رنا: حصل ايه تانى
حمزه: اتطلقوا بعدها علطول وحصل بينهم مشاكل بسبب الشغل الى كانوا شركا فيه فلجأت لى تانى
رنا: عملت ايه
حمزه: خرجت عمار من الشركه وأخدت مكانه وقدرت نسبته وأشترتها وبقينا شركا لفتره ، بس
نظرت له رنا والدموع فى عيونها وهى تشعر ان هناك جزء مفقود فى القصه : حبيتها ياحمزه
وضع حمزه يديه على كتفى رنا وقال : لأ ، انا عمرى ماحبيت حد غيرك ،بس يمكن أكون…. أعجبت ….. بيها
رنا بهمس: أعجبت …. بيها
حمزه: اه أعجاب … أعجاب ماتعداش المرحله دى ولا يمكن يتعداها
رنا : مش فاهمه أعجاب أزاى



