رواية بقلم ايمان عبد الحفيظ

**********************
كانت تقف امام المرأه تلف حجابها الوردى اللون … نظرت لنفسها بالمرأه … وجدت نفسها باهته … كانها جسد بلا روح … هى للأسف هكذا .. فقدت حيويتها كلها حين سقط جسدها من على درجات الدرج فى منزلها … اغمض عيونها بحزن بالغ حين حين تذكرت لحظات استيقاظها … الالم الذى كان اسفل معدتها … كانت اصعب لحظه مرت بها … ان تفقد شعورها كأم … شعرت بيدها تحتضن خصرها … و اسند رأسه على كتفها … ابتسمت هى ابتسامة خفيفة … لم تدم طويلا بل اختفت بمجرد ان نظرت ليده المنجرحة …
شغف بحزن : اتجرحت من ايه ؟؟ .
يزن بابتسامة : مفيش .. حاجه بسيطة …
شغف بهدوء : رد عليا و قولى من ايه ؟؟..
يزن بابتسامة : مش مهم دلوقتى … هحكيلك بعدين … و يلا علشان ماما امنة منتظره فى العربية علشان تروحى معاها …
استدار بجسده ليتوجه لحقيبتها يحملها … الا انها تمسكت بساعده بكلتا يديها … استدار لها بترقب … كانت تضغط على يده كانها تترجاه …
يزن بترقب : مالك يا شغف …
شغف بثبات : مش عاوزة اروح مع ماما يا يزن …
يزن باستغراب : اومال حابة تروحى فين يا حبيبتى ؟؟..
شغف بحزم : عاوزة اروح بيتنا … بيتنا يا يزن …
يزن باعتراض : لا لا لا لا لا يا شغف … مستحيل يا شغف دلوقتى …
شغف بغيظ : و انت هتقعد فين ؟؟؟… انت من يوم ما جيت هنا المستشفى ماما قالتلى انك مش سبتها دقيقة … ممكن تفهمنى هتقعد فين ؟؟..
يزن بهدوء : انا مش مهم … انما انتى اهم منى … بلاش بيتنا يا شغف …
شغف بابتسامة : يزن … بيتنا ده هو الوطن بالنسبالى … هو اللى شفت فيه اجمل ايام حياتى … هو عش الزوجية بتاعى و بتاعك … المكان الوحيد اللى اتشاركت انا و انت فيه يا يزن …
يزن بابتسامة: هو انا قولتلك أنى بحبگ…
شغف بدلع : النهارده لا ….
جذبها بخفة بصدره … وضع يده خلف ظهرها … و يده الأخرى ارتفعت لتداعب وجنتها الورديه … ثم اقترب منها ليطبع قبـ،ـلة رقيقه على شفتيها الناعمتين … التقط شفتيها بحـ،ـميمية افتقدها لأيام … شعرت به يمتلك كل ذره بجسدها … قبـ،ـلته بها حنان و حب و احتواء و تملك … حقا اشتاقته كثيرا … لم يظهر اى خلاص لتلك القـ،ـبلة … فابتعدت هى قليلا تأن طلبا الهواء … شعرت بيده تدلك عنقها من أعلى الحجاب … فتحت عيونها الرمادية اللامعه …. لتجده يحدق بها بتوتر … هو قلق عليها للغاية …
يزن بقلق : متأكدة يا شغف …
شغف بابتسامة : مش هعرف اقعد من غيرك …
وضعت يدها فى كف يده … ضغط هو على يدها ليمنحها الامان و الحمايه … بينما هو ما زال في حالة توجس من قدرة شغف على رؤية المنزل مره اخرى … قدرتها على رؤية والدته ….
فى السيارة …
كانت هى تجلس في المقعد الأمامي … و فى الخلف اروى و أمنة و لينا التى كادت تقفز فرحا لعودة شغف و رجوعها للحياة مره اخرى …
لينا بفرحه : فرحانه اوي انك خفيتى و رجعتيلنا بالسلامه يا شغف …
شغف بابتسامة : الله يسلمك يا لينا … الحمد لله على كل حال …
ساد الصمت مره اخرى … فى داخل كل شخص منهم تفكير .. يزن .. يفكر فى كيفية التعامل مع شغف و مع والدته … يفكر في مقدرة شغف على رؤية المنزل …
شغف … تفكر في ردة فعلها حين ترى نادية … تفكر هل ستستطيع تحمل رؤية المكان الذي فقدت فيه ابنها … اروى … تفكر فى كيفية التعامل مع والدتها … هى لم تحادثها منذ يوم الحـ،ـادث الذي ألحقت به شغف … أمنة .. التى تفكر جديا في الذهاب الى منزل يزن … لتوقف والدته عند حدها … لتأخذ حق ابنتها منها … لينا … اشتاقت لحسام جدا … الذى عرفت بالصدفه أنه لم يعود للمنزل منذ أيام … منذ معرفته بفعلة والدته …
وقفت السيارة اسفل البناية التى تقطن بها والدة شغف …
امنة بهدوء : يلا يا شغف …
شغف بهدوء : انا مش هنزل معاكى يا ماما ….
امنة بزهول : نعم ؟؟…
شغف بحزم : بقول مش هنزل معاكى ….
امنة بغيظ : ليه ان شاء الله … و لا عاوزة تروحى هناك تستنيها لما تخلص عليكى …
كلمة افلتت من فم امنة … جرحت قلوب معظم الجالسين … جرحت يزن لانه لم يستطيع حمايتها من امة … جرحت اروى لانها تشعر بالخجل من فعلة والدتها .. جرحت شغف لان والدتها تصمم على تذكرها بما حدث …
شغف ببرود : امى … انا بيتى فى بيت جوزى … اللى حصل ده محدش ليه عـ،ـلاقه بيه غيرى انا و يزن و مدام ناديه … و بيتى انا مش هسيبه لو اخر يوم فى عمرى …
صمت عم فى ارجاء المكان … ثم استطرد قائلة
شغف بحزم : و مكان الزوجة جمب جوزها يا امى …
اصاب امنة حالة من الذهول … لما لم تصرخ او تغضب ؟؟؟… لم تود ان تعود الى بيتها الى هذا الحد … بل و تتحدث بتملك مثير للريبة … خرجت امنة من السيارة و الغضب يسيطر عليها بسبب افعال ابنتها .. تبعتها لينا بعد ان ودعتهم ببعض الكلمات البسيطة …
اروى بقلق : ليه كده يا شغف …
شغف بهدوء : هى مش زعلانة منى … هى خايفة عليا … و انا قررت خلاص … بيتى هرجعله … و لا يلدغ المؤمن من جحره مرتين …
ابتلع يزن ريقة بتوتر … فيما تفكرين يا شغف ؟؟… هى تخطط لشيئ اخر … لم تكن ترغب بالعودة لما اخبرته به … هى تريد شيئ معين من العوده للمنزل …
يزن بهدوء : اروى .. معلش يا حبيبتى انزلى بس حاولى تراضى ماما امنة … و اتصلى ب تيم يوصلك هو ماشى …
اروى بقلق : و انت يا يزن ؟؟..
يزن بحزم : اعتقد ان انى لازم اقعد ع شغف لوحدنا … النقاش فى التصرفات هيكون كويس …
اومأت اروى برأسها بقلق … ثم خرجت من السيارة … هى تعرف جيدا شغف .. شغف تخطط لتاخذ حقها … برغم كل الطيبة التى تنبع من عيونها و من شخصيتها … الا انها لا تصمت عن حقوقها … و ابنها الذى حُرمت منه بسبب والدتها … شغف لن تترك الامر ليمر على خير … رغم انها كانت تصمت على اهانات والدتها الخفية لها قبل الزواج … لكن الان لن تصمت … طفح الكيل بالنسبة لها …
*************************
رأت الانفعال على وجهه … لم ترد هى ان تبدأ الحديث … بل فضلت الصمت الا وقت ان ينفجر هو بها على فعلتها مع والدتها … و على طريقتها فى الحديث …
يزن بغيظ : ممكن افهم ايييه اللى عملتيه ده ؟؟…
شغف بهدوء : عملت ايه ؟..
يزن بغيظ : شغف … دى والدتك ازاى تكلميها بالطريقة دى ..
شغف بهدوء : مش من حق حد يدخل فى حياتى … حتى لو كانت والدتى …
يزن بزهول : شغف دى والدتك … ازاى مش من محقها تتدخل …. هى خايفة عليكى …
شغف ببرود : يزن … امى خايفة عليا من امك …
يزن بترقب : شغف …
التفت له بهدوء … تنظر الى عيونه السوداء … التى تلمع بشده بسبب الغضب … بدت فى تلك اللحظة و كانها ستطلق شرار ..او كأنها بركان على وشك الانفجار …
يزن بغضب : انتى عايزة ايه دلوقتى بالظبط …
شغف بهدوء : عاوزة اروح بيتنا يا يزن …
يزن بصراخ : شـــــــــــــــــــــغف …
شغف بثبات : عايزة حقى و حق ابنى اللى مـ،ـات من امك يا يزن … و الا …
يزن بترقب : الا …
شغف بحزم : الا مش هتشوف وشى تانى يا يزن ….
اتسعت حدقتى عيونه صدمه … من هذة … من تلك التى تجلس بجانبه فى السيارة … هل هذة شغف زوجتة التى وقع بحبها … هل هذة هى التى كان يحادثها فى المشفى قبل قليل …
يزن بدهشه : عايزة ايييه !؟… شغف انتى اتجننتى …
شغف بثبات : ايوووة اتجننت … و مش هسكت غير لما اخد حقى من امك … و من غير اى ضرر … بس همارس أسلوبها اللى كانت بتتبعه معايا قبل الجواز … تجريح بالكلام من الاخر …
يزن بغيظ : و المفروض أنى اسيبك تعملى اللى انتى عاوزة … دى امى يا شغف …
شغف باندفاع : و اللى زقتنى برضو علشان ابنك و ابنى يمـ،ـوت …
صوت مكابح السيارة الذى ضغط عليها يزن بحركة لاارادية بسبب صدمته فيها … تبعها اصطدام جسدها بالزجاج الامامى للسيارة … أفلتت منها شهقة خوف … لسانها اللعين خرجت منه الكلمات … كلمات كان وقعها كالخناجر على قلبة … هى لا تعرف ما الذى تتفوه به … نظر لها بأعين منصدمه … غاضبة بل على وشك ان تحرق كل شيء …ضـ،ـرب بكل قوته على مقود السيارة … كاد ان يحطمة …
يزن بصراخ : طب يا ترى فكرتى فيا … فكرتى فيا و انا مرمى بين ناـ،ـرين … نـ،ـار الست اللى ربتنى و اللى زقتك علشان ابنى اللى كان فى بطنك يمـ،ـوت … و لا نـ،ـار حبى ليكى … نـ،ــ،ـار احساسى بعـ،ـذابك علشان ابنننا مـ،ـات … فكرتى فى شعورى و انا رايح علشان اعاتبها … فكرتى فيا و انا بعيط و بتعـ،ـذب بينكم انتوا الاتنين … فكرتى فى انها ممكن تكون زقتك بالغلط …
صمت تام … تخلل الفراغ الى عقلها … هى بالفعل لم تفكر فى اى شيئ من هذا … لم تفكر فى كم العاناة التى سقط هو بها … لم تفكر فى شعورة … توقعت ان يدافع عن والدته .. الا انه لم يفعل … بل وقع بين نـ،ـارين … و هى بغباءها تزيد عذابه …
شغف بتوتر : يزن .. انا …
يزن بحزم : مش عايز اسمع حاجه يا حبيبتى … قصدى يا مدام يزن …
قالها ثم وجه بصره للأمام و ادار محرك السيارة و بعد نصف ساعه من الصت فى السيارة … أوقف السيارة بجانب مدخل البناية التي يقطن بها … فتح باب السيارة ثم اغلقة خلفه بقوة انتفضت هى على إثرها … تبعته بعيونها و هو يتوجه المدخل بخطوات سريعة غاضبة كأنه يخرج غضبة و خنقة فى خطواته … فتحت هى الباب و هى تنتفض خوفا منه و مما كانت هى مقدمه عليه … كانت تود أن تؤذى والدته … لم تفكر به … الذى استوحذ على كل ذره من تفكيرها … الذى عشقته بكل انش فى جسدها … ابتلعت ريقها بخوف … تدفق الذكريات يبدأ مع اول خطوة خطتها داخل البناية … جسدها الملقى هنا مغرق فى بقعة د،،ماءها … وقفت امام الدرج تستعيد ذكريات حـ،ـادثتها … تساقطت حبات الدموع من عيونها الرمادية بقهر و حسرة … لم تشعر بجسدها الا و هى تطير في الهواء … كان يزن قد حملها بين ذراعيه… صعد بها درجات السلم دون النظر إلى وجهها … فقط ينظر على السلم الى خطواتها … لم يحرك شفتيه مطلقا …
كانت تنظر الية بحنان … نظرات عاشقة … اشتاقت اللقاء … اشتاقت العودة إلى موطن الاحضان … موطن العشق الذى يضمد كل الجروح … كيف كانت بهذه الأنانية و لم تفكر به …
شغف ببكاء : يزن … أنا آسفة …
مع انتهاء جملتها شعرت بقبضته ازداد ضغطها على خصرها … لاحظت أن تعابير وجهه تشنجت قليلا لكنها لم تلبث أن عادت كما كانت … يتصنع أنه لا يسمعها … او يتعمد تجاهلها …
شغف بدموع : يزن … انا غلطانه ماشى معاك … بس انا مجروحه يا يزن … قلبى اتكسر … و محدش حاسس بيا …
لم تجد اى ردة فعل … كأنها تحادث الحائط …
شغف ببكاء: يا يزن .. انا بحبك و خائفة على حياتنا …
يزن بهدوء : لو كنتى بتثقى فيا و بتحبينى فعلا … عمرك ما كنتى هتكدبى عليا كأنى عيل صغير عايزة تخدعيه علشان ينفذ اللى انتى عاوزة …
شغف بدموع : انا مكدبتش يا يزن … كل كلمة قولتها كانت مضبوطه من قلبى ….
انزلها لانهم وصلوا لباب الشقة … فتح الباب باصابع ترتجف من الغضب … دخل مندفعا للداخل … فتح باب مكتبة و اغلقه خلفه بقوة ارتجفت هى على اثرها … هى من صنعت غضبة .. هى من صنعت هذا الحد الذى تكون بينهم الان بكلمات غبية …
نادية بحزن: انا اسفة …
التفت لها شغف بسرعه البرق … كأنها افعى على وشك ان تقرصها … نظرت له نظره تقطع القلب بل و تحطمة لاشلاء… نظره تحمل كل معانى العتاب … تحمل كل معانى الالم …
شغف و هى تجز على اسنانها : انا الاسفه لانى نزلت و حاولت اقنعك بيا … انا اسفه …
ناديه ببكاء : يا بنتى و الله غضب عنى انا اتصدمت … و معرفتش و انا فعلا ندمانه على اللى حصل منى … انا اسفه انا حاليا محرومه من ولادى التلاته … الكبير بيلومنى لانى خربت حياته و الوحيده مش بتكلمنى و لا بترد عليا … و الغصير ساب البيت و شى .. مليش حد .. ضيعتهم منى … انا اسفه …
شغف بدموع : للاسف مش هعرف اسامحك بسهوله يا امى … لانك قـ،ـتلتى حلمى و ابنى فى ثانيه واحده … مش هعرف …
نادية ببكاء : شغف ارجوكى سامحينى …
شغف بدموع : سبيها بظروف يا مدام نادية …
قالت جملتها ثم ركضت لغرفتها تحتمىى بها …. و تلقى بنفسها على الراش الذى جمعها مرارا و اياما بيزن .. وسادته التى عانقتها بكل قوتها لتقص عليها همومها … تعانق بها رائحه يزن …الذى اشتاقته للغايه … بينما هو كان يقف خلف الباب يستمع الى حديثهم … ترقرت الدموع فى عيونه حزنا على زوجته و حبيبته و ايضا والدته التى تشعر بان جميع اولادته لم يحبوها .. او قد نسوها … لكن الامر مختلف هم فقط مجروحين منها بسبب فعلة غبية كادت تفسد كل شيئ … مسح دموعه مسرعا … ثم خرج من مكتبة بعد ان سمع صوت اغلاق باب الشقة الخارجى … اسرع الى غرفته هو و شغف … ليسمع صوت شهقاتها التى تمزق انياط القلوب …
فتح الباب مسرعا … وجدها ممدده على فراشهم تحتضن وساته و تبكى …ا جذب ذراعها الذى يعانق الوساده بقوة … ليعانقه هو بقوته … يغدق عليها بكل حنانه رغم حزنه منها و عليها … لكن هو عاشق و زوج و اخ … يجب ان يقدم الدعم لها فى كل الحالات حتى و لو غاضب منها .. لانه ببساطة رجل عاشق ….
**************************
كانت تجلس على الأريكة فى منزلها … تجز على اسنانها بقوة … غضب … قلق … خوف … مشاعر كثيرة اندمجت سويا ليخرج الذى تشعر به الآن … ما الذى تفعله ابنتها ؟؟… لقد حدثتها اليوم بطريقة غير لائقة … بطريقة باردة … لم تكن تلك شغف ابنتها ابدا بل كانت أخرى … شغف الذى حملت لها و انجبتها للدنيا … الهشة الرقيقة كالالماس … سمعت صوت مفتاح الشقة … أدركت أنها لينا و بصحبتها اروى … لينا اخبرتها قبل قليل انها ستهبط لتحضرها من أسفل البناية لانها تقف وحيده في انتظار تيم زوجها …
اروى بهدوء : ينفع ادخل يا طنط …
آمنة بابتسامة : ادخلى يا بت يا هبلة انتى … مش انتى اللى هتتحاسبى على غلط غيرك يا اروى … ادخلى …
اروى بدموع : و الله يا طنط … ماما اكيييد مكنش قصدها … اكيد كل حاجه حصلت فى ثانيه و …
أمنة بحزم : انتى مقتنعه بكلامك ده …
اروى بحرج : لا …
آمنة بهدوء : يبقى بلاش تفتحى الموضوع ده تانى …
اومأت برأسها بخجل من هذه السيدة الطيبة … التى لم تقلل من شأنها او حتى تجرحها بالكلام … من الممكن أن يكون حديثها فى السيارة محرج قليلا … الا انها محقة تماماً …
اروى بترقب : هو حضرتك زعلتى من شغف …
آمنة بابتسامة : لا … ده بنتى من لحمى و دمى … معرفش ازعل منها … يمكن تكون كلمتنى بطريقة مش حلوة بس انا هعلمها الادب لما تيجي المره الجايه … لازم قرصه ودن حلوة ليها …
اروى بخوف : تفتكرى هتعمل حاجه تضيع بيها كل حاجه ..
آمنة بابتسامة : مش هتبقى وقتها شغف … شغف ممكن تخبط فى الحلل شوية بس هترجع شغف بتاعت زمان …
اومأت اروى برأسها بابتسامة عريضة … محظوظة شغف بوالدة كأمنة … تتفهمها لأقصى درجه …
لينا بابتسامة: انا جعانه يا ماما ..
أمنة بضحك : يا ربى شغف الصغيرة … حاضر ثانية و الاكل يبقى جاهز … هعمل حسابك انتى و جوزك …
أسرعت أمنة للتوجه إلى المطبخ لتعد طعام الغداء … بينما جلست اروى تبتسم لطيف رحيلها … كم هى حنونه و ودودة للغاية … جلست لينا بجانبها …
لينا بابتسامة: ايه يا ابلة اروى بتفكرى فى اييييه ؟؟..
اروى بهدوء : و لا حاجه …
لينا بخبث : يعنى مثلا مش بتفكرى فى أبية تيم …
اروى بضحك : لا ده انتى و هو عليا …
لينا بتوتر : بقولك … عايزة أسألك على حاجه بس اوعى تفهمينى غلط …
اروى بخبث : معرفش هو فين ؟؟..
لينا بخجل : هو مين ؟؟…
اروى بابتسامة : اللى بتسألى عنه …
لينا بخجل : طب تعرفيه هو فين أو اييييييه اخباره ….
اروى بابتسامة : لسه مكلمنى من شوية … بيطمنى عليه و بيسأل على يزن و شغف …
تابعت بتنهيده : بس للأسف حلف أنه مش هيرجع غير لما ماما تصلح عـ،ـلاقتها بشغف … و المصيبة الأكبر أن امتحانات على الابواب … و التشتت النفسى اللى هو فى ده مش كويس علشانه …
لينا بخوف : طب هو ليه مش عايز يرجع …
اروى بضيق : حسام بيعتبر يزن الاب و الاخ و السند و الحمايه … علشان كده حسام عمره ما هيرجع غير لما يتأكد أن الوضع في البيت فى تمام الهدوء و الراحه …
لينا بابتسامة ينفع أتكلم معاه …
اروى بمرح : لا …
لينا بالحاح : علشان خاطري …
اروى بابتسامة : ٥ دقايقمش اكتر … علشان الواد ثانوية عامة يا سلفتى …
لينا بدهشة : يا ايييييه ؟؟؟…
اروى بضحك : هتعرفى بعدين خدى …
أمسكت اروى هاتفها لتدق رقم أخيها الأصغر حسام … و تلقى بالهاتف بين يدى لينا … ثم انطلقت للمطبخ لتساعد أمنة فى تحضير الطعام …
*******************
يجلس على فراش صديقه … يضع قدما على الأخرى … يضع أحد الاقلام خلف أذنه … و قلم اخر بيده … و الورق مبعثر من حوله … كان متعب للغايه … هو مصر على تحقيق حلمه .. أن يلتحق بكلية الهندسة … رغم عزيمته على ذلك إلا أنه متعب و مرهق من القراءة … بدأ الملل يتسلل إلى روحه و عقلة ايضا … و معرفته أن هذا نهاية المطاف و لن ينجح إذا ترك نفسه لهذا … قاطع تفكيره صوت اهتزاز هاتفه الصامت بدون رنين … نظر للهاتف باستغراب … ليجد رقم اروى …
حسام بدهشة : انا مش لسه مكلمك من شوية يا بت … عايزه اييييبه … مش تسيبنى اذاكر …
لينا بحرج : انا لينا مش اروى … آسفة لو بزعجك …
انتفض من جلسته … لتتبعثر أكوام الورق من حوله … وقعت بعض الكتب و الاقلام الفارغه أرضا … مما أدى إلى تعثر قدمه و سقوطه أرضا … و صراخه بألم …
لينا بفزع : انت كويس ؟؟… ايه الصوت اللى عندك ده … حاجه وقعت منك …
حسام بتوتر : لا بس ….. أااااااا …
لينا بمرح : انت علقت و لا الشريط سف منك …
حسام بضحك : لا ده احنا اتطورنا اووى … و استغل الالش اهو …
لينا بابتسامة : ايوووة من عاشر القوم أربعين يوماً ..
حسام بابتسامة : طيب يا ستى … ايه اخبارك ؟؟…
لينا بخجل: الحمد لله … انت أية اخبارك … و اخبار المذاكرة معاك ايييه ؟؟..
حسام بتنهيده : الحمد لله … بس تعبت و زهقت و النفسية مش مساعده …
لينا بابتسامة : شد حيلك يا بشمهندس … فات كتير ما بقى الا القليل ..
حسام بابتسامة : صح … ربنا يستر أن شاء الله … صحيح هى اروى معاكى ..
لينا بابتسامة : اه هنا … بس مش موجوده جمبى …
حسام بابتسامة : طب كنتى عاوزة حاجه ؟؟..
لينا بخجل : لا بس بسلم عليك …
حسام بابتسامة : الله يخليكى … انا كويس …
لينا بمرح : طيب سلام بقى …
حسام بلهفة : لينا …
لينا بابتسامة : ها …
حسام بحب : وحشتيني …
الجمتها الصدمه … كلماته سرت على جسدها كشرارة كهربية … لكن افلتت من شفتيها ابتسامه خجولة .. لم تعرف بما ترد علية … فقط ازدادت قبضه أصابعها على هاتفها … و هى تنصت لصوت أنفاسه الغير منتظمه …
حسام بقلق : لينا … انتى موجوده …
لينا بابتسامة : خلى بالك من نفسك … سلام ..
أغلقت الهاتف بوجهه دون انتظار اى رد … بل و وقفت تقفز فرحا … كطفلة صغيرة احضر لها احدهم هدية قيمة ….
اروى بضحك : ربنا يشفى كل مريض ….
*********************
تم دمج الفصلين ليصبحوا فصل واحد
فلنقل وداعا “لالاعيب القدر”
نوفيلا : الاعيب القدر
الكاتبة : ايمان عبد الحفيظ
الفصل الأخـــــــــــــــــــير
**********************
بعد مرور خمس سنوات ….
اشرقت اشعه الشمس الذهبية بخيوطها لتداعب وجنته ذات الشعيرات الخفيفة الخاصه بلحيته … ليشعر بقبلات متتالية تداعب وجنته … ارتسمت الابتسامة المسليه على وجهه …
يزن بابتسامة : صباح الخير يا شقية …
شغف بابتسامة : صباح النور يا حبيبى … قوم يلا بلاش تتأخر على شغلك …
يزن باستغراب : لا انا مستغرب انك لسه قاعده لغايه دلوقتى هنا … امال فين ثنائى المرح بتاعك …
شغف بلهفه : اوعى تجيب سيرتهم .. هتلاقيهم بيهجموا دلوقتى …
يزن بابتسامة : طب انا قـ،ـبلة الصباح بتاعتى …
اقترب منها بوجهه … ليطبع عده قبلات متتاليه على حافة شفتيها … ثم اطبق على شفتيها بقبـ،ـلة طويلة ناعمه … يخبره فيها بمدى حبه لها … لكن قاطعهم صوت صراخ ….
: مــــــــــــــــــــــــــاما ….
شغف بضحك : مش قولت هيهجموا دلوقتى …
يزن باستياء : ربنا على المفترى …
اندفع الباب فجأه … ليظهر من خلفه صغيران … احدهما فتاة و الاخر ولد … بعمر 4 سنوات … الفتاة ترتدى بيجامه باللون الوردى … بأعين رماديه تشبه والدته للغايه … شعرها بنى لامع كالون افرع الشجره … ينساب على ظهرها بنعومه تشبه والدتها … و الولد يرتدى بيجامه باللون الازرق … خصلات شعره تداعب جبهته … يشبه تماما والده المستيقظ من النوم الان … شعره بنى اللون كأنه جمع بين خصلات والدته و والده معا … عيونه تشبة عيون يزن للغايه …
الفتاة بنوم : ماما … عايزه اسرح شعرى … و عايز اخد دش علشان اروح المدرسه … يلا بلاش كسل ..
الولد : ماما .. يلا فى مدرسه ..
شغف بابتسامة : فى حاجه اسمها صباح الخير يا ماما …صباح الخير يا بابا ..
اسرع كلاهما للصعود على فراش والديهم …
طبعت الفتاة قبلة على وجنه والدها …
الفتاة بابتسامة : صباح الخير يا بابى …
الولد بابتسامة : صباح الخير يا مامى ….
يزن بمرح : صباح الفل يا عيون بابا … يا مطلعين عيون بابا … يا مزهقين بابا فى عشته
شغف بابتسامة : بس يا يزن … عيب زى ولادك برضوه … غزل يلا على الحمام … ادم على اوضتك تجهز هدومك ..
ادم بتذمر : اشمعنا هى دايما فى الاول …
يزن بمرح: السيدات اولا يا ابن ابوك … يلا يا حبيبى … تعالى نجهز هدومك .. و نتكلم شويه راجل لراجل يلا …
غزل بضحك :قعده الستات مفيش احسن منها يا ماما صح …
شغف بضحك : صح يا حبيبة ماما … هوب يلا على الحمام …
ركضت شغف بصحبه ابنتها للحمام … و توجه يزن بصحبه ابنه لغرفته ليعاونه فى تحضير ملابسه و ملابس الصغيره للتوجه الى مدرستهم …
شغف بابتسامة : يزن اوعى تنسى النهارده فى ايه …
يزن بحب : لا مش ناسى … فاكر و فاكر اوى ..
ثم تبادل كلاهما النظرات العاشقة … نظرات تنبض بعشق تمكن من قلوبهم و تغلب على اى كره او اى صعوبات وقعت فى طريقه ….
**********************
كان مستلقى على ظهره … يرتدى قمـ،ـيص ازرق اللون … يضع يده على جبتها … كان على وشك ان يغط فى نوم عميق … انتفض على صراخ قوى ينبع من جانب اذنه … رفع يده مسرعا .. شعر بيد تجذبه من قـ،ـميصه … جاهد ليفتح عيونه … و هو يعرف من هذا و ماذا يفعل … و من غيرها .. تلك الطفلة التى تكاد تفقده عقلة من اليوم الذى تزوجها بها …
تيم بنوم : بس يا اروى … عايز انام …
اروى بصراخ : طلقـــــــــــــنى يا تــــــــــــــيم …. ابنك مطلع عينى … انا تعـــــــــــــبت …
تيم بنعاس : يا اروى عايز انام … حرام عليكى يا شيخه معندكيش عيال …
اروى بصراخ : تــــــــيم … طلقنى و الا و الله هتزعل …
فتح تيم عيونه بغيظ .. نظره لها بغضب و عصبيه … تلك الانثى التى بعقل طفلة … ترتدى منامه قطنيه باللون الاحمر … مطبوع عليها احدى الرسومات الكرتونيه .. يظهر انتفاخ فى بطنها بسبب حملها فى الشهر السابع … امسك تيم الوساده القطنيه التى بجانبه … و ألقها عليها بكل قوته ..
تيم بغيظ : بس بقى … بس … انا عايز ازعل .. يلا يا بت هش من هنا …
اروى بحزن : يا تيم … بيوجعنى … عمال يضـ،ـرب فى بطنى … بيشد لبره .. بيوجـ،ـع بطنى اوى يا تيم …
تيم باستياء . يا اروى حرام عليكى … همـ،ـوت و انام …
اروى بصراخ : و الله معندكش دم … اساسا كل اللى انا فيه ده بسببك يا قليل الادب …
تيم بضحك : اغـ،ـتضبتك يعنى … مش بمزاجك … و بعدين ده انتى لو بتولدى مش هتقوليلى كده …
اتسعت حدقتى عيون اروى … و هى تشعر بالسائل اللزج … يتدحرج على ساقيها … نظرت بصدمه للاسفل … لتجد قطرات تشبه قطرات الماء … ثم بدأت تلقصات الرحم تزداد بقوة ….
اروى بصراخ : تــــــــــــــــــــــــــــــــــيم …
تيم بغيظ: ايييييييييييه .. فى ايييييه ؟؟..
اروى بصراخ : انـــــــــا بولد … بولد …
تيم بضحك : دى لعبه جديده …. و لا اسطوانه جديده يا ام نص عقل
اروى بصراخ و ألم : انا بولد بجد يا حيواااااااان …
تيم بفزع : لا ده بجد … يا مصيبتك يا تيم … بتولد … طب اعمل اعمل ايه .. اعمل ايه …
انتفض تيم من جلسته و هو يدور حول نفسه … و التوتر يملأ جسده .. و هو ينظر لأروى بأعين مرتجفه …
تيم بتوتر : طب اعمل ايه ؟؟؟.. قوليلى اعمل ايييه ؟؟..
اروى بصراخ : زغرط يا تيم … زغرط … ودينى عند الدكتورة يا حيوان … يلاااااااااااا… انا بمـ،ـوت
سحب تيم بكل قوته … ليحضر اسدال الصلاه الخاص بها … البسها اياة باقصى سرعه … و حملها و ركض بها للأسفل .. ليضعها بسيارته .. ليتوجه مسرعا الى المشفى …
لكنه وجد توام يزن ينادونه …
غزل بابتسامة : صباح الخير يا عمو تيم …
ادم بمرح : صباح الخير يا ابو النونو …
تيم بتوتر : ادم … روح قول لأبوك و امك … اروى بتولد … عمتك اروى بتولد …
صفق الصغيران بكلتا يديهم … ركضا الى داخل البنايه مره اخرى …
ادم بصراخ : يا بـــــــابا … مـــــــــــــاما …..
غزل بفرحه : يا شغف .. يا يزن … عمتو اروى بتولد …
*******************
كانت يقف أمام المرأة يغلق ازرار قمـ،ـيصه ليتوجه إلى عمله .. جاءت من خلفه بابتسامة لامعه … كلاهما يتبادل النظرات فى المرأة … أشار لها بعيونه للخزانه … توجهت للخزانه لتخرج ربطة عنق تليق على ما يرتديه … اخرجت واحده باللون الازرق … تليق على الحلة الزرقاء الغامقة الذى يرتديها … توجهت آلية لتلفها حول عنقه و هى و تبادله الابتسامة العاشقة …
يزن بابتسامة : لا اتطورنا اووى … اتعلمتى تربطيها من غير غلطات …
شغف بضحك : مش هبقى شغف وقتها …
يزن بابتسامة : عارفة انك وحشانى اووى … بذمتك عدى كام شهر مشفتش وشك …
شغف بضحك : تربية العيال الضرورى يا زيزو …
يزن بابتسامة لعوب : و هو زيزو ده حجر… حيطة هيستحمل بعدك ده كله …
اقتربت منه لتطبع قـ،ـبلة رقيقه عاشقه على شفتيه … وقفت على أطراف أصابعه بقدمها نظرا لفارق الطول بينهما … رفع يده ليجذبها آلية بقوه … محاولا خصرها بأحدى ذراعيه … و اليد الآخرى يداعب بها خصلات شعرها الناعمة … كانت قـ،ـبلة ناعمة المشاعر … بها تملك و حنان و شوق و لهفه و حب … قطع قـ،ـبلتهم صراخ التوأم الصغير الذى كان يرن الجرس … و يضـ،ـربون على الباب بكل قوته …
يزن بابتسامة غيظ : اطلع اقتـ،ـلهم …
شغف بضحك : معلش يا حبيبي … ربنا يصبرك يا بابى …
أسرعت للهروب من بين يديه … لتسرع لفتح الباب لصغارها …
شغف بزهول : ايه اللى رجعكوا ….
يزن بغيظ : حد مسلطهم عليا أكييييد …
ادم و غزل بفرحه : عمو تيم كان نازل بيجرى فى الشارع .. قالنا أن عمتو اروى بتولد … هيييييه هيبقى فى نونو …
شغف بلهفه : لازم البس و اروح بسرعه …و انت يا يزن انزل قول لماما بسرعه …
يزن بضحك: أراهن أن اروى زمانها طلعت كل قاموس الشتايم على تيم بدون اى تقصير …
شغف بضحك : اتلم يا يزن و انزل قول لماما بسرعه …
يزن بابتسامة : حاضر … يلا يا اخره صبرى انت و هى … يلا يا غزلى انتى و ادم …
ادم بتذمر طفولى : اشمعنا هى بتقولها يا غزلى …
يزن بضحك : بدلعها هى و امها … امها شغفى و بنتها غزلى … و ادومى … يلا يا ابنى …
حمل يزن كلا الطفلين و هو ينطلق للأسفل ليبلغ والدته بموعد ولادة اروى الجارية الآن … بينما أسرعت شغف لترتدى ملابسها … لتسرع فى الذهاب الى ديقه عمرها …
*****************
خرجت من المدرج باندفاع و هى تتميز من الغيظ … الامتحان كان غاية في الغباء … هذة عادة حسام من بداية السنة … امتحانات صعبه للغايه … راقبته بأعين تطلق شرار … هو ينوى أن يجعلها ترسب هذا العام … وجدته يغمزها بخبث … تبعته هى و عيونها تطلق شرار …
دخل هو مكتبه و نزع عنه جاكيت بدلته … و ألقى بحقيبته الممتلئة بالاوراق الإمتحانية الخاصه بالطلاب على مكتبه … وجد الباب يفتح باندفاع … و تدلف هى منه و عيونها تطلق شرار لا ينبأ بالخير ابدا …
لينا بصراخ : يخربيت دى امتحانات يا شيخ … انت عايز تسقطنى يا حسام …
حسام ببرود و عمليه : اولا يا مدام لينا .. انا اسمى دكتور حسام .. ثانيا الامتحان كان فى غايه السهوله بس حضرتك اللى مش مذاكره كويس يا مدام … ثالثا و ده الاهم ده مش بيت ابوكى علشان تدخلى من غير استئذان …
لينا بغيظ : طيب يا حسام … و الله مفيش اكل النهارده …
حسام بغيظ : و ايه عـ،ـلاقه ده بده بقى …
لينا بعصبيه : علشان عاملها عمدا يا غلس … بتحط امتحان صعب علشان اسقط …
حسام بضحك : هو مفيش غيرك فى الدفعه … ده انا عندى اكثر من 300 طالب … و بعدين يا ليو الامتحان كان سهل جدا … لو كنتى بتذاكرى بذمه كنتى هتشوفى انه سهل ..
لينا بغيظ : لا ما انا ظلماك .. مفتريه بعيد عنك …
حسام ببراءه : الله يكون فى عونى بصراحه …
لينا بعصبيه : حســــــــــــــــام …
حسام بابتسامة : نعم يا عيون حسام … يا قلب حسام …
لينا بغيظ : حسام …
حسام بابتسامة : نعم يا لينا … اومرى يا حبيبتى …
لينا بتوتر : يخربيتك نسيتنى هقول ايه ؟؟..
حسام بخبث : ده اكتر حاجه بحبها فى نفسى … انى بنسيكى هتقولى ايه …
لينا بخبث : و انا كمان اقدر انسيك هتقول ايه …
حسام بتحدى : تراهنى يا حبيبة …..
لينا بمقاطعة : انا بحبك يا حسام .. بعشقك باختصار …
لاحظت انه ينظر لها بصدمه … ممزوجه بدهشه بها بعض من الحب … بعدها لاحظت انه بدأ بهز رأسه بانفعال ليتذكر ماذا كان يقول …
حسام بحيرة : هو انا كنت بقول ايه ؟؟..
لينا بضحك : نسيت يا حبيبى …
حسام بضحك : و الله نسيت … فعلا ان كيدهن عظيم …
لينا بتهديد : بس برضوه فى بينا حسام لسه مخلصش … و الله هوريك يا حسام … على الامتحان المعفن ده …
حسام بضحك : ده سهل و الله … و كل كلمه من الكتاب بس من بين السطور ..
لينا بغيظ : كشفت رأسى و دعيت عليك ليوم الدين يا حسام يا ابن طنط ناديه …
حسام بمرح : يلا يا بت من هنا … و سلميلى على ماما امنة لغايه ما اجى على الغدا ..
لينا بغيظ : قولنا مفيش غدا … اتلغت العزومه …
حسام بسخريه : ماما امنة اللى تلغيها مش انتى يا اوزعتى … يلا من هنا بقى ورايا تصحيح الورق …
لينا بغيظ : ابقى قابلنى لو لقيت حد واخد درجه عدله على امتحانك ده ..
حسام بمرح : فين و الساعه كام … علشان متأخرش على ميعادى …
لينا بعصبيه : يا دمك … انا ماشية …
ثم ركضت من مكتبة و هى منفعله غيظا منه … بينما هو تبعها بخطوات شبه راكضه .. ليتبعها … امسك اخيرا برسغ يدها ..
لينا بغيظ : نعم يا دكتور حسام …
حسام بابتسامة : تعالى اوصلك .. و بالمره اقعد شويه مع ماما …
لينا بغيظ : لا …
قاطع جملتها صوت رنين هاتفه … الذى اتسعت ابتسامة حسام بمجرد اغلاق الهاتف … الذى اتضح ان المتصل كان يزن …
لينا باستغرا ب: مالك مبتسم اوى كده ليه ؟؟..
حسام بفرحه : اروى بتولد … يلا نروح …
لينا بسعاده : هييييييه … و اخيرا هتولد الهبلة دى …
حسام بابتسامة : طب يلا بسرعه نلحق نشوف مذبحه تيم …
اسرع كلاهما لركوب سيارة حسام للتوجه الى المشفى التى اخبره يزن باسمها … و كلاهما يتبادل نظرات مبتسمه … مع قليل من نقاشات قليله تعبر عن حبهم … الذى يشبه عشق الاطفال ….
*****************
كان التجمع حول غرفه العلميات يضم الجميع … و صـ،ـرخات اروى تشق طرقة المشفى كاملة … و تيم قلق للغايه كانه على وشك استماع لنتيجه الثانويه العامه … و صوت صراخ اروى يشق اذان الجميع … لتفلت من بينهم ضحكه بين الوقت و الاخر …
اروى بصراخ : الله يخربيـــــــــــتك يا تـــــــــــــيم … كله منك … اعمل ايه انا دلوقتى … بمـــــــ،ــــــــوت ….
تيم بقلق : رغم انها فضحت امى فى المستشفى .. بس برضوه قلقان …
يزن بضحك : احمد ربنا .. دى بتشتمك … ارحم من واحده و هى بتولد قاعده تقولك و الله بحبك … هات بـ،ـوسه … ارحم بكتير … و انت واقف مكسوف و مش عارف ترد غير بأنك تطمنها …
شغف بغيظ : يـــــــــــــزن … اتلم …
و اخيرا … دوى صوت صراخ الطفل الصغير … انتفض معه قلب تيم .. الذى التفت بسرعه البرق لباب غرفة العمليات … الذى خرجت منها ممرضه …
الممرضه بابتسامة : الف مبروك … جالك بنت زى القمر …
تيم بتنهيده : الحمد لله … هى كويسة و البنت كويسه ….
الممرضه بابتسامه : هى طلعت عيوننا .. بس الحمد لله .. الاتنين كويسين و هيتنقلوا اوضه عاديه دلوقتى …
لينا بفرحه : هيييييه .. اروى ولدت .. جابت بنوته …
تيم بابتسامة : سيدرا …
شغف بابتسامة : تتربى فى عزك انت و هى ان شاء الله يا تيم ..
نادية بفرحه : الحمد لله يا رب … حمد الله على سلامتها يا تيم يا ابنى …
والده تيم : الف مبروك يا حبيبى … الف مبروك يا تيمو كبرت و بقيت بابا … سيدرا تيم ياسين … ربنا يحميها و يخليهالك يا رب ….
تيم بابتسامة : يا رب ….
*********************
كان الجميع ينظر لهم بغيظ … و البغض ينظر لهم كانهم مجانين خرجوا من المشفى العقلى …
اروى بصراخ : سيدرا لا … ده دوا كحه ده و لا ايه ؟؟… لا مش موافقه …
تيم بغيظ : و انا قلت سيدرا .. يعنى سيدرا …
اروى بصراخ : و انا قلت كارما …
تيم بسخريه : و ده شبه كورمه العنب … و لا شبه الكرنبه …
اروى بغيظ : بلاش تريقه يا تيم …قولت سيدرا لا …
شغف بابتسامة : مياسين…
التفت لها كلاهما …
شغف بابتسامة : مياسين معناه النجمه البعيده ..
يزن بمرح : احنا نعمل تصويت على مياسين … مين موافق …
رفع الجميع يده حتى تيم و اروى …
يزن بابتسامة : موافقه .. الف مبروك عليكم مياسين …
نظرت اروى الى الطفلة التى تحملها بين ذراعيها ..
همست بحنان : مياسين … حبيبة ماما …
عانقها تيم هى و الصغيره بين ذراعيه بقوة …
تيم بابتسامة : رغم انى همـ،ـوت و انام .. بس بلا بلاها نوم بلا بتاع .. و مياسين شرفت للدنيا …
حسام بهمس ل لينا : عقبالنا يا ليو …
لينا بخجل : قول يا رب …
حسام بضحك : يا سلام على الكسوف ..
لينا بغيظ : اتلم …
على جانب اخر …
يزن بخبث : عقبالنا ان شاء الله
شغف بضحك : لا و الله … على اساس اللى مطلعين عينك دول ايه … ولاد الجيران …
يزن بضحك : لا دول اول دفعه … لسه عندك 4 دفعات تانى …
شغف بصدمه : يالهووووى … انت عايزنى اخلف 10 عيال … ليه ارنبه …
يزن بضحك : لا عايز 4 عيال تانى … علشان يبقوا سته .. نص دسته …
شغف بابتسامة : كفايه عليك الاتنين دول يا يزن ..
يزن بمرح : ده انا اقلبهالك ضلمه .. انا عايز 4 عيال تانى …. مليش دعوه اتصرفى ..
شغف بضحك : اجيبهم من السوق الحره يعنى .. ايه اتصرفى دى …
يزن بضحك : خلاص هتصرف انا .. لما ابعتهم عند ماما النهارده ..
شغف بغيظ : ماما مش فاضيه .. اروى هتبقى عندها النهارده …
يزن بخبث : امك موجوده …
ثم التفت لامنة : يا ماما امنة .. معلش هتأخدى معاكى و انتى ماشيه ادم و غزل علشان تعبونى اوى اليومين دول و انا عايز انام ليلة واحده هاديه …
امنة بضحك : عيونى يا حبيبى … حاضر
شغف بخجل : يخربيت الكسوف اللى الواحد فيه ….
يزن بحب : بحبك يا شغفى …
شغف بابتسامة عاشقة : و انا بعشقك يا ابن ماما ناديه …
ناديه بابتسامة : ربنا يحميكم يا ولاد …
امنة بابتسامة : اللهم امين يا ناديه …
نادية بابتسامة : قولنا يا اختى … ده احنا خلاص اخوات يا امنة …
امنة بضحك : صح يا اختى … ربنا يحميهم يا رب
على جانب اخر ..
تيم بابتسامة : يا رب تتهدى بقى … و تبطلى تحينى على اسطوانه طلقنى دى ..
اروى بغيظ : ده بدل ما تقولى .. بحبك .. حمد لله على سلامتك ..
تيم بجديه مصتنعه : لا انا مش بحبك يا اروى …
اروى بغيظ : يا نهارك اسود يا تيم … كنت بتضحك عليا طول السنين …
تيم بضحك : لا انا بعشقك يا بت ماما ناديه …
اروى بخجل : و انا بحبك …
قاطع دوائر الحب الدائره فى الغرفه بكاء الصغيرة مياسين …
يزن بضحك : ده انت هتلاقى كتير من قطع اللحظات الرومانسيه دى … اهى بدأت من دلوقتى …
تيم باستياء : الصبر من عندك يا رب … يعنى امها النو .. و بنتها الرومانسيه … انا هتجنن ….
انفجر الجميع ضحكا … بينما ارتسمت على وجوههم نظرات الرضا … الرضا اقسى درجات الراحه النفسيه و السعاده … جميعهم كانوا ضحيه لقدر … ربما كان احيانا قاسيا … اخرى أخذ منهم الامل … لكن فى النهايه اعطاهم البسمة و الحب و الحياة … الاعيب القدر هى موجه … لكنها عادلة تعطى الحب و تعطى الحزن بقدر متساوى … النهايه دائما صالحة و سعيده للصالح …
********************
تمت بحمد الله
رأيكم بقى فى الروايه كلها


