سناء :الام وهى ست بيت طيبه وتحب أبنائها جدا معتز :الابن الاكبر مهندس .رياضى.ذا شخصيه قويه ...قاسى مع الكل الا والدته واخواته وصديق عمره وابن عمته حسن ....عمل شركة مقاولات وبدا من الصفر وليد :خريج تجاره وماسك الحسابات فى شركه الجارحى ريم : طالبه فى كليه تجاره سنه 3 .رقيقه جدا وجميله ورومانسيه جدا عائلة الفاتح حسن :الابن الاكبر .دكتور فى كليه التجاره ويعمل فى شركه الجارحى لانه شريك بها .كما انه ابن خال معتز وصديقه المقرب . يحي : خريج هندسه ويعمل مهندس فى شركه الجارحى . ساره :طالبه كليه تجاره السنه 3.مرحه ورياضيه عائل الحاج عبد الله خال ندى الحاج عبد الله :اخو فايزه يعيش فى البلد لديه اراضى واملاك كثير.. خالد :الابن الاكبر ويدير املاك والده ويحب ابنه عمته ندى مصطفى :طالب تجاره مثقف ورياضى باقى الشخصيات سنتعرف عليها من خلال الاحداث الحلقه الاولى صباح يوم جميل من ايام شهر سبتمبر ..اشعه الشمس هادئة نوعا ما .الدراسه بدأت والكل مستيقظ للفطار والذهاب الى العمل او الجامعه عند عائلة مهندس محمود محمود :صباح الخير ندى وفايزه :صباح الخير محمود: هوصلك معايا النهارده يا ندى ولا هتروحى الجامعه مع ريم ندى:لا يا بابا هروح مع ريم محمود :طيب .السلامه عليكم ندى وفايزه : وعليكم السلام عند عائلة الجارحى سناء :يلا يا ولاد الفطار جاهز ريم : انا جيت اهه صباح الخير يا ست الكل وليد : صباح الفل والورد يا جميل سناء :صباح الخير والسعد عليكم .امال فين معتز وليد:تلاقيه لسه نايم سناء وهو تذهب :هروح اشوفه تقابل معتز قادما لهم معتز :صباح الخير يا ماما.رايحه فين سناء : كنت جايه اصحيك .صباح الفل على الفطار معتز : وليد متنساش تودى اوراق المناقصه قبل ما تروح على الشركه وليد: ماشى .هوصل ريم واعدى الورق .حاجه تانيه معتز: لا شكرا ريم: انت رجعت امتى امبارح يا معتز ؟ معتنز بحده : ليه هو تحقيق ريم : لا بس بسأل.اصلى نمت الفجر وانت كنت لسه مجتش معتز بحده : اخر مره اسمع السؤال ده منك .مفهوووم ريم بخوف : مفهوم سناء : يا ابنى هيه تقصد يعنى بلاش سهر كتير .صحتك يا حبيبى معتز : ماما انا عارف بعمل ايه كويس .سلام عليكم وليد : يلا يا ريم علشان اوصلك فى سكتى ريم : ماشى بس هفوت على ندى صاحبتى فى الطريق وليد : طب يلا بسرعه مش عايزين تاخير علشان اخوكى ميعلقنيش فى الشركه ..اتصلى بيها خليها تجهز ريم بضحك : ماااشى عند عائلة الفاتح اولاد خال الجارحى ساره : الفطار جاهز يا حسن انت ويحي حسن : صباح الخير يحي:صباح الخير ساره : صباح الفل عليكم .يلا افطروا بسرعه حسن :ليه السربعه ساره : عندى كليه وبعدين تمرين سباحه وبعدين جيم يحي : والغدا ساره : انا مجهزاه يا دوب على التسخين حسن : هتخلصى امتى ساره : على سته ونصف او 7 حسن : ممكن افوت عليكى وانا مروح ساره : ماشى اهه ترحمنى من المواصلات لحد لما تحن عليا وتجيب لى عربيه حسن : لما تخلصى جامعه ساره بضحك : هانت لسالى سنه .يلا بقى علشان تودينى الكليه معاك حسن :يلا ماشى ساره : حسن انت جيت امبارح امتى ؟؟ حسن : متأخر شويه ... ليه ؟؟ ساره : ابدا اصلى نمت 12 وانت كنت لسه مجتش حسن : كنت سهران مع معتز بنخلص شغل فى عربه وليد وليد : ها يا ريم نادى ندى بسرعه ريم :اهه جت اهه ندى : صباح الخير وليد وريم : صباح الخير ندى : اتاخرت عليكم ؟؟ وليد : لا ابدا ..عندكم محاضرات الساعه كام ؟ ريم : 9 حسن ابن خااالك . ندى ضاحكه هيه وريم : ربنا يجعل كلامنا خفيف عليه ..دا كشرى وبخانق دبان وشه وليد مندهشا : حسن !!!!انتم متاكدين انكم بتتكلموا على حسن!!! ندى : اه ..امال هنتكلم عن خياله ريم لندى : لا مش اوى يعنى ندى : اقعدى ساكته بس وصلوا للكليه ونزلوا وهم يتحدثون ندى : بسرعه احسن ابن خالك يطردنا ريم : اه وهو ما هيصدق ....نفسى بس فى نظره حلوه من اللى بيديهم للبنات التانيه دول ندى : تااانى يا ريم ....مش قلنا انه مش شايفك خاالص.نظره ضعييييف ريم : مسيره هيشوف ويحسن يدخلون المخاضره وتدخل وراءهم ساره سا ره : قعدونى جنبكم بسرعه ..حسن جاى وعفاريت الدنيا بتتنطط فى وشه ندى بإهتمام : ليه الحلقه 2 ندى :ليه ساره :علشان سألته اتاخر امبارح ليه؟ ؟ ريم : هو كماان ! ساره : اه يا اختى كان سهران مع اخوكى ..ال ايه فى شغل ...بس انا مش مصدقه . ريم : مسيرنا نعرف بيعملوا ايه من ورانا يدخل حسن المحاضره ويظهر عليه الصرامه ويبدأ فى شرح المحاضره .....يطرق الباب ويحاول مصطفى الدخول ويرفض حسن .....يخرج مصطفى ويكمل حسن المحاضره ساره : ندى مش ده ابن خالك ؟ ندى : اه ..واسكتى بدل ما اخوكى يطردنا احنا كمان ساره ضاحكه : ميقدرش يطردنى انا اخته حسن بشده :اللى بتضحك هناك دى فوقى معانا يا ماما . تحرج ساره وتسكت وتدمع عيناها ......يتابع حسن شرح المحاضره وتنتهى المحاضره وتلتف بعض الفتيات حول حسن يسألونه فى بعض الاشياء وهو يرد عليهم ويضحك معهم . ساره وندى وريم يتحدثون ريم : شايفه اخوكى... اله يتشك فى ضحكته قاعد يضحك مع البنات ازاى ...واحنا بس يصدرلنا الوش الخشب . ساره :جته خشبه فى وشه .كبسنى كبسه كحك العيد ندى مقلده ساره : ميقدرش يطردنى ..انا اخته ساره بحزن وهى تنظر الى حسن : بس يا ندى متفكرنيش ...مكنتش اتصور انه يحرجنى كده ريم : معلش يا حبيبتى تعالى جنب ضحايا حسن ساره : والله انتى خساره فيه ريم : دا جبله ولا عنده دم ولا احساس...حجر ندى :بكره ربنا يزيل الغشاوه عن عينيه ويشوفك ويحس بيكى يا ريم ...بس من رأى متتعلقيش بيه اوى ريم بتنهيده : اعمل ايه بس ندى: طنشيه ريم : تفتكرى ندى وساره : جربى حسن يلاحظ الحزن البادىء على ساره اخته وريم يستأذن من الطلبه ويذهب لهم ويقول حسن : مالكم الكآبه واخده منكم ليه ساره بحزن : عايز ايه تانى بعد ما احرجتنى قدام المدرج كله حسن : تستاهلى ..بتضحكى ليه وانا بشرح ساره بغيظ : كدا يا حسن ...طيب مفيش غدا ليك النهارده حسن ضاحكا : انا هتغدى بره النهارده ساره : براحتك ريم : يلا يا بنات نمشى تمشى البنات ويذهبون الى الكافيتيريا ويجلسون فيها ويقبل عليهم مصطفى واحمد مصطفى : عجبك كدا يا ساره اللى اخوكى عمله فيا ده ؟ ساره : لسه حارجنى فى المدرج ...يعنى مش انت لوحدك احمد : وانتى ياريم شكلك زعلان ليه ريم : مفيش مصدعه شويه ...عن اذنكم تذهب ريم الى حسن فى مكتبه وتسمع حسن يتحدث فى الهاتف حسن : جاى النهارده يا حبى هههههههههه سهرتنا صباحى يا قلبى . تشعر ريم بالحزن الشديد ووجع فى قلبها منما سمعته. ..و تدخل ريم ...يغلق حسن الهاتف حسن : ايوه يا ندى فيه حاجه؟ ريم تحاول التماسك : ايوه فيه ....بلاش تحرجنا فى محاضراتك ...الدفعه عارفه اننا قرايبك يبقى ليه تحرجنا وتصغرنا قدامهم ؟! حسن : علشان انتم قرايببى يبقى هعاملكم زى الغرب بالظبط ...علشان محدش يقول دول قرايبه ريم بزعل : ماشى ...عند اذنك حسن : كنتى جايه علشان كده بس ريم بدون ان تلتفت له : اه مخلصنيش تبقى ساره زعلانه ...سلام تذهب ساره مع مصطفى للنادى فهم فى فريق واحد للسباحه ثم ذهبت الى الجيم وذهبت للمنزل بدون انتظار حسن . اثناء ذلك ندى : فكيها بقى يا ريم ريم : اعمل ايه ...بقولك سمعته بيكلم واحده وبيقول لها جاى النهارده والسهره صباحى ويا قلبى . ندى : يبقى فكك منه وانسيه ياريم ريم : هو مش عارف يشوفنى هنا ....ايه رايك هكلم معتز ونروح الشركه عنده ندرب هناك ويبقى منه تدريب ومنه ابقى مع حسن بعد الظهر يمكن يحس ندى بتفكر : هيه فكره ..بس لو محسش بقى هتعملى ايه ؟؟؟ ريم : العمل عمل ربنا يا اختى .بس لما نشوف معتز ده كمان هيجى امتى ....دا انا مش بشوفه غير الصبح على الفطار بس ندى : خلاص ...خلى طنط هيه اللى تقوله أو قولى لوليد ريم : تصدقى فكره برده فى المساء فى منزل الجارحى ريم : ماما قولى لمعتز انى عايزه اروح الشركه تدريب انا وندى صحبتى . سناء : ان شاء الله هقوله ..وانتى قولى لوليد ؟؟ ريم : اه قلت له وقالى انه جاهز يدربنا من بكره بس معتز يوافق سناء : معتز كان بيقول مسافر تركيا شهر ..بس مش عارفه امتى ريم : والشركه هيسيبها لمين سناء : وليد وحسن ريم :طب خليه يوافق على تدريبى انا وندى بالله عليكى يا ماما على طول وميقولش لما ارجع من السفر سناء ماشى يا حبيبتى ريم : رينا يخليكى ليا يا ست الكل سناء وهو تضحك : ويخليكم ليا يا قلبى ساره تتغدى مع يحي اخوها وتذاكر دروسهاوتنام ويحي يعمل ثم ينام وحسن لا يزال فى الخارج فى شقه يجلس بها حسن ومعتز فى سهره ليست بريئة معهم فتاتين ...تمشى الفتاتان ويجلس حسن مع معتز حسن : مش يلا بينا نروح بقى معتز وهو ينظر الى ساعته : لسه بدرى حسن : علشان اخواتى معتز : زمانهم ناموا حسن : مش ناوى بقى كفايه معتز بحده : انت معايا ان كلهم زباله ولا لأه مفيش فيهم واحده محترمه ...كلهم عبيد القرش حسن بتنهيده : منهم لله بقى اللى عقدونا فى البنات كلهم معتز : ما عدا اختى واختك....هم دول الوحيدين اللى كويسين....وبعدين منتا معايا فى الهوا سوا حسن : انا اه اتلدعت زيك بس...مكرهتمش ...بحب اتكلم واصاحب وادلع معاهم انما انت بقى ..... معتز : انا ايه ؟ حسن : انت كاره ودايس اوى معتز : منت زى حسن : انا مختلف انا كلام ...دلع ...بس معتز : يلا يا حسن ...فكرتنى بزفته ...منك لله تعال نروح حسن : نروح ..اهه نلحق لنا ساعتين نوم قبل ما اروح الكليه معتز : انا مسافر تركيا بعد بكره ..الشركه بقى انت الاداره ووليد زى ما هو حسن : ايه ..هو انا مش هشوفك قبل ما تسافر ولا ايه ؟؟ معتز : موعدكش يا معلم حسن بدلع : واهووون عليك يا ميزووو معتز بدلع : تهونى يا سن سن ويضحك الاثنان معا ويخرجون الى منازلهم فى الصباح فى منزل الجارحى ريم : صباح الخير يا ماما سناء صباح الخير يا ريم ريم : قلتى لمعتز يا ماما على التدريب سناء : هقوله لما يصحى من النوم ريم : هو جه امبارح امتى ؟ سناء : مش قلنا ملكيش دعوه ريم : براحتك سناء : مفيش كليه النهارده ريم : لا ...ندى هتيجى ونقعد شويه ويمكن نخرج معتز : صباح الخير يا ماما .صباح الخير يا ريم ريم : صباح الخير يا معتز سناء : صباح الخير ...معتز كنت عايزاك تاخد ريم وندى الشركه تدربهم عندك معتز : الشركه شركه ريم يا ماما انما ..صحبتها دى بقى..... سناء : دول صحاب بقالهم 3 سنين يعنى عادى معتز : ماشى يا ست الكل علشان خاطرك انتى وريم يبدأوا من بكره لو عايزين ريم : منحرمش منك يا عسل معتز : ماما انا رايح الشركه هخلص شويه حاجات قبل ما اسافر ..وهقول لحسن ووليد على تدريب ريم وصاحبتها سناء : ربنا يوفقك يا حبيبى يخرج معتز من المنزل مسرعاوتدخل ندى الى العماره بسرعه ويخبط الاثنان ببعض معتز بحده : مش تفتحى يا عاميه !! ندى بحده.: انا عاميه ولا انت اللى ماشى زى القطر ..دايس على خلق الله لا اشارات ولا محطات ولا كلاكسات . معتز : ايه راديو واتفتح...يعنى غلطانه وتردى ندى :انت اللى غلطان على فكره مش انا معتز وهو يتركها ويمشى:مش عارف البجاحه دى بتجييوها منين . ندى وهى تنظر بغل : صفيق هقول ايه وتصعد ندى الى ريم ريم : اهلا اهلا بالست ندى ندى : اذيك يا اختى ريم : مالك امشير طالع من بدرى ليه ندى : حته واحد بارد ..لوح تلج خبط فيا مش يعتذر ولا يقول اسف ولا حاجه ابدا ...يقولى مش تفتحى يا عاميه ...انا عاميه يا ريم ريم : وانتى سكتيله ندى : عييب عليك يا معلم اديتهوم له سبعاات وتمانياات ريم بضحك : اه كدا ...طمنتينى عليكى ... يلا بالشفا ندى : بس لسه مشفتش غليلى منه ....كنت عايزه اديله جوز اقلام .. ريم : الطيب احسن ..ثم ادرفت قائله بجديه ريم : بقول لك من بكره ان شاء الله هنروح الشركه ندرب مع وليد وحسن ..يعنى فى الايام الرست بتاعه الكليه والصيف هيبقى يوم كامل ..ايه رايك ندى : اهه الواحد ياخد خبره ويشتغل فى الصيف بدل الملل اللى احنا فيه ده عند ساره فى النادى وهى تتمرن ساره : كسرت الرقم يتاعى النهارده يا كابتن ولا لسه ؟؟ الكابتن : لسه يا ساره عايزه شويه كمان ...بس انتى بتبزلى مجهود وكله على الله مصطفى : كابتن اخبار ارقامى ايه ؟؟ الكابتن : لسه برده ...انا عايزكم فى الجيم تهتموا بعضلات الادين والرجلين والباى والتراى.... وطبعا نوم بدرى والاكل الصحى وبلاش مياه غازيه ساره ومصطفى : تمام يا كابتن ويمشى الكابتن ويترك ساره ومصطفى ساره : تفتكر هنقدر نعمل حاجه فى بطوله الجامعه ؟. مصطفى : ربنا يسهل ..حتى لو معملناش.... كفايه اننا نكسر ارقامنا ساره : على رايك. ...هروح انا بقى .سلام مصطفى : سلام الحلقه3 فى منزل مصطفى يرن جرس التليفون مصطفى : الو خالد : ايوه يا درش اخبارك ايه مصطفى : الحمد لله ...اخبارك انت والحاج ايه خالد :الحمد لله ..كلنا كويسين.الحاج عايز يطمن عليك مصطفى : انا كويس الحمد لله خالد : يعنى الدراسه اخبارها ايه ...بتروح الكليه ولا السباحه واخد كل وقتك ؟؟ مصطفى : بروح والله الكليه على المحاضرات وبعدها التمرين. خالد : يعنى بتشوف ندى ؟ مصطفى : دا اكيد .هيه واصحابها كمان خالد : اصحابها مين يعنى مصطفى : ريم وساره خالد: ااه .افتكرت لها اصحاب اولاد مصطفى بدهشه : ولو ليها فيها ايه يعنى !! خالد بحده : عيب عليك ...عيب فى حقك لما بنت عمتك يكون ليها اصحاب اولاد ويتكلموا معاها وانت واقف كدا ! مصطفى : عادى يا خالد طالما فى حدود الادب والزوق والزماله . خالد بعصبيه : مفيش زماله بين ولد وبنت مصطفى بدهشه : منت كنت فى جامعه واكيد كان ليك اصحاب بنات ولا منكش ليك خالد : احنا اه ...احنا رجاله ..نكلم بنات ..نمشى معاهى ..لكن هيه لأ..ثم بحده ندى لأ يا مصطفى مصطفى : خلاص متزوقش ...على العموم هيه مش بتكلم غيرى انا ..علشان انا ابن خالها والكل عارف كده....ارتاح بقى خالد بهدوء : ماشى ...هتيجى الخميس والجمعه ؟؟ مصطفى : لأ..عندى تمرين ومذاكره ...يمكن الاسبوع الجاى . خالد : تمام .هبعت لك العربيه فيها الاكل وفلوس وهخلى حد ينضف لك البيت . مصطفى ضاحكا : ماااشى يا كبير .سلام يمر 3 اسابيع...يسافر معتر لتركيا ويتصل بوالدته كل يوم للاطمئنان عليها وعلى ريم ووليد وكذلك يكلم وليد وحسن للاطمئنان على سير العمل ...يقوم وليد يتدريب ريم و ندى فى الشركه ....تحاول ريم التقرب من حسن فى الشركه حسن عبر الهاتف : ريم هاتى لى نسخه من الفايلات اللى قلت لك رتبيها على الكمبيوتر ريم : حاضر تدخل ريم لمكتب حسن ويسبقها عطرها الفواح ريم : اتفضل الفايلات اهه حسن دون ان ينظر لها : طب سبيهم واتفضلى امشى . ريم : انا مش ورايا حاجه بره ممكن اقعد معال واهه اعرف انت بتعمل ايه واتعلم . حسن يرفع نظره الى ريم ويقول بشده : احنا مش فى رياض اطفال هنا يا انسه ..لما يكون فيه حاجه تتعليميهاهقولك او اخلى وليد يقولك ريم بزعل وحزن : فيه ايه يا حسن ....قافش عليا ليه ...شخط هنا وفى الكليه .دى ...دى مش طريقه ولا حتى اسلوب معامله ...دا انا حتى بنت عمتك يا اخى وتترك له المكتب وتخرج وهيه تبكى ....حسن يزفر فى نرفزه ثم ياخد نفسا عميقا ويخرجه بهدووء لكى يهدأ ويمسح بيده على وجهه وشعره حسن لنفسه : يييه انا ناقص مداديه ....بس ..انا شكلى قسيت عليها شويه ريم تجلس على مكتبها تبكى ويدخل يحي يحي بخضه : مالك يا ريم بتعيطى ليه !؟؟ ريم دون النظر له : مفيش حاجه يحي : يعنى مفيش حاجه ودموعك نازله كدا..امال لو فيه كان ايه اللى جرى ؟ ترفع ريم عينيها له ليراها يحي وهيه ممتلئة بالدموع ....ينظر يحي لعينيها الباكيه والدموع فيها ويشعر لاول مره.... بدقااات قلبه... قلبه الذى اخذ يدق فى قوه وعنف ..انفاسه ..انفاسه المضطربه .المتسارعه. ..عينيه ...عينيه وهيه مسلطه على عينى ريم الباكيه ...لاول مره يشعر بهذا الشعور ...لاول مره يشعر بان قلبه قد اخذ من بين ضلوعه لاول مره يشعر كأنه سرق منه ... احساس غريب...عجيب ...غامض ... يفيق منه على صوت ريم وعلى حركه عينيها ريم وهى تنظر لباب غرفه حسن : القطر ..الى جوه ده هو اللى مزعلنى وبيشخط فيا ...وقولى مش فى رياض اطفال هنا ..انا طفله يا يحي يحي وهو مسبلا عينيه وبصوت خافت : قطع لسان اللى يقول عليكى طفله ..ولا اللى يزعلك ويقترب منها ويمسح دموع عينيها من على وجنتيها ويقول : حقك عليا انا ...متزعليش نفسك ...انتى عارفه حسن دايما بيشد بس طيب والله ريم وهى تتنهد : انا عارفه انه طيب .بس مش عارفه ليه بيتعامل معايا كدا ...زى مايكون قاصد يزعلنى ..دايما شخط ونطر حتى فى الكليه بتعمد يحرجنى انا وساره اختك يحي ضاحكا : شفتى حتى اخته مسلمتشى من القطر اهه ...متزعليش نفسك بقى ريم ضاحكه : مااشى ..علشان خاطرك انت بس فى تلك الاثناء كان حسن يشاهد هذا المشهد منذ البدايه فقد شعر انه عامل ريم بقسوه وقام كى يصالحها فشاهد هذا الموقف كله ولم يدرى لما شعر بالغضب الشديد ...وما كان منه الا ان اقترب منهم غاضبا حسن غاضبا : شجره بقى واتنين ليمون انتفض يحيى وريم على صوت حسن يحي بخضه : فيه ايه يا حسن ..داخل بزعابيبك ليه حسن بغضب : بزعبيبك ...فيه ان احنا فى شركه واكل عيشنا ...وسيادتك والهانم قلبينها جو غراميااات وضحك يحي مندهشا : غراميا وضحك !! ريم يذداد بكاءها حسن بشخط وغضب : يطلى عيااط يا اختى ...ايه عايزاه يمسح لك دموعك تااانى....نفسك فى المسخره اوى ريم بحده : المسخره دى انت اللى تعرفها كويس اوى ..وانت فى المكتب بتاعك وكل يوم بالليل بعد الشركه يحي بحده : فيه ايه يا حسن انت بتزعق كدا ليه ....انا لقيتها بتعيط منك علشان شخطت فيها فطيبت خاطرها ...بس حسن بنفس الحده : وانت شغال هنا مطيباتى حضرتك ولا شغلتك ايه ....مش فيه شغل مطلوب منك يحي محاولا التماسك والهدوء : انا جبت الشغل اللى مطلوب منى اتفضل ......وبعدين لما الاقى بنت عمتى زعلانه وبتعيط من اخويا ومعاملته واجب عليا اطيب خاطرها ...وده كان المفروض انك انت تعمله ..لكن زى ماهيه بتقول قطر وبيدوس على الكل ومش بيراعى مشاااعر حد .....عن اذنك يمشى يحي غاضبا الى مكتبه حسن موجه كلامه الى ريم التى تبكى : بطلى عياط كدا وقولى ..تقصدى ايه بقى يالمسخره اللى فى المكتب وبعد الشركه بالليل ريم واقفه امامه متحديه وتنظر فى عينيه : اقصد البنات اللى بتطلع لك المكتب فى الكليه والضحك والمرقعه اللى هناك واللى الكل بيكون عارف بيه وانا كمان يسمعه وبشوفه ..اما بقى اللى بعد الشركه فاللى على راسه بطحه بيحسس عليها يا دكتور.......انما تيجى وتقول عليا انا ريم الجارحى جو غراميات وقله ادب دا مش هسمح بيه ابدا حتى لو كان منك . حسن بحده : انت اذاى تتكلمى معايا كدا !! ريم بحده : وانت اذاى تتعامل معايا كدا !! تقترب منه ريم وتنظر فى عينيه بعمق وتقول بصوت هامس ريم : انا تقول عليا كده .....جو غراميات ...ومنك انت يا حسن. .انت....انت إزاى مش حاسس ..انت أكيد حجر ينظر حسن فى عينى ريم ويشعر باحساس عجيب ...يشعر وكأن قلبه قد سرق منه ..لا لا بل خرج من بين ضلوعه نفس تلك الدقات الماضيه التى ظن انه لن يدقها تانيه ....دقه قلب ... يتركها ويدخل مكتبه مسرعا ويغلق الباب بحده. ...وتجلس ريم تبكى وهيه تنظر فى الفراغ مكان وجود حسن ثم تمسح دموعها وتكمل عملها فى داخل مكتب حسن يدخل حسن مسرعا الى مكتبه ..يقف حسن بجوار الشباك وهو ينهج ينظر للخارج للشوارع والعربات ياخذ نفسا عميقا ويخرجه بهدوء لعله يهدأ من انفاسه المتصارعه ....بدون شعور يضع حسن يده على قلبه ويغمض عينيه بقوه ثم يفتحهما ثانيه يزفر بقوه ..ثم يقطع مكتبه ذهابا وإيابايفكر :ايه اللى انا عملته ده مالى دخلت فيهم زى القطر كدا ليه. ..وزعقت ليه ...مالى يمسح دموعها ولا يطيب خاطرها. ..زعلت ليه ..زعقت ليه ...اهه دلوقتى اخويا زعلان منى وهيه كمان زعلانه ...... وهنا ينتبه اليها وينظر فى اتجاه الباب :هيه ...اه هيه ..إيه اللى جرالى لما بصيت فى عنيا أوى .....إيه الاحساس اللى حسيت بيه ده ......يضع يده على قلبه ويغمض عينيه وقول :إيه هترجع تدق من تانى ...مش كنا قفلنا عليك بالمفتاح ورميت المفتاح مع معتز يتنهد ويفتح عينيه ويقول : معقوله ...ترجع تدق تانى ..ولمين ...لريم !! يتخيل وجهها امامه وتظهر ابتسامه على شفتيه ...ولكن لم تظل طويلا فقد تذكر يحي حسن لنفسه : طب و يحي ..دا باين عليه عينه منها ...يمكن بيحبها ...لا...لا ..هو بس صعبت عليه طب ..طيب يمسح دموعها ليه ؟؟؟يعنى هيه كمان بتحبه ؟؟؟ لا..لا..مكانتش بصتلى كدا طب سمحت له يمسح دموعها ليه ؟؟..ليه؟؟ طب وانا بسأل ليه ؟؟يهمنى فى ايه ؟؟ مش عارف ....!مش عااارف ؟؟؟ وبعدين هيه كان شكلها غيران وهيه بتتكلم عن البنات فى الكليه ...اه صح ...طب..هي عرفت منين موضوع اخر الليل ..؟ يجلس حسن ويفكر : اعمل ايه دلوقتى ؟؟؟أهدى كدا فكر كويس يا حسن ...تعمل ايه الاول ؟؟اه أصالح يحي الاول لانى كنت قاسى اوى معاه ...واعرف منه ايه حقيقه شعوره تجاه ريم . طب وريم ...وينظر اتجاه الباب هعمل معاها ايه ؟ اتأسف لها الاول ونشوف بعد كدا الخطوه التانيه يا ترى حسن هيعرف ايه ؟؟؟ الحلقه 4 يخرج حسن من مكتبه وينظر الى ريم وهى تعمل ،يقترب منها حسن مقتربا منها ويهمس : ريم ..أنا ...أنا آسف ريم بدون النظر اليه : حصل خير حسن مقتربا اكثر ،ويهمس فى اذنيها : يعنى مش زعلانه منى ...يعن صافى يالبن ريم يدق قلبها بشده من اقتراب حسن منها ،ومن همسه فى اذنيها فى المره الاولى التى يقترب منها هكذا ،تشعر يتسارع دقات قلبها ،وتسارع نفسها، فتنظر له وتتلاقى نظراتهم تشعر برعشه تسرى فى انحاء جسدها ،فترد بصوت يكاد لا يسمع ريم : خلاص يا حسن ،مفيش مشكله حسن وهو على وضعه ولا يزال ينظر فى عينيها وبهمس : طب انا هروح اصالح يحي ...اوعى تكونى لسه زعلانه من القطر ؟؟ ريم بابتسامه وخجل وهى تخفض عينيها للاسفل :لأ خلاص مش زعلانه ..انا اصلا مقدرش ازعل منك . يعتدل حسن من وقفته وينظر لها طويلا ثم يتجه الى مكتبه حسن وهو يشعر بسعاده لا يعرف لها سبب....اما ريم فى تشعر بسعاده بالغه ،فللمره الاولى التى يقترب منها حسن بهذا القرب ،ولاول مره يهمس لها فى اذنيها هكذا ، ولاول مره يعاملها هكذا يدق قلبها بشده ...دقات كثيره .. فرحا ...طريا ....رقصا ...اخيرا الحجر بدأ يلين ....اخيرا الحجر حس وجريت على مكتب ندى لكى تحكى لها بأخر التطورات وهى تتقافذ من الفرحه ريم : ندى ...ندوووش ...نانو ندى بدهشه : نانو!!فيه ايه يا بنت ؟مالك كدا مظقططه؟!فيه ايه ؟ ريم بسعاده : ابو الهول ...ابوالهول نطق يا ندى ...بدا يحس اخييرا وقصت عليها الموقف كله من اوله الى اخره ندى براحه :طب الحمد لله ريم بفرحه : انا مبسووطه ..مبسوطه اوى سعيده جدا ..حاسه انى طايره لفووق اوى يا ندى ندى : طب بس على مهلك ،واحده واحده ،ويلا على مكتبك بقى بدل ما يجى وليد وينزلنا لسابع ارض ريم ضاحكه : مااشى يا محبطه ههههه ندى ضاحكه : امشى يا طايره فى السما ههههه عند يحي فى مكتبه وهو يعمل يدخل عليه حسن ،ينظر له يحي ويكمل عمله حسن : دا انت شكلك زعلان ،وواخد على خاطرك اوى بقى !! يحي ينظر له ولا يرد حسن : انا اسف ،غصب عنى والله مش قاصد ازعلك ،مش عارف الكلام ده خرج منى ازاى..بس انت عارف معتز مسافر وسايب الشركه والاداره ليا ،وانا مش عايز اى تهاون او تقصير فى العمل ،حتى ريم زعقت فيها يحي : وليه تزعق فيها ،ليه دى بنت ومش حملك يا حسن ،دى مهما كانت بنت عمتك .حاول تتعامل معاها ومع ساره بحنيه شويه وبلاش تحرجهم فى الكليه قدام زمايلهم حسن بشك : وهيه بقى اشتكت لك منى ؟؟ يحي : لا ،بس بتتكلم بعفويه عن اسلوب معاملتك معاها ومع اختك ....وبعدين ايه كلمه غراميات دى ..دى كلمه جامده اوى يا حسن ،دا انا يا راجل زعلت منها ،اشحال بقى هيه !! حسن : معلش انا اسف ،وحقك عليا يا باشمهندس،تحب أبوس راسك يحي: لا محصلتش لكدا،انت مهما كان اخويا الكبير ،وفى مقام ابويا حسن بحب :حبيبى يا يحي يحي : ايه بقى حكايه مكتبك ،واخر الليل بعد الشركه دى ؟؟ حسن بحده : اسألها ، بتسالنى ليه ..وبعدين خليك فى حالك ..ومتسألهاش احسن ..ولا تتكلم معاها فى الموضوع ده ...فاهم يحي : انت قفشت يا ابوعلى ...ملحقناش نتصالح حسن يحاول ان يكون هادىء: طب شوف شغلك،وانا هشوف ورايا ايه يحي: حسن تعرف اللى يشوفك وانت بتتخانق معانا يقول انك بتحبها ،وشفتنا فى وضع مش تمام حسن بسرعه : حب ايه ..ووضع مش تمام ايه ! يحي وهو يغمز له ثم ينظر فى عنيه : يعنى مفيش حاجه كدا ولا كدا؟؟ حسن : لا طبعا..انت بتقول ايه ،طب..طب وانت ؟؟ يحي وهو ينظر امامه للا شىء : مش عارف ...يمكن يكون فيه حاجه.بس لسه فى البدايات،ويمكن لأ....هنسيبها للايام وهيه اللى هتحدد حسن وهو يشعر بالزعل والغضب وينظر الى يحي : يعنى ايه مش فاهم ؟؟ من ناحيتك ولا من ناحيتها ؟ يحي بتنهيده : بقولك سيبها لسه للايام حسن بحزن: طب يلا سلام بقى ،وشوف شغلك ،انا عارف ان تدريبها هيوقف على الشركه بخساره يذهب حسن الى مكتبه وينظر الى ريم الجالسه على مكتبها تعمل والتى تترك عملها وتنظر له وتبتسم له ،فيقطب حاجبيه بزعل ،ويدخل الى مكتبه ريم بتساؤل : ماله ده ،مش بيكمل ساعه على بعضها كويس ...قاطع ابونيه مع النكد ينتهى اليوم ،ويمر الاسبوع الرابع من غياب معتز بتركيا بين شد وجذب بين ريم وحسن..حسن فى الكليه منع صعود الفتيات لمكتبه بعد المحاضرات وطلب منهم ان يسألوه اثناء المحاضره كى يستفيد الطلاب من الأسئلة والاجاباته عليها . اما فى الشركه فكان حسن تاره بتعامل مع ريم بحنيه وتاره اخرى بمنتهى القسوه وذلك عندما يشاهد محاوله يحي التقرب من ريم اما ساره ومصطفى فهم منشغلون بالمحاضرات وبالتمرين والمسابقات ... فى استاد الجامعه بطوله الجامعه فى السباحه .استطاعت ساره ان تحقق رقما جديدا لها فى بطوله الانسات ، وكذلك مصطفى فى بطوله. الرجال ...يجلس الاثنان سويا بعد حصولهم على الميداليات وهم يشعرون بالسعادة يأكلون مصطفى : مبروك يا ساره ساره : الله يبارك فيك ،مبروك ليك انت كمان مصطفى : الله يبارك فيكى ،الحمد لله اننا اخدنا ميداليات ساره : الحمد لله ،لكل مجتهد نصيب ،احنا تعبنافى التمرين اوى الصراحه مصطفى : دا انا كنت بروح البيت فسيخه نايمه هههههه ساره ضاحكه : ومين سمعك ،بس انا بقى كان لازم اروق الشقه واطبخ لاخواتى يعنى مجهود مضاعف ،علشان كدا كنت اسند راسى بس تلاقينى نمت وحلمت كمان هههههه. ويضحك الاثنان كثيرا وسويا وينظرون لبعضهم ...ولاول مره بنظرون فى اعين بعضهم ويتوقفون عن الضحك.... دقائق ...ربما ...لحظات ،احتماال ...ولكنها برهه من الوقت طالت اوقصرت لا يدرون ...فقط ينظرون فى اعين بعضهم لا يدرون كم لبثوا من الوقت ولا فى دقات قلوبهم المتبادله انها دقه قلب يفيق الاثنان وقد قالت العيون كل شىء ولم يستطيع اللسان بالبوح به ....على صوت الكابتن الكابتن : يلا يا شباب علشان نروح ساره ومصطفى : ماشى يا كابتن يوصل مصطفى ساره الى منزلها ،وهذه اول مره يعملها ويقول لها مصطفى : نامى كويس ساره بابتسامه : وانت كمان ،نام كويس مصطفى : هكلمك اول لما اوصل البيت ساره تبتسم وتمشى تشعر ساره بالسعاده وبدقات قلبها التى ترقص طربا على انغام دقات قلب مصطفى ،وكذلك مصطفى. يذهب مصطفى الى منزله وهو يدعو ربه ان يجعل ساره له فى حلاله ..فقد دق قلبه لها وبشده ،واحس انها نصفه الاخر ،شطر روحه الاخرى ولكن فى جسد ساره وقرر فى نفسه مفاتحه خالد فى موضوع خطوبته من ساره فى اجازه نصف العام .ولكن هل يوافق خالد والحاج عبد الله ؟؟؟؟ #الحلقه 5 يعود معتز الى مصر ،ويذهب إلى منزله اولا،يسلم على والدته ويترك حقائبه ثم يذهب للشركه لكى يفاجأ اخويه والجميع .يدخل معتز الى مكتب يحي معتز : السلام عليكم يحي منتفضا : وعليكم السلام، حمد الله على السلامه ، جيت امتى معتز : لسه بشوكى ،اخبارك ايه واخبار الشغل ايه ؟؟ يحي :كله تمام ،ماشيين زى الساعه ،حد يقدر يكسر لحسن كلمه ...كان فرمه يضحك الاثنان معا يحي : حسن عرف انك جيت؟؟ معتز : انت اول واحد .خليك هنا بقى لما اروح لحسن معتز يذهب لمكتب حسن ،يرى ريم تجلس على مكتبها فى السكيرتاريه وتعمل على الكمبيوتر فيفاجأها من الخلف معتز بصوت منخفض : مشغوله فى ايه يا ريم ؟ ريم ريم تنتفض وتلتفت لترى معتز يقف باسما لها ريم بصرخه فرح : معتز حبيبى ....وتنهض وتلقى بنفسها بين زراعيه .....وحشتنى اوى معتز وهو يربت على ظهرها ويبتسم : بس...بس..احنا فى الشركه يا هبله ريم وهى تضحك : الله بقى ،مش اخويا وبقالى شهر مشفتوش...تصدق قفلتنى زى صاحبك . معتز مستفسرا : صاحبى مين ؟ ريم وهى تشير لمكتب حسن : القطر اللى جوه..حسن يعنى هيكون مين ! معتز وهو يضحك : باين انه ممشيكم على العجين ريم ضاحكه : اه والله معتز : طيب كملى ،وانا داخل له يدخل معتز لمكتب حسن ،ويفاجأ حسن به ، وينهض من على مكتبه ويأخذه بالاحضان حسن ضاحكا : ليك وحشه يا معلم معتز مبتسما : وانت كمان حسن : يا ترى اتوفقت ،ولا ايه ؟ معتز: الحمد لله، كله تمام ،انت اخبارك ايه ؟ واخبار سهراتك ايه ؟ ويغمز له حسن بتنهيده :مرحتش الشقه من يوم انت ما سافرت معتز مندهشا : ليه يا صديق!!! حسن بدلع : مش جايلى نفس من غيرك يا زيزوا . معتز بدلع : هعوضك يا سن سن ويضحكون معا بصوت عالى حسن بجديه : لا بجد ،انا هروح اجيب لك ملف اخر مناقصه انا عملتها ،وتشوف السعر ماشى ،على ماتسلم على وليد معتز : هروح لمكتبه من الباب ده ،مش لازم اخرج والف ...تعبت من اللف النهارده على المكاتب ،انا لسه واصل من السفر حسن : كنت بتلف فين من غيرى يا زيزو!! معتز : شكلك هتفهمنى صح ...ويضحك ثم يدخل لمكتب وليد من باب يفصل بين المكتبين ،فوليد يستخدم فى مكتب معتز مؤقتا لحين عوده معتز من الخارج . معتز لنفسه : راح فين الواد ده .؟ يقف معتز وينظر من الشباك و يفاجئ بصوت انثوى رقيق يقول من خلفه : الملف اللى حضرتك طلبته يلتفت لها معتز وينظر لها بدهشه ،،وهى تنظر له بدهشه ..فيقول معتز :انتى ندى بدهشه :انت ثم تداركت نفسها بسرعه ،وقالت بغضب : انت ايه اللى جابك هنا ؟ودخلت ازاى ؟شكلك حرامى ..انا قلت الاشكال دى تدى على حرامى ... ثم بلهجه امره وبقوه :انطق ...دخلت منين ؟؟من الشباك صح ؟ معتز مندهشا : حرامى ....انا حرامى !! ندى : اه ...حرامى ،واقف جنب الشباك ،ومدخلتش من الباب ،لأنى قاعده بره ...يبقى دخلت من فيييين ؟؟اكيد من الشباك ....انطق واتكلم بسرعه عملت ايه فى وليد ؟؟؟ وجاى ليه ؟؟ معتز بصوت عالى وبغضب : ايه ...بلعه راديوا ...ميت كلمه فى الدقيقة. .ادينى فرصه اتكلم وارد .....حرامى ايه يا بت اللى بتقولى عليه ...انتى ايه اللى بتعمليه فى شركتى؟؟؟ ندى بصوت عالى :نعم ...شركه مين يا ابو شركه ..دى شركه الجارحى بتاعه ريم ووليد ومعتز اخوهم ودكتور حسن ويحي ...انت بقى موقعك ايه من الاعراب ؟؟ دخل وليد وحسن وريم على صوتهم العالى، ونظر لهم معتز ثم نظر لها متحديا فى عينيها واقترب منها ...خافت ندى من تقربه منها ولكنها وقفت له متحديتا له، وناظره فى عينيه بتحدى واخفت خوفها منه ،ومن قربه ،ونظراته لها ،ودق قلبها بشده ، ولكنها تماسكت معتز : انا بقى ...ابقى معتز ..انتى مين ؟؟ رد وليد بهدوء : ندى صاحبه ريم ، والسكيرتيره بتاعتك معتز ينظى له ،ثم لندى ويقول : نعم ...دى السكيرتيره بتاعتى ....امال مين اللى يقف فى المدبح ندى بصرامه وهى تشير له بابهامها : احترم نفسك لو سمحت . ريم لندى : تعالى معايا ياندى ....عن اذنكم يا جماعه...وتخرج ريم مع ندى معتز ملتفتا لهم : مين اللى عينها السكيرتيره بتاعتى ؟؟ وليد : انا دربتها هيه وريم ،وخليت ريم سكرتيره حسن ،وندى ليك..هيه ذكيه وشاطره ومخلصه فى الشغل ..بس مش عارف ايه لزومه الموقف اللى حصل ده معتز بصيحه : الست فاكرانى حرامى !! حسن ووليد ضاحكين : بجد والله .....حرامى ههههههه معتز بغيظ : اه والله ،وكمان بتقرر فيا ...اتكلم وانطق، دخلت ازاى؟ وعملت فى وليد ايه ؟ حسن ووليد : طب الحمد لله ،طلع قلبها على الشغل اهه حسن بجديه : انت تتأسف لها علشان سوء التفاهم ده ،وعلشان ريم متزعلش منك .دى صاحبه اختك ،وبغض النظر انها صاحبه اختك فهى فاهمه شغلتا كويس اوى معتز مستنكرا : انا اعتزر لمين ...لدى!! حسن بصرامه : معتز ....ده شغل ..مش حاجه تانى ..احنا هنا فى الشركه ....بلاش عقدناتطلع هنا معتز بغيظ : ماشى طالما انت شايف كدا يخرج معتز ويجد ريم وندى يجلسون معا ويتقدم منهما معتز : انا اسف يا.....اسمك ايه ؟ ندى : ندى معتز :خلاص انا اسف يا ندى على سوء التفاهم اللى حصل ده ندى : حصل خير معتز : طب وانتى ...مش هتتأسفى ؟ ندى : ليه هو انا غلطت فيك !! معتز وهو يرفع حاجبيه فى دهشه : دا على اساس مين اللى قالى انى حرامى، وكان قاعد يحقق معايا جوه ،خيالى !! ندى : لا بس انا لقيتك فجأه جوه ،وواقف جنب الشباك ،ومعرفش بموضوع الباب اللى بين المكتبين ده ،ومدخلتش من قدامى ،قلت على طول تبقى حرامى ....على العموم انا اسفه معتز فى نفسه : مغروره اوى ندى فى نغسها : واخد فى نفسه قلم ...صفيق ريم : حصل خير يا جماعه ...صافى يا لبن ندى وهى نتظر الى ريم : حليب يا قشطه ريم وهى تضحك : انتى اللى قشطه وعسل ...ويضحكان سويا معتز : قلبناها شركه البان اهه سكتت ريم وندى ونظروا لبعضهم معتز كل واحده تروح على مكتبها #الحلقه 6 تمر الاسابيع على ابطالنا ،حتى تاتى إمتحانات نصف العام، وتترك ريم وندى العمل بالشركه من اجل التفرغ للامتحانات، وبعد انتهاء الامتحانات يرجعون ثانيه الى عملهم . معتز وندى وهم مثل القط والفأر ،ما بين شد وجذب.معتز لاشعوريا يحاول استفزاز ندى ،ويشعر بالسعادة عندما يغيظها او عند رؤيتها وهى تستشيط غبا منه ولا تقدر ان تقول له شيئا ريم تحاول التقرب من حسن .وحسن تاره قريب وتاره بعيد عنها . مصطفى وساره يشجعون بعضهم فى الدراسه والرياضه ويعيشون فى حاله جميله من السعاده والحب المتبادل وقد اتفق مصطفى مع ساره على مفاتحه والده فى موضوع الخطبه فى اجازه نصف العام اوبعد التخرج من الجامعه يحي يحاول التقرب من ريم ولكن ،ريم تتهرب منه يحي: الجميل بيعمل ايه ؟ ريم : بشتغل. يحي وهو ينظر لها وهو مرتبك : ريم عايز اسألك سؤال .بس ترى عليا بصراحه . ريم : اسأل يا يحي .انا عمرى ما اخبى عليك حاجه ،انت زى معتز ووليد . يحي منصدما : زى وليد ومعتز !! ريم وقد فهمت ان رسالتها قد وصلت له : اه، والله يا يحي انت زى اخويا بالظبط ، وانا عمرى ما خبيت حاجه عنهم ومش هخبى عنك حاجه برده يحي ينظر فى عينيها مباشره ويسأل : انتى فيه حد قى حياتك يا ريم ؟؟ تندهش ريم من السؤال وجرءته فتبلع ريقها وترتبك نظراتها ليكمل يحي يحي وهو مستمر بالنظر اليها : احنا مش قلنا مش هنخبى حاجه! ريم باستسلام وهى تخفض عينيها وراسها للاسفل :ايوه يا يحي فيه . يحي وهو مغمض عينيه بعد سماع كلماتها ،وقد احس بأن طعنه قد اخترقت قلبه ،او ان هناك يدا تعتصر قلبه عصرا.ولكنه حاول التماسك والمحافظه على هدوءه يحيى وهو يعاود النظر لها :مين يا ريم ..؟؟ ريم ترفع عينيها وتنظر الى باب مكتب حسن وتقول بتنهيده : القطر اللى ماشى على طول ، ومش بيقف فى اى محطه ، وانا مستنياه ،انه يجى ويقف فى محطتى ،بس مش عارفه هيجى ،ولا هيتكتب عليا افضل مستنياه . يحي وقد فهم ما ترمى اليه بالقطار ،فهو اخيه حسن . انه اخيه حسن ...من تحبه ريم هو حسن ،وهو لا يشعر بها . يشعر يحي بالالم والحزن الشديد ولكنه يحاول التماسك واخفاء ألمه ،وحزنه الشديد ،وان تظل نبره صوته كما هيه ،فلا يظهر عليه شىء ،ولكن فضحته عيناه ...كشفت سره عيناه ؛ فقد اطل من خلالهما حزنه الشديد وألمه الشديد من تلك الصدمه . يحي مغمضا عينيه : معلش ،مهما كان القطر هيلف وياخد لفته ، بس فى الاخر هيجى وهيقف فى محطتك ،بس اصبرى. وينظر لها يحي متأملا ومتألما ويتنهد ويمشى . لا يدرى اين يمشى ،ولا كيف يمشى ،يشعر انه يسير مترنحا ..تدور من حوله الاشياء ....اهى تدور ؟ام هو الذى يدور ؟؟ ولكن مهلا انتظر يا يحي ،لا يجب عليك ان تكون هكذا ،استقوى بالله ولا تضعف ،حتى وان كانت لاتحبك ....حتى وان كانت ليست بنصيبك ،فهى ابنه عمتك ،اختك الحبيبه التى سوف تتمنى لها السعاده .....كل السعاده مع حبيبها ....اخى ..ابى الثانى .... يتنهد يحي ويغمض عينيه ويقول هامسا : اتمنى لكى يا ريم كل السعاده ... وأنت يا من دق لها ، وأرتعش لسماع صوتها ،وعشق نظراتها ...قف عن النبض فهى ليست من نصيبك ، فهى ليست لك ...... اما النصيب ،فهو لا يزال فى عالم الغيب .سوف انتظره ،وسوف ارضى به ، وسوف انتظر دقتك التاليه .اما الان فمن الواجب ان امد يد العون والمساعده الى اختى ، لكى يهدأ القطار ،ويقف فى محطتها ،فأنا اشعر بأنها قد طال انتظارها ،وإن لم اساعدها فسوف يطول انتظارها ...... حسن ان الأوان لك ان تهدأ، وتهدأ ركضاتك ، لكى ألحق بك ،واساعد مريم لتقف فى محطتها . ويمضى يحي وهو عازم على مساعده ريم ولكن كيف سوف نرى #الحلقه 7 تأتى أجازه نصف العام، ويذهب مصطفى الى الريف، لرؤيه والده مصطفى : السلام عليكم الحاج عبدالله وخالد : وعليكم السلام خالد :حمدالله على السلامه يا درش مصطفى : الله يسلمك يا خالد، اذيك يا حاج الحاج عبد الله : الحمد لله. اخبارك انت ايه؟ مصطفى : كويس خلصت الامتحانات، وقلت اجى اقعد معاكم يومين، اصلكم وحشتونى اوى. خالد : اخبار عمتك فايزه، وندى ايه؟ مصطفى : كويسين الحمد لله، وبيسلموا عليكم اوى. خالد بلهفه : بجد، ندى بتسلم عليا؟ مصطفى : آه وبتسلم على بابا كمان. خالد وقد ادرك ان السلام ليس له معنى اخر : اه الله يسلمك ويسلمها. بعد قضاء اليوم مع اخيه والحاج عبد الله، قام مصطفى بفتح موضوع خطوبته من ساره، مع اخيه خالد، لكى يعرض الموضوع على الحاج عبد الله . مصطفى : خالد، انا عايز اكلمك فى موضوع مهم. خالد باهتمام : خير، اتكلم مصطفى : فيه بنت، زميلتى انا معجب بيها وكنت عايز اخطبها. خالد : زميلتك اصغر منك؟ مصطفى : لا. معايا فى نفس الدفعه؛ فى سنه 3 خالد : مش بدرى الكلام ده، انت لسه بتدرس .!! مصطفى : انا بقول خطوبه، مش جواز. يعنى ،اخطبها وبعدين بعد ما اتخرج، واشتغل ابقى اتجوز.انت ايه رايك؟ وتفتكر الحاج هيرضى ؟ خالد : اولا؛ انت لسه مخلصتش، الكلام ده سابق لاوانه. مصطفى معارضا : بس لو انا استنيت، هيه مش. . خالد معارضا ايضا : ابوك استحاله يوافق، لازم تخلص الاول وتشتغل. مصطفى : تكون هيه بقى اتخطبت. خالد : لو عايزاك، هتستناك لو العمر كله. مصطفى : انت مصدق كلامك ده. فيه واحده هتستنى العمر كله؟ خالد : وانت ناوى تقعد العمر كله على ما تشتغل؟ مصطفى : لا. ....بس خالد : انا ممكن افاتح بابا، بس مش هضمن انه يوافق. ..اتفق انت وزميلتك انها تستناك لحد لما تخلصوا السنه اللى فاضله ليكم دى، وبعد كدا تتقدم لها. وهيه لو اتقدم لها حد ترفض، سهله اهه. مصطفى بحزن : ربنا يسهل. مصطفى دخل حجرته وكلم ساره فى التليفون مصطفى : الو. السلام عليكم ساره : وعليكم السلام ورحمة الله. مصطفى : اذيك يا ساره، عامله ايه؟ ساره : الحمدلله، انت صوتك ماله؟ فيه ايه؟ مصطفى : لا. ...بس ساره : قول على طول يا مصطفى، فيه ايه؟ قص عليها مصطفى ما كان من حديثه مع خالد. ساره بهدوء : خالد اخوك عنده حق؛ انت لسه بتدرس، ومش معاك شهاده، ولا وظيفه، هتيجى تقول ايه لحسن اخويا؟ ؟ انا طالب عندك وعايز اخطب اختك؟ بص يا مصطفى، خلينا نستنى لحد لما نتخرج. مصطفى : وافرضى جالك حد؟ ساره : حدايه تاخد الحد ده. هرفض يا درش، خلاص بقى، يلا سلام. مصطفى شعر بالراحه من حديثه مع ساره، وقضى بعض الايام مع خالد والحاج عبد الله، ثم رجع الى القاهره مره اخرى. فى شركه الجارحى ريم تجلس على مكتبها تعمل على الكمبيوتر، تدخل سيده جميله، تضع مكياج ثقيلا، وبرفان ذا رائحة قويه و نفااذه وملابس ضيقه جدا. السيده بدلال : ممكن اقابل حسن من فضلك؟ ريم رفعت لها وجهها ونظرت من فوق لتحت وقالت : اقوله مين؟ السيده بدلال : قولى له رنا. وهو هيعرف. ريم بدهشه وهى تردد :رنا وهو هيعرف. .. اه ...وماله ما هو هيعرف. !!! دخلت ريم الى مكتب حسن وقالت له بحده : فيه واحده كدا بره، شكلها لبسه هدوم اختها الصغيره، وحاطه جبس على وشها، وبتقول عايزه تشوفك، واسمها رنا. حسن يرفع نظره لها : رنا. ..طب خليها تدخل . تخرج ريم وتدخل رنا رنا بدلع : سن سن. ..اخص عليك يا وحش، شهر بحاله مشوفكش فيه. يقف حسن ويتقدم منها ويجلهسا على الكرسى المقابل لمكتبه ويجلس على الكرسى المقابل لها حسن : سن سن ايه يا رنا. ..احنا هنا فى الشركه. تقف رنا وتتقدم امامه وتجلس على يد الكرسى وتحاوط رقبه حسن بزراعيها وتقرب شفاها من اذنيه وتهمس رنا بدلع : اعمل ايه، منت وحشنى، وبقالى شهر بحاله ولا كلمه، ولا سلام، ولا حتى اتصال. وتتقرب من شفاه لكى تقبلها فتدخل ريم وترى المنظر، وتقف مصدومه، محدقه عينيها بهم وتشعر وكان هناك من قذف بسكين حاد النصل فى قلبها. .. شعرت بغضب شديد وبغيره اشد وودت لو ضربتهم معا. وتصرخ في وجوههم . ولكنها فاقت على صوت حسن حسن : فيه حاجه يا ريم ؟ ريم بشرود وحزن : مدام رنا تشرب ايه؟ رنا بدلع : قهوه سكر ذياده. ريم بغل : وانت؟ حسن: مش عايز ريم لنفسها : بالسم الهارى، ان شاء الله. و خرجت ريم ، وطلبت لرنا القهوه، ودخلت الحمام ،تبكى فيه ،شاهدتها ندى وجرت لها ندى : ريم حبيبتى. ..مالك مين زعلك؟ ريم ببكاء شديد : الحيوان اللى جوه. ..جياله واحده زبااله وقاعده على رجله وبتبوسه. باسهم تعبان الجوز ندى بدهشه : حسن. حسن يعمل كدا! ! ميعملش ليه مهو جبله زى اخوكى البارد. ريم : ايوه ....زفت الطين، هباب البرك، الحيوان، ناقص الترابى . ندى محاوله تهدئها : طب هدى نفسك بس ريم ببكاء : اهدى نفسى ايه بقولك. ... ولا تستطيع الكلام وتظل تبكى يرى يحي ريم وهى تدخل الحمام وتتبعها ندى. يقف يحي خاج الحمام، ويستمع لهم، ويرفق بحال ريم، ويقرر مساعدتها. يذهب الى مكتب حسن ويدخل بدون استئذان. ويرى حسن مع رنا فى وضع سىء جدا يحي : انا. ..انت . .. ويخرج محرجا ويذهب الى الحمام ليستمع الى ريم وندى يتحدثون معا ريم : انا اللى استاهل انى حبيته. قلبى ده يستاهل انه يتعمل فيه اكتر من كدا. بس وحيات الوجع اللى فى قلبى يا حسن، لازم اخد بحقى منك. يسمعون صوت طرقات على باب الحمام، وصوت يحي يحي : ريم عايزك لو سمحتى ريم ببكاء : مش هينفع دلوقتى يا يحي يحيى : انا سمعت كل حاجه، اطلعى بسرعه. ريم وندى يخرجون من الحمام وتقف ندى امام يحيى ولا تزال ريم تبكى. يتقدم منها يحيى ويضع وجهها بيد يديه، ويمسح بإبهاميه دموعها، ويقترب منها ويقول يحي : العيون دى متخلقتش علشان تعيط، دى اتخلقت علشان تضحك وبس. ونظر خلف ريم، ثم امال برأسه ناحيه اذنيها وهمس يحي : متزعليش، انا هساعدك، نوقف القطر فى محطتك. ابتعدت ريم بجهها عنه، و هى تنظر في دهشه . فنظر لها يحي وهو مبتسم، ونظر خلفها وزادت إبتسامته، فإبتسمت له ريم. فى تلك الاثناء ،كان حسن يشاهد هذا المشهد، و قد ظن ان يحي وهو يميل برأسه على اذن ريم ليهمس لها، انه قد قام بتقبيلها على وجنتها، وهى اندهشت منه، ثم تقبلت ما فعله، وإبتسمت له. تقدم حسن و الغضب يتطاير منه، ندى رأته ندى تهمس : القطر جاى حسن بصوت عالى وغضب : ايه اللى بيحصل ده؟ .. انت ازاى تعمل كدا؟ وانتى يا ست هانم، عادى كدا، سايباه يبوسك ومبسوطه، ومش هامك معتز يشوفك ولا حتى انت يا سى يحي. انتفضت ريم غاضبه وقد نوت ان ترد له الصاع صاعين ريم :البوس والاحضان ده انت اللى تعرفه، مع الست رنا بتاعتك فى المكتب. مش دى برده شركه، ولا ملاهى ليليه. انا اللى مكنتش اتصور ان أخلاقك بالانحطاط ده. وتركتهم ريم ومشت الى مكتبها ومعها ندى صدم حسن من رد فعل ريم ووجه نظره الى يحي غاضبا حسن بغضب : انت ازاى تبوسها؟ دى بنت عمتك و اخت معتز .؟؟ يحي بغضب : وانت ازاى تعمل اللى شفته فى المكتب ده؟ حسن بحده وشراسه : انا حر. يحي بحده : وانا كمان حر. حسن بحده : ريم مش ذى رنا. ..انت فااااهم . يحي :ملكش دعوه. يذهب يحي الى مكتب ريم ويجد، ريم وندى يتحدثون معا ندى : احسن، لجمتيه. ريم بغيظ : بس لسه نارى مبردتش. ندى : دا شايط منك . ريم : خليه يولع، زى مافصل فيوز مخى. يحي :بقول لكم ايه! احنا هنروح سوا علشان نقعد فى اى مكان ونتفق هنعمل ايه. ماشى. ندى وريم : ماشى. يحي : هفوت عليكم لما اجى اروح، مااشى. وكويس انك سايرتينى؛ هو مفكر انى بلعب عليكى وبستغلك. .... يا ريت لو تفضلى زعلانه منه حبه ريم : ماشى ندى وهى تقف : هروح لمكتبى، احسن الرخم اخوكى يلاحظ غيابى و هو ما بيصدق. انا مش عارفه انتم ازاى مستحملينه فى البيت. ريم : هو احنا بنشوفه؛ دا على طول فى الشركه، وبيجى على الفجر. ندى : اه. ... قاعد بره لوش الفجر بيهبب ايه البيه. ريم : مش عارفه ، بس مره سمعت حسن وهو بيتكلم معاه، وجايبين سيره شقه. فين دى. مش عارفه ؟ ندى بغيره : اهه احنا بقى، لازم نعرف عنوان الشقه دى، وهم بيعملوا فيها ايه؟ ريم : ندى هو انتى. ...يعنى ....مع معتز كدا ، زى ما انا مع حسن . ندى بحزن : اه. ...بس مش عارفه اعمل ايه معاه .....قدرنا اننا نحب جبلات ريم : عندك حق، قدرنا اننا نحب جبلات مش بتحس. يأتي حسن وهو غاضبا، وينظر لهما شرذا، ويدخل مكتبه، ويغلق الباب بصوت عالى. تنطفض له الفتاتان، وتقوم ندى بسرعه الى مكتبها، وتبقى ريم على مكتبها فى داخل مكتب حسن يدخل حسن مسرعا الى مكتبه. ويجىء الغرفه ذهاباوإيابا. ...يشعر بألاختناق، يفك الجرافات ويلقى بها على الكرسى، ثم يفتح ازرار القميص ليأخذ نفسا عميقا ثم يتنهد. و يمسح بيده على شعره، ويشد شعره بقوه حسن لنفسه : متغاااظ. .......هاين عليا اديلها جوزين اقلام علشان يفوقوها ....انا تقولى البوس والاحضان، والست رنا بتاعتك. انا ويمشى وهو يزفر بغضب ويكمل : لا وسى يحي كمان ،رايح يطبطب ويبوس ..... والهانم مبسوطه........اه .....طب وانا زعلان ليه؟ ليجيب على نفسه : هيه مش اخت معتز. ..وووووبنت عمتى .....طيب ماهيه بنت عمه يحي! ! يحي ده حسابه معايا بعدين. ثم عاد يسأل نفسه مجددا : انا ايه اللى لجمنى ومخلنيش اضربهم؟ ...طب وايه اللى خلانى مشيت رنا بعد ما يحي دخل علينا؟ ليجيب على نفسه : لا مهو شاف اكتر من اللى ريم شافته. طب وانا اقعد اهرى ليه ....انا اناديها احسن الحلقه 8 حسن : ريم تعالى عايزك . تحضر ريم : نعم، فيه حاجه. حسن يتقدم منها ويمسك ذراعها، ويجذبها نحوه فى عنف وغل، فتقترب منه، وتصطدم بصدره. . ما أن تصطدم به ، إلا ويشعر حسن ، برعشه قويه تدب فى جسده ،وأخذ قلبه يدق بسرعه وبقوه ،وكذلك ريم شعرت بمثل تلك الشراره الكهرباءيه والرعشه القويه تسرى فى انحاء جسدها، فينظر لها حسن بغضب. حسن بحده : انتى ازاى تسمحى ليحي انه يبوسك؟ ريم بدهشه : يحي مباسنيش، انت اللى خيالك المريض صور لك كدا ،علشان فاكر ان الناس كلها زيك انت والست رنا بتاعتك. تعمق حسن فى النظر الى عينيها ، وقال : انتى غيرانه !!! ريم وقد شعرت انه يتعمد جرح مشاعرها ،فتنظر له بتحدى لا تعرف كيف اتت به ولكنها قالت ريم : الواحد يغير على حاجه تستاهل .لكن انا اغير من مين ...من دى !! مين دى علشان انا اغير منها ؟؟؟ ثم نظرت له وتقدمت نحوه اكثر ثم اردفت :ثم مين انت علشان اغير عليك ؟؟...انت ازاى عايش كدا ؟؟...انت فاكر نفسك عايش !! انت..انت جواك حجر .انت انسان منعدم الإحساس. ..مين ممكن يفكر فيك ؟؟ او يغير عليك غير واحده زى رنا بتاعتك. ....عن اذنك انا مروحه . وخرجت ريم وكلمت ندى ويحي فى التليفون وقالت لهم انها تنتظرهم فى الشارع . فى تلك الاثناء، وقف حسن مصدوما من كلام ريم ،يشعر بالصدمه ؛ فريم تراه شىء صغير جدا وهينا ولا يلفت نظرها ،إنما تهتم به فقط من هم على شاكله رنا ...شعر حسن بالحقاره والدونيه والغيظ الشديد من ريم، ووقف امام الشباك ونظر فوجد ريم تركب مع يحي سيارته ، ولم يرى ندى التى سبقت ركوب ريم . استشاط حسن غضبا وخرج مسرعا ،لكى يلحق بهم ؛فلقد خاف ان يلحق يحي بريم اذى ....ولكنه عند وصوله وجد أن السياره قد مشت ..اخذ يتلفت يمينا ويسارا ، ثم زفر فى قوه وغضب ، وطلع الى الشركه مره اخرى ، ودخل الى معتز مباشره . حسن بقوه : معتز شفت اللى حصل ؟؟ معتز : فيه ايه ؟؟ حسن بصوت هادر : مش الزفته رنا جاتلى الشركه ،وريم شافتها . معتز متسائلا :ودى ايه اللى جابها ؟وكانت عايزه ايه ؟ويعنى ايه ريم شافتها ؟؟ حسن بلجلجه :يعنى ...شافتها وهي...اا..كانت قاعده يعنى.. معتز : متنطق يا حسن ، فيه ايه ؟ حسن : شافتنا فى وضع مش تمام ؛ ورنا بتبوسنى وانااا.. معتز بصرامه : انت ازاى تعمل كدا فى الشركه ،مش عارف ان فيه واحده قاعده بره ،وممكن تدخل عليك ..وبعدين الزفته دى مش عارفه ان مكانها الشقه !! ايه اللى جابها هنا ؟وانت مش عارف تمشيها ؟؟ حسن باقتضاب : اللى حصل ،اعمل ايه بقى ،المشكله ان ريم مصدومه فيا ،وقالت لى كلام زى الزفت . معتز : عندها حق والله . حسن مندهشا : طب اهى روحت مع يحي ! معتز : احسن برده . حسن : طب حاول انك يعنى ،تلم الموضوع وتقولها اى حاجه ،يعنى تحسن صورتى قدامها يعنى ...اصل شكلى بقى فى الارض خالص . معتز : سيب الموضوع ده ، لو اتكلمت فيه هكبره ...تجاهله واتعامل معاها ولا اكن شىء حصل . حسن : انت شايف كدا معتز وهو يهز راسه موافقه : اه فى كافيتيريا يحي : شوفى يا ريم ،احنا هنمثل اننا ..يعنى فيه اعجاب متبادل مننا ؛ علشان نحرك حسن شويه ؛ يعنى ..يغير .وعايزك لو سمحتى ،يعنى تتجاوبى معايا شويه . ريم مساءلة : اتجازب ازاى يعنى ؟؟ يحي : يعنى الكلام ، الضحك ، اجيلك المكتب كل شويه ، اهه يمكن حسن ياخد باله منك ويبدا يغير عليكى ...ولو انى لاحظت انه كان غيران لما افتكر انى بوستك . ريم متذكره : ااه صحيح ،دا بيقول لى ازاى اوافق انك تعمل كدا ، ومش مصدق انه محصلشى . يحي ضاحكا : : الصراحه ؛ انا شفت صورته فى ازاز الباب وراكى ؛ علشان كدا قربت منك وجيت عند ودنك وكلمتك ، وهو بقى واقف ورايا ؛ فاكيد هيفكر انى ببوسك .ولما اتكلمت معاه مردتش اقول له ، انى مش بوستك ، لا ،سيبته يفتكر انى بشاغلك وبلعب بيكى ؛ علشان يخاف عليكى منى ويقرب هو منك . ريم بفرحه طفوليه : ايوه بقى ،يا يحي يا جااامد . ندى تضحك : تفكير شياطين .!! ثم تتدارك نفسها وتتاسف ليحي يحي ضاحكا : اقعدوا احسدوا فيا كدا لما تجيبوا الخطه الارض . ريم وندى : ماشى ياا بينا نروح فى منزل ريم ريم تكلم ندى فى التليفون ريم : بتعملى ايه يا ندوووش ؟ ندى : قاعده مش بعمل حاجه .بفكر ريم : بتفكرى فى معتز . ندى : اه ...نفسى اعرف بيروح فين بعد الشركه. ؟وتلاقى حسن كمان معاه ؛ مهم اصحاب . ريم : بس ازاى يعنى انتى حبيتى معتز !! ندى بحيره : مش عارفه رغم اننا ناقر ونقير ، بس بصراحه المثل اللى بيقول "القط مبيحبش غير اللى بيخنقه " .اهه هو كدا بالظبط .رغم انه بيغلس عليا ، وبيستفذنى ، بس برده بكون مبسوطه ،ونفسى يحس بيا ...عامل زى سى زفت بتاعك حجر صواان . ريم : عندك حق ، قدرنا كدا .طب انتى لو كنتى مكانى ،وشفتى معتز عمل زى حسن كنتى عملتى ايه ؟؟؟ ندى : كنت دخلت عليهم دورت الضرب يا ماما، فيهم هم الجوز ...ويضحكوا سويا ، ويتفقوا على ان يمشوا وراء حسن ومعتز لكى يعلموا اين يذهبون بعد الشركه ، او يجعلوا يحي يقوم بالمهمه دى . تمر الاسابيع ، ويبقى الوضع بين شد وجذب بي ندى ومعتز .وتقرب يحي من ريم ،، وغيره حسن ومحاولاته ان يدارى ذلك ، وغضب ريم لعدم احساس حسن بأى شىء .ويمشى يحي وراء حسن ويعرف مكان الشقه ويعطى العنوان لندى وريم . فى احد الايام ،وداخل الشركه معتز : ندى هاتى لى ملف الصفقه الاخيره. ندى تدخل : اتفضل معتز ينظر لها ويضحك ويقول : اول مره تقولى اتفضل من غير برطمه !!ولا شد وجذب .مش متعود على الادب ده . ندى بغيظ : انا مؤدبه يا معتز .وبلاش تجرجر خناقى .. معتز : اوعى تكونى زعلتى ،يبقى كدا عندك دم وبتحسى . ندى بغل وقد تقدمت نحوه بعد ما شعرت ان صبرها قد نفذ ندى : يعنى اتعامل معاك بأدب مش عاجب ...طولنا لسانا مش عاجب ...بقينا فى حالنا برده مش عاجب ...تعرف ونظرت فى عينيه بقوه وهى قريبه منه ، جعلته يشعر انها دخلت فى أعماقه من خلال عينيه . ندى : انت انسان غريب...غريب اوى ...مش عارف انت عايز ايه بالظبط ....ولا عارف اى اسلوب يمشى معاك...... بجد.انا تعبت معاك ..تعبت وجبت اخرى خلاص ..انت من هنا ( وشاورت على قلبه ) حجر يمكن الحجر بيجى عليه وقت و يتعب من كتر الدق عليه وبيلين ،لكن هنا عندك صواان ..حجر صوووان ....وأنا ... (وتدمع عينيها وتقول )تعبت منك ...والله العظيم تعبت. ..تعبت ... وتخرج ندى مسرعه الى مكتبها ،تجد وليد يجلس عليه ، وقد سمع كلامها مع معتز .فى حين يظل معتز واقفا مكانه ينظر الى الفراغ مكان ندى وهو مزهول . معتز لنفسه : آآه ...آه لو تعرفى ان الحجر الصوان ده كان ، قلب وبيدق ،وحب واحده متستهلش ... خدعتنى بالحب وبالاحلام الجميله وبعدين مع أول فرصه وعريس غنى باعتنى ؛وانا كنت لسه طالب لا عند شركه ولا غيره ...رمتنى زى الكلب ،وجريت على العريس الجاهز ،عملت زى ماعملت حبيبه حسن معاه آه ....انا وحسن متعقدين ...وآه احنا بقينا زى الحجر الصوان ...لابنحس ولا فى يوم هنحس .بس مش عارف ليه ،انا زعلان علشانك ، ومش عايز اشوفك زعلانه. ..لاول مره مش بحب اشوفك زعلانه ...اه انا كنت فى الاول بحب اضايقك بس المره دى ...فعلا مش عايزك تزعلى . عند ندى ووليد وليد : ندى انل سمعت كلامك معلش يعنى ..هو انتى ..معجبه بمعتز ؟؟ ندى تهز راسها بإيجاب وهى تبكى وليد : طب متزعليش يمكن لو شافك مش مهتمه بيه ،وحد تانى مهتم بيكى ،يمكن يلتفت ليكى . ندى : والحد ده بقى اجيبه منين ؟؟طب ريم ولقت يحي انا بقى الاقى فين !!!!..وتنبهت ندى بما قالته وليد متسائلا : ريم لقت يحي... ازاى يا ندى ؟؟ ندى بتوتر : اصل ...يعنى .. وليد: قولى على طول يا ندى ومتخافيش . وقضت ندى على وليد كل شىء من انفاق ريم ويحي على حسن وليد مبتسما : خلاص يا سيتى انا معاكم . وانا هكون الحد ده ندى مندهشه : بجد يا وليد .انت بتتكلم بجد !!! وليد : اه بجد جاءت ريم عليهم ريم : مالكم بتقطعوا فى فروه مين ؟؟ ندى : فروتك انتى ويحي . ريم باندهاش : ندى !!! ندى : وليد عرف كل حاجه خلاص ، وهو كمان هيساعدنى زى يحي بالظبط ،بس على الله الجبلات اللى جوه دول يحسوا ريم بريبه : بجد يا وليد وليد : ماشى ، بس انتى حسابك معايا بعدين ،علشان احنا اتفقنا انك مش تخبى عنى حاجه ،واننا اصحاب . ريم : حقك عليا يا ليدو... والنبى ماتزعل . وليد : عليه الصلاه والسلام .ماشى يمشى وليد وريم ويأتى تيليفون لندى من خالد اب خالها ندى : السلام عليكم خالد وعليكم السلام. اذيك يا ندى ؟ ندى : الحمد لله. اذيك انت يا خالد وازاى خالو .؟ خالد : كويسين .انتى اخبارك ايه ؟ ندى : الحمدلله خالد : انتى فى الجامعه دلوقتى . ندى : لا فى الشركه خالد : شركه ايه ؟؟ ندى : الشركه اللى بتدرب فيها مع ريم . خالد: والتدريب ده محتاجاه اوى يعنى . ندى : طبعا محتاجاه ،وبعدين دى مش شركه غريبه ،دى الجارحى ؛ بتاعه اخوات ريم ؛ يعنى ناس كويسه وثقه . خالد : والله لو على الشركه ،انزل مصر واعملك شركه ؛ علشان تدريى فيها . ندى ضاحكه بصوت عالى : انت بتقول ايه يا خالد؟ عايز تعمل لى شركه مخصوص اتدرب فيها ،طب وبعد التدريب هتعمل فيها ايه ؟؟؟ خالد : اللى انتى عايزاه هعمله فى الشركه وصاحب الشركه . ندى ضاحكه : الشركه وصاحبها كمان !!لا على ايه ، انا كدا حلوه اوى ،معلش يا خالد لازم تقفل علشان عندى شغل . خالد : مع السلامه . ندى : مع السلامه معتز وقد مال على اذن ندى وهيه جالسه : مين خالد بتاع الشركه المخصوص ده ؟؟؟ ندى تلتفت وتجد معتز فى وجهها !!! الحلقه 9 ندى بخضه : هو فيه ايه ؟؟ معتز : تااانى !نقول تانى ....مين خالد ؟؟ وايه حكايه الشركه اللى بتتكلمى عنها دى ؟ ندى بعند : ملكشى دعوه، شىء ميخصكشى معاز بصرامه : طالما فى الشركه هنا يبقى يخصنى ، وطالما ليكى وانتى بتشتغلى عندى ؛يبقى يخصنى ..انطقى ..مين خالد ؟؟؟ ندى وهى تبلع ريقها : ابن خالى ؛وبيطمن عليا ،ولما عرف انى بدرب فى الشركه ،قالى يعمل شركه علشان اتدرب عنده مش عند حد غريب. ...ارتحت . معتز بحده : اه ارتحت ،وشوفى شغلك وبطلى رغى فى التليفونات . يعدى وليد ويجد معتز يتحدث مع ندى .فيقدم لكى ينفذ الخطه. وليد : عامليه ايه يا ندوووش ، خلصتى ولا لسه ؟ معتز مرددا : ندوش ! ووليد !! دا انتم واخدين على بعض اوى !! وليد بضحك :طبعا ما انا اللى دربتها هيه واختك ...ثم استطرد قائلا ، هنروح سوا يا ندوش . ندى بابتسامه : ان شاء الله. مشى معتز الى مكتبه وهو يستشيط غضبا . معتز لنفسه : ندوش ، ووليد ، بسهوكه وانا واقف قرطااس ....لا وكمان قبل منه خالد ابن خالها ،وآل ايه عايز يعملها شركه علشان تدرب عنده ....أه مهى سايبه ...وانا نايم على ودانى . ليجيب على نفسه : طب وانا زعلان ليه ميولعوا ،....لا ازاى يعنى ،البنت دى شكلها هتعمل مع وليد زى صافى ما عملت معايا !وزى هاله ما عملت مع حسن !!..انا لازم ابعدهابعيد عن وليد .....كفايه اللى حصلى انا وحسن . بس انا بحس انها مش كده .. لا لا كلهم زباله وتعابين يتمسكنوا لحد ما يتمكنوا . يمر اسبوع بسلام نوعا ما بين الجميع ويأتى خالد لزياره ندى فى الشركه .ندى على مكتبها تعمل على الكمبيوتر ،وخالد يدخل . خالد : السلام عليكم. ندى : وعليكم السلام. خالد ايه اللى جابك هنا ! وعرفت الطريق ازاى ؟ خالد رافعا حاجبيه بدهشه : ايه يا ندى ! اللى يسأل ميتوهش ، وطنط فايزه هيه اللى اديتنى العنوان ؛ وجيت علشان اشوفك يا بنت عمتى . ندى : احنا فى شغل . خالد : كدا برده يا نونه دا بدل ما تقولى ليا حمد الله على السلامه! ندى بدهشه : نونه !!!!ايه العباره !!! خالد بابتسامه : كل خير ، بس مش هنا ..ايه رايك نتغدى بره ؟؟ ندى : ومنتغداش فى البيت ليه عند عمتك ؟ خالد : يعنى عايز اتكلم معاكى حبه لوحدنا ،ها ممكن ؟؟ ندى : لما أسأل ماما الاول . خالد : انا قايل لعمتى ، وعم محمود وافق. ندى : برده احب اسمع بودانى . خالد : براحتك ،انا مستنيكى هنا . ندى : مينفعشى هنا ،اقول لهم ايه ؟ خالد : ابن خالى ومنتظرينى ..فيها حاجه دى ! ندى لنفسها : ربنا يستر ومعتز ميولعشى فيك وفيا ،وهو من الاساس مش طايق نفسه ،ولا طايقنى ...يلا (ضربوا الاعور على عينه ). ادخلت ندى البوسطه الى معتز،الذى لاحظ توتر ندى معتز : مالك مش على بعضك ليه ؟ ندى :لا مفيش، ممكن امشى النهارده بدرى. ؟ معتز : ليه ! ندى : يعنى ظروف ..ممكن ؟ معتز : لا. ندى : رخم معتز : بتقولى حاجه ؟ ندى : لا ، عايز حاجه تانى ؟ معتز : لا ، لما اخلص البوسطه هبقى اطلبك . ندى : ماشى . تخرج ندى وينظر عليها معتز ويلاحظ وجود شخص على مكتب ندى خالد : ها هنمشى ندى : لسه مخلصتش شغل . ثم استطردت وقالت وهى تقوم وتتجه خارجا : خالد ،معلش دقيقه واحده ؛راحه لريم وجايه على طول. ماشى وتذهب ندى لريم ندى بزعر :ريم الحقينى؛ خالد جه وعايزنى اخرج اتغدى معاه !! ريم : طب وفيها ايه ! ندى :فيها انى خايفه معتز يشوفه . ريم : دا على اساس انه بيزعل ولا بيحس ...كبرى دماغك ندى : انتى شايفه كدا . ريم : اه . وذهبت ندى الى مكتبها وجلست قباله خالد خالد بزهق :لسه كتير يا ندى . ندى : شويه كدا وهخلض يخرج معتز من المكتب ، ويفاجأ بخالد ،يعطى ندى البوسطه وتوجه الى خالد معتز : نعم ، مين حضرتك ؟ خالد : خالد غبد الله ؛رجل اعمال ، وابن خال ندى . معتز بحده حاول مداراتها : اهلا وسهلا. وجاى ليه ؟ خالد : اهلا بيك ، لنا جاى اخد ندى ونروح ..فيه مشكله ؟ معتز ينظر لندى ثم لخالد ثم يقول : لا ايدا مفيش مشكله يدخل وليد : ها يا ندووش خلصتى شغل .؟ خالد منفعلا : نعممم .ندوش مين حضرتك ؟ وليد مندهشا : ماله ده .... مين ده يا ندى ؟ خالد بغضب : ابن خال ندى وخطيبها . ندى بغضب : نعمممم .خكيب مين !!! خالد بإقتضاب : خطيبك ويلا بينا بقى علشان نروح ...وينظر الى معتز ممكن نروح ؟ معتز متجهما : اتفضل . وليد ينظر لندى بمعنى هل صحيح موضوع الخطوبه ؟وهى تنظر له و تحرك رأسها نفيا . فيهز وليد راسه متفهما وقال وليد : معلشى يا استاذ خالد ؛ اصلى بعامل نظى زى ريم اختى خالد : طب لو سمحت بلاش دلع ،وندووش ده ،لو سمحت .احنا ناس دمنا حامى . وليد : ماشى . خرجت ندى مع خالد وتوجهوا الى مطعم ،جلست ندى بغيظ وقالت : انت ازاى تقول لهم انك خطيبى !! خالد : لانى طلبتك النهارده من عم محمود ،وعمتى وهم قالوا لى اخد رأيك . ندى : يعنى لسه معرفتش راى وتقول خطيبتى . خالد مهاجما : وانتى ازى تسمحى للى اسمه وليد ده يقول لك يا ندوش ،لما هو يدلعك كدا ،انا اقول لك ايه ؟ ...وليه اصلا يدلعك ؟ ندى بتوتر : ده ..زى اخويا ، وبعدين انت كمان بتقولى يا نونه ، يعنى عادى . خالد : لا مش عادى انا خطيبك. .انا بس اللى ادلعك . ندى بحده : لا مش خطيبى ، وانا استحاله اوافق على الخطوبه دى . خالد بعند : ليه بقى ؟ ندى : لانك زى اخويا بالظبط. ذيك زى مصطفى بالظبط . خالد : علشان خاطر وليد... صح ؟ ندى : قلت لا ...لا وليد ولا غيره .ممكن نروح بقى .؟ خالد : ماشى يلا بينا . تدخل ندى الى المنزل وتتحدث مع والدتها ندى : ماما ، ازاى تخلى خالد يفاتحنى فى موضوع الخطوبه دا ؛ وانتى عارفه انى مش بحبه ؟ فايزه : خالد ابن خالك وهيحافظ عليكى ،والحب هيجى بعد الجواز ، بالعشره ندى : انا مش عايزه لا خالد ولا غيره ..ممكن . فايزه : يعنى اقول لابوكى انك رافضه ؟ ندى : لنا قلت لخالد الكلام ده اساسا . خرجت فايزه من حجره ندى .وندى تكلم ريم وتحكى لها ما حدث ريم : دا ايه النحس اللى احنا فيه ده !!كل ما نحاول نحلها تتعقد ...نعمل ايه ؟؟؟ ندى : مش عارفه والله ايه النحس ده ؟؟؟ ريم : لازم اكلم يحي ووليد ، ونعمل اجتماع موسع ، ونشوف هنعمل ايه ؟ ندى بضحك : اه ...قمه ربااعيه علشان الواح التلج اللى مش بتحس دى..... تنهدت ريم وندى وهم يدعون الله الى حل هذه المشكلة فى اليوم الثانى يجتمع الاربعه بعد العمل ، فى كافيه بالقرب من العمل ريم : ها يا يحي، هنعمل ايه؟ يحي : فيه حل بس.... عايز قلب جامد. وليد : ايه هو؟ يحي : نخطبهم. ريم وندى ووليد يدهشه : نعممممم. ازاااى! ! ! يحي : دلوقتى كل واحد فيهم بيشوفنا؛ ويشاور على نفسه وعلى وليد، واحنا معاكم وبنقرب منكم، وبرده مفيش فايده. طب يبقى نتقدم ونخطبكم ونزود الجرعه شويه عليهم، يمكن بقى يغيروا عليكم مننا ويتقدموا . ريم وندى بصوا لبعضهم وقالوا : والله فكره، ايه رايك يا وليد؟ وليد : مش عارف. . . هيه مخاطره ، بس يمكن تجيب نتيجه. ندى : طب لو فضل ابو الهول زى ما هو، نعمل ايه؟ ؟ ريم : نولع فيهم ونريح نفسنا منهم، ومن الهم ده، ونفسخ الخطوبه. ندى : ماشى، هتبتدوا امتى؟ وليد ويحي : النهارده ان شاء الله نفاتحهم . كان ينظر لهم من بعيد معتز وحسن حسن بشرود : شكلهم بيحبوا بعض. ! معتز بغضب : حب ايه وزفت ايه، مفيش حاجه اسمها حب. انت ناسى ايه اللى اتعمل فينا؟ حسن : بس ريم ويحي يعنى. ....ووليد اخوك وندى .. معتز مقاطعا : لاء. ..ندى لاء . حسن ينظر له ويقول : انت بتحبها. معتز بحده : لاء قلت لاء ....مس بحبها . حسن : بس اللى انا شايفه انك غيران، وزعلان، يبقى ليه. ؟ معتز محاولا الهروب من الحديث : يلا نروح حسن : انت بتتهرب منى. ..هتخبى عليا يا صاحبى؟ ؟ معتز : طب تعال فى الشقه نتكلم . فى الشقه يجلس حسن متوترا ،وهو يرى معتز، يجىء ذهابا وإيابا فى الصاله ويقول معتز بغيره : شفت قاعدين سوا ازاى. لا وكمان كانت قاعده قبل كدا مع اللى اسمه خالد. حسن بهدوء : انت شفتها امتى مع خالد ده؟ معتز : لما جالها الشركه، وخدها وخرج مشيت وراهم وشفتهم فى المطعم . حسن : انا حاسس انك بدات تغير عليها. معتز بخده وصرامه : قلت لاء، مش بحبها ولا بغير. انا خايف على وليد منها . حسن يقف امامه وينظر فى عينيه : انت مصدق نفسك، انت حاسس انك بتقولى الحقيقه. معتز وهو يركل منضده صغيره بجواره، وباستسلام : اه بحبها... ارتحت ...يعطى له ظهره ويقول ؛كنت الاول بحب اضايقها، وافرح وانا شايفها متغاظه منى، كنت بحس انها ملكى، بتاعتى، لما كنت برخم عليها وهيه مفروسه منى، بيبقى نفسى اخدها فى حضنى واقولها حقك عليا. ..يلتفت له ويقول بس... كنت عاند مع نفسي مكنتش عايز اعترف ،حتى لنفسى انى حبتها ..انما دلوقتى انا بعترف قدامك ، ولاول مره انى بحبها ...ايوه بحبها ...ثم يستطرد فى قوه علشان يظهر لى وليد وخالد. حسن وهو يستمع له و يفكر فى ريم ويقول لنفسه ومين سمعك، يحي بقى مره بيمسح دموعها ومره يطيب خاطرها ومره يبوسها " وهنا يشعر بالغضب الشديد " ويكمل لنفسه، واحنا ايه أرايل. حسن : احنا بكره لازم نعرف هم كانوا بيعملوا ايه؟ وليه قعدوا كدا مع بعض فى الكافيه. معتز : اه ..صح لازم نعرف راسنا من رجلينا. فى منزل معتز يدخل معتز المنزل وسط دهشه الجميع، فهذه هيه المره الاولى التى يحضر فيها معتز باكرا للمنزل وليس فى الفجر. سناء : ما شاء الله. تتحسد انك جيت بدرى وهتتعشى معانا. معتز : ليه يعنى! ! سناء : اول مره هنتعشى معانا يا معتز . معتز : ماشى يا ست الكل، انا فى قوطتى، لما العشا يجهز نادى عليا وليد يدخل لحجره معتز وريم تشجعه. وليد : معتز انا عايزك فى موضوع مهم. معتز : خير ان شاء الله. وليد : انا عايز اخطب ندى. معتز صارخا : نعممممم يا اخويا. ...مين. وليد : ندى فيه حاجه معتز بحده : حاجات. ...فى حاجات ....ليه ندى بالذات ...اشمعنى . وليد : هو انت هتدخلى قافيه، عاجبانى وعايز اتجوزها. معتز : وده من امتى بقى؟ وليد : من فتره ،بس قلت يلا بقى ..ممكن نروح نخطبها بكره؟ معتز : اخر الاسبوع . وليد : ليه ؟ معتز بغل : علشان الشغل. وليد وهو يضحك فى سره : ماشى اللى تقوله يا زيزوا. ويخرج من الغرفه وهو يغنى؛ يا ولاد بلدنا يوم الخميس ، هخطب ندى وابقى عرييس. وينظر له معتز وهو يتطاير شرذا من الغضب ،تدخل سناء سناء : يلا يا معتز العشا جهز . معتز : مليش نفس، انا هنام. وليد وريم ينظرون لبعضهم ويضحكون. فى منزل حسن ساره بدهشه : تتحسد يا حسن، ايه اللى جابك بدرى يا حسن، عملت مصيبه وجاى تستخبا ولا ايه؟ حسن : خفه يا بت. ساره : بجد ،اول مره تيجى بدرى، انت تعبان ولا وراك ايه؟ حسن : مش ورايا حاجه وعدى من قدامى . ساره : خلاص منزوقش في الكلام . لو عذت تاكل ،قلى احضرلك العشا، قبل ما انام. يحي : سحس عايزك فى موضوع مهم. حسن : عايز ايه؟ يحي : بصراحه كدا وبدون لف ولا دوران، انا عايز اخطب ريم . حسن بصدمه : نعمممم. ..ريم ....ريم بتاعتنا. يحي متفرسا ملامحه : اه، ريم بتاعتنا، بنت عمتك. ساره : الف مبروك يا يحي، ريم بنت حلال. حسن بتوتر : طب مش لما تبقى تخلص الكليه الاول . يحي : انا بقول خطوبه الاول حسن : طب سيبنى افكر . يحي : انا عايز نروح نخطبها بكره؟ حسن : قلت هفكر وارد عليك بكره. يحي كاتما ضحكته :ماشى يا سحس . يدخل حسن الى حجرته متوترا وغاضبا والغيره تأكله ، ويمسك الموب ويتصل بمعتز . حسن بشده وغضب : ايوه يا زفت ...شفت الزفت اللى عندى ...عايز يخطب اختك. معتز : ريم ! ! حسن بصرامه : اه ...يا زفت عايز يخطب ريم. معتز : طب وده يزعلك في ايه !!! حسن بتوتر : علشان انا...انا بحب ريم ، ومتقوليش امتى ،ولا ازاى ، علشان انا نفسى معرفش امتى ولا ازاى، كل اللى اعرفه انى بحبها وبغير عليها كمان ...ودى ..... اول مره اعترف انى حبتها. معتز : والزفت اللى عندى عايز يخطب ندى . حسن : ندى ...ندى بتاعتنا . معتز بغضب : حسن ،مش ناقصه غباوه حسن : وهو اللى بيحصل فينا ده شىء عادى ؟؟ معتز : انا حاسس ان دماغى ساحت . مش عارف اعمل ايه ؟؟ حسن :وانا شرحك. البيه عايز يخطبها بكره . معتز : وانا شرحك .البيه عايز يخطب ندى بكره . حسن : تعال نتقابل في الشقه ونشوف هنعمل ايه . معتز : امتى .؟ حسن : دلوقتى يا شاطر انا هربت من يحي وقلت له يسيبنى افكر شويه . معتز وانا قلت لوليد اخر الاسبوع .طب يلا على الشقه . تتصل ريم بندى وتبلغها الاخبار ، عن صدمه معتز من طلب وليد، وخروجه من البيت مسرعا .ويتصل يحي بريم ،ويخبرها عن رد فعل حسن الغاضب من طلبه للزواج منها . يحي ضاحكا : باين ابو الهول قريب جدا جدا هينطق ،،يلا يا سيتى ابقى افتكرى الجمايل دى . ريم ضاحكه : مااشى نردها لك فى الافراح يا يحي ،بس ينطق بقى ابو الهول احسن انا قربت احمص ههههههه . يحي ضاحكا : يخرب بيتك هههههه الحلقه 11 فى الشقه عند حسن ومعتز ،يقطعون الصاله ذهابا وإيابا بالتبادل وكل منهما يستشيط غضبا. حسن بغضب : اناا ،يحي يقولى عايز اتجوز مريم .!! معتز وهو لم يسمع الى حسن : وانا وليد يقولى هخطب ندى وابقى عريس !! حسن يزفر فى ضيق : مش عااارف حاسس انى مولع ....يحي وريم !!! معتز :انا خلاااص شطت ،حاسس انى هاين عليا أجيبها من شعرها وأقولها انتى بتاعتى انا وبس ...ملكى انا وبس ...وأدى لوليد جوزين اقلام ؛لانه ازااى يبصلها من الاول ، وانا عايزها . هنا حسن وقف فجأة ،ونظر الى معتز بخضه ، ودهشه ؛ وقد ادرك شيئا مهما ،لم يكن فى الحسبان . حسن لنفسه :: ياااربى ..ايه ده ...احنا ازاى كان غايب عنا ده ....مش ممكن .... معتز يقترب منه ويقول : انت ساكت ليه ، وسايبنى بهاتى من الصبح ، متفكر معايا وقولى هنعمل ايه ؟؟ نتصرف ازاى ؟؟؟ حسن وقد ادرك حقيقه المشهد وجلس بهم وبحزن شديد قال : هنعمل ايه ....ايه ...هنوافق على الخطوبه !! معتز ملتفتا اليه بدهشه وغضب : نعمممم ...بتقول ايه !!! حسن بألم : بقول هنواقف لهم على الخطوبه وبس . معتز بحده وبصوت عالى : انت اتجننت رسمى ...صح . حسن بحزن : قصدك عقلت ،، انت اللى مش واخد بالك من الحقيقه . ويجلس حسن حزين ويميل عليه معتز ويقول بحده : حقيقه ايه ؟؟ متنطق يا اخى ، قووول . حسن ينظر له ويقول بحده : اللى احنا بنتكلم عليهم دول وعايزين يحوزوا ندى وريم ، دول مش منافسين لينا فى السوق على صفقه ،ولا اعداء لينا ، دول ...وتهدج صوته بحزن شديد ... دول يبقوا اخواتنا يا معتز ؛ اخويا واخوك ، وليد ....ويحي . معتز وقد انتفض عند ادراك تلك النقطه ، جلس بجواره فى هم وحزن وينظر الى الامام ويقول : عندك حق ....عندك حق. . حسن ، دون النظر الى معتز : الصوره وضحت دلوقتى ، عرفت هتعمل ايه ؟؟ هنوافق على الخطوبه ، ونسعد اخواتنا يا معتز ... -ياخذ نفسا عميقا ويخرجه ببطىء ويكمل : وليد ويحي يستحقوا كل خير ، بلاش نكسر قلبهم ، ويبقوا ذينا يا معتز ،مش هنقدر نتعس اخواتنا علشان احنا نعيش سعداء . معتز : انت بتقول ايه ...انت هتقدر تبص لريم على انها مرات اخوك مش حبيتك ...هتقدر تستحمل انك تشوفهم مع بعض ...انا مش هقدر يا حسن ...مش هقدر اشوف ندى مع وليد، مش هقدر. حسن مقاطعا وبحده : لاء ...لازم نقدر ، ولازم كمان نتعلم اننا نقدر نتعامل معاهم عادى جدا ،لانهم مش من نصيبنا ، ومش علشان خاطرنا ، لا علشان خاطر اخواتنا ، اللى بيتعاملوا معانا على اننا قدوه ليهم وفى مقام ابهاتهم .لازم نقدر ...نتعامل معاهم على اساس انهم اخواتنا مش احبابنا....(وغمض عينيه فى الم ،واكمل ) لازم نوقف القلب اللى مش عارفين امتى ...ولا ازاى دق ....بس للاسف دق ...ودق بعد فوات الاوان . معتز متنهدا فى حسره والم : عندك حق ...منه لله القلب ده (ويشاور على قلبه ) هو الزفت ده اللى خدعنى ودق ..وحب ازااى مش عارف ، بس دق ... ودلوقتى ، مطلوب مننا اننا نوقف الدق ده ، لانه مش من حقنا ،لانه حق اخواتنا وعلشان خاطر اخواتنا ، وسعادتهم لازم احنا نضحى سيضحك ساهرا ويكمل : يعنى احنا متعودين على الالم ده. ..هنتعب شويه ...اه....بس فى المقابل اخواتنا هتستريح ... وبعدين رنا وريهام موجودين ....حرام اخواتنا يشوفوا اللى شفناه ..كفايه عذابنا إحنا . وينظر الصديقان الى بعضهما البعض وقد عزموا على التضحيه بحبهم وبنبضات قلوبهم من اجل سعاده اخواتهم ...وسوف يمشون فى طريق العذاب والحرمان، ولكن هذه المره من اختيارهم هم ، فوليد ويحي يستحقون هذه التضحيه ....ويخرج كل منهم فى طريقه الى منزله فى منزل حسن يدخل حسن للمنزل ،وينادى على يحي حسن بنظرات خاويه ،وبغصه فى حلقه ،وبألم يعتصر قلبه : خلى ريم تحدد مع معتز معاد نروح نطلب ايدها ليك . ويتركه ويدخل حجرته بسرعه ...وما ان دخل حتى فرت دمعه غاليه على حب قتل ، وهو لا يزال فى المهد . فى منزل معتز يدخل معتز المنزل وينادى على وليد ويحضر وليد وريم وسناء معتز : وليد كلم ندى، وشوف اهلها فاضيين امتى، علشان تخطبها . وليد بدهشه : انت بتقول ايه ...انت بتتكلم بجد! ! معتز بحسره والم ومحاولا التماسك : شايفنى بهزر ..هى المواضيع دى فيها هزار ...مش انت عايز تتجوز ..انا بقولك ماشى ..ايه رجعت فى كلامك ؟ وليد : لا ...بس ..انت ..موافق . معتز بألم شديد ويحاول اخفاؤه : ايوه ...المهم انت . ريم مندهشه : يعنى انت هتيجى معانا نخطب ندى لوليد !! معتز دون النظر لهم : ان شاء الله. سناء : طب وانت معتز ملتفتا بشده : انا مالى يا ماما ....فيه ايه . سناء :يعنى ...مش ناوى انا كمان . معتز وقد فهم مقصدها : لسه الاوان مجاش ..سلام يدخل معتز حجرته وهو يقول لنفسه ،سامحينى يا ندى ،من النعارده انتى خطيبه اخويا ،وخلاص القلب ده وقف ...خلاص .وتنزل دمعه من عينيه تلاها دموع كثيره ، كان يحتفظ بها لنفسه ،لم يكن يريد احد ان يراه وهو فى لحظات ضعفه ... وليد ينظر الى ريم ويقول : هنعمل ايه ،الحكايه اتعقدت زياده . ريم بشرود : مش عارفه ..طب نسأل يحي ونشوفه عمل ايه ، وهيشور علينا بإيه ؟ تتصل ريم بيحي ، وتعرف منه راى حسن ، وتصدم وتظل تبكى .وتتصل بندى وتقص عليها الاخبار السيئه ،ويبكون سويا على ضربات القدر الذائفه . تانى يوم يتفق الجميع على الاجتماع فى منزل حسن ،بعد خروج حسن للشركة ويتجمع كل من ندى وريم ويحي وساره ووليد وتبدا المداولات فى كيفيه حل هذه المشكلة. وليد : الموضوع كل مادا بيتعقد زياده ،نعمل ايه ؟ يحي : والبهوات ولا هما هنا كل واحد موافق على الخطوبه ،يعنى ده معناه ايه ؟ ريم :معناه انهم مش حاسين بينا خالص . ندى بحزن : يعنى احنا حبناهم من طرف واحد ..بس ساره : يمكن فيه حد تانى فى حياتهم ..او هم مش شايفينكم . ريم : اه طبعا ..اكيد الست رنا واشكالها . ندى : ومش شايفينا ازاى ،دا احنا طول اليوم قدامهم ،نعمل ايه تانى اكتر من كدا ؟ ساره : مش عارفه والله .بس مش يمكن لما تتخطبوا يحسوا يعنى ..إن كان قدامهم فرصه كويسه وضاعت منهم . ريم : تفتكرى ... ساره : اكيد ، وبعدين دى خطوبه ، يعنى سهل انكم تفركشوا . ريم : تنتكروا الكلام ده صح ؟ وليد : مش عارف . بس يمكن انهم مثلا يعنى ...زى ما ساره قالت، يعنى ان فيه حد فى حياتهم واحنا مش عارفينه . ريم وندى : معقول ...طب مين ؟....انتوا تعرفوا حاجه ؟ يحي : والبه ما اعرف حاجه خالص عن حسن . وليد : وانا كمان والله مش عارف حاجه خالص عن معتز . ساره : والعمل ..هتعملوا ايه ؟ ريم : انتى يا ساره ، عليكى تلفتى نظر حسن ليا ، يعنى ان انا وهو لايقين على بعض خالص ، وانك كنتى فاكره انه هيخطبنى ....وانا هعمل كدا مع معتز ...ها ايه رايكم . وليد ويحي : ممكن جربوا ، واهى محاوله . ساره : طب ناويين على معاد زياره الخطوبه امتى . ينظر الجميع الى بعضه ولا رد . ساره : نخلى ندى يوم الاربع ، وريم يوم الخميس . ايه رايكم ؟ الجميع ماشى وربنا يسترها بقى والحجر ينطق . تمر الايام بهدوء ...معتز يتعامل مع ندى بحزن ويتلاشى النظر لها ..وكذلك حسن مع ريم ...ويأتى موعد زياره ندى لخطبتها . الحلقه 12 فى منزل ندى يأتى معتز ووليد وريم وسناء ، ويقابلهم مهندس وحمود وفايزه بترحاب شديد . فايزه ومحمود : اهلا وسهلا . سناء ووليد وريم : اهلا بيكم . سناء : والله يا جماعه انا اعرف ندى من زمان ، وكان نفسى اتعرف عليكم ، والحمد لله انى اتعرفت عليكم فى مناسبه حلوه ذى دى . فايزه : وانا والله ، كنت اسمع عنك من ندى ومن ريم ،وكنت عايزه اتعرف عليكى .اصل ريم دى حبيبه ندى اوى ،وحبيبتى كمان . ريم : ربنا يخليكى ليا يا طنط ،امال ندى فين . فايزه : فى قوضتها ،خشى لها ،وهاتيها وتعالوا . ذهبت ريم لغرفه ندى محمود : منور يا استاذ معتز انت ووليد معتز متماسكا نفسه : النور نورك يا باشمهندس محمود . وليد مبتسما : دا نورك يا عمى . وقعت تلك الكلمات على قلب معتز بألم شديد ، فاغمض عينيه محاولا التماسك من أجل اخيه ؛ محاولا التخلص من تلك الغصه التى توجد فى حلقه ،وتجعله غير قادر على الحديث ، واى حديث هذا ؛انه سوف يقوم بطلب خطبه المراه التى دق لها قلبه الى اخيه ...ياااله من الم شديد ،الم الفراق ،والم رؤيتها مع اخيه ،ولكنه اختار ....اختار سعاده اخيه ،ويجب عليه ان يكمل الطريق الى النهايه بكل آلآمه وجراحه .. فى غرفه ندى ، تدخل ريم عليها وتجدها تلبس فستانا لبنى اللون ، طويل يضيق من الخصر ،وينزل مسترسلا على قدميها ،وحجاب ابيض جميل ومكياج هادىء، وتجلس على حافه سريرها مطرقه الرأس. ريم : وحدوووه ندى ،ترفع رأسها اليها وتقول : لا الله الا الله. تعالى اقعدى جنبى ريم وهى تجلس بجوارها : اه ..تعالى انا وانتى نقعد جمب بعض ، ونحط خيبتنا على بعض . ندى : مش عارفه اهره اللى بنعمله ده ايه ؟ هاين عليا اخرج وانهى المهزله دى كلها ....كل ده علشان ؛ سى معتز يحس بيا وبحبى ،وهو ولا على باله . ريم : لازم نكمل للاخر ،لما نشوف معتز وحسن هيتصرفوا ازى . ندى طب ..لو محسوش .احنا هنعمل ايه ؟ هيكون شكلنا ايه قدام يحي ووليد ؟؟ وقدام اهالينا ؟؟ ريم : اولا ؛وليد ويحي بيساعدونا ، ثانيا : لو محسوش بينا نبقى نفسخ الخطوبه ، وربنا يعوض علينا ويصبرنا ويبقى كدا احنا عملنا اللى علينا معاهم . ندى بألم : بس احنا كدا نبقى رخصنا نفسنا اوى ليهم . ريم بإصرار : لازم نكمل للآخر ؛ علشان لو متحركوش وصرفنا نظر عنهم ، منجيش فى يوم ونندم اننا مكملناش للاخر .... ورفعت وجهها وقالت : وعلشان مش هيكون ليهم اى فرص تانيه معانا ، احنا كظا بنديهم الفرصه كامله ..ويلا بقى علشان نطلع ليهم . تخرج الفتاتان ويدخلان الى الصالون حاملين العصير وتقدم ندى العصير للجميع وهى تنظر الى اسفل وعندما اعطت العصير الى معتز نظرت له نظره سريعه وعميقه فى عيني ؛ وكأنها تقول له "اتحرك بقى كفايه مكابره "...شعر معتز بهذه النظره وكأنها تخترق قلبه لا عينيه ، شعر بأنها تحثه على ان يلحقها ...شعر بأنها تريده هو.... لا اخيه .اغلق عينيه فى ألم وقال فى نفسه : نظراتك دى بتقتلنى والله يا ندى ؛بس كله يهون علشان خاطر سعاده وليد. يخرج الجميع من اجل اعطاء فرصه لوليد وندى للحديث سويا وعلى انفراد ،وجلسوا بالقرب منهم ،وكان معتز يتحدث مع محمود ،وينظر بين الحين والاخر على وليد وندى ،وهم جالسين امامهم فى غرفه الصالون ، والباب مفتوح عليهم . وليد : ندى جرى ايه مالك ..انتى زعلانه ! ندى بضيق : مش عارفه ..بس دا ولا هنا خالص. وليد بضيق : مش عارف بس حاسس؛ انه فعلا زعلان وبيدارى ،دا اخويا - وانا حاسس انه فعلا انه متضايق وبيدارى - بس ليه ، مش راضى يتكلم ..مش عارف ؟؟ يلمح معتز نظرات الضيق المتبادله بين وليد وندى ، وحاول تفسير ذلك ؛ يمكن نظى قالت حاجه لوليد زعلته ؟ او وليد هو اللى قالها حاجه زعلتها ؟ ملهم !! معتز للمهندس محمود : مش ندخل بقى نشوفهم محمود ناهضا : على رايك ..تعال ندخلهم . ويدخلون ويأخذون موافقه وليد وندى ؛البادئء عليها الحزن لا الفرحه فقط ساكنه تنظر للأرض . ويتفقون على شراء الشبكه والخطوبه بعد اسبوعين مع حفل ندى ويحي . تنتهى الزياره على خير وتذهب عائلة الجارحى للمنزل سناء : الف مبروك يا وليد ....وتلقى بنظرها الى معتز عقبالك يا معتز . وليد بإبتسامه : الله يبارك فيكى يا ماما معتز : لسه مجاش الاوان وليد : ليه بقى ، نقصك ايه ؟ مدير شركه ، ووسيم ، ولا انت متعقد... من البنات ؟؟ معتز يرفع نظره له ويقول بحده : لاء ..... مش متعقد ...انا لو عايز اتجوز بكره هتجوز ..بس انا اللى مايش مزاج سناء بلوم : بس يا ولييد ، حد يقول كدا لاخوه الكبير وليد بضحك : بهزر معاه ...مهو اكبر منى اهه ومش راضى يتجوز ، وبنات كتير يتمنوه ..بس هو عايز مين ..مش عارفين .. ثم استطرد قائلا وهويميل فى اتجاهه : لتكون عارف واحده ومخبيها علينا ،طب قول يمكن نعمل خطوبتنا سوا فى يوم واحد . معتز بألم : بعدين يا وليد ، اخلص منك انت وريم وبعدين انا . سناء : انت رايح فين يا معتز . معتز بالم : خارج شويه وحاى .عن اذنك ويخرج معتز وهو يشعر بألالم والحزن الشديد ويتصل بحسن لكى يقابله فى الشقه فى الشقه حسن جالسا ينظر الى معتز ، وهو جالس امامه ساندا راسه على الكرسى يتجرع آلام العشق والهوى ،يتجرع آلام الفراق للمره الثانيه ،ولكنه هذه المره بإختاره هو . حسن : روق بقى يا معتز .احنا قلنا ايه ...هو ده اتفاقنا . ينظر له معتز فى ألم شديد : انت مش حاسس انا قد ايه بتألم ، قد ايه بتعذب . ثم يضحك بسخريه وألم ويقول : ولا ليه ..منت بكره هتيجى عندنا وتخطب ريم لأخوك يحي . حسن مغمضا عينيه فى ألم ويأخد نفسا عميقا ويخرجه ببطىء ويقول : بس.متفكرنيش ..أنا من النهارده وأنا مخنوق ...مش عارف بكره هعمل ايه ..الألم فوق الاحتمال المره دى ....بس لازم نضحى علشان خاطر اخواتنا. معتز بشرود : تعرف ؛ لما وليد وندى كانوا قاعدين مع بعض . حسيت انهم مش عايزين بعض ..حسيت انهم متضايقين .يلتفت لهم ناظرا قائلا "صدقنى ...أنا شفتهم متضايقين ....ولا يمكن ...لا...لا .. حسن منتبها : يمكن ايه .و متضايقين ليه ؟..مش هم بيحبوا بعض ، معتز معتدلا فى جلسته وبحيره : مش عارف ...انا معدتش عارف ح حاجه ، ندى بصت لى بصه وهيه بتديلى العصير ، زى متكون بتقولى ؛ انا عايزاك انت ...اطلبنى انت ... حسن ناظرا له فى عينيه : انت بتتكلم بجد ...هيه هيه بتحبك انت !!! معتز انا حسيت بكده ...ولا يمكن لانى ...بحبها اتمنيت كدا ؟؟ حسن : مش عارف بس وليد ....لا ...احنا قلنا هنسعد اخواتنا معتز بإستسلام : عندك حق .طب انت هتعمل ايه بكره ؟ حسن بألم وبإستسلام شديد : هعمل زى انت ما عملت النهارده . هاجى واخطب ريم لاخويا يحي ...ويضحك بسخريه ويكمل ..واكيد هنتقابل هنا انا وانت بعد المقابله . ينظرون لبعضهم فى ألم ويجلسون بعض الوقت ويذهب كل منهم الى منزلهم . تانى يوم فى منزل الجارحى يأتى حسن مع يحي وساره ، و ترحب بهم عمتهم سناء ومعتز وريم وليد ضاحكا : ايه دا ..انتم جايين ولابسين رسمى كدا ليه . إش حال لو مكانت العروسه بنت عمتك وانتوا على طول معانا فى البيت والشركه . يحي مداعبا : يلا بقى علشان خاطر العروسه ، ولا ايه يا طنط سناء : دا بيتكم يا حبيبى وانتم كلكم ولادى . معتز وحسن ينظرون لبعضهم ويضحكون مجامله لهم ساره : هيه العروسه فين يا طنط ...ايه مكسوفه من يحي ولا ايه . سناء : لا هتتكسف من ايه ..دا ابن خالها قبل مايكون عريسها ،هيه فى قوضتها ...ادهلى هاتيها . تأتى ساره وندى ...وتدخل ندى وهيه ترتدى فستانا لونه روز هادى ومكياج هادىء ، كانت مثل اميرات القصص الخياليه ،وهى تمشى مع ساره وشعرها مسترسلا على ظهرها ، وتضحك معها ، احضروا العصير سويا ، وقدمت العصير للجميع وجلسوا سويا يتحدثون ويضحكون ،ولم يتركوا ريم ويحي للحديث سويا ؛فهم يعرفون بعضهم البعض جيدا . انفقوا على ان يجعلوا خطبه يحي وريم مع خطبه وليد وندى فى يوم واحد . وقام يحي بجلب خاتم رقيق وألبسه الى ريم هديه لها وعندما كانت ريم تلبس الخاتم نظرت الى حسن نظره طويله معاتبه إياه ...شعر بها حسن ومذلك معتز الذى اندهش من ريم ...ولكن سكت ....مسح حسن على وجهه من الألم ومن شعوره بالاختناق الذى انتابه بعد نظره ريم له . انتهت الزياره وخرج حسن مع معتز وهم فى العربه . معتز : حسن ، انت شفت ريم بصت لك ازاى ويحي بيلبسها الخاتم ؟؟ حسن بألم وهو يركن العربيه ويغمض عينيه : آه ...لسه نظراتها قدام عينيا لحد دلوقتى ...يمسح جبينه بيده ويمسح ذقنه ...ويتنهد ....كأنها بتعاتبنى ، لسه عينيها قدامى يا معتز ...حتى وانا مغمض عينيا شايفهم ...يتنهد ويقول ...أنا مش عارف مالى معتز مرتبا على كتفه : حسن ...أنا خايف من نظره ريم ليك ...ريم شكلها بتحبك انت ....بس لما هيه بتحبك ...اتخطبت ليحي ليه ؟؟ حسن : يمكن علشان انا ...مش عارف .... هيه تستاهل يحي ...يحي احسن منى . معتز : فهمنى كدا علشان انا مش فاهم . حسن : افهم ايه ....يعنى هيه لو بتحبنى ،هتوافق على يحي ليه ؟ تنهد حسن واكمل : اعمل ايه فى الزفت ده (وهو يشاور على قلبه) هو اللى عمل فيا وفيك كدا ، هو اللى دق ولازم يبطل بقى .احنا عارفين اننا هنتعب شويه ،بس لازم نكمل ...ويلتفت الى معتز ....ويقول .ولا ايه يا صديق . معتز بإستسلام وألم : عندك حق ...عارف لو مكانش اللى حصل لينا زمان مع صافى وهاله ...كلن زمانا اتجوزنا اللى بنحبهم ، مش سيبناهم .يلا طريق ولازم نكمله . يوصل حسن معتز ويذهب الى منزله الحلقه 13 فى منزل مهندس محمود ،فايزه تكلم اخيها الحاج عبد الله، وتبلغه بخطبه ندى على وليد فايزه :السلام عليكم يا حاج عبد الله عبد الله : وعليكم السلام، اذيك يا فايزه ،وإذى جوزك ،وعروستنا ندى فايزه : الحمد لله، كلنا بخير ،وانا طالبه علشان ندى عبد الله بإهتمام : خير ،مالها ندى يسمع خالد اسم ندى يأتى مسرعا ،ويجلس بجوار والده ،ليستمع للحديث فايزه : كل خير ان شاء الله ،ندى ،جالها عريس ؛اخو صاحبتها ريم ،هو بكالوريوس تجاره وبيشتفل فى شركه اخوه ،وقرينا الفتحه والخطوبه بعد اسبوعين ان شاء الله الحاج عبد الله غاضبا : نعممممم. ..قريتوا فتحتها ليه ؟؟ وليه وافقتوا عليه ؟وكان خالد ابنى عيبه ايه ؟علشان تقولوا له لما تخلص دراستها ؟ يستمع خالد للحديث وعرف بخطبه ندى ولكنه لا يعلم لمن لوليد ،ام لمعتز ... خالد لنفسه اكيد لوليد اللى كان بيدلعها ندوش ...ولا يكون لمعتز مهو معاها طول اليوم ..يا ترى لمين؟؟ جال لوالده :أسئلها على اسم العريس ،يا حاج عبد الله :العريس اسمه ايه ؟ فايزه : وليد عبدالله موجها حديثه لخالد : وليد خالد مزهولا ومرددا : وليييد ....ولييد . الحاج عبد الله غاضبا : والله مكنش العشم يا أختى ؛ انكم ترفضوا خالد ابنى ..دا مهما كان ابن خالها ،ولحمها ودمها ،ورايدها ،وهو مش قليل وانتى عارفه عندنا ايه ؛ سوا عزب ولا أطيان ،ولا اراضى ،والفلوس بالكوم ...ولو على الشركه ؛ كان خالد ابنى عمل بدل الشركه اتنين. ..يبقى ليه توافقوا على وليد ده ؟؟ فايزه بحرج : يا حاج عبد الله، دا شىء قسمه ونصيب ...انت عارف انا بحبك ولادك قد ايه وبعتبرهم زى ولادى بالظبط ،وخالد بالزات معزته فى قلبى غاليه اوى ..بس دا نصيب ،أنا كنت اتمنى ان خالد يتجوز ندى ،وانها توافق عليه ، بس للاسف خالد بالنسبه لها أخ ؛زيه زى مصطفى بالظبط عبد الله : يعنى الست هانم هيه اللى رافضاه ...اه ...ووافقت على اخو صاحبتها ،مش كدا ...يلا ،على العموم هيه اللى خسرانه مش احنا ..الف مبروك فايزه : والله يا حاج عبد الله، انا مش فى ايدي حاجه ؛البنت موافقه على العريس ...وده جواز يا اخويا ،جواز وعشره وانت عار5 ان كل حاجه بالخناق إلا الجواز بالاتفاق .وده فى ألاول والأخر قسمه ونصيب .. الحاج عبد الله وقد هدأ : عندك حق ،وان شاء الله هنحضر الخطوبه ..دى مهما كان برده بنت اختى ..وانا ان كنت زعلت ؛فده من عشمى ، وانى بحبها وكنت رايدها لابنى، وهو كمان كان رايدها.... بس زى ما بتقولى ،كل شىء قسمه ونصيب . خالد : عايز اكلم عمتى يا حاج . خالد يأخذ الهاتف : الف مبروك لندى يا عمتى ،كنت اتمنى انها توافق عليا ،،بس زى ما قلتم ،كل شىء قسمه ونصيب . فايزه : ربنا يكملك بعقلك يا ابنى ،والله يا هالد انت عارف انا بحبك قد ايه ...انت ابنى اللى مخلفتوش ..مش انت بس ؛لا ومصطفى كمان والله ....بس مل شىء قسمه ونصيب .منتظرينكم ان شاء الله خالد : ان شاء الله جايين .وسلمى لى على عمى محمود وندى على ما ابقى اكلمها واشوفها فايزه :يوصل يا حبيبى ،مع السلامه. خالد :مع السلامه الحاج عبد الله يلتفت له ويقول :ولا تزعل ...فيه غيرها الف بنت تتمناك ، خالد بشرود : بس انا اتمنيت واحده بس ...وهيه ندى ؛ من احنا صغيرين وانا حبيتها ، مكنتش بشوف حد تانى قدام عينيا ،كانت كل بنت هيه ندى وبس. ..واحنا لسه فى الخطوبه ...لسه بدرى عبد الله بشك : ناوى على ايه يا خالد ؟ خالد بإقتضاب :على كل خير يا حاج ...كل خير يمر الاسبوعين ، وتنزل ندى وريم وساره مع وليد ويحي لشراء الشبكه ،وكانوا يتعمدون ان يرووا تفاصيل الشراء؛ ؛ لجلب غيره حسن ومعتز ولجعلهم يتحركون ...ولكن، لا شىء من ناحيه معتز وحسن .. وفى المقابل ،كان يجلس معتز وحسن وهم يشكون اوجاعهم وحزنهم لبعض ...وفى جهه اخرى ، نجد ريم وندى وهم يشعرون بالحزن الشديد ، من انهم يعلقون انفسهم 5ى حبال العوى الذائبه ،وحسن ومعتز غير مدركين لهم ولا لأحاسيسهم يوم الخطوبه تحضر ندى فى يد والدها وينتظرها وليد ومعتز ...وليد ينظر الى معتز وينظر لندى ،منتظرا اى خطوه من اخيه او ان يقول كلمه ...فقط كلمه لكى يتنحى له عن مكانه ..ولكن معتز واقف ،جامد،بارد،لا شىء ..... ندى نتظر الى وليد والى معتز ،قلبها يكاد يتوقف من كثره نبضه ...شاعره بالحزن الشديد ،وترتعش منتظره فقط ان يقول معتز انها عروسته ،وانه يحبها ويريدها ...ولكن معتز ينظر لها ؛ ويشعر منتهى الالم والحزن وود لو يتجه اليها وياخدها من يد ابيها ويقول بصوت عالى انها ملكه ،خاصته ،حبيبته ...ولكنه ينظر الى وليد ويخاول رسم إبتسامه على وجهه حتى يرضى اخيه ويسعد حتى لو كان على حساب قلبه هو . اما عند ريم تنزل ريم مع معتز وينتظرها يحي وحسن ... تنظر ريم الى حسن ، وعيناها مسلطه عليه وكذلك هو عينيه مسلطه عليها، يريد ان يأخذها من يد معتز ،ويقول انها حبيبته من دق لها قلبه ،من اعادت له الحياه ثانيه وجعلته يشعر ويحس ، جعلته انسان ..نعم انسان جديد ...تقدم خطوه للامام ..يحركه قلبه ،سوف ياخذها من معتز ولكن ....نظره غاضبه من معتز جعلته يقف مكانه ويرجع ثانيا، ،نظره معناها ؛حافظ على اتفقانا !! يغمض حسن عينيه فى الم ،عندما تقف ريم امامه ،ويتقدم يحي لكى يمسك يدها ويقبلها . يمسك دمعه فى عينيه تكاد أن تفر هاربه منه ... فياخذ نفسا عمييقا جدا ويذفره فى هدوء لكى يهدأمن روعه ..ويقف بجواره معتز معتز : خلاص بقى ياحسن ،احنا قلنا ايه ،وايه اللى كنت هتعمله ده ؟ حسن بصوت واهن : مش قادر يا معتز ،صدقنى فوق احتمالى . معتز : وانا كمان حاسس ان قلبى هيقف ... تعبان اوى يا حسن . فى الكوشه تجلس ريم بجوار يحي ،وكذلك ندى بجوار وليد ،ويقف بجوارهم على الجانب الايمن منهم حسن ومعتز بجوار بعضهم. تأتى سناء ،لتقف سناء بجوار ريم سناء : يلا يا يحي لبس الشبكه لعروستك . لتقع الكلمات على اذن الجميع ويخفق قلبهم بشده ،تنظر ريم الى يحي وتقول ريم :مش قادره يا يحي ...والله مش قادره اعمل كدا يحي:لازم نكمل للاخر ..هاتى ايدك معلش . ريم نتظر الى حسن ،وحسن ينظر لها بألم وحسره ،يضع يده على قلبه ؛لكى يهدأ قليلا. .وكأنه يداوى ألمه ونزفه ...يشعر ان قلبه يبكى على حب ضاع منه ....ينظر لها ولا يفهم سبب هذه النظرات ؟ يكمل يحي لبس الشبكه لريم ،ثم يقبلها على جبينها ،وعندها تنزل دمعه من عين ريم وتمسحها بسرعه . بعد ذلك تقف فايزه وتتقدم لتقف بجوار ندى ،ومعها علبه الشبكه ،ويمسك وليد يد ندى ،يجدها بارده مثل التلج وترتعش ،ينظر لها ويجدها تنظر الى معتز ،ومعتز ينظر لها بإنكسار وألم . وليد : ندى ...خليكى معايا ... ندى :غصب عنى يا وليد ....بلاش يا وليد وليد: احنا قلنا هنكمل ....لازم نكمل ندى وهى تتنهد وترتعش :طيب يا وليد . يلبس وليد الدبله فى اصبع ندى ويقبل يدها ،ثم ينظر الى معتز ،يراه ينظر اليه والى ندى ..يضحك وليد له ويشاور له ،ثم يكمل لبس الشبكه لندى ويقوم بعدها بتقبيل رأسها. يفاجأ وليد وندى بخالد يقف أمامهم خالد : الف مبروك يا ندى ،مبروك يااا ...وليد وليد : الله يبارك فيك ...عقبالك خالد : قريب ان شاء الله ..مع اللى رايدها القلب . ندى : الله يبارك فيك يا خالد خالد : تسمحى لى البسك هديتى ..ويمسك خالد بيد ندى، فيهب معتز فى وقفته غاضبا ويمسكه حسن ،يلبس خالد خاتم واسوره فى يد ندى، ثم يقبل يدها وهو ناظرا فى عينيها . خالد بهمس : الف مبروك يا ندى ندى وهى تسحب يدها وقد ظهر ارتعاشها :الله يبارك فيك . فايزه : عقبالك يا خالد . خالد وهو ينظر الى ندى : ان شاء الله يا عمتى شعرت ندى بالقلق من خالد ،وكذلك شعر وليد ،وتقدم معتز منهم وهو شاعر بالغضب من قرب خالد من ندى ،ومسكه يدها وتقبيلها معتز : عقبالك يا خالد خالد ببرود : عقبالك انت يا معتز ،كنت متصور انك انت العريس ،طلع اخوك . معتز مندهشا : ايه اللى يخليك تقول كدا !!! خالد : احساس مش اكتر .على العموم مبروك . ويمشى خالد، وينظر معتز شرذا الى وليد ويتركه ،ويقف بجوار حسن حسن : هدى نفسك يا معتز ،احنا قلنا ايه . معتز : حاسس انى بموت بالبطىء ...والله مش قادر ،وخالد ده انا قلقان منه ،ووليد واقف كدا ولا عمل اى حاجه وسايبه يمسك ايدها ويبوسها ....رينا يهدى الليله دى على خير . حسن : انا مش هروح ..انا طالع على الشقه . معتز :وانا معاك . الحلقه 14 ينتهى الحفل على خير. يخرج وليد ،وندى ،ويحي ،وريم للعشاء بالخارج، ويخرج معتز وحسن بدون ان يسلموا عليهم. فى المطعم، يجلسون العرسان سويا ولكن الكل شارد وساهم، يقطع شرودهم صوت النادل النادل : تؤمروا باى شيء يا فندم. ؟ وليد : شكرا يحيح : ها يا بنات ، مالكم ماتاكلوا. ريم : ومين جايله نفس يا يحي، انا مخنوقه اوى. ندى : وأنا كمان ؛مخنوقه وخايفه. وليد : خايفه من ايه؟ ندى : من خالد. مش عارف ليه قلبى مقبوض اوى ؟؟ وليد : برده انا مش مستريح لخالد ده. يحي : ليه . هو عمل ايه ؟ وليد : نظرته لندى وليا مش مريحه بالمره. المهم خلينا فى التوأم اللى عندنا ريم : توأم مين! وليد متهكما : حسن ومعتز. ريم : انتم ايه انطباعكم عنهم النهارده، يعنى كانوا عادى، ولا فرحانين ولا زعلانين. ....قولوا لى انطباعكم عنهم ايه؟ وليد : معتز كان زعلان ، وحسن رغم انه بيضحك بس كان باين عليه الحزن. يحي : اه وانا كمان حسيت بكده. ريم وندى : يعنى من رأيكم ايه؟ وليد : ويحيى : يعنى... بدأوا يحسوا إن فيه حاجه كانت قدامهم وضاعت من إيديهم، يعنى ممكن يبدأوا يحاولوا انهم يكلموكم، ويمكن يعترفوا لكم بحبهم كمان. ريم وندى : ياااريت ،وينظرون لبعضهم، ثم يقولوا يلا بينا نروح بقى. تركب ريم مع يحي ،وندى مع وليد ،وهم فى الطريق يشاهدون عربه معتز وهو يصفها أمام عماره، وينزل منها ومعه فتاه. تصرخ ندى فى وليد لكى يقف بسرعه ،وتجد سياره حسن ايضا صافه امام نفس العماره . تقف عربتى يحي ووليد ،وينزلون منها ندى بحده : شايفين اللى انا شايفاه !!ولا انا بيتهيألى ؟؟ ريم بغضب : وحسن كمان هنا . يحي بتوتر :دى الشقه بتاعتهم . وليد : إنت متأكد . يحي : اه ندى: هيه فى الدور الكام ؟ يحي : الخامس ندى وهو تنظر لوليد ويحى :وتقولوا انهم بدءوا يحسوا وهيحاولوا يعترفوا لنا بحبهم !!!ما هو باين اهه ثم تقول :انا مش قارده ،انا طالعه لهم ريم : وانا جايه معاكى يحي ووليد بدهشه :انتم بتقولوا ايه !! ندى وريم بإصرار : بنقول لكم ايه ،هنطلع يعنى هنطلع ،خليكم هنا استنونا . يحي : بلاش يا ريم ، انتى و ندى، ....بلاش تطلعوا ....احنا ممكن نطلع وانتم انتظرونا هنا ريم بصرامه و حده : قلت لاء...احنا طالعين وخليكم هنا . استسلم يحي ووليد لهم و صعدت ندى وريم للدور 5 ...ووقفوا امام 3 شقق اتنتان مظلمتان ،وأﻻخرى مضاءه ويخرج منها صوت موسيقى . ندى بحده : تبقى هيه دى الشقه ريم : متأكده ندى بحده : مش شايفه النور ،وسامعه المزيكا ،البهوات عايشين حياتهم وسايبينا احنا بنتحرق ،ونطق من جنابنا ...والبيه معاه واحده ،وتلاقى التانى كمان معاه زيه ، يلا نخبط . يدقون الباب كثيرا وبعنف ....بفتح الباب لهم ،ويجدون فتاه تقف امامهم فى غضب وهى تلبس ملابس تظهر اكثر مما تخفى الفتاه بدلع :نعم ...فيه حد يخبط بالشكل ده ! تزيحها ندى وتدخل ومن وراءها ريم الى الشقه ،وتفلق الفتاه الباب وتدخل وراءهم وهى مستنكره لهم . تقف ندى وريم مصدومتين ؛من رؤيه معتز وحسن وهم جالسين بأريحيه على الكراسي، وقد خلعوا الجرافاتات و جواكت البدل والقوها بإهمال على الكرسى ، و فتحوا ازرار القميص الى منتصف صدورهم ،فى محاوله منهم لإستنشاق بعض الهواء ، وكانت إحدى الفتاتين تقف امامهما ترقص لهما ..... ما ان رأى معتز وحسن ريم وندى أمامهم، ما كان منهم إلا ان قاموا ووقفوا يصدمه ...فتقدمت ندى من معتز وهى مصدومه غاضبه ندى بحده وغضب : انتم ازاى كدا ...انتم عادى كدا ...عايشين حياتكم مع البنات وسايبينا احنا بنتعذب ونتحرق من حبكم .... بس هقول ايه غير ان عندكم حق تعملوا فينا اكتر من كدا ....عارفين ليه ؟؟...وتنظر لحسن ثم تنظر لمعتز .....عارفين ليه (صارخه) لاننا نستاهل يتعمل فينا اكتر من كدا ..علشان احنا حبيناكم ....علشان الزفت ده .... (وتشاور على قلبها )..الزفت ده دق وحبكم وزلنا ليكم ..(.ثم ترفع رأسها فى شموخ وتقول ).. لكن لاء ....وحيات قلبى اللى اتكسر على ايديك ...ووحيات حبى اللى استهونت بيه وبيا ..لشق صدرى بإيدى وأقلع قلبى من بين ضلوعى وأرميه تحت رجلى وأدوس عليه بجزمتى ....وأموته ...عااارف لييه؟ لان اهون عليا اعيش بدون قلب على انى اعيش وانا كرامتى مهدوره على ايدك ...أنا بكرهك ...وبكره كل دقيقه حبيتك فيها ،وبكره نفسى وضعفى اللى خلانى اتنازل عن كبريائي وكرامتى، ومنتظره منك انك تحس بيا وبقلبى ..... لكن للاسف البيه مش حاسس ...(وتضحك بسخريه وتشاور على الفتيات )بس هتحس ازاى وانت مقضيها مسخره وقله ادب ... كانت تتحدث وهى تبكى وترتعش من شده الصدمه ،وكانت تقف بجوارها ريم ،وهى تنقل بصرها بين حسن ومعتز ،وتركز نظراتها على حسن .ثم ترفع ندى رأسها وتأخذ نفسا وتقول لمعتز ندى: من النهارده ،انت اللى هتندم ...عارف ليه ؟؟لان كان فيه قلب بيحبك وأنت بإستهتارك ده (وتشاور على البنات) موته ...من اللحظه دى انا قلبى مات ...ومعدتش عايزه اشوف وشك ،والشركه انا مستقيله منها ،...وعيش حياتك بقى يا معتز ..زى ما انت عايز تقف ندى امام معتز وهى تنظر له نظرات حده وغضب وكره ثم تضربه بالقلم وتخرج مسرعه ..اما ريم فتقول لهم ريم : بالذمه انتم مش مكسوفين من نفسكم ، بالذمه انتم قدوه لينا ...مبسوط يا معتز من اللى عملته فى ندى ...ومن اللى عمله حسن فيا (تبكى ريم وتقف امام حسن ) وانت ...طول عمرى وانا بحبك ،حاولت الفت نظرك ليا ،بس للاسف هتشوفنى ازاى ولا تحس بيا ازى، وانت مقضيها دلع فى الكليه وقرف هنا ...انا كمان يا حسن هعمل زيك ...هعيش حياتى ..هدور على قلب يحبنى ويداوى الكسر اللى فى قلبى (وتشاور على قلبها وتقول ) قلبى اللى للاسف اتكسر على ايدك ،اللى للاسف كان بيحبك من سنين بس انت كنت زى ابوالهول ..لا بتسمع ولا بتشوف ولا بتحس ...بس تعرف ...ربنا اكيد هيبعت لى اللى يداوى كسرى ويخلى القلب ده يدق تانى ويحب ....ربنا هيعوضنى تانى يا حسن ....رينا هيعوضنى انا وندى يا معتز ....وانتم هتفضلوا كدا ...هتعيشوا كدا ...بتشتروا الحب بالفلوس ...يا خساره يا معتز ...يا خساره يا حسن ،عمرى ما هسامحكم أبدا ...أبدا مش هسامح فى حق قلبى اللى اتكسر . وتخرج مسرعه الى اسفل .وفى الاسفل كان وليد ويحي يقفون وهم متوترين يروا ندى تحضر لهم وهى تجرى وتبكى بهيستيريا ،حاولوا ان يفهموا منها اى شيء ولكن دون جدوى ،تلحق بها ريم وتصل اليهم وهى تبكى بشده، وترمى نفسها فى حضن اخيها وليد وتقول ريم : خدنا من هنا يا وليد ،مش عايزه اشوف وشهم تانى ،منهم لله اللى كسروا قلوبنا كدا ... وليد بخوف : فيه ايه ...اتكلمى يا ريم ؟ ايه اللى شفتوه فوق ؟؟ يحي : مش وقته يا وليد . نظر له وليد وقد فهم مقصده ،وما رؤوه فى اعلى فقد خمن من منظرهم وهم يبكون يإنهيار وليد : طب تعالوا نمشى شويه وتهدوا كدا ..مش هينفع تروحوا وماما تشوفك كدا يا ريم ،وانتى كمان يا ندى، طنط لو شافتك بالمنظر ده ،هتتخض جدا . وهتقول ايه ؟ ندى وريم :ماشى ،اهم حاجه ابعدونا من هنا . يركبون جميعا فى عربه وليد ،ويترك يحي عربته، ويمشون حتى يصلوا لكورنيش النيل ،ويصف وليد السياره وينزلون منها ،وقد بدات ريم وندى فى الهدوء نوعا ما وليد: ها ..هديتم دلوقتى ؟ ريم : يا ريت تروحنا .مش كدا يا ندى ؟ ندى : اه ..انا عايزه اروح وليد :بس اهم حاجه مش عايزين تبينى حاجه لطنط يا ندى . ندى اومأت برأسها موافقه . يحي : طب يلا علشان نروحكم. تصل ندى لمنزلها وتدخل حجرتها تنام وتبكى ،ترى امامها منظر معتز مع الفتاه وتبكى حتى غلبها النوم فى منزل الجارحى تصل ريم للمنزل ،وتدخل لحجرتها واغلقها وتظل تبكى ،هيه الاخرى حزنا ووجعا على خداعها من اخيها ومن ابن خالها حسن ..حب حياتها ...وعندما تتزكره مع رنا ومره اخرى فى مشهد الليله تبكى اكثر واكثر حتى تنام فى الشقه بعد قلم ندى وحديث ريم ومغادرتها بسرعه ، يفيق معتز وحسن من الصدمه ويصرخون فى رنا وريهام حسن ومعتز : غوروا من وشنا ...امشوامن هنا رنا وريهام : خلاص سايبينها لكم بس ليه كل دا ..دول حتى يعنى ...مش منظر ...احنا احسن منهم بكتير . حسن يتقدم منهم ويضربهم يالقلم ويطردهم ،يجلس حسن بجوار معتز وهم يشعرون بالصدمه الشديده ،والحزن والاسى معتز : ندى ...كانت بتحبنى؟ ...طب ازااى وافقت على وليد !! حسن : مش عارف فيه حاجه غلط فى الموضوع ده ...لما هم بيحبونا انخطبوا لاخواتنا ليه ؟؟ معتز وهو يلتفت له وبحده : انت ازاى تعمل كدا فى ريم ...انت ازاى تكسر بقلبها ...ويمسكه من تلابيب قميصه . حسن وقد زاغ بصره : والله ما اعرف إنها بتحبنى ...والله ما اعرف ...انا لو اعرف هكسر بقلبها ليه ....هسيب يحي يخطبها ليه ...انا كنت فاكر انها بتحب يحي ...والله العظيم ما أعرف انها بتحبنى يا معتز ....انا ..انا مستحيل اعمل كدا ولا اكسر قلب ريم ابدا ابدا ...دا انا بحبها يا معتز وانت عارف كدا معتز يترك قميصه ويلتفت جانبا ...امال فيه ايه ...لما هم بيحبونا وافقوا على اخواتنا ليه ...ليه انا هتجنن ،يمسح بيده على راسه ويشد شعره ،هتجنن. ..فيه حاجه غلط ،بس إيه مش عارف .؟؟!! بعد ان وصل وليد ندى وريم .اتفقوا على العوده الى شقه معتز وحسن ؛حتى ياخذ يحي عربته .وهناك شعروا بالغضب الشديد منهم وصعدوا لهم فى الشقه يستمع معتز وحسن الى صوت طرقات شديده على الباب ،يفتح معتز الباب ويفاجأ بوليد يضربه بالبوكس فى وجهه ويدخل ،ويدخل وراءه يحي ويضرب حسن بالبوكس ويقول : يحي بغضب : دا حق بنت عمتى اللى كسرت قلبها وليد بحده : انتم ازاى تعملوا فيهم كدا ؟؟ يقف الاخوه كل واحد امام اخيه فى حده وصرامه وخزى .وينظر حسن فى عينى يحي ،وكذلك ينظر معتز فى عينيى وليد ....ويتأزم الوضع الحلقه 15 فى صباح اليوم التالى يذهب وليد لمنزل ندى ،ويطلب من محمود وفايزه ان يخرج مع ندى لكى ليتغدوا سويا .وكذلك عمل يحي مع ريم .يصل وليد وندى لمنزل حسن،وكذلك يحي وريم يصلوا الى منزل حسن ويجدون ساره فى انتظارهم . ساره : اتفضلوا وليد وندى وصلوا . يحي وريم : اذيك يا ساره ؛ويدخلون الى المنزل يجلسون سويا لبحث الامر .... ريم وندى بحده : كدا كفايه.... الخطوبه بقى تتفسخ ،دول ميستهلوش حاجه . ساره : لا طبعا ، يعنى تتخطبوا امبارح وتفسخوا النهارده ..طبعا مينفعش . يحي : عندك حق يا ساره ...الناس هتقول عليكم ايه ...انتم بنات وليد موافقا له : فعلا عندك حق يا يحي ...الناس مش هنقول حاجه علينا ؛علشان احنا رجاله ،لكن انتم ...تبقى وحشه اوى قى حقكم . ندى وريم ينظرون لبعضهم ويفكرون ويقولو بقله حيله :طب والعمل ايه ؟؟؟ يحي : نستنى شويه كدا شهر ولا انتين وليد : اه كدا يبقى كويس ...وبعدين، انا عايزكم تهدوا كدا وتفكروا فى اللى هقوله ده كويس .... اخذ وليد نفسا عميقا واغلق عينيه ، ثم زفره فى هدوء ،وهو يتماسك رباطه جأشه لما سيقوله ،وفتح عينيه وقال : وليد : بما ان البهوات أخواتنا، اخدوا فرصتهم للأخر وفشلوا .فأنا من رأى...... انكم تدونا ؛ انا ويحي فرصه لينا احنا كمان و... و...وفكروا فينا كعرسان بجد ...احنا عن نفسنا عندنا اتم الاستعداد اننا نكمل الخطوبه والجواز ، بس عايزينكم تدونا فرصه كامله ،وتحاولوا تحبونا يمكن قلوبكم تدق لينا ....بس ادونا فرصه كامله ؛احنا مش طالبين غير فرصه كامله لينا ويكون عندكم فعلا استعداد لتقبلنا ......ايه ريكم ؟؟؟؟ ساره وهى موافقه على كلامه : كلامك معقول يا وليد ، انتم من حقكم فرصه ... ندى وريم لازم يدوا فرصه لقلوبهم انها تعرفكم وتشوفكم، وتحبكم زى ما ادوا فرصه لحسن و معتز وضيعوها. ندى وريم مزهولتين وقالوا :انتم بتقولوا ايه ؟؟؟!!هو بالسهل كدا ...انتوا فاكرين القلب دا ايه ؛جهاز ليه زرار يحب وزرار يكره !!!! ريم باستنكار :لا ...انتم فاكرين قلوبنا ايه زرار يخليه يسيب ده وزرار يخليه يحب ده . ساره وهى تحاول اقناع ريم وندى بكلام وليد : اديلهم فرصه ياريم ...هم عندهم الاستعداد انهم يعوضوكم، ويصلحوا اللى اتكسر في قلوبكم ...اظن من حقكم انتم كمان انكم يكون عندكم استعداد ليهم ولحبهم . -ندى تنظى لريم وتنظر لوليد . وليد وهو يحاول اقناع ندى : من فضلك يا ندى ، خلى عندك استعداد ليا وادينى فرصه كامله ..يمكن قلبك يدق ليا ...ولو محصلشى يبقى خلاص؛ نفركش الخطوبه ويكون فات شهرين ثلاته على الخطوبه ..حتى علشان شكلكم ....ها ايه رايكم ؟؟؟ ندى بأستسلام وحزن: موافقه . ريم باستسلام : وانا كمان موافقه ينظر وليد ويحي لساره براحه ، وشكرا ؛لمعاونتها فى اقناع ندى وريم بطلبهم ،وينظرون لبعضهم ويضحكون ندى وريم لم يذهبوا الى الشركه مره اخرى ، واهتموا فقط بالذهاب للكليه ، وحضور المحاضرات ما عدا محاضره حسن ؛ فكانوا ياخذونها من ساره ومصطفى. اما فى منزل الجارحى ؛ فكانت ريم تتجنب التواجد و الحديث مع معتز .واذا حدث يكون بسيطا فقط امام والدتها . يمر شهرين ويحاول وليد ويحي ،التقرب من ندى وريم ، لكن تبؤ محاولتهم بالفشل الزريع ؛تشعر الفتاتان غير بألام الحسره وزياده الحزن اتفقت ندى وريم على ابلاغ وليد ويحي بضروره فسخ الخطوبه . فى تلك الاثناء يكلم وليد المهندس محمود ويتفق معاه على كتب الكتاب واتمام الزواج بعد الامتحانات مباشره . ويتفق يحي مع عمته سناء على اتمام زواجه من ريم ويكون الفرح مع وليد وندى ...فتوافق شناء ومعتز فى منزل مهندس محمود ندى :ماما ،انا عايزه اقول لك حاجه . فايزه : خير يا حبيبتى . ندى : بصراحه كدا انا مش مرتاحه مع وليد ....وعايزه افسخ الخطوبه فايزه بخضه : انتى بتقولى ايه !!انتى عايزه الناس تشمت فيكى !! ندى بحده :تولع الناس ...الناس مش هتعيش معايا ولا هتتعذب مكانى ...انا حاولت اتأقلم مع وليد بس مقدرتش، والله العظيم مقدرتش ...وتبكى فايزه مكمله : ولا خالك ،وابن خالك اللى زعلوا مننا بسببك ،هقول لهم ايه ...اقولهم ندى متأقلمتش معاه ..رفضت خالد ودلوقتى وليد ...يبقى العيب مش منهم ...يبقى فيه ايه يا ندى ؟؟؟ ندى بألم : يعنى لازم يا اخد خالد يا وليد !! فايزه بحزم : ندى الجوازه هتم ،وهتتجوزى فى الصيف من وليد ... ومش عايزين فضايح يا ندى ،ولا عايزين الناس تشمت فيكى ...ولا حد يجيب سيرتك بأى حاجه وحشه . ندى وهى تشعر بالقهر : يا ماما ...حرام ...وتبكى ندى ...حرام اللى بيحصل معايا ده . فايزه بحزن والم : ندى ،اوعى تقولى الكلام ده لابوكى ؛لانه اول واحد هيقول كدا ....اهدى يا بنتى وخلى الجوازه تكمل ..ووليد كويس و شاريكى وبيحبك ...انا شايفه ده فى تعامله معاكى . ندى: بس انا مش بحبه فايزه : الحب هيجى بعد الجواز ...بالعشره وبالعيال ،هيجى الحب . ندى وهو تحاول إقناع امها برأيها : هيبقى مش حب ..هيبقى تعود وعشره لكن مش حب . فايزه بحنيه : يبقى زى ما يبقى ، بس المهم سمعتك ؛ محدش يجيب سيرتك يا حبيبتى . ندى بإستسلام : اللى تشوفيه يا ماما . فى منزل الجارحى: تحاول ريم اقناع سناء ؛ بفسخ الخطوبه مع يحي لانها تشعر به كأخ وليس كزوج او حبيب ،فترفض سناء رفضا باتا لانهم اولاد اخيها ،وهي من تولت تربيتهم بعد وفاه شقيقها وزوجته ، وإزا تم فسخ الخطوبه سوف يبتعد اولاد شقيقها عنهم ، وتحدث فرقة بينهم وذلك بسبب دلع ريم ...ولا تجد ريم غير الاستسلام لرغبه امها واتمام الزواج من يحي تتحدث ريم مع ندى التليفون وتبلغها ما حدث معها ومع امها وكذلك ندى ..ويبكون سويا مستسلمين لما يحدث معهم . الحلقه 16 والاخيره تمر الشهور ويقترب موعد الزفاف ،الكل مشغول بتجهيز الشقه لندى ،ولريم .... وليد ويحي سعداء ويقومون بشراء الأثاث و كل ما يلزم الشقه وهم فى سعاده ،ويأخذون برأى ريم وندى فى كل شىءوهم يقولون لهم :اللى تختاروه احنا موافقين عليه . اكتمل تأسيس الشقق ، كل شىء اصبح جاهزا ...تم حجز القاعه وشراء فساتين الزفاف من الخارج ....الكل يسعى هنا وهناك وندى وريم لا يشعرون بأى سعاده ؛ يشعرون بأنهم سوف يذهبون لا لبدايه حياه زوجيه سعيده ،بل للزج بقلوبهم فى حياه مليئه بالتعاسه . تذهب ندى وريم عند ساره ،وتحاول ساره ان ترفه عنهم فهم يجلسون معها بمفردهم ؛فلا يوجد حسن او يحي بالمنزل .تشغل ساره الاغانى الجميله ويضحكون سويا إلا ان تأتى اغنيه (موجوع قلبى ) وتستمع لها ندى وريم ويبكون على حالهم فكلمات الاغنيه وكأنها كتبت ليهم ...فهى تصف وشقاء قلوبهم مع احبائهم ...تدخل ساره عليهم ساره مندهشه :ايه !!..فيه ايه !!..قلبتوها نكد كدا ليه !! ندى تنظر لها بعين دامعه : مالنا ...بتسألى مالنا وانتى عارفه كل حاجه من البدايه ؟! ساره : انتوا مش وافقتوا على الجواز من وليد ويحي ...زعلانين ليه بقى !! ندى بحده : غصب عننا ...موافقين علشان خاطر سمعتنا وعلشان خاطر مش عايزين نزعل اهالينا ...لكن انا مش موافقه على وليد . تأخذ نفسا عميقا وتقول : وليد انسان كويس وشهم ،بس انا مش قارده احبه ...مش قادره ...اعمل ايه فى قلبى مش راضى يحبه مش راضى يخرج معتز منه . ساره بدهشه انتى لسه بتحبى معتز ...؟حتى بعد اللى عمله واللى انتى شفتيه ..؟ ندى وهو تهز راسها بإستسلام وألم : للاسف ...لسه بحبه ...وتبكى بشده ...للاسف لسه قلبى بيدق بحبه ومش هقدر احب وليد ساره وهى ترفع حاجبيها فى دهشه : امااال هتتجوزى ولييد ازاى !!! ندى :مش عارفه ...غصب عنى ..مضطره اتجوزه ...مضطره. ريم بيأس :وانا كمان مضطره اتجوز يحي ،يا ساره برده غصب عنى ساره باندهاش : ليه كدا يا ريم ...يحي ميستاهلش كدا منك ....حرام عليكى يا ريم . ريم ببكاء :غصب عنى ماما خايفه على زعلكم ومش عايزه تزعل ولاد اخوها او تبعدكم عنها ....انا حاولت ادى لنفسى فرصه مع يحي بس مقدرتش . ساره : ليه ؟؟ ريم بحده وببكاء شديد : علشان لسه بحب حسن ومش عارفه انساه ...وحرام عليكم اللى بتعملوه فينا ده حرام ...والله حرام . ساره : يعنى هتعملوا ايه ؟ ندى وريم : مش عارفين ،مضطرين نتجوزهم ،بس احنا هنخليه جواز صورى علشان اهالينا ميزعلوش وبعدين نطلق . ساره : انا من راى ..دلوقتى احسن ندى بلهفه : يا ريت ...بس بابا وماما . ريم : يا ريت بس ماما ساره : ده رأى ...وليد ويحي ميستهلوش منكم كدا . ندى وريم ببكاء : احنا مش عارفين نعمل ايه ،هم حرام عليهم ده ...وحرام اللى بيتعمل فيهم وفينا ده ...يا رب حلها من عندك . لم يكونوا يعلموا ان هناك من كان يستمع إلى حديثهم ثم يخرجوا سريعا يوم الفرح تذهب ندى وريم وساره للبيوتى سنتر ،وعندما ينتهوا يحضر وليد ويحي لكى يأخذوهم ينبهر وليد برؤيه ندى فى ثوب زفافها ومكياجها الهادىء ..كانت مثل الاميرات رغم الحزن البادىء عليها فأخذ يدها وقبلها وقبل راسها ،وقال وليد: الف مبروك يا احلى عروسه شفتها . ثم يوجه حديثه لريم : الف مبروك يا ريم ، يا احلى عروسه شفتها فى حياتى . ريم : الله يبارك فيك يا وليد يحي ينظر الى ريم بإبتسامه وانبهار من جمالها ويقبل عليها ويقبل جبينها ويقول : الف مبروك يا عروستى . ريم الله يبارك فيك . ساره : الف مبروك يا يحي ...مبروك يا وليد . يحي ووليد : الله يبارك فيكى. يذهب الجميع الى القاعه ،تركب ساره مع يحي وريم فى عربته وتركب ندى مع وليد فى عربيته .فى القاعه كان يجلس محمود وحسن ومعتز ويجلس معهم المأذون منتظرا العرسان وكان يوجد هناك كوشتين للعرسان يحضر كل عريس مع عروسه ،تدق الزفه وبعد انتهائها، تجوب عينان ندى وريم فى انحاء القاعه بحثا بين الوجود على حسن ومعتز ،ولا يجدوهم يغمضون اعينهم فى استسلام يذهبون للجلوس بالكوشه ويذهب يحي ووليد لكتب الكتاب .. يلتف الجميع حولهم ،ندى وريم لا يستطيعوا رؤيه شيء فقط يستمعون الى مراسم كتب الكتاب ،ويستمعون الى (بارك الله لكما وبارك عليكما وجمع بينكما فى الخير ) لتتصاعد اصوات الزغاريد والمباركات .. ثم تبدأ مراسم كتب الكتاب الاخرى ويسمعون المباركات والتهانى والزغاريت كل هذا وندى وريم لا يروا شىء فقط يستمعون للمباركات والزغاريت فينظرون لبعضهم وتنزل من اعينهم دمعه هاربه ،على حب ضاع وامل فقد وحياه تعيسه تنظر كل منهما للاخرى لتفيق ندى وريم على من يقف امامهم ...وكانت المفاجأة. ... تجد ندى معتز واقف امامها مبتسما ويمسك بيدها ويقبلها ويحنى راسه لها ويقبلها ويقول بهمس :الف مبروك يا عروستى ،الف مبروك يا حبيبتى .... تتسع عينان ندى على اخرهاما وتنظر لخلف معتز فتجد وليد وسناء وامها وابيها تتلاشى الرؤيه ليها وترى ظلال اشخاص تتحرك ثم ظلام دامس . عند ريم ؛تفاجئ ريم بوقوف حسن امامها وهو سعيد ثم يقبل وجنتيها ويقول : الف مبروك يا حب قلبى....الف مبروك يا عروستى الحلوه ... الف مبروك يا بنت عمتى . ريم تنظر مصدومه والدموع تنزل من عينيها ،غير مصدقه لما تسمعه وتراه تنظر لخلف حسن لترى الانظار سعيده ومسلطه عليهم ساره وهى تشير لها بسعاده : الف مبروك يا حبيبتى . ريم لا تسمع شىء وتبدا الرؤيا تتلاشى وتسقط مغشيا عليها . تفيق ندى وريم ويجدون انفسهم نائمتين على سرير كبير ويقف امامهم حسن ومعتز ووليد ويحي وساره ندى بصوت واهن : فيه ايه ..ايه اللى حصل .؟! ريم : هو اللى حصل دا بجد ...ولا انا بيتهيأ لى اقدم حسن الى ريم وطبع قبله على خدها وقال : اللى حصل يا حبيبتى. .انا اتجوزتك ..وانتى مراتى يا حبى واقدم معتز من ندى وقبل يديها وقال : حصل كل خير ،انا كتبت كتابك وبقيتى مراتى رسمى يا ندووش .ويغمز لها . ندى تنظر الى وليد وتقول :طب ازاى .ثم تنظر الى معتز ازاى .. ريم وهيه تعتدل فى جلستها : قولوا لنا ايه اللى حصل وليد ويحي يقولوا : تسمحوا لنا بقى نقول ايه اللى حصل .. فلاش بااك .... فى شقه عند حسن ومعتز عندما كان كل اخ يقف امامه اخيه وينظر فى عينيه وكانت المواجهه يحي : انت ازى يا قدوه تعمل كدا فى بنت عمتك ...ازى تكسر قلبها وهيه بتحبك ؟؟ وليد : وانت ازاى تعمل كدا ؟...هو ده ويشير الى الشقه رد فعلك يا معتز ؟....هو ده اللى قدرت عليه؟ ..ليه تدوس على قلب ندى بالشكل ده ..ليه مش قادر تحس بحبها ليك ؟؟ معتز بحده وهو ينظر لوليد فى عينيه : علشان خاطرك. ...علشان انت بتحبها وهيه بتحبك . حسن بذهول : احنا اختارنا اننا نضحى بحبنا علشان خاطركم انتم ،علشان انتم تبقوا سعداء ،حتى لو على حساب قلوبنا . يحي : وريم وندى ،معملتوش حسابهم !!كان كل همكم احنا وبس !!وهم لاء...ليه الجحود ده مهتز بصراخ :هم بيحبوكم أنتم مش احنا. وليد بصراخ مماثل : واللى حصل هنا من شويه يقول انهم بيحبونا احنا ولا انتم !!....انتم ايه لا بتفهموا ولا بتحسوا!!! ....حرام عليكم ...انتم جرحتوهم اوى ...اوى . يحي بحزن :إلا جرح القلوب يا بهوات ...عمره ما يطيب ابدا ...عملوا لكم ايه ندى وريم علشان تكسروا قلوبهم كدا ... حسن بزعيق : إحنا مكناش نعرف انهم بيحبونا إحنا ...احنا شفناكم بتحبوهم وهم وافقوا على الخطوبه ؛ يبقى بيحبوكم ....واحنا ضحينا علشانكم . معتز : والله لو اعرف انها بتحبنى انا مش انت يا وليد ، وانك مش بتحبها كنت اتجوزها. ...ثم ينتفض معتز فجأة. ...وبعدين تعال هنا لما انت مش بتحبها خطبتها ليه ..؟؟؟ وليد بقرف :علشان يمكن ابو الهول يحس بيها ويفهم . يحي : ويمكن القطر اللى مش بيقف فى محطات يقف فى محطه ريم ،ويحس على دمه ،ويعترف لها بحبه . وليد : بس للاسف كل محاولاتنا فشلت ،والبنات للاسف كسرتوا قلوبهم ...وده ظلم معتز وحسن وهم ينظرون الى بعضهم البعض معتز بدهشه وشرود :يعنى انت يا وليد كنت بتساعد ندى علشان احس بحبها واعترف لها بحبى !!! حسن : وانت نفس الشىء يا يحي يحي : طبعا وليد : اكيد معتز وحسن فى نفس واحد : يبقى لازم تساعدونا احنا كمان ؛ اننا نرجعهم بس بطريقتنا ! وليد : ازاى معتز : هتكملوا الخطوبه بالنسبه لندى وريم . يحي : نعممممم ...طب ازى افهم حسن : انا ومعتز هنفهم طنط سناء والحاج محمود ؛اننا احنا اللى عايزين نتجوز ندى وريم ،بس اهم حاجه ندى وريم نفسهم ميعرفوش حاجه معتز :بس انا عايز الاول اطمن ان ندى لسه بتحبنى حسن : وانا كمان وليد ويحي : مفيش غير البت ساره ،هيه اللى تعرف تخليهم يقولوا اللى فى قلوبهم عوده ندى تنظر لهم وتعود بنظرها الى معتز : انت تعمل فيا كدا ...وانت تساعدوه وماما وبابا متفقين معاكم . معتز بحب : اه بس غصب عنى والله ...ثم يهمس لها بحبك يا ندى. ..بحبك يا ندى عمرى ....بحبك وقلبى دق ليكى انتى ...وكل دقه بتقول ندى ..ندى وبس . حسن يقترب من ريم : بحبك يا ريم ...بحبك يا بنت عمتى ...واسف انى زعلتك ...واسف انى خليت عنيكى فى يوم تبكى بسببى ..ويقترب منها ليقبل شفتيها ليجد .. وليد ويحي : احم احم احم نحن هنا ...ممكن ننزل بقى نكمل الفرح يضحك الجميع وينزلوا فى اثناء الفرح ، الكل سعيد وفرحان ندى ومعتز وريم وحسن يتلقون التهانى والمباركات من الجميع ،ويبداوا فى الرقص على انغام الدى جى يلاحظ وليد ويحي خالد ؛ ابن خال ندى وهو ينظر لهم وهم يقفون بالقرب منه ،يطفىء النور فجأه ،يقبل وليد ويحي على خالد ويأخذوه بالقوه ويخرجون خارج القاعه . ويعود النور وسط ضحك الجميع ؛ظنا منهم انها مفاجأة لكى تدخل التورته للعرسان عند وليد ويحي خالد بحده : انتم بتعملوا ايه ...انتم قد اللى بتعملوه ده ؟؟ وليد : عايز اعرف منك كنت ناوى تعمل ايه ؟؟ خالد بحده : مش هعمل حاجه يحي : مش هتعرف تخدعنا ..انا شفت نظراتك ليهم قبل كدا خالد موجهها حديثه لوليد :انا أولى بندى منك انت واخوك .. وليد : يعنى كنت عايز تعمل حاجه ...ايه هيه بقى ؟؟ خالد : كنت هخطف ندى بس .... يحي : بس ايه ... وصرخ فيه مهددا .انطق خالد بحزن : بس لما بصيت فى عنيها وهيه بتسلم عليا ولقيتها ... فرحانه ....مردتش اكسر بقلبها ولا اكسر فرحتها ...حتى لو كنت بحبها ...مش هكون انانى واكسر فرحتها. . اللى بيحب بيضحى ويتمنى السعاده للى بيحبه حتى لو على حساب نفسه . يحي متفهما : عندك حق ... .وليد بحده : انت مصدقه يا يحي !!! يحي : اه .....مصدقه ،وبعدين احنا معاهم اهه لحد اخر الحفله ،...ولو حصل حاجه هيبقى هو . وخرجوا معا ليكملوا الفرح وينتهى الفرح بسعاده الجميع ؛خرج معتز مع ندى متجهين الى منزلهم ليبدأوا حياه سعيده هنيه بعيده عن الجمود ويغلفها الحب والسعاده وخرج حسن مع ريم وهم سعداء بعد ان سلموا على اخواتهم وسناء وتوجهوا الى منزلهم وكل منهم ينظر للاخر ويحمل له دقه قلب تم بحمد الله