بقلم اماني الياسمين الجزء الثالث من دائى ودوائى فداويني بتريقاك

ى أنتى عايزه ايه ..عايزه تتعالجى وتفوقى وتتطلعى من هنا على حياه تانيه أفضل وأحسن ولا عايزه تفضلى تتفرجى على حياتك وهى بتنهار طوبه طوبه أدام عينك
رفعت رأسها وقالت بصوت فاقد للحياه : تفتكر هتفرق
( أكيد هتفرق …هتفرق معاكى أنتى ..هتفرق عشان بنان مش عشان حد تانى )
أبتسمت بألم وقالت : بنااان
( أه بنان …من حقها تعيش حياتها لازم تفوقى لنفسك عشان تقررى هتعملى أيه فى إلى جاى )
نظرت له وقالت : عارف يا أسامه ..أنا لما خدت المخدرات ختها عشان أقدر أعيش بعيد عنك ..كنت عايزه أسكن ألم قلبى إلى بيوجعنى كل دقيقه وأنا بعيد عنك ..ولما فكرت أبطلها برضو عشان خاطرك ..كنت عايزه أحسن صورتى فى نظرك …بس أنا وصلت دلوقتى لقناعه أن مفيش أى فرق بين بنان المدمنه وبنان إلى عرفتها وحبيتها ..الأتنين ملهمش قيمه ..الأتنين ماتوا
أغمضت عيونها وألقت ببرأسها وجعلتها تسقط على الفراش وقالت : روح يا أسامه ..أنت عملت إلى عليك وزياده ..سبنى أواجه مصيرى لوحدى ..ياقدرت أكمل ..يامت فى نص الطريق
نظر لها وأوجعه نبرة اليأس فى صوتها ..يعلم أنها تحتاج لدافع لتشفى وهو كان الدافع وبعد كلامه معها بالأمس علم أنه هد كل آمالها وأنه بكلامه أوصلها أنها أصبحت موقنه أن تضحياتها من أجله كانت بلا سبب
قال بهدوء : بنان أنا….فقاطعته قائله وهى مغمضه عينها : هشششش ….خلاص يا أسامه خلص الكلام من فضلك أخرج وأطفى النور عشان عايزه أنام …………………………………………………………………………………………………..
يتبع

أولاً :فى جزء ناقص فى الحلقه وده هيكون جزء الحوار بين ليلى وأحصائية الأستشارات الأسريه وده هيكون جزء مهم وعشان كده هكتبه لوحده وهينزل بكره عشان عايزه أمخمخ له وما يتكروتش لأنه جزء هام ولان ليلى لأول مره هتخرج كل إلى جواها
ثانياً : فى بنات كتير هنا بيسألوا عن حمزه زطارق وآدهم ..فهوضح توضيح بسيط الجزء ده خاص بأربع ابطال حسام وخلود وبنان وأسامه ويوسف ومريم وفارس وليلى وأى تواجد لأبطال الأجزاء السابقه هيكون فقط لأن المشهد يتطلب وجوده لكن مش هينفع وأنا عندى أربع أبطال بأربع حكايات مكلكعه أنى فى الوسط أدخل أبطال تانيه لأن ده هيكون مرهق جداً وهيخلى الأحداث تفلت منى فرجاءاً محدش يطلب تواجدهم لأنى يصعب عليه أرد طلبكم وفى نفس الوقت مش هينفع أنفذه لأن الحكايات إلى خلصت خلاص مش بلاقى لها مشاهد فى دماغى وبيكون دخولها بمشاهد مرتجله بحسه زى الحشو الفارغ
أتمنى مكنش طوت عليكم وأتمنى الفصل يعجبكم وأنتظروا حوار ليلى مع الدكتوره ايمان أستاذة الأستشارات الأسريه غداً أن شاء الله
لا تنسوا التعليقات وتصبحوا على جنه ……………………

( باقى الفصل الثانى عشر )
وصلت ليلى إلى عيادة الطبيبه فهى بعدما بحثت من خلال شبكة الأنترنت عن دكتوره متخصصه فى هذا المجال وجدت نفسها أمام عدد قليل جداً من الأختيارات فأختارت أقربهم غلى مكان إقامتها وأتصلت وكانت معتقده أن الحجز سيكون بعد عدة شهور أو أسابيع على الأقل ولكنها تفاجئت أن الموعد فى نفس يوم أتصالها
دخلت ليلى إلى الأستقبال فقابلتها فتاه لطيفه وطلبت منها أن تستريح قليلاً لتخبر الدكتوره بوجودها وبعد قليل أذنت لها بالدخول
دخلت ليلى الغرفه فوجدتها حالها حال باقى العياده تتسم بالبساطه والرقى وكل الأثاث البسيط الموجود يجمع بين لونى الوردى الفاتح والأبيض …. نظرت إلى الدكتوره فوجدتها سيده فى الأربعينات من عمرها ملامحها هادئه وبشبوشه
رحبت بها الطبيبه فاطمه وطلبت منها أن تجلس أمامها وبعدها سألتها : أسمك مدام ليلى …صح
فأومأت ليلى , فأبتسمت الطبيبه وقالت : لأ أنا عايزه أسمع صوتك 0..أنتى جايه هنا عشان أسمعك ..قولى كل إلى جواكلى وأنا هسمعك وتأكدى أن كل إلى بيتقال جوا الأو.ضه دى هيفضل جواها ومش هيخرج أبداً .
فتنحنحت ليلى وقالت : أه ..أسمى ليلى
(متجوزه من أد أيه ياليلى ؟)
( من خمس سنين )
( عندك ولاد ؟)
فهزت رأسها نافيه ثم تذكرت وقالت : لأ معنديش
( مأجلين ولا فى سبب يعوق الحمل )
فهزت كتفيها وقالت : معرفش
فقطبت الطبيبه جبينها وقالت : يعنى أيه ماتعرفيش ..عايزه تفهمينى أنكم معندكمش قلق من موضوع الخلفه وما روحتوش كشفته
( أنا بس …أنا رحت كشفت من ورا جوزى وطلع معنديش جاجه بس هو ما رضيش يكشف أو عشان أكون صريحه أنا ماقلتش ليه يكشف )
( طب وهو معندوش قلق من تأخر الخلفه ..مش عايز ولاد ؟!)
( لأ عايز بس هو مفترض أن العيب منى وبيسكت عشان ما يجرحنيش )
(طب وليه مش قلتى له أنك كشفتى وكويسه ىوأن العيب وارد أنه يبقى منه )
فهزت رأسها وقالت : معرفش
( متعرفيش أيه ؟!)
( معرفش ليه انا ما قلتولوش أن العيب ممكن يبقى منه ….. يمكن عشان عارفه أنى هفتح على نفسى باب مش هيتقفل )
(ممكن توضحيلى أكتر )
(يعنى فارس عمره ما هيتقبل أنى أقوله أن العيب منه وساعتها هيقول أنى عملت كده عشان أطلع فى عيب عشان أدارى عيبى )
( وأيه هو عيبك ؟1)
صمتت ليلى قليلاً ثم فركت يديها بتوتر وقالت : هو بيقول أنى ….أحم ..يعنى ..أنى بارده
كانت تتوقع أن الطبيبه ستتفاجئ ولكنها سألتها : ويعنى أيه بارده ..عايزاكى توصفيلى الجمله الى أستخدمها بالظبط
ففركت يديها أكثر وأرجعت شعرها للخلف وقالت بخفوت : هو بيقول أنه لما بيكون حضنى أكنه بيحضن مخده
فأومأت لها وكأن ماتخبرها به شئ عادى وسألتها : طيب وأنت أيه رأيك فى الكلام إلى بيقولوا ده
رفعت رأسها وأتسعت عيناها وقالت : أنا !!!
( أه أنتى ….. مستغربه ليه ..ماهو لو رأيه أنه ما بيحسش معاكى بحاجه على حد تعبيره أنه بيحس أنه حاضن مخده فلازم أنتى كمان أعرف منكأنتى بتحسى بأيه وأنتى معاه )
فأجابتها بتلكأ : أنا…. أنااااا
فشجعتها قائله : فولى ياليلى أنا عايزه أسمعك ..عايزه أعرف بتحسى بأيه وأنتى معاه
فأجابة بسرعه وكأنها خائفه من أن تخونها شجاعتها وتتراجع وقالت : أنا كمان ما بحسش بأى حاجه
(تمام ….طب ممكن أسألك أنتى أتعاملك عملية ختان وأنتى صغيره )
فأومأت برأسها ثم قالت : أه
( كان عندك أد أيه ؟)
(
كان عندى 11 سنه وقتها كنت لسه سايبه بيت خالى بعد ما عشت معاهم سنتين بعد وفاة أبويه وأمى ولما كملت 11 سنه خالى قال لجدتى أنى ما ينفعش أقعد معاهم فرحت اقعدت معاها وهى هناك … سكتت قليلاً ثم أكملت : وهى أول لما رحتلها عملت لى كده
فأومأت الطبيبه برأسها وقالت : تسمحيلى أكشف عليكى
فأومأت برأسها …
خلعت الطبيبه فاطمه قفازيها بعدما كشفت على ليلى وجلست أمامها وقالت بهدوء بعدما عدلت ليلى ملابسها وجلست أمامها : أنا كده بئه عندى فكره عن المشكله تقريباً ياليلى …طلعاً أحنا محتاجين نقعد مع بعض أكتر ونتكلم وده هيكون على جلسات هحددلك مواعيدها … المشكله طبعاً هيكون أفضل وأسرع حلها لو جوزك جه معاكى
فتحت ليلى فمها لتعترض فأشارت لها فاطمه لتسكت وأكملت : وطبعاً أنا عارف أن جوزك زى أى جوز شرقى أصيل أستحاله يعترف أن ممكن يكون عنده مشكله وخصوصاً فى الجانب ده من حياته
فقالت ليلى بلهفه : يعنى المشكله من عنده
( أنا ما قلتش كده ….)
فقالت ليلى بحزن : يعنى من عندى
( ولا من عندك لوحدك ولا من عنده لوحده …. مشكلتك مبدئياً كده بدايتها فى عملية الختان ونهايتها فى زوج بيفكر فى نفسه ومتعته بس …………………………..

ده الجزء الباقى من فصل أمبارح الى وعدتكم بيه ومحدش يقولى صغير لأن ده مش فصل ده باقى فصل ..أتمنى يعجبكم وأتمنى أشوف تعليقاتكم الى بتسعدنى
تصبحوا على جنه

( الفصل الثالث عشر )
رجعت ليلى إلى المنزل وهى تشعر بأنها متنزفه فكلمات الطبيبه كانت فوق قدرة أستيعابها …هى طوال حياتها لا تعلم شئ عن العلاقات فحياتها كانت منغلقه ودائماً ما كانوا أصدقائها ينفرون من تذمتها وقوتها الزائفه , هو بالحقيقه ليس تزمت ولكنه خوف ..نعم خوف فهى تربت بعقدة الخوف ..تخاف أن تغضب أحد أولاد أخوالها فيضربوها أو تقوم بالمهمه زوجة خالها وبعدها أستلمت جدتها الرايه وكله تحت شعار ” أكسر للفتاه ضلع يطلع لها أربعه وعشرين ” لذلك هى تربت على أن هناك مناطق محظوره لا تسال عنها ولا تسمع حتى كلام عنها لأن ذلك عيباً وحرام وكبرت وكبر التحذير حتى أنه تحول بداخلها لتحذير النفس للنفس , فهى فى مرحله من مراحل حياتها عندما مرضت جدتها ووهنت وأصبحت صحتها هزيله توقفت عن التحذير حتى أنها كانت فى لحظات تنسى من هى بالأصل وتناديها بأسم والتها الراحله ..عند هذه المرحله بدأ التحذير ينبع من داخلها ..أحذرى ليلى هذا الكلام عيب ..لا يصح ..من تسمع هذا الكلام من الممكن أن تتحول فى يوم إلى الفعل وتفعله …من تسمع هذا الكلام وزوجها يلمس فقط أى خبره لديها عن الأمر يشك بها ويطلقها على الفور ..لذلك هى أبتعدت حتى دخول فارس حياتها …وقتها قلب حياتها رأساً على عقب ..أول لمسه من يده ليدها أنتفضت كالملسوعه ورفضت بشده جعلته يبتسم فى فخر ويخبرها أنه فعلاً كان محق بأختياره ..أول قبله صحيح أنها لم تبتعد عنه وقتها ولكن خجلها وأرتباكها وأنتفاضة جسدها بين يديه كان أكبر دليل على عذرية أفكارها وعندما غضبت منه على فعلته أخبرها بحزم أنه سيتقدم لها ويخطبها رسمياً للزواج وأن أخرى مكانها كانت ستسمح له بالتمادى خصوصاً وهى أصبحت بعد مرض جدتها بلا رقيب …حتى يوم زفافهم عندما أخبرته بخجل أنها لا تعلم ماهو المطلوب منها وهو جلس أمامها يشرح بطريقه مبسطه يستوعبها عقلها كيف يتم الأمر وتفاجئ أنها ليس لديها فكره عن حتى أبجديات العلاقه قبل يديها وقال لها : أنها أحلى هديه أرسله الله لها .
وقتها ترسخ فى رأس ليلى أن ما تربت عليه هو الصواب وأن بعدها عن كل الصديقات كان له فائده وأن عدم لجؤها لكتاب أو بحث عن الأنترنت عن أى شئ عن العلاقه كان هو الصواب …ولكن الطبيبه اليوم أخبرتها أنها كانت على خطأ فهناك كتب مفيده وتتحدث عن العلاقه بطريقه تفيد الطرفين وأن من أسباب فشل علاقتهم أنها لا تعلم شئ عن العلاقه وتركت نفسها تأخذ معلوماتها من فارس الذى رسخ فى عقلها أن العلاقه تكون مكتمله عندما هو يشبع رغباته ويصل إلى مرحلة الرضى ولكن هذا خطأ فهى أخبرتها أن العلاقه تسمى علاقه لأنها بين طرفين ..أحداهما يعطى فالأخر يأخذ ثم يعود من اخذ ليعطى فيأخذ من أعطى سابقاً ولكن من الواضح أن فارس يأخذ فقط ولا يفكر أن يعطى
أخبرتها أن علاجها وحل مشكلتها سيكون على عدة جلسات وأن كان من الأفضل أن يكون الجلسه ثنائيه ويكون فارس متواجد وهذا بالطبع من رابع المستحيلات .
دخلت المنزل وكأن الله أستجاب لأبتهالها ودعائها فوجدت نور الصاله مغلق دليل على أن حماتها رحمتها ونامت مبكراً ومعنى ذلك أنها لن تأخذ وصلتها من التقريع اليومى .
دخلت إلى غرفتها فوجدت فارس بالداخل جالساً على السـ,,ــرير وفى يدها سيجارة يدخنها …زفرت بحنق بداخلها فهى لأكثر من مره نهته من تدخين السيجار بالغرفه التى ينامـ,,ــوا فيها ولكن ةلا حياة لمن تنادى
دخلت بهدوء وأغلقت باب الغرفه فسمعته يقول بصوت واضح فيه الغضب : كنتى فين ياليلى
ألتفتت وأجابت بأرتباك وهى ترجع خصلات شعرها التى فرت من ربطته وقالت : كنت بشترى شوية حاجات
نظر إلى يدها الخاويه وقال : مش شايف فى أيدك أى حاجه
فقالت بتلكأ : أصل ..مكنش ..ملقتش حاجه عجبتنى
فأطفئ السيجاره فى المنفضه وأقترب منها بنظرات مليئه بالخبث وقال : أممم… عرفت نوع الحاجات الى كنتى بتجبيها ..ثم أشار برأسه إلىحقيبة يدها الكبيره وقال : أكيد فى الشنطه صح
فقطبت جبينها وقالت : هى ايه
( البيبى دول إلى أشترتيه … مفاجأه زى المره إلى فاتت …وأكمل وكأن كلامه مؤكد : بس كنتى قلت لى عشان أنا المره دى عايز حاجه معينه
فازدادت حيرتها فقررت أن تجاريه وقالت : حاجه زى أيه ؟!
فأقترب منها ووضع يده على خصرها وقال وهو يهمس بجانب أذنها : عايز بدلة رقص
تراجعت بصدمه وقالت / أيه ؟!
( أيه ..غريبه عايزه بدلة رقص أنتى عمرك ما رقصتيلى يا ليلى )
فعضت عل شفتيها تشعر أن هناك دموع تحرق مقلتيها لا تعلم سببهم فعند الفواجع كانت تتراجهم أن يتحرروا من آسرهم ليريحوها وهم يأبوا والآن يطالبون بالنزول ..قالت بصوت مختنق : أنا ما بعرفش أرقص
فأرجع رأسه مصدوماً وقال : أزاى ده ..هو فى ست ما بتعرفش ترقص
( أنا )
فأقترب مره أخرى وقال : مش مهم … مش مهم رقص هى مش مسابقه ..يعنى هاتى البدله أنتى والباقى سهل يجيى

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى