اماني الياسمين انت دائي ودوائي الجزء الاول ج٢

سحب حمزه نفساً وقال: رنا أحلام ست جميله وسيدة أعمال شاطره يعنى متجمع فيهاحاجات نادر تلاقيها ف ست واحده ،مش انا بس الى اتشدت لها مفيش راجل اتعامل معاها الا وأتشد لها وأعجب بيها ان مكنش حبها ،بس هى دايماً كانت السهل الممتنع
رنا: بس حبيتك انت
ضحك حمزه بسخريه وقال: أحلام تحب ،أحلام ما بتحبش غير مصلحتها ،مصلحتها وبس
رنا: بس هى قالت لى …
حمزه: رنا ملكيش دعوه بالى قالت له ليكى ، انتى مصدقانى ولا لأ
رنا: مصدقاك ياحمزه بس هى كانت بتتكلم بثقه أكيد مش جايه من فراغ
حمزه : ثقتها جايه من ضعفك وهو ده الى كنت بكلمك فيه ….. رنا انتى سايبه نفسك زى الريشه اى حد بشوية هوا يطيرك ،مانكرش ان ده الى شدنى ليكى أحساسى انك بريئه وضعيفه ودايماً محتجانى ،بس انا عايز ده معايه انا بس ، يعنى تكونى معايه ضعيفه بس ف نفس الوقت تاخدى منى قوتك وثقتك فى نفسك وماتسكتيش لحد يقولك كلمه تزعلك ،ماتخافيش وما تبينيش انك ضعيفه يا رنا . …. فهمتينى ياحبيبتى
رنا : هحاول يا حمزه بس انت هتساعدنى
حمزه بأبتسامه: هساعدك يا رنا …. بس الأهم ساعدى انتى نفسك
رنا: حاضر
حمزه: عجبتك ديما مرات سيف
رنا: اوى ، جميله اوى ورقيقه وماحسستنيش لحظه انى أقل منها
أمسكها حمزه من كتفها بقوه حتى ألمها وقال : رنا انتى مش أقل من أى حد ، انتى مراتى وانا لو هحس للحظه انك أقل منى او ماتلقيش بيه مكنتش هتجوزك ولا كنت هاخدك معايه ،انتى زيك زى ديما ومش أقل منها ولو الحفلات هتسببلك عقده بلاش منها أصلاً
رنا وهى تعض على شفتيها وقالت: ينفع
عقد حمزه حاجبيه وقال: ينفع ايه؟!
رنا: ينفع ما أروحش معاك حفله تانى ،انا أصلاً جو الحفلات انا مش بحبه
زفر حمزه بضيق وقال: براحتك يا رنا واضح انى كنت بكلم نفسى م الصبح
قال ذلك وأتجه الى السـ,,ـرير ورفع الغطاء أستعداداً للنوم
شعرت رنا انها أغضبته فتوجهت بهدوء وجلست بجانبه على السـ,,ـرير وقالت: انا مش عايزاك تزعل منى ياحمزه بس انا مش بعرف اتامل ف الجو ده ماتنساش ان ده جو جديد عليه مش بعرف اقول ايه ولا اتكلم ازاى ولا حتى البس ايه ، أبسط حاجه انهارده دنيا انهارده اتريقت على لبسى
قام حمزه وجلس على السـ,,ـرير وقال: ايه بتقول دنيا اتريقت على لبـ,,ـسك
رنا وقد أستدركت خطأها: هى مش اتريقت ،هى قالت لى ان لـ,,ـبسى مش مناسب
حمزه: والديزاينر دنيا هانم مكنش عجبها هدومك فى ايه
رنا: مفيش يا حمزه ،الطرحه مكنتش ماشيه والفستان مكنش مناسب كان الأفضل لو لبـ,,ـست الأسود ،ياريتك كنت خليتها كلمتنى امبارح عشان أظبط معاها
أمسكها حمزه من معصمها بقوه وقال: وهى توضب لك ليه لبـ,,ـسك ،انتى الى تختارى الى يناسبك من غير تدخل حد ولو حد تدخل الحد ده يبقى انا مش هى
رنا: بس هى بتفهم وذوقها حلو
حمزه: وانتى كمان عندك عقل وبتفهمى وذوقك احلى منها ميت مره
رنا : اه …. سيب ايدى يا حمزه وجعتنى … وبعدين مش هى دنيا دى الى خلتها تختار معايه كل لبسى
ترك حمزه معصمها وقال : وديتها معاكى عشان الوقت كان ضيق ومفيش حد معاكى ،وعشان كمان انتى ماتعرفيش أماكن ف القاهره تجيبى منها حاجتك مش عشان ذوقك مش بيعجبنى
تنهد حمزه وقال : رنا …. رنا انا بحبك وبحب ذوقك وكل الى فيكى عجبنى وان كانت الحفلات بتوترك بلاش منها ،خلاص بس ده مش معناه انى بعمل كده لانك مابتشرفنيش ولا الكلام العبيط الى ف دماغك ده ،ولو حصل فى يوم وأحتكيتى بأى حد هيحاول يقلل منك تردى عليه وتصديه ،انتى مرات حمزه الأنصارى …. مرات الأسد فاهمه
رنا: فاهمه
حمزه: طب ممكن افهم قافله تليفونك ليه
أطرقت رنا برأسها وقالت: محدش بيتصل بيه
حمزه: ورامى
رفعت رنا رأسها وقالت: رامى
حمزه: اه رامى يا رنا ….. اتصل بيكى اكتر من مره وبعدين كلمنى
رنا: هكلمه
حمزه: طب يا رنا براحتك بس ياريت تكلميه عشان قلقان عليكى
رنا: حاضر
حمزه: وهنروح لجدى بعد بكره … وقبل ماتعترضى هتروحى وهتقعدى مع جدك وهتتكلمى معاه، تمام
رنا: حاضر
حمزه بأبتسامه وهو يشدها من يديها ويقول: تعالى بئه نشوف البيجامه الغريبه دى آخرها أيه
فقالت رنا بدلال غير مقصود: حمزه
فقال حمزه وهو يجذبها الى السـ,,ـرير ويعتليها : روح قلب وعيون حمزه
…………………..
أستيقظت رنا وحمزه على صوت جرس الباب ،انتفض حمزه يلبس ملابسه كيفما أتفق وهو يسـ,,ـب ويلعن : مين الى جاى ع الصبح
قامت رنا من مكانها وهى تغطى بالملاءه جـ,,ـسدها العار..ى وتضحك على منظر حمزه وهو يسـ,ـب ويلـ,,ـعن
نظر لها حمزه شزراً وهو يقول: بتضحكى على ايه
ضحكت رنا أكثر وقالت: البنطلون مقلوب
نظر حمزه الى بنطاله وزفر ثم خلعه وبدله : انا مش عارف مين الى ع الباب بس اياً كان هو رخم وغلس ومعندوش د..م
رنا: ما بلاش كده ليطلع حد من قريبنا
حمزه بغضب: حتى لو ….
لبس حمزه ملابسه وذهب الى الباب وفتحه وتفاجئ بوالدته تحتضنه وتقول: حمزه حبيبى وحشتنى يا قلبى
حمزه وهو يحاول ان يدارى صدمته : وانتى كمان يا أمى
زينب وهى تمسك بوجه بين كفيه : مالك ياحبيبى ،شكلك خاسس اوى
حمزه: لا خاسس ولا حاجه ،خشى يا أمى هنصحى الجيران ولسه بدرى اوى

