رواية زواج لرد جميل بقلم سماح سامح

في لندن بعد أن أطمئن الطبيب المصري المرافق لمجدي علي حالته وأنه أصبح علي ما يرام اتفق مع مجدي علي الرجوع إلي مصر مرة أخرى فرح مجدي كثيرا فا أخيرا سيرجع لبلده وابنته مره أخري
مجدي: خلاص يا دكتور مصطفى حجزتلنا التذاكر
مصطفى: خلاص يا مجدي بيه أخيرا هنرجع مصر بعد اكتر من اربع شهور الواحد اشتاق لمصر وأهله جدا
مجدي: فعلا عندك حق أنا أشتاقت لبلدي وبنتي وجوزها واخويا وولاده ربنا يرجعنا من هنا علي خير
مصطفى بأبتسامة: يااااارب يا مجدي بيه
مجدي: شكرا ليك جدا علي وقفتك معايا
مصطفى: حضرتك متشكرنيش ده شغلي يا مجدي وباخد عليه اجر
مجدي: بس بردو وقفتك معايا هنا وسهرك جنبي فلوس الدنيا كلها متسوهاش
مصطفى: ربنا يخليك يا مجدي بيه أنت زي والدي وفرض عليا أقف جنب حضرتك في الغربه
مجدي بأبتسامة: ربنا يبارك فيك قولي حجزت التذاكر أمتي
مصطفى: أن شاءالله طيارتنا بكره الساعه واحده الضهر
مجدي وهو يهز رأسه بالموافقة: علي خيرة الله
مصطفى: حضرتك عرفت حد من عيلتك
مجدي: لأ هعملها ليهم مفأجاه أحسن
مصطفى: أحسن وانا كمان عشان ميقلقوش علينا وأحنا راجعين
مجدي: وأنا قولت كدا بردوا

مر اسبوعان علي ذهاب لوچين الي الصعيد وبقي عامر مع عمرو في الشركة يديران أعمالها وخاصة بعد سفر أحمد المفاجئ بدون معرفة سبب سفره سوي ما قاله أحمد وهو ذاهب للاتفاق علي صفقه كبيرة للشركة فوجئ عمرو بدخول أحمد عليه بعد أن طرق الباب
أحمد: السلام عليكم ورحمه الله وبركاته
عمرو : وعليكم السلام ورحمه الله وبركاته حمدالله علي السلامه أخيرا جيت
أحمد: الله يسلمك اعمل ايه بس يدوب علي ما خلصت والحمدلله كل الامور أتظبطت وكله تمام
عمرو مستفسرا: قصدك ايه فهمتي
أحمد: أخيرا الأنتربول قبض على النصاب اللي نصب علي عمي مجدي وطلع نصاب عالمي المحامي بتاعنا كلمني وقالي وسافرنا چنيڤ والحمدلله قدرنا نرجع ستين مليون جنيه جولتهم علي البنك من هناك
عمرو بسعادة: بتتكلم بجد بس النصاب ده كان واخد تمانين مليون كدا لسه عشرين مليون
أحمد: ما هي التحقيقات لسه شغاله معاه وأن شاءالله وعدونا اول ما يقر علي باقي ارقام الارصده الباقيه هيحولهم لينا
عمرو: الحمدلله كدا بقي نسد القرض وهنرجع كل حاجه لوضعها الطبيعي
أحمد: هههههههه لسه هنرجع الحمدلله أنا رجعت كل حاجه آمال أنا كنت بعمل ايه بقالي أكتر من شهر يدين باقي القرض وفكيت رهن القصر واتفقت علي طلابية حديد جديده عشان الشغل الباقي يكمل
عمرو: أنت شعلة نشاط بصراحه ربنا يخليك
أحمد وهو يتجه خارجا: بعد أذنك انا رايح للوچين أصلها وحشاني جدا
عمرو: ماشي يا عم الله يسهلو بس لوچين مش هنا لوچين في الصعيد
أحمد بحده:وأيه اللي وداها الصعيد
عمرو: تقريبا كدا مش راحت بمزاجها أبن عمها هو اللي خدها معاه وسأل أبن عمها التاني هنا
أحمد: أبن عمها مين اللي خدها ومين اللي هنا
عمرو: معرفشي مين اللي خدها بس اللي هنا أسمه عمار أنسان محترم جدا
أحمد بغضب: وهو فين عمار
عمرو: هو قاعد في مكتب لوچين
خرج أحمد بغضب وهو يتجه إلى مكتب لوچين دخل مندفعا فاتحا الباب
وقف عمار خلف مكتبه: أحمد حمدالله على السلامه جيت أمتي
أحمد بحده: جيت من شويه فين لوچين
عمار: عندينا فى البلد بتسأل ليه
أحمد : يعني ايه يسأل ليه مش مراتي
عمار: مراتك كيف أنت مش مطلقها من زمان
أحمد: لوچين مراتي فاهم عايز اكلمها بسرعه أطمن عليها أنا عارف أنها بتخاف من زين
عمار: وتخاف منيه ليه ده أبن عمها وأخوها
رن هاتف عمار برقم زين نظر لأحمد وهو يجيب عليه
عمار: السلام عليكم ورحمه الله وبركاته كيفك يا زين
زين: أني الحمدلله زين قوي
عمار:وابوك وامك والعيال ولوچين عملين أيه
زين: كلياتهم حلوين اسمعني زين أني هكتب كتابي علي لوچين النهارده
عمار بذهول وهو يردد كلام زين: ايه هتكتب كتابك علي لوچين
أحمد بغضب وهو يخطف الهاتف من عمار
أحمد: أنت بتقول أيه أنت اتجننت عايز تتجوز مراتي أنت أتجننت .

.
الحلقة 27 – قبل الاخيرة
.
.
في ساحل سليم بمنزل الحاج فاروق الأسيوطي يقف زين وعمار مع والدهم يودعانه قبل ذهابهما الي القاهرة من أجل الاتفاق مع مصنع اللحوم علي الأسعار الجديدة التي حددوها مسبقاً
زين: معوزشي حاچه من مصر يا بوي
فاروق: لاه يا زين يا ولدي عاوز سلامتكم بس وعاود أنت وخوك ليا بسرعة
زين : أن شاءالله نخلصوا وناچي طوالي
عمار: متقلقشي علينا يا بوي هو أحنا لسه عيال أصغيرين أحنا رچاله بشنبات
فاروق: ولو بقيتم چدود هتفضلوا بالنسبالي أطفال أصغيرين
عمار: ربنا يخليك لينا يا بوي
زين: ربنا أيطول في عمرك وتشوف عيال عيالنا أنت وأمي
فاروق: ربنا يخليكم ليا ويطرح فيكم البركة
رحل زين وعمار الي القاهرة لأتمام صفقتهم

بعد قرار الذي أتخذته لوچين بعدم الأتصال بأحمد وهي بقيت فعلا علي موقفها ولكنها كانت تتوقع أن أمتنعت هي عن الأتصال سيسرع هو للأتصال بها لكنه خيب ظنها ولم يفكر في مكالمتها ولاحظت أختفائة وعدم تواجده في الشركة وعندما سألت عمرو عليه بحجة أنها تريده يوقع علي بعض الأوراق أخبرها بأنه في مهمه للشركة خارج مصر ومر أسبوعان ولم يرجع إلى الأن تأكدت لوچين أن أحمد ندم علي ما حدث بينهما والدليل هروبه منها دائما فرت دموعها شلال علي تفريطها في نفسها فهي من رخصت له واغضبت ربها بتفريطها في نفسها فهي كانت لابد أن تصده وتمنع ذلك الخطأ الفادح التي وقعت به رفعت وجهها الي الله تدعوه
لوچين وهي ترفع يدها بالدعاء : يارب سامحني علي خطئ وأغفرلي يارب أنا ندمت وتوبت ليك مليش غيرك يا الله أنت أرحم عليا من أمي وأبويا والدنيا كلها

وصل زين وعمار الي القاهرة وبعد انتهائهما من مهمتهما في مصنع اللحوم أراد عمار الرجوع إلي أسيوط مره أخري بناء علي رغبة أبيه لكن زين رفض ذلك فهو يعلم أن والده يخبئ عليه شئ يخص عمه ولوچين قاد زين سيارته متوجها إلي قصر عمه وبعد وصوله وجد البوابه الرئيسيه مغلقه ولا يوجد أحد واقفا عليها كما أعتاد نزل من السيارة وتوجه ناحية البوابة وأخذ يدق عليها لحقه عمار ووقف بجانبه فتحت البوابه وخرج منها جمال الحارس الذي عينه مجدي
جمال: أهلا وسهلا يا زين بيه
زين: في ايه يا چمال البوابه مقفوله ليه وانت وعلاء موقفينش في مكانكم ليه
جمال بأسف: أنت متعرفش أن القصر مرهون وأحنا واقفين حراسه عليه بأمر من الباشمهندس أحمد
زين: بتقول ايه أنت أتخبلت ولا أيه وعمي يعرف بالكلام ده
جمال: أنا معرفش حاجه عن مجدي بيه من ساعة ما راح يعمل العمليه في انجلترا
عمار: عملية ايه هو مش رايح في مهمه الشركه
جمال باضطراب: أنا معرفش غير أن مجدي بيه راح يعمل عمليه
زين: ولوچين بت عمي عارفه بكل ده
جمال: طبعا يا زين بيه ما هي دلوقتي قاعده عند الداداة بتاعتها الست منيره في شبرا
عمار: ومش قاعده مع أحمد ليه
جمال بحسن نيه: هتقعد عنده أزاي وهما منفصلين
زين بحده: بتقول ايه أحمد ولوچين منفصلين أطلقوا يعني
جمال بتوتر: هو حضراتكم متعرفوش
زين بغضب:الظاهر أننا منعرفشي حاچات كتير قوي ويا تري الشركة بتاعت عمي حوصل فيها ايه
جمال: لأ الشركة زي ما هي والباشمهندس أحمد ولوچين هانم شغالين فيها عشان يرفعوا حجز البنك عنها
عمار وهو يضرـ،ـب رأسه برفق: كل ده عمي فيه واحنا منعرفشي وبت عمي قاعد عند الداده بتاعتها عشان ملقياش مكان تقعد فيه بعد جوزها ما طلقها وبيت أبوها أترهن هو أيه اللي حوصل في الدنيا يام الدنيا لهتنا لدرجادي
زين: تعالي يا عمار نروحوا نشوفوا لوچين عامله كيف وأيه اللي حوصل بالظبط

بعد أنتهاء دوام العمل بالشركة أخذت لوچين حقيبتها وغادرت الشركة لتتفاجئ بزين وعمار أمامها ينزلان من سيارتهما وقفت في مكانها برهبه من زين
زين بغلظه: أيه اللي سمعناه ده يا بت عمي صحيح قصر مجدي الأسيوطي أترهن والبنك حاچز علي الشركة كمان وصح أنك أطلقتي من أحمد كل ده يحصل وأحنا معرفينش ليه عمك وولاد عمك مش موجودين كيف ده يوحصل ومتعرفيناش ليه
لوچين بخوف: أاااا أنا كنت عاوزه أقولكم بس محبتش ازعجكم
زين بغضب هادر: أزعاچ أنتي أتچنيتي عاد تروحي تقعدي عند الداده بتاعتك واحنا موچودين وتقوليلي أزعاچ فوتي قدامي خليني أفهم منك أيه اللي حوصل بالظبط
عمار شادا علي يد زين: أهدي يا زين مش أكده وهي هتقول لينا على كل شيء
زين: حاضر يا عمار هاهدي كيف ما بتقول خلينا نفهموا يلا أركبوا العربيه خلينا نشوف حته نقعدوا فيها
صعد ثلاثتهم السيارة وتحرك بها زين الي مكان يجلسون فيه رن هاتف زين برقم أبيه أجاب زين عليه
زين: السلام عليكم ورحمه الله وبركاته يا بوي فاروق: وعليكم السلام ورحمه الله وبركاته خلصتم يا زين
زين: أيوه يا بوي خلصت أنت كنت عارف باللي حوصل لعمي يا بوي ومتقوليش
فاروق: وهو أيه اللي حوصل لعمك يا زين
زين: عمي راح أنچلترا يعمل عمليه في القلب وشركتة البنك حجز عليها وأحمد طلق لوچين
فاروق بفزع: أنت بتقول ايه عمك بيعمل عملية في القلب وأني معرفشي وكمان شركته أتحجز عليها ليه وبت عمك فين واخبارها أيه
زين: يعني أنت مكنتش تعرف بده كله
فاروق بحده: كانك أتچنيت عاد هعرف ده كله وأسيب عمك وبته في الظروف دي
زين: وكنت تعرف عن طلاق لوچين
فاروق: أيوه عمك مجدي قالي المهم لوچين وينه
زين: لوچين أمعانا في العربية أهية
فاروق: أديني أكلمها أطمن عليها
زين معطيا الهاتف للوچين: كلمي عمك
لوچين بعد أن أخذت الهاتف من زين: الوه أزيك يا عموه وحشتني
فاروق: كيفك يا بتي عامله ايه وأخبارك أيه
لوچبن وعينيها تلمع بالدموع: الحمدلله يا عموه وحشتني قوي أنت وبابي
فاروق: وأني أتوحشتك أكتر يا قلب عمك بس اني عاتب عليكي كل ده يوحصل أمعاكي وأنتي لروحك ومتخبرنيش
لوچين: مكنتش عاوزه أتعب حضرتك معايا
فاروق: تعب أيه يا حبيبتي اللي بتقولي عليه لو اني وولاد عمك مش شلنا عنك مين اللي هيشيل تعافرى في ده كله لحالك كيف
لوچين: انا مش لوحدي اولا ربنا معايا وأحمد وليه شريك اسمه عمرو جوهر هما اللي شايلين كل بصراحه أنا يدوب بساعدهم في حاجات بسيطة
فاروق: ماشي يا حبيبتي أنتي لازمن تاچي أهنه تقعدي معززه مكرمه لغاية بوكي ما يرجع
لوچين بتوتر: مش هينفع يا عموه عشان شغل الشركة أهنه
زين اخذا الهاتف من لوچين : أطمن يا بوي أني هچيب لوچين علي البلد أمعايا وعمار هيفضل اهنه يتابع ويشوف وصلوا لايه
لوچين بخوف: أااااا أنا مش هينفع اروح الصعيد دلوقتي وفي الظروف دي
زين بغلظه: وأني ما بخدش رأيك أمتي هتروحي معايا بكيفك أو غصب عنيكي
عمار: روحي مع زين ومتخافيش أني هاخد بالي من كل حاچه أهنه وهتابع مع أحمد لغاية ما أنرچع كل شيء لأصله
صمتت لوچين فهي تعرف زين أن أصرت علي البقاء هنا سوف يعاند أمامها أكثر ويصر علي موقفه أكثر وسيأخذها الي الصعيد رغما عنها ذهب بهم زين الي مطعم وجلسوا يتناولون الطعام وقصت لوچين عليه كل شيء حدث لكنها لم تخبره عن شئ عنها هي وأحمد فتركت ذلك جانبا
زين : أنتي أطلقتي من أحمد من ميتي لوچين وهي تنظر ارضا بضيق: من ست شهور
زين بجده:به به به من ست شهور ليه أنتم متچوزين من ياچي سبع شهور يعني مقعدتوش مع بعض غير شهر بس ليه ايه اللي حوصل ايخليه يطلقك بعد شهر يا بت عمي
لوچين: حصل بينا مشاكل وانا كنت السبب في الطلاق أحمد كان معذور
زين: الظاهر يا بت عمي أنه كان متچوزك يستر عليكي وتلاقي عمي هو اللي طلب منيه أكده وهو شكله وافق ردا لچميل عمي عليه مش أكده
لوچين: أنت بتقول أنا مسمحلكش تقول عليا كدا
زين: أمال ده تسميه ايه واحد يطلق مراه بعد شهر من جوازهم عارفه لو أنتي عايشه عندينا في الصعيد كان زمانك مقـ،ـتوله
لوچين ببكاء: لو سمحت يا أبيه زين أنا صحيح أطلقت من أحمد بس مش زي ما أنت بتقول في حاجات تانيه حصلت هي السبب في الطلاق أنا أشرف من الشرف أنا صعيدية والشرف عندي أغلي من حياتي
زين ببرود: هنشوف حكاية الشرف دي بعدين

أستجأر عمار شـ،ـقه مفروشه وأقام بها لمتابعة المجموعة وإيجاد حل الكـ،ـارثة التي حلت بها وبعمه سافرت لوچين الي الصعيد رغما عنها مع زين أستقبلها عمها وزوجته وأحتضانها يعوضها عن كل ما مرت بهم في الفترة الأخيرة بكت لوچين في حـ،ـضن زوجة عمها فهي من تعوضها حنان والدتها دخل زين غرفته وجد نسمة تجلس حزينه وهي تمسك بطنها فهي بقي لها اقل من شهر وتضع مولودها
زين : السلام عليكم
نسمة بفتور: وعليكم السلام
زين: مالك في ايه لاويه بوزك في وشي أكده
أدارت نسمة وجهها الي الجهة الأخري ولم تجيب عليه
زين بغضب: مبترديش عليه ليه
نسمة بحزن: معرفشي ليه چايب لوچين أهنه ليه
زين بجده: أمال عوزاني أسبها وحديها في مصر لحالها كانك أتچنيتي عاد
نسمة: كنت چبت ليها شـ،ـقه تقعد فيها وكدا كدا عامر أخوك معاها هناك
زين: لاه هتقعد أهنه لمن عمي يرچع مصر تاني وساعدتها تبقي تقعد أمعاه
نسمة: يعني أنت مش ناوي على خاچه تانيه غير أكده
زين بأستفسار: حاچه زي أيه
نسمة : تتچوز لوچين
زين: بتقولي أكده ليه
نسمة: عشان أني كنت واعيه لنظراتك ليها وعارف أنك عينك منيها بس لو اعملتها وتچوزت عليا لازمن تطلقني لاول
زين بحده وهو يمسكها من ذراعها بقوة: أني لو عاوزها وعيني منيها هتچوزها علي طول ما هخافش من حد فاهمه وخشمك ده تقفليه خالص ومتخلنيش اروح أتجوزها عليكي دلوقيتي وأنتي هتفضلي تحت رچلي فاهمه ولا أفهمك بطريقة تانيه
نسمة بخوف وهي تبكي: فاهمه فاهمه

في لندن بعد أن أطمئن الطبيب المصري المرافق لمجدي علي حالته وأنه أصبح علي ما يرام اتفق مع مجدي علي الرجوع إلي مصر مرة أخرى فرح مجدي كثيرا فا أخيرا سيرجع لبلده وابنته مره أخري
مجدي: خلاص يا دكتور مصطفى حجزتلنا التذاكر
مصطفى: خلاص يا مجدي بيه أخيرا هنرجع مصر بعد اكتر من اربع شهور الواحد اشتاق لمصر وأهله جدا
مجدي: فعلا عندك حق أنا أشتاقت لبلدي وبنتي وجوزها واخويا وولاده ربنا يرجعنا من هنا علي خير
مصطفى بأبتسامة: يااااارب يا مجدي بيه
مجدي: شكرا ليك جدا علي وقفتك معايا
مصطفى: حضرتك متشكرنيش ده شغلي يا مجدي وباخد عليه اجر
مجدي: بس بردو وقفتك معايا هنا وسهرك جنبي فلوس الدنيا كلها متسوهاش
مصطفى: ربنا يخليك يا مجدي بيه أنت زي والدي وفرض عليا أقف جنب حضرتك في الغربه
مجدي بأبتسامة: ربنا يبارك فيك قولي حجزت التذاكر أمتي
مصطفى: أن شاءالله طيارتنا بكره الساعه واحده الضهر
مجدي وهو يهز رأسه بالموافقة: علي خيرة الله
مصطفى: حضرتك عرفت حد من عيلتك
مجدي: لأ هعملها ليهم مفأجاه أحسن
مصطفى: أحسن وانا كمان عشان ميقلقوش علينا وأحنا راجعين
مجدي: وأنا قولت كدا بردوا

مر اسبوعان علي ذهاب لوچين الي الصعيد وبقي عامر مع عمرو في الشركة يديران أعمالها وخاصة بعد سفر أحمد المفاجئ بدون معرفة سبب سفره سوي ما قاله أحمد وهو ذاهب للاتفاق علي صفقه كبيرة للشركة فوجئ عمرو بدخول أحمد عليه بعد أن طرق الباب
أحمد: السلام عليكم ورحمه الله وبركاته
عمرو : وعليكم السلام ورحمه الله وبركاته حمدالله علي السلامه أخيرا جيت
أحمد: الله يسلمك اعمل ايه بس يدوب علي ما خلصت والحمدلله كل الامور أتظبطت وكله تمام
عمرو مستفسرا: قصدك ايه فهمتي
أحمد: أخيرا الأنتربول قبض على النصاب اللي نصب علي عمي مجدي وطلع نصاب عالمي المحامي بتاعنا كلمني وقالي وسافرنا چنيڤ والحمدلله قدرنا نرجع ستين مليون جنيه جولتهم علي البنك من هناك
عمرو بسعادة: بتتكلم بجد بس النصاب ده كان واخد تمانين مليون كدا لسه عشرين مليون
أحمد: ما هي التحقيقات لسه شغاله معاه وأن شاءالله وعدونا اول ما يقر علي باقي ارقام الارصده الباقيه هيحولهم لينا
عمرو: الحمدلله كدا بقي نسد القرض وهنرجع كل حاجه لوضعها الطبيعي
أحمد: هههههههه لسه هنرجع الحمدلله أنا رجعت كل حاجه آمال أنا كنت بعمل ايه بقالي أكتر من شهر يدين باقي القرض وفكيت رهن القصر واتفقت علي طلابية حديد جديده عشان الشغل الباقي يكمل
عمرو: أنت شعلة نشاط بصراحه ربنا يخليك
أحمد وهو يتجه خارجا: بعد أذنك انا رايح للوچين أصلها وحشاني جدا
عمرو: ماشي يا عم الله يسهلو بس لوچين مش هنا لوچين في الصعيد
أحمد بحده:وأيه اللي وداها الصعيد
عمرو: تقريبا كدا مش راحت بمزاجها أبن عمها هو اللي خدها معاه وسأل أبن عمها التاني هنا
أحمد: أبن عمها مين اللي خدها ومين اللي هنا
عمرو: معرفشي مين اللي خدها بس اللي هنا أسمه عمار أنسان محترم جدا
أحمد بغضب: وهو فين عمار
عمرو: هو قاعد في مكتب لوچين
خرج أحمد بغضب وهو يتجه إلى مكتب لوچين دخل مندفعا فاتحا الباب
وقف عمار خلف مكتبه: أحمد حمدالله على السلامه جيت أمتي
أحمد بحده: جيت من شويه فين لوچين
عمار: عندينا فى البلد بتسأل ليه
أحمد : يعني ايه يسأل ليه مش مراتي
عمار: مراتك كيف أنت مش مطلقها من زمان
أحمد: لوچين مراتي فاهم عايز اكلمها بسرعه أطمن عليها أنا عارف أنها بتخاف من زين
عمار: وتخاف منيه ليه ده أبن عمها وأخوها
رن هاتف عمار برقم زين نظر لأحمد وهو يجيب عليه
عمار: السلام عليكم ورحمه الله وبركاته كيفك يا زين
زين: أني الحمدلله زين قوي
عمار:وابوك وامك والعيال ولوچين عملين أيه
زين: كلياتهم حلوين اسمعني زين أني هكتب كتابي علي لوچين النهارده
عمار بذهول وهو يردد كلام زين: ايه هتكتب كتابك علي لوچين
أحمد بغضب وهو يخطف الهاتف من عمار
أحمد: أنت بتقول أيه أنت اتجننت عايز تتجوز مراتي أنت أتجننت .
.

الحلقة 28 – الاخيرة
.
.
نظر زين جانبا علي من رفع يده بقوه بالمسدس لأعلي ليجد أحمد يقف بجانبه وهو ينظر له بغضب
زين: سيب يدي عشان اغسل عاري منك ومنيها الفچرة دي
أحمد وهو ينظر له بغيظ: أخرس يا مجنون متقولش عليها فاجره لوچين أشرف منك أنت فاهم انت ايه عايز تقـ،ـتلها بدم بارد كدا ليه
زين بحده: وانت هتقول أيه ما هو أنت شريكها في الجريمه لازم تدافع عنها
أحمد: ادافع أيه وجريمة ايه اللي بتتكلم عنها وهو مازال يمسك يده بالمسدس بعد أن انزلها بجانبه
زين :معرفشي جريمة أيه يا واطي
أحمد وهو يشد علي ذراع زين بقوه: من غير غلط قول في أيه
زين بغضب: الفچرة حامل منيك ده تسميه ايه
أحمد بسعادة : أنت بتتكلم جد لوچين حامل
زين وهو يكاد أن يجن: أنت مبسوط وهي حامل منيك في الحرام
أحمد وقد أحتدت ملامحه: أخرس حرام أيه اللي بتتكلم عليه لوچين مراتي علي سنة الله ورسوله
زين بشك : كيف ده أنت مش مطلقها من ست شهور ومرديتهاش تبقي مرتك كيف
أحمد: مين قالك أني مرديتهاش أنا رديت لوچين قبل العدة ما تخلص وعمي مجدي شاهد علي كدا
فاروق: أنت بتتكلم چد يا أحمد يا ولدي
أحمد ناظراً لفاروق: أيوه يا عمي وعمي مجدي شاهد علي كدا
مجدي داخلا من باب البيت وهو يستند علي عمار: أيوه يا فاروق أحمد رد لوچين وأنا اللي طلبت منه كدا وهو وافق على طول
زين: وليه معرفتوناش سايبنه علي أغمانا ليه
مجدي: أنا اللي طلبت منه ميقولش لأسباب خاصة احب احتفظ بيها لنفسي
ترك أحمد زين وتوجه ناحية لوچين الفاقده للوعي بحـ،ـضن عليه وهي تمسد علي وجهها وحملها وتوجه بها الي الأريكة لكن علية طلبت منه أن يدخل بها أحد الغرف توجه أحمد الي حيث أشارت له ووضع لوچين علي الفراش تركتهم علية وخرجت من أجل أن تترك لهما المجال لكي يتحدثا بحريه دثرها أحمد جيدا ثم بدأ يدلك يديها وأخرج زجاجة عطره من جيبه ومررها علي أنفها بدأت لوچين تستعيد وعيها وهي تحرك رأسها يمينا ويسارا ثم فتحت عينيها ببطئ ونظرت أمامها وسرعان ما تذكرت كل شئ فقامت سريعا تصرخ وهي تتحسس بطنها بفزع
أحمد : أهدي يا حبيبتي أنتي كويسه
نظرت له لوچين ببكاء: أنت لسه جاي وجاي ليه كنت خليك بعيد وسبني أمـ،ـوت وأرتاح
أحمد بحزن وهو يحتضنها : بعد الشر عنك يا حبيبتي واللهي غصب عني أنا كان عليا مسئوليه كبيره مكنتش عارف أتصرف ازاي أنا أسف
لوچين وهي تنفض ذراعيه بعيدا عنها: متلمسنيش كفايا أغضبت ربنا مرة مش هكررها تاني ابعد عني
أحمد: وتفتكري يا حبيبتي أني ممكن أحطك أو احط نفسي في موقف يغضب ربنا
لوچين: يعني ايه مش فاهمه
أحمد وهو يحاوط وجهها بين يديه: أنتي مراتي علي سنة الله ورسوله أنا رديتك قبل العدة ما تخلص أحنا معملناش حاجه غلط
لوچين بدموع فرح: بتتكلم جد يا أحمد يعني ثم نظرت إلى بطنها
أحمد وهو يتحسس بطنها برفق: أه ابننا ولا بنتنا ولاد حلال يا حبيبتي
نظرت لوچين لأحمد ثم ارتمت في حـ،ـضنه تتلمس رائحة الأمان التي فقدتها
لوچين : أنت عرفت منين
أحمد بضحك: من أندر تيكر اللي بره
لوچين: هههههههه قصدك أبيه زين
أحمد مشددا عليها داخل حـ،ـضنه: أه وحشتيني قوي يا روح قلبي مشتاق ليكي جدا
لوچين وهي تنظر إليه : ليه مقولتليش ليه سبتني أتعذب في بعدك كل الوقت ده
أحمد وهو يضمها له مجددا: اولا عمي هو اللي طلب مني كدا ثانيا كنت مجروح منك قوي يا چين عشان شكيتي في حبي وفي شرفي خلتيني أغضب وانا لما بغضب بدمر ففضلت ابعد عنك عشان مأذكيش
لوچين بخجل: أنا أسفه حقك عليا
أحمد وهو يقبل رأسها: أنا اللي أسف لأني تماديت في غضبي بس كان غصب عني
دخل مجدي عليهما وهو يتنحنح : احم احم چين حبيبة بابا عامله ايه
لوچين بصرخة فرحه: بابي أنت جيت أمتي حمدالله على سلامتك يا قلبي وعمري وحشتني قوي
ثم قامت مسرعه ولكن أحمد اجلسها ثانيا
أحمد: أهدي يا حبيبتي وبراحه عشان ولي العهد اه خلي بالك منه قوي
أقترب مجدي من لوچين يحتضنها وهو يضحك: أحلي خبر سمعته بنوتي القمر هتبقي مامي وانا جدو مش مصدق
لوچين وهي تحتضن والدها بشده: هتبقي أحلي جدو ربنا يخليك ليا وميحرمنيش منك ابدا انت نعمه كبيرة قوي ربنا يديمك في حياتي طول العمر
مجدي: أنتي وأحمد اللي أكبر نعمه ربنا عوضني بيها عن اللي راح ربنا يخليكم ليا يا حبايب قلبي
أحمد بحب: ويخليلك لينا يا أحلي وأغلي بابا في الدنيا كلها
مجدي وهو يحتضن أحمد بحب: أخيراً قولت بابا كان نفسي أسمعها من زمان
أحمد: واللهي حاسسها من زمان وحستها أكتر لما تعبت خفت عليك جامد وأنت رايح تعمل العملية وسعيت علي قد ما أقدر أنك لما ترجع تلاقي كل حاجه زي ما سبتها
لوچين ببكاء: ربنا يخليكم ليا وميحرمنيش منكم ابدا وأعملوا حسابكم من النهارده متسبونيش لوحدي تاني فاهمين اقل حاجه واحد منكم يبقي موجود معايا
أحمد: عندك حق بعد اللي حصل لازم حد فينا يبقي موجود معاكي علي طول

في الخارج أعتذر عمار من المأذون والرجال معه واخبرهم أن زوج أبنة عمه ردها دون علمهم فتفهموا الأمر وأنصرفوا علي الفور
جلس زين علي الأريكة يستوعب ما مر به
فاروق بغضب: هتفضل طول عمرك متهور كنت هضيع نفسك وبت عمك وعمك حرام عليك تعبتني وتعبت أعصابي
زين : كنت عاوزني أسكت واني شايف غلط
وعار هيلحقنا العمر كله
فاروق: متقوليش أكده بنت عمك مؤدبه ومحترمه وچوزها كمان بيخاف ربنا
زين: أيوه بس لما عملت العمله دي وياه مكنتش تعرف أنه ردها يعني فرطت في نفسها
فاروق: عشان وثقت فيه وأحمد راچل عمره ما هيخذلها وهي عارفه أكده بص للمشكله من چميع النواحي يا ولدي عشان تعرف تحكم صوح متبصش تحت رچليك عشان متقعش وترچع تندم وقت لاينفع فيه ندم

دوي صراخ عاليا يأتي من الطابق الثاني هلع الچميع قفز زين أول الچميع وصعد الدرج في لمح البصر وتوجه ناحية غرفتة لان صراخ قمر يأتي منها فتح الباب وصدم بمنظر نسمة وهي غارقه في دمائها وقمر تحمل رأسها علي قدميها تحاول أن تفيقها
زين بفزع: فيه ايه حوصل أيه
قمر ببكاء: أني كنت قاعده معاها بهدي فيها وطيب خاطرها فا صرخت من مغص أيچي ليها وقامت تروح الحمام وقعت من طولها ولقيتها بتنزف أكده
حملها زين وهو مرعوب من الخوف عليها ونزل بها سريعا صرخ في عمار وهو يقابله علي الدرج
زين: أنزل بسرعة أفتح العربيه ودورها نسمة بتنزف وهتروح مني
عمار وهو يجري أمامه: حاضر حاضر
خرج مجدي وأحمد ولوچين تستند علي أحمد شاهدوا زين وهو ينزل يحمل زوجته جري أحمد خلفه وهو يعطي لوچين لمجدي
أحمد: خليك أنت هنا يا عمي عشان تعبان وخلي لوچين معاك وانا رايح معاه
مجدي: طمنا بالتليفون لاني مش قادر اجي فعلا
أحمد وهو يعدو خلف زين: حاضر يا عمي
فاروق أستني يا أحمد يا ولدي خدني معاك
أحمد وقد خرج من المنزل: هاجي اخدكم بعدين المهم نلحقها دلوقتي
صعد زين بنسمة في السيارة من الخلف وجلس عمار أمام مقعد السائق وصعد أحمد بجوار عمار
قاد عمار السيارة بسرعة كبيرة الي المشفي
زين بندم شديد: فوقي يا حبيبتي فوقي يا حبة عيني حقك عليا أني أسف مهزعلكيش واصل بعد أكده بس فوقي وردي عليا
نسمة بضعف: خلي بالك من عيالي يا زين عيالي أمانه في رقبتك لو حصلي حاچه
زين ببكاء: متقوليش أكده يا قلبي أن شاءالله هتعيشي وأنتي اللي هتربيهم قومي متفتنيش لحالي أني من غيرك أمـ،ـوت
أستغرب أحمد كثيراً علي حب زين لزوجته كيف بحبها ويفعل بها ذلك لكن ما تأكد أحمد منه أن زين متهور وتهوره يقوده للجنون وصلوا الي المشفي ونزل أحمد وعمار يساعدان زين علي النزول بزوجته وصعدا بها الي داخل المشفي وهو يصرخ بمن يغيثه استقبله تمريض المشفي حاملين نسمة علي الترولي وتوجهوا بها ناحية غرفة العمليات بعد استدعاء الأطباء المختصون وقف الثلاثه في الرواق أمام غرفة العمليات ينتظرون أن يخرج لهم أحد يطمئنهم عليها بعد فتره خرجت ممرضه تخبرهم بحاجة المريضه للدماء لان فصيلتها لا يوجد ما يكفي لها في بنك الدم بالمشفي ومن حسن حظهم تطابقت فصيلتها مع فصيلة أحمد وذهب مع الممرضه للتبرع لها وبعد أن أنتهي رجع يقف معهما ثانيا حتي تخرج ويطمئنوا عليها
زين بخزي: أني مش عارف أتشكرلك أزاي اللي أنت أعملته ليا دين وچميل في رقبتي العمر كله قولي كيف أرده ليك
أحمد : مش وقت الكلام ده يا زين أحنا أخوات بس نطمن علي مراتك وأنا كنت هعمل لأي حد حتي لو غريب أنما أنت أخو مراتي واخويا مش هقف جنبك في الظروف دي
زين: أنت فعلا أبن أصول كيف ما قال عنك عمي ويحقله يختارك ويفضلك علي الكل
عمار: عندك حق يا زين لو شفت كيف الموظفين بشكروا فيه كنت عرفت من زمان
أحمد: أنتم كدا بتحرجوني انا ما بعملش غير الصح والأصول
خرج الطبيب جري عليه زين ثم لحقه أحمد وعمار
زين : خير يا ضكتور مرتي عامله ايه
الطبيب: للأسف هي دخلت في غيبوبه نتيجة النزيف اللي أتعرضتله لو عدي عليها ٤٨ساعه أن شاءالله هتبقي كويسه
زين بخوف: غيبوبه والحل أتصرف يا ضكتور أني مقدرش أعيش من غيرها لحظه واحده
الطبيب: أحنا عملنا اللي علينا وقفنا النزيف وولدناها لان الجنين أكتمل ووضعه مكنش مستقر وأن شاءالله تبقي كويسه بس أنت أدعي ليها
زين وهو يضع يديه على رأسه : يارب قومها بالسلامه يارب أني من غيرها أضيع
جاءت الممرضة من خلفهم وهي تحمل الطفل الممرضة: مين والد الطفل
زين مستديرا لها: أني أبوه
الممرضة: سمي يا أستاذ علي أبنك
زين والدموع تسيل من عينيه: هو زين ولا فيه حاچه هو كمان
الممرضة: لأ بالعكس الطفل طبيعي وصحته كويسه جدا ربنا يباركلك فيه
عمار معطيا للمرضة نقودا: ربنا يبارك فيكي يا ست الحكيمة تعبناكي معانا شكرا ليكي
الممرضة بفرحه: تعبكم راحه ربنا يخليه لكم ويتربي في عزكم بعد اذنكم
بقيت نسمة بالعناية يومان لم يغادر زين المشفي وبقي بجوارها وطلب من الطبيب الدخول لها وأذن له الطبيب وبعد أن لبـ،ـس لبـ،ـس العنايه دخل وجلس علي مقعد بجوار فراشها التي ترقد عليه ومسك يديها
زين وهو يقبل يد نسمة: نسمة سمعاني يا قلبي أني عاوزك تشدي حيلك وتقوميلي بالسلامه أني من غيرك عايش من غير روح مش عارف ازاي عقلي طاوعني عشان أعمل فيكي أكده أني حمار مبفهمش عشان أزعل حبيبتي وروحي وعقلي الحمدلله أن أحمد وعمي أيچوا بسرعة قبل ما أتهور واقتـ،ـل چين مش عشان خايف على نفسي لا عشان كنت عايز أطلعلك وأتاسفلك وأبـ،ـوس يدك وقولك سامحيني يا حبيبتي وروحي وعمري أني قاعد أنه من ساعة ما دخلتي ومش هخرچ غير وأنتي امعاي قومي عشان لوچين وليان وأحمد ولادنا أني سميت ولدنا أحمد علي أسم أحمد چوز ليان عشان أتبرعلك بدمه وانقذك ده أقل حاچه أعملهاله ثم قبل يدها ونزلت دموعه عليها رفع وجهه ونظر اليها بحبك قوي يا روح قلبي أسند جبهته علي يدها الممسك بها وصمت لثواني سمع صوتها
نسمة بتعب: قولي بحبك يا بقره
رفع زين رأسه وهو لا يصدق وتحدث معها: بحبك يابقرة بحبك يا روح قلبي وعقلي
نسمة : هو أني لازمن أمـ،ـوت عشان تسمعني الكلام الحلو ده كله
زين وهو يحتضنها برفق والدموع في عينيه: قومي بالسلامه واني هسمعك كل الكلام الحلو اللي في الدنيا كلها

خرجت نسمة من المشفي بعد أن تعافت ورجعت لمنزلها وعادت الحياة الي طبيعتها ولكن مع زيادة جرعة الحب والأهتمام والدلع من زين بنسمة ليعوضها عما فعله بها

عادت العائلة السعيدة مرة أخرى إلى القاهرة ورجعوا الي الأقامة بقصر الأسيوطي ثانيا وهذه المرة لم يسمح مجدي لأحمد ولوچين بالإبتعاد عنه مره أخري لم يعترض أحمد لأنه بعد الذي حدث لن يترك مجدي وحده بسبب ظروف مرضه ورجعت مجموعة الأسيوطي الي سابق عهدها وأفضل مرت الأيام لا يعكر صفوهم شيئاً وفي يوم وهم في أجتماع مجلس إدارة دخلت عليهم السكرتيرة معتذرة
السكرتيرة: أنا أسفه يا فندم بس البيت أتصل علي تليفون الشركة عشان تليفونات حضراتكم مقفوله
مجدي : خير يا صفاء في أيه
صفاء: مدام چين تعبت وداده منيرة خدتها مع السواق وراحت المستشفي
أحمد وهو يحك لحيته الخفيفة ويهز رأسه بيأس وبصوت منخفض: تاني دي كدا خامس مره في أسبوعين وفي الأخر متطلعش ولادة يلا أمري لله هعمل ايه
مجدي: خلاص روحي أنتي يا صفاء
أحمد: كمل حضرتك يا مجدي بيه الاجتماع مع عمرو وانا هروح اشوف مراتي
مجدي: لأ أحنا تقريبا خلصنا عمرو ينهي هو الاجتماع وأنا جاي معاك
أحمد وهو يرتدي سترته: ماشي يا عمي يلا بينا
عمرو: انا هخلص الاجتماع وأحصلكم
أحمد: ماشي يا عمرو بس يارب تبقي ولاده أصل أنا خلاص مش قادر علي كدا
مجدي بضحك: بتدلع عليك بقي قبل ما البيبي يجي وياخد الدلع كله
أحمد بضحك: تدلع براحتها دا حتي عيب الواحد يلاقي دلع وميدلعش
وصل أحمد ومجدي الي المشفي وتوجها ناحية قسم الولادة وجد منيرة تقف أمام غرفة العمليات
منيرة بخوف: الحق يا باشمهندس چين عماله تصوت ومش راضيه تولد غير وأنت معاها
مجدي بلهفه: أدخل ليها يا أحمد بسرعة بنتي مجنونه وتعملها
أحمد: حاضر يا عمي
دخل أحمد الي غرفة الولاده بعد أن لبـ،ـس زي التعقيم ومسك يد لوچين يقبلها ويهدئها
أحمد: أهدي يا حبيبتي وان شاءالله تقومي بالسلامه
لوچين بألم: أه تعبانه اوي اوي يا أحمد وكانوا عايزيني أولد وأنت مش موجود بس انا موفقتش
أحمد مقبلا رأسها: وأنا جيت بسرعة اول ما داده منيرة أتصلت
لوچين: أه مش قادرة همـ،ـوت
أحمد مقبلا يدها : بعد الشر عليكي يا حبيبتي

وبعد فترة طويلة خرج أحمد من غرفة العمليات وهو يحمل طفله معطيا إياه لمجدي
أحمد: يلا يا حبيبة سلمي علي جدو
مجدي بدموع فرح وهو يحملها: بسم الله ماشاء الله هي بنت
أحمد: أه حبيبة علي اسم ماما
مجدي وهو يقبل جبهتها: ربنا يخليها ويبارك فيها ويجعلها ذريه صالحه أن شاءالله
أحمد: أمين يارب يا عمي
مجدي:لوچين فين وعامله أيه
أحمد: الحمدلله كويسه وهتخرج دلوقتي تروح علي الاوضه بتاعتها
أجتمع جميعا في غرفة لوچين
مجدي وهو يقبل لوچين: حمدالله على سلامه حبيبة بابي وحبيبة جدو
لوچين: الله يسلمك يا بابي شوفت حبيبة
مجدي: طبعا قمر زي مامتها عقبال المرة الجايه أن شاءالله
أحمد بأعتراض: مش دلوقتي خالص لغاية أثار عض لوچين في أيدي ما تروح علي الاقل
لوچين : كدا ماشي يا أحمد وبعدين هو انا هتعب لوحدي لازم تتعب معايا
ضحكوا جميعا بسعادة غامرة حمد مجدي ربه علي ما هو فيه من نعمه وان الله هدي له بنته الوحيدة وعوضته فقدان أخواتها وامها وعاشوا جميعا بسعاده وحبيبة تكبر بينهم بحب .

النهاية

8 من 8التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى