نوفيلا ملاذي الاخير بقلم نور زيزو

وقفت “تالا” فى المطبخ تجهز الطعام ، تسمع صوت باب غرفتها يفتح خرجت من المطبخ ووجدتها ترتدي بنطلون جينز أسود وقميص نسائي أسود وتستدل شعرها على ظهرها وتضع نظارتها الشمسية فوق رأسها
أبتسمت بسعادة وهى تقول :-
– أنتى خارجة يانور

أجابتها وهى تقف بجوار باب الشقة وترتدي حذاء رياضي أبيض اللون :-
– اه مشوار صغير وراجعة مش هتأخر

وخرجت من الشقة

•••••••••••••••••••••••••••••••••

فى أسكندرية .. ذهب “منصور” للشيخ الصيادين ومعه مبلغ من المال ،رحب بيه شيخ الصيادين وهو يقول :-
– أتفضل ياحاج منصور

– يزيد فضلت يابيه ..
سأله شيخ الصيادين برحب :-
– تحب تشرب أيه ؟؟
أجابه “منصور” وهو يخرج من جيبه بعض الأموال ويمدها له قائلاً :-
– تشكر دايما عامر .. أنا بس كنت جبتلك ألف جنيه من المبلغ

نظر شيخ الصيادين له بأستغراب وهو يسأل :-
– مبلغ أيه ؟؟

رد “منصور” عليه مُبتسماً :-
– اللى كنت واخده سلف من جنابك

قال شيخ الصيادين له :-
– بس أنت بعتلى المبلغ كله مع بنتك

سأله “منصور” بأستغراب قائلاً :-
– بنتى مين ، أنا بنتى الله يرحمها

– بس أنا جتلى واحدة أسمها دكتورة نور ومعاها واحد ودفعوا الفلوس ، قالوا أنك أنت اللى باعتهم
قالها بهدوء فأبتسم “منصور” بسعادة وهو يقهقه من الضحك ويمسك عكازه بيديه ويقف وهو يقول :-
– حتى دى ماسابتهاش

خرج من المكتب وهو يضحك بقوة ويسند على عكازه ، وتمنى الحياة وطول العمر لتلك الدكتورة العاجزة عن علاج قلبها ….

••••••••••••••••••••••••••••••••

أوقفت “نور” سيارتها أمام منزلها القديم ، عادت لدفتر ذكرياتها وشريط الماضي ولحظات الفرح تمر أمامها عابرة فى طريقها ، أما عن لحظات حزنها ليست مجرد عابرة للوهلة ولكنها تعيشها بأتقان ، صعدت إلى شقتها وفتحتها دلفت للداخل وهى تغلق الباب وتنظر للمكان ، لم تدخله منذ أن توفيت أمها ما يقرب إلى ٦ سنوات ، مليئة بالأتربة والغبار وعناكب فى كل زوايا من البيت ، أبعدت الغطاء عن أحد الكراسي وجلست بهدوء وهى تضع شنطتها

********

تجلس “نور” بجانب “زيزى” على السرير وهى تبكي على مرض أمها ، وتقف روحها على حافة الفراق ، يقف “حسن” خلفها بصمت وحزن
هتفت “زيزى” بتعب قائلة :-
– خلى بالك من نور ياحسن

قال وهو يجثي على ركبته ويمسك يدها يطمئنها على طفلتها :-
– متقلقيش نور فى عينى يا أمى

قالت “زيزى” وهى تتنفس الصعداء بصعوبة بالغة وتعانى :-
– نور مالهاش غيرك ، خليك معاها

قالت “نور” وسط بكاءها :-
– ماما أنتى مش هتسبينى صح .. أنا مقدرش أعيش من غيرك

أبتسمت رغم مرضها وهى تضع يديها قرب وجه نور وتقول :-
– لازم تعيشي ياحبيبتى وتبقي دكتورة قد الدنيا كلها ، وتحققي حلمك .. متزعليش يانور ده قدر ربنا ياحبيبتى ، وأنا عمرى ما هحب حد ولا هخاف على حد قدك أنا أمك يانور ، أنت اللى حته منى مش أنا اللى حته منك …. حسن نور أمانة معاك ……..

وسقطت يديها بجانبها ، وفارقت روحها جسدها بسلام لتعود إلى خالقها

***********

سقطت دمعة هاربة من جفنيها ومسحتها بأناملها وهى تقول بصوت مسموع :-
– حسن صان الأمانة ياماما .. وحققت حلمي وبقيت دكتورة يازوزو … تفتكرى لسه فى حاجة أعيش عشانها

••••••••••••••••••••••••••••••••••

يجلس “حسن” و”تالا” فى الصالون فى شقة “نور” ويقف “عمر” بقلق وخوف من أن تفعل بنفسها شئ ، ظل يتحرك أمامهما ذهاباً وإياباً
صاح “حسن” بتذمر وهو يشير له :-
– يابنى أقعد بقا خيلتنا معاك

سأل “عمر” وهو يقف ثابتاً أمامهم :-
– تفتكروا اتأخرت ليه

أجابت “تالا” عليه وهى تنظر لهما بقلق :-
– معرفش وهى خارجة الصبح قالت مشوار صغير وراجعة لكن مقالتش فين

وقف “عمر” وقلقه يزيد مع تأخر الوقت وهو يقول :-
– أنا هروح أدور عليها

وأتجه نحو باب الشقة ، دخلت من الباب ورأته أمامها أغلقت الباب بصمت ثم قالت بهدوء تام جداً وهى تضع الشنطة على الترابيزة :-
-مساء الخير

رد عليها “حسن” بضجر وهو يقف :-
– مساء النور ياست نور .. كنتى فين ؟؟

ردت عليه بأستغراب وهى تنظر له قائلة :-
– أول مرة تقولى كنتى فين

أجابها بحدة وقسوة وهو يقف :-
-أول مرة الهانم تخرج من غير ما تقول هى راحة فين ، أنا ماشي

وقف وهى يمر من جانبها غاضباً من تصرفاتها فتمسك يده وتوقفه وهى تنظر له ببراءتها وهدوءها وهى تقول :-
– حسن متزعلش أنا مقصودش أزعلك

لم يجيب عليها ويبعد نظره عنها ، قالت بأسلوب طفولى وهى تمسك فى ذراعه كالطفلة الصغيرة ببراءة تحتل وجهها :-
– ياحسن متزعلش مش هقول كدة تانى أبداً

نظر لها وهو يخفي أبتسامته من طريقتها وقال :-
– مش هتقولى بس هتعملى

تبسمت له بطفولية وهى تتشبث بذراعه بكلتا يديها :-
– لا مش هعمل ومش هقول كلمة موت دى تانى

– لو عايزة تصالحنى يبقي توافقي على العملية
رمقها بجدية ثم قالها فتركت يديه بعصبية وهى تقول :-
– لا ياحسن وهتصالحنى غصب عنك

وأستدارت لكي تدخل إلى غرفتها ، وجدته يقف كما هو ينظر عليها ، تقابلت عيناهم معاً فى صمت وهدوء ولكن بداخل كلا منهما عاصفة قوية فقطعت “تالا” تلك النظرات بمرح وهى تقول :-
– نحضر العشاء بقا ، أقعدوا أتعشوا معا

ردت عليها وهى تنظر لها وتبعد نظرها عنه هاربة منه خوفاً من أن تضعف لحبه ويسقط قناع القسوة التى تصطنعه أمامه :-
– أنا هغير هدومى

ودخلت إلى غرفتها ،أقتربت “تالا” من “حسن” بتساؤل وهى تنكزه فى ذراعه وتسأل :-
– هى رضيت تتعشوا معا ، وهى كمان هتأكل
أجابها مُبتسماً وينظر لها بسبب قربها منه :-
– خليكى أرغى لحد ما تخرج وتقول مش واكلة .. أجري شوفي العشاء

أجابته بضجر وهى تذهب من جانبه :-
-أنا غلطانة أني أتكلمت معاك

تجلس “نور” فى غرفتها وهى تضع يديها فى شنطتها وتخرج منها ورقة فتحتها وتأملت المكتوب بداخلها بصمت
•• قرأت مرة جملة بتقول (إذا كنت تُحبهآ أحفظ حق ذلكَ الحُب بميثآقٍ غليظ ، وشهآدة إثنين وخآتم يُزيَن إصبعهآ ، فـ لا وجوُد لحُب صآدق دون زواجٍ يكتمل …. ) مفهمتهاش وقتها ، لكن لما قابلتك فهمتها جداً .. أوعدك أعمل كل حاجة لتحقيقها ، أوعدك أنى سأضع يوماً ما دبلتى فى يديكى حبيبتى … عاشقك المجنون عمر ••

أبتسمت بسخرية على تلك الكلمات والوعد الذى لا يتحقق حتى الآن ..
فتحت أحد إدراج مكتبها وأخرجت أجندتها ووضعت بها الورقة ، غيرت ملابسها وخرجت لهم وجدتهما يجهزا الطعام معا ويجلس “عمر” فى الصالون ، تنهدت بقوة وجلست على الأريكة بهدوء ، نظر لها بهيام وحب وهى تجلس بجواره تتحاشي النظر له بخجل ، توردت وجنتها بالدم كعادتها منذ الصغر ، أبتسم وهو ينظر لها ، يقف من كرسيه ويجلس بجوارها على الأريكة ، شعرت به وهو يجلس ولكنها تحلت بالشجاعة وحاولت السيطرة على أضطرابات قلبها فرغم كل شئ ورغم كل ما يحدث فمازال قلبها ينبض بأسمه ومازالت هى القلب وهو النبض

هتف وهو ينظر لها بقصد مشاكستها لكى ينال رؤية البسمة على شفتيها وفى عيناها قائلاً :-
– مش هتقوليلى كنتى فين ؟؟

نظرت له ببرود قلب منكسر بسببه وقالت :-
– معتقدش أنه يخصك

شعر بأحراج من حديثها وقال بهدوء :-
– من أمتى و هو ميخصنيش ، طول عمرك تخصينى يانور

رمقته بنظرة حادة وقالت ساخرة :-
-ده كان زمان ، وكان فعل ماضي ، يعنى ماضي

قال وهو يمسك يديها بين يديه بحنان :-
– أنتى ليه مصرة تبعدينى عنك يانور ، ليه مصرة تقتلى كل أحلامنا وحبنا ، ليه عايزة تعيشي فى الماضي وتسيبي الحاضر

هتفت بهدوء وثقة مزيفة تخفي خلفها ضعف و خوف وهى تسحب يديها من يديه قائلة :-
– عشان اللى مالوش ماضي مالوش حاضر ، وأنت اللى سيبتنى ومشيت وأتجوزت غيري وخنت كل الوعود وكسرت قلب قاعد هنا مستنيك ، أنت اللى أتنازلت عنى مش أنا

رد عليها بثقة أكبر وهو مُصر على أسر قلبها وعقلها من جديد في شباك حبه :-
– بس لو فضلت عايشة فى ضلمة الماضي هتلاقي حاضرك بردو ضلمة ، ليه تفضلى دافنة نفسك فى ضلمة الماضي

أجابته مُتحاشية النظر له وتنظر للجهه الآخرى :-
– الضلمة دى أنت اللى عملتها

وقفت “تالا” تضع الطعام فى الأطباق و”حسن” يقف لها على باب المطبخ قال مبتسماً :-
– مش كفاية كدة أحنا مش هنأكل كل ده

أبتسمت وهى تكمل ما تفعل وتقول :-
– بألف هنا وشفاء يادكتور

هتف وهو يعقد ذراعيه أمام صدره مُتذمراً قائلاً :-
– أسمي حسن مش دكتور على فكرة

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى