رواية زواج لرد جميل بقلم سماح سامح

سعد لرجاله: فوقولي الكلب ده
أحد الرجال : حاضر يا سعد باشا
ثم أشار إلي زميله قائلا: مندور هات جردل الميه من عندك وطسه في وشه
مندور: حاضر يا ريس عزام
جاء مندور بدلو الماء وقام بسكبه دفعه واحده في وجه شهاب الذي شهق فزعا وبدأ يرفع رأسه ليتأمل الموجودين حوله وعندما وقعت عينيه علي سعد أستغاث به صارخا
شهاب بأعياء : عمي الحقني المجرمين دول خطفوني وأجبروني أشم هيرويين أرجوك أنقذني من أيديهم
سعد بقسوة بعد أن جلس علي مقعد ووضع قدم علي قدم: دول رجالتي وأنا اللي أمرتهم يخطـ،ـفوك ويشـ،ـمموك هيـ،ـروين وكـ،ـوكايين لغاية ما تمـ،ـوت زي كارلا ما ماتت بالظبط
شهاب وهو يبتلع ريقه بخوف: ليه يا عمي وأنا ذنبي أيه مش كفايا أني أتحرمت من مراتي وأبني اللي لسه مشافش الدنيا
سعد: تصدق أنك ممثل خايب قوي
شهاب: أنا يا عمي
سعد: أه أنت يا فاشل يا حرامي أنت السبب في أن بنتي تد,من وانت اللي كنت بتجيب ليها القرف ده تشمه أيه فاكرني مش هعرف وحياة حـ،ـرقة قلبي علي بنتي اخليك تتمني المـ،ـوت ومطلوش يا كلـ،ـب يا حقـ،ـير يا وصولي
شهاب ببكاء: ارحمني يا سعد بيه أرجوك ارحمني
سعد بغضب: وأنت مرحمتش كارلا ليه لما سحبتها لطريق الد.مار والموـ،ـت أطلب الرحمه من ربنا متطلبهاش مني
شهاب: واللهي ندمت جدا أنا حبيت كارلا ومن يوم ما أتجوزتها وأنا منعت عنها المخـ،ـدرات وحاولت معاها كتير عشان تبطل بس هي مسمعتش كلامي وكانت بتجيب من بره من صحابها في الجامعة
سعد: بعد أيه بعد ما خلاص تدمرت وبقت متقدرش تبعد عن الزفت ده لو حبيتها بجد كنت خدتها من ايدها وودتها مصحه تتعالج فيها بس أنت خوفت لأنا أعرف وأطردك من النعمه اللي بقيت فيها
شهاب ببكاء: ياريتني قولتلك ومسبتهاش تضيع مننا
سعد بجمود الرجاله: خد جرعة النهارده ولا لسه
عزام: خد الصبح جرعه وكل جرعه بتزيد عن اللي قبلها يا باشا
سعد: أدوله واحده تانيه دلوقتي عايز علي أخر الأسبوع أسمع خبر مـ،ـوته وبعد ما يمـ،ـوت أرموا جـ،ـثته في أي خرابه عايزها تبان أنه مدمن ومات بجرعه زياده فاهمين
عزام: فاهمين يا باشا وكله هيتم زي ما أنا عايز وأن شاءالله تسمع خبر وفـ،ـاة اخر الأسبوع
شهاب لسعد وهو يغادر خارج المستودع: أرحمني يا سعد بيه أنا واللهي حبيتها وكنت عاوزها تبطل أرحمني ابـ،ـوس رجليك ارحمني
غادر سعد المستودع المهجور الذي يحتجز فيه شهاب بدون أي كلمة
في مجموعة الأسيوطي في مكتب أحمد وعمرو يجلس معه
عمرو: قولي يا أحمد أنت مش ناوي ترجع لوچين تاني
أحمد مستغربا: بتسأل ليه جيبلها عريس ولا أيه
عمرو: وأجيب عريس ليه وأنا موجود
أحمد: نعم بتقول ايه
عمرو: بصراحه لوچين مزه كدا من الأخر جميله ومحجبه ومحترمه وأي حد يتمني بنت زيها فا انا بصراحة معجب بيها ولو أنت مش هترجعها أنا هتجوزها
أحمد بغضب: عمرو لو فتحت الموضوع ده تاني أنا هنهي كل الي بينا في لحظه فاهم
عمرو: ليه لسه بتحبها وهترجعها ولا هتحرم عليها الجواز بعدك أنا بسألك بس عشان مجيش علي حق صاحبي
أحمد: مش هرجعها وهي مش هتوافق
عمرو: وانت عرفت منين أنها مش هتوافق ولا أنت بتاخد القرار بدل منها
أحمد بغضب: لأ مبخدش قرار بدل من حد وأسألها وانت هتعرف أنها مش موافقه
عمرو : قبل ما أسألها أنت عايزها وهترجعها تاني ولا لأ
أحمد: وانا مش هقول قراري غير بعد هي ما تقول رأيها
عمرو: طيب أحنا نبعت نجبها هنا وهي تقول رأيها.
أحمد بغيظ: عمرو أنت بتتكلم جد
عمرو : الموضوع ده مفيهوش هزار .
.الحلقة 25
الحلقة 26
.
.
رواية / زواج لرد الجميل
علقوا هنا ب 10 ملصقات
????????????????????????????????????????????????????????????
الحلقة 25
.
الجزء الخامس والعشرون
في ساحل سليم في مجلس فاروق الأسيوطي يجلس زين وعمار مع والديهما يتسامرون في أمور حياتهم
زين: عمي مجدي كويس يا بوي كل أما أدوق علي تليفونه الاقيه مقفول هو غير رقمه ولا أيه
فاروق: عمك مجدي مش في مصر مسافر أنچلترا يخلص صفقه مهمه قوي
زين : وأنت عرفت منين يا بوي
فاروق: مكلمني أمبارح علي تلفوني وكنت قلقان عليه قوي بس الحمدلله طمني
عمار: وچين عمله ايه مع چوزها يا بوي
فاروق : الحمدلله كويسه قوي
عمار: أني وزين نزلين مصر كمان شهر أن شاءالله عشان عندينا معاد مع مصنع اللحوم اللي بنورد له العچول عشان زيادة السعر ولما نخلص نروحوا ليها نزروها ونخدوا ليها شوية حاچات أمعانا
فاروق بتوتر: ملهاش عازه قضوا مصالحكم وتاچو علي طول وأني وأمكم هنروح ليها نزروها
زين: ومنروحش ليها ليه يا بوي دي متچوزه داخله علي ٦شهور ومروحناش ليها واصل بعد الصباحية عاوز چوزها يقول علينا أيه
فاروق: مش هيقول حاچه والكلمه اللي أقولها مش عايز أتنيها الأرض والمزارع أهنه مبتمشيش من غيركم تاچم علي طول وأني وأمكم اللي هنروح نزورها فاهمين
زين بشك ولكنه صمت حتي يعرف ما في الأمر: فاهمين يا بوي
فاروق في نفسه : عاوزين يروحوا ليها وزين لو عرف أن لوچين أطلقت بعد شهر مش بعيد يطخها بالنـ،ـار يا يطخ أحمد ربنا يسترها عاد
جلس عمرو في مكتب أحمد مصرا علي أستدعاء لوچين لكي يفاتحها في الأمر اغتاظ أحمد منه كثيرا لإصراره علي ذلك ولكنه نفذ له ما يريد وأرسل سكيرترته في طلب لوچين وجلس ينظر بتحدي لعمرو
طرقت لوچين الباب ثم دخلت لتجدهما معا
لوچين : السلام عليكم ورحمه الله وبركاته
أحمد وعمرو معا: وعليكم السلام ورحمه الله وبركاته
أحمد : أتفضلي أقعدي يا لوچين
لوچين بعد أن جلست: خير في حاجه
عمرو: هتكلم ولا أتكلم أنا
أحمد: أتفضل أتكلم
عمرو وهو يأخذ نفسا طويل: بصراحه كدا ومن غير مقدمات أنا كنت عايز أتقدملك ولو عمي هنا كنت روحتله
لوچين بخجل : أنت بتقول ايه
ثم نظرت الى أحمد تستنبط رد فعله لكنها وجدت تعابير وجهه لا تنم عن شئ
عمرو: أنا معجب بيكي ويشرفني أنك تبقي مراتي علي سنة الله ورسوله
لوچين لأحمد: وأنت رأيك أيه يا باشمهندس أحمد
أحمد: الرأي رأيك دي حياتك وأنتي حره فيها
لوچين بحزن: عندك حق دي حياتي وأنا حره فيها صح
عمرو: قولتي ايه يا مدام لوچين
لوچين بغصه: ممكن تديني وقت أفكر وأبقي أرد عليك
عمرو بأمل: مفيش مانع تحبي وقت قد ايه
لوچين بحزن: أول ما أخد قرار هبلغك
ثم أستأذنت لوچين وخرجت من الغرفة وهي تبكي فهي مازال مـ،ـوت كارلا وريما يؤثرا عليها دخلت مكتبها وأغلقت الباب ووقفت خلفه تبكي حظها العاثر
عمرو لأحمد: كدا بقي تقدر تقولي رأيك أهوه ملكش حجه هي مش رفضت وقالت هتفكر يعني ممكن توافق عليا صح
نظر أحمد له بضيق ولم يعقب علي كلامه ثم أخذ سلسلة مفاتيحه وهاتفه وترك له المكتب وغادر الشركة كلها دون أن ينطق حرفا
عمرو بضحك: هههههههه أنت لسه شوفت حاجه يا أحمد بتحبها وهتمـ،ـوت عليها وعامل نفسك تقيل أن ما خليتك ترجعها من الصبح مبقاش أنا عمرو جوهر محدش حس بيك ولا بوجعك قدي ياريت تسامحني لما تعرف أنا عملت كدا ليه بس فعلا حرام حب زي حبكم يضيع لمجرد كلمتين تقالوا ساعة غضب
جاء شرطيا الي منزل عبدالسلام شاهين طارقا باب منزله فتح عبدالسلام الباب له
عبدالسلام: خير يا حضرة في حاجه
الشرطي: ده منزل الاستاذ عبدالسلام شاهين
عبدالسلام: ايوه ده بيته وانا عبدالسلام
الشرطي: حضرتك مطلوب في القسم
عبدالسلام: ليه في ايه حصل عشان تطلبوني
الشرطي : معرفش كتير بس الموضوع يخص أبنك شهاب
عبدالسلام بغضب: ويا تري الفاشل ده عمل ايه ما هو أنا مش بيجيلي من وراه غير تعب القلب
الشرطي: معرفش لما تيجي القسم هتعرف يلا بينا عشان حضرت الظابط منتظرنا
عبدالسلام: هلبـ،ـس بس لبـ،ـس خروج وأجي
ذهب عبدالسلام مع الشرطي الي القسم الشرطة وقابل الضابط الذي يريده
عبدالسلام: خير يا باشا في أيه
الضابط: ممكن تتفضل تيجي معايا مشوار صغير
عبدالسلام بخوف: مشوار ايه يا باشا ممكن أعرف
الضابط: أحنا لقينا جـ،ـثة في خرابه وفتشنها لقينا بطاقة أبن حضرتك فيها ولازم تيجي معايا المشـ،ـرحه عشان تتعرف عليها
عبدالسلام بعد أن وقع علي مقعده: أنت بتقول ايه أبني مـ،ـات ازاي
الضابط: حضرتك لازم تتماسك واحتمال ميكنش أبنك فا لازم تيجي تتعرف عليه
عبدالسلام بعد عدة محاولات وقوف وقف بمساعدة الضابط والشرطي ثم أخذه الضابط في سيارة الشرطة متوجها إلي المشرحه وبعد وصولهما أخذه الضابط الي ثلاجة المـ،ـوتى وبعد المعاينه تعرف عبدالسلام عليه وأنهار أرضا يبكي ولده الوحيد ويندب حظه وهو يتذكر ما أقترفته يداه من ظلم وافتراء وأخذ رشاوي بغير وجه حق لطم علي رأسه وهو يكاد يمـ،ـوت حزنا وندما وقهرا وبعد المعاينة أخذه الضابط خارجا
عبدالسلام ببكاء: هو مات طبيعي ولا مقـ،ـتول
الضابط بأسف: تقرير الطبيب الشرعي طلع المـ،ـوت نتيجة أستنشاق جرعة هـ،ـيروين زياده أدت لهبوط في الدورة الد..موية وترتب عليها توقف القلب البقاء لله يا أستاذ عبدالسلام
عبدالسلام بحسرة وندم: البقاء والدوام لله وحده أن لله وان اليه راجعون ربنا يغفر لينا ويسامحنا علي ذنوبنا
ضاق أحمد ذرعا بكل شئ وبعد أن ظل يدور بسيارته فتره طويله وجد نفسه يتوجه لمنزل والدته فهو كلما ضاقت به الحياه ذهب إلي هناك يستنشق رائحة حب والدته لكي يتغلب علي متاعب حياته فتح الباب ودخل وجد المكان نظيفا فهو يوصي عائشة جارته أن تجلب من تنظفه بأستمرار لكي يبقي نظيفا دائما اغلق الباب خلفه ودخل الي الصاله ووقف ينظر إلي صورة والديه معا وهو يترحم عليهما هلع أحمد عندما أستمع الي شهقات بكاء تأتي من غرفته مشي بطيئا وهو حذر ووقف ينظر إلي أغرب مشهد تراه عيناه فكيف يحصل ذلك لوچين في فراشه وهي تبكي يقسم في نفسه أنه لا يصدق عينيه
أحمد وضـ،ـربات قلبه تعلو: لوچين
فزعت لوچين تعتدل في جلستها وهي تنظر إليه بعتب
أقترب أحمد منها ووقف أمامها: أنتي جيتي هنا ازاي وعرفتي البيت هنا منين
لوچين ببكاء: أنت اللي قولتلي العنوان لما كنا متجوزين نسيت ولا ايه
أحمد متذكرا: ودخلتي أزاي وجبتي المفتاح منين أنا فاكر أني مش أديته ليكي
لوچين وهي تمسح دموعها ووقفت وهي تهم بالمغادرة: طنط عائشة هي اللي بتفتحلي الباب بالمفتاح اللي معها
أمسك أحمد يديها وسحبها يوقفها أمامه: جيتي قبل كدا
لوچين وهي تهز رأسها بالموافقة: أه جيت اربع مرات قبل كدا
أحمد: ليه
لوچين وعينيها تلمع بالبكاء: كل ما كنت بتوحشني أو بتقسي عليا كنت باجي هنا أشم ريحتك وأنام في سـ،ـريرك عشان أحس أنك معايا وحواليا
أحمد وهو يمسح دموعها: ودلوقتي جايه عشان وحشتك ولا عشان قسيت عليكي
لوچين ببكاء: لاتنين
أحمد محتضنا إياها بقوة: حقك عليا أسف
لوچين وهي تشدد من أحتضانه: أنت قسيت عليا قوي يا أحمد أنا عارفة أني غلطانه بس واللهي كنت غبيه لما سمعت كلام ناس مقدرش أقول عليهم حاجه دلوقتي غير ربنا يرحمهم عشان هما في ذمة ربنا
أحمد متطلعا في عينيها: ششششش خلاص متقوليش حاجه سبيني أحبك زي زمان فاكرة
لوچين بخجل ووجه صار مثل الكرزه : أحمد مينفعش أحنا مطلقين والعدة بتاعتنا خلصت
لكن احمد لم يمهلها لكي تعترض التهم ثغرها في قبلة طويلة جعلها تذوب بين يديه مثل قطعة الشيكولاتة عندما تذوب بالفم أستسلمت له لوچين فهي فقدت جميع دفاعاتها وحصونها أمامه وحملها أحمد الي فراشه لكي يذكرها بحبه لها وبعد فتره طويله نام أحمد ولوچين بحـ،ـضنه وهو يداعب خصلات شعرها
أحمد: بس قوليلي يا چين أنتي عرفتي طنط عائشة أولي وهي مقلتليش ليه انك كنتي بتيجي هنا
لوچين بأبتسامة: أصلي حلفتها متقولكش وأنا عرفتها بقي لما سمعتك مرة في التليفون وانت بتكلمها وسمعتك وأنت بتقول ليها تجيب حد ينضف الشـ،ـقه وتفتح لها بالمفتاح اللي معاها فأنا جيت ليها هنا اول مره وهي عرفتني عشان حاضرت فرحنا
أحمد: ممممم قولتيلي أه أستني عشان حسابك تقل معايا قوي ولازم أخلصه منك دلوقتي أنتي أزاي تردي علي عمرو وتقوليلو هفكر
لوچين بغيظ وهي تضـ،ـربه برفق في صدره : آمال كنت عاوزني أقوله ايه وانت بتقولي دي حياتك وأنتي حره فيها
أحمد وهو يقرصها في خدها برفق: قولي ليه مش موافقه عشان مقدرش أكون غير لحبيبي وبس
لوچين بهيام : ومين هو حبيبي
أحمد برغبه : مش عارفه مين ولا تحبي أعرفك بطريقتي
لوچين بندم: أحمد أحنا لازم نرجع لبعض اللي حصل بينا ده حرام
أحمد: وهو يقبلها طبعا لازم نرجع عشان أنا مش هقبل علي مراتي حبيبتي أنها تحس بندم ولا بذنب ثم التهم ثغرها بحب يزيدها من حبه اكثر واكثر
بعد فترة تململت لوچين بفراشها فتحت عينيها ونظرت حولها لتجد نفسها وحيدة بالفراش ظنت أن أحمد بالحمام قامت تلتقط ملابسها ترتديها وبحثت عن أحمد بالشـ،ـقه لكنها لم تجده مسكت هاتفها تتصل به لكنه في بادئ الأمر لم يجيب عليها عاودت الاتصال لكنه قطع الأتصال عليها غضبت لوچين كثيرا عاودت الاتصال مرة ثالثة
فا أجاب عليها أحمد
لوچين بغضب: أنت فين يا أحمد
أحمد : أسف يا لوچين مش فاضي دلوقتي شويه كدا وهبقي أكلمك بعدين ثم أغلق بوجهها
لوچين بحزن: هو ماله كدا وبعدين أيه مش فاضي ده هيكون وراه أيه الشغل في الشركة ومعاده عدي هيكون وراه أيه يعني يمكن بيمر علي المواقع اللي تحت الانشاء طب عادي يعني مكلمنيش ليه ولا قالي قبل ما يمشي أيه اللي هيكون هناك منعه أنه يكلمني أه أكيد مع الزفته اللي أسمها ليلي ايه ده معقوله دي لأ أحمد أخلاقه مش كده أاااااه يارب صبرني ومقـ،ـتلهاش واقـ،ـتله
رجعت لوچين الي منزل منيرة وجدتها تجلس تشاهد التلفاز ألقت عليها لوچين السلام
لوچين وهي تنام علي الأريكة وتضع رأسها علي رجل منيرة : السلام عليكم ورحمه الله وبركاته
منيرة وهي تمسد علي رأسها: وعليكم السلام ورحمه الله وبركاته مالك يا قمر شكلك مضايق في ايه
لوچين وهي تغمض عينيها: مفيش يا داده تعبانه من الشغل شوية
منيرة: ربنا يقدرك ويوفقك يارب وتقدروا ترجعوا كل حاجه قبل رجوع مجدي بيه
لوچين يتمني: يارب يا داده نقدر علي كدا
منيرة: هو مجدي بيه مش هيرجع بقي أتأخر قوي ده بقاله فوق التلات شهور
لوچين: عملية بابي صعبه يا داده وبابي ساب نفسه لما حالته ساءت الحمدلله أن بابا قام منها الدكتور كان متوقع نسبة نجاح ٥٪ بس أنا كنت مرعوبه عليه والحمدلله قوي هو طمني أمبارح الدكتور قاله أنه خلاص تخطي مرحلة الخطر بس هو في فترة نقاهه دلوقتي والفترة دي اهم من فترة العلاج لازم يبعد عن التواتر والعصبية
منيرة: أذا كان كدا خليه هناك أحسن لما الحال يتظبط اصله لو جه وشاف وضع الشركه كدا ممكن يتعب وأحنا مش ناقصين ربنا يتم شفاه علي خير
لوچين: أنا أمبارح وأنا بكلمه طمنته وقولتلك أن كل شئ تمام عشان ميستعجلش علي النزول وخلي بالك يا داده أنا مقولتلوش علي حكاية رهن القصر وهو فاهم أننا عايشين هناك لسه
منيرة: كويس أنك قولتلي عشان أبقي أخد بالي لو كلمني
لوچين: أنا هقوم أنام جسمي مكسر وتعبانه قوي
منيرة: مش هتتغدي قبل ما تنامي
لوچين: لأ هبقي أكل لما أقوم
مر أسبوعين علي لقاء أحمد بالوچين في منزل والدته شعرت لوچين خلال الأسبوعين بتجاهل أحمد لها وخاصه أثناء تواجدها بالشركة فهي تقريبا لم تعد تراه يأتي لتوقيع الأوراق اللازمة لأمضاءة ويغادر مسرعا قبل أن تراه أحست لوچين أنه يتهرب منها هي لا تنكر أن الشركة دخلت مناقصات وجاءت لها عدة مشروعات وقريتين سياحية واحده في الساحل وواحده بمرسي مطروح وأصبحت المسئولية مضاعفه علي أحمد وعمرو وليلي كونهم مهندسين مسئولين عن تشييد المباني والمنشآت تقريبا أصبحوا كا الدائرين في دائرة ليس لها أخر ولا يقفون ولكنها لا تريد منه سوي خمس دقائق فقط يردها الي عصمته فرت دمعه من عينها مساحتها فورا وقررت بينها وبين نفسها أن تتوقف عن الاتصال به وأن كان يريدها كما أظهر لها في أخر لقاء بينهم عليه أن يتصل بها هو .
.
????????????????????????????????????????????????????????????
الحلقة 26
.
الجزء السادس والعشرون
في ساحل سليم بمنزل الحاج فاروق الأسيوطي يقف زين وعمار مع والدهم يودعانه قبل ذهابهما الي القاهرة من أجل الاتفاق مع مصنع اللحوم علي الأسعار الجديدة التي حددوها مسبقاً
زين: معوزشي حاچه من مصر يا بوي
فاروق: لاه يا زين يا ولدي عاوز سلامتكم بس وعاود أنت وخوك ليا بسرعة
زين : أن شاءالله نخلصوا وناچي طوالي
عمار: متقلقشي علينا يا بوي هو أحنا لسه عيال أصغيرين أحنا رچاله بشنبات
فاروق: ولو بقيتم چدود هتفضلوا بالنسبالي أطفال أصغيرين
عمار: ربنا يخليك لينا يا بوي
زين: ربنا أيطول في عمرك وتشوف عيال عيالنا أنت وأمي
فاروق: ربنا يخليكم ليا ويطرح فيكم البركة
رحل زين وعمار الي القاهرة لأتمام صفقتهم
بعد قرار الذي أتخذته لوچين بعدم الأتصال بأحمد وهي بقيت فعلا علي موقفها ولكنها كانت تتوقع أن أمتنعت هي عن الأتصال سيسرع هو للأتصال بها لكنه خيب ظنها ولم يفكر في مكالمتها ولاحظت أختفائة وعدم تواجده في الشركة وعندما سألت عمرو عليه بحجة أنها تريده يوقع علي بعض الأوراق أخبرها بأنه في مهمه للشركة خارج مصر ومر أسبوعان ولم يرجع إلى الأن تأكدت لوچين أن أحمد ندم علي ما حدث بينهما والدليل هروبه منها دائما فرت دموعها شلال علي تفريطها في نفسها فهي من رخصت له واغضبت ربها بتفريطها في نفسها فهي كانت لابد أن تصده وتمنع ذلك الخطأ الفادح التي وقعت به رفعت وجهها الي الله تدعوه
لوچين وهي ترفع يدها بالدعاء : يارب سامحني علي خطئ وأغفرلي يارب أنا ندمت وتوبت ليك مليش غيرك يا الله أنت أرحم عليا من أمي وأبويا والدنيا كلها
وصل زين وعمار الي القاهرة وبعد انتهائهما من مهمتهما في مصنع اللحوم أراد عمار الرجوع إلي أسيوط مره أخري بناء علي رغبة أبيه لكن زين رفض ذلك فهو يعلم أن والده يخبئ عليه شئ يخص عمه ولوچين قاد زين سيارته متوجها إلي قصر عمه وبعد وصوله وجد البوابه الرئيسيه مغلقه ولا يوجد أحد واقفا عليها كما أعتاد نزل من السيارة وتوجه ناحية البوابة وأخذ يدق عليها لحقه عمار ووقف بجانبه فتحت البوابه وخرج منها جمال الحارس الذي عينه مجدي
جمال: أهلا وسهلا يا زين بيه
زين: في ايه يا چمال البوابه مقفوله ليه وانت وعلاء موقفينش في مكانكم ليه
جمال بأسف: أنت متعرفش أن القصر مرهون وأحنا واقفين حراسه عليه بأمر من الباشمهندس أحمد
زين: بتقول ايه أنت أتخبلت ولا أيه وعمي يعرف بالكلام ده
جمال: أنا معرفش حاجه عن مجدي بيه من ساعة ما راح يعمل العمليه في انجلترا
عمار: عملية ايه هو مش رايح في مهمه الشركه
جمال باضطراب: أنا معرفش غير أن مجدي بيه راح يعمل عمليه
زين: ولوچين بت عمي عارفه بكل ده
جمال: طبعا يا زين بيه ما هي دلوقتي قاعده عند الداداة بتاعتها الست منيره في شبرا
عمار: ومش قاعده مع أحمد ليه
جمال بحسن نيه: هتقعد عنده أزاي وهما منفصلين
زين بحده: بتقول ايه أحمد ولوچين منفصلين أطلقوا يعني
جمال بتوتر: هو حضراتكم متعرفوش
زين بغضب:الظاهر أننا منعرفشي حاچات كتير قوي ويا تري الشركة بتاعت عمي حوصل فيها ايه
جمال: لأ الشركة زي ما هي والباشمهندس أحمد ولوچين هانم شغالين فيها عشان يرفعوا حجز البنك عنها
عمار وهو يضـ،ـرب رأسه برفق: كل ده عمي فيه واحنا منعرفشي وبت عمي قاعد عند الداده بتاعتها عشان ملقياش مكان تقعد فيه بعد جوزها ما طلقها وبيت أبوها أترهن هو أيه اللي حوصل في الدنيا يام الدنيا لهتنا لدرجادي
زين: تعالي يا عمار نروحوا نشوفوا لوچين عامله كيف وأيه اللي حوصل بالظبط
بعد أنتهاء دوام العمل بالشركة أخذت لوچين حقيبتها وغادرت الشركة لتتفاجئ بزين وعمار أمامها ينزلان من سيارتهما وقفت في مكانها برهبه من زين
زين بغلظه: أيه اللي سمعناه ده يا بت عمي صحيح قصر مجدي الأسيوطي أترهن والبنك حاچز علي الشركة كمان وصح أنك أطلقتي من أحمد كل ده يحصل وأحنا معرفينش ليه عمك وولاد عمك مش موجودين كيف ده يوحصل ومتعرفيناش ليه
لوچين بخوف: أاااا أنا كنت عاوزه أقولكم بس محبتش ازعجكم
زين بغضب هادر: أزعاچ أنتي أتچنيتي عاد تروحي تقعدي عند الداده بتاعتك واحنا موچودين وتقوليلي أزعاچ فوتي قدامي خليني أفهم منك أيه اللي حوصل بالظبط
عمار شادا علي يد زين: أهدي يا زين مش أكده وهي هتقول لينا على كل شيء
زين: حاضر يا عمار هاهدي كيف ما بتقول خلينا نفهموا يلا أركبوا العربيه خلينا نشوف حته نقعدوا فيها
صعد ثلاثتهم السيارة وتحرك بها زين الي مكان يجلسون فيه رن هاتف زين برقم أبيه أجاب زين عليه
زين: السلام عليكم ورحمه الله وبركاته يا بوي فاروق: وعليكم السلام ورحمه الله وبركاته خلصتم يا زين
زين: أيوه يا بوي خلصت أنت كنت عارف باللي حوصل لعمي يا بوي ومتقوليش
فاروق: وهو أيه اللي حوصل لعمك يا زين
زين: عمي راح أنچلترا يعمل عمليه في القلب وشركتة البنك حجز عليها وأحمد طلق لوچين
فاروق بفزع: أنت بتقول ايه عمك بيعمل عملية في القلب وأني معرفشي وكمان شركته أتحجز عليها ليه وبت عمك فين واخبارها أيه
زين: يعني أنت مكنتش تعرف بده كله
فاروق بحده: كانك أتچنيت عاد هعرف ده كله وأسيب عمك وبته في الظروف دي
زين: وكنت تعرف عن طلاق لوچين
فاروق: أيوه عمك مجدي قالي المهم لوچين وينه
زين: لوچين أمعانا في العربية أهية
فاروق: أديني أكلمها أطمن عليها
زين معطيا الهاتف للوچين: كلمي عمك
لوچين بعد أن أخذت الهاتف من زين: الوه أزيك يا عموه وحشتني
فاروق: كيفك يا بتي عامله ايه وأخبارك أيه
لوچبن وعينيها تلمع بالدموع: الحمدلله يا عموه وحشتني قوي أنت وبابي
فاروق: وأني أتوحشتك أكتر يا قلب عمك بس اني عاتب عليكي كل ده يوحصل أمعاكي وأنتي لروحك ومتخبرنيش
لوچين: مكنتش عاوزه أتعب حضرتك معايا
فاروق: تعب أيه يا حبيبتي اللي بتقولي عليه لو اني وولاد عمك مش شلنا عنك مين اللي هيشيل تعافرى في ده كله لحالك كيف
لوچين: انا مش لوحدي اولا ربنا معايا وأحمد وليه شريك اسمه عمرو جوهر هما اللي شايلين كل بصراحه أنا يدوب بساعدهم في حاجات بسيطة
فاروق: ماشي يا حبيبتي أنتي لازمن تاچي أهنه تقعدي معززه مكرمه لغاية بوكي ما يرجع
لوچين بتوتر: مش هينفع يا عموه عشان شغل الشركة أهنه
زين اخذا الهاتف من لوچين : أطمن يا بوي أني هچيب لوچين علي البلد أمعايا وعمار هيفضل اهنه يتابع ويشوف وصلوا لايه
لوچين بخوف: أااااا أنا مش هينفع اروح الصعيد دلوقتي وفي الظروف دي
زين بغلظه: وأني ما بخدش رأيك أمتي هتروحي معايا بكيفك أو غصب عنيكي
عمار: روحي مع زين ومتخافيش أني هاخد بالي من كل حاچه أهنه وهتابع مع أحمد لغاية ما أنرچع كل شيء لأصله
صمتت لوچين فهي تعرف زين أن أصرت علي البقاء هنا سوف يعاند أمامها أكثر ويصر علي موقفه أكثر وسيأخذها الي الصعيد رغما عنها ذهب بهم زين الي مطعم وجلسوا يتناولون الطعام وقصت لوچين عليه كل شيء حدث لكنها لم تخبره عن شئ عنها هي وأحمد فتركت ذلك جانبا
زين : أنتي أطلقتي من أحمد من ميتي لوچين وهي تنظر ارضا بضيق: من ست شهور
زين بجده:به به به من ست شهور ليه أنتم متچوزين من ياچي سبع شهور يعني مقعدتوش مع بعض غير شهر بس ليه ايه اللي حوصل ايخليه يطلقك بعد شهر يا بت عمي
لوچين: حصل بينا مشاكل وانا كنت السبب في الطلاق أحمد كان معذور
زين: الظاهر يا بت عمي أنه كان متچوزك يستر عليكي وتلاقي عمي هو اللي طلب منيه أكده وهو شكله وافق ردا لچميل عمي عليه مش أكده
لوچين: أنت بتقول أنا مسمحلكش تقول عليا كدا
زين: أمال ده تسميه ايه واحد يطلق مراه بعد شهر من جوازهم عارفه لو أنتي عايشه عندينا في الصعيد كان زمانك مقتـ،ـوله
لوچين ببكاء: لو سمحت يا أبيه زين أنا صحيح أطلقت من أحمد بس مش زي ما أنت بتقول في حاجات تانيه حصلت هي السبب في الطلاق أنا أشرف من الشرف أنا صعيدية والشرف عندي أغلي من حياتي
زين ببرود: هنشوف حكاية الشرف دي بعدين
أستجأر عمار شـ،ـقه مفروشه وأقام بها لمتابعة المجموعة وإيجاد حل الكـ،ـارثة التي حلت بها وبعمه سافرت لوچين الي الصعيد رغما عنها مع زين أستقبلها عمها وزوجته وأحتضانها يعوضها عن كل ما مرت بهم في الفترة الأخيرة بكت لوچين في حـ،ـضن زوجة عمها فهي من تعوضها حنان والدتها دخل زين غرفته وجد نسمة تجلس حزينه وهي تمسك بطنها فهي بقي لها اقل من شهر وتضع مولودها
زين : السلام عليكم
نسمة بفتور: وعليكم السلام
زين: مالك في ايه لاويه بوزك في وشي أكده
أدارت نسمة وجهها الي الجهة الأخري ولم تجيب عليه
زين بغضب: مبترديش عليه ليه
نسمة بحزن: معرفشي ليه چايب لوچين أهنه ليه
زين بجده: أمال عوزاني أسبها وحديها في مصر لحالها كانك أتچنيتي عاد
نسمة: كنت چبت ليها شـ،ـقه تقعد فيها وكدا كدا عامر أخوك معاها هناك
زين: لاه هتقعد أهنه لمن عمي يرچع مصر تاني وساعدتها تبقي تقعد أمعاه
نسمة: يعني أنت مش ناوي على خاچه تانيه غير أكده
زين بأستفسار: حاچه زي أيه
نسمة : تتچوز لوچين
زين: بتقولي أكده ليه
نسمة: عشان أني كنت واعيه لنظراتك ليها وعارف أنك عينك منيها بس لو اعملتها وتچوزت عليا لازمن تطلقني لاول
زين بحده وهو يمسكها من ذراعها بقوة: أني لو عاوزها وعيني منيها هتچوزها علي طول ما هخافش من حد فاهمه وخشمك ده تقفليه خالص ومتخلنيش اروح أتجوزها عليكي دلوقيتي وأنتي هتفضلي تحت رچلي فاهمه ولا أفهمك بطريقة تانيه
نسمة بخوف وهي تبكي: فاهمه فاهمه



