بقلم اماني الياسمين الجزء الثالث من دائى ودوائى فداويني بتريقاك

للأسف دوا شرب وبعدها سبته جمبها و…حصل إلى حصل ..بس الحمد لله لما دخلت الممرضه عليها كانت مانذفتش كتير دليل على أنها كانت كانت لسه قاطعه شريانها
خلع أسامه نظارته ولك جسر أنفه بأعياء وقال بخفوت : وبعدين ..
( مفيش وبعدين الموضوع أتلم خلاص وأحنا كده خدنا حذرنا والممرضه أتوقفت عن العمل ….أسامه أرجوك المو ضوع أتقفل وفتحه مش هيسبب غير المشاكل)
قام أسامه واقفاً وقال : أشوفها الأول وبعدين أقرر
( مش هينفع بعد إلى حصل مش هينفع أنت عارف أن الزياره بعد بداية العلاج والفتره الا,لى ممنوعه ولو فى أثتنثناء هيكون بس لأقارب الدرجه الأولى
فأمسكه من مقدمة قمـ,,ــيصه وقال بغضب : أنت بتقول أيه أنا هشوفها يعنى هشوفها
فأزاح يده وقال برفق : طب أيه رأيك أنا عندى فكره كويسه تحل كل المشاكل دى
( أيه هى ؟)
( أنت تكتب عليها …كتب كتاب بس عشان هتبقى بكده أقرب حد ليها وتكون الأجراءات صحيحه وتقدر تعمل وتزورها وقت ما أنت عايز ..ها أيه رأيك )
فرد أسامه بسخريه : للأسف مش هينفع
( ليه يابنى دانت شكلك و بتحبها وغرقان لشوشتك )
تنهد أسامه وقال : هتخلينى أشوفها
فتعجب حاتم وقال : اانت ما سمعتش أنا قلت لك أيه
( لأ سمعت …بس مش عجبنى الكلام ..المهم خليهم يسبونى أشوفها ولو حتى خمس دقايق )
ألتفت حاتم حول ومكتبه ورفع الهاتف وهو يقول : والله أنا ما فاهم حاجه
………………………………………………………………………………………………
أنتفض فارس عندما سمع جملة ليلى وقال : أنتى بتقولى أيه …مش عايزه أيه
فجابهت نظراته بقوه وقالت : أنت سمعت صح ..ـأنا مش عايزه أنام معاك … مش هفضل كتير متنفس لرغباتك المريضه
وضع يده على صدره وقال بغضب : أنا ياليلى رغباتى مريضه
فأومأت وقالت : أيوه ..أنت عايز تبقى راضى وأنا مش مهم ..أولع ..أهم حاجه فارس باشا يكون مبسوط ومش مهم أى حد تانى
أمسكها من ذراعيها وهزها بشده : بئه أنا ياليلى بتقولى لى الكلام ده ..أنا ياليلى رغباتى إلى مريضه ولأا أنتى إلى مش ست أصلاً …أنا إلى غلطان أنى صبرت عليكى لا شايف منك علاقه كويسه ولا حتى عارفه تخلفى وأخر صبرى معاكى تتهمينى أنا أنى مريض
ثم رفع يدعن ذراعها خبط بها ذقنها وقال بغضب : فوقى وأنزلى على الأرض ..أنتى مش ست أصلاً
تجمعت الدموع بعينيها تحرق مقلتيها وهو يكمل بقسوه ممسكاً بذقنها بشده : روحى شوفى الستات بيعملوا أيه …. أنتى لا عارفه تكونى ست ولا حتى أم ولا حتى زوجه ..أنتى فاشله ياليلى …فاهمه يعنى أيه فاشله ..فاشله وكمان عقيم
وهنا لم تتحمل وصرخت قائله : أنا بخلف ..أنا رحت للدكتوره وقالت أنى معنديش مانع يمنعنى ..أنت السبب مش أنا ..أنت مش أنا يافارس سامعنى
زاد ضغطه على ذقنها ويدها الثانيه على ذراعها تقبض عليه بشده وأقترب بوجهه من وجهها وقال بهثيث غضب : هى حصلت كمان بتطلعى العيب منى عشان تدارى نقصك
فأجابته بعناد رغم ألمها : أنا مش ناقصه
( لأ ناقصه ..ناقصه وبارده وعارفه كمان …وسكت قليلاً : أنا خنتك ..شحب وجهها بشده ولاحظ ذلك ولكن وجع كرامته جعلته يكمل بتشفى : أيوه خنتك ..خنتك مع واحده بنت ليل بس تعرفى ضفرها برقبتك ….على الأقل كنت حاسس وأنا معاها أنى مع ست مش مخده ..
ترك ذقنها بنفس العنف فأرتد جسدها بشده لدرجه أسقطتها على الأرض فنظر لها وقبل أن يضعف قلبه لمنظرها تركها ودخل الى الحمام صافقاص الباب خلفه تاركاً نفس تطمت ولا سبيل لأصلاحها
………………………………………………………………………………………….

دخل أسامه على بنان فوجدها غارقه فى النوم فأقترب منها وتلمس وجهها برقه ..وجهها الذى كان بياضه يضاهى لون الفراش من شدة شحوبه
نزل بيديه إلى ذراعها ثم رسغها حيث الضماده الموضوعه عليها
سحب كرسى وجلس بجانبها ومازال ممسكاً برسغها يقبله وكأنه يعتذر منه
فتحت بنان عيونها بوهن وألتفتت فوجدت أسامه لوهله شعرت أنها تحلم فقالت بأبتسامه : أسامه
فأجابها بلهفه : بنان أنتى كويسه
عندما حاولت تسحب ذراعها تألمت فعلمت أنها فى علم ,ان أسامه هنا بجانبها سكتت قليلاً فأعتقد أنها غطت فى النوم ولكنه سمع نهنهاتها فأقترب منها فوجدها تبكى فقال بجزع : بنان ..فى حاجه بتوجعك
فأشارت بيدها جهة قلبها وقالت : ده ..هو ده إلى وجعنى ..أنقذتونى ليه كنت سبتونى أمووت ..عايز أمـ,,ــوت
فأجابها بخوف : ماتقوليش كده يابنان ..أرجوكى ماتقوليش كده ..أنا لو كان حصلك حاجه أنا كنت همـ,,ــوت وراكى
ففتحت عيونها الزرقاء الجميله التى غشتها الدموع وقالت بخفوت : هترتاح منى
( راحتى أنى أكون عارف أنك عايشه وبخير حتى لو بعيد عنى …)
( أنت لسه بتحبنى يا أسامه زى زمان )
فتنهد وهو يقول : هتصدقينى لو قلت لك أكتر من زمان …كل يوم فى بعادك كنت بقول لنفسى أنى كرهتك أتارينى كنت بحبك أكتر
أبتسمت من بين دموعها وقالت : يعنى سامحتنى ؟!
فأبتسم بألم وقال : غصب عنى مش بأيدى …أنا لما أعدت مع نفسلى فكرت .0صحيح ده كان تصرف غب منك بس بيدل على حاجه واحده بس أنك بتحبينى زى ما بحبك
فقالت بسعاده : وأكتر يا أسامه والله
فأبتسم لها وقال : طيب لو بتحبينى بجد لازم تخفى لازم تحاربى مرضك عشان تكونى قويه وتقدرى تواجههى معايه الحرب إلى قدامنا
فقطبيت جبينها فقال : حرب ضد والدك العظيم والأستاذ تميم ولا أنتى فاكره أنى هسيبك على ذمته ثانيه واحده
أعتلى الحزن زالخوف محياها ففهم مخاوفها فأقترب منها وقال : ماتخافيش ..مفيش حاجه من أنهارده هتفرقنا ..مش بعد ما لقانا بعض هنفترق تانى ..مش ممكن وربت على وحنتها بحنان وقال : ماتفكريش دلوقتى غير فى علاجك وبس فاهمه
فأومات برأسها فقال : هتكونى قويه
(فأمسكت بيده وقالت : طول ما ايدك فى أيدى أنا هكون قويه )
فتنهد قائلاَ : جايز المرحله الجايه مش هقدر أزورك بس تأكدى أنى هكون جمبك وحواليكى ومتابعك
فقالت بحزن : ليه مش هتزورنى
فرفع كتفيه بقلة حيله وقال : قوانين المستشفى كده …ممنوع الزياره غير للاقارب بس
فشدت على يده وقالت : قلهم أنك أقربلى من أى حد ..قولهم أن أنت أنا ……………………………………………………………………………………

أغلقت داليا الغرفه وهى تغمز لحسام قائله : هما عشر دقايق وألا هتلاقى قوات حفظ الأمن عندك
فأشار لها بيده أن تذهب وهو يقول : طب روحى عشان رغيك ده محسوب من الوقت
خرجت وأغلقت الباب خلفها ليلتفت ليتطلع لخلود عروسه الخجول وزوجته التى عقد قرانه عليها منذ لحظات
أبتسم لتوترهاا والحركه المصاحبه وهى أن تعدل وشاحها الذى أصرت على أن ترتديه رغم أن الموجودين بالخارج من الرجال

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى