بقلم اماني الياسمين الجزء الثالث من دائى ودوائى فداويني بتريقاك

لوحده ..هتتعلمى
فأشارت برأسها بنفى وقالت : مش عايزه
فبان على ملامحه الغضب وقال : يعنى أيه مش عايزه
فصرخت بحده : يعنى مش عايزه ..مش عايزه أرقص ..مش عايزه أجيب بدلة رقص … وسكتت ثم قالت بصوت أهدأ قليلاً : مش عايزه كمان أنام معاك …………………………………………………………………………………………………………..
دخلت مريم غرفتها بعدما وضع الحمال حقائبها فى الغرفه فشكرته وخرج … ألقت حقيبة يدها على السـ,,ــرير بعـ,,ــنف وهى ترغى وتزبد وتتوعد يوسف فى سرها …جلست قليلاً على الفراش ثم أنتفضت واقفه وقامت فتحت الشرفه .. صحيح المكان ساحر والأطلاله رائعه ولكنه يقع على أطراف المدينه أى بينها وبين منزل روجيدا أو أى منطقة مأهوله مسافه تعد بمثابة سفر
هى أذعنت عندما ثار وأعلن أنه حجز فى فندق وأنه لن يمكث عند أخته أو أبيه .. وافقت وجارته فهى تعلم أنه كان شرطه الوحيد ألا يمكث عند أى أحد ..ولكنها فكرت أنهم سيقيموا فى الفندق ذاته الذى أقاموا فيه المره السابقه ولكنها تفاجأت بالسياره اليموزين وهى تخرج بهم إلى أطراف البلاد وكأنهم فى منفى
نظرت مره أخرى حولها تعترف أنه أختار الغرفه بعنايه فالغرف فى الدور الأرضى وأطلالة الشرفه على حديقه رائعه بها ورود نادره وشكلها رائع
نظرت إلى يمينها حيث شرفة غرفة يوسف وقررت أن تواجهه , إلى متى سيظل مختبئ وراء جدار الصمت صحيح أنها تخجل من الكلام معه بعدما حدث أو ما كان سيحدث بينهم فى الطائره ولكنها يجب أن تتخطى ذلك وكأنه لم يحدث
طرقت مريم باب الشرفه بهدوء وعندما لم تتلقى رد ..طرقت مره أخرى بشده فتفاجئت بيوسف يفتح لها باب الشرفه وهو لا يرتدى شيئاً سوا شورت قصير ..شهقت بصدمه ووضعت يدها على وجهها تخفى أعينها فنظر يوسف حوله ثم سحبها إلى الغرفه بسرعه وأغلق باب الشرفه وشد الستائر وقال : مريم
فقالت دون أن تزيل كفيها من على وجهها : ألبس حاجه
فنظر إلى نفسه ثم ذهب إلى حقيبته وسحب أو تى شيرت قطنى ولبسه وقال : خلاص لبست
أنزلت يها بتوجس وعندما وجدته بالفعل قد أرتدى ملابسه قالت بأرتياح : الحمد لله ..ثم أنتبهت أنها فى غرفته فقالت بصريخ : أنا إيه إلى جابنى هنا ؟!
فقال يوسف بثقه : أنااا
( وأنت أزاى تدخلنى أو.ضتك أنت فاكر نفسك فى أمريكا ..أحنا فى مصر يا أستاذ ..ولو أنى مش متأكده أنننا فعلا فى مصر
فقطب جبينه وقال : يعنى أيه مش فاهم
( يعنى أنت حجزلنا فى أوتيل لآخر الدنيا ممكن افهم السبب …ثم أشارت بأصبعها وأكملت : بص يا يوسف مش معنى أنى طوعتك أنى أجى هنا أنى موافقه أنا بس سايرتك لأنى مش عايزه أعمل فضايح بس أنا مش هستنى هنا ليله واحده
( ليه ده الأوتيل تحفه )
فصرت على أسنانها من الغيظ وقالت : جووو ..أنت فاهم قصدى كويس أنا مش بتكلم عن الأوتيل أنا بتكلم عن المسافه ..أحنا كنا فضلنا فى أمريكا أحسن وأستنانا روجيدا لما تيجى تولد نركب الطياره أهو متهيألى نفس الوقت إلى هناخده من هنا لحد بيتها أو أى مستشفى تولد فيها
فأبتسم ساخراً وقال : طب خلاص نرجع أمريكا
فصرت على اسنانها وقالت بحده : جووووو
فأجابها ببرود : نعم
( أنت الظاهر ما أخدتش من الأمريكان إلا برودهم )
لم يرد عليها وأتجه إلى الفراش وجلس فأقتربت تجلس على الكرسى أمامه وقالت بهدوء : ليه يا يوسف
فرفع رأسه وقال : المره إلى فاتت جالى الأوتيل قبل ما نسافر
فهمت أنه يقصد والده فقالت تستحثه : و
؛( مفيش ..رفضت أتكلم معاه بس هو كان مصمم ..ووجوده أنهارده فى المطار دليل على أنه لسه مصمم)
سكتت قليلاً ثم قالت بهدوء وتوجس تعلم أنها فى منطقه ملغمه وقالت : طب ليه ما سمعتلوش يا يوسف
تغيرت ملامحه إلى الغضب وقال : أنتى إلى بتقولى كده يا مريم
( أيوه أنا إلى بقول كده …عشان أنا مش فاهمه ..عشان أنت مش بتحكى مش بتقولى إلى جواك يا يوسف )
زفر بأختناق وأرجع ذراعيه للخلف يسند بجسده عليهما وقال : مفيش فايده من الكلام
( أزاى ..الكلام بيريح )
( أو بيتعب )
( سكت كتير ..جرب تتكلم من باب التغيير )
فأبتسم بألم : عندك أستعداد تسمعى
فأبتسمت مشجعه وقالت : عند أستعداد جداً
أرجع رأسه للخلف وقال : أول لما رجعنا أمريكا كان بيجى يزورنا ..كان بيحارب مام عشان نرجع تانى وأنا منت مبسوط أوى بمحاولاته دى ..بعد كده أبتدت المحاولات تقل والزيارات كمان ..بعدها أبتدت الزياره تبقى كل فين وفين والمحواله أختفت …تنهد قليلاً وقال : كانت وحتى زياراته قصيره وعلى فترات كبيره بس كنت ببقى مبسوط وأنا بقابله كنت بفضل أقوله أحكى يابابا أحكى عايز أسمع صوتك ..عايز صوتك يفضل فى ودانى ..كنت بقوله انا عايز ابقى ظابط زيه ..كنت بقوله أنى عايز أرجع معاه بس هو ولا مره حاول يخدنى معاه أو حتى يتنازل ويجى يعيش معانا ..سابنا لحد ما مام أتعرفت على مارك ودخل حياته وهى علطول أتعلقت بيه وعاشت حياتها وما فكرتش فينا وهو كمان عاش حياته وسابنا وما فكرش فينا ..تفتكرى بعد كل ده يجيى بسهوله عايز يكمل من مكان ما وقف وعايزنى أهدى وأسمعله
( مش يمكن عنده عذره ..أسمعله )
فنهض بغضب وقال : أى عذر ده إلى يقعدوا سنين طوال حتى ما يعرفش شكلنا ..ما يعرفش أن كنا مبسوطين ولا لأ ..عارفين نتأقلم ولا لأا …بنحب أيه بنكره ايه …هو بعد أختار يبعد عن كل تفاصيل حياتنا فمش دلوقتى عايز يرجع عشان روجى رجعت وهو عرف يضحك على عقلها بكلمتين أنا فاكرنى زيها
سكتت مريم لا تعلم بما ترد فجرح يوسف أصعب مما كانت تتوقع بكثير ..نظرت له فوجدته يستلقى على فراشه وكأن الحوار أنهكه وقال بصوت مختنق : أنا تعبااان وعايز أنام
فتركته لتخرج بهدوء وهى تدعو بداخلها أن ينام بالفعل ……………………………………………………………………………………………………………………………
الفصل طبعا ما أنتهاش بس هو ده إلى قدرت أكتبه كده ناقص طبعا جزء عن بنان وأسامه وجزء طبعا عن عقد قران خلود وحسام هيكونوا يوم الأتنين
سامحونى عارفه أنى سخيفه بأعتذراتى بس بجد اليوم مع الدراسه مفيهوش أى وقت أتمنى تتقبلوا أعتذارى وأنتم كلكم معزومين على كتب كتاب خلود وحسام يوم الأتنين أن شاء الله ………………………………………………………………….
( باقى الفصل الثالث عشر )
أسرع أسامه ينهب أرض المصح بخطواته يبحث حوله على شخص واحد حتى رآه … لم يكن هذا الشخص سوا الطبيب حاتم صديقه الذى كان مسئول على أدخال بنان إلى المشفى .
عندما رأى أسامه حاتم كان فى خطوتين أمامه ممسكاً أياها من مقدمة قمـ,,ــيصه بشده وألصقه فى الجدار خلفه وهو يلهث ويصرخ ويقول : أنت أستحاله تكون دكتور ولا دى أصلاً مستشفى أنا هبلغ عنكم وهوديكم كلكم فى ستين ألف داهيه
أزاح حاتم يده وقال وهو يتلفت حوله : براحه بس يا أسامه أنت كده هتودينا فى داهيه والموضوع مش ناقص
فصرخ أسامه بغضب : ومين قال أنى مش هوديكم فى ستين داهيه ..طب ورحمة أبويه لهقفلها لكم
تلفت أسامه حوله مره أخرى وقال : طب بس أهدى وتعالى مكتبى
فأجابه بعناد : لأ ..اشوفها الأول وأطمن عليها وبعدين هاخدها من هنا وهطلع أعملكم محضر أهمال ..ثم ألتقط أنفاسه وقال بحده : تبقى فى عهدتكم وتحاول تقـ,,ــتل نفسها ..كنتم فين ..ها كنتم فين
جذبه حاتم من يده وقال بصوت منخفض : هى نايمه دلوقتى وووالله هى بخير ..بس تعالى معايه
أنصاع أسامه على مضض لرجائه ودخل معه إلى مكتبه فأغلق حاتم المكتب بأحكام ثم جلس أمام أسامه ووضع يده على ركبته التى يهزها بعصبيه وقال : صدقنى يا أسامه إلى حصل ده مش هيتكرر وناس كتير أتعاقبت فى الموضوع ده بس من مصلحتنا كلنا أن الموضوع يتقفل لغاية كده
فهب أسامه من مكانه وقال : ده من مصلحنكم أنتم مش من مصلحتى أنا ولا مصلحة بنان ..وأوعى تفتكر أنك عشان صاحبى هغطى عليك غلى حصل لبنان ممكن يحصل لأى مريض هنا ..دول مدمنين يعنى وصلوا لأعلى درجات اليأس من الحياه لما يكون الأداره مهمله كده يبقى الحادثه دى هتتكرر تانى وتالت
سحبه حاتم من يده وقال : طب ممكن تهدى وتفكر معايه … دلوقتى أنت عارف وأنا عارف أن من قوانين المصحه أن مفيش مدمن بيدخل إلى بموافقه كتابيه وأقرار من حد من أقاربه من الدرجه الأولى وأنت عارف أنك مضيت على ألاقرار ده وأنت ملكش أى صفه قانونيه وده هيعرضنى ويعرضك للمساءله القانونيه
فأجابه ببرود : مش مهم
( مش مهم أزاى أنت مش فاهم أنا مكنتش موجود وقت ماحصل الحادثه ولا المصح بأسمى ولا أنا صاحبه أنا يدوب شريك من الباطن بكام سهم خايبين يعنى أذيتى مش هتكون أد أذيتك لنفسك وكمان ماتنساش أنهم هيبعتوا يستدعوا أهلها وأنت قلت أنها مش عايزه حد يعرف مكانها )
هدأ أسامه قليلاً عندما أستشعر صواب كلام زميله ولكنه يشعر أنه لو سكت سيتحمل ذنب كل خطأ من الممكن أن يحدث بعد ذلك …سكت قليلاً يفكر أن ثورته سببها أنه يعلم أنه السبب فى حالة اليأس ألتى تملكتها وجعلتها تلجأ إلى قـ,,ــتل نفسها ولذلك يحاول أن يقوم بأى شئ ..أىى شئ ليسكت ضميره ألذى يصرخ فيه وصدى صوته يرن فى أذنيه أن كل ما وصلت له بنان بسببه هو فقط فهى ضحت بنفسها لأجله صحيخ أنه كان لا يريد هذ التضحيه وكان يفضل أن يعيش معها حتى لو خسر العالم كله من أجله ولكن هى اختارت أن تضحى بحياتها من أجله ..فأن كان عاش هو فى بعدها حياه صعبه هى عاشت جحيم ومازالت فيه حتى الآن .
ربت حاتم على ركبتى أسامه وقال : صدقنى يا أسامه الناس كلها هنا حريصه جداً على أن مفيش أى حاجه ممكن تدخل للمرضى ممكن يكون فى أحتمال أنهم يأذوا نفسهم بيها بس هى كانت أذكى مننا
رفع أسامه رأسه مستفهماً معنى جملته فأكمل حاتم : كان مستسلمه وهى بتتعرض لأعراض الأنسحاب جداً ..كانت متماسكه ومش بتصرخ ولا بتهدد ولا بتطلب المخدر زى باقى المدمنين ..كانت بتتألم بصمت …. كل إلى حواليها كانوا فاكرين أنها قويه وعندها دافع قوى عشان تخف فمحدش أداها خوانه وبعدها طلبت مهدئ عشان معدتها وقالت أنها بترتاح لنوع معين والممرضه لما قالت لها على أسمه عرفت أنه مش بيتعارض مع أى أدويه من إلى كانت بتاخدها فصرفت الدوا إلى كان




