نوفيلا ملاذي الاخير بقلم نور زيزو

أربت “نور” على يدها بحنان وهى مبتسمة قائلة :-
– مشكلتك أنك أكتر حد فاهمنى ، بس أنا بحاول أعيش وأتعود

– أنك تتعودي حاجة وأنك تحاول تعيشي حاجة ، يعنى مثلاً أنتى عايشة ليه ، مالكيش أى احلام خالص
قالتها بضعف فقهقهت “نور” من الضحك وبدون إرادة تحول الضحك للبكاء وهى تقول بسخرية وأستهزاء من حالة قلبها المجروح :-
– أحلام ايه .. أنا جزء منى عايش على الماضي والذكريات الجميلة ونفسه ترجع ، وجزء تانى عايش على بكرة وبيتمنى يكون أحسن من الماضي ، بس فى النص فى جزء مجروح لا عارف يطول الماضي والذكريات الجميلة ولا عارف يطول بكرة والأمل أنه أجمل ، وفى جميع الحالات عايشة والأيام بتمر سوء بحلوها أو بمرها

سألتها “لطيفة” بهدوء قائلة :-
– يعنى حياتك هتقف من غير الذكريات الجميلة والحب

إجابتها وهى تفكر بعقلها بدلاً من قلبها الممزق وهى تقول :-
– خلينا نكون واقعيين وأن حياة الإنسان مبتقفش على حد ، الحاجة الوحيدة اللي ممكن حياتى تقف عليها ومن غيرها بجد هى الهواء والمياه غيرهم لا

أبتسمت “لطيفة” وهى تسحب يدها من يد “نور” و تخلع خاتمها من خنصرها و تعطيه لها وهى تقول :-
– خلاص يابنتى أصنعي لنفسك ذكريات جميلة جديدة فى الحاضر بعيد عن الماضي وجراحه ، عيشي وأتهنى بشبابك ، أوعي فيوم تخلي حد يصنعلك سعادتك ، لأن سعادتك الحقيقة محدش هيصنعها غيرك ، عيشي كل لحظة فى حياتك على أنها أخر لحظة ،قول للناس اللي بتحبيهم إنك بتحبيهم كل يوم .. كل ساعة .. كل لحظة.. قولي ليهم قد إيه هم مهمين بالنسبالك .. قد إيه ماتقدرش تعيش من غير وجودهم جانبك.. عيشي يابنتى و أوعي تستسلمى للمرض والموت ، قاومي وحاربي ، عافري بجد عشان توصلي للى عاوزه ، لأنه أكيد اللى عاوزه يستاهل .. عافرى حتى لو هتعافر الموت نفسه

وضعت خاتمها فى خنصر “نور” ، نظرت لها بأبتسامة من جمال حديثها ونصيحتها لها ، أنحنت “نور” ووضعت شفتيها على كفها تقبله بأبتسامة من قلبها وقبل أن تبتعد وتترك كفها ، سمعت صوت جهاز القلب يصدر صفارته معلن عن وفأتها ووقوف قلبها عن النبض ، تشنجع جسدها وهى تقبل يدها فى صدمة ، غير قادرة على الحركة من صدمتها ، دخلت الممرضة وخلفها “حسن” وأسرعوا لها ، أبعدها عن “لطيفة” لتفوق من صدمتها وشرودها وتقف بعيداً وهى تنظر عليها

أمسك “حسن” بجهاز صدمات القلب وهو يقول بهلع :-
– أشحنى على ٢٥٠ جول

فعلت الممرضة كما أمر ، تقف تنظر لها و”حسن” يصعق صدرها بجهاز صدمات القلب مرة و أخري ولم يعود النبض ، أبتعد عنها بيأس وحزن وهى يضع الغطاء على وجهها ، فى تلك اللحظة شعرت “نور” بخروج روحها معها وصرخت بقوة وهى تقترب وتدفعه بقوة وهى تبكي بطريقة هستيرية كالطفل الذي فقد أمه للمرة الثانية ، أبعدت الغطاء عنها وهى تضع كفيها فوق قلب “لطيفة” وتضغط بقوة تريد أن يعود النبض مرة أخري
وهى تقول ببكاء وصراخ :-
-لااااا متسبنيش لوحدي أرجوكي … لااااااااا عشان خاطرى أنا بستقوي بيكي ، ماتموتيش وحياتى …. لااااااااا أنا ماليش غيرك

أقترب “حسن” بحزن وهو يتألم لبكاءها وهى تصرخ وتمسك “لطيفة” من كتفيها وتهزها بقوة وتأمرها بضعف وهى تصرخ بأن لا تتركها ، يمسكها وهو يقول :-
– خلاص يانور .. أمر ربنا ونفذ .. ربنا يرحمها

دفعته بقوة وهى غير مصدقة ما يقوله وهى تصرخ به بغضب وتقول :-
-لااا متقولش كدة هى مامتتش هى بتخضنى عليها ..

مسكت هى جهاز صدمات القلب بيديها وصقعت القلب مرة وأخرى وفشلت فى أعادت النبض لقلبها مرة أخري
رد عليها بغضب وهو يريدها أن تعود إلى وعيها وتتقبل ما حدث ويأخذ منها الجهاز ويقول :-
– يانور ماتت

هتفت بغضب بأقوى ما لديها وهى تقول :-
-أنا بكرهك بكرهكم كلكم

أقترب بحزن وشفقة على حالها وهو يضمها له ويحاول قدر الإمكان أن يسيطر على دموعه من أجلها ويقول لها بصوت دافئ وحنان :-
– أدعيلها بالرحمة والمغفرة يانور

أنتفض جسدها بين ذراعيه وهى تبكي وصوت شهقاتها تعلو فى الغرفة وتقول :-
– ليه .. ليه ياحسن … ليه كل اللى بحبهم بيسبونى … ليه كدة هو أنا وحشة اووى كدة عشان يسيبونى

أجابها بحنان وهو يربت على ظهرها وكأنه والد تلك الطفلة الضعيفة تبدو وكأنها هش أى صدمة قد تقتلها وتسقطها ، همس لها بلطف قائلاً :-
– أستغفري ربك يانور ، متكفريش ، ده قدر ربنا ، أنتى عمرك ما كنتى وحشة يانور ده أمر الله

نزلت دموع الممرضة ليست على وفأة تلك العجوزة أنما على بكاء “نور” ، صرخت الممرضة بأسمها حين سقطت من يده فاقدة الوعي :-
– دكتورة نور

••••••••••••••••••••••••••••••••••••

سمعت “نور” صوتها وهى تعيد جملتها ( عيشي يابنتى و أوعي تستسلمى للمرض والموت ، قاومي وحاربي ، عافري بجد عشان توصلي للى عاوزه ، لأنه أكيد اللى عاوزه يستاهل .. عافرى حتى لو هتعافرى الموت نفسه )

فزعت من نومها وهى تنادي بأسمها :-
– ماما لطيفة ..

شعرت بيد دافئة تمسك كفها برفق ، نظرت ووجدت حبيبها يجلس بجانبها على السرير ويمسك يدها ، مُبتسم لها بحزن ، تركت يدها فى كفيه بأستسلام ،فهو أمانها الوحيد ومأواها الذي ما دامت عمر بأكمله تتمناه ، تنظر حولها وتجد نفسها نائمة فى سريرها فى غرفتها داخل شقتها ، أغمضت عيناها بأستسلام للوجع وبدأت دموعها تسقط على الجانبين ، مسك “عمر” منديل ورقي ومسح دموعها بحنان وهو يقول بهدوء :-
– للدرجة دى بتحبيها ، مبطلتيش نطق أسمها وأنتى نايمة

فتحت عيناها ورمقته بنظرها نظرة مليئة بمشاعر مختلطة ، أشتياق ممزوج بالعتاب ، ضعف ، أحتياج ، ألم ، شغف ، حزن ، حب مدفون بداخلها منذ سنوات
قال وهو يربت على كفها مُبتسماً :-
– قومي كدة وجهزى نفسك ، هعملك فطار بأيدي

وكاد أن يقف لتمسك يده بضعف وأحتياج ، ينظر لها بدهشة ويبتسم ، تخجل من فعلتها وتترك يده بأحراج وهى تكذب ما داخلها وتسأله :-
– فطار .. ليه أنا نايمة من أمتى

أبتسم لها بمرح وروحه الخفيفة المعتادة وهو يقول :-
– اااووووووه أنتى كنتى مهاجرة ، بقالك يومين نائمة

قرص خدها بلطف وخرج ، أعتدلت فى جلستها على السرير ووضعت يديها على فمها وهى تتثاءب ، تشعر بخاتم “لطيفة” فى خنصرها ، تنظر له بأشتياق وحزن وتنزل دموعها

وقف “عمر” فى المطبخ يجهز الفطار لها مُبتسماً ، يأتى “حسن” من خلفه وهو يقول مَازحاً :-
-ياخوفي لتخرج دلوقتى تطردك كعادتها ، ويضيع الفطار الجميل ده عليك

ويأكل من البطاطس المقلية ، يضربه عمر على يده بضجر وهو يقول :-
– مالكش فيه ، أطلع منها وهى هتحلو وتتحل بس

خرجت “نور” من غرفتها وهى تتثاءب بكسل ومظهرها فوضوي من النوم ، وجدت تالا جالسة فى الصالة على الأريكة وتلعب بهاتفها ، جلست بجانبها وهى تقول :-
– أنتى كمان هنا

تركت تالا الهاتف وهى تنظر لها بأبتسامة وتقول :-
– أنا مقيمة هنا أنتى نسيتى ولا ايه ، و على فكرة حسن كمان هنا بس فى المطبخ مع عمر

نظرت “نور” لها وعادت برأسها للخلف وأغمضت عيناها وصمتت ، خرج “حسن” وهو يضع الأطباق على السفرة ويذهب تجاههم ويقول بأرتباك :-
– يعنى لو مش هنتعبك تسيبي التلفون ده شوية وتقومى تساعدينا

هتفت “تالا” بأحراج وهى تترك هاتفها وتقف :-
– حاضر

ذهبت نحو السفرة معاه ، خرج “عمر” من المطبخ وهو يحمل الأطباق بيديه ويضعها على السفرة ، يسمع الجميع صوتها الحاد بنبرة جافة وهى تغمض عيناها كما هى قائلة :-
– ممكن تسبونى لوحدى

نظر الجميع لبعضهم بدهشة ثم هتف “حسن” بأستياء قائلاً :-
– مينفعش يانور ، ممكن تتعبى

قالت وهى تقف وتتجه مرة أخرى إلى غرفتها بدون مبالاة :-
– تالا موجودة لو مُت هتكلمك

ودخلت للغرفة بعد أن رمت لهم قنبلة القلق والخوف عليها ، والغضب من تصرفاتها ، نظر “عمر” لــ “حسن” بضيق فقال “حسن” بلهجة حادة وغاضبة منها :-
-أنا ماشي

وخرج وخلفه “عمر” ،دلفت “تالا” إلى غرفتها وهى تقول :-
– مشيوا ممكن أدخل ؟؟

ألتزمت “نور” الصمت كما هى ، دخلت “تالا” وجلست بجانبها على السرير بهدوء وتقول :-
– نور كلنا هنموت ، ده قدر ربنا ومحدش بيهرب منه ، بس بردو منتمناش الموت لأنفسنا ، أنا يمكن أكون أصغر منك ب سنين ، بس ده مش معناه أنى مش فاهمة ، ليه تتمنى الموت لنفسك وفى حد زى عمر بيحبك وكان هيتجنن لما كلمنا وقولنا له اللى حصل

رمقتها بنظرة حادة فهى ضغطت على جرح أخر فى قلبها لم يتوقف عن النزيف أبداً
فأكملت “تالا” حديثها وهى تقول :-
– خديها منى كلمة عمر لا يمكن يكون أتجوز غيرك بمزاجه ورضاه ، اللى حكيتهولى عنه وعن ماضيكم واللى شوفته وهو راكع تحت رجليكى وأنتى نايمة ودعواته أنك تفوقي ، يثبتولى قد أيه هو لسه بيحبك ، الحب أفعال مش كلام

قالت “نور” بهدوء شديد وهى تعقد يديها أمام صدرها :-
– ممكن تقفلى على الموضوع ده

ربتت “تالا” بيديها على قدمها وهى تقف وتقول :-
– عيشي يانور وبلاش اليأس والأستسلام ده للموت

خرجت من الغرفة ، تردد فى أذن نور كلمة ” عيشي ” بصوت “تالا” وبصوت “لطيفة” ، الجميع وكل من حولها يتمنى أن تعيش وهى تتمنى الموت لنفسها ، عادت جملة “لطيفة” تكرر فى أذنها ” عيشي يابنتى و أوعي تستسلمى للمرض والموت ، قاومي وحاربي ، عافري بجد عشان توصلي للى عاوزه ، لأنه أكيد اللى عاوزه يستاهل .. عافرى حتى لو هتعافرى الموت نفسه ”

مر أسبوع بأكمله وهى فى غرفتها لا تتحدث مع أحد ولا تأكل تنقطع عن كل شئ حتى “حسن” ، و “تالا” تسكن معاها فى نفس المنزل ولم تراها …

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى