رواية بقلم ايمان عبد الحفيظ

********************************
جلست على الفراش تتربع .. واضعه قدمها اسفل جسدها .. ترتدى قميـ،ـصه الاسود اللون الذى يصل إلى ركبتها .. هى ليست قصيرة على الاطلاق و مع ذلك القـ،ـميص طويل للغاية .. نظرت المرآة فظهرت كالبلهاء .. كطفلة كانت تعبث بملابس والدها .. لكنها ابتسمت بهدوء على مظهرها .. كانت تبدو جميلة للغايه .. عيونها الرمادية الواسعة التي تلمع بشدة بسبب سعادتها البالغة .. و شعرها الاسود الناعم الذي تركت له العنان لينسدل خلف ظهرها فى تموجات طبيعية تأثر القلب .. من يراها و هى بالحجاب لا يتخيل منظرها الان أبدا .. حقا الحجاب سترة و حماية من الفتنة للفتيات .. شعرت بيد تمتد من خلف ظهرها لتعانق خصرها بقوة .. و نظرت المرآة .. لتجدة أسند رأسه على كتفها .. و يحدق بصورتها خلال المرآة .. كانت آية فى الجاذبية و الجمال الباهر .. طبع قـ،ـبلة طويلة على رقبتها .. حين يراها يفقد تماما السيطرة على نفسه و يبدأ بالقبلات … كأنها رصيد يختنزنه حتى بمجرد أن يراها يغرقها بقبلاته ..
يزن بهمس : صباح الخير …
شغف بابتسامة : و الله .. ده احنا وصلنا العصر …
يزن بضحك : الله .. مش وحشانى طيب .. و بعدين ده لسه فيه و فيه حاجات كتير عايزة تتناقش …
شغف بابتسامة : لا يا عم انا عايزة أكل .. حراااام عليك .. ده انا جعاااااانة من امبارح ..
يزن بغيظ : راعى أنى جوزك ها .. يعنى انا حاليا بكتشف فيكى اشياء حلوة و لذيذه .. يعنى المفروض تدلعينى .. مش جاية تقوليلى جعاااااانة ..
شغف بضحك : اسمع يا زيزو يا حبيبي .. اول لما املا معدتى هدلعك أخر دلع …
كادت أن تبتعد لولا أنه .. جذبها من ذراعها.. لتصتدم بصدره العارى .. و ذراعيه يحاوطانها من الخلف ..
يزن بابتسامة خبيثة : و انتى فكرك مثلا .. هسيبك امشى بعد كل الدلع اللى قولتيه ده …
شغف باستياء مصتنع : لااا .. و حياتى عندك سيبنى أكل بقى و الله حراااام ..
أمسك خصلات شعرها الناعمة السوداء بيده .. ليجذبها بحزم كأنها طفلة صغيرة نحو المطبخ .. رفعها قليلا ليجعلها تجلس على الطاولة الموضوعه فى المطبخ .. و اتجه هو إلى الثلاجة ليخرج منها بعض قطع الدجاج المتبلة التى سبق أن وضعها هو بنفسة هنا منذ أيام وقت كان يعمل في الشقة .. أخرج تلك القطع التى فقط تحتاج إلى وضعها فى الزيت على النـ،ـار ..
كانت هى تتدق النظر إلى ما خطوة يخطوها .. كل فعل يقدم عليه .. كل ابتسامه تصدر من شفتيه من حين لآخر حين يقع بصره عليها و هى تحملق به كأنة ملك على عرش الجاذبية و الوسامة و الحنان .. بمجرد أن انتهى من إعداد الطعام حتى وضعه في إناء تقديم .. ليضعه بجانبها على الطاولة .. أسرعت في الهبوط من على الطاولة .. قفزت برشاقة.. أمسك رسغها بأصابعه القوية .. ليجلسها على قدمة ..
يزن بابتسامة: هتقدى هنا .. حتى و لو اخر يوم فى عمرى هتفضلى تقعدى على رجلى .. حتى و لو اتخانقنا و مش طايقين بعض برضوه تقعدى هنا ..
اومأت برأسها بخجل شديد ممزوج بابتسامة خجولة ارتسمت على شفتيها الورديتين .. بينما هو رفع المعلقة ليطعمها بيده .. كأنة طفلته الصغيرة المدللة ..
يزن بابتسامة: هتقدى هنا .. حتى و لو اخر يوم فى عمرى هتفضلى تقعدى على رجلى .. حتى و لو اتخانقنا و مش طايقين بعض برضوه تقعدى هنا .. على الرغم من انى كنت عايز احطك جوه قلبى و اقفل عليكى .. او تعيشى جوه جيبى بحيث تفضلى معايا على طول للابد …
اومأت برأسها بخجل شديد ممزوج بابتسامة خجولة ارتسمت على شفتيها الورديتين .. بينما هو رفع المعلقة ليطعمها بيده .. كأنة طفلته الصغيرة المدللة .. التى يعشقها من أعماق قلبه .. بمجرد ان انتهت من طعامها كالصغار .. مسحت فمها بالمنشفة الموضوعه بجانبها على الطاولة .. ثم نظرت له بابتسامة لامعه تنبض بالحب و العشق و كل معانى الموجوده فى قاموس القلب و تدل على الحب .. بينما هو يتأمل ما اصبح ملكه .. يتأمل أية الجمال تلك التى تقبع امامة .. تلقائيا اقترب منها ليطبع قـ،ـبلة على وجنتها الوردية بفعل الخجل الفطرى .. هى حتى هذة اللحظة لم تعتاده جيدا .. رغم ان حديثها معه يعد تقدم فى حد ذاتة ..
يزن بابتسامة عريضة : الفراولة دى عايزة تتأكل ..
ضـ،ـربته بخفه فى صـ،ـدره .. و هى تبتسم بخجل ..
يزن بضحك : مش بقول الحق ..
ثم فى أقل من الثانية كانت بين ذراعيه يحملها بخفة كأنها ريشة ..
شغف بدهشه : انت رايح فين ؟؟
يزن بابتسامة : تقوقذ القوقاذ متقوقذأ .. لازم نتقوق فى السـ،ـرير دلوقتى ..
شغف باستغراب : يعنى ايه تقوقذ ؟؟..
يزن بضحك : هو سعد زغلول قالها زمان .. مفيش فايدة .. يعنى سايبة القوقاذ نفسه .. و بتسألى فى تقوقذ ..
شغف بضحك : احترم نفسك .. انت كده بتغلط فيا ..
توجة بها مسرعا الى الغرفة .. و هو يبتسم بهدوء ..
يزن بضحك : لا الغلط جاى قدام ..
ثم أغلق الباب خلفة و هو يلتهم شفتيها بين شفتيه و هو ينهل من بحر العشق الرمادى فى عيونها .. و يبث لها اشواقة و حبه .. أثباتا لها على صك ملكيتها له ….
**************************
بعد مرور 4 شهر …
كانت تجلس على رأس طاولة الطعام .. بجانبها ابنتها الكبرى و الوحيدة .. و على الجهه الاخرى الابن الثانى لها .. كانت تحترق من داخلها .. كأنها تجلس على شعـ،ـلة نـ،ـارية .. قلبها يحترق غيرة على ابنها التى لم ترى وجهه سوى مره واحده منذ شهر .. تلك الساحـ،ـرة استوحذت على ابنها بشكل جيد للغايه .. حـ،ـرمتها من ابنها رسميا .. لم تراه سوى مرة واحده انتهت بشجار دار بينهم .. أدى الى تركه لها و توجهه اليها فى شقتة ..
flash back ….
كانت تجلس وحيدة فى الشقة .. تقطع الخضار تحضيرا للطعام .. سمعت صوت مفتاة الشقة .. ظنت فى البداية انها ابنتها او ربما ابنها الاخر .. فوجئت به يزن الابن البكرى لها ..
نادية بدهشه : يـــــــــــــزن ..
اقترب يزن ليعانقها من الخلف بقوة .. و هو يطبع قبـ،ـلة قويه على وجنتها .. معبرا لها على اشتياقه لها .. والدته التى يحبها من اعماق قلبه ..
يزن بابتسامة : وحشتينى جدا جدا يا أمى ..
نادية بتهكم : لو كنت فاكرنى .. كنت سالت مش ناسينى خالص و قاعد مع السنيورة ..
يزن بضحك : مش مصدق .. نادية هانم بتغير على ابنها من مراته .. لا يا ماما ده انتى غيورة اووى ..
نادية بجدية : لا انا بتكلم بجد .. الشحرورة دى خدتك منى ..
يزن بعبوس : هندخل فى الجدال ده تانى .. يا أمى شغف حاليا مراتى و حبيبتى .. و مش هينفع تحطينى فى موقف زى اللى بين امه و مراته ..
نادية بحنق : انا مش طايقها .. و انت اتجوزتها غضب عنى ..
يزن بغيظ : مـــــــــــــاما .. مش هندخل فى النقاش ده .. ده مش مجال للنقاش .. حضرتك عمرك ما فكرتى تحبيها انتى مقتنعه انها مش حلوة و من غير اسباب اصلا .. مش كل الناس طماعه يا ماما .. مش الفلوس اللى خلت شغف تتجوزنى …
ثم وقف منهيا ذلك النقاس السخيف الذى لن يجدى نفعا مع والدته مطلقا .. هو مقتنع انها لن تكف عن كره شغف الا فى حالة واحده .. و هى حدوث مأساه عظيمة ..
back…
اخذت تتلاعب بالملعقة دون ان تضعها فى فمها .. مما اثار استغراب كلا من حسام و اروى ..
اروى باستغراب : مالك يا ماما ؟؟.. مش بتأكلى ليه ؟؟…
نادية بهدوء مصتنع : مفيش ..
حسام بترقب : ماما .. قولى اللى مضايقك ..
نادية بسخرية: يزن بيه اللى مشفتش وشة من يوم ما اتجوز ..
زفر كلاهما بضيق .. بينما ارتسمت على وجوههم ملامح التهكم من الاسطوانة اليومية لوالدتهم .. المرشح اليومى لناديه النجدى ..
حسام بضيق : هاتى حاجه جديده يا نادية ..
نظرت له شرزآ .. كأنها على وشك أن تقـ،ـتله أو تفعل به شيء غير مستحب بالمرة ..
اروى بهدوء : ماما .. مفيش حاجه تمنعك من انك تشوفى يزن .. هو بينزل هنا هو و شغف و حضرتك بترفضى تقابليهم .. و رافضة تطلعى عندها يعنى فعلا ملل ..
نادية بغيظ: اروى .. احترم نفسك و لمى لسانك علشان و الله هتزعلى ..
اروى بابتسامة : ماما .. واجهى الواقع دى بقت مرات ابنك حاليا .. يلا عن اذنك .. يلا يا حسام ..
ثم أسرع كلاهما للهروب من طوفان النواح و الصراخ و الغضب الذى هو على وشك الانفجار في وجوههم .. بينما هى جلست تفكر بعمق لما الجميع يقف فى جانبها .. هل تكون مخطئة فى وجهه نظرها تجاه شغف .. لا لا لا هى لم تخفق فى قراءة شخص ما من قبل .. هل تكون أخطأت و تكون شغف قاعدة استثنائية في حياتها .. هل تتقبل تلك الصغيرة ؟؟..
**********************
كانت تجلس في الشرفة .. رافعة شعرها الاسود الناعم الاعلى بفوضوية … و خصلات شاردة تتساقط على وجنتها … كانت تعبث بحقيبة يزن التى تحوى الكثير من التصاميم و الصور لأزياء أقل ما يُقال عنها مذهله .. و تحت كلا منها توقيع يزن الأنيق … رأت تصميم لفستان ضيق من منطقة الصدر .. و وصل الرسم بالفستان حتى منطقة البطن حيث وجود حزام يحوى نقش رائع للغايه .. و على أعلاة رسمة صغيرة الفراشة .. يبدو أن يزن لم يكمل رسم هذا التصميم و توقف عن هذا الحد .. أذا لا مانع من العبث قليلا باشياءه و هو نائم … اخرجت القلم الرصاصي الذى يستعمله يزن لرسم التصاميم الأولية .. أكملت رسم الفستان و هى تتخيله منظره .. اكملته بعمل ذيل طويل على بعض النقوش لرسمه فراشة … و حاولت تقليد رسمه النقش الموضوعه على الحزام .. لكنها خرجت معها بشكل آخر لكنة كان لا يقل روعه عن رسم يزن .. لكن بالنسبة لها هى خربت التصميم … لقد أوقعت ضررآ ب يزن … ترقرت الدموع في عينيها الرمادية الواسعة … أسرعت تجاه غرفة النوم .. لتجده يحاول الاستيقاظ من نومه .. شهقت بخوف منه .. ففزع هو من نومه …
يزن بفزع : مالك يا شغف ؟؟؟.. ايه اللى حصل يا حبيبتي ؟؟.. .
شغف ببكاء : خربتها …
ارتفع حاجب يزن بدهشه … لاحظ انها تحمل ورقة كبيرة نسبيا .. و يبدو ايضا انها تخص اوراقه ..
يزن بترقب : عملتى ايييه ؟؟ ..
شغف ببكاء شديد : انا كملت التصميم بتاعك اللى كان فى الشنطة و خربته ..
مدت يدها بالتصميم له و هى تبكى بشده .. لانها عبثت بما لا يخصها و خربته أيضا فى وجهه نظرها… لاحظت هى أن يزن يدقق النظر في الورقة بقوة .. و لاحظت علامات الدهشة الممزوجة باعجاب على وجهه .. لاحت ابتسامة اعجاب على شفتيه … أشار لها بيده لتتقدم لتجلس بجانبه … فتوجهت بأقدام ترتجف من الخوف …
يزن بابتسامة : بتعيطى علشان كملتى الرسمه …
اقترب منها قليلا و هو يتناول دموعها بشفتيه من على بشرتها الناعمة كطفلة صغيرة .. طبع قـ،ـبلة طويلة عميقة على وجنتها الورديه ..
يزن بحب : بس على فكره هى مش بالسوء ده .. هى بس عايزة شوية حاجات تتصلح و هتبقى زى رائعة …
ابتسمت هى بشده من بين دموعها …
شغف ببراءة : بجد…
يزن بابتسامة : اه طبعا .. انتى عندك حس فنى حلو فى التصميم .. بس فى حاجه انتى نسيتى تعمليها …
شغف ببراءة : ايه هى ؟؟..
أخرج من الدرج المجوار له بالكومود .. قلم رصاص ممثال لما كان بحوزتها قبل قليل … ليطبع اخر الورقة فى جانب من جوانبها … علامة تشبه توقيعه .. لكنها اختلفت قليلا …
شغف باستغراب : اييية دى ؟؟..
يزن بابتسامة : بصى كويس و انتى هتعرفى …
دققت النظر فى الرسمه .. وجدتها مزج لاسمها و اسم يزن .. لكن بطريقة خلابة تخطف الأنظار بطريقة رائعة …
يزن بابتسامة :، هتبقى غلاف الكولكشن الجديد بتاع الصيف …
صفقت بيدها بفرحه عارمة .. ثم عانقته بقوة .. لبربت هو بحنان على ظهرها ..
يزن بحزم : بس اللى حصل ده غلط و لازم يتصلح .. و لازم تعتذرى ..
شغف بحرج : آسفة ..
يزن بخبث : لا شوفى طريقة تانى غير دى ..
اقتربت منه قليلا .. لتطبع قبـ،ـلة رقيقه على وجنته .. و الابتسامة الخجولة تزيديها جمالا وجاذبية فوق ما تملكه ..
بينما هو جذب خصلات شعرها السوداء بين أصابعه .. ليعود من جديد ليطبع صك ملكيتة على جسدها و قلبها … رافعا راية العشق لأخر دقيقه فى عمره ..متناسيا عمله الذى ينبغى حضوره به ..
***************************
الملل … عنوان ما تعيشة الان … جلوسها وحيده هكذا .. الجامعه بدون شغف مملة جدا … صدقا هى تشتاق لشغف جدا … الجلوس معها .. النميمة على الفتايات التى يثرن حنق كلاتيهما … رغم انها ترى شف يوميا الا انها تشتاق لها بالجامعه .. ربما لولا وجود تيم فى حياتها لكانت فقدت عقلها من الوحده و الملل .. تيم .. الذى اصبح زوجها حاليا .. تم عقد قرانهم بعد معاناه لاقناع يزن بالقبول … المناورة مع يزن كانت صعبه للغايه من جهه تيم .. ارتسمت الابتسامة اللامعه على شفتيها … تذكرت حين كانت تقف خلف النافذه و هى ترى تيم و هو يقف ينتظرها ان تخرج … الا انها كانت ممتنعه بالخروج بأمر من يزن وقتها …لكن الان الوحده تسيطر عليها فى غياب شغف عن الجامعه بعد زواجها … انتفض جسدها على يد وُضعت على كتفها … التفت للخلف بعنف شديد … لتهدأ ملامحه تلقائيا حين وجدته … تيم …
اروى بغيظ : خضيتنى على فكره ..
تيم بابتسامة : عارف … كنتى سرحانة فى ايه ؟؟..
اروى بهدوء : و لا حاجه …
تيم بخبث : اكيد فيا و مكسوفه تقولى …
اروى بضحك : مسكين … لا طبعا .. و بلاش غرور …
تيم بهدوء : طب حبة جد بقى .. كنتى بتفكرى فى ايه ؟؟
اروى بشرود : افتكرت شغف … الجامعه من غيرها مملة جدا …
تيم بابتسامة : هو انا مش مالى عينك و لا ايه ؟؟؟
اروى بابتسامة : مكانتك محفوظه يا بشمهندس …
تيم بضحك : زوغى فى الكلام …
اروى بابتسامة : انا كده و اذا كان عاجب …
تيم بابتسامة : لو هو مش عاجب … كنتى هتلاقينى قاعد قدامك دلوقتى …
اروى بابتسامة : ايه اللى جابك صحيح ؟؟؟…
تيم بابتسامة : جاى العب معاكى …
اروى بهدوء : تيم ..
تيم بابتسامة : جاى اراقبك بتعملى ايه ؟؟..
اروى بابتسامة : تيم …
تيم بحب : وحشتينى …
اروى بضحك : قوم روحنى يا تيم …
تيم بغيظ : هتفضلى تهربى لغايه امتى يا حجه اروى … انا تعبت منك و الله … ده انا من يوم ما اتجوزتك مسمعتش كلمة حلوة …
اروى بابتسامة : يلا يا تيم …
كانت تحاول جاهده ان تكون مرحه … الا ان هناك قبضة محكمة على قلبها بقوة … تجعلها قلقه على جميع افراد اسر تها … هذا يحدث معها فقط فى حالة وقوع مصيبة … حدث معها مرتين من قبل .. مره حين وقع الحـ،ـادث ب يزن … و مره حين توفى والدها … لكن الان ما الذى يحدث ليحدث معها ذلك …
سمعت صوت رنين هاتفها … التقطته بلهفه مسرعه … لترى اسم المتصل … يزن …
فتحت الخط و هى ترتجف خوفا … لكن تساقطت دموعها حين سمعت ما حدث ….
*******************

نوفيلا : الاعيب القدر
الكاتبة : ايمان عبد الحفيظ
الفصل السابع عشر
***********************
ارتجف جسدها على أرض السلم .. تدحرجت الدموع من عيونها .. و هى ترى الد،ماء تدفق من أسفل جسدها .. نظرت للأرض بجانبها .. وجدها الد،ماء تملأ المكان .. لن يمـ،ـوت .. لن تفقده فى ثانية .. لاحظت صوت سيارة تتوقف امام باب العمارة .. قررت الصراخ بكل ما تبقى لديها من قوة
شغف بصراخ : يــــــــــــــــــــــــــــزن ..
ثم اعادت رأسها للخلف .. لتبكى بقهر .. لاحظت ان هناك صوت اقدام تقترب منها .. لتجد يزن ..
يزن بفزع : شغف …شغف .. شـــــــغف …
شغف بدموع : هيمـ،ـوت .. هيمـ،ـوت يا يزن .. ألحقة بسرعة ..
يزن بدموع : شغف خليكى معايا .. ايه الدم ده ..
شغف ببكاء . ابنى هيمـ،ـوت يا يزن .. ابننا هيمـ،ـوت ..
قالتها ثم فقدت وعيها .. ترفض و تحتج على هذا الواقع المرير الذى حدث لها .. بينما هو اثار هذا فزعة .. الد،،ماء التى تتساقط من اسفل جسدها .. تحديدا رحمها .. كلماتة .. ابنة .. شغف تحمل داخل احشائها ابنهم .. حمل جسدها بين ذراعيه بأقصى سرعة .. فتح السيارة يضع جسـ،ـدها داخل مقعد السيارة الامامى برفق .. و الدموع تتلألأ فى عيونة .. سيفقد ابنة او … لا لا ل.. لن يفقدها مطلـ،ـقا .. هى حبيبة قلبة و عشقة .. هى ابنة قلبة ..
يزن بدموع : شغف .. اوعى تسبينى .. خليكى معايا .. مش انتى وعديتى تفضلى معايا .. اوعى تستسلمى يا شغف .. هيبقى كويس .. و انتى هتبقى كويسة .. هنعيش مع بعض لأخر العمر يا شغف .. ها .. شغف .. ردى عليا علشان خاطر يزن .. حبيبك .. جوزك و دنيتك زى ما بتقولى .. ردى عليا …
لا يجد رد .. هو بعرف انها تجيبة بقلبها .. لكن يريد لسانها ان ينطق .. لكن قلبة يرتجف من فكره ان يفقدها .. فكرة ان تختفى من حياتة ..
بعد معاناة تم الوصول الى أقرب مشفى .. حمل جسدها من السيارة مسرعا .. و هو يصرخ بهم لعمل الاسعافات الاولية .. او لفعل اى شيئ لأنقاذها ..
يزن بصراخ : انتـــــــــــــوا .. حد يساعدنى .. بتمـ،ـوت منى ؟….
تجمع حوله عدد كبير من الممرضين .. و الاطباء .. لكى يساعدوا تلك الحالة التى تتدفق منها الد،ماء بشدة .. ظل يرك خلفهم حتى ادخلوها غرفة الطوارئ .. سمع صوت الطبيب
الطبيب بحزم : لو سمحت .. لهنا و كفايه .. ممنوع الدخول ..
وقف يزن فى مكانة .. ينظر للباب الذى أغلق فى وجهه قبل ثوان قليلة .. بدأت عيونة تزداد احمرارا .. كانة مصاص د،ماء فى انتظار الانقضاض على فريستة .. من المحال ان تسقط شغف من على السلم بأرادتها .. هناك شخص ما دفعها لتسقط من عليه … سيعرفة قريبا .. رغم شكوكة بمعرفتة ..
لا يدرى كم من الوقت مضى .. و هو يسير فى قلق تام خارج غرفة العمليات .. كان قلبة يرتجف بين ضلوعه .. يشعر بأن قلبه على وشك التوقف .. اذا حدث لها مكروه .. سيمـ،ـوت وقتها لا محالة .. لم يدرى بنفسه سوى وقت خروج الطبيبه من غرفة العمليات ..
يزن بفزع : دكتورة .. حالتها عامله ايه ؟؟.. هى كويسة ..
الطبيبة بجديه : حضرتك جوزها ؟؟.
يزن بقلق : ايووه انا .. هى كويسة ..
الطبيبة بحزن : هى كويسة .. بس للأسف نزفت كتير .. و مقدرناش ننقذ الجنين .. ربنا يعوضكم ان شاء الله .. عن اذنك ..
كلمات بارده روتينيه .. تلقيها هى كثيرا .. لكنها ذبحت روحه ..قتـ،ـلتها بدم بارد .. هو فقد ابنه .. حلمه معها قد انهار تماما .. ربما سيفقد جزء كبير من شغف بعد هذا الحـ،ـادث .. شغف .. تلألات الدموع فى عيونه .. كم الالم الذى تحملته هى .. يجعل قلبى ينبض من الغيظ و الحنق و الالم .. لكنه سيأخذ حقها من الذى فعل بها ذلك .. ربا وجب الان الشجار .. يكفى صمت … ازداد غضبه اضعاف عند هذه النقطة .. و هو يزداد حنق من فقدان ابنه ..
******************************
كانت تجلس على الاريكه فى منزلها .. تقوم بعمل بعض الاعمال المنزليه .. تقطيع الخضروات للقيام بالغداء .. كانت الابتسامه الهادئه تحتل ملامحها .. لقد انتصرت و اخيرا على تلك الحرباء التى احتلت منزلها .. التى خطفت قلب ابنها البكرى .. أدعت انها ستنجب منه طفل .. هى تدرك جيدا انها هبطت لتتحدث معها .. و تحاول ان ترق قلبها حتى تعاملها جيدا .. لكن مطلقا لن تفعل .. هى حرباء تريد الجميع تحت جناحها .. حتى تستولى على اموالهم لكنها لن تتركها تفعل ذلك .. بمجرد ان تنجب ذلك التى اخبرتها انه حفيدها ستأخذه منها و تطردها فورا .. انتفضت على صوت اغلاق الباب بقوة .. حولت نظراتها الغاضبه للباب .. لتجد يزن و ملامحه لا تبشر بخير ..
ناديه بغيظ : داخل بزاعبيبك ليه ؟؟.. ايه اللى حصل ؟؟..
يزن بغيظ مكتوم : حضرتك عارفه ان شغف وقعت من على السلم ..
ناديه بتوتر : لا معنديش فكرة ..
يزن بعصبيه : مـــــــــــــــاما .. شغف وقعت من على السلم ازاى ؟؟..
ناديه بقلق : معرفش .. وقعت ازاى ؟؟.. يمكن داخت و وقعت .. الله اعلم ..
ضـ،ـرب بقبضة يده بغضب شديد .. مما أدى الى تحطيم الطاولة .. و عيونه تزداد حرة بسبب الغضب .. كأنه فقد وعيه من الغضب و الحرقة على ما فقده .. هو للتو فقد ابنه .. حلمه هو و شغفه .. مـ،ـات .. لن يأتى لهذه الدنيا .. بسبب كره والدته لها .. والدته دفعتها من على الدرج ليسقط جسدها .. و يسقط معه الصغير الذى يتكون بدخلها .. الذى لم يعرف بوجوده سوى منذ ساعتين فقط .. عرف بأنتهاءه من نصف ساعة فقط ..
يزن بغضب : مـ،ـات يا ماما .. مـ،ـات يا ناديه هانم .. حضرتك مـ،ـوتى ابنى يا ماما.. قـ،ـتلتى حفيدك .. زقيتى شغف من على السلم علشان تمـ،ـوتى ابن ابنك .. على تدفـ،ـنى حلمى انا و هى .. علشان تخلينى اسيبها .. استفدتى ايه يا ماما .. ها .. استفدتى ايه لما شايفانى بتعذب على ابنى اللى مـ،ـوتته امى .. ارتاحتى صح .. انا اسف .. اسف انى بلومك .. او بكلمك كده بس صدقنى .. مش هتشوفينى تانى .. يا .. يا ناديه هانم …
قالها ثم اسرع خارج المنزل .. لانه لن يستطيع الصمود اكثر من ذلك .. يحتاج لأحتضان شغف الان بكل قوته .. لكى يخفف جراحه .. هى تحتاج امانة و قوته الان .. لكنه فقط يحتاج دقيقه مع نفسه .. هو فقد ما حلم به معها من يوم تزوجها .. بل من يوم احبها .. لكنه ايضا اختبار على مقدره تحمله من الله عز وجل .. يجب ان يتحمل لأجل شغف .. فليذهب الان و يحتضنها بكل قوته .. هى تحتاجه اكثر من نفسه الان …
*********************
كانت مستلقية على الفراش في عالم اللاوعى .. تنظر للفراغ المحيط بها .. لا ترى اى شيء من حولها .. لا تشعر بوالدتها التى تنظر لها بحسرة و دموعها تتساقط .. لا ترى صديقتها الوحيدة التى تنظر له بقلب ملكوم .. هى تبحث عن شخص معين ؟؟ .. اين هو ؟؟.. الى اين ذهب و تركها وحيده هنا تعانى ألم الفقد .. ألم حرقه القلب على فقد قطعة اللحم التى تكونت بداخلها.. حقا قلبها تمزق لأشلاء .. ترغب بأن تلقى برأسها على صدره .. تستنشق رائحته العطره .. تشم رائحة الامان و الحنان ..تشتهى عناقه الان ..
شغف بارتجاف : يزن فين ؟؟..
انتفض كلا من أمنة و اروى على صوتها المنخفض للغاية ..
آمنة ببكاء: يا حبيبتي يا بنتى .. حمد الله على السلامه ..
اروى بدموع : حمد الله على السلامه يا شغف ..
شغف بثبات : يزن فين ؟؟ ..
أمنة بتوتر : يزن .. يزن بره .. مش قادر يدخل ..
شغف بثبات: نادى عليه يا ماما انتى و اروى .. و مش عاوزة حد معاه .. لوحدنا بس ..
كلماتها لم تكن رجاء او طلب .. بل كانت أمر .. هى ترغب بألقاء همومها على عاتقه .. تعرف جيدا انها يتعذب مثلها و ربما أضعاف ..
خرجت كلا من أمنة و اروى .. لينتفض يزن من جلسته الصامته التى يحارب بها نفسه كى لا ينفجر بكاءا على ابنة و على حبيبته و زوجته .. مسح يزن وجهه بقوه ليخفى أى آثار لدموع ضعفه و قلقه ..
يزن بقلق : طلعتوا ليه ؟؟.. هى كويسه ..
اروى بهدوء : عاوزك يا يزن .. و لوحدك ..
تجمد فى مكانه للحظات .. تريده هو وحيدا .. لن يقدر على مواجهتها الان .. هو يًحمل نفسه ذنب ما حدث … لو كان منعها من الهبوط الأسفل من غيره لما حدث ذلك .. هو وحده يحتمل مسئولية ما حدث لحبيبة القلب و الروح .. لا لا لا لن يدخل أليها الان .. لن يستطيع النظر لأعينها الرمادية الدافئة ليواجه نظرات العتاب و اللوم ..
خرج من دهليز أفكاره على يد تربت على كتفه .. ليجدها يد أمنة .. و نظرات الحنان تنبض من عيونها السوداء .. بها مزيج غريب من العتاب ..
أمنة بحنان : عيونى فيها عتاب صح .. بس ده ليك مش عليك .. اللى حصل ده قضاء و قدر .. و مش فى أيدك لا تمنعه و لا تصححه .. أرضى بنصيبك و ادخلها .. هى محتاجك دلوقتى اكتر من اى وقت ..
كلماتها العميقة أرسلت له قوه كبيرة .. قوة التحمل والصبر ليدخل الى زوجته ليساندها فى فاجعه قلبها الرقيق .. اومأ برأسه ليتقدم بهدوء و يدخل لغرفتها .. حتى فى أقصى حالات حزنها تثير رغبته بمعانقتها بقوة .. تثير رغبته بأن يحتجزها داخل ضلوع صدره .. يغلق عليها باب قلبه التى تربعت على عرشه منذ وقع بصره عليها …
كانت تنظر إلى النافذة الواسعه التى تشمل الغرفة بأشعتها الصفراء الذهبية .. لتداعب وجنتيها الورديتين التى خدشتهما قطرات الدموع من عيونها الرمادية ..
اقترب منها بخطوات تتألم مع كل خطوة يتقدمها كان قلبه يأن من ألمه عليها و على ما فُقْد .. و بعد عناء طويل .. وصل على فراشها .. ليجلس على حافته بجانبها تماما .. سمع صوت شهقه حزن أفلتت منها .. تبعها شهقات البكاء التى أنفجرت منها .. التفت له ببكاء .. رفعت ذراعيها اللذان لم يسلما من كدمات زرقاء اللون بسبب السقوط من الدرج .. لتحاوط بها عنقه بقوه .. لتدفع وجهها الباكى فى تجويف رقبته .. و دموعها تتدحرج على كتفه لتبلل قميـ،ـصه .. بينما هو رفع ساعديه ليحاوط خصرها بحنان .. و هو يربت على ظهرها بحنان بالغ .. تساقطت دمعه من عيونه حزنآ و ألمآ على شغفه التى تعانى قدر كهذا من الالم .. طبع قبـ،ـلة طويلة حنونه على كتفها الذى يرتجف بفعل البكاء الشديد .. كان يود لو يتفوه بحرف يخفف عنها قهرها و حزنها .. لكن و لا اى كلمات تفى بالغرض هنا .. و لا أى كلمه تستطيع محو حزنها .. اكتفى بأصابعه التى تربت برفق و حنو على كتفها و ظهرها .. بينما سقطت دمعه من عينه على عنقها الناعمة .. ابتعدت هى قليلا عنه لتحدق بعيونه التى تتألم لحزنها .. تحزن لفقدان ابنهما .. كم من مره جلست بحـ،ـضنه بعد عودته من عمله لتقص عليه مغامرات تود فعله مع ولدها .. كم من مره تشاجر كلاهما على الاسم الذي يرغبا به للطفل .. كم ابتسامه ارتسمت على شفتيها الورديتين حين تتذكر أنها ستصبح ام .. لكن الآن لا شيء .. عادت لنقطة الصفر .. شغف ببكاء: ابننا مـ،ـات يا يزن .. انا السبب .. مـ،ـات بسببى ..
يزن بحزن : هشششش .. ده قضاء و قدر يا شغف .. ربنا كاتبلنا كده .. ربنا يرحمه .. و يرحمنا …
شغف بقهر: مش قادرة أصدق أن اللى كنت عاوزه اكتر من عمرى كله راح .. اللى كنت بكلمه طول اليوم و انت مش معايا .. كان هو أملى فى الدنيا بس رااااح .. راااااااااح يا يزن .. .
ثم أجهشت بالبكاء والصراخ على ما فقدته .. حرقه القلب على فقدان الضنى ..
أبعدها عنه قليلا ليطبع قبـ،ـلة طويلة حنونه على وجنتها .. أسند جبهته على جبهتها .. و أنفاسه تلفح وجهها المتورد باحمرار بفعل البكاء ..
يزن بحزن : شغف .. هنجيب غيره بأذن الله .. ربنا سبحانه وتعالى حاليا بيختبر قدره تحملك .. قوتك فى تحمل الابتلاءات اللى بتحصلك .. ده اختبار من ربنا ..
شغف بحزن : لا أله الا الله ..
يزن بهدوء : محمد رسول الله ..
ساد الصمت مره اخرى في أرجاء الغرفه .. لا يقطعه سوى شهقاتها الباكيه .. و صوت تناهيده الحاره الممزوجه بأنفاسه الحارقه ..
يزن بحزم : وقعتى ازاى يا شغف ..
شغف ببكاء : كنت نازله على السلم و … دوخت و وقعت ..
يزن بحزم : شغف .. الكذب لا ..
ساد الصمت مره اخرى لكنه ممزوج ببكاء حارق القلب .. لن تستطيع اخباره بالحقيقة .. حقيقه ان والدته هى من تسببت في ذلك .. لن تستطيع أن تتحمل و لو احتمال بسيط أن يزن لن يصدقها .. لن تدمر بيتها بيدها .. ستصمت و لن تخبره الحقيقه المؤلمه ..
Flash back …
كانت تجوب الغرفة ذهابا و أيابا .. و القلق الممزوج بالتوتر يظهر باديا على ملامحها الجميلة .. عيونها الرمادية اللامعه تتحرك في كل الاتجاهات .. لا يصح أن يستمر هذا الوضع كثيرا .. ليس من الجيد أن ترى كره والده يزن لها و تصمت .. رغم محاولاتها المستميته لتزرع حبها في قلبها .. لكن كل هذا صفر في خانه اليسار .. هى الان تحمل فى احشائها طفل صغير بعمر ٣ شهور .. لم تخبر أحد .. حين تقرر أخبار يزن .. لا يعطيها الفرصه .. فقط يختطفها لعالمهم دون الاكتفاء منه .. لم تستطع اخباره حقيقه انها تحمل منه طفل فى رحمها .. بسبب نوبات عشقه التى يغرق بها كلاهما فور عودته من عمله منذ أكثر من شهرين … فى كل مره تقرر الهبوط لاسفل للجلوس مع السيدة نادية و اروى قليلا .. يمنعها يزن بالقوة .. كان دوما يتفوه ” لا يا شغف .. مش هتنزلى لوحدك .. ماما لسانها حاليا عامل زى المبرد .. و كلامها هيزعلك .. و نزولك لوحدك ده مبدأ مرفوض تماما .. ” ..
زفرت بضيق شديد .. لن يظل الوضع على ما هو عليه .. يجب تغيره بكل الطرق و الوسائل المتاحه .. ربما أن هبطت الان و تناقشت معها قليلا .. ربما ذلك يجلب الود بينهم و لو بنسبه ضئيلة جدا .. ستخاطر بكرامتها و تهبط للحديث مع نادية ..
و بعد عدة لحظات كانت تقف أمام باب الشقة و التوتر يحيط بملامحها .. هل تسرعت في النزول لهنا .. أو ربما هو الوقت المناسب .. يزن فى طريقه للعودة .. تتناقش معها الان و تنهى هذا الموضوع .. طرقت على الباب بأصابع مضطربه .. و بعد لحظات كانت تقف أمامها نادية و هى تنظر له بازدراء ..
نادية بغيظ : خير ؟.. ايه اللى جابك ؟؟..
شغف بابتسامة هادئة : خير أن شاء الله .. جايه أسأل على حضرتك..
نادية بسخرية : و الله .. كتر خيرك .. يلا اتفضلى على شقتك ..
شغف باندفاع: هو حضرتك بتكرهينى ليه ..
نادية بسخرية: على أساس مش عارفة ليه ؟؟.
شغف بثبات: انا مش شايفه سبب يخلى حضرتك تكرهينى .. انا عمرى لا اتجاوزت حدودى و لا قلت ادبى فى كلامى معاكى و لو لمره واحده …
نادية بسخرية: انتى فكرك دى بس اسباب الكره اللى فى الدنيا ..
نظرت لها شغف بترقب … تنتظر إجابة السؤال الذي حيرها ليال طويلة ..
نادية بحقد : انا بكرهك لانى خطفتى ابنى منى من حوالى 3 سنين .. اول مره شافك فيها و انتى شاغله دماغه بطريقه مش طبيعيه .. بكرهك علشان انتى مش من مستواه .. بكرهك علشان ابنى يستحق واحده افضل منك .. واحده يكون هو الاول فى حياتها .. مش واحده الله اعلم كان فى كام واحد فى حياتها قبله ..
اغمضت عيونها بقهر .. يزن كان محق حين كان يجبرها على عدم النزول للأسفل من غيره .. اهانه والدته كانت ساحقه كالسكين الذى سحق قلبها شطره لنصفين .. لكنها يجب ان تعلم الحقيقه كاملة .. حتى لو ذلك كان على حساب كرامة سيف رحمه الله .. لن تصمت على كرامتها التى جُرحت .. لذلك هتفت بهدوء بعكس العواصف التى تهاجمها بقوه فى تلك اللحظة ..
شغف بهدوء : اولا يا ريت حضرتك تتكلمى معايا بأسلوب احسن من كده .. ثانيا لو كان على فكره جوازى الاول .. فأحب اقول لحضرتك انه كان صورى .. يعنى الله يرحمه و لا لمسنى و لا شاف شعره منى .. يعنى ابنك كان الاول فى حياتى .. اما بالنسبه لانى اقل منه فى المستوى المادى .. ربنا عمره ما خلق الناس كلها فى مستوى واحد .. خلقنا طبقات علشان نكمل بعض ..
نادية بغيظ : تفتكرى انا كده هحبك برضوه ..
شغف بابتسامة : لا عمرك ما هتحبينى .. بس فى رأيى حاولى علشان خاطر ابنك على الاقل .. و بالمناسبه كلامك مش هيأثر على عـ،ـلاقتى ب يزن .. و لا حتى كلامك مش هيوصله ..
ثم استطردت قائله بحزن : بس يا ريت تحاولى تحبى حفيدك او حفيدتك اللى بدا ينمو فى الرحم بتاعى دلوقتى .. عن اذنك ..
جذبتها ناديه من ذراعها بقوه .. و عيونها لا تبشر بالخير مطلقا ..
نادية بصراخ : انتى بتقولى ايييه ؟.. انتى حامل ..
شغف بثبات : ايوووه .. حامل من ابنك يزن …
دفعتها ناديه بصراخ وهى ترفض تصديق الواقع .. هى واثقه انها لم تدفعها بقصد .. لانها رأت فى عيونها قله الوعى او ربما فقدانه .. لكن الذى قلقها فعلا .. شعورها بالسائل الاحمر الذى بدا يتدفق على قدمها .. و أغرق ملابسها ..
back …
اغمضت عيونها بقهر .. و تساقطت الدموع من عيونها بصمت .. شعور بدموعها كخناجر تطعن قلبه بقوه .. رفع وجهها بأصابعه لتنظر له ..
شغف ببكاء : ينفع تحـ،ـضنى من غير اسئله …
يزن بحزن : تعالى ..
جذبها لاحضانه .. و استلقى كلاهما على الفراش .. و جذب الغطاء عليها لأعلى كتفها .. و عانقها بقوه و هو يقبل خصلات شعرها بحنان كل فترة .. و الحزن يكسو ملامحهم .. لكن الحب يظهر باديه فى عيونها التى تلمع بالحزن و الشقاء .. لكن سؤال واحد يدور بمخيلتهم .. هل العشق الذى دار بينهم كافى لاستمرار الحياة بعد هذه المأساة ؟؟..
****************
وقفت ترتجف كعصفور صغير يتلقى أعاصير الشتاء … تواجه وحيده عاصفة الخريف و رياح الشديدة .. كم تحتاج الان الى عناق … عناق يحتوى حزنها الشديد و صدمتها فى أعز الناس على قلبها … والدتها نادية .. التى هزت صورتها فى نظرها بقوة .. لماذا تفعل شيء كهذا … وصلت بها حالة الكرة و الحقد الدفين على شغف لقـ،ـتل روح صغيرة ما زالت تنمو فى أحشائها … الذى هو يعتبر حفيدها الاول … هى لا ترغب برؤيتها الان و الا لفعلت شيء تندم علية لاحقا … توجهت إلى مقهى المشفى … لتحضر لها كوبا من القهوة لتستطيع الصمود اكثر و البقاء مع صديقتها الوحيدة و أخيها … كانت تسير في الطرقة الفارغه نسبيا من البشر … الا انها سمعت صوته الحانى ينادى عليها … ليخدر حواسها و يسكرها … بل و يجعلها ترغب بضمة بصدره بقوة لتشاركه حزنها …
تيم بحنان : اروى …
التفت له بهدوء .. عكس العاصفة التى اشتعلت بجانب آخر من روحها … نظرت للأرض محاولة منها لأخفاء دموعها … التى تسقـ،ـط بسبب الخزى من فعلة مشينة سقـ،ـطت على رأسها بسبب والدتها … ما سيكون العمل إذا فكر تيم أنه من الممكن تكرر نفس مع مع شغف معها … بفعل من والدتها …. اذا تركها تيم وقتها ستكون نهايتها المـ،ـوت لا محالة … لم تلاحظ انها بين ذراعيه القويتين تحاوطانها بقوة كبيرة … و تشهق بالبكاء على صدره … تغرس اظافرها فى قمـ،ـيصه .. تكاد تمزقه .. الخوف يملأ قلبها لمجرد احتمال ابتعاده .. بمجرد شعوره بألامها التى تعبر عنها شلالات دموعها التى أغرقت قمـ،ـيصه … أغمض عيونه بحسرة حزنا على زوجته الصغيرة التى ترقد بين ذراعيه القويتين تحاوطانها بقوة كبيرة محاولة لتخفيف حزنها الشديد نتيجة صدمتها فى والدتها … ما حدث لتلك المسكينة مأساه بمعنى الكلمه … و اروى تأثرت للغايه بما حدث … التفكك الاسري الذى يسقط على أسرة حبيبته يجب حله … يجب انهاءه بأسرع وقت ممكن …
تيم بحنان : عيطى يا حبيبتي… طلعى اللى جواكى… اتكلمى و اصرخى …
اروى ببكاء : عملت كده ليه يا تيم … كرهها لشغف وصلها لانها تزقها من على السلم … تقـ،ـتل روح حفيدها الاول … لييييه ؟؟…
لا كلمات تفى بالغرض … يكفى تركها هى لتبكى و تخرج ما بداخلها لترتاح و تستطيع أن تمضى للأمام .. فما زال هناك اهم نقطة .. الا و هى اقناع شغف العوده الى منزلها …
*********************
خرج من الغرفة بعد أن تركها تغط فى نوم عميق … مسح يزن وجهه بقوه ليخفى أى آثار لدموع حزنا على زوجته شغف … وجد فى مقابلته والدة شغف …
ربتت على كتفه بحنان اموى … تحاول جاهدة التحكم في عصبيتها … تحاول كظم غيظها … حين يأتي في مخيلتها ما وقع بابنتها الوحيدة تزداد نظراتها شراسة … بل و ترغب بأن تمزق والدته الأشلاء … هكذا هى الام … من الممكن أن تقتـ،ـل من يرغب بأن يؤذي اولادها بل هى وحيده …
أمنة بحنان : وحد الله يا ابنى …
يزن بشرود : غرقان … حاسس نفسى بغرق و مش عارف اطلع … عايز اخد حقها من امى … و مش قادر اعمل حاجه لانها أمى …
أمنة بهدوء : أمك ربنا يسامحها يا يزن … و بالنسبة لحق شغف الوقت كفيل بيه … و ربك مش بيسبب حق مظلوم …
يزن بهدوء : لا اله الا الله …
أمنة بحزم : على فكرة .. بنتى هتيجى تقعد معايا لما تطلع من هنا …
اومأ برأسه بهدوء … رغم الحنق الذى يحتله بسبب قرب بعدها عنه .. لكن الافضل الان في مصلحتها العوده الى منزل والدتها … رؤيتها للمنزل و الدرج بشكل خاص قد تؤدى إلى نتيجه سلبيه عليها … و هو لن يخاطر بأن يجعلها تحزن أو تبكى مره اخرى …
رفع بصره قليلا … ليجد تلك الطبيبة المشرفة على حالة شغف تأتى لعمل الكشف الدوري عليها …
يزن بلهفه : لو سمحتى يا دكتورة …
الطبيبة بهدوء : ايوووة …
يزن بخوف : حالتها ايه حاليا ؟؟..
الطبيبة بهدوء : حاليا حالتها الجسدية كويسة جدا … بس طبعا محتاجه راحه تامه … بس حالتها النفسية اعتقد هتحتاج مساعده من طبيب نفسي … الا لو السكوت ده طبيعتها …
يزن بهدوء : يعنى هى ممكن تخرج …
الطبيبة بابتسامة : أكييييد بس الافضل بكرة علشان نطمن اكتر على صحتها … و مش هوصى حضرتك الحركه الكتير لا … لازم راحه تامه …
اومأ برأسه بينما هى توجهت لغرفة شغف لتقوم بعملها المعتاد … فحص المرضى … بينما وقف هو شاردا … ما التصرف السليم في التعامل مع والدته التى حرمته من ابنها … ما التصرف الصحيح للتعامل مع الشق الذى صنعته نادية بيدها فى عـ،ـلاقتها مع ابنها البكر ….
*****************
طرق خفيف ثابت على باب الشقة … وضعت هى حجابها على شعرها … و هى تسرع لتفتح الباب … من الممكن أن يكون … حسام اقسم بألا يعود للمنزل قبل عودة أخيه الأكبر أما اروى فهى لم تراها منذ وقعت الحـ،ـادثه … فتحت الباب لتتفاجأ … بزوج ابنتها الوحيدة … تيم ..
نادية بابتسامة ودودة : ازيك يا تيم يا ابنى …
تيم بهدوء : الحمد لله يا ماما … حضرتك ايه اخبارك ؟؟؟..
نادية بهدوء: الحمد لله … اتفضل …
تقدم تيم إلى داخل الشقة … يدقق النظر في تصرفات حماته التى يظهر باديا على ملامحها الحزن العميق لكنها ترفض الاعتراف به … هو يعرف جيداً إدراك الشعور الذى يحتل بالشخص الذي أمامه … رفع إصبعه ليعيد نظارته الطبيه لوضعها أمام عيونه البنيه اللامعة … و اخيرا جلس أمامه فى حجرة الجلوس …
نادية بارتجاف : اروى كويسة ؟؟..
تيم بهدوء : قلقانه عليها ؟؟..
نادية بغيظ: طبعا مش بنتى …
تيم بهدوء : و يزن مش ابنك برضوه يا امى …
ألجمتها الجملة … هو يرغب بتأنيبها على فعلتها المشينه مع شغف … هى كانت تبكى بشده بعد ما فعلته تلقائيا .. لم تقصد ما حدث … ما رأته فى عيون ابنها من قهر و حسرة جعلها تهتز بشده من داخل أعماقها … ما رأته فى عيون يزن من لوم و عتاب جعلها تدرك مدى فعلتها الغبية …
نادية بخفوت : ابنى …
تيم بهدوء : و شغف … مش مرات ابنك …
نادية بترقب : هى كويسه ؟؟..
تيم بهدوء: يهمك في حاجه !؟؟…
نادية بغيظ : انا مش باللامبالاة دى على فكرة …
تيم بغيظ : اومال حضرتك تسمى انك تمـ،ـوتى طفل لسه بينمو فى بطن أمه اللى هى مرات ابنك … ده يبقى ايه؟..
نادية بدموع : انا مكنش قصدى … انا زقيتها و انا مش فى وعيى …
تيم بغيظ : تفتكرى ده عذر مقبول… ده عذر اقبح من ذنب … يا ماما …
اجهشت نادية بالبكاء حزنا على ما فعلته فى فتاة … ما فعلته بابنها … لما دفعتها … ما الذى كان يدور بذهنها ذاك الوقت … لماذا فعلت هذا الهراء … لقد خربت عـ،ـلاقتها بكل ما تبقى لها فى هذا العالم …
تيم بشفقة : مفيش فايده من الدموع حاليا … نصيحة من واحد قد ابنك … حاولى تصلحى اللى وقع … رغم انى اشك ان فى حاجه تصلحه اصلا … لان فى اخطاء لا يمكن تتصلح … شغف ملهاش ذنب علشان تكرهيها … الفقر عمره ما كان سبب للكره … ربنا زرع الحب فى قلب ابنك ليها … يبقى ده ليه سبب … و السبب اللى شايقه انا بعيونى ان سعادتهم مع بعض … ده للاسف اللى حضرتك رافضه تشوفيه يا ماما ناديه …
ترك تجلس مكانها تبكى ندما و حزن على اقترفته يدها …
*************************

نوفيلا : الاعيب القدر
الكاتبة : ايمان عبد الحفيظ
الفصل الثامن عشر

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى