نوفيلا ملاذي الاخير بقلم نور زيزو

رفع حاجبيه بضجر ثم قال بوجه عابث:-
– هو يقدر يقول مش عاجبه ده أنا أخد السمك ونور ونمشي

رفعت نظرها لــ “حسن” ورمقته بنظرة غاضبة ، قال مزاحاً لها وهو يبتسم :-
– أيوة هأخدك معايا

قهقه ” منصور” عليه والصمت يسود بينهم ، فقط النظرات المتبادلة رغم قسوتها وعتابها

جلس “منصور” مع “عمر” بعد أن أنهوا الطعام
فقال وهو ينظر على “نور” وهى تتمشي على البحر وتداعب مياة البحر قدميها :-
– هى دى اللى حكتلى عنها صح

نظر “عمر” للأرض بأحراج ويأس مع تنهيدة جريحة ثم قال :-
– اه هى ياعم منصور .. مليون حاجة جوايا ومش عارف أعمل فيهم حاجة

ربت “منصور” على قدمه بحنان وشفقة على حال هذا العاشق وحبيبته فى عداد الموت قائلاً :-
– ربنا يصبرك يابنى

أجابه “عمر” بينما هربت من عيناه دمعة وهى تشق طريقها إلى وجنته :-
– بعد السنين دى كلها ويوم ما ترجع يقولوا لي هتموت شوفت قدري

– يابنى أحنا بنختار كل حاجة فى حياتنا إلا حاجتين أتنين القدر والنصيب ، ودايما للقدر رأي تانى خالص غير أحلامنا وغير اللى بنتمناه

رد عليه بحزن عميق وهو يهلك فى نيران قلبه :-
– يعنى ده جزائى بعد كل السنين دى ، ده جزائى بعد طول الأنتظار ده ، بعد كل ده تموت قبل ما أفرحها ونحقق أحلامنا

أجابه بهدوء ووقار قائلاً :-
– يابنى هرجع أقولك زى كل مرة وزى ما الكتاب بيقول عُمرك متقِفوش إنتظاراً لأحد، ومتقضهوش ندماً على ما فات ، ومتزعلش على جميلٍ زرعته ومثمرش ، ومتعارضش أمرٍ كتبه ربنا لك إن يألمك .! ، أرضي يابنى بقدر ربنا وقول الحمد لله

قال وهو يجهش فى البكاء ويرفع نظره عليها بحزن وعجز :-
– بس أنا بحبها ، هى أمل بكرة ليا ، بسببها أنا لسه واقف على رجلى وماوقعتش ، عشان عارفة أنها مستنينى .. عشانها لسه عايش وبعافر فى الدنيا

رد عليه وهو يبتسم وينظر عليها هو الأخر وفى عيناه دمعة أسيرة جفنه :-
– عشان كدة بقولك قول للناس اللي بتحبهم إنك بتحبهم كل يوم .. كل ساعة .. كل دقيقة .. قولهم قد إيه هم مهمين بالنسبالك .. قد إيه ماتقدرش تعيش من غيرهم .. قبل ما يسيبوك ويزهقوا منك وينفضولك ، أو يأخدهم الخلق منك قبل ما تقول ، قولها يابنى

جهش فى البكاء بضعف وعجز …

••••••••••••••••••••••••••••••••••

تمشي “نور” على البحر وهى تنظر لقدميها وهم يداعبوا المياة الباردة ، تشعر به خلفها تنظر له
أبتسم حسن لها وهو يمشي بجوارها وهو يقول :-
– الجميل بيفكر فأيه ؟؟

ردت عليه وهى تنظر للبحر وتتنفس الصعداء :-
– مفيش .. قولى ياحسن أنت محبتش ليه لحد دلوقتى

ضحك علي سؤالها ليعلم بأنها تفكر فحبها ثم قال :-
– عايزة الصراحة

– اه أكيد
أجابته بهدوء ،، أبتسم بسعادة وفخر قائلاً :-
– أول يوم شوفتك فيه فى الجامعة حبيتك ..

رمقته بنظرها لوهلة من الصدمة وهى تزدردت لعابها الجاف بصعوبة ، أبتسم وأكمل حديثه قائلاً :-
– بس لما عرفت أنك بتحبي ، قررت أوقف الحب ده بدل ما يجي يوم أتعلق بيكى وأقولك مشاعرى وترفضنى وأتجرح وأعيش فى مسلسل هندى .. بس لاقيت نفسي بحبك بجنون بس مش حبيبة وكدة لا أخت صديقة ، بنتى ميضرش ، الحب يانور عاملة زى الرصاصة بتصيب قلبك على غفلة لا بتعرفي تقاوميها ولا حتى بتعرفي تتفاديها ،الحُب بيجي كدة من غير أسباب لا بمال ولا بجمال ولا يُقاس بِعُمر .. هو قدر ، قدر وبس ،،الحب مش أننا نختار الجميل ولا الغني ولا صاحب مكانة مرموقة ،، الحب هو أنك تحب اللى ترتاح له وتحس أنه يدخل قلبك ومقدرش يخرج مهما حصل..!!

نظرت له بشغف لتلك الكلمات التى تذيب قلبها العاشق ، وتجعله أسيراً للحب مرة أخري ، أكمل حديثه بهدوء قائلاً :-
– كلمة بحبك اللى بنقولها دى مش سهلة ، دى كلمة معناها كتير وكتير لو كتبت فى ديوان شعر مش هيكفى عامل زى البحر وأمواجه ،، بعيد عن اللى بنشوفوا دلوقتى ،، دى كلمة متطلعش غير بمشاعر مقدسة جواكى ،، مينفعش تطلع غير من القلب عشان توصل للقلب

نظرت له بسعادة وهى تمسك بيديه كالطفل الصغير وتقول بمزح :-
– يا بخت أمها اللى هتأخدك ياواد

قهقه من الضحك عليها وهو يغلق قبضته على أصابعها الصغيرة ثم هتف مُتمتمًا :-
– هى بس تيجي وأنا أقولها كل شوية كلام حب ودلع

يعلم “حسن” بأن أبتسامتها خلفها الكثير والكثير تخفيه عنه …. فى بعض الأحيان يكون اتكاؤك على جدران هش ، وثقتك فى أختيار قلبك في غير محلها مخذولة ، والأشخاص الذي تريدهم بجوارك لا يأتون، والوجوه المبتسمة مجرد أقناع تخفي خلفها أرواح عابثة ، والمبتسمون مكسورون ، والضحكات المتتالية التي تسمعها ماهى سوء أنينٌ يمزق ضلوع بعض الصدور ، والدموع التي تراها تخفي خلف جدارها خذلات متتالية وأسهم مسمومة و مايكفي لغزوك بضعَ مرات ، وكل من حولك لا يريدون شي سوء خذلانك وكسرك .. فقط فى بعض الأحيان

أبتسمت بسعادة له وتميل برأسها إلى كتفها الأيمن بدلال قائلة :-
-حسن أنت مش هتنسنى صح ؟؟

تنهد بضجر من حديثها وما تلمح له ثم قال بضيق وهو ينظر لها :-
– لازمته أيه الكلام ده دلوقتي

توقفت امامه برفق ثم تشبثت بيده وقالت :-
– سؤال

مسح على شعرها بحنان ثم قال :-
– أنا عشان أنساكي لازم أنسي من عمرى ٨ سنين ، تفتكري ينفع أنسي ده كله

– ربنا يخليك ليا
قالتها مُبتسمة فأجابها بحزم :-
– لو عايزة ربنا يخلينى ليكى ، وافقى تعملى العملية يانور

سألته بضيق وهي تترك يديه وتضم يديها لصدرها بهدوء :-
– ماشي هعمل العملية ، بس تقدر تقولى بعد ما أعملها وأعيش ، هعيش ليه ولمين ، هعيش عشان أكمل وجع ياحسن ، وعياط طول الليل مبيخلصش ، عشان لما أتعب بليل ملاقيش حد يدينى شوية مياة مانا لوحدى ، صدقنى لو فى سبب واحد أعيش عشانه أنا اللى هجي أقولك أعملى العملية

تركته ورحلت دون أن تنتظر رده أو تعطيه فرصة للجدال معاها ،، نظر لـ “عمر” بحزن وأشار له بلا وهو يخبره برفضها وأصرارها على موقفها

جلست فى سيارة “حسن” تنتظره وهى تفكر فى حديثه ، فتح عمر باب السيارة ويركب ويشغل محرك السيارة ، نظر له بدهشة وأعتدلت فى جلستها ثم قالت بأنفعال :-
– أيه ده .. أنت بتعمل ايه ؟؟

أجابها وهو يقود بها بلهجة مازحة قائلاً :-
– مش عيب تكونى فى أسكندرية ومتزوريش طنط حنين

صاحت به بأغتياظ وهى تضرب السيارة بقبضتها قائلة :-
– وأنت مالك أنت ، أتفضل وقف العربية

لم يجيب عليها ، أعادت جملتها مرة أخرى بأنفعال سافر :-
– بقولك وقف العربية

ألتزام الصمت وهو يثير بصمته غضبها ، أعتدلت فى جلست بغضب شديد وهى تنظر للنافذة ، أخذها إلى شقة “حنين” ودق الجرس ،، هتفت هامسة وهى تقف خلفه قائلة :-
– ممكن منطولش عشان عايزة أرجع القاهرة النهاردة

أشار إليها بنعم وغمغم :-
– حاضر

فتحت “حنين” الباب مبتسمة وقالت :-
– أتفضلى يانور

دخلت خلفه وعانقت والدته بهدوء وخجل ودخلوا معا للصالون فسألتها عن حالها :-
– عاملة ايه يانور واحشتينى

تبسمت لها بتكلف وقالت :-
– بخير وحضرتك أكتر

نظرت له بسعادة أثناء حديثها :-
– عمر قالى أنك بقيت دكتورة قد الدنيا

– اه الحمد لله
أجابتها على قد السؤال فقط فنظرت “حنين” لها بأستغراب من لهجتها وبرودها ثم لـ “عمر” وقالت :-
– هجبلك عصير

أجابتها “نور” بسرعة وهى تقول :-
– لالا مفيش داعى لتعب حضرتك ، أنا جيت أسلم وأمشي على طول عشان مسافرة

ووقفت من كرسيها ، قالت “حنين” لها :-
– لا أزاى عيب متحصلش والله

– معلش ياطنط مرة تانية وكمان فى ناس مستنينى
أصرت على رحليها فنظرت “حنين” لأبنها وأشار لها بنعم ، قالت :-
-ماشي براحتك ياحبيبتى مش هغصب عليكى

صافحتها “نور” بجفاف معاملة وخرجت ، جلست “حنين” على كرسيها بدهشة من تلك الطفلة ومعاملتها وكيف تغيرت ، وتذكرت حديث “عمر” عنها بأنها أصبحت حادة كالسكين تجرح كل من يقترب منها ، ولا تسمح لأحد بدخول حياتها فحدثت نفسها قائلة :-
– تغيرتي كثيراً ياعريزتى .. ٱصبحتي صاحبة ٱسوء رد فعل حقاً .. لا تسامحين من ظلمك ٱبداً .. ٱغلقتي ٱبواب الرحمة فى قلبك وأغلقتي غرفة علاقاتك بمائة قفل وترباس ، لا تسمحين لإحد بالدخول في حياتك ، تريديها فارغة بدون أحد .. لقد نضجتي جداً ياطفلتى .. أصبحتى إمرأة فى هيئة طفلة صغيرة

••••••••••••••••••••••••••••••••••••

نزلت “نور” من العمارة ووقفت وهى تفتح كفها له وتحدثه بأنفعال قائلة :-
– ممكن المفتاح

أجابها بقلق عليها من أن تصدم شخص آخر قائلاً :-
– أنا هوصلك ، أنتى تعبانة مش هتعرفي تسوقي

رمقته بنظرة غليظة وقالت بلهجة حادة له :-
– حاجة متخصكش

وأخدت منه المفاتيح بالقوة وهى تقول بنبرة محذرة له :-
– وياريت مشوفكش تانى ، لأن مفيش أى حد تربطنا ببعض ، أنت صفحة فى حياتى قطعتها يوم لما سيبتنى ومشيتى ومش عايزة أفتكرها ولا أرجعها ، أنا مش عايزك فى حياتى ياعمر

تطلع لها بنظره بألم تمزق صدره وخنجر حديثها يغرس فى أعماق قلبه بقوة وقال :-
– بس…

قطعت حديثه بغضب حينما اردفت :-
– لو سمحت لو لسه باقي بينا حاجة واحدة ، ياريت متخلينيش أشوفك تانى ، لو باقيلك شوية أحترام جوايا بلاش تمحيهم

وذهبت من أمامه وركبت السيارة ، أجهشت فى البكاء بكثرة رأها من خلف زجاج السيارة وهى تبكي ثم أنطلقت بالسيارة بدموعها تترك أسر جفنها وتنال حريتها مُنهمرة على وجنتيها بحرارتهم وقلبه متألم صارخاً من شدة الوجع فهتف صوت عقلها قائلاً :- ..
– أثناء دراستى كنت عندما أخطاء أمزج الورقة بأكملها حتى لا تتلوث ورقتى وهذا ما فعلته معك حين أخطأت معي ولوثت ورقتي معاك ، لم أشطبها أو أمحيها بل مزقت ورقتك معي بقلب أنثي بارد لم تعتاد على تلوث ورقتها
فقد كان يجب أن تحذر من مثاليتي ،فكان عليك الحذر من خطأ أرتبكه فكان خطأ لن يغتفر
وإمرأة مثلي لم تتعايش مع الأخطاء فى كتابها الدراسي أو كتابها الحياتى ،حتى لو كلفها ثمن دفتراً جديد ، فقد كنتُ ومازالتُ أنا إمرأة لا تملك سوء كبرياءها وليس غروراً يا عزيزى .. فقط كبرياء أنثى ….

أتصلت بـ “حسن” وهى تقود سيارته متجهة إلى الفندق وهى تبكي بقوة ودموعها تشوش الرؤية عليها فسمعت صوته يأتى عبر الهاتف :-
– أيوة يانور

قالت وهى تكتم صوت بكاءها بلهجة واهنة وتلعثم سافر فى صوتها :-
– حسن أنا راجعة القاهرة

وقف بهلع وخوف عليها قائلاً :-
– أزاى دلوقتى ، طب أستنى الصبح هنرجع كلنا

قالت وهى تصل للفندق وتترجل من سيارته :-
– مفيش الصبح ، دلوقتى ياحسن ، عربيتك فى الجراج وهتلاقي المفتاح فى الأمانات فى الفندق

أغلقت معه وركبت سيارتها وأنطلقت إلى القاهرة وهى تحاول أن تترك خلفها فى هذه المدينة حزنها ووجعها ، أرادت أن تترك بها كل ألم قلبها ، تمنت لو أستطاعت حذف حبه من قلبها ، وماضيهم من ذكرياتها ، تمنت لو كان حبه كالطفل فى رحمها لكانت أجهضته وتخلصت منه ، كل ما يحتاجه قلب مجروح وروح منكسرة هو دواء واحد يسمي الحذف ليتخلص من لعنة سحره على قلبها وأسره لها حتى لا تستطيع الخروج من معقتله ..تحتاج إلى حبة شجاعة تغفلها لوهلة واحدة لكى تستطيع تخطيه وحذفه من حياتها وقلبها وتنال حريتها …

يتـــــبــع ………

مَلاذي_الآخير
•• الفصـــــل الثــــامــن ( 8 ) بعنـــوان ” قلـــوب عــاشقـــة ” ••

أحاول أن لا أحبك …. وأقتل حبك بداخل قلبي
أحاول أن أقاوم قلبي … ،ف كلما قاومت قلبي…كلما زاد تشبثي بك ، كلما أنهكي وجعى كلما عشقتك ، كلما دفعتك بعيداً .. كلما عودت لى ..
فلما على الأمر أن يكون كذلك ؟؟

وصلت “نور” إلى القاهرة بعد ساعات من القيادة فى منتصف الليل ، وهى فى حالة يرثى لها ، منهارة من البكاء خلال قيادتها مر أمامها شريط الذكريات وهو يعاد أمام عيناها مرة أخري ، صعدت للشقة وهى تريد شئ واحد فقط أن تختفي من أنظار الناس ، وأن تجد مأوي لها تصرخ بيه وتبكي كما يحلو لها ، وقفت أمام شقتها وهى تفتح الباب ،جاءت لها زينب ( أحدى سيدات العمارة ساكنة بالشقة المجاور )

هتفت السيدة “زينب” وهى تقترب منهم تناديها :-
– يادكتورة

أستدارت لها وهى ترسم أبتسامة مزيفة على شفتيها وتقول :-
– تحت أمرك ياطنط

قالت وهى تمد يدها لــ “نور” بظرف مُبتسمة :-
– فى واحدة سألت عنك أمبارح وسابت لك الظرف ده وبتقولك تكلميها ضروري

أتبسمت وهى تأخذ منها الظرف وتقول :-
– ميرسي تعبت حضرتك معايا

– لا تعب ولا حاجة يادكتورة ، الجيران للبعضها
قالتها ثم دخلت إلى شقتها ، دخلت “نور” شقتها وأغلقت الباب ولم تعلق بالها بصاحبة الظرف ، وضعته على البوفيه ودخلت إلى غرفتها ، رمت بجسدها فوق السرير بتعب من شدة البكاء وأرهاق القيادة ، نظرت للسقف بتعب وعيناها شبه مفتوحة من أرهاق جسدها

هتفت بصوت ضعيف شبه مسموع وهى تمسك صورته الموجودة بجوار سريرها وتحدثها قائلة :-
-كان عندى أمنية واحدة بس ، أنك تكون جنبي ومعايا ..

سالت دموعها مرة أخرى وهى تتحسس وجهه بأناملها الصغيرة وهى تكمل حديثها قائلة :-
– هى أمنيتى كانت صعبة اوووى كدة ، ولا أنا اللى أتمنيت حاجة مش من حقي وكتير عليا

ضمت صورته بشغف وأشتياق يحرق قلبها ويؤلمه إلى صدرها وهى تطوقها بكفيها ، وظلت تبكي حتى غرقت في نومها ، تلقاه فى حلمها مادام لقاءه فى الواقع مستحيل

•••••••••••••••••••••••••••••••••••

وصل “حسن” إلى المستشفى صباحاً وهو يبحث عنها ، يريد أن يطمئن على تلك الطفلة المتمردة ، يصطدم بفتاة وهو ينظر حوله ، يسقط منها بعض الأوراق تنحنى لكى تجلبها ، جثو على ركبته يساعدها
هتف وهو يجمع الأوراق معاها دون النظر لوجهها :-
– متأسف جدا يافندم …

هتفت “تالا” وهى تقف برقة وصوت عاذب جميل يجعل القلب أسير الحب واقعاً فى شباكها :-
– حصل خير

وقف كالصنام وهو ينظر لها بدهشة ، ألتقي بها بعد ٤ سنوات من الفراق بينهم ، نظر لها نظرة طويلة صامتة ولكن عيناه بها الكثير والكثير
قال وهو غير مصدق ما يراه ولا يستوعب بأنها أمامه بعد كل هذه السنوات :-
– تالا

أبتسمت له بعفوية وهى تنظر لعيناه وتمد يديها له تصافحه وهى تقول :-
– دكتور حسن .. أزيك

نظر ليديها الممدودة له بهيام ومد يده له وتتشابك أيديهم وهو لا يبعد نظره عنها وهو يقول :-
– أنا تمام .. المهم طمنينى أنتى عاملة ايه وبتعملى أيه هنا

ردت عليه وهى تجذب يدها من كفه بخجل قائلة :-
– أنا تمام الحمد لله ، أصلى أتفقت مع دكتورة نور أو ما أرجع القاهرة هجيلها ، دورت عليها كتير قوليلى بتمر على المرضي

سأل بدهشة أكبر وأستغراب :-
– دكتورة نور ، أنتى بتكلميها

أبتسمت بسعادة ومرح وهى تقول :-
– أووومال ايه أحنا طول السنين دى بنتكلم فون وفيس وواتس

نظر لها بدهشة وهو غير مصدق ما تقوله هو يبحث عنها هنا ، وهى مع أقرب شخص له وصديقة عمره

سمعوا صوتها من الخلف وهى تقول مبتسمة :-
– عندك تأخير ٧ دقائق ياهانم

أرتسمت أبتسامة واسعة على وجه “تالا” وهى تركض نحوها ثم تعانقها بحب وأشتياق وهى تبتسم مُردفة :-
– على فكرة واحشتينى جدا

قالت “نور” وهى تربت على ظهرها بسعادة :-
– وأنتى أكتر ياحبيبتى

أبتعدوا عن بعضهم وأكملت “نور” جملتها وهى تقول :-
– أول ما قرأت الجواب وأنك رجعتى وهتيجي المستشفي ، لبست وجيت على طول ، بسببك أول مشافونى نزلونى شغل وسحبوا الأجازة بس كله يهون عشان خاطرك

قالت “تالا” وهى تنكزها فى ذراعها بعفوية وأبتسامة لا تفارق وجهها :-
– باقي لى ٣ أيام بجيلك المستشفى كل يوم مش موجودة

أبتسمت لها وهى تضحك بصوت مسموع ونظرها على “حسن” وهو ثابت مكانه شارد الذهن تماماً يفكر في عودتها إلي حاضره ثم قالت وعيناها عليه :-
– هخلص شغل الساعة ٧ ،، أنتى قاعدة فين ؟؟

– فى فندق كدة مش كبير على قد فلوسي
قالتها بهدوء فوضعت “نور” يديها فى جيب البلطو الأبيض وأخرجت مفاتيحها وهى تمدهم لها وتقول :-
– خدى ده مفتاح شقتى ، روحى هاتى حاجاتك وأستنينى فى الشقة هخلص شغل وأحصلك

أبتسمت “تالا” بأحراج وهى تنظر للمفتاح وتقول :-
– مش عايزة أثقل عليكى

نكزتها “نور” فى يدها وهى تعطيها المفتاح بالغصب قائلة :-
– أسمعى الكلام أومال يلا

أخذت المفتاح ثم نظرت لـ “حسن” وهى تقول :-
– عن أذنك يادكتور

لم يجيب عليها ، يقف لا يسمع ولا يشعر بشئ حوله ، ذهبت فشعر بيد “نور” على ظهره وهى تقول مبتسمة وتشاكسه بمرح :-
– أيه الحكاية ، أنا بردو قولت الواد حسن ميقولش كلام حلو زى اللى قاله ده غير لو فى حاجة مخبيها عليا

نظر لها بأحراج وهو يضع يديه خلف رأسه قائلاً :-
– مفيش يانور هخبي عليكي يعنى

وضعت يديها الأثنين فى جيب البلطو الأبيض هى تقول بحزن مصطنع :-
-اه ياحسونة بقيت تخبي عليا ، عموماً أعمل في حسابك هعرف كل حاجة فى البريك فاهم

كاد أن يحدثها ويعترض وضعت يديها أمام وجهه تستوقفه قبل أن يتحدث وتمنعه من المعارضة وهى تقول :-
– ممنوع الجدال أو الأعتراض مفهوم ، ده قرار جمهورى من دكتورة نور

أبتسم لمرحها وعودت أبتسامتها ومزاحها معه مرة أخري ، عادت تشاكسه وتأمره كعادتها عادة أحبها بها وأحب جنونها وشقاوتها معه ، ذهبت لزيارة “لطيفة” قبل أن تكمل عملها ، دقت على باب غرفتها وفتحته وأدخلت رأسها فقط من خلف الباب وهى تقول بمرح :-
– ممكن أدخل

نظرت لها بضعف ، وتعب وحالتها تسوء كل يوم عن السابق وأشارت إليها بالدخول

قالت “نور” وهى تدخل مبتسمة تزيح بأبتسامتها قليلاً من التوتر والخوف اللذان يحتلان وجه لطيفة :-
– صباح الخير على عيون الحلوين .. لا ده أحنا النهاردة عال اوووى اللهم ما لا حسد

أبتسمت لها “لطيفة” وهى ترفع يديها بتعب وضعف ، تمسك “نور” يديها وهى تجلس على الكرسي بجانبها فهتفت بلهجة متعبة واهنة قائلة :-
– حصل حاجة .. ومخبيها …عليا صح ..

سألت “نور” وأبتسامتها تتلاشي شيئاً فشئ :-
– ليه بتقولى كدة ؟؟

أجابتها وهى تتنفس الصعداء بصعوبة :-
– أنا بقيت حافظكى أكتر من نفسك .. بتضحكى عشان تخبي اللى جواكي .. بتضحكى عشان تداري ضعفك ..مش عايزة حد يشوفك ضعيفة ويشفق عليكي حتى لو كان أقرب الناس ليكى ، مش عايزة حد يبصلك بصة الشفقة

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى